वीरगंज । चिकित्सक शिक्षा सुधारको माग गर्दै अनशरत डा.गोबिन्द केसीको समर्थनमा शुक्रबार पोखरियामा प्रदर्शन गरिएकाे छ ।
नेवि संघ पोखरिया नगर कार्य समितिकाे आयोजना पाेखरिया नगरपालिकाकाे वडा नं. ४ स्थित पाेखरिया बजारकाे बस स्टेनमा प्रदर्शन गरिएको हाे । बिराेध प्रदर्शनमा सहभागिहरुले सरकार आफ्नो नियत सच्याउ, डा. गोबिन्द केसीलाई तुरन्त बचाउ, डा.केसीको अनशन माफियालाई टेन्सन, केपी ओलीको मिसन सिटामोलमा कमिसन, डां केसीको जीवन रक्षा गर जस्ता नारा लेखिएकाे प्ले कार्ड बाेकेका थिए ।
नेवि संघ पाेखरियाका सभापति संताेश महताेकाे नेतृत्वमा भएकाे कार्यक्रममा नेवि संघका नेता राजु गिरी, मनोज कलवार, अखलख आलम, क्युम आलम, निरंजन क्षेत्री, पवन गुप्ता, कैस अन्सारी, नवल ठाकुर लगायतका सहभागिता रहियो ।
यस अघि बिहिबार पनि डा. केसीकाे जिवन रक्षाकाे लागि नेवि संघ पाेखरियाले दिप प्रज्वलन गरेकाे थियाे ।
