Date
शुक्र, मंसिर ४, २०८३
Fri, November 20, 2026
Home Blog Page 912

शिक्षकहरुकाे लागि ३ दिने प्रशंसनीय खोज तालिम सुरु

0

वीरगंज । शिक्षकहरुको लागि ३ दिने प्रशंसनीय खोज तालिम आजदेखी वीरगंजमा सुरु भएकाे छ । भिएसओ नेपालको सहयोग र आसमान नेपाल पर्साको आयोजनामा सुरक्षित सिकाइ परियोजना अन्तर्गत तालिम सुरु भएकाे हाे ।

वीरगंजस्थित ओम रेसिडेन्सी हाेटलमा सुरु भएकाे तालिमकाे शुभारम्भ आसमान नेपाल पर्साका संयाेजक मुनिलाल बैठाले गरेका थिए । साे तालिममा पर्साका १२ वटा विधालयका २४ जना शिक्षकहरु सहभागिता रहेकाे छ ।

तालिमकाे सुभारम्भ गर्दै संयाेजक बैठाले वहिनीको लागि दिदि कार्यक्रम संचालन भइरहेको पर्साका ७ पालिकाका १२ वटा विधालयका शिक्षाकहरुकाे लागि तालम संचालन गरिएकाे वताए ।

उनले शिक्षाबाट बंचित गरीब बालबालिकाहरुलाई विद्यालयमा नामांकन गराउन तथा विधालयमा उनिहरुको पहुंच र विद्यालय भित्र शिक्षा आर्जनका लागि सुरक्षित एवम् सकारात्मक वातावरण सृजना गर्न तालिम संचालन गरिएकाे वताए ।

संयाेजक बैठाले संस्थाले भिएसओ नेपालको सहयोगमा सुरक्षित सिकाइ भन्ने नयाँ कार्यक्रम अन्तर्गत आयाेना गरिएकाे प्रशंसनीय खोज तालिमले विधालय भित्र दलित तथा गरीब विधार्थीको लागि सकारात्मक वातावरण निर्माण हुने अपेक्षा गरिएको वताए ।

तालिममा सृ्रक्षित कार्यक्रमका संयोजक विरेन्द्र कृ्मार सिंह र प्रशिक्षक नारायण खपांगीले प्रशिक्षण दिइरहेका छन् । 

पटेर्वा सुगाैली गापाबाट गाँजासहित एक जना पक्राउ

0

वीरगंज । पर्साकाे पटेर्वासुगौली गाउँपालिका वडा नं.५ देउरियाबाट लागु औषध गाँजासहित एक जनलाई प्रहरीले पक्राउ गरेकाे छ ।

जिल्ला प्रहरी कार्यालय पर्साबाट गएकाे प्रहरी टाेलीले साेही ठाउँ निवासी वर्ष ४० को राज ओझैयालाई पक्राउ गरेकाे हाे । गाेप्य सूचनाकाे आधारमा गएकाे प्रहरी टाेलीले बिहिबार विहान ३ बजे चेकजाँच गर्ने क्रममा निजकाे घरमा १३१ के.जी. ला.औ. गाँजा फेला परेकाे प्रहरीले जनाएकाे छ ।

ला.औ. गाँजा लुकाइ-छिपाई राखेको छ भन्ने गोप्य सुचनाका आधारमा गएकाे प्रहरी टोलिले चेकजाच गर्दा निजकाे घरमा लुकाई छिपाई राखेको अवस्थामा लागु औषध गाँजा १३१ के.जी. फेला परेकोले उक्त ला.औ. गाँजासहित निज ओझैयालाई नियन्त्रणमा लिइएर थप अनुसन्धान भइरहेकाे जिल्ला प्रहरी कार्यालय पर्साले जनाएकाे छ ।

पक्राउ परेका ओझैया वडा सदस्य दु:खि ओझैयाका छाेराे हुन् ।

विश्व दृस्टी दिवसको अवसरमा नि:शुल्क आँखा जाँच शिविर सम्पन्न

0

वीरगंज । विश्व दृस्टी दिवसको अवसरमा बिहिबार वीरगंजमा नि:शुल्क आँखा जाँच शिविर सम्पन्न भएकाे छ । नेपाल नेत्र ज्योती संघ पर्सा शाखाको आयोजना र केडिया आँखा अस्पताल परवानिपुरको प्राबिधिक सहयोगमा शिविर सम्पन्न भएकाे हाे ।

वीरगंजकाे पावर हाउस चाैकस्थित रहेकाे नेत्र ज्याेति संघ पर्साकाे कार्यालयमा भएकाे शिविरमा बिरगंज महानगरपालिका एवं जिल्लाका वभिन्न ठाउँका असहाय, एकल महिला, वृद्ध, बालबालिका लगायतले नि:शुल्क आँखा परिक्षण गराएकाे नेत्र ज्योति संघ पर्साका राजन श्रीवास्तवले जानकारी दिए ।

नेत्र ज्याेती संघ पर्सा शाखाका सभापति मधु राणाको सभापतित्वमा भएको कार्यक्रममा मदन प्रसाद गुप्ता, गणेश शाह, संतोष जैसवाल, उमेस गुप्ता लगायतको बिशेष उपस्थित रहेकाे थियाे ।

शिविरमा डाक्टर उमाकान्त कुमार बैठा, प्राबिधिक हरि ॐ चौधरी, आनन्द कुमार शाहले आँखा परिक्षण गरेका थिए ।

साे अवसरमा सभापति राणाले कार्यक्रममा सहभागी सबैलाई धन्यवाद एवं दिवसको शुभकामना ब्यक्त गर्दै आउने दिनमा पनि आँखाको क्षेत्रमा सबैबाट उल्लेखनीय योगदान हुने कुरामा जोड दिइन ।

पर्साका ८ सहित थप १९ जनामा काेराेना संक्रमण

0

वीरगंज । पर्साका ८ सहित थप १९ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा बुधबार गरिएकाे परिक्षणमा पर्साका ८, बाराका १० र सिराहा एक जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

प्रवक्ता डा. चाैरसियाका अनुसार संक्रमित हुनेहरुकाे सिटि भ्यालु १४ देखी २८ सम्म रहेकाे छ ।

पर्साकाे वीरगंज महानगरपालिका वडा नं. ३ का ५२ बर्षिय पुरुष, वडा नं. ८ का ३४ बर्षिय पुरुष, वडा नं. १० का ३८ र ३९ बर्षिय पुरुष, वडा नं. १२ का ४२ बर्षिय पुरुष, वडा नं. १३ का ७४ बर्षिय पुरुष, वडा नं. २० का ३२ बर्षिय पुरुष र २६ बर्षिय महिला संक्रमित भएका छन् ।

त्यसैगरी, बाराकाे करैयामाई गाउँपालिका वडा नं. ८ का २२ बर्षिय पुरुष, कलैया उपमहानगरपालिका वडा नं. ५ का २८ बर्षिय पुरुष, प्रसाैनी गाउँपालिका वडा नं. २ का ३८ बर्षिय पुरुष, निजगढ नगरपालिका वडा नं. ६ का ४५ बर्षिय पुरुष, जितपुर सिमरा उपमहानगरपालिकाकाे वडा नं. १४ का ३५ बर्षिय पुरुष, वडा नं. ७ का ३४ बर्षिय पुरुष, वडा नं. २ का ५७ बर्षिय पुरुष, सुर्वण गाउँपालिका वडा नं. २ का ३८ बर्षिय पुरुष, परवानीपुर गाउँपालिका वडा नं. ५ का १६ बर्षिय पुरुष संक्रमित भएका हुन् ।

बारा कै एक जना संक्रमितकाे ठेगाना र उमेर खुल्न सकेकाे छैन् ।

सिराहाकाे लहान नगरपालिका वडा नं. ८ का ३३ बर्षिय पुरुषसमेत काेराेना पाेजिटिभ रिपाेर्ट आएकाे प्रवक्ता डा. चाैरसियाले वताए ।बुधबार कुल १९६ जनाकाे स्वाब आरटी पिसिआर विधिबाट परिक्षण गरिएकाे डा. चाैरसियाले जानकारी गराए ।

बिन्दवासिनि गाउँपालिकामा युवा सञ्जाल गठन

0

वीरगञ्ज । पर्साको बिन्दवासिनि गाउँपालिकामा आज युवाहरुकाे एक भेलाले युवा संजाल गठन गरेकाे छ । गाउँपालिकाकाे वडा नं. ३ इटियाहीमा भएकाे भेलाले मधुसुदन चाैरसियाकाे संयाेजकत्वमा १ सय ५ सदस्यीय युवा सञ्जालकाे गाउँपालिका स्तरिय समिति गठन गरेकाे हाे।

जुन समितिकाे सदस्यहरुकाे गौरीशंकर ठाकुर, रन्जित पटेल, रबि दास, अमरजित चौरसिया, धर्मेन्द्र पटेल, भानु साह कानु, सुर्यमोहन चौरसिया, भुपेन्द्र सहनी, रोशन चौरसिया लगायतका रहेका छन् ।

गाउँपालिकामा हुने भ्रष्टाचार, अनियमितता तथा विकृति विरुद्ध आवाज उठाउन र बिकास निर्माणका गतिविधिहरुमा सम्बन्धित निकायको ध्यानाकर्षण गराउने अभिप्रायले समिति गठन गरिएको संयोजक चौरसियाले बताए ।

युवा सञ्जालमार्फत अब गाउँपालिकामा शैक्षिक, स्वास्थ्य लगायतका क्षेत्रको सुधार तथा विकास निर्माणका कार्यहरुको निरन्तरतामा बिशेष ध्यान दिने सञ्जालका सदस्यहरुले बताएका छन् ।

रविन्द्र कुमार दासको अध्यक्षता र अमित यादवकाे प्रमुख आतिथ्यतामा भएकाे भेलामा स्थानीय प्रभु चौरसिया, शिववालक दास, योग्यराज यादब, जिउना चौरसिया, जहिर आलम, सद्धाम हुसैन, ओमप्रकाश साह लगायतले मन्तव्य राखेका थिए भने कार्यक्रमको सहजिकरण स्थानीय युवा सुनिल दासले गरेका थिए ।

डा. केसीको समर्थनमा वीरगञ्जमा प्रदर्शन

0

वीरगञ्ज । अनशनरत प्राध्यापक डा. गोविन्द केसीको जीवन रक्षाको माग गर्दै बुधबार वीरगञ्जमा प्रदर्शन गरिएको छ ।

चिकित्सक, अधिकारकर्मी, विभिन्न सामाजिक संघ संस्था र राजनीतिक दलमा आवद्ध व्यक्तिहरुले वीरगञ्जको घण्टाघरमा प्रदर्शन गरेका हुन् । प्रदर्शनमा सहभागीहरुले डा. केसीका माग पूरा गर, डाक्टर केसीको अनशन माफियालाई टेनसन, लुटतन्त्र बन्द गर लगायतका नारा लेखिएका प्लेकार्ड बोकेका थिए ।

प्रदर्शनमा सहभागि जसपाका युवा नेता ओम प्रकाश सर्राफले डाक्टर केसीको जायज माग पूरा गर्न सरकारलाई दबाव दिने उद्देश्यले प्रदर्शन गरिएको बताए । ‘आम गरिब जनताका छोराछोरी पनि डाक्टर बन्न सकुन्, उपत्यका बाहिर पनि सरकारी मेडिकल कलेज खुलोस् भनेर डाक्टर केसी अनशनमा बसेका छन् । तर सरकारले सुनिरहेको छैन, यसले सरकार मेडिकल माफियाको कब्जामा रहेको प्रष्ट हुन्छ ।’

नेपाल चिकित्सक संघ नारायणीका सचिव डाक्टर उदय नारायण सिंहले एउटा सत्याग्रही मानिस १९ औं पटक अनशनमा बस्नुपर्ने अवस्था आउनु दुःखद भएको बताए । ‘कुनै व्यक्तिगत स्वार्थ छैन । आम नागरिकको लागि लड्दै हुनुहुन्छ, सहज स्वास्थ्य सेवा प्राप्ती होस्, चिकित्सा शिक्षामा सबैको पहुँच होस् भनेर अनशनरत हुनुहुन्छ,’ डाक्टर सिंहले भने, ‘ती कुरा पूरा गर्ने दायित्व लोकतान्त्रिक सरकारको पनि हो, तर सरकार र आम नागरिक दुवै सुतेका छन्, खबरदारी मार्फत जगाउने प्रयास गरेका हौं ।’

यस्तै डा. केसीको समर्थनमा गिरिजा प्रसाद कोईराला फाउण्डेशन पर्साले पनि प्रदर्शन गरेको छ । प्राध्यापक डा. केसीकाे समर्थनमा उनकाे जायज माग पुरा गरी जिवन रक्षा गर्न माग गर्दै प्रदर्शन गरिएकाे फाउण्डेशन पर्साका अध्यक्ष मोहम्मद सहाबुदिनले जानकारी दिए ।

वीरगंजको घण्टाघरमा ‘डाक्टर केसीको जायज माग पुरा गर, डाक्टर केसीको जीवन रक्षा गर’, लोकतन्त्रमा समेत सत्याग्रहीहरुको आवाज सुनिदैन भने राज्यबाट के आपेक्षा गर्ने नारा लेखिएको ब्यानरसहित फाउन्डेसनकाे आयाेजनामा प्रदर्शन गरिएकाे हाे ।

मेडिकल क्षेत्रमा सुधारको माग गर्दै पटक–पटक अनशन गर्दै आएका सत्याग्राही प्राध्यापक डा. केसी हाल १९ औं पटक आमरण अनसनमा बसेका छन् ।

ट्रकमा लागु औषध गाँजा बरामद

0

वीरगंज । बाराकाे जितपुरसिमरा उपमहानगरपालिका वडा नं.७ स्थित सडकबाट ट्रकमा लागु औषध गाँजा बरामद भएकाे छ ।

इलाका प्रहरी कार्यालय जितपुरबाट खटिएको चेकिङ प्रहरी टोलीले पथलैयाबाट वीरगंजतर्फ आउँदै गरेको ना ७ ख ९४५४ नं. को ट्रकमा एक सय ४७ किलाे ग्राम लागु औषध गाँजा बुधबार विहान ३ बजे बरामद गरेकाे जिल्ला प्रहरी कार्यालय बाराले जनाएकाे छ ।

प्रहरी चेकिङ टोलीलाई देखी बिच बाटोमा नै रोकी छोडी चालक, सह-चालक समेत भागेकोले शंका लागी उक्त ट्रक प्रहरीले चेकजाँच गर्दा ट्रकको पछाडी ढालामा लुकाई छिपाई  राखेको अवस्थामा ७ ओटा बोरामा १४ पोका (१४७ किलो ग्राम) अवैध लागू औषध गाँजा फेला परेको प्रहरी कार्यालय बाराका प्रवक्ता प्रहरी नायब उपरिक्षक गाैतम मिश्रले जानकारी दिए ।

फेला परेको अवैध लागू औषध गाँजा र ट्रक रीतपूर्वक बरामद गरी जिल्ला प्रहरी कार्यालय बारामा ल्याई उक्त कार्यमा संलग्न भई फरार रहेका व्यक्तिको खोजतलास लगायतको थप अनुसन्धान कार्य भइरहेको प्रहरी नायब उपरिक्षक मिश्रले वताए ।

रिया भइन जमानतमा रिहा

0

ड्रग्सको मुद्दामा केही हप्तादेखि जेलमा रहेकी बलिउड नायिका तथा नायक सुशान्त सिंह राजपुतकी प्रेमिका रिया चक्रवर्तीलाई मुम्बइको उच्च न्यायलयले जमानत दिएको छ ।

जमानत पाएपनि रियालाई विदेश यात्रा गर्दा प्रशासनको अनुमति आवश्यक पर्दछ । यस्तै, मुम्बइबाट बाहिर जानुपर्दा पनि रियाले प्रहरी अधिकारीलाई यो कुराको जानकारी दिनुपर्नेछ ।

यस्तै, उनी १० दिनको अन्तरमा प्रहरी कार्यलय पुग्नुपर्नेछ । यस भन्दा अगाडि मंगलबार सेसन कोर्टले उनलाई अक्टुबर २० तारिखसम्म हिरासतमा राख्न प्रहरीलाई अनुमति दिएको थियो ।

यसपछि, रियाका वकिलले जमानतको माग गर्दै उच्च न्यायलयमा अपिल गरेकी थिइन् । रिया विगत एक महिनादेखि जेलमा थिइन् । उनले, २ पटकसम्म जमानतका लागि अदालतसँग अपिल गरेकी थिइन् । तर, उनको दुबै पटकको अपिल खारेज भएको थियो ।

बुधबार अदालतले उनलाई १ लाख धरौटीसहित जमानतमा रिहा गर्न आदेश दिएको हो ।

रिया जमानतमा छुटेपनि उनका भाई सोविक भने जेलमै रहने छन् । ड्रग्स सिन्डिकेटको सक्रिय सदस्य भएको दाबी गर्दै उनलाई एनसीबीले पक्राउ गरेको थियो । रियाले ड्रग्स किनेको कुरा स्विकार गरेकी छिन् ।

पर्साका २ सहित थप ४ जनामा काेराेना संक्रमण पुष्टि

0

वीरगंज । पर्साका २ सहित थप ४ जनामा काेराेना भाइरस (काेभिड १९) संक्रमण पुष्टि भए छ ।

वीरगंजस्थित नारायणी अस्पतालकाे प्रयाेगशालामा मंगलबार गरिएकाे परिक्षणमा पर्साका २, चितवन र सपतरीका एक-एक जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

प्रवक्ता डा. चाैरसियाका अनुसार संक्रमित हुने चारै जना पुरुष नै हुन् । संक्रमित हुनेमा २४ बर्षदेखी ४२ बर्ष उमेर समुहका रहेका छन् । उनीहरुकाे सिटी भ्यालु २१ देखी ३१ सम्म रहेकाे छ ।

पर्साकाे जगरनाथपुर गाउँपालिका वडा नं. ५ का ४२ बर्षिय पुरुष र पाेखरिया नगरपालिकाकाे वडा नं. १ का ३७ बर्षिय पुरुषमा संक्रमण फेला परेकाे हाे ।

त्यसैगरी, चितवनकाे माडी नगरपालिका वडा नं. १ का २४ बर्षिय पुरुष र सप्तरीकाे कंचनपुर नगरपालिका वडा नं. १ का ४२ बर्षिय पुरुष संक्रमित भएका हुन् ।  

नेपाली कांग्रेस पर्साका सचिव श्याम पटेललाई मातृ शाेक

0

वीरगंज । नेपाली कांग्रेस पर्साका सचिव श्याम पटेललाई मातृ शाेक परेकाे छ । बहुदरमाई नगरपालिकाकाे वडा नं. २ पिपरा निवासी पटेलकी ७० बर्षिय आमा शिव कुमारी देवीकाे आज विहान निधन भएकाे हाे ।

तराई अस्पतालमा उपचाररत आमामा काेराेना संक्रमण पुष्टि भएपछि तिन दिन अगाडी वीरगंजकाे नागवामा रहेकाे बाबा हाेटलमा संचालित नेशनल मेडिकल कलेज काेराेना अस्पतालमा भर्ना गरिएकाे थियाे ।

काेभिड एक्स टिम (क्याट) का सदस्यसमेत रहेका सचिव पटेलकी आमाकाे अस्पताल मै उपचारकाे क्रममा आज विहान ७ बजेकाे समयमा निधन भएकाे उनकाे परिवारिक स्राेतले जनाएकाे छ ।