वीरगंज । पर्साका २ सहित थप ४ जनामा काेराेना भाइरस (काेभिड १९) संक्रमण पुष्टि भए छ ।
वीरगंजस्थित नारायणी अस्पतालकाे प्रयाेगशालामा मंगलबार गरिएकाे परिक्षणमा पर्साका २, चितवन र सपतरीका एक-एक जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।
प्रवक्ता डा. चाैरसियाका अनुसार संक्रमित हुने चारै जना पुरुष नै हुन् । संक्रमित हुनेमा २४ बर्षदेखी ४२ बर्ष उमेर समुहका रहेका छन् । उनीहरुकाे सिटी भ्यालु २१ देखी ३१ सम्म रहेकाे छ ।
पर्साकाे जगरनाथपुर गाउँपालिका वडा नं. ५ का ४२ बर्षिय पुरुष र पाेखरिया नगरपालिकाकाे वडा नं. १ का ३७ बर्षिय पुरुषमा संक्रमण फेला परेकाे हाे ।
त्यसैगरी, चितवनकाे माडी नगरपालिका वडा नं. १ का २४ बर्षिय पुरुष र सप्तरीकाे कंचनपुर नगरपालिका वडा नं. १ का ४२ बर्षिय पुरुष संक्रमित भएका हुन् ।
