Date
शुक्र, मंसिर ४, २०८३
Fri, November 20, 2026
Home Blog Page 910

प्रहरीले नियन्त्रणमा लिएकाे मदिरा बाग्रेनिङ नमिलेपछि भन्सार बुझायाे

0

वीरगंज । प्रहरीले बुधबार नियन्त्रणमा लिएकाे मदिरा बाग्रेनिङ नमिलेपछि भन्सार बुझाइएकाे खुलासा भएकाे छ ।

विभिन्न पसलहरुकाे लागि पठाइएकाे मदिराकाे भ्याट बिलसमेत हुदा प्रहरीले मागेकाे खर्चबर्च आफुले दिन नमानेपछि भन्सार बुझाइएकाे मदिरा व्यसायी रंजित जयसवालले आराेप लगाएका छन् ।

उनका अनुसार पर्साकाे छिपहरमाई गाउँपालिका वडा नं. १ मिर्जापुरबाट असाेज २१ गते बुधबार प्रहरी चाैकी मिर्जापुरले बा. ६ च. ४८१२ नम्बरकाे मदिरा बाेकेकाे पिकपअ नियन्त्रण लिएकाे थियाे । त्यसपछि पिकअपका चालकसंग फाेन गर्न लगाई खर्चबर्च दिनु  पर्छ भनियाे । खर्चबर्च दिन नमानेपछि दिउसाे ३ बजे पक्राउ गरिएकाे मदिरासहितकाे पिकअप सांझ ६ बजे इलाका प्रहरी कार्यालय पाेखरियामा पठाइयाे । त्यहाँ पनि आलटाल गरी बिहिबार सांझ भन्सार बुझाइयाे ।

मदिरा व्यवसायी संघ पर्साले आयाेजना गरेकाे पत्रकार सम्मेलनमा उनले भने “पर्साकाे धाेबिनी गाउँपालिकाकाे लंगडी, छिपहरमाई गाउँपालिकाकाे भिस्वा र मिर्जापुरकाे विभिन्न पसलहरुकाे लागि भ्याट बिलसहित मैले मदिरा पठाइएकाे थियाे । तर प्रहरी चाैकी मिर्जापुरले मदिरासहितकाे पिकअप नियन्त्रणमा लिएर मागेकाे खर्चबर्च नदिएपछि सुरुमा इप्रका पाेखरियामा पठायाे । त्यहाँ पनि आफु पुग्दा साे दिन सई साहेबले तपाईकाे मदिराकाे कागपत्र ठिक छ तपाई भाेली आउनुस् भनेर पठाइयाे ।”  

 त्सकाे भाेली पल्ट बिहिबार विहान इप्रका पाेखरियामा पुग्दा इन्सपेक्टर साहेब हुनुहुन पछि आउनुस् भनेर पठाइयाे । पछि अपरान्ह ४ बजे फेरी इप्रका पाेखरियामा पुग्दा सई सावले इन्सपेक्टर सावसंग भेट गर्न नदिई पठाउनु भयाे । त्यसपछि साेही दिन सांझ ७ बजे प्रहरीले नियन्त्रमा लिएकाे मदिरासहितकाे पिकअप भन्सार बुजाइएकाे उनले वताए ।  

उनका अनुसार प्रहरीले एक लाख ४० हजार मुल्य बराबरकाे विभिन्न किसिमकाे मदिरा नियन्त्रणमा लिएकाे थियाे । प्रहरीले पक्राउ गरेकाे मदिरासहितकाे पिकअप र ३ जनालाई मानिसलाई वीरगंज भन्सार बुझाएपछि पक्रिया पुगाएर ३ लाख ९४ हजार बिगाे तिरेर छाेडाएकाे उनले वताए ।

प्रहरीले कुनै सामान वा व्यक्तिलाई पक्राउ गरेपछि साेही दिन वा त्यसकाे भाेली पल्ट सार्वजनिसमेत गर्ने गरेकाे छ । याे मदिरा नियन्त्रणमा लिएर भन्सार बुझाएकाे ५ दिनमा पनि सार्वजनिक गरेकाे छैन् ।

नेपाल पत्रकार महासंघ पर्साकाे भवनमा आयाेजित पत्रकार सम्मेलनमा वीरगंज मदिरा व्यवसायी संघका अध्यक्ष रामाधार प्रसाद सर्राफ, सचिव बलिराम मण्डल लगायतकाे उपस्थिती रहेकाे थियाे ।

नेपाली कांग्रेसका केन्द्रिय सदस्य रिजाल काेराेना संक्रमण मुक्त

0

वीरगंज । नेपाली कांग्रेसका केन्द्रिय सदस्य रमेश रिजाल काेराेना भाइरस (काेभिड १९) संक्रमण मुक्त भएका छन् ।

पर्साकाे जगरनाथपुर गाउँपालिका वडा नं. ५ मसिहानी निवासी नेता रिजाल काेराेना संक्रमण मुक्त भएकाे नेपाली कांग्रेस पर्सा क्षेत्र नं. ४ का सचिव श्रीकान्त यादवले वताए । नेता रिजालले दाेस्राे पटक काेराेना परिक्षण गराउदा रिपाेर्ट नगेटिभ आएकाे उनले जानकारी दिए ।

असाेज १७ गते काेराेना पाेजिटिभ भएका नेता रिजाल ९ दिन पछि काेराेना निकाे भएका हुन् । 

काेराेनाकाे कुनै पनि लक्षण नरहेका नेता रिजालले पार्टीकाे केन्द्रिय समितिकाे बैठकमा सहभागि हुन काेराेन परिक्षण गराउनु पर्ने भएकाेले परिक्षण गराउदा रिपाेर्ट पाेजिटिभ आएकाे थियाे । त्यसपछि नेता रिजाल वीरगंज ७ माइस्थानस्थित आफ्नै घरमा हाेम आइसाेलेसनमा बस्दै आएका थिए ।

नेता रिजालले दाेस्राे पटक आइतबार काेराेना परिक्षणकाे लागि वीरगंजस्थित नारायणी अस्पतालकाे प्रयाेगशालामा दिएकाे स्वाबकाे नमुना पिसिआर विधिबाट परिक्षण गर्दा आज रिपाेर्ट नगेटिभ आएकाे हाे । 

नेता रिजाल काेराेना संक्रमित भएपछि कालिकामाई गाउँपालिकामा असाेज २४ गते आयाेजना हुने पार्टी प्रबेश कार्यक्रमसमेत स्थगित गरिएकाे थियाे ।

सजाय बढाउने वा सचेत गराउने ?

0

–प्रशान्त भट्टराई

विद्यालयमा विद्यार्थीहरुको मुख्य काम भनेको ज्ञान आर्जन गर्ने हो र त्यस ज्ञानलाई उपयुक्त ढंगले आफ्नो दैनिक कार्यमा उतार्ने हो । गलत र सहि छुट्याउने र मार्गदर्शन दिने काम शिक्षकले दिने हो । यदि त्यो बिद्यार्थी हरेक चोटी असफल रहेमा उसलाई शिक्षकले सम्झाएर बुझाएर सोहि कुरालाई अर्को चोटी सफल हिसाबले पूरा गर्न मार्गदर्शन दिन्छन् । त्यस्तै समाजमा अघि बढ्न प्रोत्साहन र हौसला अग्रज र अभिभाबकबाट प्राप्त हुन्छ ।

समाजलाई कुन मार्ग तर्फ लाने भन्ने मानिसको चेतना र व्यवहारमा नै निर्भर हुन्छ । समाजमा राम्रा र नराम्रा दुवै किसिमका व्यक्तित्वहरु हुन्छन् त्यसैले समाजमा विभिन्न घटनाहरु घट्छन । यस्ता घटनाहरु कहिले  र कति बेला घट्छ भन्ने कुरामा कोही जानकार हुदैन। केहि घटना सम्बन्धि पूर्व जानकारी हुँदा हुँदै पनि कुनै त्यस परिस्थिति घटनालाई रोक्नलाई हामी असमर्थ हुन्छौँ ।राम्रो काम गर्नेहरु धेरै होलान तर केहि मानिसको नकारात्मक सोचले गर्दा समाजमा धेरै असर पर्न जान्छ ।

कोरोना महामारीको बेला मानिसहरुको दैनिक जनजीवन अस्त व्यस्त भईरहेको बेला हाम्रो समाजमा जघन्य अपराध भएको घटना सुन्नु परिरहेको हुदा देश कहाँ कुन परिस्थितिमा पुग्ने हो भन्ने कुराले मन चिन्तित हुन्छ । दिन दिनै मानिसको सोच पशु तुल्य हुदै गईरहेको छ । मानवले सभ्य हुन दिनदिनै बिर्सिदै गईरहेका भान हुन्छ । 

परिवार र समाज निर्माणमा पुरुष जातिको भूमिका हुन्छ तर नारीको अस्तित्वलाई दबाउने काम समाजले दिनदिनै वृद्धि भईरहेको छ । नारीको उत्तिकै भूमिका हुन्छ । समाचार, पत्रपत्रिका, सामाजिक संजाल जताततै बलात्कार र जबर्जस्ति करणीको समाचार देख्नु र सुन्नु पर्दा यस समाजका मानिस र पशुको केहि अन्तर नदेखिएको भान हुन्छ । बरु पशुलाई मानिसले काबुमा राख्न सक्छन तर सामाजिक प्राणी भएर पनि एक अर्काको सम्मान गर्न नसक्ने मानिस कतै मानिस पशु तुल्यनै त छैनन् ?

सृष्टिमा मानवलाई चेतनशील प्राणी मानिएको छ । मानव जीवनको सृष्टि सबैको हेरचाहा गर्ने हो ।  जसले अरुको सम्मान गर्न जान्दैनन् त्यो मनिसको केहि औचित्य हुदैन । एक्काइसौं सताब्दीमा समाज परिबर्तनमा महिलाहरुको देन हेर्ने हो भने पुरुष भन्दा कम छैन, तर हाम्रो पुरुष प्रधान समाजमा महिलाले सम्मान पाउन सकेका छैनन् ।

हरेक दिन बलात्कार र जबर्जस्ति करणीको समाचारहरु आउछन् । के हाम्रो कानुन कमजाेर भएको होला त ? सजाय बढायो भने यस्ता घटनाहरु कम होलान र ? मृत्युदण्ड सजाय हुनुपर्छ भनेर मानिसहरुले भनिरहेका छन् । तर नेपालले मृत्युदण्डको सजाय २०४७ सालको संबिधानबाट हटाइसकेको र सयुक्त राष्ट्रसंघ संगको प्रतिबद्धताको बिपरित जानुपर्ने हुन्छ । मृत्युदण्ड सजाय  मानव अधिकार बिरुद्ध हुन जान्छ । सबै मानिसले बाच्न पाउने अधिकार पाएका छन् । मृत्युदण्डले मानिसको मानसिकता परिवर्तन गर्न सक्दैन । मानिसको मानसिकतालाई परिवर्तन गर्न त समाजको परम्परा र चलनलाई परिवर्तन गर्नु जरुरी छ ।

अपराधीलाई मृत्युदण्ड दिएर सजाय बढाउनु भन्दा सजायलाई अलि कडा बनाएर अनुसन्धानलाई गहिरो तरिकाबाट अगाडी बढाउने, न्याय प्रणाली परिवर्तन गर्ने र पिडितको व्यान र पिडितको परिवारलाई अदालत सम्म पुग्न सुरक्षा दिन सके पिडितले न्याय अवस्य पाउछन ।

राष्ट्र प्रमुख महिला हुदा पनि १३ बर्षकी निर्मलाले न्याय पाउन सकेकी छैनन् । १३ बर्षको कलिलो उमेरमा यस दुस्ट समाजमा एक बालिकाको हत्या हुदाँ हाम्रो कानुन प्रशाशनले यस बारे केहि निर्णय लिन सकेको छैन । २ वर्ष पुरा बितिसक्दा पनि अनुशन्धान जहाको त्यही छ । अनुसन्धान टोली  परिवर्तन भए, प्रशासन परिवर्तन भए तर हामी न्यायको प्रतिक्षामा छौं ।

सजाय बढाउने वा सचेत गराउने भन्ने बिषयलाई पनि हामीले मनन गर्नुपर्छ । सजाय बढाउदैमा घटना रोकिन्छ भन्ने हुदैन । यस बिषयमा सचेत गराउन सक्यौ भने पनि  घटनाहरु कम हुन सक्छन । यौन शिक्षा एउटा महत्वपूर्ण बिषय हो जुन हामी सबैले जान्नुपर्छ । यौन शिक्षाले हामीलाई यौन सम्बन्धि धेरै कुराहरुको ज्ञान दिन्छ जसका कारण यस्ता अमानवीय घटनाहरु कम हुन सक्ने सम्भावना हुन्छ । केहि विद्यालयमा यस बिषयमा खुलेर पढाई हुन्छ तर कतिपय विद्यालयमा स्वास्थ्य शिक्षालाई राम्रो संग अध्यापन गराउन पनि असहज मानिन्छ । घरमा पनि यस्ता कुरालाई अभिभावकले आफ्ना छोराछोरीको निगरानी राख्न सके यस्ता कुराहरु चाडै बुझ्न पाउछन र यस्ता घटनाहरु विस्तारै समाजबाट हराउन सक्छ ।

तर आज सम्म पनि धेरैले न्याय पाएका छैनन् । मुलुकी अपराध संहिता ऐन, २०७४ को भाग २ (फौजदारी कसुरहरु), परिच्छेद १८ (करणी सम्बन्धी कसूर) को २१९ (३) मा महिलाको उमेर हेरी सजाय तोकिएको छ ।

यसमा पिडितको उमेर भन्दा पनि अपराध गर्ने व्यक्ति अनुसार सजाय तोक्नुपर्छ जस्तो मलाई लाग्छ । सामुहिक बलात्कार गर्दा पिडितको उमेर हेरिदैनन । जति उमेरको भए पनि महिलालाई एक्लो बनाएर बलात्कार गरेपछि उनीहरुको मानसिक अवस्था कम्जोर हुन्छ । उमेर अनुसारको सजाय भन्दापनि सबै उमेरको महिलामाथि हुने बलात्कार र करणी जबर्जस्तिमा उत्तिकै सजाय तोकिनु पर्छ । सजायलाई बढाउनु भन्दा पनि अपराधीलाई कसरी सुधार्न सकिन्छ भन्ने तर्फ ध्यान दिनु जरुरी छ र अपराधलाई कम गर्न कसरी समाधान निकाल्न सकिन्छ सोच्न अहिलेको अपरिहार्य आवश्यकता भएको छ ।

हाम्रो समाजमा परिवारको इज्जत र छोरीको भविष्यमा असर पर्छ भनि यस्ता घटनाहरुको उजुरी गर्न सबै डराउछन् र अपराधीको धम्कीले गर्दा कसैले पनि यो सम्बन्धि बोल्दैनन । पहुचवाला व्यक्तिले सजायबाट छुटकारा पाउन भनसुनबाट प्रमाणनै नष्ट समेत गर्ने गर्छन । कति ठाउमा भित्रभित्रै कुरा मिलाएर पैसाको लेनदेन गरेर कुरा समाप्त गर्छन । तर के यस्तो गर्नाले हाम्रो समाजमा नारी सुरक्षित हुन्छन र ? घरमा अभिभावकले छोरीलाई अर्काको घर जान्छन भनेर नैतिक शिक्षाको पाठ  पढाउछन तर छोरालाई स्वतन्त्र छोड्दिन्छन । यस कुरालाई पनि सोच विचार गरेर अभिभावकहरुले छोराछोरी दुबैलाई बराबरी हिसाबले घरमा राख्ने हो भने समाजमा महिला पुरुषको भेदभाव कम हुन्थ्यो होला र यस्ता घटनामा पनि सुधार आउथ्यो होला ।

मोटरसाईकल र साईकल एक आपस्मा जुध्दा ४ जना घाइते

0
sawari durghatana_kalikatimes

जीराभवानी । ठोरी गाउँपालीकाकाे वडा नम्बर -४ मालीबस्तीमा आज दिउँसो मोटरसाईकल र साइकल ठोक्किदा मोटरसाईकल र साइकलमा सवार ४ जना घाइते भएका छन् ।

वडा ४ को मालिवस्ती नजिकैको हुलाकी सडकमा विजयवस्तीबाट मालिवस्तीतर्फ जाँदै गरेको भारतीय नम्बर प्लेट बिआर ए ई ९५१५ को मोटरसाइकलले विपरित दिशाबाट आउदै गरेको साइकललाई ठक्कर दिएको विजयवस्ती प्रहरी चौकीले जनाएको छ ।

ठक्करबाट साइकलमा सवार ठोरी-३, ब्रम्हानगरका आयुष श्रेष्ठ गम्भिर घाइते भएको विजयवस्ती प्रहरी चौकीका प्रहरी सहायक निरिक्षक सुदामा प्रसाद यादवले बताए । श्रेष्ठको टाउकोमा चोट लागेको छ ।

यस्तै, दुर्घटनामा मोटरसाइकल चालक छिपहरमाई गापा -३ का राजेश साहको पनि हात भाँचिएकाे प्रसनि यादवले जनाए ।
घाइते दुबै जनालाई उपचारका लागि बीरगंजस्थित न्युरो अस्पताल पठाईएको उनले बताए ।

मोटरसाईकल र साइकलमा पछाडी सवार अन्य २ जनालाई सामान्य चोटपटक लागेको प्रहरीले जनाएको छ ।

सो मालीबस्ती सडक खन्डमा असोज महिना भित्रमा चार ओटा सवारी दुर्घटना भैसकेको प्रहरीले जनाएको छ । साथै एक जनाको मृत्यु समेत भैसकेको छ । प्रहरीका अनुसार सो सडक खण्ड पुरै खुला र चौक चौराहा घना बस्ती नभएको कारण सवारी चालकहरुले ओभर स्पीडमा सवारी चलाउदा अतियाधिक दुर्घटना हुने गरेको पाएको छ ।

काेराेना भाइरस विषयक वक्तृत्वकला प्रतियाेगिता सम्पन्न

0

वीरगंज । पर्साकाे धाेबिनी र जगरनाथपुर गाउँपालिकामा “काेराेना भाइरसका कारण शिक्षामा परेकाे अवसर” विषयक वक्तृत्वकला प्रतियाेगिता आइतबार सम्पन्न भएकाे छ ।

भिएसओ नेपाल र दिव्य युवा क्लबकाे साझेदारीमा संचालित किशाेरी शसक्तिकरणकाे लागि शिक्षा कार्यक्रम अन्तर्गत अन्तराष्ट्रिय बालिका दिवसकाे अवसरमार धाेबिनी गाउँपालिकाकाे श्री कालि प्रसाल लाखे माध्यमिक विद्यालय लंगडी र जगरनाथपुर गाउँपालिकाकाे गाउँ कार्यपालिकाकाे कार्यालय जगरनाथपुरमा भएकाे प्रतियाेगिता सम्पन्न भएकाे हाे ।

धाेबिनी गाउँपालिकामा भएकाे प्रतियाेगितामा बबिया खातुन प्रथम, नेहा खातुन द्वितिय र सबुलम खातुन भएका हुन् ।

वडा नं. ४ का वडाध्यक्ष मजिद मियाँकाे अध्यक्षतामा भएकाे कार्यक्रममा विद्यालयका प्रअ मदन प्रसाद कानु, भिएसाे नेपालका जिल्ला अधिकृत देबी न्याैपा, आदित्य पटेल लगायतकाले मन्तव्य राखेका थिए ।

यस्तै जगरनाथपु गाउँपालिकामा भएकाे प्रतियाेगितामा नुरवानी खातुन प्रथम, सुगान्धि कुमारी द्वितिय र खुसबुन खातुन तृतिय भएकाे परियाेजना संयाेजक गणेश ठकुरीले वताए । 

परियाेजना संयाेजक ठकुरीकाे अध्यक्षता र वडा नं. २ का अध्यक्ष बिहारी महताेकाे प्रमुख आतिथ्यतामा प्रतियाेगिता भएकाे थियाे ।

प्रतियाेगितामा किशाेरी सशक्तिकरणकाे लागि विद्यालय बाहिर रहेका किशाेरीहरुलाई मध्यनजर गर्दै संचालन भइरहेकाे वृज कक्षामा अध्ययनरत ३२ जना किशाेरीहरुकाे सहभागिता रहेकाे थियाे ।

वीरगंजबाट लागु औषध ईन्जेक्सन बाेकेकाे ट्रकसहित ३ जना पक्राउ

0

वीरगंज । पर्सा प्रहरीले बीरगंज महानगरपालिकाकाे वडा नं.२४ बहुअरी चोकस्थित रामगढवा सडक खण्डबाट शनिबार राति लागु औषध इन्जेक्सनसहित ट्रक पक्राउ गरेकाे छ ।

ईलाका प्रहरी कार्यालय सुगौली विर्ताले राति १० बजे एचआर ३८ भि ४८९५ नम्बरकाे नम्बरको ट्रक रोकी चेक चांज गर्ने क्रममा लागु औषध इन्जेक्सन बरामद भएपछि ट्रक र ट्रकका चालकसहित ३ जनालाई नियन्त्रणमा लिएकाे हाे ।

बिशेष सूचनाको अधारमा खटेकाे प्रहरी टाेलीले बीरगंज आइसिपी गेटबाट जाँचपास भई आएका ट्रक चेकजाँच गर्दा उक्त ट्रकको चालक क्यावीनबाट, चालक बस्ने सिट पछाडीको सिटमुनी तथा सोही क्यावीनको माथिको बर्नटको क्यावीनमा लुकाई छिपाई राखेको अवस्थामा लागु औषध नुर्फिन २९७ एम्पुल ईन्जेक्सन, फेनारगन २९७ एम्पुल ईन्जेक्सन, डाइजेपाम २९७ एम्पुल ईन्जेक्सन (जम्मा ८९१ एम्पुल) र Wincirex 100 ml को १२०६ बोत्तल बरामद भएकाे जिल्ला प्रहरी कार्यालय पर्साले जनाएकाे छ ।

ट्रकबाट लागु औषध बरामद भएपछि ट्रक र ट्रक चालक भारत पूर्वी चम्पारण जिल्ला मोतिहारी थाना रक्सौल ग्राम गम्हरिया पोष्ट हर्दिया वडा नं.४ निवासी बर्ष २० को बिक्रान्त पटेल, सोही ट्रकमा सवार साेही ठाउँ निवासी बर्ष २८ को रामबालक राम र साेही ठाउँ निवासी बर्ष २० को आकाश कुमार राम समेतलाई पक्राउ गरी जिल्ला प्रहरी कार्यालयमा ल्याइ लागु औषध नियन्त्रण ऐन २०३३ बमोजिम लागु औषध सम्बन्धी कसुर मुद्दा दर्ता गरी थप अनुसन्धान कार्य भइरहेको प्रहरी कार्यालयले जनाएकाे छ ।

लागु औषध नियन्त्रण सम्बन्धी ऐन २०३३ को दफा १४ (१) को (झ) अनुसार माथि उल्लेखित कसुरदारलाई २ बर्ष देखि १० बर्ष सम्म कैद र रु एक लाख देखि रु बीस लाख सम्म जरिवाना हुने व्यवस्था छ ।

कालिकामाईमा शैक्षिक क्रियाकलाप सम्बन्धि कार्यक्रममा जनप्रतिनिधि सहभागी नभएपछि प्रदर्शन

0

वीरगंज । पर्साकाे कालिकामाई गाउँपालिकामा शनिबार शैक्षिक क्रियाकलाप सम्बन्धि अन्तरक्रिया कार्यक्रम सम्पन्न भएकाे छ ।

नेपाल बिधार्थी संघ कालिकामाई गाउँपालिकाको आयोजनामा भएकाे कार्यक्रममा वाेल्ने वक्ताहरुले काेराेना भाइरस संक्रमणकाे सावधानीहरु अपनाउदै बिधालयहरुमा पठनपाठन शुचारु गर्न जोड दिएका छन् । समाजिक दुरीकाे पालना गरेर भएपनि कक्षा संचालन गर्नु पर्ने उनीहरुकाे सुझाव छ ।

कार्यक्रममा वाेल्दै जनता मावि मुडलीका विद्यालय व्यवस्थापन समितिका अध्यक्ष राजेन्द्र प्रसाद कुर्मीले गाउँपालिका अध्यक्षसहितका जनप्रतिनिधिले शैक्षिक क्रियाकलापलाई बिर्सेको आरोप लगाए । शैक्षिक क्रियाकलाप सम्बन्धि अन्तरक्रिया कार्यक्रममासमेत गाउँपालिका अध्यक्षसहितकाे जनप्रनितिधि सहभागि नहुनु त्यसकाे प्रमाण भएकाे उनकाे भनाई थियाे ।

श्री सुकई साह माध्यमिक बिधालयका विद्यालय ब्यवस्थापन समितीका अध्यक्ष बिनोद चौरसियाले जनप्रतिनिधीहरुले आफुलाई घरमा बोलाउन खोज्दा नगएको र बिधालयमा आई विद्यालयकाे गतिबिधीको बारेमा छलफल गर्न भन्दा हुन नसकेकाे वताए ।

श्री दिब्य कन्या मावि बिरन्चीवर्वाका प्रध्यानाध्यापक रामयतन प्रसादले केन्द्रिय केही सर्कुलर आएको तर गाउँपालिकाको सर्कुलर नआएका कारण बिधालय बन्द अवस्थामा रहेको र मात्रै बिधालय भर्ना शुरु भएको बताए ।

पत्रकार छठु साहले बिधालयलाई संचालन गर्न सम्मपूर्ण शिक्षा प्रेमी, अभिभावक, जनप्रतिनिधीहरुको समन्वय बिना संचालन हुन नसक्ने भएका कारण गाउँपालिकाले पहल गर्नु पर्ने बताए । उनले हप्तामा एउटा कक्षा संचालन १/२ दिन भए पनि गर्नु पर्नु पर्ने सुझाव दिए ।

कार्यक्रममा गाउँपालिका अध्यक्ष, उपाध्यक्षसहित सबै वडाका अध्यक्षहरुलाई बाेलाइए पनि वडा नम्बर १ का वडाअध्यक्ष रामाशिष यादव र कार्यपालिका सदस्य रामानन्द ठाकुरका मात्र सहभागि भएका थिए । दुबै जनाले आफुहरु शिक्षाका लागी बिधार्थीहरुको पक्षमा लडन र काम गर्न तयार रहेको वताउदै कार्यक्रममा उठेका सबै कुरा गाउँपालिकाको बोर्ड बैठकमा राख्ने प्रतिबद्धता जनाए ।

नेपाल बिधार्थी संघ कालिकामाईका अध्यक्ष राजेश कुश्वाहाले जनप्रतिनिधी तथा शिक्षा समितीलाई पटक पटक आग्रह गर्दा पनि कार्यक्रममा नआउनु कालिकामाई गाउँपालिकाका बिधार्थीहरुको जीवन प्रति खेलवाड गरेको आरोप लगाए ।

दिनप्रतिदिन बिधार्थीहरु डिप्रेसनमा जाने गरेका कारण जुन हालतमा पनि सावधानी अपनाउदै विद्यालय संचालन गर्न श्री नेपाल राष्ट्रिय निम्न माध्यमिक विद्यालय कटीबलुवाका रहमत मियाँकाे भनाई थियाे ।

श्री जनता मावि मुडलीमा भएकाे कार्यक्रमकाे संचालन नेपाल बिधार्थी संघका आकाश चौरसियाले गरेका थिए ।

यसै बिच कार्यक्रममा जनप्रतिनिधिहरु सहभागि नभएकाे आक्राेशमा विद्यार्थीहरु प्रदर्शन गरेका छन् । काेराेना महामारीका कारण ७ महिनादेखी अवरुद्ध शौक्षिक क्रियाकलाप सम्बन्धी अन्तरक्रिया कार्यक्रममा गाउँपालिका अध्यक्ष, उपाध्यक्षसहित ४ वटा वडाका वडाध्यक्षहरु सहभागि नभएकाे विराेधमा प्रदर्शन गरिएकाे नेवि संघ कालिकामाईका अध्यक्ष कुशवाहाले वताए ।

कार्यक्रममा अध्यक्ष, उपाध्यक्ष र सबै वडाका वडाध्यक्षहरुलाई बाेलाईए पनि वडा नं. १ का वडाध्यक्ष वाहेक अरु काेई जनप्रतिनिधि सहभागि नभए पछि कार्यक्रम सम्पन्न पश्चात मुडली, भेडिहारी र प्रशुरामपुरमा मशाल जुलुश प्रदर्शन गरिएकाे उनले जानकारी गराए ।

ठाेरीमा सहकारी संजाल गठन

0

वीरगंज । पर्साकाे ठाेरी गाउँपालिकामा सहकारी संस्थाहरुकाे भेलाले शनिबार सहकारी संजाल गठन गरेका छन् ।

अष्ठ बहादुर लाेपचनकाे संयाेजकत्वमा गठित गाउँपालिका स्तरिय प्रगतिशिल सहकारी संजालकाे सचिवमा सागर लामा, सदस्यहरुमा धना पंडित, कलावती न्यौपाने, मणी घिमिरे, कमल राना, पानालाल विष्ट र जोगेन्द्र पौडेल रहेका छन् ।

ठाेरी गाउँपालिकाकाे प्रमुख प्रशासकिय अधिकृत कृष्णलाल श्रेष्ठकाे प्रमुख आतिथ्यतामा भएकाे भेलामा प्रगतशिल सहकारी संजालका अध्यध नरेश जयसवाल लगायतकाले शुभकामना मन्तव्य राखेका थिए ।

ठाेरी गाउँ कार्यपालिकाकाे कार्यालयमा भएकाे भेलामा गाउँपालिका अन्तर्गतका १२ वटा सहकारी संस्था अध्यक्ष एवं प्रतिनिधिहरुकाे सहभागिता रहेकाे थियाे ।

चित्रांस युवा समितीको प्रथम बैठक सम्पन्न

0

वीरगंज । चित्रांस युवा समिती बिरगंजको प्रथम बैठक सम्पन्न भएकाे छ । चित्रगुप्त मन्दिर अतिथी सदनमा भएकाे बैठकले  विभिन्न सेवामूलक कार्य गर्ने निर्णय गरेकाे छ ।

समितीका संयोजक राजन श्रीवास्तवकाे अध्यक्षता र चित्रांसका अध्यक्ष महेस दासको बिशेष उपस्थितीमा बसेकाे बैठकमा  बैठकमा विवेक कुमार दास, अन्किता कर्ण, रश्मि निधी, राज श्रीवास्तव, राहुल श्रीवास्तव, प्रकाश कर्ण, दिपेश श्रीवास्तव, प्रभात श्रीवास्तव, विवेक कर्ण, रायन कायस्थ लगायत युवाहरुको सहभागी रहेको थियो ।

डा. केसीकाे समर्थनमा पाेखरियामा तेस्राे दिन पनि प्रदर्शन

0

पाेखरिया । पर्साकाे पोखरियामा अनशनरत डा. गाेविन्द केसीकाे समर्थनमा शनिबार तेस्राे दिन पनि प्रदर्शन गरिएकाे छ ।

नेपाली कांग्रेस निकट नेवि संघ पोखरिया नगर कार्य समितिकाे आयाेजनामा डा. केसीको समर्थनमा तेस्रो दिन पनि प्रदर्शन गरिएकाे हाे । चिकित्सक शिक्षा सुधारकाे मागँ गर्दै १९ औं पटक अनशनरत डा केसीको मागहरु पुरा गरी जीवन रक्षाकाे गर्न दबावकाे लागि नेवि संघले लगातार ३ दिनदेखी प्रदर्शन गर्दै आएकाे छ ।

हाम्रो स्वस्थय हाम्रो हाथमा हामी सबै डा गोबिन्द केसीको साथमा, केपी ओलीको मिसन सिटामोलमा कमिसन, डा केसीको अनसन माफियालाई टेन्सन, डा केसीको जीवन रक्षा गर लगायतका नारा लेखिएकाे प्लेकार्ड सहित पाेखरिया नगरपालिकाकाे वडा नं. ४ स्थित पर्ने पाेखरिया बजारकाे बस स्टेन चाैकमा आधि घण्टा प्रदर्शन गरिएकाे हाे ।

नेवि संघ पाेखरियाका नगर सभापति सन्तोष महतोको अध्यक्षतामा भएकाे प्रदर्शनमा ठाकुर राम बहुमुखी क्याम्पसका पूर्व क्याम्पस प्रमुख ललन द्विवेदी, नेपाल तरुण दल क्षेत्र नं. ३ का क्षेत्रीय सभापति सुरेन्द्र सिंह, महेन्द्र साह, बिधार्थी नेता रबि गुप्ता, मनोज कलवार, अखलाख आलम, अफरोज आलम, क्युम आलम, निरंजन क्षेत्री, रूसतम आलम, ज्ञानेन्द्र त्रिपाठी लगायतकाे सहभागिता रहेकाे थियाे ।