Date
शुक्र, मंसिर ४, २०८३
Fri, November 20, 2026
Home Blog Page 913

कालिकामाईबाट लागु औषधकाे आराेपमा एक जना पक्राउ

0

वीरगंज । पर्सा कालिकामाई गाउँपालिकाकाे वडा नं. १ टिनडाेवियाबाट एक जनालाई प्रहरीले पक्राउ गरेकाे छ ।

इलाका प्रहरी कार्यालय पाेखरियाका प्रहरी निरिक्षक दिपक थापा नेतृत्वकाे प्रहरी टाेलीले मंगलबार राति १०:३० वजे टिनडाेविया निवासिय २९ वर्षिय खोवारी प्रसादलाई पक्राउ गरेकाे हाे ।

उनले आफ्नाे घरमा लागु औषध अफीम लुकाइ-छिपाई राखेको छ भन्ने गोप्य सुचनाकाे आधारमा ईप्रका पोखरीयाबाट प्रहरी टोलि खटि गई चेकजाच गर्दा निजको साथवाट ला.औ.अफिम जस्तो देखिने पदार्थ ८ के.जि. फेला परेकोले उक्त पदार्थसहित नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

निजलाई ईप्रका पाेखरियामा राखि थप अनुसन्धान कार्य भईरहेको प्रहरी कार्यालय पर्साले प्रेस विज्ञप्तीमार्फत जनाएकाे छ ।

यता पक्राउ परेका खाेवारीकाे घरबाट अफीम बरामद नभएकाे स्थानियहरुले वताएका छन् । अन्य कुनै ठाउँमा अफीम बरामद भएपछि प्रहरीले खाेवारीलाई उनकाे घरबाट पक्राउ गरि लगेकाे स्थानियहरुकाे भनाई छ ।

हात र खुट्टा बाधेकाे अवस्थामा गंगाेल नदीमा महिलाकाे शव फेला

0

वीरग‌ंज । पर्साको कालिकामाई गाउँपालिकाको वडा नं. ४ स्थित गंगोल नदीमा आज विहान ११ बजे एक महिलाको शव फेला परेको छ ।

कालिकामाई गाउँपालिकाको वडा नं. २ भेडिहारी र वडा नं. ४ प्रशुरामपुरको बिचमा पर्ने गंगोल नदीमा अन्दाजी ३४ बर्षिय महिलाको शव नग्न अवस्थामा फेला परेकाे प्रहरीले जनाएको छ । हात, खुँट्टा र मुख बान्धेका अवस्थामा शव फेला परेको महिलाको पहिचान खुलन सकेकाे छैन ।

शव फेला परेको स्थलमा इलका प्रहरी कार्यालय कालिकामाई, प्रहरी चौकी सबैठवा र शस्त्र प्रहरी पुगि शव नदीबाट निकाल्ने कार्य गरिरहेकाे स्थानियहरुले वताएका छन् ।

एम्बुलेन्स चालक र बिरामीहरुलाई स्वास्थ्य सामग्री वितरण

0

वीरगंज । रसायन तथा मेडिकल आपूर्ति संघको प्रदेश २, मुख्य कार्यालय पर्साले एम्बुलेन्स चालक, सुत्केरी, बिरामी तथा पत्रकारलाई स्वास्थ सुरक्षार्थ सामग्री वितरण गरेको छ । 

संघको १६ औँ स्थापना दिवसको अवसरमा मंगलबार नारायणी अस्पतालका एम्बुलेन्स चालक, प्रसुति गृहका गर्भवती तथा सुत्केरी, बालबालिका बिरामी लगायत सञ्चारकर्मीहरुलाई स्वास्थ सुरक्षार्थ सामाग्री लगायत फलफुल वितरण गरेको हो ।

विश्व व्यापिरुपमा फैलिएको कोरोनाको महामारीको समयमा अग्रपंक्तिमा खटिने एम्बुलेन्स चालक तथा सञ्चारकर्मीलाई प्रोत्साहन स्वरुप एन ९५ मास्क, सर्जिकल मास्क, सेनिटाइजर, ग्लब्स, पीपीइ, फेस सिल्ड लगायतका सामग्री वितरण गरिएको संघका सदस्य शिवहरी तिवारीले जानकारी दिए ।

त्यसैगरी संघले स्थापना दिवसको अवसरमा नारायणी प्रसुति गृहमा रहेकी सुत्केरी महिला बाल गृहका बालबालिका तथा अस्पतालमा अपचारारर्थ असहाय गरिब विरामीहरुलाई फुट कभर, सेनिटाइजर, मास्क, सेनिटरी प्याड, फलफुल लगायतका सामग्री वितरण गरिएको उनले वताए ।

सो कार्यक्रममा संघका संयोजक साकेत भंगर, सदस्य दिपक अग्रवाल, शिव गुप्ता, सुमित क्याल, प्रमोद साह, प्रविन झा प्रशान्त शर्मा, सुरेश साह प्रवेश चौधरी , अमित कर्ण लगायतको सहभागिता रहेको थियो ।

डा. केसीकाे समर्थनमा नेपाली कांग्रेस पर्साद्वारा धर्ना

0

वीरगंज । सत्याग्राही प्राध्यापक डा. गाविन्द के.सीकाे समर्थनमा नेपाली कांग्रेस पर्साले मंगलबार वीरगंजमा धर्ना दिएकाे छ ।

चिकित्सक शिक्षामा सुधारकाे माँग गर्दै १९ औं पटक २३ दिनदेखी सत्याग्रह बसेका डा. केसीकाे जीवन रक्षा गर्न हेतु नेपाल सरकारलाई दबाव दिन वीरगंजकाे घण्टाघरमा धर्ना दिइएकाे नेपाली कांग्रेस पर्साका सचिव श्याम पटेलले वताए ।

डा. गाेबिन्द केसीकाे जायज माग पुरा गर, डा. केसीकाे जिवन रक्षा गर, डा. केसीकाे अनसन मेडिकल माफियाहरुलाई टेनसन, केपी ओलीकाे मिसन सिटामाेलमा कमिसन लगायतकाे नारा लेखिएकाे प्ले कार्डसहित नेपाली कांग्रेसका नेता तथा कार्यकर्ताहरुले धर्ना दिएका हुन् ।

नेपाली कांग्रेस पर्साकाे सभापति अजय कुमार द्विवेदीकाे अध्यक्षतामा र पूर्व केन्द्रीय सदस्य सुरेन्द्र प्रसाद चाैधरीकाे प्रमुख आतिथ्यतामा भएकाे धर्ना कार्यक्रममा नेपाली कांग्रेस पर्साका उपसभापतिद्वय दिना गुप्ता, प्रकाश उपाध्याय, सचिवद्वय किशोरी साह, श्याम पटेल, सहसचिवद्वय राेशन लामिछाने, किरण सरकार, महाधिवेशन प्रतिनिधि नरेन्द्र साह, क्षेत्रिय सभापति विजय शर्राफ, नगर सभापति भाेला साह, जिल्ला सदस्य प्रेम सिहं, रामबाबु पटेल, ने.वि.संघका पूर्व केन्द्रीय सदस्य द्वय सुधिर पटेल, बद्री तिवारी, ने.वि.संघ पर्साका अध्यक्ष विश्वास द्विवेदी लगायतकाे नेता तथा कार्यकर्ताहरुकाे उपस्थित रहेकाे थियाे।

प्रभु बैंकमा आफ्नै पैसा झिक्न घण्टाै गेट मै कुर्नु पर्ने बाध्यता

0

वीरगंज । प्रभु बैंककाे वीरगंज शाखामा आफ्नै रकम झिक्न र राख्न घण्टाै सम्म गेट मै कुर्नु पर्ने बाध्यता रहेकाे छ ।

बैंकले उचित व्यास्थापन नगरेका कारण काेराेना संक्रमणकाे बहाना बनाउदै बैंकले सेवाग्राहीलाई गेट मै घण्टाै सम्म राेकने गरेकाे छ । काेराेना महामारी भन्दा पहिला बैंक भित्र घण्टाै सम्म लाइन बस्नु पर्ने बाध्यता थियाे भने अहिले गेट मै चर्काे घाममा बस्नुु पर्ने बाध्यता रहेकाे सेवाग्राहीहरुले वताएका छन् ।

बैंकले सेवाग्राहीहरुबाट नै लाखाैं रकम कमाउने गरे ता पनि तिनै सेवाग्राहीलाई सास्ती दिने गरेकाे छ । बैंकमा नाम मात्रकाे ४ वटा कैस र डिपाेजिट काउन्टर रहे पनि २ वटा मात्र संचालनमा रहनुले सास्ती भाेग्नु परेकाे सेवाग्राहीहरु वताउन्छन् ।

बैंकले २ वटा काउन्टर मात्र संचालन गरेका कारण बढी भिडभाड हुने र समय लाग्ने गरेकाे तर ४ वटै काउन्टर संचालनमा ल्याए त्यतिकाे भिड नहुने र समय पनि कम लाग्ने सेवाग्राहीहरुले वताएका छन् ।

प्रभु बैंक कै अरु शाखाहरुमा यस्ताे समस्या नभए पनि देश कै आर्थिक राजधानीकाे रुपमा रहेकाे वीरगंज शाखामा कर्मचारी र प्रशासनकाे लापरवाहीले यस्ताे समस्या देखिएकाे सेवाग्राहीहरुकाे भनाई रहेकाे छ ।

सेवाग्राहीहरु बैंक कमाउने तर्फ मात्र लागेकाे र सेवा प्रवाह व्यस्थित गर्न ध्यान नदिएकाे गुनासाे रहेकाे छ । बैंककाे सेवाप्रवाह सहज र छिटाे छरिताे हुनु पर्नेमा त्यस्ताे नभएका कारण सेवाग्राहीहरु आफ्नाे खाता बन्द नै गरी अन्य बैंकमा जाने अवस्था सृजना भएकाे वताउँछन् ।

बैंककाे सेवा प्रवाहमा बढी समय लाग्ने र कर्मचारीकाे व्यवहार पनि राम्राे नभएका कारण खाता बन्द गर्ने अवस्थामा पुगेकाे सेवाग्राही जय कुशवाहाले वताए । उनले बैंककाे गार्डदेखी अन्य कर्मचारीले पनि अभद्र व्यहार गर्ने गरेकाे वताए ।

वीरगंज शाखाकाे रवैया प्रति बैंककाे प्रधान कार्यालयकाे ध्यान पुगेन भने सेवाग्राहीहरुलाई झन सास्ती भाेग्नु पर्ने सहजै अनुमान गर्न सकिन्छ ।  

यस्तै वीरगंजकाे अरु केही बैंकमा पनि भिडभाड हुने गरेकाे र सेवा लिन बढी समय लाग्ने गरेकाे छ । त्यही भएर यस तर्फ सम्बन्धित निकायकाे ध्यान पुग्न जरुरी देखिन्छ ।

पर्साका १० र बाराका ४ जनामा काेराेना संक्रमण पुष्टि

0

वीरगंज । पर्साका थप १० जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा साेमबार गरिएकाे परिक्षणमा पर्साका १० जना र बाराका ४ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

प्रवक्ता डा. चाैरसियाका अनुसार संक्रमित हुनेहरु १९ देखि ६८ बर्ष उमेर समुहका रहेका छन् । उनीहरुकाे सिटि भ्यालु १८ देखी ३५ सम्म रहेकाे छ ।

संक्रमित हुनेमा पर्साकाे वीरगंज महानगरपालिका वडा नं. १०, ११ का २-२ जना, वडा नं. ३, १३, १५ का १-१ जना र छिपहरमाई गाउँपालिका वडा नं. ५ का एक जना रहेका छन् ।

यस्तै, वीरगंज कै तराई हस्पिटलमा उपचाररत एक जना बिरामी र एक जना कर्मचारीमा काेराेना संक्रमण देखिएकाे छ ।

संक्रमित हुनेमा बाराकाे  सिम्राैनगढ नगरपालिकाका २ जना, महागढीमाई नगरपालिकाकाे वडा नं. ७ र जितपुर सिमरा उपमहानगरपालिकाकाे वडा नं. २ का १-१ जना रहेका छन् ।

पर्सा र बाराका ९६ जनाकाे स्वाब आरटी पिसिआर विधिबाट परिक्षण गरिएकाे थियाे ।

जगरनाथपुरमा २ महिलासहित ३५ जनाद्वारा रक्तदान

0

वीरगंज । वीरगंज महानगरपालिकाे वडा नं. २२, जगरनाथपुरमा साेमबार रक्तदान कार्यक्रम सम्पन्न भएको छ ।

 पशुपति अन्नपूर्णा आश्रम केन्द्रिय समिति काठमाडौं र पशुपति अन्नपूर्णा आश्रम जिल्ला धार्मिक तथा युवा समिति पर्साको आयोजनामा भएकाे कार्यक्रममा २ महिलासहित ३५ जनाले रक्तदान गरेको रक्तसञ्चार केन्द्र वीरगंजले जनाएको छ ।

जगरनाथपुरको बौद्धिमाई मन्दिर परिसरमा भएकाे कार्यक्रममा आयुस देवी, सुगान्धि देवी, महेश पटेल, मनोज गिरी, लक्षुमण साह कानु, हिमाञ्चल चौरसिया, सुरेश पटेल, कमलेश साह, राजेश पटेल, रबिन्द्र पटेल, अजय चौरसिया लगायतकाले रक्तदान गरेको आयोजक समितिले जनाएकाे छ ।

पुन्काल साह कानुको अध्यक्षता र पशुपति अन्नपूर्णा आश्रमका केन्द्रिय अध्यक्ष के.बी सम्राटकाे प्रमुख आतिथ्यतामा भएकाे कार्यक्रममा वीरगंज महानगरपालिकाका मेयर बिजय कुमार सरावगी, वडाध्यक्ष ग्यासुदिन मियाँ, धार्मिक युवा समितिका अध्यक्ष सुरेश पटेल, उपाध्यक्ष शिवशंकर प्रसाद कुर्मी लगायतको विशेष उपस्थिति रहेको थियो । कार्यक्रमको सहजीकरण धार्मिक युवा समितिका सचिव राजेश पटेलले गरेका थिए ।

“प्रत्येक स्वस्थ युवा, युवतीहरुको आफ्नो १८ औं वर्षको शुभजन्मोत्सवसँगै रक्तदानको शुभारम्भ गरौं” भन्ने मुल नाराका रक्तदान कार्यक्रमकाे आयाेजना गरिएकाे थियाे ।

रक्तदान कार्यक्रम पश्चात सोही स्थानमा पशुपति अन्नपूर्णा पर्सा जिल्ला धार्मिक समितिको पदाधिकारी तथा सदस्यहरुको सपथ ग्रहण समाराेह सम्पन्न भएकाे छ । धार्मिक समितिका अध्यक्ष मनोज कुमार गिरी, सचिव राजेश पटेल, कोषाध्यक्ष लक्षुमण साह लगायतलाई आश्रमका केन्द्रिय अध्यक्ष के.बी सम्राटले पद तथा गोपनियताको सपथ गराउनु भएको सचिव पटेलले बताए ।

कृषि ज्ञान केन्द्र पर्साकाे १० करोड रकम फ्रिज भएको बिरुद्धमा धर्ना

0

वीरगंज । कृषि ज्ञान केन्द्र पर्सामा १० करोड रकम फ्रिज भएको बिरुद्धमा समाजबादी युवा संघले कार्यालय अगाडी एक घण्टा धर्ना दिएकाे छ |

किसानको १० करोड अनुदान फ्रिज गर्ने कर्मचारी चाहिदैन, कृषिमा दलाल बिचौलिया अन्त्य गर, निकामा, भ्रस्टाचारी कर्मचारीलाई अबिलम्ब कारवाही गर, कृषि अनुदानमा कमिसनको चलखेल बन्द गर, गैर कृषकलाई कृषि कार्यालयमा प्रवेश निषेध गर, २० बर्ष देखि कब्जा जमाएका भ्रस्टचारी, दलाल कर्मचारीलाई अबिलम्ब सरुवा गर, भ्रस्टचारी कर्मचारी चाहिदैन, कृषि अनुदान लुटन पाइदैन र कर्मचारी सिन्डिकेट अन्त्य गरको नारा लगाउदै समाजबादी युवा संघका नेता कार्यकर्ताले धर्ना दिएका थिए |

जनता समाजबादी पार्टी नेपालका नेता एवं तत्कालिन समाजबादी पार्टीको केन्द्रिय सदस्य तथा समाजबादी युवा संघका केन्द्रिय सह-इन्चार्ज फिरोज मंसुरको नेतृत्वमा भएको धर्ना कार्यक्रममा कृषि ज्ञान केन्द्र पर्साका प्रमुख डा. रामचन्द्र यादवसंग कार्यालयको अवस्था र भएको अनुदान रकम फ्रिजको कारण बुझ्दा चितबुझदो नभएको कारण बिरोध गरिएको युवा संघका प्रदेश सदस्य शिव कुमार साहले वताए |

कृषि ज्ञान केन्द्रका स्थानीय कर्मचारीले गुटबन्दि गरि कार्यालयको कामकाज प्रभावकारी हुन नदिने एवं अनुदान रकम फ्रिज गराउने र कृषकलाई सेवा नदिने कर्मचारी बिरुद्धमा धर्ना दिएको अर्का प्रदेश सदस्य अजय साहले वताए |

साना सिंचाई कार्यक्रम, प्रधान मन्त्री कृषि आधुनिकीकरण परियोजना तर्फको ब्लक र पाकेट कार्यक्रम संचालन हुन नसकेको, प्रधान मन्त्री कृषि आधुनिकरण आयोजना संचालनको ब्लक गठनको लागि फिल्डमा जाने भ्रमण आदेश लिएर जाने तर दैनिक भ्रमण भत्ता खाई ब्लक र पाकेट गठन नगरेको बुझिएकाे छ |

धर्ना कार्यक्रममा युवा संघका केन्द्रिय सदस्य अजय यादव, प्रदेश सचिव कसीम अन्सारी, युवा नेताहरु शैलेश यादव, दिलखुस देवान, रामबाबु यादव, हसरत अन्सारी, रामभरोस यादव, रामजी महतो, बिरेन्द्र गुप्त र अब्दुल आलम लगायतको सहभागिता रहेको थियो |

पर्साका ३ सहित थप ८ जनामा काेराेना संक्रमण पुष्टि

0

वीरगंज । पर्साका ३ सहित थप ८ जनामा काेराेना भाइरस (काेभिड १९) संक्रमण पुष्टि भएकाे छ । 

वीरगंजस्थित नारायणी अस्पतालकाे प्रयाेशालामा आइतबार गरिएकाे परिक्षणमा पर्साका ३ जना, बाराका ४ जना र सर्लाहीका एक जना गरि ८ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए ।

प्रवक्ता डा. चाैरसियाले दिएकाे जानकारी अनुसार पर्साकाे जिराभवानी गाउँपालिका वडा नं. ३ का २४ बर्षिय पुरुष, वडा नं. १ का ३८ बर्षिय पुरुष र वीरगंज महानगरपालिकाकाे वडा नं. ११ २७ बर्षिय पुरुष संक्रमित भएका छन् ।

त्यसैगरी, संक्रमित हुनेमा बाराकाे जितपुर सिमरा उपमहानगरपालिका वडा नं. २ का २८ बर्षिय पुरुष, करैयामाई गाउँपालिका वडा नं. १ का २२ बर्षिय पुरुष, कलैया उपमहानगरपालिकाकाे वडा नं. ७ का बर्षिय पुरुष र वडा नं. ११ का ५५ बर्षिय पुरुष रहेका छन् ।

त्यसैगरी, संक्रमित हुनेमा सर्लाहीकाे बलरा नगरपालिका वडा नं. ११ का २७ बर्षिय पुरुष रहेका छन् ।

संक्रमितहरुकाे सिटी भ्यालु १८ देखी ३० सम्म रहेकाे छ । आइतबार पर्साका ८४ र बाराका १३ जनाकाे स्वाबकाे नमुना पिसिआर बिधिबाट परिक्षण गरिएकाे प्रवक्ता डा. चाैरसियाले जानकारी दिए । 

प्रभु बैंक वीरगंज शाखाकाे अभद्र व्यवहारले सेवाग्राही आक्राेशित

0

वीरगंज । प्रभु बैंक वीरगंज, आदर्शनगर शाखाले सेवाग्राहरुसंग अभद्र व्यवहार गर्नुकाे साथै अपमान गरिरहेकाे छ । बैंकले सेवाग्रहरीहरुलाई बाहिर चर्काे घाममा खडा गरी आफ्नै पैसा झिकन र निकाल्न सास्ती दिइरहेकाे छ । 

काेराेना महामारीकाे समयमा पनि बैंककाे गेटमा सामाजिक दुरीकाे धजिया उडाउदै भिड लाग्ने गरेकाे छ । तर बैंक भित्र खाली र बस्ने ठाउँ भएपनि गार्डहरुले सेवाग्राहरुसंग अभद्र व्यहार गर्दै बाहिर गेट मै खडा गरी भिड लगाउने गरेका छन् ।

सेवाग्राहीले बाहिर घाम छ भित्र गएर बस्न दिनुस् न भन्दा पनि जान पाइदैन भन्दै अपशब्द प्रयाेग गर्दै अपमानसमेत गर्ने गरेका छन् । बैंक भित्र राखेकाे आफ्नै पैसा निकाल्न र जम्मा गर्न पनि बैंककाे अपमान सहन बाध्य भएका सेवाग्राहीहरु आक्राेशितसमेत भएका छन् ।

बैंककाे यस्ताे रवैयाले बैंक भित्र काेराेना भाइरस संक्रमण सर्ने र बाहिर जति भिड भाड गरे पनि नसर्ने देखिएकाे छ । 

जिल्ला प्रशासन कार्यालयले बैंक संचालन गर्दा समाजिक दुरीकाे पालना गर्नु पर्ने, अनिवार्य मास्क र सेनिटाइजरकाे प्रयाेग गर्नु पर्ने दिएकाे निर्देशनकाे समेत पालना नगरी बैंकले काेराेनाकाे जाेखिमसमेत बढाएकाे देखिन्छ ।

त्यसै सम्बन्धमा बैंकका प्रबन्धकसंग कुरा गर्न खाेज्दा गार्डहरुले पत्रकारकाे प्रबेशमा समेत राेक लगाएका छन् । पत्रकारले प्रबन्धक ज्यूसंग भेटनु छ, भन्दा पनि गार्डहरुले पत्रकारकाे प्रबेशमा राेक लगाउदै अपमानसमेत गरेका छन् । गार्डहरुलाई पत्रकारले आफ्नाे परिचय पत्र देखाउदा पनि बैंक भित्र प्रबेश गर्न दिएका छैनन् ।

गार्डले बैंककाे नम्बरमा कुरा गर्नुस भित्र जान पाइदैन भन्दै एक पत्रकारलाई अभद्र व्यवहार गर्दै अपमान गरेका हुन् ।

यस बिषयमा बैंकका प्रबन्धक राेहिनी अचार्यसंग कुरा गर्दा बैंक भित्र काेराेना सर्ने जाेखिम बढी भएका कारण सेवाग्राहीलाई बाहिर राेकिएकाे वताए । बाहिर सेवाग्राहरुलाई समाजिक दुरी पालना गरेर बस्न भन्दा पनि नमानेका कारण भिडभाड देखिएकाे भन्दै गैर जिम्मेवारपूर्ण जवाफ दिए ।

पत्रकारलाई समेत बैंक प्रबेशमा राेक लगाउनु भएकाे प्रश्नकाे जवाफमा बैंककाे नम्बरमा फाेन गरेर समय लिएर भेटन सकिने वताए । 

प्रभु बैंककाे यस्ताे रवैया एउटा प्रतिनिधि मूलक घटना मात्र हाे । यस्तै वीरगंजका अधिकांश बैंकहरुकाे रवैया रहेकाे छ । त्यसैले यसतर्फ सम्बन्धित निकायकाे ध्यान पुग्न जरुरी देखिन्छ ।