Date
शुक्र, मंसिर ४, २०८३
Fri, November 20, 2026
Home Blog Page 920

पर्साका ६ सहित थप ५२ जनामा काेराेना पुष्टि

0

वीरगंज । नारायणी अस्पतालकाे प्रयाेगशालामा शुक्रबार राति गरिएकाे परिक्षणमा ५२ जनामा काेराेना संक्रमण पुष्टि भएकाे छ ।

१५२ जनाकाे स्वाबकाे नमुना परिक्षण गर्दा ११ महिलासहित ५२ जनामा काेराेना संक्रमण फेला परेकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । संक्रमित हुनेमा ४ महिने बालकदेखी ६८ बर्षिय वृद्धसम्म रहेका छन् ।

संक्रमितहरुकाे सिटी भ्यालु १५ देखी ३५ सम्म रहेकाे प्रवक्ता डा. चाैरसियाले वताए । उनका अनुसार पर्साका ६ जना, बाराका ४५ जना र सर्लाहीका एक जना संक्रमित भएका हुन् ।

पर्साकाे वीरगंज महानगरपालिका वडा नं. ३ र १९ का एक-एक जना र बाल सुधार गृहका ३ जनामा संक्रमण देखिएकाे छ । संक्रमित हुने एक जनाकाे ठेगाना खुलेकाे छैन ।

त्यसैगरी बाराको बारागढी गाउँपालिकास्थित इलाका प्रहरी कार्यालय बारागढीमा ८ जना संक्रमित थपिएका छन् । सोहि गाउँपालिकास्थित अठहइ प्रहरी चौकीमापनि एक जना, बारागढी कै सिखी पठराहमा दुई जना र श्रीपुरमा एक जनामा संक्रमण पुष्टि भएको छ । बारामा थपिने अन्य सबै संक्रमित सदरमुकाम कलैयाका बासिन्दा हुन् ।

त्यसैगरी सर्लाहीको एक जनामा पनि संक्रमण देखिएकाे प्रवक्ता डा. चौरसियाले जानकारी गराए ।

नेकपा पर्साकाे जिल्ला कमिटी बैठक बाेलाउन माग

0
वीरगन्ज । नेकपा जिल्ला कमिटी पर्साका ५१ जना जिल्ला कमिटी सदस्यहरुले अध्यक्ष प्रभु हजारालाई बैठक बोलाउन माग गरेका छन् । पर्सा पार्टी जिल्ला कमिटी सदस्य राघव साहको नेतृत्वमा गएको जिल्ला सदस्यहरुको टोलीले लिखित रुपमाले बैठक वोलाउँन अध्यक्ष हजरासँग माग गरेका हुन् ।
 
जिल्ला कमिटीको अध्यक्ष मनोनित भएको एक बर्ष बिति सक्दा पनि कमिटीको बैठक बस्न नसक्नु पार्टीको बिधि र बिधान बिपरित रहेको भन्दै जिल्ला सदस्यहरुको एक टोलीले हजारालाई लिखित रुपमै ५१ जना सदस्यहरुले हस्ताक्षर गरेको पत्र बुझाएका हुन् ।
 
सदस्यहरुले बुझाएको पत्रमा विश्व व्यापी रुपमा फैलिएको कोरोना भाइरसको महामारीमा कोरोना हटस्पट बनेको पर्सा जिल्लाको जिवन रक्षाको निम्ती पनि पार्टीले कुनै उल्लेख्य कार्य नगरेको कारण हाम्रो पार्टीको जिवन्तता माथी नै प्रशन चिन्ह् खडा भएको उल्लेख गरिएको छ ।
 
अध्यक्ष हजरालाई बुझाइएको पत्रमा सपथ भएपछि हाल सम्म कमिटिको कुनै बैठक नवसेको कारण जिल्लामा पार्टी कमिटीहरुलाई व्यवस्थित गर्दै पर्सेली जनताको हितमा पार्टीले गर्नु पर्ने कामको नाममा एउटा सिन्को पनि नभाचिएको भनिएको छ साथै पार्टीलाई सुद्धढ पार्न गर्नु पर्ने कार्य अन्तर्गत सचिवालय गठन नहुनु, जिल्ला कमिटी सदस्यहरुको कार्य विभाजन नहुनु, जिल्ला अवस्थित पालिका कमिटिहरुले पुर्णता नपाउँनु र पाइसकेकाहरुको सपथ हुन नसक्नुले जिल्ला पार्टी नेतृत्व पार्टी संचालनमा गैर जिम्मेवार र असंक्षम रहेको हाम्रो ठहर रहेको पत्रमा उल्लेख गरिएको छ ।
 
पार्टी भित्र देखिएको तमाम बेथितीको संस्थागत हल खोज्न नेपाल कम्युनिष्ट पार्टी (नेकपा) को अन्तरिम बिधान –२०७५ को धारा ५९ को (क) १ बमोजिम जिल्ला कमिटीको बैठक २/२ महिनामा वस्नु पर्ने बैधानिक व्यवस्थासमेतलाई बेवस्ता गरिएको हुनाले धारा ५९ कै (क) को ४ बमोजिम हामी तपसिलका २५ प्रतिशत जिल्ला कमिटि सदस्यहरुले अविलम्ब जिल्ला कमिटिको बैठक वोलाउन जोडदार रुपमा माग गर्दछौं पत्रमा उल्लेख गरिएको छ ।
 
साथै हाम्रो मागलाई बेवस्ता गरिए नेकपाको अन्तरिम बिधान २०७५ को बैधानिक व्यवस्था अनुरुप थप अगाडी बढने व्यहोरासमेत पत्रमा उल्लेख गरिएको छ । ५१ जना जिल्ला सदस्यहरुले बैठक माग गर्दै हस्ताक्षर गरेको पत्र बुझाउन जिल्ला सदस्यहरु धनबहादुर श्रेष्ठ, राजेन्द्र चौधरी, बिनयलाल साह, टुनटुन तिवारी लगायतका टोली पत्र बुझाउन अध्यक्ष हजाराको निवासमै पुगेको जिल्ला कमिटि सदस्य राघव साहले बताउनुभयो ।

कालिकामाईका ५ सहित पर्सामा थप १४ जनामा काेराेना पुष्टि

0

वीरगञ्ज । पर्सामा थप १४ जना कोरोना भाइरस (काेभिड १९) संक्रमण पुष्टि भएकाे छ । पर्सामा निषेधाज्ञा खुकुलो भएसँगै कोरोना संक्रमितकाे संख्या फेरी बढ्न थालेको छ । पछिल्लो केही दिनदेखि घट्दै गएको कोरोना सङ्क्रमित फेरी बढ्न थालका हुन् ।

वीरगञ्जस्थित नारायणी अस्पतालको प्रयोशालामा बिहिबार राति गरिएको परीक्षणमा थप २४ जनामा कोरोना संक्रमण फेला परेकाे छ । जसमध्ये पर्साका १४ जना,  बारा ६ जना र राैतहटका ४ जना रहेका छन् । 

बुधबार पनि पर्सामा १७ जना काेराेना संक्रमण फेला परेकाे थियाे ।

पर्सा, बारा र रौतहटको विभिन्न स्थानबाट आएकाे २ सय ८८ जनाको थ्रोट स्वाबको नमुनालाई परिक्षण गर्दा ६ महिलासहित २४ जनामा काेराेना पाेजिटिभ देखिएकाे नारायणी अस्पतालका प्रवक्ता डा. अतुलेश कुमार चौरसियाले जानकारी दिए ।

थपिएका संक्रमितहरुको सिटि भ्यालु १५ देखि ३४ सम्म रहेको उनले जानकारी गराए ।

पर्सामा थपिएका संक्रमितहरु वीरगञ्ज महानगरपालिकाका ३ जना, सखुवा प्रसाैनी गाउँपालिकाका एक जना, कलिकामाई गाउँपालिका र पर्सागढी नगरपालिकाका ५/५ जना रहेका छन् । कालिकामाईमा भेटिएका सबै संक्रमित वडा नं. १ का रहेकाे प्रवक्ता डा. चाैरसियाले वताए ।

त्यसतै बाराको जितपूरसिमरा उपमहानगरपालिकामा एक जना, कोल्भी नगरपालिकामा तिन जना र महागढीमाई नगरपालिकामा दुई जनामा संक्रमण पुष्टि भएको छ ।

रौतहटको गढीमाई नगरपालिकामा दुई जना, मादवनारायण नगरपालिकाका एक जना र इलाका प्रहरी कार्यालय गरुडाका एक जनामापनि संक्रमण देखिएकाे डा. चौरसियाले जनाए ।

कालिकामाईकाे प्रमुख प्रशासकिय अधिकृतमा जयचन्द्र साह हाजिर

0

वीरगंज । पर्साकाे कालिकामाई गाउँपालिकाकाे प्रमुख प्रशासकिय अधिकृतमा जय चन्द्र साह बिहिबार हाजिर भएका छन् । जिल्ला प्रशासन कार्यालय सर्लाहीकाे शाखा अधिकृतमा कार्यरत साहकाे कालिकामाईकाे प्रमुख प्रशासकिय अधिकृतमा सरुवा भएपछि उनी हाजिर भएका हुन् ।

साहलाई गाउँपालिका अध्यक्ष नथुनी प्रसाद कुशवाहा लगायतका जनप्रतिनिधि तथा कर्मचारीहरुले स्वागत गरेका थिए । साहले आजैदेखी कार्यभारसमेत सम्मालेका छन् ।

एक महिना अघि नै कालिकामाईकाे प्रमुख प्रशासकिय अधिकृत राजु साहकाे दाेलखाकाे सैलुङ्ग गाउँपालिकामा सरुवा भएकाे थियाे । त्यसकाे १० दिनपछि संघिय मामिला तथा समान्य प्रशासन मन्त्रालयले कालिकामाईकाे प्रमुख प्रशासकिय अधिकृतमा चयचन्द्र साहकाे सरुवा गरेपनि उनी बिहिबार मात्र हाजिर भएका हुन् ।

नयाँ प्रमुख प्रशासकिय अधिकृत साहलाई गाउँपालिका अध्यक्ष कुशवाहासहित वडा नं. २ का वडाध्यक्ष साेनालाल चाैरसिया, वडा नं. ३ का वडाअध्यक्ष संजय पटेल, वडा नं. ५ का वडाध्यक्ष पवन तिवारी लगायतकाले स्वागत गरेकाे गाउँपालिकाकाे आइटी अफिसर अमित चाैरसियाले वताए ।

प्याजको कालोबजारी गर्ने एक जना पक्राउ

0
वीरगंज । बारा प्रहरीले प्याजकाे कालाेबजारी गरेकाे आराेपमा कलैयाबाट एक जनालाई पक्राउ गरेकाे छ । प्रहरीले बाराकाे कलैया उपमहानगरपालिका वडा नं. १ स्थितमा रहेको खुशी स्टोरका संचालक चन्दन साहलाई पक्राउ गरेकाे हाे ।
 
विगत केहि दिनदेखी प्याजको कृतिम अभाव देखाई खरिद मुल्यको दोब्बरसम्म बिक्रि वितरण गरी कालो बजारी भइरहेको भन्ने प्राप्त सूचनाको आधारमा बिहिबार दिउँसो २:३० बजे जिल्ला प्रहरी कर्यालयबाट खटिएकाे प्रहरी टोलीले ग्राहक बनी प्याज खरिद गर्दा पसले प्रति किलो रू.४३ मा खरिद गरेको प्याज प्रति किलो रू.८० मा बिक्री गरेको पाइएको हुँदा नियन्त्रणमा लिइएकाे जनाएकाे छ ।
 
प्रहरीले स्टोरमा लुकाई राखेको प्रति बोरा १९ किलो भएको १४ बोरा र प्रति बोरा ४८ किलो भएको ४ बोरा गरी जम्मा ४५८ किलो ग्राम प्याजसमेत बरामद गरेकाे जनाएकाे छ । कालो बजारी गर्ने निज चन्दन साहलाई पक्राउ गरी कालो बजार तथा केही अन्य सामाजिक अपराध तथा सजाय ऐन, २०३२ अनुसार आवश्यक कारवाही भइरहेको जिल्ला प्रहरी कार्यालय बाराले जनाएकाे छ ।

कोरोना महामारीमा बालदिवस र बालअधिकार

0

-प्रकाश पाण्डे/
कोरोना भाइरस (कोभिड-१९) महामारीको असर संसार भरी नै फैलिसकेको छ । भाइरसका कारण पछिल्लो समयमा आएर बालबालिका पनि बढी प्रभावित हुदै गईरहेका छन । कोरोना महामारीले गर्दा धनि र गरिवको खाडल अझ बढेर जाने छ र धनी, गरीब परिवारका बालबालिकाको शैक्षिक उपलब्धिमा जुन असमानता अहिले छ, त्यो झन् फराकिलो भएर जानेछ । रास्ट्रिय बाल दिवस मनाईरहदा अहिले धेरै बालबालिकाको शिक्षा रोकिएको छ, परिवारको आय गुम्दै गईरहेको छ, जसले गर्दा विपन्न वर्गका बालबालिकालाई प्रत्यक्ष असर पारिरहेको छ ।

यो नयाँ खालको भाइरसको चर्चा परिचार्चाले बालबालिकालाई चिन्तित तुल्याएको छ । जसले गर्दा रुघाखोकी लाग्दा वा टाउको दुख्दा पनि कोरोना भाइरसकै संक्रमण हो र अब मरिन्छ कि भन्ने खालका सोचाइहरू बालबालिका एवं विद्यार्थीमा बढ्दै गएको छ । यस्तो खालको सोचाइ बढेपछि बालबालिकामा विभिन्न खालका मनोसामाजिक समस्याहरू पनि देखा पर्न थालेका छन् । समय बित्दै जाँदा यसले विकराल रूप नलेला भन्न सकिन्न। हरेक बालबालिकालाई कष्ट आईपर्नबाट जोगाउनु, जीवन रक्षा गर्नु तथा स्वास्थ्यको रक्षा गर्नु हामी सबैको जिम्मेवारी हो । अहिलेबाट नै बालबालिकामा गरिएको लगानीले हालको महामारी मात्र नभई भविष्यमा आईपर्ने संकटले ल्याउने क्षतिको रोकथाम गर्न सघाउ पुग्नेछ ।

विद्यालहरु बन्द हुदा ग्रामिण क्षेत्रका बालबालिकाहरु बढि प्रभावित भएका छन् । अहिले बालबालिकाहरु घरेलु हिंसाको सिकार हुदै गईरहेका छन, बालश्रम बढेको छ, बिधालय बन्द हुदां बिधालय छाड्ने दर ब्यापक बढ्ने छन जसले गर्दा बालबिवाहको उच्च सम्भावना रहेको छ । अहिलेबाट नै सबैले आ आफ्नो ठांउबाट बालबालिकाहरुको बिषयमा साझा प्रतिबद्धता बनाई अगाडि बड्नुपर्ने बाहेकको विकल्प हामीसामु छैन । अनि मात्र बालबालिकाको हक अधिकार सुरक्षित हुने छन । अब स्थानिय, प्रदेश र संघिय तिनै तहका सरकार तथा सबै सरोकारवाला निकायले बालबालिकाको क्षेत्रमा लगानी बढाउनुपर्ने अपरिहार्य भईसकेको छ । बालबालिकाको सर्वोत्तम हितलाई ख्याल गर्दै सबै नीतिनिर्माण तहमा कामगर्ने निकायहरू, अभिभावकहरूले प्रारम्भिक बाल विकासदेखि कक्षा ३ सम्मका बालबालिकाहरूलाई बैकल्पिक सिकाइका क्रियाकलापमा सहभागी गराउन प्रोत्साहन गरौं ।

घर नै बालबालिकाको पहिलो विद्यालय भएकाले प्रारम्भिक कक्षाका बालबालिकालाई घरमै आनन्ददायी वातावरणमा शिक्षण सिकाइमा सहभागी गराई बालबालिकाहरू माथि पर्न सक्ने असर न्यूनीकरण गर्नुपर्ने आजको आवश्यकता भएको छ । कोरोना महामारी अहिले बिपद बनेको आएको छ । यस बिपत्तिमा सबै बाल बालिकाहरुको आफ्नो अधिकार सुनिस्चितताको लागी हामी सबै पक्ष, सबै सरोकार वाला निकायहरुले साझा प्रतिबद्ता बनाइ अगाडि बढ्नुपर्ने आवश्यकता रहेको छ। बालबालिकामा खर्च होइन लागानी गर्नसके मात्र सुखि नेपाल समृद्ध नेपालको सपना साकार हुनेछ । धन्यवाद ।

गरिबको पिडा दर्शाउने “पेट बड़ी पापी”

0
वीरगंज । नेपालका युवाहरूद्वारा भोजपुरी गीत संगीत, कथा कहानी, कला संस्कृतीमा निरन्तर कार्य गर्नुको साथै अश्लीलको बिरोध र श्लीलको प्रचार प्रसार गरिदै छ ।
 
बिगतका दिनहरुमा “जेंवना” नामक फेसबुक पेजबाट्ट भोजपुरिको धरोहरका रूपमा रहेको लोकगित, लोकधुन, परम्परा, संकृतीहरू बारे नियमित भिडियो बनाई छोटो समयमा राम्रो नाम कमाएका समुह अब भोजपुरी समाजमा रहेको दुख र पिडा बारे सांगीतिक माध्यमले अगाडि बढने संकल्पका साथ अगाडि बढिरहेको ति समुहका सदस्य अशोक कुश्वाहा बताउनुहुन्छ ।
 
वर्तमान समयमा वीरगंजबाट्ट श्याम सरार्फद्वारा लिखित उनकै आवाजमा निर्माता राकेश यादव “मितवा, संदिप प्रजापती अभिनीत “पेट बड़ी पापी” भोजपुरी गीत चाडै बजारमा आउदै छ । यो गीत/वीडियो का निर्देशक राजन श्रीवास्तव हुन भने बिवेक परियारले आफ्नो संगितले सजाएका छन ।
 
भोजपुरि समाजमा रहेको गरीबी र गरीबीका कारण आफ्नो घर परिवार छोडी विदेश पलायन भईरहेका युवाको व्यथामाथी फ़िलमाईएको यस भिडियो गितको बैनर सोसलमिडिया लगायत बिभिन्न संचारमाध्यमा व्यापक रूचाईएको छ । साथै धैरै जना यस भिडियो गितको प्रतिक्षामा रहेको सोसल मिडियामा राखिएको बैनरको कमेन्टबाट्ट सहजै बुझिएको छ ।
 
भोजपुरी गीत संगीतमाथी भईरहेको काम हेरेर ६ दशक पहिला रहेको भोजपुरी गीत संगीत अनी सिनेमाको स्थिति अब फेरी चाडै फर्किने आभास भईरहेको भोजपुरीकर्मीहरू बताउन्छन् । क्षणिक स्वार्थपूर्ति र क्षणिक इज्जत अनी पैसाको लागी अश्लील लेख्ने अनेकन भोजपुरी गीतकारका बीच यस्तो गीत आउनु श्लील गीत, संगीत वा सिनेमामा काम गरिरहेका लागी सकारात्मक पक्ष हेर्न सकिन्छ । साथै अश्लीलताको मुखमा कालो मोसो लगाउने शुभ कार्य पनि भईरहेको भोजपुरीकर्मीहरूको बुझाई रहेको छ ।
 
अश्लीलताको बाजारमा प्रतिस्प्रधात्मक रूपमा आईरहेको यस्तो श्लील गीतहरू हाम्रो परिवारका साथै सार्वजनिक ठाउँमा सुन्न सकिने वा देखन सकिने छ । श्लील गीतहरू माथी काम गरिरहेका हरेक गीत संगीत वा सिनेमासंग जोडिएका ब्यक्तिहरूको प्रोत्साहन स्वरूप हामी यस्तो गीतहरू देखेर, सुनेर, शेयर गरेर आफ्नो भाषा संस्कृती प्रतिको जिम्मेवारी पूरा गरेर अश्लीलता माथी काम गर्नेहरूलाई निरुत्साहित गर्न सकिने निर्माता पक्षकाे भनाई छ ।

वीरगंजमा जारी निषेधाज्ञा असोज १५ सम्म

0

वीरगंज । वीरगंज महानगरपालिकामा जारी निषेधाज्ञालाई आगामी असोज १५ गतेसम्मका लागि बढाइएको छ । पर्साका प्रमुख जिल्ला अधिकारी अस्मान तामाङको अध्यक्षतामा आज बिहान बसेको जिल्ला सुरक्षा समितिकाे बैठकले जारी निषेधाज्ञालाई आगामी असोज १५ गते राति १२ बजेसम्मका निरन्तरता दिने निर्णय गरेकाे हाे ।

निषेधाज्ञा जारी रहेपनि नियम पालना गरी बजार खाेल्ने र सवारी साधान संचालन गर्न पाइने छ । यसका साथै सार्वजनिक सेवा प्रवाह गर्ने सबै कार्यालय र संघसंस्थाबाट आवश्यक स्वास्थ्य सुरक्षा सर्तकर्ता अपनाउदैं दिइएको निर्देशन पालना गरी सेवा प्रवाह गर्न दिने निर्णय भएको छ । सेवा लिने र दिनेले कम्तीमा दुई मिटर दुरी कायम गर्नुपर्ने र अनिवार्य रुपमा मास्क प्रयोग गर्न बैठकले निर्देश गरेको छ ।

यस्तै, पचास प्रतिशत मात्र यात्रु राखी पचास प्रतिशत बढी भाडा लिएर आवश्यक स्वास्थ्य सुरक्षा मापदण्ड पूरा गरेर मात्र सवारी साधन संचालन गर्न बैठकले निर्णय गरेको छ ।

यस्तै, बिहान ८ बजेसम्म मात्रै खुल्न भनिएका फलफुल पसल खोल्न अब समय तोकिएको छैन । तर छुट्याइएको निश्चित स्थान बाहेक अन्य स्थानमा गएर फलफूल विक्रि गर्नेलाई भने कारबाही गरिने प्रशासनको चेतावनी छ ।

योसँगै अब बिहानैदेखि दिनभर फलफुल पसल संचालन गर्न सकिने छ । यस्तै अन्य बजार तथा पसलहरु भने बिहान ११ बजेदेखि दिउँसो ४ बजेसम्म मात्रै खोल्ने यसअघिकै निर्देशनलाई यथावत राखेको छ ।

कोभिड संक्रमण फैलन नदिन नो मास्क नो मुभ अभियानलाई कडाइका साथ लागु गर्न मास्क नलगाई सार्वजनिक स्थानमा हिँड्नेलाई कारबाही गर्ने पनि चेतावनी दिएको छ ।

लामाे दुरीकाे सवारी प्रत्येक दिन चलाउन पाइने भए पनि स्थानिय स्तरमा जाेर गते जाेर नम्बरकाे सवारी चलाउन र बिजाेर गते बिजाेर नम्बरकाे सवारी साधान संचालन गर्न पाइने जिल्ला प्रशासन कार्यालय पर्साद्वारा जारी सुचनामा उल्लेख गरिएकाे छ ।

पर्सामा फेरी संक्रमित बढ्दै, थप १७ जनामा काेराेना पुष्टि

0

वीरगञ्ज । पर्सामा विगत केहि दिनदेखि घटिरहेको कोरोनाको संक्रमितको संख्या फेरी ह्वातै बढेको छ ।

नारायणी अस्पतालकाे प्रयोशालामा बुधबार सांझ गरिएको पिसिआर परिक्षणमा १९ जनामा कोरोना संक्रमण फेला परेकाे छ । फेला परेका संक्रमित मध्ये पर्साका १७ जना, बारा र राैतहटका एक-एक जना रहेका छन् ।

२ सय ९० जनाको स्वाबकाे नमुना परिक्षण गर्दा ५ महिलासहित १९ जनामा संक्रमण देखिएकाे नारायणी अस्पतालका प्रवक्ता डा. अतुलेश कुमार चाैरसियाले वताए । संक्रमितहरु १५ वर्षदेखि ६१ वर्षसम्म उमेर समुहका रहेकाे उनले जनाए ।

संक्रमितहरुकाे सिटि भ्यालु १६ देखि ३० सम्म रहेकाे प्रवक्ता डा. चाैरसियाले जानकारी गराए ।

प्रवक्ता डा. अतुलेश कुमार चाैरसियाका अनुसार पर्साकाे वीरगञ्ज महानगरपालिकाका १० जना, पाेखरिया नगरपालिकाका २ जना, जिराभावानी गाउँपालिका, बहुदरमाई नगरपालिका, पर्सागढ़ी नगरपालिका, सखुवा प्रसाैनी गाउँपालिका र बिन्दवासिनी गाउँपालिकाका एक-एक जनामा काेराेना पाेजिटिभ देखिएकाे हाे ।

केही दिनदेखि एक अंककाे संख्यामा फेला पर्न थालेकाे संक्रमितकाे संख्या अब फेरी दुई अंकमा पुगेकाे छ ।  

यस अघि मंगलबार पर्साकाे १५२ जनाकाे परिक्षणमा ५ जनामा संक्रमण देखिएकाे थियाे भने साेमबार ४० जनाकाे परिक्षण गर्दा सबै जनाकाे रिपाेर्ट नगेटिभ देखिएकाे थियाे ।

जगरनाथपुर गापाकाे ४४ कराेड ४७ लाख बराबरकाे बजेट सार्वजनिक

0

वीरगञ । पर्साको जगरनाथपुर गाउँपालिकाको चौथो गाउँ सभाद्वारा पारित आर्थिक वर्ष ७७/७८ को बजेट तथा कार्यक्रम बुधबार सार्वजनिक गरिएकाे छ । गाउँ सभाद्वारा पारित चालु आर्थिक बर्षकाे ४४ करोड ४७ लाख बाराबरकाे बजेट आज एक कार्यक्रमकाे बिच सार्वजनिक गरिएकाे गाउँपालिकाकाे लेखापाल संजय पटेलले वताए ।

गाउँ सभा असार मै सम्पन्न भएपनि सभाद्वारा पारित बजेट र कार्यक्रम बुधबार सार्वजनिक गरिएकाे उनले जानकारी गराए ।

बजेटमा पालिकाको सम्पुर्ण घरमा गैस चुल्हा बितरण गर्ने, जेष्ठ नागरिकलाई आवश्यक सामग्री तथा उपचार प्रदान गर्ने, सबै वडालाई एक आपसमा जोडने सडक संजाल, दलितको घर उज्यालो अभियान अन्तर्गत निशुल्क मिटर र विधुत जडान गर्ने, पालिका अन्तर्गतका कोरोना बिरामीलाई पालिका मै राखि उपचार गर्ने लगायतका योजनालाई प्राथमिकता दिईएको प्रमुख प्रशासकिय अधिकृत अमित कुमार गिरिले वताए ।

पालिकाकाे ७ हजार ५ सय घरधुरीमा गैस चुल्हो र सिलेण्डर वितरणका लागि ६ करोड २५ लाख बजेट छुट्याईएको गाउँपालिका अध्यक्ष जालिम मियांँले जानकारी दिए । महिलाहरूलाई दाउरा बाल्ने बाध्यताबाट मुक्ती दिलाउन यस वर्षको बजेटमा गैस चुल्हो सिलेण्डर वितरणको मुख्य योजना बनाईएको मियाँले बताए ।

गाउँपालिका अध्यक्ष मियाँको अध्यक्षतामा भएको कार्यक्रममा जिल्ला समन्वय समिती पर्साका सह संयोजक ठाकुर न्यौपाने, पोखरिया नगरपालिकाका मेयर दिपनरायण रौनियार, उप प्रमुख सलमा खातुन, कालिकामाई गाउँपालिका प्रमुख नथुनी कुशवाहा, संविधान सभा सदस्य प्रदुमन चौहान, नेकपा पर्साका अध्यक्ष प्रभु हजरा, सचिव विजय महतो, नेपाल पत्रकार महासंघ पर्साका उपाध्यक्ष अनुप तिवारी लगायतले मन्तव्य राखेका थिए ।

सरिफ गद्दीले स्वागत मन्तव्य राखेकाे कार्यक्रमको संचालन गाउँपालिका स्वास्थ्य संयाेजक प्रमेन्दर प्रसाद साहले गरेका थिए ।