Date
शुक्र, मंसिर ४, २०८३
Fri, November 20, 2026
Home Blog Page 919

वीरगंजमा १९२ काे स्वाब परिक्षण गर्दा ५ जना काेराेना पाेजिटिभ

0

वीरगञ्ज । पर्सामा सोमबार एक जना मात्र काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालको प्रयोशालामा पर्साको विभिन्न स्थानबाट ल्याइएको १ सय ७७ जनाको स्वाबको नमुनालाई पिसिआर प्रविधिमार्फत परिक्षण गर्दा एक जनामा मात्र संक्रमण देखिएकाे अस्पतालका प्रवक्ता डा. अतुलेश कुमार चाैरसियाले जानकारी दिए । संक्रमित व्यक्ति ३८ बर्षिय पुरुष रहेकाे उनले जनाकारी गराए । 

प्रवक्ता डा. चाैरसियाका अनुसार आइतबार राती कुल १ सय ९२ जनाको स्वाबको नमुना परिक्षण गर्दा ५ जनामा संक्रमण देखिएकाे हाे । जसमा पर्सा, बारा, सर्लाहीका एक-एक जना र भारतिय नागरिक २ जना रहेका छन् ।

बाराबाट आएकाे १५ जनाकाे स्वाबलाई परिक्षण गर्दापनि एक जना संक्रमण देखिएकाे हाे ।

सोमबार संक्रमण पुष्टि भएका सबै संक्रमित ३८ वर्षदेखि ५९ वर्षसम्मका पुरुष रहेका छन् । उनीहरुको सिटि भ्यालु १८ देखि ३२ सम्म रहेको डा. चौरसियाले बताए ।

योसँगै पर्सामा हालसम्म २ हजार ५ सय ६ जनामा कोरोना संक्रमण पुष्टि भएको छ । जसमध्ये १ हजार ९ सय ९६ जना संक्रमणमुक्त भएको जिल्ला प्रशासन कार्यालय पर्साले जनाएको छ ।

बाल क्लबकाे आयाेजनामा रक्तदान कार्यक्रम

0

वीरगंज । पर्साको पोखरिया नगरपालीका वडा नम्बर ९ बैरिया बिर्तामा आइतबार रक्तदान कार्यक्रम सम्पन्न भएको छ । जय माँ सरस्वती बाल क्लब बैरिया बिर्ताको आयोजना भएकाे कार्यक्रममा १७ जनाले रक्तदान गरेका छन् ।

बाल क्लबका अध्यक्ष मँसुर आलमकाे अध्यक्षतामा र पोखरिया नगरपालीका मेयर दिपनारायण रौनियाकाे प्रमुख आतिथ्यतामा भएकाे कार्यक्रममा नगरपालिकाकी उप मेयर सलमा खातुन, जनता समाजबादी पार्टीका नेता नेजामुदिन सम्मानी, वडाध्यक्ष रामबाबु प्रसाद चौहान, नेपाल रेडत्रस सोसाईटी पोखरिया उप शाखाका सभापती भगवान प्रसाद कुर्मी, शिक्षक महासंघका विनाेद गिरी, जिल्ला समन्वय समिति पर्साका सदस्य रिजवान अन्सारी लगायतकाे सहभागिता रहेकाे थियो ।

नेपाल रेडक्रस सोसाईटी उप शाखा पोखरियाको सहकार्य र रक्त संचार केन्द्र वीरगंजकाे प्राविधिक सहयाेगमा कार्यक्रम भएकाे थियाे ।

पोखरियामा शैक्षिक सामग्री तथा सेनेटरी प्याड वितरण

0

वीरगंज । बैकल्पिक शिक्षा कार्यक्रम अन्तर्गत आइतबार पोखरिया नगरपालिकाकाे वडा नं. ४ स्थित रहेकाे श्री जिल्ला उच्चांगल राम देव कलवार नमुना माध्यमिक विधालयमा शैक्षिक सामग्री वितरण गरिएको छ ।

कक्षा ९ र १० का ६२ जना विधार्थीहरुलाई एक कार्यक्रमका बिच कापी, कलम तथा छात्राहरूलाई सेनेटरी प्याड वितरण गरिएको हाे । कोरोना माहामारीको कारण विधालयहरू बन्द रहेको बेलामा रेडियो, ईन्टरनेट, टिभी लगायतका बैकल्पिक माध्यमबाट सिकाई कक्षा संचालनमा रहेको र विधार्थीहरूलाई यस समयमा आवश्यक शैक्षिक सामग्री वितरण गरिएको नगर प्रमुख दिपनरायण रौनियारले बताए ।

कार्यक्रम अन्तर्गत विधालयका ५ सय ४८ जना विधार्थीहरुलाई शैक्षिक सामग्री वितरण गरिने नगर प्रमुखका स्वकिय सचिव राजु राैनियारले जानकारी गराए ।

शैक्षिक सामग्री वितरण कार्यक्रममा पोखरिया नगपालिकाकी उप मेयर सलमा खातुन, प्रमुख प्रशासकिय अधिकृत अमित गिरी, शिक्षा शाखा प्रमुख बल्लदेव भट्ट, समाजिक शाखाका नागेन्द्र साह, विधालयमा प्रधानाध्यापक वयाश महतो, प्रशासन शाखा प्रमुख बिजय कुमार झा लगायतको सहभागिता रहेको थियो ।

डा. गोबिन्द केसीको माग पूरा गराउन युथ कांग्रेस पर्साकाे ज्ञापन

0
वीरगंज । स्वास्थ्य र मेडिकल शिक्षामा सुधार तथा सुशासनका लागि लामो समयदेखि संघर्ष गरिरहेका डा. गोबिन्द केसीकाे माग पूरा गराउन युथ कांग्रेस नेपाल पर्साले प्रमुख जिल्ला अधिकारीमार्फत प्रधानमन्त्रीलाई ज्ञापन पत्र बुझाएकाे छ ।
 
ज्ञापन पत्रमा १९ औं पटक सत्याग्रहमा बसेका डा. केसीसंग प्रत्येक पटक सरकारले सम्झौता गर्दै आएको तर सम्झौता कार्यान्वयन नगरेका कारण पटक पटक सत्याग्रहमा बस्न बाध्य भएकाेले उनकाे मागहरु यथासिघ्र पुरा गरी जीवन रक्षा गर्न माग गरिएकाे छ ।
 
यसका साथै कर्णाली स्वास्थ्य विज्ञान प्रतिष्ठानमा तत्काल पूर्वाधार र जनशक्ति पुर्याएर एमबीबीएस लगायतका कार्यक्रमहरु संचालन गरियोस्, गेटा मेडिकल कलेज र राप्ति स्वास्थ्य विज्ञान प्रतिष्ठानमा शीघ्र पूर्वाधार जनशक्ति पुर्याएर पठनपाठन शुरू गरियोस्, प्रदेश नं. २ र गण्डकी प्रदेश तथा डोटी वा डडेल्धुरा, उदयपुर र इलाम वा पाँचथरमा सरकारी मेडिकल कलेज खोल्ने प्रक्रिया अघि बढाइयोस्, मास्कको प्रयोग र सामाजिक दुरीलाई अनिवार्य गर्दै पीसीआर परीक्षण व्यापक बनाएर लकडाउन र निषेधाज्ञा अन्त गरियोस् भने पनि माग गरिएकाे छ ।
यस्तै कोभिङ तथा अन्य रोगका सबै बिरामीहरुका लागि उचित उपचारको व्यवस्था गर्न, २०७५ साउन १० गते भएको सम्झौताअनुसार चिकित्सा शिक्षा ऐनमा संशोधन गर्न र त्रिवि चिकित्सा शास्त्र अध्ययन संस्थानमा वरिष्ठता मिचेर भएका नियुक्तिहरु सच्याउँदै सबै पदमा वरिष्ठताका आधारमा नियुक्ति गरिनु पर्ने ज्ञापन पत्रमा उल्लेख छ ।
 
यस्तै राज्य लक्ष्मी गोल्छा घुस काण्ड, आयल निगम जग्गा खरीद काण्ड, वाइड बडी काण्ड, सेक्युरिटी प्रेस खरीद काण्ड, दरबारमार्गको जग्गा काण्ड, ओम्नी समुहको औषधि खरीद काण्ड लगायत सबै ठूला भ्रष्टाचार काण्डका दोषीहरुलाई कानुन बमोजिम छानविन र कारवाही गर्नसमेत माग गरिएकाे छ ।
 
युथ कांग्रेस पर्साका संयोजक सुमेश्वर साहकाे नेतृत्वमा ज्ञापन पत्र बुझाउन जिल्ला प्रशासन कार्यालयमा युथ कांग्रेस नेपालका प्रदेश नं. २ का सचिब आरयन ठाकुर, प्रदेश सदस्य राहुल गुप्ता, पर्सा जिल्ला सदस्य सुमित गुप्ता लागयतका पुगेका थिए ।

छिपहरमाई गाउँपालिकामा २ जनाकाे शव फेला

0

भिस्वा । पर्साको छिपहरमाई गाउँपालिका वडा नं. ४ बन्जारीमा आज विहान एक जनाकाे शव फेला परेकाे छ । भारत बिहार सिकटा निवासी ८० बर्षिय गाेकुल हजराकाे शव फेला परेकाे प्रहरीले जनाएकाे छ ।

बन्जारी चाैकस्थित नहरमा वृद्धकाे शव फेला परेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुंवरले वताए ।  

शव फेला परेकाे स्थल प्रहरी चाैकी बन्जारी अगाडी रहेकाे छ । फेला परेकाे शवकाे पाेष्टमार्टमकाे लागि वीरगंजस्थित नारायणी अस्पतालमा पठाइएकाे छ । 

यस्तै बन्जारी मै एक युवककाे झुन्डिएकाे अवस्थामा शव फेला परेकाे छ । स्थानिय मदन यादवका २३ बर्षीय छोरा भिम यादवकाे आफ्नै घरमा झुन्डिएकाे अवस्थामा शव फेला परेकाे प्रहरीले जनाएकाे छ ।

घरमा काेइ नभएकाे बलेमा उनले झुण्डिएर आत्म हत्या गरेकाे स्थानियहरुले वताएका छन् । शवकाे पोष्टमार्टमका लागी नारायणी अस्पतालमा पठाइएको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले बताए ।

यस अघि पनि बन्जारीमा काेराेना महामारी सरु भए यता ६ जनाले आत्म हत्या गरि सकेका छन् । घटना बारे अनुसन्धान भइरहेकाे प्रहरीले जनाएकाे छ ।

वीरगंजका ९ सहित पर्सामा थप १२ जनामा काेराेना संक्रमण पुष्टि

0

वीरगंज । पर्सामा थप १२ जनामा काेराेना भाइरस (काेभिड १९) संक्रमण पुष्टि भएकाे छ । वीरगंजस्थित नारायणी अस्पतालकाे प्रयाेगशालामा शनिबार राति पर्साका ९६ जनाकाे स्वाबकाे नमुना परिक्षणण ३ महिलासहित १२ जनामा संक्रमण देखिएकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

संक्रमित हुनेमा १५ बर्षिय बालकदेखी ८८ बर्षिय वृद्ध सम्म रहेका छन् । संक्रमितहरुकाे सिटी भ्यालु २० देखी ३४ सम्म रहेकाे उनले जनाए ।

प्रवक्ता डा. चाैरसियाका अनुसार वीरगंज कारागारका ३५ बर्षिय महिला, वीरगंज महानगरपालिकाकाे वडा नं. १ का ३२ बर्षिय पुरुष, वडा नं. ३ का ५० बर्षिय पुरुष, वडा नं. ५ का ५२ बर्षिय पुरुष, वडा नं. ६ का ८८ बर्षिय पुरुष, वडा नं. १३ का २६ बर्षिय महिला, ४२ बर्षिय पुरुष, वडा नं. १५ का १५ बर्षिय पुरुष र वडा नं. १९ का ३२ बर्षिय पुरुष संक्रमित भएका छन् ।

यस्तै पर्सागढी नगरपालिका वडा नं. ७ का ४० बर्षिय पुरुष, धाेबिनी गाउँपालिका वडा नं. ४ का ३० बर्षिय महिला र टेडा जितपुरका २६ बर्षिय पुरुषमा संक्रमण देखिएकाे उनले जानकारी गराए ।    

जसपा पर्साद्वरा अधुराे संविधान रहेकाे भन्दै बिराेध प्रदर्शन

0

वीरगञ्ज । जनता समाजवादी पार्टी (जसपा)ले संविधान दिवसको विरोधमा प्रदर्शन गरेको छ । जसपाका नेता कार्यकर्ताले ‘अपुरो संविधान विरोध कार्यक्रम’ नारा लेखिएको ब्यानरसहित पर्साको सदरमुकाम वीरगञ्जमा प्रदर्शन गरेका हुन् ।

वीरगञ्जको घण्टाघरबाट शुरु भएको विरोध कार्यक्रम नगर परिक्रमा गरेर घण्टाघरमै पुन: पुगेर विरोध सभामा परिणत भएको थियो ।

काेण सभालाई सम्बाेधन गर्दै जसपा नेता लक्ष्मणलाल कर्णले मधेसी, जनजाति, दलित, महिला लगायत बहिस्कृत समुदायको अधिकार संविधानमा नसमेटिएको बताए । संविधान जारी भएको बेला आफूहरुमाथि घात भएको भन्दै उनले भने, ‘अरु दिपावली मनाइरहेका छन् । तर हामी संविधान संसोधन नभएसम्म यसको विरोध गरिरहन्छौं ।’

विरोध कार्यक्रममा प्रदेश सांसद सिंघासन कलवार, रमेश पटेल, करिमा बेग्म, जसपाका नेता नेजामुद्दिन समानी, रामनरेश यादव, जगदिश पटेल, सुन्दर कुर्मी, तबरेज अहमद, बिन्दवासिनी गाउँपालिकाका अध्यक्ष श्रीलाल साह कानु, युवा नेता गाैरीशंकर साह, बासुदेव यादव, ईश्वर यादव, रबदुला खान, अंशु साह कानु, रुस्तम शेख, मनमोहन पाण्डे लगायतका पार्टीका नेता तथा कार्यकर्ताहरुको सहभागिता रहेको थियो ।

जसपाले संविधान संशोधनको माग गर्दै आएको छ तर सरकारले सुनुवाई गरेको छैन । कतिपयले संविधानको मर्मलाई स्वीकार गरेर चुनावमा सहभागी भएको, संघीय सरकारमा गएको, प्रदेश २ सरकारको नेतृत्व गरिरहेको अवस्थामा संविधानको विरोध गर्नुको कुनै अर्थ नरहेको टिप्पणी गरिरहेका छन् ।

नेपाल विश्व हिन्दु महासंघकाे जितपुर सिमरामा समिति गठन

0
वीरगंज । नेपाल विश्व हिन्दु महासंघ जितपुर सिमरा उपमहानगरपालिकाे कार्य समिति गठन भएकाे छ । महासंघकाे राष्ट्रीय सचिव अभिषेक तिवारीकाे उपस्थितीमा भएकाे भेलाले लालबाबू पंडितकाे अध्यक्षतामा २७ सदस्यीय समिति गठन गरेकाे छ ।
 
जुन समितिकाे सदस्यमा राजनाथ दास, सुरेश महताे, सुरज मुखिया, अमिरका महताे, रंजन पाण्डे, रामशिष मुखिया, माेतिलाल साह, विनाेद महताे, हरि महताे, भरत महताे, वृजकिशाेर गिरी, जाेगि पासवान लगायतका रहेका छन् ।
 
कार्यक्रममा वाेल्दै सचिव तिवारीले हिन्दू राष्ट्र घोषणा गर्नका लागि हिन्दुहरुमा एकताको आवश्यकता रहेकाे वताए । महासंघका वीरगंज महानर उपाध्यक्ष राकेश पटेलले हामी हिन्दु भएको कुरा आत्मसात गरे मात्र आफ्नो रास्ट्रलाई विश्व हिन्दू राष्ट्रको रुपमा चिनाउन सकने वताए ।
 
नव गठित समितिका अध्यक्ष पाण्डेले आफु लगयातका सम्पुर्ण कार्यसमितिका सदस्य मिली हिंदुत्व र हिन्दूहरुको धर्म प्रति सदैव आस्था जागृत गरी रहने वताए । उनले हिन्दू राष्ट्र कायम गर्ने अभियानमा सधै आ आफ्नो ठाउँबाट योगदान दिने बताए । 

शत्रुधन पटेलकाे पांचाै स्मृति दिवस, शहिदकाे सपना साकार भएन : वक्ताहरु

0

वीरगंज । मधेश आन्दाेलनका शहिद शत्रुधन पटेलकाे पांचाै स्मृति दिवस आज पकहा मैनपुरमा मनाइएकाे छ । संविधान घाेषणा कै दिन संविधानकाे विराेध गर्ने क्रममा वीरगंजमा प्रहरीकाे गाेली लागेर मृत्यु भएका पर्साकाे पकहा मैनपुर गाउँपालिका वडा नं. ३ मैनपुर निवासी स्व. पटेलकाे गाउँ मै एक कार्यक्रमकाे आयाेजना गरि स्मृति दिवस मनाइएकाे हाे । 

जनता समाजवादी पार्टी पकहा मैनपुर गाउँपालिकाकाे आयाेजनामा भएकाे कार्यक्रममा बाेल्ने वक्ताहरुले सहिदकाे सपना साकार नभएकाे वताएका छन् । पार्टीबाट नै बन्नेका पालिका अध्यक्ष, सांसद र मन्त्रीहरु कै कारण शहिदकाे सपना ओलझेलमा परेकाे वक्ताहरुकाे भनाई थियाे । 

कार्यक्रमका प्रमुख अतिथी जनता समाजवादीका नेता एवं प्रतिनिधि सभा सदस्य लक्ष्मण लाल कर्णले पकहा मैनपुर गाउँपालिकामा निर्माण हुने सार्वजनिक सम्पतिकाे नामंकन शत्रुधन पटेलकाे नामले गर्नु पर्ने वताए । उनले गाउँपालिका अन्तर्गत निर्माण हुने धर्मशाला, सडक, विद्यालय लगायतकाे सार्वजनिक सम्पतीकाे नाम शत्रुधन पटेलकाे नामले राख्नु पर्ने धारणा राखे ।

पर्सा क्षेत्र नं. ४ का संघिय सांसद रहेकाे नेता कर्णले अब पार्टीले दुई तिहाई बहुमत ल्याउने वताए । उनले भने “प्रदेशमा पार्टी कै सरकार भए पनि काम गर्न सकेकाे छैन् । तपाईहरुले त भाेट दिनु भयाे, दुई पार्टी मिल्दा पनि मात्र सरकार बनाउने बहुमत छ । त्यस कारण प्रदेशकाे नमांकन, राजधानी र भाषा लगायतकाे काम पनि गर्न सकेकाे छैन् । यी सबै काम गर्नकाे लागि दुई तिहाई बहुमत चाहिन्छ । त्यही भएर अब पार्टीले दुई तिहाई बहुमत ल्याउनु पर्छ ।”

कार्यक्रममा वाेल्दै जनता समाजवादी पार्टीका नेता राजेशमान सिंहले पार्टीबाटै निर्वाचित सांसद र मन्त्रीले जनताकाे चाहना अनुसारकाे काम गर्न नसकेकाे वताए । पदमा पुगेका पार्टीका नेताहरुले जनताकाे चाहना अनुसार काम नगरेका कारण शहिदकाे सपना साकार नभएकाे उनकाे भनाई थियाे ।

जनता समाजवादी पार्टी पकहा मैनपुर गाउँपालिका नेता विनाेद मेहताकाे अध्यक्षतामा भएकाे कार्यक्रममा पर्सा क्षेत्र नं. ३ का निलम्बित सांसद हरिनारायण राैनियार, प्रदेश सांसद प्रहलाद गिरी, करिमा बेग्म, भिमा यादव, वीरगंज महानगरपालिकाका मेयर विजय सरावगी, नेता शिव पटेल, नेजामुदिन सम्मानी, बाबुलाल यादव, सिपु तिवारी, रामनरेश यादव, सुन्दर कुर्मी, मुकेश द्विवेदी, जरी लामा लगायतकाे सहभागिता रहेकाे थियाे ।

चन्देश चाैहानले स्वागत मन्तव्य राखेकाे कार्यक्रमकाे संचालन जसपाका संघिय परिष सदस्य शिवजी प्रसाद साेनीले गरेका थिए ।

कार्यक्रममा सहभागि नेताहरुले पकहा मैनपुर चाैकमा रहेकाे शहिद शत्रुधन पटेलकाे शालिकमा मल्यार्पणसमेत गरेका थिए । त्यसपछि भएकाे सभामा शहिद शत्रुधन पटेलकी आमा गाउँपालिकाकी उपाध्यक्ष कुशमी देबीलाई दाेसल्ला ओढाएर सम्मानसमेत गरिएकाे थियाे ।

प्रशासनले सिमानाकामा कडाई गरोस : सांसद यादव

0

वीरगंज । पर्सा क्षेत्र नम्बर १ का सांसद प्रदिप यादवले भारतसंग जोडिएको पर्साको सबै सिमानाकामा व्यापक रुपमा कडाई गर्न स्थानीय प्रशासनलाई सुझाव दिएका छन ।

जिल्ला समनव्य समिती पर्साको सभाहलमा आयोजित आयुर्वेदिक औषधी हस्तानतरण कार्यक्रममा बोल्दै सांसद यादवले पर्सा जिल्लाको खुला सिमानाकाहरुबाट मानिसको आवत जावत बढेको बताउदै स्थानीय प्रशासनलाई कडाई गर्न आग्रह गरे । सिमाको अवस्था नाजुक रहेको बताउदै सांसद यादवले भने म स्वयम सशस्त्रका डिआईजी तथा स्थानीय सरक्षा निकायका प्रमुख सहितको टोली लिएर सिमाको अनुगमन गरेको थिए । अनुगमन गरिएको समय एउटा सियो पनि यता उता भएन तर हामी फर्के पछि पुन सिमा क्षेत्रमा चहल पहल भइरहेको गुनासोहरु आएको सुनाए ।

सिमा सिल भएपनि मानिसको ओहोर दोहोर रोकिएको छैन, स्थानीय प्रशासनले तत्काल सिमा नाकामा कडाई गर्नु पर्ने आवश्यक देखेको छु सांसद यादवले भने । सिमा नाकामा कडाई नगर्दा विगतमा वीरगञ्जमा कोरोना संक्रमणको अवस्था भयावह भएको थियो । यदी त्यस घटनाबाट पाठ सिकेर अहिले सिमा नाकामा पुरै कडाई गर्न सकिएन भने पर्साको अवस्था पुन: भयावह हुन सक्ने भएकोले स्थानीय प्रशासनले सिमानाकामा थप कडाई गर्नु पर्ने उनले सुझाए ।

पर्सामा अहिले निषेधाज्ञा केही खुकुलो भएपनि कोरोना संक्रमण खत्म भयो भनेर निष्फीक्री भएर बस्ने अवस्था नरहेको बताउदै सांसद यादवले भने हामी अहिले पनि सतर्क र सचेत रहेर सरकारले दिएको गाइड लाइनको पालना गर्न आम सर्वसाधारणलाई आग्रह गरे । उनले लकडाउनको सुरुदेखी नै आफुले सक्दो सहयोग गरेको बताउदै अगामी दिनमा पनि आफ्नो सहयोग निरन्तर जारी रहने जिकिर गरे ।

कार्यक्रममा बोल्दै जिल्ला समनव्य समिती पर्साका प्रमुख नेक महमद अंसारीले कोभिड अस्पतालको साथ साथै होम आइसोलेशनमा रहेकाहरुलाई पनि आयुर्वेदिक औषधी दिन आग्रह गरेका थिए ।

कार्यक्रममा जिल्ला आयुर्वेद स्वास्थ्य केन्द्र वीरगञ्ज पर्साले कोभिड एक्शन टिम क्याटको पहलमा अस्थायी कोभिड गण्डक अस्पताललाई आयुर्वेदिक औषधी हस्तानतरण गरेकाे थियाे ।

साे अवसरमा स्वास्थ्य केन्द्र वीरगंजका प्रमुख डा रमेश मिश्रा, डा. दिपक चौरसीया, क्याटका सदस्य तबरेज अहमद, सञ्जीव मिश्रा लगायतको उपस्थिती रहेको थियो । कार्यक्रमको सहजिकरण समाजवादी पार्टीका युवा नेता निखिल वर्णवालले गरेका थिए ।