Date
शुक्र, मंसिर ४, २०८३
Fri, November 20, 2026
Home Blog Page 907

रामपुरटोकनीमा चित्रकला प्रतियोगिता सम्पन्न

0

वीरगंज । बाराको परवानिपुर गाउँपालिका वडा नम्बर २ रामपुरटोकनीमा साेमबार सम्बाद केन्द्र स्तरीय चित्रकला प्रतियोगिता सम्पन्न भएको छ ।

युरोपियन युनियनको आर्थिक सहयोगमा एवम् नेपाल ग्रामीण पुनर्निर्माण संस्थाद्वारा संरक्षण नेपाल र चाइल्ड नेपालको सहकार्यमा संचालित किशोरी सम्बाद कार्यक्रम अन्तर्गत चित्रकला प्रतियोगिता सम्पन्न भएको किशोरी सम्बाद कार्यक्रमका फिल्ड सुपरभाइजर सुनेश्वर प्रसाद साहले जानकारी दिए ।

बिश्वभरि महामारीको रुपमा फैलिएको नोबेल कोरोना भाइरसबाट कसरी सुरक्षित हुने, कोरोना भाइरसका लक्ष्ण तथा यसबाट बच्ने सम्भावित उपायहरू लगायत सन्देश दिने खालको चित्र प्रतियाेगिताका सहभागीहरूले बनाएका थिए ।

परवानीपुर गाउँपालिकाको १ देखी ५ सम्मकाे वडामा किशोर तथा किशोरी सम्वाद केन्द्र संचालनमा रहेको फिल्ड सुपरभाइजर साहले बताए ।

प्रतियोगितामा सरस्वती किशोरी सम्बाद केन्द्रका किशोरी खुश्बु कुमारी राम प्रथम, प्रभात किशोर सम्बाद केन्द्रका किशोर रुपेश कुमार राय दोस्रो र अनमोल किशोर सम्बाद केन्द्रका साहिल हवारी तेस्रो भएका थिए ।

किशोरी सम्बाद केन्द्रका सम्बाद सहयोग समितिका संयोजक शम्भु साह कानुकाे अध्यक्षता र परवानीपुर गाउँपालिकाको वडा नम्बर २ का वडाध्यक्ष इश्वरी प्रसाद साहकाे प्रमुख अतिथ्यतामा भएको प्रतियाेगितामा स्वास्थ चौकी रामपुरटोकनीका प्रमुख गृजेश गुप्ता, किशोरी सम्बाद कार्यक्रमका कार्यालय प्रमुख भिम कुमार राई, लेखा अधिकृत रबिन भण्डारी, एनिमेटरहरु, किशोर तथा किशोरीहरुको सहभागिता रहेकोे थियाे ।

प्रतियाेगितामा प्रथम, दाेस्राे र तेस्राे हुनेलाई प्रतियाेगिताका अध्यक्ष, प्रमुख अतिथी र अतिथीहरुले पुरस्कारसमेत बितरण गरेका थिए ।

चेन्नाईलाई राजस्थानले ७ विकेटले हरायाे

0

काठमाडाैं । आईपीएल क्रिकेट अन्तर्गत गएरातिको खेलमा चेन्नाई सुपर किंग्सलाई राजस्थान रोयल्सले ७ विकेटले हराएको छ ।

चेन्नाईले पेश गरेको १२६ रनको लक्ष्य राजस्थानले १८ औं ओभरमा ३ विकेट गुमाएर भेटायो । अबुधाबीमा सोमबार राति भएको खेलमा राजस्थानका लागि जोस बटलरले नटआउट ७० रन योगदान गरे । कप्तान स्टिभ स्मिथ पनि २६ रनमा नटआउट रहे ।

राजस्थानको शुरुवात राम्रो थिएन । बेन स्टोक्सलाई तेस्रो ओभरमा दीपक चहारले आउट गरेका थिए । स्टोक्सले १९ रन बनाए । अर्को ओभरमा जोश हेजलवुडले रोबिन उथप्पाको विकेट लिए । ४ रन मात्रै बनाउन सकेका उथप्पा धोनीको हातबाट क्याच भए । पाँचौं ओभरमा दीपक चहारले सन्जु स्यामसनलाई धोनीकै हातबाट क्याच गराए । सन्जुले खाता नै खोल्न सकेनन् । तीन विकेट गुम्दासम्म राजस्थानको खातामा जम्मा २८ रन थियो ।

तर त्यसपछि भने कप्तान स्टिभ स्मिथ र जोश बटलरले खेलमा यूटर्न ल्याइदिए । यी दुईले चौथो विकेटका लागि ९८ रनको साझेदारी गरे । बटलर म्यान अफ द म्याच चुनिए ।

यसअघि पहिले ब्याटिङ गरेको चेन्नाइ सुपर किंग्सले निर्धारित २० ओभरमा ५ विकेट गुमाउँदै १२५ रन बनाएको थियो । कप्तान धोनीले रविन्द्र जडेजासँग मिलेर पाँचौ विकेटका लागि ५१ रन जोडे ।

जडेजा चेन्नाईका टप स्कोरर रहे । ३० बल सामना गरेका उनले चार चौकाको मद्दतमा नटआउट ३५ रन बनाए । धोनीले २८ र साम कुरानले २२ रन जोडे ।

जारी आईपीएलमा यो राजस्थानको चौथो जित र चेन्नाईको सातौं हार हो । जितसँगै राजस्थानको टोली अंक तालिकामा पाँचौं स्थानमा पुगेको छ । महेन्द्र सिंह धोनी नेतृत्वको चेन्नाई अन्तिम स्थानमा छ ।

डाबर नेपालका २ सहित पर्सामा थप १८ जना काेराेना पाेजिटिभ

0

वीरगंज । पर्साकाे १८ सहित थप २६ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा साेमबार गरिएकाे परिक्षणमा पर्साका १८, बाराका ६, राैतहटका र सर्लाहीका एक-एक जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

पर्साका ७२ सहित बारा, राैतहट र सर्लाहीका गरी ९६ जनाकाे स्वाबकाे नमुना आरटी पिसिआर विधिबाट परिक्षण गरिएकाे थियाे ।

प्रवक्ता डा. चाैरसियाका अनुसार काेराेना पाेजिटिभ हुनेमा ९ बर्षिय बालकदेखी ६८ बर्षकाे वृद्ध सम्म रहेका छन् । उनीहरुकाे सिटी भ्यालु २४ देखी ३३ सम्म रहेकाे छ ।

पर्सामा वीरगंजकाे तराई हस्पिटका २५ बर्षिय पुरुष, डाबर नेपालका ३६ बर्षिय दुई पुरुष, वीरगंज महानगरपालिकाकाे वडा नं. ३ का २६ बर्षिय पुरुष, वडा नं. ८ का ४५ बर्षिय पुरुष, वडा नं. १० का २८ बर्षिय पुरुष, वडा नं. १२ का ४५ बर्षिय पुरुष, वडा नं. १६ का ५३ बर्षिय पुरुष,  वडा नं. २० का ४७ बर्षिय पुरुष र वडा नं. २२ का ३८ बर्षिय पुरुष संक्रमित भएका छन् ।

त्यसैगरी, पर्सा कै बिन्दवासिनी गाउँपालिकाकाेे वडा नं. २४ बर्षिय पुरुष, बहुदरमाई नगरपालिकाकाे वडा नं. ९ का ५४ बर्षिय पुरुष, पकहा मैनपुर गाउँपालिका वडा नं. ४ का १८ बर्षिय पुरुष काेराेना पाेजिटिभ भएका हुन् ।

त्यसैगरी,  बाराकाे प्रसाैनी गाउँपालिका वडा नं. १ का ६० बर्षिय महिला, कलैया उपमहानगरपालिका वडा नं. १८ का ९ बर्षिय बालक, जितपुर सिमरा उपमहानगरपालिका वडा नं. २ का ३१ बर्षिय पुरुष, २८ बर्षिय महिला, वडा नं. १४ का ३२ र २८ बर्षका पुरुष संक्रमित भएका छन् ।

त्यसैगरी, राैतहटकाे गढीमाई नगरपालिका वडा नं. ५ का ३८ बर्षिय पुरुष र सर्लाहीकाे रामनगर नगरपालिका वडा नं. ७ का २४ बर्षिय पुरुषमा संक्रमण देखिएकाे प्रवक्ता डा. चाैरसियाले जनाए ।

प्रदेश जनस्वास्थ्यको वार्षिकोत्सवमा डा. सिंह र जनस्वास्थ्य निरिक्षक ठाकुर सम्मानित

0

वीरगंज । प्रदेश जनस्वास्थ्यको प्रथम वार्षिकोत्सवको अवसरमा वीरगंजस्थित नारायणी अस्पतालका चिकित्सक डा. उदय नारायण सिंह तथा जिल्ला जनस्वास्थ्य कार्यालय पर्साका निरिक्षक जयमोद ठाकुर सम्पानित भएका छन् ।

प्रदेश २ का समाजिक बिकाश राज्यमन्त्रि अभिराम शर्माले कोरोनाको संक्रमणकालमा अग्रपक्तिमा रहेर निरन्तर सेवा प्रवाह गरेकोमा शनिबार कोभिड अस्पतालका संयोजक डा. सिंह तथा जनस्वास्थ्य निरिक्षक ठाकुरलाई सम्मानित गरेका थिए ।

प्रदेशको अस्थायि राजधानी जनकपुरधाममा आयोजित कार्यक्रमका प्रमुख अतिथि मुख्यमन्त्रि लालबाबु राउतले कोरोनाको संक्रमणकालमा अंग्रपक्तिमा खट्ने सम्पुर्ण प्रदेशवासीलाई उच्च मनोबलका साथ काम गर्न आग्रह गर्दै प्रदेश सरकार यस तर्फ गम्भिरता पुर्वक लागी परेको बताए । 
समाजिक विकास मन्त्रालय अन्तर्गत भएको सो कार्यक्रमका प्रमुख अतिथि मुख्यमन्त्रि राउतले जनताको आवश्यक्तालाई विशेष ख्याल गरि स्वास्थ्यको क्षेत्रमा काम गर्नुपर्ने अहिलेको आवश्क्ता रहेको कुरामा जोड दिए । उनले फोटो खिच्ने तथा अनावश्यक भाषण गर्ने कार्यक्रमको आयोजना गर्नु भन्दा पनि जनताका लागी चाहिने हेल्थ पोष्ट बनाउने देखी सुरक्षाका लागी प्रहरी चौकि बनाउने तर्फ सम्बन्धित निकायको ध्यानाकर्षण गराएका थिए । सहि समयमा सुधारको प्रयास गरेनौ भने भाषण गरेर बेरोजगारी जादैन, ‘उनले भने ‘ यसको लागी देखावा गर्ने कार्यक्रममा सुधारको आवश्यक्ता छ ।
कार्यक्रममा प्रदेश २ का ८ वटै जिल्लाबाट कोभिड १९ को संक्रमणकालमा अग्रपक्तिमा खटिएका ४० जना चिकित्सक तथा स्वास्थ्यकर्मी सम्मानित भएका थिए ।

५ दिने घरेलु स्यानीटरी प्याड बनाउने तालिम सम्पन्न

0

वीरगंज । पर्साकाे पटेर्वा सुगौली गाउँपालीका वडा नं. २ गादीको थरगट्टी टोलमा ५ दिने घरेलु स्यानीटरी प्याड बनाउने तालिम सम्पन्न भएकाे छ ।  दिव्य यूवा क्लव, पर्सा र एक्सनएड नेपालको साझेदारीमा संचालनमा रहेको स्थानीय अधिकार कार्यक्रम अन्तर्गत दलित समुदायका किशोरी समुहका सदस्यहरुको लागि संचालित तालिम सम्पन्न भएकाे हाे ।

कुनै पनि विपत्को समयमा महिला तथा किशोरीहरु नै बढी मारमा पर्ने गरेको र सो विपद्को समयमा किशोरी तथा महिलाहरुकाे महिनावारी सम्बन्धी समस्यामा कसैको पनि ध्यान नजाने र उनीहरुले सो महिनावारीको समयमा स्वास्थ्यमा ध्यान नदिँदा पछि असर गर्ने हुनाले उनीहरुलाई सचेत गराई पसलमा किन्दा महंगो पर्ने स्यानीटरी प्याड भन्दा घरमा आफैले नै तयार गरेको र पटक पटक प्रयोग गर्न मिल्ने घरेलु प्याड बनाउने तालिम संचालन गरिएको दिव्य युवा क्लबले जनाएकाे छ ।

आर्थिक रुपमा निकै विपन्न समुदाय रहेको थरगट्टीका किशोरीहरुलाई सो तालिम दिनुको उद्देश्य उनीहरुलाई आर्थिक रुपमा सशक्त पनि बनाउनु रहेकाे क्लबका कार्यकारी निर्देशक रामाकान्त पटेलले वताए । संस्थाले १५ जना किशोरीहरुलाई तालिम दिएर ३ ओटा सिलाई मेसिन पनि सहयोग गरेको उनले जानकारी दिए ।

सो मेसिनबाट उनीहरुले आफ्नो सीपलाई व्यवसायमा समेत परिणत गर्न सक्नेछन् । जसरी हामीलाई महिनै पिच्छे नुन चाहिन्छ त्यसै गरि हरेक महिना स्यानीटरी प्याड पनि चाहिन्छ । आर्थिक कारण नै अस्वास्थ्य कपडाको प्रयोग गरी आफ्नो स्वास्थ्यमा खेलबाड भएको पनि थाहा नभईरहेको अवस्थामा संस्थाले सो किशोरीहरुलाई महिनावारी तथा सरसफाई सम्बन्धी क्षमता अभिवृद्धिका साथै प्याड बनाउने तालिम संचालन उनले जनाए । तालिमकाे सहजकिरण शोभा भुजेलले गरेकी थिइन ।

वीरगंजस्थित गणेश अपार्टमेन्टमा प्रहरीकाे छापा, २२ किलो सुन बरामद

0

वीरगञ्ज । पर्सा प्रहरीले वीरगञ्जस्थित एक घरमा छापामारी गरी ठूलो परिमाणमा अबैध सुन बरामद गरेको छ । जिल्ला प्रहरी कार्यालय पर्साबाट प्रहरी उपरीक्षक गंगा पन्तको नेतृत्वमा खटेको प्रहरी टोलीले वीरगञ्ज महानगरपालिका – ५ रेशमकोठीस्थित गणेश अपार्टमेन्टको ३०३ नम्बर फ्ल्याटमा छापामारी ठूलो मात्रामा अबैध सुन बरामद गरेको हो ।

भारतको पूर्वी चम्पारण हरैया निवासी भारतीय नागरिक अशोक सिन्हाको फ्लेटमा छापामारी प्रहरीले २२ किलो ५७६ ग्राम सुन तथा २ केजी २६२ ग्राम चाँदीको भाँडाकुँडा बरामद गरिएकाे जिल्ला प्रहरी कार्यालय पर्साले जनाएकाे छ ।

जिल्ला प्रहरी कार्यालय पर्साले शुक्रबार पत्रकार सम्मेलनकाे आयाेजना गर्दै विशेष सूचनाको आधारमा २ दिनदेखि फ्लेट धनीलाई प्रतिक्षा गरि रहेकोमा घरधनी नआएपछि शनिबार विहान वडाध्यक्ष लगायत जनप्रतिनिधिहरुको रोहबरमा ताल्चा तोडी घरमा खोजतलास गर्दा महिलाले बोक्ने व्यागमा उक्त परिणाममा सुन तथा चाँदी बरामद भएको जानकारी  दिएकाे हाे ।

पत्रकार सम्मेलनमा बरामद गरिएको सुनमध्ये १ केजीको विस्कुट १३ वटा (१३ केजी), मझौला विस्कुट ४६ पिस (८ केजी ५ सय ७६ ग्राम) तथा सानो १ सय ग्रामको १० पिस सुनको विस्कुट १० पिस १ केजी तथा सुनका गरगहनाहरु ६८१ ग्राम गरि २२ केजी ५ सय ७६ ग्राम सुन बरामद भएको छ भने चाँदीको गरगहना एवं भाँडाकुँडा २ केजी २६२ ग्राम बरामद भएको प्रहरी उपरीक्षक पन्तले जानकारी दिइन् ।

उनले बरामद गरिएको सुन तथा चाँदी आवश्यक कारवाहीको लागि जिल्ला प्रहरी कार्यालय पर्सामा राखिएको छ भने उक्त घरबाट केही कागजातहरु पनि फेला परेको हुनाले अनुसन्धान कार्य भइरहेको बताइन् ।

बरामद भएको उक्त अपार्टमेन्ट कसको नाममा हो, कहाँ कहाँका नागरिकहरु बसी रहेका छन् के कसले कुन काम गर्दै आइरहेको छ त्यो अनुसन्धान भइरहेको प्रहरी उपरीक्षक पन्तको भनाई छ ।

अपार्टमेन्टमा बस्दै आएका भारतीय नागरिक अशोक सिन्हाको फ्ल्याटमा सो सुन फेला परेपनि सिन्हा भने फेला पर्न नसकेको बताइएको छ । सिन्हा भन्सार क्लियरिङ एजेन्टको नाममा सुन तस्करीमा संलग्न रहदै आएको प्रहरीको आशंका छ ।

पर्सागढीकाे चाैथाे नगर सभा सम्पन्न, चालु आ.व. काे बजेट रु ६९ कराेड

0

वीरगंज । पर्सागढी नगरपालिकाकाे चाैथाे नगर सभा सम्पन्न भएकाे छ । नगर सभाद्वारा आ.व. २०७७/०७८ काे स्विकृत बजेट शनिबार एक कार्यक्रमका बिच सार्वजनिकसमेत गरिएकाे छ ।

नगरपालिकाकाे वडा नं. ८ काे वडा कार्यालयमा भएकाे नगर सभा तथा बजेट सार्बजनिकरण कार्यक्रमकाे उद्घाटन पानसमा दिप प्रज्वलित गरी नगर प्रमुख लाेकनारायण यादवले गरेका थिए । कार्यक्रमलाई सम्बाेधन गर्दै नगर प्रमुख यादवले नगरपालिकाकाे निति तथा कार्यक्रम असार १० गते नै प्रस्तुत गरिए पनि आफुसहित केही जनप्रतिनिधि र कर्मचारीसमेत काेराेना संक्रमित भएका कारण बजेट ल्याउनमा ढिलाई भएकाे वताए । 

उनलेे यस बर्षकाे बजेट तथा कार्यक्रममा जन चाहना र अवश्यकतालाई मध्यनजर गरी वडा तथा नगस्तरिय याेजनाहरु तय गरिएकाे वताए । यसका साथै बजेटमा शिक्षा र नगरपालिकाकाे प्रशासनिक भवन निर्माणलाई प्राथमिकता दिइएकाे वताए ।

नगर सभाद्वारास्विकृत चालु आर्थिक बर्षकाे बजेटमा नगर सभाले नगर कार्यपालिका कार्यालयकाे प्रशासनिक भवन निर्माणकाे लागि रु  ६ कराेड छुट्याएकाे नगर प्रमुख यादवले वताए । नगरपालिकाकाे वडा नं. ८ हरपुरस्थित सार्वजनिक जग्गामा निर्माण हुने कार्यालय भवनकाे टेन्डर पक्रियासमेत अगाडी बढीसकेकाे उनले जानकारी गराए । 

नगर प्रमुख यादवकाे अध्यक्षतामा भएकाे कार्यक्रममा उप प्रमुख अर्चना चाैधरीले रु ६९ कराेड २१ लाख १७ हजार एक सय ४५ बराबरकाे बजेट प्रस्तुत गरिन ।

उनले आय तर्फ संघकाे वित्तिय समानिकरण अनुदान रु १२ कराेड ४४ लाख, राजस्व बाडँफाड रु ८ कराेड ८ लाख १४ हजार, शर्सत अनुदान १६ कराेड ३२ लाख, प्रदेशकाे बित्तिय समानिकरण अनुदान रु ७३ लाख ७० हजार, राजश्व बाडँफाड रु ६२ लाख ९५ हजार, शर्सत अनुदान रु ८ लाख, बिशेष अनुदान रु ३० लाख, सम्पुरक अनुदान रु २ लाख रहेकाे वताइन ।

यस्तै, आन्तरिक आय रु ३ कराेड ५० लाख, गत आ.व. काे माैज्दात रु १७ कराेड ९० लाख ६८ हजार एक सय ४५, सामाजिक सुरक्षा कार्यक्रम रु ७ कराेड ८१ लाख, बहुक्षेत्रिय पाेष्ण कार्यक्रम रु १५ लाख ७० हजार, युनिसेफ रु ४५ लाख, सडक बाेर्ड रु ६० लाख रहेकाे उप प्रमुख चाैधरीले जानकारी गराइन ।

व्यय तर्फ प्रशाससनिक खर्च रु ९ कराेड २८ लाख, वडागत याेजनाहरु रु ९ कराेड ९ लाख ७७ हजार एक सय ४५, गत आ.व. काे याेजनाहरु ६ कराेड २ लाख, नगर स्तरिय याेजनाहरु रु १९ कराेड ४९ लाख ७० हजार, संघ सरकारकाे शर्सत अनुदान रु १६ कराेड ३२ लाख, प्रदेश सरकारकाे सर्शत अनुदान रु ८ लाख, बिशेष अनुदान रु ३० लाख, सम्पुरक अनुदान रु २० लाख, बहुक्षेत्रिय पाेष्ण कार्यक्रम रु १५ लाख ७० हजार र युनिसेफकाे रु ४५ लाख नगर सभाद्वारा स्विकृत बजेट प्रस्तुत गरेकाे थिइन ।

कार्यक्रम मै आर्थिक बर्ष २०७६/०७६ मा नगरपालिकाकाे वडाहरु मध्ये वडा नं. २ सबै भन्दा बढी बजेट खर्च गर्ने र वडा नं. ९ सब भन्दा कम बजे खर्च गर्ने वडाकाे रुपमा रहेकाे नगर उप प्रमुखद्वा प्रस्तुत बक्तव्यमा जनाइएकाे थियाे । 

वडा नं. १ का वडाध्यक्ष तुलाराम महताेले स्वागत र नगरपालिकाकाे समाजिक विकास शाखा प्रमुख प्रदिप चाैरसियाले संचालन गरेकाे कार्यक्रममा प्रमुख प्रशासकिय अधिकृत शालिकराम ढकाल, लेखा अधिकृत राम कुमार कुशवाहा, इन्जिनिर जंग विजय साह, प्रधानमन्त्री राेजगार कार्यक्रम संयाेजक चन्द्रकिशाेर राय, सुचना प्रविधि अधिकृत रिसी दास, लेखापाल सन्ताेष कुशवाहा, अरविन्द सिंह, गिरि राज कडेल, मनाेज चाैधरी, अशाेक चाैधरी लगायत नगर सभा सदस्य एवम् कर्मचारीहरुकाे सहभागिता रहेकाे थियाे ।

नेपाली कांग्रेसकाे जगरनाथपुरमा शुभकामना आदानप्रदान

0

वीरगंज । पर्साकाे जगरनाथपुरमा गाउँपालिकामा नेपाली कांग्रेसकाे शुभकामना आदानप्रदान कार्यक्रम सम्पन्न भएकाे छ ।

जगरनाथपुर गाउँपालिकाकाे वडा नं. ३ गढहियामा भएकाे कार्यक्रममा हिन्दुहरुकाे महान चाँड बडा दशैं, दिपावली र छठ पर्वकाे शुभकामना आदानप्रदान गरिएकाे थियाे ।

नेपाली कांग्रेस जगरनाथपुर गाउँपालिकाकाे आयाेजनामा भएकाे कार्यक्रमलाई सम्बाेधन गर्दै नेपाली कांग्रेसका केन्द्रिय सदस्य रमेश रिजालले बडा दशैं, दिपावली तथा छठकाे अवसरमा काेराेना भाइरस संक्रमण अन्त्य हाेस भने कामाना गरे ।

भ्रखर केही दिन काेराेना निकाे भएर आएका नेता रिजालले काेराेनासंग जित्न आत्मबल जरुरी रहेकाे वताए । लक्षण विनाकाे काेराेना संक्रमण उच्च आत्मबल र घरेलु उपचारले जित्न सकिने उनकाे भनाई थियाे ।

अक्राे प्रसंगमा कुरा गर्दै नेता रिजालले प्रदेश नं. २ का कृषी लक्षित याेजनाहरु नआउन्जे विकास नहुने वताए । उनले भने “प्रदेश सरकार हाेस् वा संघ सरकार दुबैकाे कमाउ लक्षित याेजनाहरु छन् । कृषी लक्षित याेजना नहुन्जेल सम्म प्रदेशकाे विकास हुन सक्दैन, त्यसैले यस तर्फ दुबै सरकारकाे ध्यान जान जरुरी छ ।”

नेपाली कांग्रेसका जगरनाथपुर गाउँपालिका संयाेजक राजनिश प्रसाद चाैहानकाे सभापतित्वमा भएकाे कार्यक्रममा नेपाली कांग्रेस पर्साका सभापति अजय द्विवेदी, जिल्ला सचिव किशाेरी साह, प्रदेश सांसद शंकर चाैधरी, महाधिबेशन प्रतिनिधि कृपा सिन्धु चाैधरी, महासमिति सदस्य बशिष्ठ नारायण कुर्मी, क्षेत्रिय सभापति रमेश पाण्डे, सचिव श्रिकान्त यादव, नेता सहरुम राउत गद्दी, सुबाष यादव, मनिफ राउत, लक्ष्मि साह लगायतकाले शुभकामना मन्तव्य राखेका थिए ।   

ठाेरीमा गाेली फायर गर्ने समुह प्रहरीद्वारा सार्वजनिक

0

वीरगंज । पर्साकाे ठाेरीमा गाेली फायर गर्ने समुहलाई प्रहरीले सार्वजनिक गरेकाे छ ।

तस्करहरुले विभिन्न अवैध मालवस्तुहरु गैर कानूनी तवरले ओसारपसार गर्दैछन् भन्ने विशेष सुचनाको आधारमा ठोरी गाउँपालिकाकाे वडा नं. ४ ओरिया खोलाको छेउमा बुधबार राती पुगेकाे प्रहरी टाेलीलाई देख्ने वितित्कै एक समुहले गाेली फायर गरेकाे थियाे । 

त्यसपछि प्रहरीले पनि हवाई फायर गर्दै गाेली फायर गर्ने ४ जनालाई प्रकाउ गरेकाे थियाे ।

प्रहरीले जनाए अनुसार पक्राउ पर्नेमा पर्साकाे ठोरी गाउँपालिका वडा नं.४ बस्ने बर्ष ३५ को कुमार लामा, बर्ष ३८ को सुन बहादुर लामा, बर्ष ३६ को बावुराम लामा र बर्ष २७ को अमन लामा रहेका छन् ।

प्रहरीले उनीहरुकाे साथबाट भरुवा बन्दुक नाल १, बन्दुकमा प्रयोग हुने छर्रा ४ राउण्ड, वारुद १०० ग्राम, खुकुरी १ थान बरामद समेत गरेकाे जनाएकाे छ ।

ईलाका प्रहरी कार्यालय ठोरीबाट खटि गएको प्रहरी टोली उक्त स्थानमा पुग्दा हतियारसहित लुकिछिपी बसिरहेको समुहले प्रहरी माथि एक्कासी गोली फायर गरेको र सोको प्रतिउत्तरमा प्रहरीबाट २ राउण्ड गोली हवाई फायर गरीएकाे प्रहरीकाे भनाई छ ।

पक्राउ परेकाहरुलाई पर्सा जिल्ला अदालतबाट बुधबारदेखि नै लागु हुने गरि ज्यान मार्ने उद्योग र हात हतियार खरखजाना मुद्धा शिर्षकमा म्याद थप भई अनुसन्धान भइरहेकाे जिल्ला प्रहरी कार्यालय पर्साले जनाएकाे छ ।

किशाेरीहरुलाई करेसाबारी सम्बन्धि अभिमुखिकरण

0

वीरगंज । बाराको परवानिपुर गाउँपालिका वडा नम्बर ३ लिपनीमालमा करेसाबारी सम्बन्धि एक दिने अभिमुखिकरण कार्यक्रम सम्पन्न भएकाे छ ।

युरोपियन युनियनको आर्थिक सहयोग एवम् संरक्षण नेपाल र चाइल्ड नेपालको सहकार्यमा नेपाल ग्रामीण पुनर्निर्माण संस्थाद्वारा संचालित किशोरी सम्बाद कार्यक्रम अन्तर्गत सम्बाद केन्द्र स्तरीय करेसाबारी सम्बन्धि अभिमुखिकरण कार्यक्रम सम्पन्न भएकाे हाे ।

अभिमुखिकरण कार्यक्रममा उज्वल किशोरी सम्बाद केन्द्रका किशोरीहरुकाे सहभागिता रहेकाे थियाे । कार्यक्रममा करेसाबारी सम्बन्धि किशाेरीहरुलाई प्रशिक्षण दिइएकाे किशोरी सम्बाद कार्यक्रमका फिल्ड सुपरभाइजर सुनेश्वर प्रसाद साहले जानकारी दिए ।

कार्यक्रममा परवानिपुर गाउँपालिकाका कृषि प्राबिधिक रबिता कुमारी मण्डलले प्रशिक्षण दिएकी थिइन ।

कार्यक्रममा करेसाबारीको महत्त्व, करेसाबारीको स्थापना कसरी गर्ने, करेसाबारीमा लाग्ने रोगको ब्यवस्थापन कसरी गर्ने, तरकारी बालीलाई बिषादी बिहिन कसरी उत्पादन गर्ने, मैसमी तथा बेमौसमी तरकारी कसरी उत्पादन गर्ने, नर्सरी कसरी बनाउने लगायतका बिषयमा छलफल गरिएको फिल्ड सुपरभाइजर साहले वताए ।