Date
शुक्र, मंसिर ४, २०८३
Fri, November 20, 2026
Home Blog Page 914

ट्रकमा घरेलु मदिरा तस्करी, एक हजार लिटर मदिरासहित ट्रक पक्राउ

0

वीरगंज । बारा प्रहरीले ट्रकमा अवैध घरेलु मदिरा बरामद गरेकाे छ । इलाका प्रहरी कार्यालय जितपुरबाट खटिइएको प्रहरी टोलीले जितपुर सिमरा उपमहानगरपालिकाकाे वडा नं. -७ स्थितबाट ट्रकमा एक हजरा घरेलु मदिरा बरामद गरेकाे हाे ।

आइतबार बिहान ०४:३० बजे सवारी साधन चेकजाँच गर्ने क्रममा हेटौंडाबाट वीरगंजतर्फ आउदै गरेको ना ६ ख ५४०४ नम्बरको ट्रक शंका लागि चेकजाँच गर्ने क्रममा ट्रकभित्र लुकाई छिपाई ल्याएको एक हजार लिटर अवैध घरेलु मदिरा बरामद भएकाे जिल्ला प्रहरी कार्यालय बाराले जनाएकाे छ ।

ना ६ ख ५४०४ नं.को ट्रकट्रकमा अबैध घरेलु मदिरा बरामद भएपछि ट्रक र ट्रक चालक मकवानपुरकाे हेटाैडा उपमहानगरपालिका वडा नं.१२ बस्ने वर्ष ३७ को भिमसेन पुलामी तथा सहचालक हेटाैडा उपमहानगरपालिका कै वडा नं. १४ बस्ने वर्ष ३३ को लक्ष्मण बललाई नियन्त्रणमा लिईएकाे प्रहरीले जनाएकाे छ ।

वरामद मदिरा र ट्रकसहित निजहरूलाई आवश्यक कारवाहीको लागी आन्तरिक राजश्व कार्यालय सिमरा, बारामा पठाइएकोमा रू.१ लाख ५५ हजार धरौटी माग भएको प्रहरी कार्यालय बाराले जनाएकाे छ ।

अवैध लताकपडा र अलैचीसहित २ वटा पिकअप पक्राउ

0

वीरगंज । बाराकाे जितपुर सिमरा उपमहानगरपालिका वडा नं. ७ स्थित पथलैया वीरगंज सडक खण्डबाट भन्सार छली चोरी पैठारी गरी नेपाल भित्राएको कपडा बारा प्रहरीले बरामद गरेकाे छ । 

इलाका प्रहरी कार्यालय जितपुरबाट खटिएको प्रहरी चेकिङ टोलीले वीरगंजबाट जितपुरतर्फ गइरहेकाे ना २ च ६६७९ नं. को पिकअप गाडीलाई रोकी चेकजाँच गर्दा उक्त पिकपमा भारतबाट भन्सार छली ल्याएकाे मुल्य रू.११ लाख ५५ हजार ६ सय ८७ बराबरको कपडा फेला परेको जिल्ला प्रहरी कार्यालय बाराले जनाएकाे छ ।

बरामद कपडा र अं. रू.२० लाख पर्ने उक्त पिकप र पिकअपका चालक वीरगंज महानगरपालिकाकाे वडा नं.२१ बस्ने वर्ष २२ को छोटेलाल पटेललाई नियन्त्रणमा लिएर आवश्यक कारवाहीको लागि राजश्व कार्यालय पथलैया बारामा बुझाइएको प्रहरी कार्यालयले बाराले जनाएकाे छ ।

यस्तै,  इलाका प्रहरी कार्यालय निजगढ बाराबाट खटिएको प्रहरी टोलीले निजगढ नगरपालिका वडा नं.९ स्थित पूर्व पश्चिम राजमार्गबाट कर छलीकाे अलैची बरामद गरेकाे छ ।

सवारी चकजाँचको क्रममा सर्लाहीबाट वीरगंजतर्फ लादै गरेको प्रदेश नं.२-०३-००१ च ०४९७ नम्बरको पिकअपमा कर छली गरी लग्दै गरेको रू.एक लाख २८ हजार बराबरको ३ सय २० के.जि. अलैची फेला पारी बरामद गरिएकाे प्रहरीले जनाएकाे छ ।

बरामद अलैचरी र अं.मु. रू.६ लाख पर्ने उक्त पिकपसमेत आवश्यक कारवाहीको लागि राजश्व कार्यालय पथलैया बारामा बुझाइएको प्रहरी कार्यालय बारा प्रेस विज्ञप्तीमार्फत जनाएकाे छ ।

भिस्वाका सई प्रेम खत्रीकाे विदाई

0

भिस्वा । पर्साकाे छिपहरमाई गाउँपालिका वडा नं. ५ मा रहेकाे प्रहरी चाैकी भिस्वाका प्रहरी नायब निरिक्षक (सई) प्रेम खत्रीकाे बिदाई गरिएकाे छ ।

जिल्ला भित्र नै वडा प्रहरी कार्यालय श्रीपुरमा सरुवा भएका सई खत्रीकाे स्थानियहरुले बिदाई गरेका हुन् । प्रहरी चाैकी भिस्वामा मै पुगेर स्थानिय युवाहरुकाे एक समुहले सई खत्रीलाई फुलकाे माला र खादा ओढाएर बिदाई गरेका थिए ।

साे अवसरमा वाेल्दै सई खत्रीले सके जति आफुले यस क्षेत्रकाे शान्ति सुरक्षाकाे साथै तस्करी नियन्त्रणमा काम गरेकाे वताए । उनले जाने बेलामा पनि सम्मानकाे बिदाई गरिदिनेहरुलाई धन्यावाद दिदै खत्रीले जहां गएपनि आफुले राष्ट्रकाे सेव भएर काम गर्ने वताए ।

स्थानिय युवा सुगरीम ठाकुर, ताराचंद पंडित, राजा पटेल, हफिज हवारी, आलोक कुशवाहा लगायतकाले सई खत्रीकाे बिदाई गरेका हुन् ।

भिस्वा प्रहरी चाैकीकाे प्रमुखमा वडा प्रहरी कार्यालय श्रीपुरमा कार्यरत सई प्रेम मिश्रा गएका छन् ।

२०४७ काे संविधान लागु गर्न माग गर्दै छिपहरमाईमा प्रदर्शन

0

भिस्वा । पर्साकाे छिपहरमाई गाउँपालिकाकाे वडा नं. ३ झलमहियामा राजाबादीहरुले प्रदर्शन गरेका छन् ।

राष्ट्रिय नागरिक संघर्ष समिति एवम् नेपाल राष्ट्रवादी शान्ति समूह छिपहरमाई गाउँपालिका १, मिर्जापुरकाे आयाेजना प्रदर्शन गरिएकाे हाे ।

हाम्राे राजा हाम्राे देश प्राण भन्दा प्याराे छ, राजा ल्याउ देश बचाउ, सैनिक शासन लागु गर,  २०७३ काे संविधान खारेज गर, २०४७ काे संविधान लागु गर लगायतकाे नारा लगाउदै राजाबादीहरुले गाउँ परिक्रममा गरेका थिए ।

सहबजान मियाँको अध्यक्षतामा भएकाे कार्यक्रममा जवाहिर साह, ईनुस मियाँ लगायतकाे सहभागिता रहेकाे थियाे ।

नेपाली कांग्रेसका नेता रमेश रिजाल काेराेना पाेजिटिभ

0

वीरगंज । नेपाली कांग्रेसका केन्द्रिय सदस्य रमेश रिजाल काेराेना भाइरस (काेभिड १९) संक्रमित भएका छन् ।

पर्साकाे जगरनाथपुर गाउँपालिका वडा नं. ५ मसिहानी निवासी नेता रिजाल काेराेना संक्रमित भएकाे नेपाली कांग्रेस पर्सा क्षेत्र नं. ४ का सचिव श्रीकान्त यादवले वताए । नेता रिजाल काेराेना संक्रमित भएपनि कुनै किसिमकाे लक्षण नभएकाे उनले जानकारी गराए।

पार्टीकाे केन्द्रिय समितिकाे बैठकमा सहभागि हुन काेराेना परिक्षण गराउनु पर्ने भएकाेले आफु पनि पिसिआर परिक्षण गराउदा रिपाेर्ट पाेजिटिभ आएकाे नेता रिजालले वताए । रिपाेर्ट पाेजिटिभ आएपनि आफ्नाे स्वास्थ्य अवस्था ठिक रहेकाे नेता रिजालले जनाए ।

काेराेना परिक्षणकाे लागि पार्टीले नै काठमाडाैंबाट खटाएकाे टाेलीले शुक्रबार नेता रिजालकाे स्वाब संक्रलन गरेर लगेकाे थियाे । काठमाडाैंस्थि नै एक निजि अस्पतालकाे प्रयाेगशालामा गरिएकाे परिक्षणमा नेता रिजालमा काेराेना पाेजिटिभ देखिएकाे हाे ।

शनिबार सांझ रिपाेर्ट पाेजिटिभ आएपछि नेता रिजाल वीरगंज पानीटंकीस्थित रहेकाे आफ्नाे घरकाे हाेम आइसाेलेसमा बसेका छन् । काेराेना संक्रमित भएपछि नेता रिजाल साेमबारदेखी बस्ने पार्टीकाे केन्द्रिय समितिकाे बैठकमा सहभागि नहुने भएका छन् ।

नेता रिजाल काेराेना संक्रमित भएकै कारण पर्सा क्षेत्र नं. ४ काे कालिकामाई गाउँपालिकामा आयाेजना हुने पार्टी प्रबेश कार्यक्रम स्थगित भएकाे छ । नेता रिजाल संक्रमित भएपछि कालिकामाई गाउँपालिकाकाे वडा नं. १ मुडलीमा असाेज २४ गते शनिबार आयाेजना हुने पार्टी प्रबेश कार्यक्रमसमेत स्थगित गरिएकाे स्थानिय नेता छठु साहले जानकारी दिए ।

पर्साका २ सहित थप ७ जनामा काेराेना संक्रमण पुष्टि

0

वीरगंज । पर्साका २ सहित थप ७ जनामा काेराेना भाइरस (काेभिड १९) संक्रमण पुष्टि भएकाे छ । 

नारायणी अस्पतालकाे प्रयाेगशालामा शनिबार गरिएकाे परिक्षणमा पर्साका २ जना, बाराका ४ जना र राैतहटका १ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए ।

संक्रमित हुनेहरु १९ बर्षदेखी ६५ बर्ष उमेर समुहकाे रहेकाे उनले जानकारी दिए । संक्रमितहरुकाे सिटी भ्यालु २३ देखी ३४ सम्म रहेकाे छ ।

प्रवक्ता डा. चाैरसियाका दिएकाे जानकारी अनुसार संक्रमित हुनेमा वीरगंज महानगरपालिकाकाे बहुवरी र पाेखरिया नगरपालिकाकाे वडा नं. २ का एक-एक जना रहेका छन् ।

बाराकाे कलैया उपमहानगरपालिका वडा नं. ५, पंचराैता गाउँपालिका वडा नं. ८, काेल्भी नगरपालिका वडा नं. ७  र करैयामाई गाउँपालिका वडा नं. ८ का एक-एक जनामा काेराेना पाेजिटिभ देखिएकाे हाे ।

यस्तै, संक्रमित हुनेमा राैतहटकाे पराेहा नगरपालिकाकाे वडा नं. ८ का एक जना रहेका डा. चाैरसियाले जानकारी गराए ।

उनका अनुसार शनिबार पर्साका ६० जना र बाराका ३६ जनाकाे स्वाबकाे नमुना पिसिआर बिधिबाट परिक्षण गरिएकाे थियाे ।

धाेबिनी गापामा नेपाली कांग्रेसकाे कार्यकर्ता भेला सम्पन्न

0

वीरगंज । पर्साकाे धाेबिनी गाउँपालिकामा शनिबार नेपाली कांग्रेसकाे कार्यकर्ता भेला सम्पन्न भएकाे छ ।

गाउँपालिकाकाे वडा नं. ५ जगरनाथपुरमा भएकाे भेलालाई सम्बाेधन गर्दै नेपाली कांग्रेसका केन्द्रिय सदस्य रमेश रिजालले कम्युनिष्ट सरकार भ्रष्टचारकाे अलावा केही गर्न नसकेकाे आराेप लगाएका छन् । उनले कम्युनिष्ट सरकारसंग २ तिहाई बहुमत भए पनि भ्रष्टाचारकाे अलावा केही गर्न नसकेकाे वताए ।

नेता रिजालले कम्युनिष्टर सरकार करकाे दायर बढाएर जनतालाई दु:ख दिनुकाे साथै आफु भ्रष्टाचार गरिरहेकाे वताए । काेराेना महामारीकाे समयमा पनि कम्युनिष्ट सरकारका नेता तथा मन्त्रीहरुलाई लाज नलागेेकाे उनकाे भनाई थियाे ।

पार्टीका नेता तथा कार्यकर्ताहरुलाई एकजुट हुन आग्रह गर्दै रिजालले फागुनमा हुने पार्टीकाे अधिवेशनमा सहमतिकाे प्रयास गरिने वताए । 

बुथ सभापति गया यादवकाे अध्यक्षतामा भएकाे कार्यक्रममा प्रदेश सांसद शंकर चौधरी, नेपाली कांग्रेसका नेता बशिष्ट नारायण कुर्मी, रमेश पाण्डे, नविन सिंह, श्रीकान्त यादव, बब्लु श्रीवास्तव, सुरेश प्रसाद कुर्मी, राजेन्द्र प्रसाद कुर्मी, छठु साह, बलिष्टर अहमद लगायतकाले सहभागिता रहेकाे थियाे ।

इप्रका पाेखरियाका प्रहरी निरिक्षक सिंहकाे बिदाई तथा सम्मान

0

वीरगन्ज । इलाका प्रहरी कार्यालय पोखरीयाका प्रहरी निरीक्षक चन्द्र कुमार सिंहलाई आज एक कार्यक्रम बिच विदाई तथा सम्मान गरिएको छ । ब्रिलिएन्ट युवा क्लब कालिकामाई गाउँपालिका वडा नं. २ भेडिहारीले प्रहरी प्राधान कार्यालय सरुवा भएका प्रहरी निरिक्षक सिंहलाई बिदाई तथा सम्मान गरेकाे हाे । 

कार्यक्रमका प्रमुख अतिथि पोखरीया नगरपालिकाका मेयर दीपनारायण रौनियार र ब्रिलिएन्टयुवा क्लबकाका अध्यक्ष छठु साहले संयुक्त रुपमा प्रहरी निरिक्षक सिंहलाई प्रशंसा पत्रले सम्मान गर्दै दाेसल्ला तथा खादा ओढाएर बिदाई गरेका थिए ।

कार्यक्रमलाई सम्बाेधन गर्दै मेयर राैनियारले प्रहरी निरिक्षक सिंहकाे कार्यकाल समग्रमा राम्रा र प्रशंंसा याेग्य रहेकाे वताए । उनले पाेखरियाकाे लागि सिंह जस्तै नै प्रहरी निरिक्षक चाहिने वताउदै सरुवा हुदा दु:ख लागेकाे वताए ।

ब्रिलिएन्ट युवा क्लबका अध्यक्ष छठु साहले प्रहरी निरिक्षक सिंह काेराेना महामारीकाे समयमा पनि राम्राे काम गरेकाेले प्रशंसा गर्दै सम्मान गरिएकाे वताए । गैर सरकारी  संस्था महासंघ नेपाल पर्साका अध्यक्षसमेत रहेका साहले प्रहरी निरिक्षक सिंहले शान्ति सुरक्षाकाे साथ साथै सामाजिक क्षेत्रकामा पनि राम्राे काम गरेकाे वताए ।  

प्रहरी निरिक्षक सिंहले आफु जनप्रतिनिधि, स्थानिय गैर सरकारी संस्था, पत्रकार लगायतकाे सहयाेगमा काम गरेकाे र सबैकाे सहयाेग पाएकाे वताए ।

सिंहले आधा दर्जन जति जघन्य अपराधकाे सहि अनुसन्धान गर्नुकाे साथै, लागु औषध र घरेलु मदिरा नियन्त्रण गर्न सफल भएकाे वताए । यसका साथ साथै आफुले १४ महिने कार्यकालमा एक कराेड भन्दा बढी अवैध समान बरामद गरि भन्सार बुझाएकाे वताए ।

इलाका प्रहरी कार्यालय पाेखरियामा भएकाे कार्यक्रमकाे संचालन ब्रिलिएन्ट युवा क्लबका सदस्यसमेत रहेका पत्रकार शम्भु कुमार सुमनले गरेका थिए ।

इलाका प्रहरी कार्यालयमा पाेखरियाकाे नयाँ प्रहरी निरिक्षकमा अख्तियार दुरुपयाेग अनुसन्धान आयाेगमा कार्यरत दिपक थापा आउने भएका छन् ।

डा. केसीकाे जिवन रक्षाकाे लागि चिकित्सकहरुद्वारा दिप प्रज्वलन

0

वीरगंज । प्राध्यापक डा. गाेबिन्द केसीकाे जायज माँग पुरा गरी जिवन रक्षा गर्नकाे लागि शुक्रबार सांझ वीरगंजमा दिप प्रज्वलन गरिएकाे छ ।

नेपाल चिकित्सक संघ नारायणी शाखा, वीरगंजकाे आयाेजनामा चिकित्सकहरुले डा. गाेबिन्द केसीकाे जायज माँग पुरा गर, डा. गाेबिन्द केसीकाे जिवन रक्षा गराैं लेखिएकाे ब्यानरसहित दिप प्रज्वलन गरेका हुन् ।

डा. केसीकाे जिवन रक्षाकाे साथै काेराेना संक्रमणबाट निधन भएका कर्णालीका चिकित्सक डा. हरि सापकाेटाकाे आत्माकाे शान्तिकाे कामना गर्दै दिप प्रज्वन गरिएकाे चिकित्स संघ नारायणीका सचिव डा. उद्य नारायण सिंहले वताए । उनले डा. केसीकाे जायज मांग पुरा गरी जिवन रक्षा गर्न मागसमेत गरे ।

चिकित्सक संघकाे भवन अगाडी भएकाे दिप प्रज्वलन कार्यक्रममा चिकित्सक संघ नारायणीका कोषाध्यक्ष डा. शास्वत प्रसाद, डा. निरज सिंह, डा. फहाद आलम, डा. दिपक चौरसिया, श्याम निधि, अमित बर्मा लगायतकाे सहभागिता रहेकाे थियाे ।

भारतिय राजदूतावासद्वारा साहिब दरबारलाई एम्बुलेन्स सहयाेग

0

वीरगंज । गान्धी जयन्ति अर्थात अन्तराष्ट्रिय अहिंसा दिवसको अवसरमा भारत सरकारले नेपालका विभिन्न संघ संस्थाहरुलाई एम्बुलेन्सलगायतका वहानहरु सहयोग गरेको छ ।

महात्मा गान्धीको १५१ औँ जन्म जयन्तीका अवसरमा भारतीय राजदूतावास काठमाडौंले साहिब दरबार सेवा संस्थान वीरगंजलाई पनि एक थान एम्बुलेन्स सहयाेग गरेकाे छ । लामाे समयदेखी परोपकारी काम गर्दै आएको साहिब दरबार सेवा संस्थानलाई पनि भारतिय दुतावासले एम्बुलेन्स सयोग गरेको हो ।

गांधी जयन्तीको अवसर पारी भारतीय दुतावासले साहिब दरबार सेवा संस्थानलाई एम्बुलेन्स सहयाेग गरेकाे संस्थाका अध्यक्ष राजेशमान सिंहले जानकारी दिए ।

संस्थाले एम्बुलेन्स पाउन साथ सामाजिक सेवामा थप जिम्मेवारी थपिएकाे उनले प्रतिक्रिया दिए । “उनले भने समाजिक क्षेम अब एक पाइला अगाडि बढेको छ । संस्थाले एम्बुलेन्स पाउन साथ थप जिम्मेवारी बढेकाे छ, एमबुलेन्स सहयाेग गरिदिने भारतिय दुतावासलाई धन्यावाद छ ।” 

यस्तै, भारतिय दुतावास काठमाडाैंले विभिन्न सरकारी, गैरसरकारी एवम् गैरनाफामूलक संघ संस्थाहरुलाई ४१ वटा एम्बुलेन्स र ६ वटा बस उपहार स्वरुप प्रदान गरेको छ ।