Date
शुक्र, मंसिर ४, २०८३
Fri, November 20, 2026
Home Blog Page 922

पाेखरियामा बुवाकाे चक्कु प्रहारले छाेराकाे ज्यान गयाे

0

वीरगंज । पर्साकाे पाेखरिया नगरपालिका वडा नं. ६ श्रीसियामा बुवाकाे चक्कु प्रहारले छाेराेकाे ज्यान गएकाे छ ।

स्थानिय ७० बर्षिय बुवा लक्ष्मी साह राैनियारकाे चक्कु प्रहारले ३५ बर्षिय छाेरा माधाे साह राैनियारकाे मृत्यु भएकाे प्रहरीले जनाएकाे छ । चक्कु प्रहार गर्ने बुवा लक्ष्मीलाई इलाका प्रहरी कार्यालय पाेखरियाले नियन्त्रणमा लिएकाे छ ।

चक्कु प्रहारबाट गम्भिर घाइते माधाेलाई उपचारकाे लागि वीरगंजस्थित नेशनल मेडिकल कलेजमा लग्ने क्रममा बाटाेमा मृत्यु भएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

साेमबार सांझ ७:१५ बजे लक्ष्मिले छाेरा माधाेमाथी चक्कु प्रहार गरेका थिए । चक्कु प्रहारबाट गम्भि घाइते माधाेलाई सुरुमा उपचारकाे लागि पाेखरिया अस्पताल लगिएकाे थियाे । पाेखरिया अस्पतालले रेफर गरेपछि वीरगंज लग्ने क्रममा मृत्यु भएकाे जानकारी प्राप्त भएकाे प्रहरी निरिक्षक सिंहले वताए ।

चक्कु प्रहार गर्ने लक्ष्मिलाई  नियन्त्रणमा लिएर घटना बारे थप अनुसन्धान भइरहेकाे सिंहले जानकारी गराए ।

लक्ष्मीले रक्सी खाएर आएपछि भएकाे भनाभनकाे क्रममा छाेरा माधाेमाथी चक्कु प्रहार गरेकाे स्थानियहरुले वताएका छन् ।  

सिगरेट वेस्ट मेनेजमेन्ट-३७१ प्रोजेक्ट वीरगंजमा सुरु

0
वीरगंज । वातावरण जिउने आधार संस्थाद्वारा साेमबार पत्रकार सम्मेलनको आयोजना गरि सिगरेट वेस्ट मेनेजमेन्ट -३७१ नामक परियोजना वीरगंजमा सुरु गरेकाे जनाएकाे छ । परियाेजना अन्तर्गत फालिएका चुटोटका ठुटाहरुलाई व्यवस्थापन गरि वातावरणलाई जोगाउनुको साथै रोजगारीसमेत पाउने संस्थाका केन्द्रिय अध्यक्ष आकाश चौहानले वताए ।
 
उनले चुटोटका ठुटा सडन १० बर्ष समय लाग्ने भएकोले यसलाई संकलन गरि चुरोटको ठुटामुक्त शहर बनाउन सकिने बताए ।यसको लागि संस्थाले बढी मात्रामा खपत हुने ठाउँमा भाडोको व्यवस्था गर्ने र प्रती केजि २०० का दरले खरिद गर्ने र त्यसबाट निस्कने बिष तथा निकोरिनलाई विघटन गरि रुईबाट सिरानी र डसना बनाउन सकिने बताए ।
 
एक हप्तामा एक मिलियन चुरोट संकलन भएको एक अनुसन्धानले देखाएको उनले जनाए । 
 
संस्थाले यश अघि पनि वातावरण सम्बन्धि शहर भित्र हाईवोमा, खाली जग्गामा र घर आगनमा कस्तो बोटबिरुवा लगाउनु पर्छ र यसले वातावरणलाई कस्तो प्रभाव पार्छ भनेर जानकारी गराएका थिए ।
 
त्यसै गरि सिर्सिया नदि बचाउ अभियान अन्तर्गत सिर्सियाको पानीले वातावरणलाई र जीवजन्तुका साथै मानिसको जिवनमा कस्तो प्रभाव पार्छ भन्ने प्रोजेक्टरबाट जनचेतना मुलक कार्यक्रम गर्दै आईरहेको थियो ।
 
पत्रकार सम्मेलनमा संस्थाका केन्द्रिय उपाध्यक्ष रुपक पटेल, क्षेत्रीय अध्यक्ष आशुतोष चर्तुवेदी, पर्सा जिल्ला अध्यक्ष रोहित बर्णवाल, नेपाल पत्रकार महासघ प्रदेश न.२ का उपाध्यक्ष केसि लामिछाने, प्रदेश सदस्य जगत राई, सल्लाहकार राजन रौनियार लगायतले मन्तव्य राखेका थिए ।

बाल दिवसकाे अवसरमा शैक्षिक सामग्री वितरण

0

पाेखरिया । नेवि संघ पोखरियाले बाल दिवसकाे अवसरमा साेमबार एक कार्यक्रमका बिच बालबालिकाहरुलाई शैक्षिक सामग्री वितरण गरेकाे छ ।   

बाल दिवसकाे अवसरमा पाेखरिया नगरपालिकाकाे वडा नं. ४ स्थित रहेकाे श्री नेपाल रेडक्रस प्राथमिक बिधालयमा ६५ जना र पाेखरिया नगरपालिकाकाे वडा नं. ५ सतवरियास्थित रहेकाे श्री राधा कृष्ण प्राथमिक बिधालयमा ७० जना बालबालिकाहरुलाई शैक्षिक सामग्री वितरण गरिएकाे नेवि संघले जनाएकाे छ ।

बालबालिकाहरुलाई कापी, पेन्सिल, ईरेजर, कट्टर, सर्जिकल माक्स, मिठाई लगायत सामग्री बितरण गरिएकाे नेवि संघ पाेखरिया नगरपालिकाका संयाेजक सन्ताेष महताेले जानकारी दिए ।   

संयोजक महतोको अध्यक्षतामा भएको कार्यक्रममा पोखरिया युवा समाजका अध्यक्ष नौसाद आलम, नेवि संघका नेता राजेश गिरी, मनोज कलवार, अकलख आलम, अब्दुल आजद आलम, निरंजन क्षेत्री, नवल ठाकुर, जयप्रकाश ठाकुर लोहार, सन्जय चौहान, नन्दकिशोर यादव, ओमकार रौनियार, रुसतम आलम लगायतकाे उपस्थिती रहेकाे थियाे ।

भेडिहारीले ६ महिनामा यी ३ नेता गुमाए

0

वीरगंज । पर्साकाे कालिकामाई गाउँपालिका वडा नं. २ भेडिहारीले ६ महिना भित्र ३ नेता गुमाएकाे छ ।  २०७६ सालकाे हाेली यता भेडिहारीका ३ अगुवाकाे असमायिक निधन भएकाे छ । नेपालमा काेराेना महामारी सुरु भएपछि तिनै जनाकाे निधन भएकाे हाे ।

थाेरै समय भित्र ३ जनाकाे निधनले भेडिहारीकाे राजनितिक तथा समाजिक क्षेत्रमा क्षति पुगेकाे गाउँले वताउँछन् ।

१. स्व. माेहन साह कानु
श्री रामजानकी प्राथमिक विद्यालय भेडिहारीका संस्थापक अध्यक्षसमेत रहेका माेहन साह कानुकाे फागुन २८ गते निधन भयाे । ६० बर्षिय कानुकाे लागि २०७६ सालकाे अन्तिम हाेली रह्याे । हाेली पर्वकाे भाेली पल्ट माेर्निङ वालकमा निस्केका उनी घर फिर्ता आउन सकेन । उनकाे निधनकाे खबरले भेडिहारी बासीलाई आश्चर्य चकित बनाएकाे थियाे । 

माओबादी पृष्ठभुमिका नेता कानु हर्ट राेगका बिरामी थिए । उनी नेपाल कम्युनिष्ट पार्टी (नेकपा) पर्साका जिल्ला कमिटी सदस्यसमेत थिए । कानुकाे निधनले पार्टी पंकतीसमेत क्षति पुगेकाे उनकाे अन्त्यष्टिमा सहभागि नेकपा नेताहरुकाे भनाई थियाे ।

उनी क्रान्तिकारी स्वभावका व्यक्ति थिए । उनकाे निधनले भेडिहारी गाउँलाई एउटा असल अगुवा गुमाउनु पर्याे ।  

२. स्व. सुरेन्द्र प्रसाद चाैरसिया
पूर्व गाविस अध्यक्ष सुरेन्द्र प्रसाद चाैरसियाकाे असार २४ गते निधन भयाे । कानुकाे निधनकाे ३ महिनापछि अर्का अगुवा ७० बर्षिय चाैरसियाकाे निधन भयाे । त्यसले भेडिहारीलाई थप एक नेता गुमाउनु पर्याे ।

काेराेना महामारी कै समयमा चाैरसियालाई संसार छाेड्नु पर्याे । उनकाे असमायिक निधने पनि भेडिहारीलाई क्षति पुगेकाे गाउँलेहरु वताउँछन् ।  चाैरसिया डाक्टर पनि थिए । गाउँघरमा हुने साधारण बिरामीहरुकाे उनले नै उपचार गरिदिने गर्थे । 

चाैरसिया तत्कालिन सदभावना पार्टीबाट बि.स. २०५० सालमा गाविस अध्यक्षमा निर्वाचित भएका थिए ।

३. स्व. रामाधार साह तेली
गाबिस पूर्व उपाध्यक्ष रामाधार साह तेलीकाे भदाै ७ गते निधन भयाे । चाैरसियाकाे निधनकाे २ महिनापछि काेराेना महामारी कै समयमा ७० बर्षिय तेलीकाे निधन भयाे । तेलीकाे निधनले फेरी भेडिहारीलाई अर्का अगुवा गुमाउनु पर्याे ।

उनी नेपाली कांग्रेस कालिकामाई गाउँपालिका वडा नं. २ का वडा समितिका उप सभापतिसमेत थिए । उनी गत स्थानिय तहकाे निर्वाचनमा नेपाली कांग्रेसबाटै नै वडाध्यक्षकाे उम्मेदवार भएका थिए । तर पराजित भएका थिए ।

 तेलीकाे निधनले भेडिहारी गाउँवासीलाई थप पिडा दियाे र सरल स्वभावकाे एउटा असल नेता गुुमाउनु पर्याे ।

पर्सामा फेरी एक काेराेना संक्रमित महिलाकाे मृत्यु

0

वीरगंज । पर्सामा फेरि थप एक काेराेना भाइरस (काेभिड १९) संक्रमित महिलाकाे मृत्यु भएकाे छ ।

गण्डक काेभिड अस्पतालमा उपचारत वीरगंज-१० की ५५ बर्षिय महिलाकाे मृत्यु भएकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए ।

प्रवक्ता डा. चाैरसियाका अनुसार भदाै २२ गते काेराेना संक्रमण पुष्टि भएकाे महिलाकाे आइतबार दिउसाे २:५५ बजे उपचारकाे क्रममा मृत्यु भएकाे हाे ।

ज्वाराे र स्वासप्रश्वासमा समस्या देखिएपछि अस्पताल भर्ना गरिएकाे महिलामा फाेक्साे फाइब्राेसिस पनि देखिएकाे थियाे ।

याेस‍ंगै पर्सामा जिल्ला प्रशासन कार्यालयकाे तथ्यांक अनुसार काेराेना संक्रमणबाट मृत्यु हुनेकाे संख्या ४३ पुगेकाे छ ।  

बार्षिकाेत्सवकाे उपलक्ष्यमा रक्तदान कार्यक्रम

0
वीरगंज । “देश बिकासका लागि युवा सशक्तता आजको आवस्यकता “भन्ने मुल नाराका साथ स्थापित बिरगंज भिस्वा युवा क्लब बिरगंज -१५ पर्साको ८ औं बार्षिकाेत्सवको उपलक्ष्यमा आइतबार रक्तदान कार्यक्रम सम्पन्न भएकाे छ ।
 
भिस्वा छठ घाटमा भएकाे कार्यक्रममा ४ महिलासहित ३२ जनाले रक्तदान गरेका थिए । कार्यक्रममा अजिता मरासनी, रेणु कुमारी सिंह, रम्भा देबि, पार्वती देबि, राधा बैठा, राजकुमार साह, दिनेश प्रसाद कुसवाह, मोहन साह, राधेश्याम गुप्ता, दिलिप कुमार साह, शिवशन्कर पटेल, दिलिप राज महतो, किशोरी साह, राजाबाबु गुप्ता, सन्दीप कुमार सिंह, सम्भु महतो, नवरन्जन ठाकुर, दिपेन्द्र प्रसाद साह, सन्दिप कुमार कुसवाह, बिनेस कुमार सहनी, मुन्ना बर्णबाल, चन्दन साह, राकेश कुमार साह लगायतकाले रक्तदान गरेका हुन् ।
 
क्लबका अध्यक्ष उदय नारायण कुशवाहको अध्यक्षतामा र पर्साकाे क्षेत्र न.१ का प्रतिनिधि सभा सदस्य प्रदीप यादवको प्रमुख आतिथ्यमा भएको कार्यक्रमका बिरगंज पब्लिक कलेजका प्रोफेसर डा. दिपक शाक्य, सामाजिक अभियन्ता एवं युवा नेता ओमप्रकाश सरार्फ, वडा न१६ का वडाध्यक्ष श्याम बाबू चौरसिया, वडा न.१५ का कार्यवाहक वडा अध्यक्ष छोटेलाल साह कानु, अपराध अनुशन्धान उपप्रमुख कुमार खड्का, वडा प्रहरी कार्यालय श्रीपुरका प्रहरी निरीक्षक दिपक साह लगायतकाे सहभागीता रहेको थियो ।
 
रक्त संचार केन्द्र वीरगंजकी प्राबिधिक दिलमाया घिमिरे नेतृत्वकाे टाेलीकाे प्राविधिक सहयाेगमा भएकाे कार्यक्रमकाे सहजीकरण क्लबका सल्लाहकार केशर दासले गरेका थिए ।
 
 
यस्तै बार्षिकाेत्सव कै अवसरमा मारवाडी सेवा समिती काठमाडौंकाे सहयाेगमा क्लबले होमियोपैथीक औषधिसमेत बितरण गरेकाे थियाे ।

पर्साका ८ सहित थप १८ जनामा काेराेना संक्रमण पुष्टि

0

वीरगंज । पर्सा र बाराकाे थप १८ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा आइतबार सांझ गरिएकाे परिक्षणमा पर्साका ८ र बाराका १० जनामा काेराेना संक्रमण पुष्टि भएकाे हाे ।

२९० जनाकाे स्वाबकाे नमुना परिक्षण गर्दा ५ महिलासहित १८ जनामा काेराेना संक्रमण देखिएकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । थपिएका संक्रमितहरु १७ बर्षदेखी ७४ बर्ष सम्मका रहेका छन् ।

उनीहरुकाे सिटी भ्यालु १५ देखी २४ सम्म रहेकाे प्रवक्ता डा. चाैरसियाले वताए ।

संक्रमित हुनेमा पर्साकाे वीरगंज महानगरपालिकाकाे ५ जना, बडेर्वा, परवानीपुर र पटेर्वा सुगाैली गाउँपालिकाकाे १-१ जना रहेका छन् । यस्तै बाराकाे जितपुर सिमराका ६ जना, सिम्राैनगढका ३ जना र सवर्ण गाउँपालिकाकाे एक जना संक्रमित भएका हुन् ।

जनमत पार्टीकाे बहुअर्वा भाठ्ठा र पिडारीगुठीमा जनपरिचालन समिति गठन

0

वीरगंज । जनमत पार्टीकाे विन्दवासिनी गाउँपालिकाकाे वडा नं. २ बहुअर्वाभाठ्ठा र जगरनाथपुर गाउँपालिकाकाे वडा नं. १ पिडारीगुठीमा जनपरिचालन समिति गठन भएकाे छ ।

विन्दवासिनी गाउँपालिकाकाे वडा नं. २ बहुअर्वाभाठ्ठामा निलम मुखियाकाे अध्यक्षतामा ३८ सदस्यीय महिला जनपरिचालन समिति गठन भएकाे छ । जुन समितिकाे उपाध्यक्षमा लालसा देवी साह, कोषाध्यक्षमा कलावती देवी सोनार, सचिवमा शान्ति देवी, सदस्यहरुमा प्रभावती देवी, गिता देवी, सिता देवी, सरस्वती देवी, कोसिला देवी, मन्जजु देवी, रामदुलारी देवी, उरमिला देवी, रन्जिता देवी, अनिता साह सोनार, जयसखा खातुन, लालपरी देवी लगायत रहेका छन् ।

यस्तै जगरनाथपुर गाउँपालिकाकाे वडा नं. १ पिडारीगुठीमा चन्दन चौहानकाे अध्यक्षतामा ३५ सदस्यीय जनपरिचालन समिति गठन भएकाे छ । जुन समितिकाे सदस्यहरुमा कृष्णा चौबे, जयप्रकाश पटेल, जगदिश गिरी, दिपु सिंह पौडेल, हरिन्द्र राम, बसन्त राउत कुर्मी, प्रभु राम, दसरथ ठाकुर लगायतका रहेका छन् ।

पार्टी पर्साकाे जिल्ला ईन्चार्ज सन्तोस साह, सह इन्चार्ज इ.राहुल रौनियार, पार्टीकाे महिला जिल्ला अध्यक्ष अनिता रौनियार, उपाध्यक्ष सबो खातुन र सदसय नजमा खातुनकाे विशेष उपस्थिति समिति गठन भएकाे हाे ।

जेसिजद्वारा चाैथाे दिन पनि राहत वितरण

0
वीरगंज । कलैया सिटी जेसिजले चुलो बाल्ने अभियानलाई आइतबार पनि निरन्तरता दिएको छ । अभियानकाे चाैथाे दिन थप ६० घर परिवारलाई खाद्यान्न सामग्री वितरण गरिएको जेसिज जिल्लाका उपाअध्यक्ष तथा कार्यक्रम संयोजक पवन कुमार कुशवाहाले जानकारी दिए ।
 
बिहीबारदेखि सुरु गरिएको सो अभियानअन्तर्गत जेसिजले पहिलो दिन ३१, दोस्रो दिन ५१, तेश्रो दिन ५५ र आइतबार चाैथाेे दिन ६० गरी हालसम्म १९७ घर परिवारलाई राहत वितरण गरेकोे छ । जेसिजले राहतस्वरुप १० किलो चामल, १ किलो दाल, सोयाबिन ५ सय ग्राम, नुन १ केजी, लुगा धुने तथा नुहाउने साबुन, १ प्याकेट सलाई वितरण गर्दै आएकाे छ ।
 
कोरोना भाईरस (कोभिड-१९) संक्रमण राेकथाम तथा नियन्त्रणकाे लागि जारी लाेमाे बन्दाबन्दीले दैनिक गुजारा चलाउन नसक्ने परिवारका लागि यो चुलाे बाल्ने अभियान संचालन गरिएकाे जेसिजले जनाएकाे छ । महामारीका कारण श्रमजिवी तथा विपन्न परिवार नै मारमा परेकाले उनीहरुको चुलो बलोस् भन्ने उद्धेश्यले यो अभियान संचालन गरी सहयोग गर्न लागिएको जेसिजले जनाएकाे छ ।

अवैध ३९ कार्टुन कुखुराको चल्लासहित २ जना पक्राउ

0
वीरगंज । अवैध कुखुराकाे चल्लासहित २ जनालाई प्रहरीले पक्राउ गरेकाे छ । पर्सा बिन्दवासनि गा.पा. वडा नं. ३ झैवागुठ्ठी निवासी ३० बर्षिय ललन साह कानु र भारत बिहार पुर्वी चम्पारण महादेवा बस्ने बर्ष २७ को नरेश यादवलाई प्रहरीले पक्राउ गरेकाे हाे ।
 
विषेश सुचनाको आधारमा शनिबार विहान ०३:०० बजेको समयमा जिल्ला प्रहरी कार्यालय पर्साबाट खटिएको प्रहरी टोलीले बहुदरमाई नगरपालिकाकाे वडा नं.२ नगरदाहस्थितबाट अवैध ३९ कार्टुन कुखुराकाे चल्लासहित दुबै जनालाई नियन्त्रमा लिएकाे जनाएकाे छ ।
BR 22K1519, BR 05N 7765 र ना.९ प ४०२६ नं.को माेटरसाइकलमा अवैध रुपमा भारत रक्शौलबाट ल्याउदै गरेको कुखुराको चल्ला ३९ कार्टुन ( २४०० वटा) फेला पारेकोमा निजहरुलाई चल्ला र सवारी साधन सहित नियन्त्रणमा लिई आवश्यक कार्वाहीको लागी जिल्ला पशु क्वारेन्टाईन सिर्सियामा पठाईएको जिल्ला प्रहरी कार्यालय पर्साले जनाएकाे छ ।