Date
शुक्र, मंसिर ४, २०८३
Fri, November 20, 2026
Home Blog Page 908

किशाेरीहरुलाई करेसाबारी सम्बन्धि अभिमुखिकरण

0

वीरगंज । बाराको परवानिपुर गाउँपालिका वडा नम्बर ३ लिपनीमालमा करेसाबारी सम्बन्धि एक दिने अभिमुखिकरण कार्यक्रम सम्पन्न भएकाे छ ।

युरोपियन युनियनको आर्थिक सहयोग एवम् संरक्षण नेपाल र चाइल्ड नेपालको सहकार्यमा नेपाल ग्रामीण पुनर्निर्माण संस्थाद्वारा संचालित किशोरी सम्बाद कार्यक्रम अन्तर्गत सम्बाद केन्द्र स्तरीय करेसाबारी सम्बन्धि अभिमुखिकरण कार्यक्रम सम्पन्न भएकाे हाे ।

अभिमुखिकरण कार्यक्रममा उज्वल किशोरी सम्बाद केन्द्रका किशोरीहरुकाे सहभागिता रहेकाे थियाे । कार्यक्रममा करेसाबारी सम्बन्धि किशाेरीहरुलाई प्रशिक्षण दिइएकाे किशोरी सम्बाद कार्यक्रमका फिल्ड सुपरभाइजर सुनेश्वर प्रसाद साहले जानकारी दिए ।

कार्यक्रममा परवानिपुर गाउँपालिकाका कृषि प्राबिधिक रबिता कुमारी मण्डलले प्रशिक्षण दिएकी थिइन ।

कार्यक्रममा करेसाबारीको महत्त्व, करेसाबारीको स्थापना कसरी गर्ने, करेसाबारीमा लाग्ने रोगको ब्यवस्थापन कसरी गर्ने, तरकारी बालीलाई बिषादी बिहिन कसरी उत्पादन गर्ने, मैसमी तथा बेमौसमी तरकारी कसरी उत्पादन गर्ने, नर्सरी कसरी बनाउने लगायतका बिषयमा छलफल गरिएको फिल्ड सुपरभाइजर साहले वताए ।

नेकपा छिपहरमाई गाउँपालिका कमिटीको शपथ ग्रहण

0

वीरगंज । नेपाल कम्युनिस्ट पार्टी (नेकपा)को छिपहरमाई गाउँपालिका कमिटीको शपथ ग्रहण कार्यक्रम शुक्रबार वीरगंजमा सम्पन्न भएको छ ।

छिपहरमाई गाउँपालिका कमिटीद्वारा जिल्ला पार्टी कार्यालय मनमोहन नगर रामगढवामा आयोजित एक समारोह बीच कमिटीका अध्यक्ष मुक्ति नारायण साह लगायतका पदाधिकारी एंवम सदस्यहरूलाई पार्टीका केन्द्रिय सदस्य एवम् पर्सा जिल्ला इन्चार्ज रामचन्द्र साहले शपथ ग्रहण गराउनु भएको हो ।

साबिक मिर्जापुर गाबिसका पूर्व अध्यक्ष एवम कमिटीका जेष्ठ सदस्य चन्जीत महतो कोइरीको अध्यक्षतामा सम्पन्न कार्यक्रममा प्रमुख अतिथि पार्टीका केन्द्रिय सदस्य एवं जिल्ला इन्चार्ज रामचन्द्र साहले कम्युनिस्ट पार्टी जनवादी केन्द्रीयताको आधारमा चल्ने पार्टी भएकोले जनवादी केन्द्रीयता नमान्ने व्यक्ति कम्युनिस्ट हुनै न सक्ने बताउनु भयो ।

वहाँले नेकपा भित्र पनि केही अपरिपक्व व्यक्तिहरूका कारण बेथिति श्रृजना भएकोले बेथिति श्रृजना गर्ने अपरिपक्वहरुलाई परिपक्व बनाउन आफूहरु लागि परेको बताउनु भयो ।

कार्यक्रममा अर्का वक्ता पार्टीका प्रदेश नं-२ कमिटीका सदस्य छोटेलाल यादवले नेकपा पर्सा केही लम्पट पुँजीवादीहरुको चंगुलमा फस्ने खतरा रहेकोले पार्टी जोगाउन समय मै इमान्दार कार्यकर्ताहरु एक जुट हुन आवश्यक रहेको बताउनु भयो ।

कार्यक्रममा प्रदेश कमिटी सदस्य बालेश्वर थारु, किशोरी कुशवाहा, बालगोपाल थापा, जिल्ला सचिव विजय महतो, संविधान सभा सदस्य बिचरी यादव, जिल्ला कमिटी सदस्यहरु मनोज चौधरी, मोहन यादव, मोतीलाल यादव, प्रभाकर गुप्ता, शिवशंकर यादव, प्रेस संगठनका केन्द्रीय सदस्य वृजलाल पासवान, युवा संघका केन्द्रिय सदस्य अरुण यादव लगायतले मन्तव्य व्यक्त गर्नु भएको थियो भने स्वागत मन्तब्य मुक्ति नारायण साह र संचालन जिल्ला कमिटी सदस्य राघव साहले गर्नु भएको थियो ।

सोही कार्यक्रममा बहुदरमाई नगरपालिका कमिटीका अध्यक्ष शिवशंकर यादव र सचिव मोहन यादवलाई पार्टी केन्द्रिय सदस्य साहले पद तथा गोपनीयताको शपथ खुवाउनु भएको थियाे ।

पाेखरियाका ६ सहित थप २१ जनामा काेराेना संक्रमण पुष्टि

0

वीरगंज । पर्साका १५ सहित थप २१ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा बिहिबार गरिएकाे परिक्षणमा पर्साका १५, बाराका ५ र राैतहटका एक जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए । पर्सा, बारा र राैतहटका कुल ९६ जनाकाे स्वाब आरटी पिसिआर विधिबाट परिक्षण गर्दा ६ महिलासहित २१ जनामा काेराेना पाेजिटिभ देखिएकाे उनले जानकारी गराए ।

प्रवक्ता डा. चाैरसियाका अनुसार संक्रमित हुनेमा ८ महिने बालकदेखी ५७ बर्षिय उमेर समुहका व्यक्तिहरु रहेका छन् । उनीहरुकाे सिटी भ्यालु २६ देखी ३६ सम्म रहेकाे छ ।

पर्साकाे पाेखरिया नगरपालिका वडा नं. १ का ३६ बर्षिय महिला, ८ महिने बालक, ४९ बर्षिय पुरुष, वडा नं. ४ का ४० बर्षिय पुरुष, वडा नं. ५ का ४९, २८ बर्षिय पुरुष, जगरनाथपुर गाउँपालिका वडा नं. ३ का २३, २० बर्षिय महिला, १६ बर्षिय पुरुष, वडा नं. ५ का २४, २६ बर्षिय पुरुष, पर्सागढी नगरपालिका वडा नं. २ का ३८ बर्षिय महिला, वीरगंज महानगरपालिका वडा नं. १० का ४७ बर्षिय पुरुष, वडा नं. २३ का ३२ बर्षिय महिला र ठाेरी गाउँपालिका वडा नं. १ का ३७ बर्षिय पुरुष संक्रमित भएका छन् ।

यस्तै, बाराकाे काेल्भी नगरपालिका वडा नं. १ का ५७ बर्षिय पुरुष, वडा नं. ११ का ३१ बर्षिय पुरुष, कलैया उपमहानगरपालिका वडा नं. ६ का ३० बर्षिय पुरुष, वडा नं. ९ का ३७ बर्षिय पुरुष र पिलुवाका ४१ बर्षिय पुरुषमा संक्रमण देखिएकाे हाे । 

मालपाेत कार्यालय पर्सामा राती ८ बजे छापा, ८ जना पक्राउ

0

वीरगञ्ज । जिल्ला प्रशासन कार्यालय पर्साले बिहिबार राती वीरगंजस्थित रहेकाे मालपाेत कार्यालय पर्सामा छापामारी गरेकाे छ ।

पर्साका सहायक प्रमुख जिल्ला अधिकारी भिमकान्त पाैडले नेतृत्तवकाे प्रहरीसहितकाे टाेलीले रातीकाे समयमा मालपाेत कार्यालयमा गैर कानुनी काम भइरहेकाे सूचनाकाे आधारमा छापामारी गरेकाे हाे । 

टाेलीले राती ८ बजेकाे समयमा छापामारी गर्दा मालपाेत कार्यालयका निमित्त प्रमुख सुमन कुमार झासहित १० जना कर्मचारी र ८ जना बाहिरका व्यक्ति काम गरिरहेकाे अवस्था फेला परेकाे थियाे । ति सबै जनालाई प्रहरीले मालपाेत कार्यालय मै नियन्त्रणमा लिए पनि पछि कर्मचारीहरुलाई छाडी बाहिरका ८ जना व्यक्तिहरुलाई प्रहरीले पक्राउ गरी लगेकाे हाम्रा सम्वाददाताले जनाएका छन् ।

मालपाेत कार्यालयमा कर्मचारीसंगै फेला परेका अन्य व्यक्तिहरु धर्मेन्द्र साह, रमेश यादव, लेखमन कुमार यादव, ज्ञानेन्द्र प्रसाद यादव, वीरेन्द्र कुमार साह, राजेन्द्र प्रसाद चाैधरी, विजय विक्रम साह, रविभुषन प्रसाद पटेललाई प्रहरीले नियन्त्रणमा लिएर प्रहरी कार्यालय लगेकाे थियाे ।

पक्राउ परेका सबै जना मालपाेत कार्यालय मै लेखापढीकाे काम गर्ने व्यक्तिहरु रहेकाे बुझिएकाे छ ।

रातको समयमा भएको कामको बारेमा छापा मार्न गएको टेलीले कार्यलय प्रमुख झासहितकाे सबै जनाकाे खानतालाशी गर्नुकाे साथै कर्मचारीसँग सनाखतसमेत गराएकाे छ । उनीहरुकाे साथबाट फेला परेकाे रकम र केही शंकास्पद कागजतसमेत टाेलीले नियन्त्रणमा लिएर लगेकाे छ ।

छापामारी गर्ने टाेलीमा जिल्ला प्रशासन कार्यालय पर्साका प्रशासकिय अधिकृत विनय श्रीवास्तव, वडा प्रहरी कार्यालय विर्ताका प्रहरी निरिक्षक राजेशराज पुरी लगायतकाे सहभागिता रहेकाे थियाे । 

हात धुन सिकाएर कोभिड वारियर्सले हात धुने दिवस मनायाे

0

वीरगञ्ज । विश्व हातधुने दिवसको अवसरमा वीरगञ्जमा ‘हात धोऔं कोरोनाबाट बचौं’ भन्ने नाराका साथ मनाइएको छ ।

कोभिड वारियर्स र संस्कृतीको संयुक्त आयोजनामा विश्व हातधुने दिवसको अवसरमा वीरगञ्ज महानगरपालिका वडा नम्बर १६ लक्षमीनारायण टोलस्थित दलित बस्तिका बालबालिकाहरुलाई हात धुँदा हुने फाइँदाको बारेमा जानकारी दिई जनचेतनामूलक कार्यक्रम गरिएको थियो ।

कार्यक्रममा कोभिड वारियर्सका प्रतिनिधिहरुले विश्व स्वास्थ्य संगठनको विधि अनुसार बालबालिकाहरुलाई साबुन पानी प्रयोग गरेर हात धुन सिकाएका थिए । उनीहरुले साबुन पानीले हात धुँदाको फाइदा र कुन-कुन बेला हात धुनु पर्छ भन्ने बारेपनि बालबालिकाहरुलाई जानकारी गराएका थिए ।

विपन्न तथा गरिब समुदायको बसोबास रहेको दलित बस्तिमा जनचेतनाको अभावका कारण त्यहाँका बालबालिकाहरु वर्षेनी कयौं किसिमको रोगबाट संक्रमित हुनेदेखि ज्यान समेत गुमाउने गरेका छन् । आगामी दिनमा यस्ता घटनालाई न्यूनीकरण गर्न दलित बस्तीलाई प्राथमिकतामा राखेर कार्यक्रम आयोजना गरेको वारियर्सका प्रतिनिधि हेमन्त तामाङले बताए ।

उनले बालबालिकामा आएको चेतनाले समाज परिवर्तनमा ठूलो भूमिका रहने भएकाले पनि विशेष गरेर बालबालिकाहरुलाई सिकाइएको बताए ।

कार्यक्रममा कोभिड वारियर्सका संयोजक नवराज फुँयाल, शक्ति अग्रवाल, वीरगञ्ज युवा समाजका अध्यक्ष कमल चौगाई, संस्कृतीका का. अध्यक्ष आशुकुमार सर्राफ, स्वास्थ्यकर्मी निक्की उपाध्याय, मनिषा पाण्डे, अश्मिता थापा, सौरभ श्रेष्ठ लगायतको सहभागिता रहेको थियो ।

वीरगंजस्थित चित्रगुप्त मन्दिरमा युवा समितीद्वारा सरसफाई

0

वीरगंज । वीरगंजस्थित गीता मन्दिर रोडमा रहेको चित्रगुप्त मन्दिरमा सरसफाई गरिएको छ । चित्रगुप्त सेवा समाज अन्तर्गतको चित्रगुप्त युवा समितीले सरसफाई गरेको हो ।

बिहीबार बिहान युवा समितीका सदस्यहरुले ३ तल्लो मन्दिरको भवनको सरसफाई गरे । बीरगन्ज महानगरपालिकाको वारुण यन्त्रको सहयोगमा मन्दिरको सरसफाई गरिएको जनाइएको छ ।

युवा समितीका संयोजक राजन श्रीवास्तवको नेतृत्वमा अंकिता कर्ण, शितल कर्ण, रश्मी कायस्थ, रेयान कायस्थ, प्रभात श्रीवास्तव, राहुल श्रीवास्तव लगायतकाले सरसफाईमा सहभागि थिए । कायस्थ समुदायको ईष्टदेवका रुपमा रहेका भगवान चित्रगुप्तको मन्दिर संरक्षण तथा संस्कृती र परम्परा प्रर्वद्धनका लागि युवा समितीको गठन भएको संयोजक श्रीवास्तवले बताए ।

सरसफाई कार्यक्रमबाट कार्यपारम्भ गरेको युवा समितीले आउने दिनमा थप प्रभावकारी कार्यक्रमहरु गर्दै जाने श्रीवास्तवको भनाई छ । यसैबिच बिहीबार नै एक कार्यक्रमका बिच चित्रगुप्त मन्दिरका पुजारीलाई सम्मान गरिएको छ । विगत लामो समयदेखि मन्दिरको संरक्षण गर्दै आएका उनलाई चित्रगुप्त सेवा समिती तथा कायस्थ युवा समितीले संयुक्त रुपमा सम्मान गरेका हुन् ।

साे कार्यक्रममा संरक्षक समितीका सह अध्यक्ष एवं नारायणी अस्पताल विकास समितीका अध्यक्ष पुरेन्द्र किशोर लाभ, वार एशोसियसन उच्च अदालत बीरगन्जका अध्यक्ष सुधिर कुमार कर्ण, कार्यकारिणी समिति अध्यक्ष महेश दास, उपाध्यक्ष अरुण कुमार लाल, सचिव प्रभु नारायण कर्ण, कोषाध्यक्ष डा आलोक दत्त, अग्रज राम, बिहारी दासलगायतकाको उपस्थिती रहेको थियो ।

कार्यक्रमको सहजीकरण युवा समितीका सदस्य तथा सञ्चारकर्मी विवेक कर्णले गरेका थिए ।

ठाेरी र जिराभवानीमा नेकपाको पालिका कमिटीको शपथ ग्रहण

0

वीरगंज । नेकपाको जीरा भवानीपुर र ठोरी गाउँपालिका कमिटीको शपथ ग्रहण बिहिबार सम्पन्न भएको छ ।

जीराभवानीपुर गाउँपालिकाको जीराभवानी मन्दिरमा आयोजित एक कार्यक्रम विच नेकपाका केन्द्रिय सदस्य एवम् पर्सा जिल्ला इन्चार्ज रामचन्द्र साहले जिराभवानीपुर गाउँपालिका कमिटीका पदाधिकारी एवम् सदस्यहरूलाई पद तथा गोपनीयताको शपथ गराउनु भयाे ।

गाउँपालिका कमिटीका अध्यक्ष रामशरण राय र सचिव भोला महतो थारु लगायतका पदाधिकारी एंवम सदस्यहरूले पद तथा गोपनीयताको शपथ गरेका हुन

त्यस्तै ठोरी गाउँ पालिकाको हाङ डाडामा आयोजित ठोरी गाउँपालिका कमिटीको अध्यक्ष गंगा खड्का र सचिव निमा लामा लगायतका पदाधिकारी एवं सदस्यहरुलाई जिल्ला सचिव विजय महतोले पद तथा गोपनीयताको शपथ ग्रहण गराएका थिए ।

शपथ ग्रहण समारोहमा नेकपाका केन्द्रिय सदस्य एवं वीरगंज महानगर कमिटीका इन्चार्ज दिनेश राई, जिल्ला सचिव विजय महतो लगायतले मन्तव्य व्यक्त गरेका थिए ।

शपथ ग्रहण समारोहमा प्रदेश कमिटी सदस्य छोटेलाल यादव, बालेश्वर थारु, बालगोपाल थापा, जिल्ला कमिटी सदस्यहरु उषमान अंसारी, शम्भु गुप्ता, प्रभाकर गुप्ता, प्रेस संगठनका केन्द्रिय सदस्य ब्रिजलाल पासवान, राष्ट्रिय युवा संघका केन्द्रीय सदस्य अरुण यादव, अनेरास्वबयुका केन्द्रिय सदस्य शिवम साह लगायतको उपस्थिति रहेको थियो ।

रामनगरीमा एक महिलासहित ३२ जनाद्वारा रक्तदान

0

वीरगंज । पर्साकाे बहुदरमाई नगरपालिका वडा नं. ८ रामनगरीमा बिहिबार रक्तदान कार्यक्रम सम्पन्न भएकाे छ । ग्रामिण महिला दिवस तथा हाथ धुने दिवसकाे उपलक्ष्यमा भएकाे कार्यक्रममा एक महिलासहित ३२ जनाले रक्तदान गरेकाे नेपाल रेडक्रस सोसाइटी उपशाखा रामनगरीका सचिव अरबिन्द कुमार साहले जानकारी दिए ।

नेपाल रेडक्रस सोसाइटी उपशाखा रामनगरी, जनहित बचत तथा ऋण सहकारी संस्था लि. रामनगरी र सामुदायिक बिकास स्रोत केन्द्र नेपाल रामनगरीको संयूक्त आयोजनामा भएको कार्यक्रममा अन्तिमा कुमारी तेली, अरबिन्द साह, जयनरेश साह, राजेश प्रसाद, प्रबिन्द साह, रिशी साह, बिजय यादव, संजय साह , बिजय साह, लालबाबु यादव, कृष्णा साह, संजय सहनी, अनु गिरि, मेघराज सहनी, दिपेन्द्र साह लगायतकाले रक्तदान गरेको आयोजक संस्थाका जयनरेश साहले जनकारी गराए ।

नेपाल रेडक्रस सोसाइटी उपशाखा रामनगरीका सभापति हरेन्द्र प्रसादको सभापतित्व र बहुदरमाई नगरपालिका वडा नं. ८ का वडाध्यक्ष पुनिलाल साह तेलिको प्रमुख आतिथ्यमा भएको कार्यक्रममा आयोजक संस्थाका बृजकिशोर पटेल, रामप्रबेश साह, वडा सदस्य हरिन्द्र गिरी, किशारी गोसाई, प्रमशिला देबी, सिता देबी लगायत स्थानिय भद्रभलादमी तथा युवाहरुको सहभागिता रहेको थियो ।

“रक्तदान गरी जिवन दान गरौँ ” भन्ने मुल नाराका साथ रक्त संचार केन्द्र वीरगंजमा मएकाे रक्तको अभाव परिपुर्ति गर्न खुल्ला रक्तदान कार्यक्रम आयाेजना गरिएकाे रक्तदान कार्यक्रम रक्त संचार केन्द्र बीरगंजका प्राविधिक जितेन्द्र कुशवाहा नेतृत्वकाे प्राविधिकहरुकाे टाेलीले प्राविधिक सहयोगमा भएकाे थियाे ।

पाेखरियाका ४ सहित पर्सामा थप २३ जनामा काेराेना पुष्टि

0

वीरगंज । पर्साका २३ सहित थप ३७ जनामा काेराेना भाइरस (काेभिड १९) संक्रमण पुष्टि भएकाे  छ ।

नारायणी अस्पतालकाे प्रयाेगशालामा बुधबार गरिएकाे परिक्षणमा पर्साका २३ र बाराका १४ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले वताए ।

पर्साका १५८ र बाराका ३४ जनाकाे स्वाब आरटी पिसिआर विधिबाट परिक्षण गर्दा २ महिलासहित ३७ जनामा काेराेना पाेजिटिभ देखिएकाे उनले जानकारी दिए । उनका अनुसार संक्रमित हुनेमा १० बर्षिय बालकदेखी ६७ बर्षिय वृद्धसम्म रहेका छन् । उनीहरुकाे सिटी भ्यालु १९ देखी ३६ सम्म रहेकाे छ ।

पर्साकाे पाेखरिया नगरपालिकाकाे वडा नं. २ का ३ जना, वडा नं. ५ का एक जना, वीरगंज महानगरपालिकाकाे वडा नं. ७, ११, १४, १८, २२ का एक-एक जना, वडा नं. १३ का ४ जना र वडा नं. १५ का २ जना संक्रमित भएकाे जिल्ला प्रशासन कार्यालय पर्साका अधिकृत विनय श्रीवास्तवले जानकारी दिए ।

संक्रमित हुनेमा वीरगंज आर्मी ब्यारेकका पनि ३ जना रहेका छन् भने एक जनाकाे ठेगाना खुल्न सकेकाे छैन ।

यस्तै बाराकाे मालपाेत कार्यालयका ११ जना, जितपुर सिमरा उपमहानगरपालिकाकाे वडा नं. १२ का २ जना, कलैया उपमहानगरपालिकाकाे वडा नं. १ का एक जना संक्रमित हुन् ।

जिराभवानीमा नेपाल संघीय समाजवादी पार्टीकाे समिति गठन

0

वीरगंज । पर्साकाे जिराभवानी गाउँपालिकामा नेपाल संघीय समाजवादी पार्टीकाे गाउँपालिका समिति गठन भएकाे छ । 

खेदारु रामकाे अध्यक्षता र पर्सा क्षेत्र नं. ४ काे प्रतिनिधि सभा सदस्यकाे प्रत्याशी ईमदाद गद्दी (सुग्गा) काे प्रमुख अतिथ्यतामा भएकाे भेलाले समिति गठन गरेकाे हाे । भेलाले जितेन्द्र कुमार रामकाे अध्यक्षतामा १३ सदस्यिय समिति गठन गरेकाे हाे ।

जुन समितिकाे उपाध्यक्ष छोटेलाल पासवान, सचिव रामलीला राम, सह सचिव सौखिलाल पासवान, कोषाध्यक्ष कुश्मि देवी, सदस्य हरू सुरेन्द्र माझी, शंकर पासवान, शिव राम, कस्तूरी देवी, धनेश चौधरी, कारी राम, माया देवी, बिरेन्द्र राम रहेका छन् ।

कार्यक्रमका प्रमुख अतिथी नेता इमदाद गद्दीले शाेसित, पिडित, बंचित तथा गरिबकाे मुक्तिकाे अभियानमा आफु लागेकाे वताए । उनले नव गठित समितिलाई शुभकामना दिदै देश कै सम्पूर्ण उत्पिडित बर्ग एक हुनु पर्नेमा जाेड दिए ।

पार्टीका जिला सदस्य तैयब अहमद, रामपारस साह कानुकाे विशेष उपस्थिति भएकाे कार्यक्रममा ६९ लोगो पार्टी प्रबेशसमेत गरेकाे जनाइएकाे छ ।