वीरगञ्ज । पर्सामा फेरी ५ जनामा कोरोना भाइरस (काेभिड १९) संक्रमण पुष्टि भएकाे छ ।
नारायणी अस्पतालकाे प्रयाेगशालामा मंगलबार पर्साका एक सय ५२ जनाको पिसिआर प्रविधिबाट थ्रोट स्वाबको नमुनालाई परिक्षण गर्दा एम महिलासहित ५ जनामा संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए ।
प्रवक्ता डा. चाैरसियाका अनुसार वीरगंज महानगरपालिकाकाे एक जना, बहुदरमाई नगरपालिकाकाे २ जना, पर्सागढी नगरपालिका र नारायणी अस्पतालका एक-एक जना संक्रमित भएका छन् । संक्रमितहरुको सिटी भ्यालु १५ देखि ३० सम्म रहेको छ ।
मंगलबार नारायणीमा कुल २०८ जनाको स्वाब परिक्षण गरिएको थियो । जसमध्ये पर्साका १५२ जना रहेका थिए ।
नारायणीमा साेमबार पर्साका ४० जनाकाे स्वाबकाे नमुना परिक्षण गर्दा सबै जनाकाे रिपाेर्ट नगेटिभ आएकाे थियाे ।
वीरगंज । बुवाकाे चक्कु प्रहारले छाेराकाे मृत्यु भएपछि पर्साकाे पाेखरिया नगरपालिका वडा नं. ६ श्रीसिया गाउँ नै शाेकमा डुबेकाे छ । साेमबार सांझ बुवा लक्ष्मि साह राैनियारकाे चक्कु प्रहारले ३५ बर्षिय छाेरा माधाे साह राैनियारकाे मृत्यु भएपछि गाउँ शाेकमा डुबेकाे हाे ।
मृतक माधाेकाे मंगलबार गाउँकाे आर्यघाटमा धार्मिक विधि अनुसार दाहसंस्कार गरिएकाे छ । उनकाे दाहसंस्कारमा एक हजार भन्दा बढीकाे सहभागिता भएकाे स्थानिय अमित द्विवेदीले वताए ।
उनले भने “साेमबार सांझ उनकाे मृत्यु भएकाे गाउँलेहरु थाह पाएपछि धेरै जनाकाे घरमा खानासमेत बन्न सकेन । धेरै जनाकाे घरमा बन्नेकाे खाना त्यस्तै रह्याे । अचानक गाउँका एक युवककाे आफ्नै बुवाकाे चक्कु प्रहारले मृत्यु भएकाे थाह पाएका गाउँ नै शाेकमा डुब्याे ।”
लक्ष्मिका सानाे छाेरा माधाे हुन् । माधाे ३ दाजुभाई र एक बहिनी थिए । उनकाे एक छाेरा र दुई छाेरी छन् ।
माधाेकाे दाहसंस्कार गरिदै
चक्कु प्रहारबाट गम्भिर घाइते माधाेलाई उपचारकाे लागि वीरगंजस्थित नेशनल मेडिकल कलेजमा लग्ने क्रममा बाटाे मै मृत्यु भएकाे थियाे ।
साेमबार सांझ ७:१५ बजे लक्ष्मिले छाेरा माधाेमाथी चक्कु प्रहार गरेका थिए । रक्सी खाएर आएका ७० बर्षिय लक्ष्मिले आफ्नै परिवारका सदस्यहरुलाई गाली गलाैज गर्न थालेपछि विवाद भएकाे थियाे । विवाद कै क्रममा गाउँघरमा साइकलमा भांजा बिक्री गर्दै आएका लक्ष्मिले त्यस मै प्रयाेग हुने चक्कु छाेरा माधाेमाथी प्रहार गरेका थिए ।
माधाकाे शव यात्रा देख्न गाउँलेहरुकाे भिड
चक्कु प्रहार गर्ने लक्ष्मिलाई इलका प्रहरी कार्यालय पाेखरियाले नियन्त्रणमा लिएर घटना बारे थप अनुसन्धान गरिरहेकाे जनाएकाे छ । चक्कु प्रहार गर्ने लक्ष्मीमाथी उनकै परिवारका सदस्यहरुले मंगलबार किटानी जाहेरीसमेत दिएका छन् ।
पाेखरिया । पर्साकाे पोखरिया नगरपालिका वडा नं. ७ मा रहेको श्री महोबनी पदम माविमा अध्ययनरत विद्यार्थीहरुलाई एक कार्यक्रमका बिच शैक्षिक सामग्री तथा सेनेटरी पैड वितरण गरिएकाे छ ।
वडाध्यक्ष अध्यक्ष नन्दलाल पटेलकाे अध्यक्षता र नगर प्रमुख दिपनारायण प्रसाद रौनियारकाे प्रमुख आतिथ्यतामा भएकाे कार्यक्रममा बैकल्पिक प्रणालीबाट बिद्यार्थीहरुलाई शिक्षण कार्यक्रम अन्तर्गत कक्षा ९/१० का छात्र/छात्राहरुलाई काँपी, कलम वितरण गरिएकाे हाे ।
यस्तै साेही कार्यक्रममा कक्षा ६, ७, ८, ९, १० का छात्राहरुलाई सरसफाइमा पंहुच पुर्याउनुको लागि सेनेटरि पैड वितरण गरिएकाे मेयर राैनियारका स्वकिय सचिव राजु राैनियारले जानकारी दिए ।
विद्यालयमा मै भएकाे कार्यक्रममा विद्यालयका प्रधानाध्यापक लालबाबु प्रसाद चौहान, नगरपालिकाकाे शिक्षा शाखाका बालदेव भट, समाजिक बिकास शाखाका नरेन्द्र साह कानु, समाजसेवी महमुद आलम लगायतको सहभागिता रहेकाे थियाे ।
वीरगंज । बारामा २ केजी लागूऔषध अफिमसहित ६० वर्षीय एक वृद्ध पक्राउ परेका छन् । पचरौता नगरपालिका–६ पकडी बस्ने सहजमान मिया अन्सारी पक्राउ परेका हुन् ।
भारतिय सिमानासँग टाँसिएको वडा नम्वर ४ ईनर्वास्थित पिलर नम्वर ३६६/६ स्थित दशगाजा क्षेत्रमा अन्सारीलाई पक्राउ गरिएको सशस्त्र प्रहरी उपरिक्षक रोविनराज कर्णजितले जानकारी दिए ।
विशष सुराकीको आधारमा अन्सारीमाथि शंका लागेपछि चेकजाँच गर्ने क्रममा खानतलासी गर्दा निजसँग रहेको लागूऔषध अफिमको एक–एक केजीको दुईवटा पोका बरामद गरिएको उपरिक्षक कर्णजितले बताए ।
पक्राउ परेका अन्सारीलाई आवश्यक कारवाहीका लागि पठाउने तयारी भइरहेको उनले बताए ।
काठमाडौं । लामो दुरीको यातायात असोज १ गतेदेखि नै सञ्चालनमा आउने भएको छ । मन्त्रिपरिषद्को सोमबार बसेको बैठकले स्वास्थ्य सुरक्षाको मापदण्ड पालना गर्दै यातायात सञ्चालन गर्न दिने निर्णय गरेको हो ।
र, व्यवसायीले साविकको भाडादरमा ५० प्रतिशत बढाएर लिन सक्ने मन्त्रिपरिषदको निर्णय सार्वजनिक गर्दै परराष्ट्रमन्त्री प्रदीप ज्ञवालीले जानकारी दिए ।
यात्रु राख्दा क्षमताको ५० प्रतिशतमात्र राख्नुपर्नेछ भने एउटा लहरमा एक जनामात्र यात्रु बस्नु पर्नेछ। यात्रुहरूले अनिवार्य मास्क लगाउनु पर्नेछ भने ढोका र गाडीभित्र पनि स्यानिटाइजरको व्यवस्था गरेको हुनुपर्नेछ।
साथै संक्रमणको जोखिम बढेको अवस्थामा स्थानीय प्रशासनले आवश्यक निर्णय लिन सक्नेछ ।
वीरगंज । गुणस्तरहीन छड उत्पादन गरेको भन्दै जगदम्बा स्टिललाई गुणस्तर तथा नापतौल विभागले कारवाही गरेको छ । विभागले कम्पनीबाट उत्पादन हुने १६ एमएमको छडको इजाजत पनि स्थगन गरेको छ भने तीन सय टन उत्पादित छड बिक्रीमा रोक लगाएको छ ।
टीएमटी बार १६ एमएमको जगदम्बा छडमा कार्बन र सल्फरको मान नेपाल गुणस्तर मापदण्डभन्दा फरक रहेको विभागले जनाएको छ ।
गुणस्तर मापदण्डअनुसार छडमा ०.३० प्रतिशत हुनुपर्ने कार्बनको मात्रा ०.३५ प्रतिशत पाइएको थियो । यस्तै ०.०६० प्रतिशत रहनुपर्ने सल्फर ०.०५५ पाइएको थियो ।
यस्तै धादिङमा उद्योग रहेको मंगला सिमेन्टलाई पनि विभागले कारबाही गरेको छ । कम्पनीले उत्पादन गर्ने पीपीसी ‘ओम मंगला’ सिमेन्ट गुणस्तर हिन रहेको विभागले जनाएको छ ।
विभागले उद्योगबाट संकलन गरेको दुई किसिमको नमूनामा गुणस्तर मान तोकिएको भन्दा धेरै पाइएको थियो । समेन्टमा कम्प्रेसिभ स्ट्रेन्थ क्रमश १४ एमपीए र १९ एकपीए हुनु पर्नेमा १६ तथा २२ एमपीए पाइएको विभागले जनाएको छ ।
गुणस्तरहीन उत्पादित दुई ब्याचको सिमेन्ट बजारबाट फिर्ता गर्ने र पीपीसी सिमेन्टको बिक्रि वितरण रोक्ने निर्णय पनि विभागले गरेको छ ।
वीरगंज । नारायणी अस्पताल वीरगंजकाे प्रयाेगशालामा साेमबार गरिएकाे परिक्षणमा बारा र राैतहटका २६ जनामा काेराेना भाइरस (काेभिड १९) संक्रमण फेला परेकाे छ ।
२९० जनाकाे स्वाबकाे नमुना परिक्षण गर्दा २ महिलासहित २६ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । संक्रमित हुनेमा बाराका ३ जना र राैतहटका २३ जना रहेका छन् ।
संक्रमितहरुकाे सिटी भ्यालु १५ देखी ३२ सम्म रहेकाे प्रवक्ता डा. चाैरसियाले जानकारी गराए ।
बाराकाे प्रसाैनी गाउँपालिका वडा नं. २, जितपुर सिमरा उपमहानगरपालिकाकाे वडा नं. ४ र १२ का एक-एक जना संक्रमित भएका छन् ।
यस्तै राैतहटकाे गरुडास्थिर रहेकाे राष्ट्रिय वाणिज्यि बैंक, सिभिल बैंकका ४-४ जना, सशस्त्र प्रहरी बेस क्याम्प हजमिनियाका २ जना, इलका प्रहरी कार्यालय गरुडा, चन्द्रपुर नगरपालिकाका एक-एक र गरुडा नगरपालिकाकाे विभिन्न वडाकाे ९ जनामा संक्रमण फेला परेकाे प्रवक्ता डा. चाैरसियाले जनाए ।
वीरगंज । बाराकी थप एक कोरोना संक्रमित महिलाको वीरगंजमा उपचारको क्रममा मृत्यु भएको छ ।
बाराको जितपुरसिमरा उपमहानगरपालिका वडा नम्बर १४ डुम्बारवानकी ५५ वर्षीया महिलाकाे साेमबार साँझ ७:१५ बजे नारायणी अस्पतालमा मृत्यु भएको अस्पतालका प्रवक्ता डा. अतुलेश कुमार चाैरसियाले वताए ।
मधुमेह तथा उच्च रक्तचापकी बिरामी महिला सोमवार बिहान ११ बजे उपचारको लागि नारायणी अस्पतालमा भर्ना भएकी थिइन्।
त्यसपछि नारायणी अस्पतालको आइसीयूमा राखेर उपचार गर्ने क्रममा उनकाे मृत्यु भएको प्रवक्ता डा. चौरसियाले जानकारी गराए । उनको मृत्युपछि गरिएकाे जिन एक्सपर्ट रिपोर्ट पोजिटिभ आएको डा. चाैरसियाले जनाए ।
वीरगंज । सशस्त्र प्रहरी बल नेपाल २ नम्बर बाहिनीका प्रमुख डिआइजी कृष्ण भक्त ब्रम्हचार्य निरन्तर सीमा निगरानीमा जुटेका छन् । नेपाल र भारत दशगजामा रहेको सीमा स्तम्भको साथ साथै सीमा नाकाबाट हुने अबैध क्रियाकलापको निरन्तर निगरानी गरिरहेका हुन ।
बारा, पर्सा, रौतहट लगायत प्रदेश नम्बर २ को ८ वट्टै जिल्लाहरूमा अहोरात्री आफै खटी सशस्त्र प्रहरी बल नेपालका डिआइजी ब्रम्हचार्य निगरानी गर्न थालेका छन् । सीमामा खटिएका सशस्त्र प्रहरी बल नेपालका प्रहरीहरूलाइ कडा निगरानी बढाउन निर्देशन दिनुको साथ साथै सीमाबाट हुने अबैध क्रियाकलापमा समेत निगरानी बढाउन निर्देशन दिएका छन् ।
साेमबार बाराको सिम्रौणगढ, पिपरपाती, कवहिगोठ लगायतको ठाउहरूमा निरीक्षण गर्न आएका डिआइजी ब्रम्हचार्यले बाराको सबै बोर्डर आउट पोस्टका प्रमुखहरूलाई निगरानी बढाउन निर्देशन दिनुको साथै गल्ती गर्ने प्रहरी अधिकारीहरूलाई कानून बमोजिम कारवाही गर्नसमेत चेतावनी दिए ।
उनले आफ्नो संगठनको नीति निर्देशन विपरित कुनैपनी बि.ओ.पि कमान्डर काम गरेको फेला परे आफू कारवाही गर्नबाट पछि नहटने बताए । सीमा स्तम्भको निरीक्षणमा निस्केका डिआइजी ब्र्रम्मचार्य साेमबार अबेर रातीसम्म निरीक्षण गरिने बताए ।
सशस्त्र प्रहरी बल नेपालको जिम्मेवारी ठूलो भएको र आफ्नो संगठनले सीमा स्तम्भको लागि थप जनशक्ती परिचालन गर्ने डिआइजि ब्रम्हचार्यले जानकारी दिए ।
वीरगंज । वडा प्रहरी कार्यालय श्रीपुर वीरगंजले ९ सय ५० लिटर घरेलु मदिरा बरामद गरी नष्ट गरेको छ । वडा प्रहरी कार्यालय श्रीपुर पर्साबाट खटिएको प्रहरी टोलीले आइतबार बीरगंज महानगरपालिकाकाे वडा नं.२३ प्रसौनि बिर्ताबाट बरामद गरेकाे मदिरा नष्ट गरेकाे जनाएकाे छ ।
बरामद गरिएको घरेलु मदिरा स्थानिय वासीन्दा, जनप्रतिनिधिको रोहबरमा साेमबार नष्ट गरिएको वडा प्रहरी कार्यालय श्रीपुरका प्रहरी निरिक्षक दिपक साहले बताए ।
त्यसैगरी वप्रका श्रीपुरले भारतबाट नेपाल तथा नेपालबाट भारततर्फ चोरी निकासी गर्न लागेको विभिन्न सामाग्रीहरु बरामद गरी भन्सार चलान गरेको छ ।
विभिन्न मिति र समयहरुमा मटर २५ किलोको दरले २० बोरा, खाने तेल ३६ लिटर, डालडा १५ लिटर, साबुदाना ३० किलो, सेम्पु १ कार्टुन, राजनिवास १ बोरा, सर्फ १५ किलो लगायत हार्डवेयरको सामग्रीहरु बरामद गरी साेमबार वीरगंज भन्सार कार्यालय चलान गरिएकाे प्रहरी निरिक्षक साहले बताए ।
बरामद सामग्रीको मुल्य १ लाख रुपैया बराबरको रहेको वडा प्रहरी कार्यालय श्रीपुरले जनाएको छ ।