कलैया सिटी जेसिजद्वारा दाेस्राे दिन पनि राहत वितरण
४ सय २३ किशाेरीहरुलाई स्वच्छता सामग्री वितरण
वीरगंज । पर्साकाे जगरनाथपुर गाउँपालिकामा संचालित वृृज कक्षाका ४ सय २३ जना किशाेरीहरुलाई शुक्रबार स्वच्छता सामग्री वितरण गरिएकाे छ ।
भिएसओ नेपाल र दिव्य युवा क्लबकाे साझेदारीमा संचालित किशाेरी शसक्तिकरणकाे लागि शिक्षा कार्यक्रम अन्तर्गत १९ वटा वृज कक्षाका ४२३ जना सानी बहिनीहरुलाई स्वच्छता सामग्री वितरण गरिएकाे परियाेजना संयाेजक गणेश ठकुरीले जानकारी दिए ।
उनका अनुसार तावल २ वटा, नुहाउने साबुन १ वटा, कपडा धुने साबुन १ वटा, ब्रस एक थान, कंगी एक थान, सेनटरी प्याड ४ वटा, नेल कटर एक थान, सेनिटाइजर एक थान, प्यान्टी २ थान, पेष्ट एक थान लागयतकाे स्वच्छता सामग्री भएकाे किट किशाेरीहरुलाई वितरण गरिएकाे हाे ।
काेराेना संक्रमणबाट बच्न सानी बहिनीहरुकाे स्वास्थ्यलाई ध्यानमा राखी परियाेजना अन्तर्गत स्वच्छता समाग्री वितरण गरिएकाे संयाेजक ठकुरीले जानकारी गराए । गाउँपालिकाकाे ६ वटै वडामा संचालनमा रहेकाे वृज कक्षाकाे बहिनीहरुलाई परियाेजना अन्तर्गत स्वच्छता सामग्रीकाे साथै कापी, कलमसमेत वितरण गरिएकाे उनले जानकारी दिए ।
गाउँपालिकाकाे वडा नं. ६ बाट एक कार्यक्रमकाे बिच स्वच्छता सामग्री वितरण सुरु गरिएकाे थियाे । वडाध्यक्ष रामयाेध्या पटेकाे अध्यक्षतामा भएकाे कार्यक्रममा वडा अन्तर्गतका वृज कक्षाका किशाेरीहरुलाई सामग्री वितरण गरिएकाे थियाे ।
त्यसपछि वाकी वडा मै पुगी वृज कक्षाका किशाेरीहरुलाई सामग्री वितरण गरिएकाे संयाेजक ठकुरीले वताए ।
यस्तै गाउँपालिका अन्तर्गतका ३१ जना अपांगता भएका बालबालिकाहरुलाई पनि स्वच्छता सामग्री र वृज कक्षा सहजिकरण गर्दै आएकी ठुली बहिनीहरुलाई झाेला वितरण गरिएकाे दिव्य युवा क्लबले जनाएकाे छ ।
वीरगंजमा पुन: ४ पसललाई ७० हजार जरिवाना
महाराष्ट्रका मुख्यमन्त्रीलाई कंगनाको कडा चुनौती
बलिउड नायिका कंगना रनावतको करिब ४८ करोडमा बनेको अफिसमा बुधबार बिहान बीएमसीले डोजर चलायो ।
कंगनालाई भारतको केन्द्रिय सरकारले कडा सुरक्षा दिएको छ । उनी, कडा सुरक्षाकाविच बुधबार पौने ३ बजे मुम्बई पुगेकी थिइन् । मुम्बइको विमानस्थलमा कंगनाको समर्थक र विरोधीहरुले नारा लगाएका थिए । उनलाई भीआइपी गेटबाट बाहिर निकाल्न नसकेपछि सुरक्षाकर्मीले दोश्रो गेट प्रयोग गरेका थिए ।
उनी, विमानस्थलबाट सिधै खारस्थित आफ्नो घर पुगिन् । उनको सुरक्षाका लागि घर बाहिर ५० जना भन्दा बढी सुरक्षाकर्मी तैनाथ गरिएको छ ।
घर पुगेर कंगनाले महाराष्ट्रका मुख्यमन्त्री उद्धव ठाकरेलाई सिधै चुनौती दिइन् । उनले भनिन्–‘उद्धव ठाकेर । आज मेरो घर टुटेको छ । भोली तिम्रो घमण्ड टुट्नेछ । जय महाराष्ट्र ।’
उनले ठाकेरलाई चुनौती दिदै भनिन्–‘तिमीलाई के लाग्छ, फिल्म माफियाको साथ मिलेर मसँग ठूलै बदला लिए जस्तो लाग्यो । तिमीलाई मलाई ठूलै सहयोग गरेका छौ । मलाई थाहा थियो, कश्मिरी पण्डितको मनमा के चलिरहेको छ । म आज सबै भारतीय नागरिकसँग एउटा वाचा के गर्छु भने, अयोध्याको बिषयमा मात्र होइन, कश्मिरको बिषयमा पनि एउटा चलचित्र बनाउनेछु । मेरो देश र जनतालाई सचेत गराउनेछु । ठाकरे, यो क्रुरता र आतंक जुन मेरो साथमा भएको छ, यसले ठूलो अर्थ राख्छ । जय भारत ।’
कंगना मुम्बई विमानस्थलमा पुग्दा शिवसेनाका कार्यकर्ताले विरोध गर्दै नारा लगाएका थिए । यस्तै, रिपब्लिकन पार्टी अफ इन्डिया र करणी सेनाका कार्यकर्ताले उनको समर्थनमा नारा लगाएका थिए ।
मारुती फर्माका संचालक रुंगटाकाे आफ्नै नियम
वीरगंज । वीरगंज गण्डकस्थित रहेकाे मारुती फर्माले आफ्नाे कर्मचारीहरुकाे लागि गरेकाे काेराेना बिमाकाे रकम कटाैती गरेर दिएकाे छ ।
कम्पनीमा कार्यरत २१ जनाकाे काेराेना बिमा वापतकाे रकम बिमा कम्पनीले रु एक लाखकाे दरले २१ लाख दिए पनि कम्पनीका संचालक प्रभात रुंगटाले कर्मचारीहरुलाई मात्र रु ५० हजारकाे दरले रु १० लाख ५० हजार मात्र वितरण गरेका छन् ।
काेराेना महामारीमा कम्पनीमा काम गर्ने कर्मचारीहरुकाे लागि कम्पनीले लुम्बनी बिमा कम्पनीमा एक लाखकाे काेराेना बिमा गरि दिएकाे थियाे । साेही क्रममा काेराेना संक्रमित भएका कम्पनीका कर्मचारीहरुकाे बिमा वापतकाे रकम बिमा कम्पनीले एकमुस्ट भुुक्तानी गरेकाे थियाे ।
हुन त कर्मचारीहरुकाे बिमा वापतकाे रकम कर्मचारीहरुकाे व्यक्तिगत खातामा पठाउनु पर्ने हाे । तर बिमा कम्पनीले कर्चारीहरुकाे बिमा गरिदिएकाे मारुती फर्माकाे खातामा बिमाकाे रकम पठाएका कारण यस्ताे भएकाे बुझिएकाे छ ।
बिमा कम्पनीका प्रबन्धक निशान्त लामिक्षानेले विमित कम्पनी भएका कारण उसकै खातामा हामीले भुक्तानी गरेकाे वताए ।
यस बिषयमा मारुती फर्माका संचालक रुगंटासंग बुझ्दा कम्पनीकाे आफ्नै निति र नियम भएकाे वताए । काेराेना संक्रमित भएका कर्मचारीहरुकाे आइसाेलेसन लगायतकाे खर्च कटाैती गरेर बिमाकाे रकम भुक्तानी गरिएकाे संचालक रुंगटाले प्रतिक्रिया दिए ।
कम्पनीकाे यस्ताे रवैयाले काेराेना महामारीमा ज्यान जाेखिममा पारेर काम गरेका कर्मचारीकाे मनाेबल खसेकाे छ ।
स्व. विपीकाे जन्मजयन्तीकाे अवसरमा वृक्षाराेपण
वीरगंज । नेपाली कांग्रेसका संस्थापक नेता एवम् प्रथम जननिर्वाचित प्रधानमन्त्री स्व. बि.पि कोईरालाको १०७ औं जन्मजयन्तीको अवसरमा शुक्रबार विहान वीरगंजमा वृक्षाराेपण कार्यक्रम सम्पन्न भएकाे छ ।
नेवि संघ पर्साकाे आयाेजनामा नरसिंह मा.वि, पिपरामा भएकाे कार्यक्रममा अशाेक, सपेता र सतशालकाे एक सय विरुवा राेपिएकाे हाे । नेवि संघ, पर्साका सभापति विश्वास द्विवेदीकाे अध्यक्षतामा भएकाे कार्यक्रमकाे उद्घाटन विरुवा राेपेर नेपाली कांग्रेसका नेता एवं संविधान सभा सदस्य अनिल रुङ्टाले गरेका थिए ।
कार्यक्रममा नेपाली कांग्रेस पर्साका उपसभापति प्रकाश उपाध्यय, जिल्ला सचिव श्याम पटेल, सह-सचिवद्वय रोशन लामिछाने, किरण सरकार, जिल्ला सदस्य रामबाबु पटेल, बैकुण्ठ श्रीवासत्व, धर्मेन्द्र पटेल, क्षेत्रय सभापति अरबिन्द गुप्ता, वीरगंज महानगरपालिका वडा न. १५ का वडा अध्यक्ष गजेन्द्र पटेल, नरसिङ माविका प्र.अ बिनोद मेहता, ने.बि.संघको पुर्व केन्द्रिय सदस्य सुधिर पटेल, नेता बिकेश पटेल, सचिव प्रभात सिंह लगायतकाे सहभागिता रहेकाे थियाे भने कार्यक्रमकाे संचालन नेता प्रभात सिंहले गरेका थिए ।
साेही कार्यक्रममा वीरगंजकाे दुई जना युवा राज प्राताप सिंह र रबि गुप्ताले औपचारिक रुपामा कार्यक्रमका प्रमुख अतिथीसमेत रहेका नेता रुगंटाबाट कांग्रेसको सदस्यता ग्रहण गर्दै पार्टी प्रबेश गरेकाे नेवि संघका नेता जितेन्द्र मिश्राले जानकारी दिए ।
पर्सामा काेराेना संक्रमित घट्दै, बिहिबार २ जनामा मात्र संक्रमण पुष्टि
वीरगंज । पर्सामा् काेराेना परिक्षणकाे दायरा घट्दै जादा संक्रमितकाे संख्यामा कमी आउन थालेकाे छ । बिहिबार पर्साकाे २ जनामा मात्र काेराेना संक्रमण पुष्टि भएकाे छ ।
नारायणी अस्पतालकाे प्रयाेगशालामा बिहिबार २९४ जनाकाे स्वाब परिक्षण गर्दा ३ महिलासहित १४ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । संक्रमण फेला परेका मध्ये पर्साकाे वीरगंज महानगरपालिकाकाे २ जना मात्र रहेकाे उनले जानकारी गराए ।
प्रवक्ता डा. चाैरसियाका अनुसार संक्रमित हुनेमा वीरगंज महानगरपालिकाकाे वडा नं. ४ र १६ का एक-एक जना रहेका छन् । डा. चाैरसियासंग पर्साकाे कति जनाकाे स्वाब परिक्षण गरिएकाे साेध्दा आफुलाई जानकारी नभएकाे वताए ।
पर्सामा संक्रमितकाे संख्यामा कमि आएकाे देखिएपछि कति स्वाब परिक्षण गरिएकाे भनेर साेध्दा सम्बन्धित निकायले जानकारी गराउन सकेकाे छैन् । यसले परिक्षणकाे दायर कम गरिएकाे कारण संख्यामा कमि आएकाे हुन सक्ने पर्सेली जनताले अनुमान गर्न थालेका छन् ।
यता नारायणी अस्पताल कै प्रयाेगशालामा गरिएकाे परिक्षणमा बाराकाे कलैया उपमहानगरपालिकाकाे वडा नं. ८ का ३ जना, वडा नं. १४ का २ जना, वडा नं. ५, ६, ७ का एक-एक जना र आदर्शकाेटवाल गाउँपालिकाकाे वडा नं. ८ का ३ जना संक्रमित भएका छन् ।
संक्रमित हुनेमा राैतहटकाे कटहरिया नगरपालिका वडा नं. २ का पनि एक जना रहेकाे प्रवक्ता डा. चाैरसियाले जानकारी गराए ।संक्रमितहरुकाे सिटी भ्यालु १६ देखी २९ सम्म रहेकाे उनले जनाए ।
बिक्रम चाैधरीलाई न्याय देउ भन्दै वीरगंजमा प्रदर्शन
वीरगञ्ज । उपचारमा लापरबाही भएर मृत्यु भएकाे भनिएका बिक्रम चौधरीलाई न्याय माग्दै वीरगञ्जमा बिहीबार प्रर्दशन गरिएको छ । बाराको कोल्हवी नगरपालिका–४ सपहीका २२ वर्षीय चौधरीले न्याय र पीडित परिवारले उचित क्षतिपूर्ति पाउनुपर्ने माग राखेर उनीहरुले प्रदेर्शन गरेका हुन् ।
घटनाको निष्पक्ष छानवीन गर, दोषी डाक्टरलाई कारबाही गर, बिक्रम चौधरीलाई न्याय देऊ भन्दै प्रदर्शन गरिएको थियो । प्रदर्शनकारीले अस्पताल भित्रै ‘हत्यारा डाक्टर’ भनी आरोप समेत लगाएका थिए । मैले उपचार नपाएर मृत्यु पाएँ, म मरें मेरो जीवन समाप्त भयो तर तपाईं बाँचेर पनि किन मरे जस्तै हुनुहुन्छ ? मैले न्याय कहिले पाउने ? उल्लेख गरिएको व्यानर बोकेर उनीहरुले प्रदर्शन गरेका थिए ।
नारायणी अस्पतालकै हलबाट सुरु गरिएकाे प्रदर्शन बजारकाे परिक्रमा गर्दै जिल्ला प्रशासन कार्यालय पर्सामा पुगेकाे थियाे ।
प्रदर्शनमा सहभागीले बिरामीको सजिलै उपचार गर्ने व्यवस्था गरियोस्, वी निड जष्टिस फर बिक्रम चौधरी, मृतक परिवारलाई उचित क्षतिपूर्तिको व्यवस्था गर लगायत नारा लेखिएका प्लेकार्ड समेत बोकेका थिए ।
छानवीनमा ढिलासुस्ती भएको महसुस भएकोले प्रदर्शन गरिएको उनीहरुले बताएका छन् । अस्पतालले गठन गरेको तीन सदस्यीय छानवीन समिति प्रति उनीहरुले असन्तुष्टि प्रकट गरेका थिए । अस्पताल भित्रका चिकित्सकको मात्रै टिमले गर्ने अनुसन्धान निष्पक्ष हुनै नसक्ने दावी उनीहरुले गरेका छन् ।
प्रदर्शनमा सहभागी जीपी कोइराला फाउण्डेसनका सचिव धिरज गुप्ताले पहिले नै अस्पतालले उपचारमा लापरबाही नगरिएको भनेर सामाजिक सञ्जालमा लेख्ने चिकित्सकबाट हुने छानवीन निष्पक्ष हुने संभावना नै नभएको बताए ।
‘पहिला हामीलाई तीन सदस्यी छानवीन समिति गठन गरिएको जानकारी मात्रै दिइएको थियो । पछि मात्रै नाम थाहा भयो,’ उनले भने, ‘जसमध्येका एक जना सदस्यले पहिले नै अस्पतालले उपचारमा लापरबाही नगरेको सामाजिक सञ्जालबाट दावी गरिसकेका रहेछन् । उनले निष्पक्ष छानवीन गर्छन् भनेर कसरी पत्याउने ?’
उनीहरुले छानवीन समितिमा बाहिरबाट पनि विज्ञ चिकित्सकलाई राखिनुपर्ने, सीसीटीभी फुटेज हेरेर अनुसन्धान हुनुपर्ने, छानवीनमा ढिलासुस्ती गर्न नहुने माग राखेका छन् ।
प्रदर्शनमा सहभागी बलिराम अधिकारीले बिक्रमले जसरी अरुले ज्यान गुमाउनु नपरोस् भनेर प्रदर्शनमा उत्रनु परेको बताए । ‘जनताको पसिनाले तिरेको करबाट तलब खाएर उपचारमा लापरबाही गर्ने छुट कसैलाई छैन, साधरण रुघाखोकी लागेर सर्वसाधरण मर्नुपर्ने अवस्थाको अन्त्य हुनुपर्छ,’ उनले भने, ‘बिक्रमको जस्तो हालत अरु विरामीको हुनुहुँदैन । त्यसका लागि घटनाको निष्पक्ष छानवीन र दोषीलाई कानुनी काररबाही हुनैपर्छ ।’
गम्भिर अवस्थामा विरामी अस्पताल आइसकेपछि कोरोना परीक्षणमा किन ढिलाई गरिएको हो ? त्यसको जवाफ अस्पताल प्रशासनले दिनुपर्नेमा उनले जोड दिए ।
बिक्रमका दाजु अनिल चौधरीले भने चुप लागेर बस्दा न्याय नपाउने स्थिति देखिएपछि सरोकारवालाको ध्यानाकर्षण गराएको बताए । ‘सानो तिनो लापरबाही हैन, मेरो भाइको ज्यान गएको छ । चुप लागेर बस्दा वास्ता नै नगर्ने स्थिति आयो,’ उनले भने, ‘त्यसैले आफन्त र शुभचिन्तकहरुमार्फत सरोकारवालाको ध्यानाकर्षण गराएका हौं ।’
क्रिटिकल केयर अब्जर्भेसन वार्डका प्रमुख डाक्टर रामपुकार साह संयोजक रहेको तीन सदस्यीय छानवीन समिति सोमबार बेलुका गठन गरिएको हो । समितिलाई अनुसन्धानका लागि तीन दिनको समय दिइएको थियो ।
भदौ २१ गते नारायणी अस्पतालको आईसीयूमा उपचारको क्रममा बिक्रमको मृत्यु भएको दाबी अस्पतालले गर्दै आएको छ ।
नारायणी अस्पतााललाई १५० थान अस्थालिन औषधी सहयाेग
वीरगञ्ज । काेराेना संक्रमण मुक्त भएका एक जनाले नारायणी अस्पताललाई अस्थालिन रेस्पिरेटरी सोलुसन औषधी बिहिबार सहयाेग गरेका छन् ।
वीरगंज महानगरपालिकाकाे वडा नं. ४ निवासी अमर बर्णवालले श्वासप्रश्वासमा समस्या देखिएका बिरामीका लागि अति आवश्यक पर्ने अस्थालिन औषधी १५० थान सहयाेग गरेका हुन् । उनले अस्पताल मै पुगी आकस्मिक कक्षका डा. दिपक चाैरसिया र डा. एमडि साबुदिनलाई साे औषधी हस्तान्तरण गरेका छन् ।
आफु संक्रमित हुदा औषधी अभावमा उपचारमा समस्या भाेगेका कारण श्वासप्रश्वासमा समस्याका समस्यादेखिने बिरामीलाई अति आवश्यक पर्ने औषधी अरुलाई समस्या नहाेस उद्देश्यले सहयाेग गरिएकाे बर्णवालले वताए ।
वीरगंजमा भदाै ३१ सम्म लम्बियाे निषेधाज्ञा, शनिबार बाहेक पसल खुल्ने
वीरगञ्ज । पर्सामा काेराेना संक्रमित भेटिने क्रम घटे पनि वीरगञ्जमा निषेधाज्ञालाई निरन्तरता दिइएको छ । बिहीबार बसेको जिल्ला सुरक्षा समितिको बैठकले भदौ ३१ गतेसम्म निषेधाज्ञालाई निरन्तरता दिने निर्णय गरेकाे हाे ।
प्रमुख जिल्ला अधिकारी आस्मान तामाङको अध्यक्षतामा बसेको बैठकले वीरगञ्ज महानगरपालिका क्षेत्रभित्र लगाइएको निषेधाज्ञा भदौ ३१ गतेसम्मलाई निरन्तरता दिने निर्णय गरेको जिल्ला प्रशासन कार्यालय पर्साले जनाएको छ ।
भदौ १९ गतेदेखि भने वीरगञ्जमा एकतर्फीरुपमा पसल सञ्चालन हुँदै आएको छ । भदौ १२ गते बसेको जिल्ला सुरक्षा समिति र संकट व्यवस्थापन केन्द्रको बैठकले भदौं १९ गतेबाट पसल खोल्न दिने निर्णय गरेको थियो ।
बिहीबार जारी सूचनामा पनि वीरगञ्ज महानगरपालिका क्षेत्रभित्र रहेका पसलहरु शनिबार बाहेक प्रत्येक दिन दिउँसो ११ बजेदेखि ४ बजेसम्म स्वास्थ्य सम्बन्धी मापदण्ड पालना हुने गरी र भिडभाड नहुने गरी सञ्चालन गर्न पाइने उल्लेख छ ।
तरकारी तथा फलफुल बिक्री वितरणको लागि रेल्वे रोडमा घण्टाघरदेखि २ सय मिटर स्कुलदेखि दक्षिणतर्फ एकतर्फी रुपमा मात्रै पसलहरु राख्ने, दुई पसलबीचको दुरी पसल बीचको दुरी कम्तिमा १५ फिट हुनुपर्ने, ताोकिएको समय र स्थान बाहेक अन्य समय वा स्थानमा कुनै पनि प्रकारले पसल खोलेको, समान बेचेको वा भिडभाड गरेको पाइएमा कानुन बमोजिम कारबाही गर्ने चेतावनी प्रशासनले दिएको छ ।
आ-आफ्नो पसलमा आउने ग्राहकबीचको सामाजिक दुरी कायम गर्ने, भिडभाड नियन्त्रण गर्ने सम्पूर्ण जिम्मेवारी व्यवसायीको हुने र स्वास्थ्य सुरक्षा मापदण्डको उलघंन भएको खण्डमा व्यवसायीलाई नै कारबाही गर्ने प्रशासनको निर्णयमा उल्लेख छ ।
पसल सञ्चालन र तरकारी तथा फलफुल बिक्री गर्दा सामाजिक दुरीलगायतको मापदण्ड पालना नगरेको खण्डमा संक्रामक रोग नियन्त्रण ऐन २०२० अनुसार कारबाही गरिने चेतावनी प्रशासनले दिएको छ ।
जिल्ला भित्रका सबै प्रकारका निजी तथा सार्वजनिक सवारी साधनहरु सञ्चालन गर्न, मेला, महोत्सव, जात्रा सञ्चालन गर्न, मानिसहरु भेला हुन, जुलुस गर्न, चार जनाभन्दा बढी मानिस एकै ठाउँम जम्मा हुन, शैक्षिक संस्थाहरु, प्रशिक्षण केन्द्र, ट्युसन सेन्टर, भाषा कक्षा लगायतको गतिविधि, डिपार्टमेन्ट स्टोर, मनोरञ्जन स्थल, शैलुन, व्युटी पार्लर, स्वीमिङ पुल, समूहमा खेलिने खेलकुद र पुस्तकालय, चिया पसल, खाजा घर, होटल रेष्टुरेन्ट खोल्न नपाइने सूचनामा उल्लेख छ ।
वीरगञ्जमा साउन १० गतेदेखि नै निषेधाज्ञा छ । साउन १९ गतेबाट पर्सा जिल्लाभर निषेधाज्ञा लगाइएको थियो ।
साउन ३१ गतेको निर्णयबाट सेना परिचालन सहित भदौ १३ गते बिहान ५ बजेसम्मका लागि निषेधाज्ञा लगाइएको थियो । भदौ १२ गतेको बैठकले जिल्लाभर लगाईएको निषेधाज्ञा वीरगञ्जमा मात्रै सिमित थियो ।












