Date
शुक्र, मंसिर ४, २०८३
Fri, November 20, 2026
Home Blog Page 906

चाैरसिया मृत्यु प्रकरण : निष्पक्ष र स्वतन्त्र अनुसन्धान गर्न जसपाकाे माग

0

वीरगंज । मुकेश चाैरसिया मृत्यु पक्ररणकाे निष्पक्ष र स्वतन्त्र अनुसन्धान हुनु पर्ने जनता समाजवादी पार्टी (जसपा) पर्साले माग गरेकाे छ ।

तत्कालिन समाजवादी पार्टी पर्साका अध्यक्ष रामनरेश यादव र राष्ट्रिय जनता पार्टी पर्साका अध्यक्ष जगदीश पटेलले आज संयुक्त रुपमा एक प्रेस विज्ञप्ती जारी गर्दै नेपाल कम्युनिष्ट पार्टी (नेकपा) बिन्दवासिनी गाउँपालिका कमिटीकाे सपथ ग्रहण कार्यक्रममा भएकाे झडपमा परी मृत्यु भएकाे गाउँ कमिटीका सचिव चाैरसियाकाे मृत्यु सम्बन्धमा निष्पक्ष र स्वतन्त्र अनुसन्धान हुनु पर्ने माग गरेका छन् ।

सपथग्रहण कार्यक्रममा भएको झडपमा साङ्घातिक आक्रमणमा परेर नेकपाका पर्सा जिल्ला कमिटी सदस्य तथा गाउँ कमिटी सचिव चौरसियाको मृत्यु भएको घटनाले हामी मर्माहत भएका छौँ । यो नितान्त गैरराजनीतिक घटना हो । मुलुकको प्रचलित कानुनले किटान गरे अनुसार फौजदारी अपराधको यस घटनाको मुद्दा दर्ता भइ निष्पक्ष र स्वतन्त्र अनुसन्धान हुनुपर्छ भन्ने हाम्रो दृढ माग रहेकाे जारी विज्ञप्तीमा जनाइएकाे छ ।

साथै नेपाल प्रहरीले यी र यस्ता घटनाहरुमा दबाब र प्रभावबाट मुक्त भएर पेसागत ब्यवसायिकतालाई पालन गर्नुपर्छ । कानुनी राज्य र बिधिको शासनको प्रत्याभूति गराउन प्रहरी, प्रशासन र न्यायीक निकायहरु बिचलनमुक्त हुन जरुरी छ । साथै यस दुर्भाग्यपूर्ण घटनापछि नेकपा पर्साका साथीहरूले समेत यसलाई राजनीति आवरण दिनबाट बच्नु पर्छ विज्ञप्तीमा उल्लेख गरिएकाे छ ।

मृतकप्रति र उनको परिवारजन प्रति न्याय गर्नको लागि एकमात्र बाटो भनेको निष्पक्ष अनुसन्धानमार्फत घटनालाई स्वतन्त्र रुपमा न्यायीक सुनुवाइ गर्दै दोषीलाई कानुन बमोजिम दण्डित गर्नु नै हो । यसमा कोही पनि बाधक न बन्न जसपा पर्साले विज्ञप्ती मार्फत अपीलसमेत गरेकाे छ ।

विज्ञप्तीमार्फत नै जसमा पर्साले मृतक प्रती हार्दिक श्रद्धाञ्जली व्यक्त गर्दै परिवारजनमा गहिरो संवेदनासमेत व्यक्त गरेकाे छ ।

चौरसियाको घटनामा संलग्नविरुद्ध जाहेरी दर्ताको माग गर्दै प्रदर्शन

0

वीरगञ्ज । पर्साकाे बिन्दवासिनी गाउँपालिकामा नेपाल कम्युनिष्ट पार्टी (नेकपा)काे शपथग्रहण कार्यक्रममा बिहिबार दुई पक्षबीच भएको झडपमा परेर मृत्यु भएका मुकेश चौरसियाको घटनामा संलग्नविरुद्ध जाहेरी दर्ताको माग गर्दै प्रदर्शन भएको छ । 

शनिबार बिहान १२ बजेदेखि जिल्ला प्रहरी कार्यालयअगाडि नेकपा पर्साका नेता तथा कार्यकर्ताले घटनामा संलग्नविरुद्ध जाहेरी दर्ताको माग राख्दै प्रहरीविरुद्ध चर्को नाराबाजी गर्दै प्रदर्शन गरेका हुन् ।  

झडपमा गम्भिर घाइते भइ ज्यान गुमाएका नेकपा बिन्दबासिनी गाउँपालिका सचिव चौरसियाको आफन्तजन तथा नेकपा नेताहरुले घटनामा संलग्नविरुद्ध प्रहरीले जाहेरी नलिएको भन्दै विरोध स्वरुप प्रदर्शनमा उत्रेकाे वताए ।

जिल्ला प्रहरी कार्यालय अगाडि भएको बिराेध प्रदर्शन कार्यक्रमलाई सम्बोधन गर्दै नेकपाका नेताहरुले प्रहरीले जाहेरी लिन नमानेको भन्दै जाहेरी नलिएसम्म आन्दोलन जारी रहने बताए । उनीहरुले जाहेरी नलिए अगामी दिनमा प्रदेश नम्बर २ हुँदै देशव्यापी आन्दोलन चर्काउने चेतावनीसमेत दिए ।

नेकपा स्थायी समिति सदस्य मातृका यादवले गृहमन्त्रीदेखि डीआईजी र प्रमुख जिल्ला अधिकारीले पनि आफूलाई जाहेरी दर्ता हुन्छ भनेर आश्वासन दिएको भएपनि अहिलेसम्म प्रहरीले मुद्दा दर्ता नगरेको भन्दै आक्रोश व्यक्त गरेका थिए ।

‘जाहेरी दर्ता भएन भने २ नम्बर प्रदेशमा आफ्नै साथीहरुसँग सल्लाह गरेर पनि आन्दोलन चलाउन सक्छु’, उनले भने।

नेकपा प्रदेश २ का सह–इञ्चार्ज नोन्द्र चौधरीले आफूहरुले न्यायको माग गरिरहेको बताउँदै प्रहरी प्रशासनले कुर्सीमा बसेर अन्याय गर्नु भन्दा कुर्सी छोडनु पर्ने बताएका थिए।

दसैँको बेलामा अहिले घरमा पूजा गर्नुपर्ने भएपनि न्याय खोज्नको लागि आफूहरुले आन्दोलन गर्नुपरेको चौधरीको भनाइ थियो।

गत बिहीबार बिन्दबासिनी गाउँपालिका कमिटीको सपथ ग्रहण कार्यक्रम चलिरहँदा भएको झडपमा परी गाउँपालिकाका पार्टी सचिव मुकेश चौरसिया गम्भीर घाइते भएका थिए।

उनको शुक्रबार बिहान उपचारको क्रममा मृत्यु भएको थियो । चौरसियाको शवलाई नारायणी अस्पतालमा राखिएको छ। उनका परिवारले जाहेरी दर्ता नभएसम्म शव नबुझने र पोष्टमार्टम हुन नदिने अडान राखेका छन्।

शपथग्रहण कार्यक्रममा असन्तुष्ट पक्षले आफूलाई सहभागी नगराएको भन्दै झडप गर्ने तीनजनालाई पर्सा प्रहरीले नियन्त्रणमा लिएको जनाएको छ । पक्राउ पर्नेमा हनिफ मियाँ, देवा सहनी र सोकदिन गदी रहेका छन् ।

यता नेकपाको भ्रातृ संगठन राष्ट्रिय युवा संघ नेपाल पर्साले पार्टीगत झडपमा परी घाइते भई उपचारको क्रममा मृत्यु भएका पर्साको विन्दवासिनी गाउँपालिकाका नेकपा कमिटी सचिव चौरसियाप्रति स्तब्ध भएको जनाएको छ । 

शनिबार एक प्रेस विज्ञप्ति जारी गर्दै मृतक चौरसियाको चिरशान्तिको कामना गर्दै झडपमा परी घाइते भएकाहरूलाई शीघ्र स्वास्थ्यलाभको कामनासमेत गरेको छ ।

साथै झडपमा परी घाइते र मृतकको छानबिनका लागि उच्चस्तरीय छानबिन गर्नेसमेत माग गरेको छ । पार्टीको शपथग्रहणमा भएको विवादले कसैलाई राजनीतिक प्रतिशोध राखेर नफसाउन र निष्पक्ष छानबिनको माग गरिएको विज्ञप्तिमा उल्लेख छ । 

विज्ञप्तिमा राष्ट्रिय युवा संघ नेपाल पर्साका संयोजक महम्मद निजामुद्दिन हवारी, सहसंयोजक ओमप्रकाश गुप्ता, केन्द्रीय सदस्य एवं पर्साका इन्चार्ज विमल पौडेल, केन्द्रीय सदस्य एवं पर्साका सह ईन्चार्ज विकाश रौनियारले हस्ताक्षर गरेका छन्।  

यस्तै, नेकपा कै भ्रातृ संगठन अनेरास्ववियु पर्साले गाउँपालिका सचिव चौरसियाको घटनामा संलग्न दोषी उम्कन नदिने जनाएको छ । 

अनेरास्ववीयु पर्साका सहसंयोजक मित्रदेव यादवले शनिबार एक प्रेस बिज्ञप्ती जारी गर्दै झडपलाई रोक्न पुगेका चौरसीया माथी निर्मम तरीकाको कुटपिटले मृत्यु भएको भन्दै छानबिन गरी दोषिलाई कारवाही गर्न माग गरेका छन । उनले मृतक चौरसीयाको आत्माकाे चिरशान्तिको कामना गर्दै झडपमा परि घाईते भएकाहरुलाई शिघ्र स्वास्थ्य लाभको कामनासमेत गरेका छन ।

चौरसीयाको घटनामा सलंग्न दोषि भएकालाई तत्काल सत्यतथ्य छानविन गरी कडा भन्दा कडा कारवाहीकाे माग गरेका हुन् । उनले चौरसीया घटनामा संलग्न जो सुकै भएपनि कुनैपनि बहानामा उम्कन नहुने चेतावनी दिएका छन् ।

वीरगन्जमा टिप्परको ठक्करबाट एक युवककाे ज्यान गयाे

0

वीरगंज । वीरगन्जको बाइपास रोडमा टिप्परको ठक्करबाट एक युवकको ज्यान गएको छ । वीरगन्ज १६ नगवाको बाइपास रोडमा ना ३ ख ९४२८ नम्बरको टिप्परको ठक्करबाट स्थानिय ३२ बर्षिय युवक गौरीशंकर मिश्राको ज्यान गएको हो ।

बसपार्कबाट भन्सार तर्फ गइरहेको टिप्परले बाइपास नगवा चौकमा पैदल हिडिरहेका मिश्रालाई ठक्कर दिएको थियाे । टाउकोमा गम्भीर चोट लागेका मिश्रालाइ तत्काल उद्दार गरि नारायणी अस्पतालमा उपचारको लागि लैजादा चिकित्सकले मृत घोषित गरेको हाे ।

तिब्रगतिमा रहेका टिप्परले अनियन्त्रित भई युवकलाइ ठक्कर दिएको प्रत्यक्षदर्शीले जनाएका छन् । युवकलाइ ठक्कर दिए लगतै नगवा गाउँबाट बाइपास रोडमा निस्की रहेको अनटेस्ट ट्याक्टरलाईसमेत ठक्कर दिइ क्षति पुर्याएको छ ।

घटना स्थलमा पुगेका इलाका प्रहरी कार्यालय नगवाका प्रहरी नायब निरीक्षक श्याम किशोर यादव नेतृत्वकाे प्रहरी टाेलीले ठक्कर दिने टिप्पर चालक पुरेन्द्र महतो धानुकलाई नियन्त्रणमा लिइ आवश्यक कार्वाहिको लागि जिल्ला प्रहरी कार्यालयमा बुझाएकाे छ ।

मृतक युवकको शव पोस्ट मार्टमको लागि नारायणी अस्पताल कै शव गृहमा राखिएको छ ।

वीरगंजबाट खैराे हिराेइन र नाइट्राभेटसहित एक जना पक्राउ

0

वीरगंज । प्रहरीले वीरगंजबाट लागु औषध खैराे हिराेइन र नाइट्राभेटसहित एक जनालाई पक्राउ गरेकाे छ ।

लागु औषध नियन्त्रण ब्यूराे शाख कार्यालय वीरगंज पर्साबाट प्रहरी नायब निरिक्षक तुल प्रसाद पुडासैनीकाे कमाण्डमा खटिएकाे प्रहरी टाेलीले वीरगंज महानगरपालिकाकाे वडा नं. १६ स्थित रजतजयन्ती चाेकबाट शनिबार विहान १०:३० बजे सुनसरी जिल्लाकाे महेन्द्रनगर गाउँपालिका ४, महेन्द्रनगर निवासी ४० बर्षिय भिम बहादुर दहाललाई पक्राउ गरेकाे हाे ।

शंकास्पद देखिएका दहाललाई राेकी खानतलासी गर्दा निजले लगाएकाे हाफ पाइन्टकाे पछाडीकाे पकेटकाे खल्ती भित्र २ पाेका खैराे हिराेइन र साेही पाइन्टकाे अगाडी पट्टीकाे दाहिने खल्तीमा एक बैन्डल नाइट्राभेट एक पतामा ३० दरले १० पतामा ३०० पिस फेला परेकाेले नियन्त्रणमा लिइएकाे प्रहरीले जनाएकाे छ ।

पक्राउ परेका दहाललाई लागु औषधसहित कारवाही तथा अनुसन्धानकाे लागि जिल्ला प्रहरी कार्यालय पर्सामा बुझाइएकाे लागु  औषध नियन्त्रण ब्यूराे शाख कार्यालय वीरगंज पर्साले जनाएकाे छ ।

पर्साका थप ११ जनामा काराेना संक्रमण पुष्टि

0

वीरगंज । पर्सामा थप ११ जनामा काेराेना भाइरस (काेभिड १९) संक्रमण पुष्टि भएकाे छ । संक्रमित हुनेमा सबै जना वीरगंज महानगर बासी रहेका छन् ।

नारायणी अस्पतालकाे प्रयाेगशालामा शुक्रबार गरिएकाे परिक्षणमा पर्साका ११ र बाराकाे २ जनामा काेराेना संक्रमण फेला परेका अस्पतालका प्रवक्ता डा. अतुलेश कुमार चाैरसियाले जानकारी दिए ।

पर्सा र बाराकाे ७२ जनाकाे स्वाबकाे नमुना आरटी पिसिआर विधिबाट परिक्षण गर्दा ३ महिलासहित १३ जनामा काेराेना पाेजिटिभ देखिएकाे उनले जनाए । संक्रमित हुनेमा २ बर्षिय बालकदेखी ६० बर्षिय वृद्ध सम्म रहेका छन् । उनीहरुकाे सिटी भ्यालु १४ देखी ३२ सम्म रहेकाे छ ।

संक्रमित हुनेमा पर्साकाे सदरमुकाम वीरगंज महानगरपालिका वडा नं. ९, १० का एक-एक जना, वडा नं. ११ का ३ जना, वडा नं. १४ का २ जना र वडा नं. १५ का ४ जना रहेका छन् ।

त्यसैगरी, बाराकाे जितपुर सिमरा उपमहानगरपालिका वडा नं. १४ का एक जना र वडा नं. २ का एक जनामा काराेना पाेजिटिभ देखिएकाे प्रवक्ता डा. चाैरसियाले वताए ।  

पर्साका १७ सहित थप ३५ जना काेराेना संक्रमण पुष्टि

0

वीरगंज । पर्साका १७ सहित थप ३५ जनामा काेराेना भाइरस (काेभिड १९) संक्रमण पुष्टि भएकाे छ । 

नारायणी अस्पतालकाे प्रयाेगशालामा बुधबार गरिएकाे परिक्षणमा पर्साका १७, बाराका १६ र राैतहट २ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

पर्साका १२९ सहित कुल १७५ जनाकाे आरटी पिसिआर विधिबाट परिक्षण गर्दा १० महिलासहित ३५ जनामा काेराेना पाेजिटिभ देखिएकाे उनले जानकारी गराए ।

डा. चाैरसियाका अनुसार संक्रमित हुनेमा ८ बर्षिय बालकदेखी ७६ बर्ष वृद्ध सम्म रहेका छन् । उनीहरुकाे सिटी भ्यालु १७  देखी ३४ सम्म रहेकाे छ ।

पर्साकाे वीरगंज महानगरपालिका वडा नं. ४,६, ११, १५ का २-२ जना, वडा नं. ५, १२, २४ का एक-एक जना, वडा नं. १० का ३ जना, पाेखरिया नगरपालिकाका एक जना र पर्सागढी नगरपालिकाका २ जना संक्रमित भएका छन् ।

त्यसैगरी, बाराकाे कलैया उपमहानगरपालिका वडा नं. ७ का एक जना, निजगढ नगरपालिकाका १३ जना र काेल्भी नगरपालिकाका २ जनामा काेराेना संक्रमण देखिएकाे हाे ।

जगरनाथपुरमा पनि किशोरीहरु विद्यालय भर्ना

0

वीरगंज । पर्साको जगरनाथपुर गाउँपालिकामा लेङ्गिक शिक्षा संजालको त्रैमासिक बैठक सम्पन्न भएको छ ।

भि.एस.ओ नेपाल र दिब्य युवा क्लवको साझेदारीमा संचालित किशोरी सशक्तीकरणको लागि शिक्षा कार्यक्रम अन्तर्गत परिचालित पालिका स्तरिय संजालको बैठक सम्पन्न भएको हो ।

जगरनाथपुर गाउँपालिकाको सभा हलमा बसेकाे बैठकले विद्यालय बाहिर रहेका किशोरीहरुलाई विद्यालय भर्ना गर्ने निर्णय गरेको परियोजना संयोजक गणेश ठकुरीले जानकारी दिए । संजालका अध्यक्ष प्रभु प्रसाद कुर्मीको अध्यक्षतामा बसेको बैठक मै विद्यालय बाहिर रहेका जगरनाथपुर गाउँपालिका १६२ जना किशोरीहरुलाई विधालय भर्नाको लागी सम्बन्धित विधालयहरुलाई नामलिस्ट उपलब्ध गराएर विद्यालय भर्ना गरिएकाे उनले जानकारी गराए ।

सो कार्यक्रममा जगरनाथपुर गाउँपालिकाका प्रतिनिधि, विधालयका शिक्षक र परियोजनासंग सम्बन्धित कर्मचारीहरुको उपस्थिति रहेको थियो ।

कार्यक्रममा कोरोना भाईरसका सक्रमणको अवस्थामा भएका हिंसाका घटनाहरु, वालविवाहका घटनाहरुको बारेमा पनि छलफल भएको थियो । कार्यक्रममा सहभागीहरुले कोरोना सक्रमणको समयमा विधालयहरु बन्द भएकोले विधालय खोल्ने वातावरण सृजना गर्नको लगाी सबैजना मिलेर लाग्नु पर्नेमा जोड दिएका थिए ।

विद्यालय बाहिर रहेका १६९ किशाेरीहरु विद्यालय भर्ना

0

वीरगंज । पर्साकाे धाेबिनी गाउँपालिकामा विद्यालय बाहिर रहेका १६९ किशाेरीहरुलाई विद्यालय भर्ना गरिएकाे छ ।

भिएसओ नेपाल र दिव्य युवा क्लबकाे साझेदारीमा संचालित किशाेरी शसक्तिकरणकाे लागि शिक्षा कार्यक्रम अन्तर्गतकाे विद्यालय बाहिर रहेका किशाेरीहरुलाई एक कार्यक्रमका विच विद्यालय भर्ना गरिएकाे परियाेजना संयाेजक गणेश ठकुरीले जानकारी दिए ।  

कार्यक्रम अन्तर्गत गठन भएकाे गाउँपालिका स्तरिय लैंगिङ्क शिक्षा संजालकाे सहजिकरणमा १६९ किशाेरीहरुलाई विद्यालय भर्ना गरिएकाे जानकारी गराए । 

गाउँपालिका शिक्षा संयाेजक जितेन्द्र प्रसाद चाैहान चाैहानकाे अध्यक्षतामा भएकाे कार्यक्रममा श्री काली प्रसाद लाखे मावि लंगडीका प्रअ मदन प्रसाद कानु, श्री नेरा मावि भिखमपुरका प्रअ अमरुलाह आलम र श्री अजिज मियाँ आधारभुत विद्यालयका प्रअ हिरालाल साहलाई विद्यालय भर्ना गरिएकाे किशाेरीहरुकाे नमावली हस्तान्तरण गरिएकाे थियाे ।

विद्यालय भर्ना हुनेमा १० देखी १६ बर्ष सम्मकाे किशाेरीहरु रहेकाे परियाेजना संयाेजक ठकुरीले जनाए ।

त्यसैगरी, पर्सा कै पटेर्वा सुगाैली गाउँपालिकामा कृषक महिला समुहका सदस्यहरुको लागि तरकारी खेती सम्बन्धी ३ दिने तालिम आज सम्पन्न भएकाे छ ।

एक्सनएड नेपाल तथा दिव्य यूवा क्लव, पर्साको साझेदारीमा संचालनमा रहेको स्थानीय अधिकार कार्यक्रम अन्तर्गत संचालित तालिम सम्पन्न भएकाे हाे । साे तालिममा पटेर्वा सुगौली गाउँपालीकाको ५ वटै वडाका महिला कृषक समुहका २५ जना सदस्यहरुलाई सहभागिता रहेकाे थियाे ।

श्री नेपाल राष्ट्रिय माध्यामिक विद्यालय सुगौली दा.प.मा संचालित तालिममा पटेर्वा सुगौली गाउँपालीका कृषि शाखाका प्राविधिक गोविन्द चौधरी र मोहन दासले प्रशिक्षण दिएका थिए ।

तालिममा सहभागि महिलाहरुलाई आय आर्जनमा सहयोग गर्नको लागि मुला, काउली, भण्टा लगायतका तरकारीका वीउहरु पनि प्र्रदान गरिएको दिव्य युवा क्लबका कार्यकारी निर्देशक रामाकान्त पटेलले जानकारी दिए । समुहमा आवद्ध महिलाहरुलाई आय अर्जनमा सहयोग गर्नको लागि घुम्ती कोषसमेत परिचालन भईरहेको उनले जनाए । जसले महिलाहरुको आर्थिक सशक्तिकरणमा सहयोग गरिरहेको उनकाे भनाई थियाे ।

मत्स्य व्यवसायीहरुकाे भेला सम्पन्न

0

वीरगंज । पर्साकाे ४ वटा पालिकाकाे मत्स्य व्यवसायीहरुकाे भेला आज कालिमामाई गाउँपालिकाकाे वडा नं. १ मुडलीमा सम्पन्न भएकाे छ ।

मत्स्य व्यवसायी संघ पर्साका अध्यक्ष संजय प्रसाद साहकाे अध्यक्षतामा भएकाे भेलाले अबदेखी एक धारामा ६ किलाे मात्र माछा ताैल गर्ने, डिजिटल कांटाकाे प्रयाेग गर्ने र डिजिटल काटा प्रयाेग नगर्ने मत्स्य व्यवसायीलाई जरिवाना गर्ने निर्णय गरेकाे छ ।

श्री जनता मावि मुडलीमा भएकाे भेलाले निर्णय कार्यन्वयन गराउन  ९ सदस्यिय समितिसमेत गठन गरेकाे छ ।

संजय साहकाे संयाेजकत्वमा गठित समितिमा सुदर्शन सहनी, साहेब कुशवाहा, फिराेज मियाँ, बृजेश पटेल, लालबाबु साह, द्वारिका राउत विन, नन्दकिशाेर साह, महेन्द्र यादव रहेका छन् ।

भेलामा कालिकामाई, धाेबिनी, छिपहरमाई र पकहा मैनपुर गाउँपालिकाकाे मत्स्य व्यवसायीहरुकाे सहभागिता रहेकाे थियाे ।

रामपुरटोकनीमा चित्रकला प्रतियोगिता सम्पन्न

0

वीरगंज । बाराको परवानिपुर गाउँपालिका वडा नम्बर २ रामपुरटोकनीमा साेमबार सम्बाद केन्द्र स्तरीय चित्रकला प्रतियोगिता सम्पन्न भएको छ ।

युरोपियन युनियनको आर्थिक सहयोगमा एवम् नेपाल ग्रामीण पुनर्निर्माण संस्थाद्वारा संरक्षण नेपाल र चाइल्ड नेपालको सहकार्यमा संचालित किशोरी सम्बाद कार्यक्रम अन्तर्गत चित्रकला प्रतियोगिता सम्पन्न भएको किशोरी सम्बाद कार्यक्रमका फिल्ड सुपरभाइजर सुनेश्वर प्रसाद साहले जानकारी दिए ।

बिश्वभरि महामारीको रुपमा फैलिएको नोबेल कोरोना भाइरसबाट कसरी सुरक्षित हुने, कोरोना भाइरसका लक्ष्ण तथा यसबाट बच्ने सम्भावित उपायहरू लगायत सन्देश दिने खालको चित्र प्रतियाेगिताका सहभागीहरूले बनाएका थिए ।

परवानीपुर गाउँपालिकाको १ देखी ५ सम्मकाे वडामा किशोर तथा किशोरी सम्वाद केन्द्र संचालनमा रहेको फिल्ड सुपरभाइजर साहले बताए ।

प्रतियोगितामा सरस्वती किशोरी सम्बाद केन्द्रका किशोरी खुश्बु कुमारी राम प्रथम, प्रभात किशोर सम्बाद केन्द्रका किशोर रुपेश कुमार राय दोस्रो र अनमोल किशोर सम्बाद केन्द्रका साहिल हवारी तेस्रो भएका थिए ।

किशोरी सम्बाद केन्द्रका सम्बाद सहयोग समितिका संयोजक शम्भु साह कानुकाे अध्यक्षता र परवानीपुर गाउँपालिकाको वडा नम्बर २ का वडाध्यक्ष इश्वरी प्रसाद साहकाे प्रमुख अतिथ्यतामा भएको प्रतियाेगितामा स्वास्थ चौकी रामपुरटोकनीका प्रमुख गृजेश गुप्ता, किशोरी सम्बाद कार्यक्रमका कार्यालय प्रमुख भिम कुमार राई, लेखा अधिकृत रबिन भण्डारी, एनिमेटरहरु, किशोर तथा किशोरीहरुको सहभागिता रहेकोे थियाे ।

प्रतियाेगितामा प्रथम, दाेस्राे र तेस्राे हुनेलाई प्रतियाेगिताका अध्यक्ष, प्रमुख अतिथी र अतिथीहरुले पुरस्कारसमेत बितरण गरेका थिए ।