Date
शुक्र, मंसिर ४, २०८३
Fri, November 20, 2026
Home Blog Page 918

परवानीपुरकाे प्रमुख प्रशासकिय अधिकृतमा सुनिल चाैरसिया हाजिर

0

वीरगंज । बाराकाे परवानीपुर गाउँपालिकाकाे प्रमुख प्रशासकिय अधिकृतमा सुनिल चाैरसिया बिहिबार हाजिर भएका छन् । जिल्ला समन्व समिति बाराकाे समन्वय अधिकारीकाे रुपमा कार्यरत चाैरसिया परवानीपुरकाे प्रमुख प्रशासकिय अधिकृतकाे थप जिम्मारी पाएपछि हाजिर भएका हुन् ।

चाैरसियालाई एक कार्यक्रमका बिच गाउँपालिका अध्यक्ष हरिनारायण प्रसाद साह लगायतका जनप्रतिनिधि एवं कर्मचारीहरुले स्वागत गरेका छन् । संघिय मामिला तथा सामान्य प्रशासन मन्त्रालयले असाेज ६ गते परवानीपुर गाउँपालिकाकाे थप जिम्मेवारी दिएपछि हाजिर भएका हुन् ।

यस भन्दा पहिला गाउँपालिकाकाे निमित प्रमुख प्रशासकिय अधिकृत आशिष गिरी थिए । 

यस्तै बाराकाे बिश्रामपुर गाउँपालिकाकाे प्रमुख प्रशासकिय अधिकृतमा सुनिल केशरीकाे सरुवा भएकाे छ । राैतहटकाे यमुनामाई गाउँपालिकाकाे प्रमुख प्रशासकिय अधिकृतमा कार्यरत केशरीकाे संघिय मामिला तथा समान्य प्रशासन मन्त्रालयले बाराकाे बिश्रामपुर गाउँपालिकामा सरुवा गरेकाे हाे ।

चिकित्सकहरुलाई हातमा कालाेपट्टी बांधेर काम गर्न संघकाे आवहान

0

वीरगञ्ज । गुणस्तरिय स्वास्थ्य सेवा र चिकित्सा शिक्षाकाे लागि १९ औं पटक सत्याग्रहमा बसेका प्राध्यापक डा. गोविन्द केसीमाथि भएको अभद्र व्यवहारको नेपाल चिकित्सक संघ नारायणी शाखा वीरगंजले विरोध गरेकाे छ ।  

चिकित्सक संघका आजिवन सदस्यसमेत रहेका डा. केसीमाथि भएको अभद्र व्यवहारको विरोधमा संघले सम्पुर्ण चिकित्सकहरुलाई आजैदखी हातमा कालोपट्टी बाँधेर काम गर्न अवहानसमेत गरेकाे छ । 

जनताको प्रत्यक्ष सरोकारको विषयमा आवाज उठाउनु आम नागरिकको प्रजातान्त्रिक अधिकार भएको मुलुकमा बल प्रयोग गरी अमर्यादित ढंगले अनसनरत डाक्टर केसीमाथि अभद्र व्यवहार गर्नु खेदजनक भएको चिकित्स संघले जनाएकाे छ । 

संघका नारायणी शाखा सचिव डा. उद्य नारायण सिंहले एक प्रेस विज्ञप्ती जारी गर्दै जुम्लाकाे चन्द्र चन्द्रनाथ नगरपालिका ६ रानिचाैरस्थित बाबिरामष्ट मन्दिरमा भाद्र २९ गते साेमबारदेखी १९ औ‌ पटक सत्याग्रहमा बसेका ६० बर्षिय चिकित्स डा. गाेबिन्द केसीलाई अपहरणको शैलीमा काठमाडौ लगि राष्ट्रिय ट्रमा सेन्टरकाे प्राङ्गमा प्रहरिद्वारा गरिएकाे अमानवीय र अभद्र व्यबहारकाे घोर भत्सर्ना गरेका छन् ।
 
उनले विज्ञप्तीमार्फत गुणस्तरीय स्वास्थ्य सेवा र चिकित्सा शिक्षा सुधारका लागि डा. केसीसँग तत्काल वार्ता गरी जायज मागहरु सम्बोधन गर्न मागसमेत गरेका छन् ।
 
जनताको प्रत्यक्ष सरोकारको बिषयमा आवाज उठाउनु आम नागरिकको प्रजातान्त्रिक अधिकार भएको रास्ट्रमा ,बल र सरकारी सम्यन्त्रको प्रयोग गरि मर्यादित चिकित्सक को अपमान गर्नु सम्पुर्ण राष्ट्रमा बल र सरकारी सयन्त्रकाे प्रयाेग गरी मर्यादित चिकित्सकाे अपमान गर्नु सम्पूर्ण राष्ट्रकाे लागि अपमानजनक रहेकाे संघका सचिव डा. सिंहले वताए । 
 
चिकित्सा शिक्षा र गुणस्तरिय गुणस्तरिय स्वास्थ्य सेवा सर्वसाधारणकाे नागरिककाे सहज पहुंचकाे लागि गरिएकाे सत्याग्रह प्रति नेपाल सरकारले गम्भिर रुपमा मनन गरी अबिलम्ब बर्ताद्वारा जायज मागहरुकाे सम्बाेधन गर्दै प्रध्यापक डा. केसीकाे जिवन रक्षा गर्न चिकित्सक संघले नेपाल सरकार तथा सराेकारवाला निकायसंग माग गरेकाे छ ।

बहुदरमाई नपाकाे ६१ कराेड ३७ लाख बराबरकाे बजेट सार्वजनिक

0

वीरगंज । पर्साकाे बहुदरमाई नगरपालिकाकाे आर्थिक बर्ष २०७७/०७८ काे निति, कार्यक्रम तथा बजेट बुधबार सार्वजनिक गरिएकाे छ । नगरपालिकाकाे पांचाै नगर सभाद्वारा पारित चालु आर्थिक बर्षकाे रु ६१ कराेड ३७ लाख ६७ हजार एक सय ७८ बराबरकाे निति, कार्यक्रम तथा बजेट एक कार्यक्रमकाे बिच सार्वजनिक गरिएकाे हाे ।

नगरपालिकाकाे संघ सरकारकाे समानिकरण अनुदान १२ कराेड ६४ लाख, राजश्व बाडफाड ७ कराेड ६५ लाख २० हजार ७ सय १०, सर्शत अनुदान १८ कराेड ८४ लाख, प्रदेश सरकारकाे समानीकरण अनुदान ७३ लाख ६१ हजार, सर्शत अनुदान ८० लाख, राजश्व बाडफाड ४३ लाख ७४ हजार, बिशेष अनुदान ३० लाख रहेकाे छ ।

यस्तै चालु आर्थिक बर्षकाे समाजिक सुरक्षा तथा संरक्षण भता वितरण ७ कराेड ६१ लाख ३० हजार, स्थानिय शासन तथा सामुदायिक बिकास कार्यक्रम ५ लाख, बहुक्षेत्रिय पाेष्ण कार्यक्रम १४ लाख ८० हजार, सडक बाेर्डकाे सर्शत अनुदान ३२ लाख र आन्तरिक स्राेतबाट २ कराेड २० लाख ५५ हजार ५ सय बजेट रहेकाे नगरपालिकाका लेखापाल हरि प्रसाद कुर्मीले जानकारी दिए ।

नगर प्रमुख नितेन्द्र साहकाे अध्यक्षतामा भएकाे कार्यक्रममा उप प्रमुख गायत्री देवी, प्रमुख प्रशासकिय अधिकृत तिर्थराज यादव, लेखा अधिकृत उपेन्द्र साह लगायत सम्पूर्ण  नगर सभा सदस्य तथा कर्मचारीहरुकाे सहभागिता रहेकाे थियाे ।

नगर सभाले “बहुदरमाई नगरपालिकाकाे बिकास र समृद्ध आधार, शिक्षा, स्वास्थ्य, कृषी र पुर्वधार बिकास” यस बर्षकाे नारा तय गरेकाे छ । 

धाेबिनीमा एक महिलासहित २१ जनाद्वारा रक्तदान

0

वीरगंज । पर्साकाे धाेबिनी गाउँपालिका वडा नं. ४ लंगडीमा बुधबार रक्तदान कार्यक्रम सम्पन्न भएकाे छ । धाेबिनी गाउँपालिकाकाे आयाेजनमा भएकाे कार्यक्रममा एक महिलासहित २१ जनाले रक्तदान गरेका छन् ।

लंगडीस्थित गाउँपालिकाकाे कार्यालयमा भएकाे कार्यक्रममा लेखापाल मंदिप महतो, योजना प्रमुख महम्द मंसुर खाँ, कम्पियुटर अपरेटर तजेन्द्र माली, स्वास्थ्य संयोजक संजय यादव, अनमी निसा कुमारी, अहेब संतोष कुमार साह, सुरेश साह, स्थानिय बालकुमार सहनी, लक्ष्मी महतो, प्रमोद ठाकुर, रामाकान्त पास्वान, भुषन पासवान, आकास कुमार रौनियार, उदय सिंह पटेल, लोकनाथ पटेल, बिरेन्द्र राउत कुर्मी, अशोक यादव, भिम समानी, कृष्ण राउत कुर्मी, सुजित महतो, ईनताफ अंसारीले रक्तदान गरेका छन् ।

गाउँपालिका अध्यक्ष सुरेश प्रसाद कुर्मीको अध्यक्षमा भएको कार्यक्रममा प्रमुख प्रसाशकिय अधिकृत अशाेक राैनियार, रक्त संचार केन्द्र वीरगंजका प्राविधिक जितेन्द्र कुशवाहा लगायतकाे सहभागिता रहेकाे थियाे ।

कृति डेभलपमेन्ट एण्ड स्किल प्रा.लि. लंगडीकाे सहकार्य र रक्त संचार केन्द्र वीरगंजकाे प्राविधिक सहयाेगमा कार्यक्रम भएकाे हाे ।

समाजिक सेवा दिवसको अवसरमा मानव सेवा आश्रमलाई सहयाेग

0

वीरगन्ज । पर्साका गैर सरकारी संस्थाहरुले ४१ औं समाजिक दिवसको अवसरमा मानव सेवा आश्रम वीरगंजलाई सहयाेग गरेका छन् । गैर सरकारी संस्था महासंघ नेपाल पर्सा, आसमान नेपाल पर्सा, समाजिक संस्था जिल्ला समन्वय समिति पर्सा र अरुणोद्य युवा क्लब पर्साले संयुक्त रुपमा दिवसको अवसरमा आश्रमलाई खाद्य सामग्री तथा फलफुल सहयाेग गरेका हुन् ।

संस्थाहरुले वीरगंजकाे रानिघाटस्थित रहेकाे आश्रम मै पुगी एक कार्यक्रमका बिच चामल एक क्युन्टल, दाल २० किलो, आलु २० किलो, प्याज २० किलो, स्याउ २१ किलो, केरा १० दर्जन, जुस ४० पिस, मास्क १०० पिस र सेनिटाइजर १ लिटर लगायतका सामग्री आश्रमका संयाेजक देवेश मानवसेवालाई हस्तान्तरण गरेका छन् ।

गैर सरकारी संस्था महासंघ नेपाल पर्साका अध्यक्ष छठु साहको अध्यक्षतामा भएको कार्यक्रममा वीरगंज महानगरपालिकाकाे वडा नं. ९ का वडाध्यक्ष मनोज कलवार, वडा प्रहरी कार्यालय श्रीपुरका प्रहरी निरिक्षक दिपक साह, समाजिक संस्था जिल्ला समन्वय समिति पर्साका अध्यक्ष इव्राहिम देवान, आसमान नेपाल पर्साका संयोजक मुनिलाल बैठा, अरुणोदय युवा क्लबका प्रतिनिधि राजेश गुप्ता लगायतकाले शुभकामना मन्तव्य राखेका थिए भने कार्यक्रमको संचालन पत्रकार शम्भु कुमार सुमनले गरेका थिए ।

“समाजिक क्षेत्र : राष्ट्रिय गौरव” आजको प्राथमिकता, समृद्ध र सुखको लागि समाजिक रुपान्तरण तथा उद्यमशिलता भन्ने मुल नाराका साथ असाेज ६ गतेदेखी १२ गते सम्म सप्ताह व्यापी रुपमा मनाउने कार्यक्रम अन्तर्गत गैर सरकारी संस्थाहरुकाे छाता संगठन गैसस महासंघ र पर्साका ३ क्रियाशिल गैरसरकारी संस्थाहरुले सहयाेग गरेका हुन् ।

सखुवा प्रसाैनीकाे ५२ कराेड १२ लाख बराबरकाे निति तथा कार्यक्रम प्रस्तुत 

0

वीरगंज । पर्साकाे सखुवा प्रसाैनी गाउँपालिकाकाे पांचाै गाउँ सभा सम्पन्न भएकाे छ । गाउँ सभाद्वारा पारित चालु आर्थिक बर्ष २०७७/०७८ काे ५२ कराेड १२ लाख ११ हजार ९ सय बराबरकाे निति तथा कार्यक्रम प्रस्तुत गरिएकाे छ ।

गाउँपालिका अध्यक्ष प्रदिप जयसवालकाे अध्यक्षतामा भएकाे गाउँ सभामा उपाध्यक्ष फुलमती देवी चाैधरीले चालु आर्थिक बर्षकाे निति तथा कार्यक्रम प्रस्तुत गरेकी थिइन ।

उनले संघिय सरकारकाे शसर्त अनुदान १९ कराेड ३८ लाख, समपुरक अनुदान १९ कराेड ३८ लाख, ८ कराेड, समानिकरण अनुदान ११ कराेड ४० लाख, प्रदेश सरकारकाे बिशेष अनुदान ३० लाख, शसर्त अनुदान ८० लाख, समानिकरण अनुदान ७१ लाख ६३ हजार रहेकाे जानकारी गराइन ।  

गाउँ सभाले कृषि, शिक्षा र स्वास्थ्यलाई प्राथमिकतामा राखेर निति तथा कार्यक्रम तय गरेकाे प्रमुख प्रशासकिय अधिकृत संदेश यादवले वताए । सभाले वडा नं. १, २ मा एक-एक कराेड र वडा नं. ३, ४, ५ र ६ मा ८५-८५ लाख बजेेट छुट्याएकाे उनले जानकारी गराए ।  

विन्दवासिनिमा विद्यार्थीहरुलाई शैक्षिक सामाग्री वितरण

0

वीरगंज । वीरगञ्ज महानगरपालिकाकाे वडा न. १९ विन्दवासिनिमा मंगलबार एक कार्यक्रमका विद्यार्थीहरुलाई शैक्षिक सामाग्री वितरण गरिएको छ । सामाजिक मञ्चको आयोजनामा सो क्षेत्र ५० जना विद्यार्थीहरुलाई शैक्षिक सामाग्री वितरण गरिएको हो ।

कोरोना भाइरसको संक्रमणबाट सुरक्षित रहनका लागी सरकारले जारी गरेको लकडाउन तथा निषेधाज्ञाका कारण पठनपाठन प्रभावित हुँदा विद्यार्थीहरुलाई पढाईप्रतिको आकर्षण बढाउने अभिप्रायले शैक्षिक सामाग्री वितरण गरिएको संस्थाले जनाएकाे छ ।

मञ्चका अध्यक्ष अभिषेक यादबको अध्यक्षतामा भएको  सामाग्री वितरण कार्यक्रममा मञ्चका सल्लाहकार नरेश गुप्ता, युवा संघका प्रदेश सदस्य अमित यादव, ज्येष्ठ नागरिक धुना राम, समाजवादी विद्यार्थी युनियन विन्दवासिनिका अध्यक्ष नैमोदिन मियाँ, दिपेन्द्र राम, भुनेशी पासवान लगायत मञ्चका सदस्य तथा स्थानीयको उपस्थिती रहेको थियो ।

कार्यक्रममा मञ्चका सदस्य जय यादवले स्वागत मन्तव्य व्यक्त गरेका थिए ।

पर्सा र बाराका थप १८ जनामा काेराेना संक्रमण पुष्टि

0

वीरगंज । पर्सा र बाराका थप १८ जनामा काेराेना भाइरस (काेभिड १९) संक्रमण पुष्टि भएकाे छ । वीरगंजस्थित नारायणी अस्पतालकाे प्रयाेगशालामा साेमबार राति ३०० जनाकाे स्वाब परिक्षण गर्दा १८ जनामा संक्रमण पुष्टि भएकाे हाे ।

संक्रमित हुनेमा पर्साका ६ जना र बाराका १२ जना रहेकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए । उनका अनुसार पर्साकाे विभिन्न ठाउँबाट आएका १३६ जना र बाराकाे विभिन्न ठाउँबाट आएका १६४ जनाकाे स्वाबकाे नमुना पिसिआर विधिबाट परिक्षण गरिएकाे थियाे ।

संक्रमित हुनेमा ४ महिला र १४ पुरुष रहेका छन् । थपिएका संक्रमितहरु १२ बर्षिय बालकदेखी ८५ बर्षिय वृद्धसम्म रहेका छन् । 

प्रवक्ता डा. चाैरसियाले दिएकाे जानकारी अनुसार पर्सामा थपिएका संक्रमितहरु वीरगंज महानगरपालिकाकाे ५ जना र सखुवा प्रसाैनी गाउँपालिकाका एक जना रहेका छन् ।

त्यसैगरी बारामा थपिएका संक्रमितहरु मध्ये माेतिसरका एक जना, सशस्त्र प्रहरी बल पथलैयाका २ जना, जितपुर सिमराका ८ जना लगायतका रहेका छन् ।

नेपालमा काेराेना संक्रमितकाे संख्या ६५ हजार नाघ्याे

0

काठमाडौँ । नेपालमा काेराेना भाइरस (काेभिड १९) संक्रमितकाे संख्या ६५ हजार नाघेकाे छ । पछिल्लो २४ घन्टामा नेपालमा थप ११ सय ५४ जनामा कोरोना संक्रमण पुष्टि भएसंगै काेराेना संक्रमितकाे संख्या ६५ हजार नाघेकाे हाे ।

 

सोमबार मन्त्रालयको नियमित प्रेस ब्रिफिङमा नयाँ थपिएका कोरोनाका संक्रमितसँगै नेपालमा कोरोना संक्रमितको संख्या ६५ हजार २ सय ७६ पुगेको प्रवक्ता डा जागेश्वर गौतमले वताए । जसमा सक्रिय संक्रमितको संख्या १७ हजार ६११ रहेको छ ।

 
 
 

यसैगरी पछिल्लो २४ घन्टामा कोरोनामुक्त भएर १ हजार ५ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ४७ हजार २ सय ३८ जना पुगेको छ ।

त्यस्तै पछिल्लो २४ घन्टामा नेपालमा थप १६ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ४२७ पुगेको छ ।

त्यसैगरी २४ घण्टामा कोरोना संक्रमणबाट मुक्त भइ घर फर्किनेको संख्या १ हजार ५ रहेको छ । योसँगै हालसम्म कोेरोना संक्रमणबाट निको हुनेको संख्या ४७ हजार २३८ पुगेको छ ।

 
 
 

मन्त्रालयका अनुुसार हालसम्म पीसीआर विधिबाट ९ लाख २३ हजार ८२३ परीक्षणहरु गरिएका छन् ।

पर्सामा पनि ४१ औं समाजिक दिवस मनाउने गैससहरुकाे निर्णय

0

वीरगंज । पर्साका गैर सरकारी संस्थाहरुले ४१ औं समाजिक सेवा दिवस विभिन्न कार्यक्रम गरी मनाउने निर्णय गरेका छन् । गैर सरकारी संस्थाहरुकाे आज बसेकाे बैठकले समाज कल्याण परिषदद्वारा गरिएकाे परिपत्र अनुसार पर्सामा पनि समाजिक सेवा दिवस मनाउने निर्णय गरेकाे हाे ।

समाजिक सेवा दिवस मुल समाराेह समितिले गरेकाे निर्णय बमाेजिम “समाजिक क्षेत्र, राष्ट्रिय गाैरव, आजकाे प्राथमिकता, समृद्ध र सुखकाे लागि समाजिक रुपान्तरण तथा उधमशिलता” भन्ने मुल नाराका साथ असाेज ६ गतेदेखी १२ गतेसम्म विभिन्न कार्यक्रम गरी दिवस मनाउने निर्णय गरेका छन् ।

असमान नेपाल पर्साका संयाेजक मुनिलाल बैठाकाे अध्यक्षता र गैर सरकारी संस्था महासंघ नेपाल पर्साका अध्यक्ष छठु साहकाे प्रमुख आतिथ्यतामा बसेकाे बैठकले दिवस कै अवसरमा असाेज ७ गते वीरगंजस्थित रहेकाे मानव सेवा आश्रममा पनि कार्यक्रम गर्ने निर्णय गरेकाे छ ।

वीरगंज रहेकाे आसमान नेपालकाे कार्यालयमा बसेकाे बैठकमा समाजिक संस्था जिल्ला समन्वय समिति पर्साका अध्यक्ष इब्राहिम देवान, अरुणाेद्य युवा क्लबका महासचिव सुरज पंडित, आरती कुमारी लगायत विभिन्न गैर सरकारी संस्थाका अध्यक्ष तथा प्रतिनिधिहरुकाे उपस्थिती रहेकाे थियाे ।