Date
शुक्र, मंसिर ४, २०८३
Fri, November 20, 2026
Home Blog Page 911

चैते कम्युनिष्टहरुबाट पार्टीलाई जोगाउनु आजको मुख्य चुनौती : यादव

0

वीरगंज ।  नेकपाका केन्द्रिय सदस्य एवं वीरगंज महानगरका इन्चार्ज दिनेश राईले बिधि र पद्दति बिना कुनै पनि पार्टी दीर्घकालीन रूपले चलायमान नरहने बताउनु भएको छ ।

पुष्पलाल मित्रता केन्द्रको वीरगन्जमा आयोजित जिल्ला भेलालाई सम्बोधन गर्दै के.स. राईले यस्तो बताउनु भएकाे हाे । वहाँले नेकपा भित्र विधि र पद्दतिको खडेरी पर्दै गएको बताउनु हुदै कम्तीमा अबका दिनहरुमा पनि पार्टीलाई विधि संगत ढंगले चलाउनका निम्ति पार्टी भित्रका युवा पंक्ति अगाडि आउन आवशयक रहेको बताउनु भयो ।

भेलामा अर्का वक्ता संविधान सभा सदस्य एवम् नेकपा जिल्ला कमिटी सदस्य बिचरी यादवले नेकपालाई चैते कम्युनिष्टबाट जोगाउनु आजको मुख्य चुनौती रहेको बताउनु भयो । यादवले पार्टी सरकारमा हुँदा दलाल प्रवृत्तिका चैतेहरु पार्टी प्रवेश गर्ने र विभिन्न अवसर लिई पार्टीबाट भाग्नेहरु सलबलाएको हुनाले त्यस्ताहरुको पहिचान गरी समय मै लगाम लगाइएन भने पार्टीले दीर्घकालीन घाटा ब्यहोर्नु पर्ने बताउनु भयो ।

पुष्पलाल मित्रता केन्द्रका प्रदेश नं. २ का सदस्य अरूण यादवको अध्यक्षतामा भएकाे भेलामा नेकपाका जिकस एंवम युवा नेता मनोज चौधरी, प्रेस संगठनका केन्द्रिय सदस्य वृजलाल पासवान, नेकपा पर्साका महिला नेतृ दुर्गा क्षेत्री लगायतले मन्तव्य व्यक्त गरेका थिए भने संचालन हेमन्त तामाङ्गले गरेका थिए ।

साेही भेलाले अरुण यादवको अध्यक्षतामा ३० सदस्यिय पुष्पलाल मित्रता केन्द्र पर्सा जिल्ला कमिटी गठन गरेको छ । जसको उपाध्यक्षमा प्रमोद यादव, महिला उपाध्यक्षमा इन्दु घिमिरे, सचिवमा शिवम साह, सह सचिवमा इशक कुमार, सुरेश गुप्ता कोषाध्यक्षमा शिवशंकर यादव र सदस्यहरुमा क्रमश सुशील हजारा, उमेश ठाकुर, लीला श्रेष्ठ, हेमन्त तामाङ्ग, श्याम पासवान लगायत रहेका छन ।

‘हिन्दु-मुस्लिम एकता आजको आवश्यकता‘ विषयक अन्तरक्रिया

0

वीरगञ्ज । ‘हिन्दु-मुस्लिम एकता आजको आवश्यकता‘ विषयक अन्तरक्रिया कार्यक्रम वीरगञ्जमा सम्पन्न भएको छ ।

वीरगञ्ज महानगरपालिका वडा नम्बर १ र ३ का युवाहरुले आयोजना गरेको हिन्दु-मुस्लिम एकता आजको आवश्यकता विषय अन्तरक्रिया कार्यक्रममा देश र समाजलाई अगाडी बढाउँन सबै समुदाय मिल्नुको विकल्प नरहेको वक्ताहरुले बताएका छन् ।

वर्षौंदेखि मिलेर बस्दै आएको हिन्दु-मुस्लिम समाज एकतालाई केहि उच्छृंकल व्यक्तिहरुले खलबलाउन खोजिरहेको बताउँदै वक्ताहरुले त्यस्ता तत्वहरुलाई समाजबाट वहिष्कार गर्नुपर्ने सुझाव दिएका थिए ।

अली हसनको अध्यक्षतामा भएकाे कार्यक्रममा जनता समाजवादी पार्टीका नेता राजेश मान सिंह, बाबुलाल यादव, सिपु तिवारी, मुकेश द्धिवेदी, शाहवान मियाँ, कलाम मियाँ ठकुराई, सलाउद्दीन मंसूरी, जबार मंसूरी, वडा नम्बर ३ का वडा अध्यक्ष बैजुलाल स्वर्णकारलगायतले आ आफ्नो मन्तव्य राखेका थिए ।

पर्सामा फेरी काेराेना संक्रमित बढदै, थप ३१ जनामा संक्रमण पुष्टि

0

वीरगंज । पर्सामा काेराेना परिक्षणकाे दायरा बढेसंगै फेरी काेराेना भाइरस (काेभिड १९) संक्रमितकाे संख्या बढ्दै गएकाे छ ।

वीरगंजस्थित नारायणी अस्पतालकाे प्रयाेगशालामा शुक्रबार गरिएकाे परिक्षणमा पर्साका ३१ र बाराका ३ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए ।

आरटी पिसिआर विधिबाट पर्साका २६६ जना र बाराकाे २२ जनाकाे स्वाबकाे नमुना परिक्षण गर्दा कुल ३४ जनामा काेराेना पाेजिटिभ देखिएकाे उनले जानकारी दिए ।

प्रवक्ता डा. चाैरसियाका अनुसार संक्रमित हुनेहरु ११ बर्षदेखी ५५ बर्ष उमेर समुहका रहेका छन् । उनीहरुकाे सिटी भ्यालु १८ देखी ३४ सम्म रहेकाे छ । थपिएका संक्रमित मध्ये ३ महिला र ३१ पुरुष रहेका छन् ।

पर्साकाे वीरगंज आर्मी ब्यारेकका १४ जना, वीरगंज महानगरपालिकाकाे वडा नं. ११, २२, ३ का १-१ जना, बहुदरमाई नगरपालिकाका ३ जना र पकहा मैनपुर गाउँपालिकाका एक जना संक्रमित भएका छन् ।

त्यसैगरी, वीरगंजकाे आदर्शनगर रंगशालामा गरिएकाे स्वाब संकलन मध्ये १० जनाकाे रिपाेर्ट काेराेना पाेजिटिभ देखिएकाे छ ।

बाराकाे जितपुर सिमरा उपमहानगरपालिका वडा नं. २ का ५५ बर्षिय पुरुष, निजगढ नगरपालिका वडा नं. ९ का ३५ बर्षिय पुरुष र कलैया उपमहानगरपालिकाकाे वडा नं. ३२ बर्षिय पुरुष पनि संक्रमित भएका छन् ।

डा. केसीको समर्थनमा नेवि संघद्वारा पाेखरियामा प्रदर्शन

0

वीरगंज । चिकित्सक शिक्षा सुधारको माग गर्दै अनशरत डा.गोबिन्द केसीको समर्थनमा शुक्रबार पोखरियामा प्रदर्शन गरिएकाे छ ।

नेवि संघ पोखरिया नगर कार्य समितिकाे आयोजना पाेखरिया नगरपालिकाकाे वडा नं. ४ स्थित पाेखरिया बजारकाे बस स्टेनमा प्रदर्शन गरिएको हाे । बिराेध प्रदर्शनमा सहभागिहरुले सरकार आफ्नो नियत सच्याउ, डा. गोबिन्द केसीलाई तुरन्त बचाउ, डा.केसीको अनशन माफियालाई टेन्सन, केपी ओलीको मिसन सिटामोलमा कमिसन, डां केसीको जीवन रक्षा गर जस्ता नारा लेखिएकाे प्ले कार्ड बाेकेका थिए ।

नेवि संघ पाेखरियाका सभापति संताेश महताेकाे नेतृत्वमा भएकाे कार्यक्रममा नेवि संघका नेता राजु गिरी, मनोज कलवार, अखलख आलम, क्युम आलम, निरंजन क्षेत्री, पवन गुप्ता, कैस अन्सारी, नवल ठाकुर लगायतका सहभागिता रहियो ।

यस अघि बिहिबार पनि डा. केसीकाे जिवन रक्षाकाे लागि नेवि संघ पाेखरियाले दिप प्रज्वलन गरेकाे थियाे । 

सांसद यादवद्वारा ढलान सड़क तथा नाला उद्घाटन

0

 बीरगंज । वीरगंज महानगरपालिकाकाे वडा नम्बर १८ भवानीपुर ईनरवा टोलमा निर्माण भएकाे सड़क ढलान तथा नालाको पर्सा क्षेत्र नम्बर १ का सांसद प्रदिप यादवले उद्घाटन गरेका छन ।

स्थानिय पुर्वाधार विकास कार्यक्रम अन्तर्गत संसदीय कोषबाट सम्पन्न भएको सड़क ढलान तथा नाला निर्माण कार्यको आज एक कार्यक्रम का बिच सांसद यादवले उद्घाटन गरेका हुन ।

उद्घाटन कार्यक्रमलाई सम्बोधन गर्दै सांसद यादवले सबैको सहयोगले मात्र बिकास निर्माण कार्यको गती बढ़ने बताए । उनले आफुले यस क्षेत्रको विकासको लागि जनताको जनचाहना अनुरुप विकास कार्यहरू शुरू गरेको जनाए ।

अगामी दिनहरूमा पनि यस वडाको विकासको लागि नयाँ योजनाहरू बनाएर बिकास कार्यलाई निरन्तरता दिईने बताए । कार्यक्रममा प्रदेश सांसद जन्नत अंसारी, जनता समाजवादीका नेता उमाशंकर तिवारी, ओमप्रकाश साह, मोहन राउंत कुर्मी, सांसद प्रतिनिधि घनशयाम गुप्ता लगायत स्थानीय नेता तथा कार्यकर्ताहरूको उपस्थिति रहेको थियो ।

ज्येष्ठ नागरिक सङ्घ, पर्साको सातौं जिल्ला सभा सम्पन्न

0

वीरगंज । ज्येष्ठ नागरिक सङ्घ, पर्साको सातौं जिल्लासभा वीरगंजमा सम्पन्न भएको छ । वीरगंज महानगरका नगर प्रमुख विजय सरावगीको प्रमुख आतिथ्यतामा शुरु भएको कार्यक्रममा उपप्रमुख शान्ति कार्कीले वृक्षरोपण गरी कार्यक्रमको शुभारम्भ गरेका थिए ।

कार्यक्रममा नगरप्रमुख सरावगीले ज्येष्ठ नागरिक समाज र परिवारको गहना भएको बताए । उनले ज्येष्ठ नागरिकलाई हेला होइन, माया गर्नुपर्ने परिवारको सदस्यको कर्तव्य रहेको बताए । नगर प्रमुख सरावगीले ज्येष्ठ नागरिकलाई आफूले सकेसम्म सहयोग गरेको बताउदै आगामी दिनमा पनि सहयोग गर्ने प्रतिबद्धता व्यक्त गरे ।

उनले ज्येष्ठ नागरिक सङ्घलाई जग्गा दिने प्रक्रिया शुरु भइसकेको बताउदै चाडै भवन निर्माण गरिदिने आश्वासनसमेत दिए ।सरावगीले लक्ष्मणवा पार्कलाई व्यवस्थित गरेर ज्येष्ठ नागरिक सङ्घको जिम्मा लगाउने प्रक्रियामा रहेको बताए ।

नगर प्रमुख सरावगीले घण्टाघरदेखि पावरहाउस चोकसम्मको बाटो बिग्रेको स्वीकार्दै टेन्डर प्रक्रियाबाट चाडै सडक विस्तार गर्ने बताए । गत वर्ष भएको मरम्मतको क्रममा सडक भन्दामाथि टालटुल गरेको कारण महानगर नैं आलोचित भएको र यसको लागि क्षमायाचनासमेत गरे ।

सङ्घका अध्यक्ष जगदीश प्रसाद शर्माको अध्यक्षतामा भएको जिल्ला सभा उद्घाटन समारोहमा सङ्घका सचिव जुम्माद्दीन शेख हवारी, त्रिमूर्ति टोल सुधार समितिकी अध्यक्ष उमा मिश्र, वडाध्यक्ष रामदरश कुशवाहा लगायतले मन्तव्य व्यक्त गरेका थिए ।

कार्यक्रममा आर्थिक प्रतिवेदन सङ्घका कोषाध्यक्ष किशोरीप्रसाद गुप्ताले प्रस्तुत गरेका थिए भने कार्यक्रममा स्वागत निवर्तमान अध्यक्ष पशुपति विक्रम शाह र कार्यक्रम सञ्चालन मुस्कान शर्मा र खुशी शर्माले गरेका थिए ।

भिस्वा नाका भएर सशस्त्र प्रहरी कै मिलाेमताेमा तस्करी

0

वीरगंज । सिमा बन्द भएपनि पर्साकाे ग्रामिण भेगकाे भिस्वा नाका भएर तस्करी रुकन सकेकाे छैन ।

सशस्त्र प्रहरी बाेर्डर आउट पाेष्ट बन्जारी, भिस्वाकाे मिलाेेमताेमा सिमा बन्द भएपनि तस्करी चालु रहेकाे स्थानिय प्रत्यक्षदर्शीहरुले वताएका छन् । तस्करहरुले तस्करी गरे वापत बाेर्ड आउट पाेष्ट बन्जारीका प्रहरी निरिक्षक संजिव वानियाँलाई मासिक रुपमा माेटाे रकमसमेत बुझाउने गरेका छन् ।

स्थानियहरुका अनुसार बिओपी बन्जारी अन्तर्गत रहेका भिस्वा, चेरगांहा, बुडगाई, मिर्जापुर, जयम‌ंगलापुर, भेडिहर्वा लगायतकाे नाका भएर रातिकाे समयमा तस्करी भइरहेकाे छ । साे नाका भएर मटर, मरिच, तेल, कपडा, स्पेयर पार्टस, मदिरा, प्रतिबन्धित औषधी लागयतकाे सामग्री तस्करी हुने गरेकाे छ ।

नेपालबाट भारततर्फत मटर, मरिच, मदिरा, डिजल, पेट्राैलकाे तस्करी भइरहेकाे छ भने भारतबाट नेपालतर्फ कपडा, स्पेयर पार्टस, किराना सामग्री, प्रतिवन्धित औषधी, भैंसी लगायतकाे तस्करी भइरहेकाे छ । रातिकाे समयमा हुने गरेकाे तस्करी सशस्त्र प्रहरीकाे सेटिङ मै हुने गरेकाे स्थानियकाे दाबी रहेकाे छ । 

रातीकाे समय ठुलाे परिमाणमा र दिनकाे समयमा सानाे परिणाममा तस्करी हुने गरेकाे छ । सिमा सुरक्षाकाे लागि खटिने सशस्त्र प्रहरीले नाम मात्रकाे सिमा सुरक्षा र कामकाे तस्करी गराउने गरेकाे स्थानियहरुकाे भनाई रहेकाे छ । डिउटीमा खटेका सशस्त्र प्रहरीहरुले तस्करलाई छुट र सर्वसाधारणलाई दु:खसमेत दिने गरेकाे स्थानियहरु वताउँछन् ।

सर्वसाधारण जनता लुकीछिपी सिमा पारीकाे बजार गए डिउटीमा खटिने सशस्त्र प्रहरीले गाली गलाैज गर्ने र कहिले काँही कुटपिटसमेत गर्ने गरेका छन् । कुटपिट गरेपछि कहिले काँही सशस्त्र प्रहरी र स्थानियहरु बिच विवादसमेत हुने गरेकाे छ ।

भिस्वाकाे मुख्य नाकामा नाम मात्रकाे सिमा बन्द छ लेखेकाे बाेर्ड लगाइए पनि सहायक नाका भएर खल्लेयाम तस्करी हुने गरेकाे छ ।

पर्साका १२ सहित थप १९ जनामा काेराेना संक्रमण

0

वीरगंज । पर्साका १२ सहित थप १९ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा बिहिबार पर्साका २३९ जनाकाे स्वाब पिसिआर विधिबाट परिक्षणमा १२ जना र बाराका ५३ जनाकाे स्वाब परिक्षण गर्दा ७ जना काेराेना संक्रमित भेटिएकाे अस्पतालका प्रवक्ता डा. अतुलेश कुमार चाैरसियाले वताए ।

संक्रमित हुनेमा ३ महिला र १६ पुरुष रहेकाे उनले जनाए । संक्रमितहरुकाे सिटी भ्यालु १५ देखी ३० सम्म रहेकाे वताए ।

प्रवक्ता डा. चाैरसियाका अनुसार संक्रमित हुनेमा पर्साकाे कालिमामाई गाउँपालिका वडा नं. १ का ४१ बर्षिय पुरुष, पर्सागढी पर्सागढी नगरपालिकाकाे वडा नं. १ का ३५ बर्षिय महिला, जगरनापुर गाउँपालिकाकाे वडा नं. ५ का २४ बर्षिय पुरुष रहेका छन् ।

त्यसैगरी, वीरगंज महानगरपालिकाकाे वडा नं. ७ का ५१ बर्षिय पुरुष, वडा नं. १० का ५८, ६७ बर्षिय पुरुष, वडा नं. १३ का १६, ४०, ४४ बर्षिय पुरुष र वडा नं. ३० का २९ बर्षिय पुरुष संक्रमित भएका हुन् ।

वीरगंजस्थित रहेकाे तराई हस्पिटलका ५६ बर्षिय महिला र सिदार्थ बैंकका २६ बर्षिय महिलामा पनि संक्रमण फेला परेकाे उनले वताए ।

बाराकाे जितपुर सिमरा उपमहानगरपालिकाकाे  ३१, ३५, ३६, ४७, ४९ बर्षिय पुरुष, प्रसाैनी गाउँपालिकाकाे वडा नं. ६ का २५ बर्षिय पुरुष र भुमिसुधार मालपाेत कार्यालयका ३८ बर्षिय पुरुषमा संक्रमण फेला परेकाे प्रवक्ता डा. चाैरसियाले जानकारी गराए ।  

परसोतीपुरमा सांसद यादवद्वारा निर्माण ढलान सड़कको उद्घाटन

0

वीरगंज । वीरगंज महानगरपालिकाकाे वडा नम्बर ३० को परसोतीपुरमा निर्माण भएकाे ढलान सड़क तथा नालाको सांसद प्रदिप यादवले उद्घाटन गरेका छन ।#

स्थानीय पूर्वाधार विकास कार्यक्रम संसदीय निर्वाचन क्षेत्र न.१ पर्साको बिकास कोष तथा विरगंज महानगरपालिकाको साझेदारीमा ४० लाखको लागतमा निर्माण सम्पन्न सड़क तथा नालाको बिहिबार एक कार्यक्रमका विच सांसद यादवले समुदघाटन गरेका हुन ।

समुद्घाटन कार्यक्रमलाई सम्बोधन गर्दै सांसद यादवले पञ्चायत कालदेखी अहिले सम्म यो सड़कमा ढलान बाटो नबनेको बताउदै आफुले यस क्षेत्रको विकासको लागि जनताको जनचाहना अनुरुप विकास कार्यहरू अगाडी बढाएको बताए ।

उनले अगामी दिनहरूमा पनि यस वडाको विकासको लागी नयाँ योजनाहरू बनाएर बिकास कार्यलाई निरन्तरता दिने बताए ।

कार्यक्रममा प्रदेश सांसद जन्नत अंसारी लगायत स्थानीय नेता तथा कार्यकर्ताहरूको उल्लेखनीय उपस्थिति रहेको थियो ।

डा. केसीकाे माग पुरा गरि जिवन रक्षा गर्न पाेखरियामा दिप प्रज्वलन

0

वीरगंज । अनशनरत डाक्टर गोविन्द केसीको जायज माँग पुरा गरी जिवन रक्षा गर्न बिहिबार पोखरियामा दिप प्रज्वलन गरिएकाे छ ।

नेपाली कांग्रेस निकट नेपाल बिद्यार्थी संघ पाेखरियाकाे आयाेजनामा पाेखरिया बजारस्थित पुरानो बस स्टेनमा दिप प्रज्वलन गरिएकाे हाे । दिप प्रज्वलनमा सहभागिहरुले डा. केसीकाे जायज माग पुरा गर, डा. केसीकाे जिवन रक्षा गर, डा. केसीकाे अनसन मेडिकल माफियाहरुलाई टेनसन लगायतकाे नारा लेखिएकाे प्ले कार्डसमेत बाेकेका थिए ।

कार्यक्रममा वाेल्दै नेपाली कांग्रेसका नेता राजेश गिरिले गरिब नेपाली जनताको लागि आफ्नाे ज्यानकाे बाजि लगाउने डा. गोबिन्द केसीको माग छिटो भन्दा छिटो सम्बोधन गरि जिवन रक्षा गर्न माग गरे ।

नेवि संघका पाेखरियाका सभापति सन्तोष महतोको अध्यक्षतामा भएको कार्यक्रममा स्थानीय युवा र नेवि संघका नेता तथा कार्यकर्ताहरुकाे सहभागिता रहेकाे थियाे ।

मेडिकल क्षेत्रमा सुधारकाे माग गर्दै १९ औ पटक २५ दिनदेखी डा. केसी अनशनमा बसेका छन् ।