Date
शुक्र, मंसिर ४, २०८३
Fri, November 20, 2026
Home Blog Page 905

देशकाे समृद्धकाे लागि जसपाकाे विकल्प छैन : सांसद यादव

0

वीरगंज । पर्साको बहुदरमाई नगरपालिकाे बहुअरी पिडँरीमा जनता समाजवादी पार्टी (जसपा)काे शुभकामना अदानप्रदान कार्यक्रम सम्पन्न भएकाे छ । जसपा बहुदरमाई नगर कमिटिकाे आयोजनामा दिपावली तथा छठको शुभकामना आदानप्रदान कार्यक्रम सम्पन्न भएकाे हाे ।

कार्यक्रमलाई सम्बाेधन गर्दै पर्सा क्षेत्र नं. १ का प्रतिनिधि सभा सदस्य (सांसद) प्रदिप यादवले नेपाली कांग्रस र नेकपासंग समृद्धि आउन नसक्ने वताएका छन् । उनले मुलुकाे समृद्धकाे लागि जसपाकाे विकल्प नरहेकाे दाबीसमेत गरेका छन् ।

जनता समाजवादी पार्टीका केन्द्रिय सदस्यसमेत रहेका उनले वाईडबडी विमान खरिद, एनसेल कर र बालुवाटार (ललिता निवास) जग्गा प्रकरणमा नेकपा र कांगेस दुबै पार्टीका शिर्ष नेताहरु भ्रष्टाचार गरेको आरोप लगाएका हुन् ।

उनले भने, ‘‘बालुवाटार जग्गा प्रकरणमा नेकपा र नेपाली कांग्रेस दुबै पार्टीको नेताहरुको संलग्नता छ । तर कांगेसका नेता निलम्बित भएका छन् भने नेकपा नेता अहिले अर्थमन्त्री बनेका छन्, ‘‘मुलुकमा जसकाे सत्ता छ उसैको शासन छ ।’’

कार्यक्रमका प्रमुख अतिथि सांसद यादवले वर्तमान सरकारले सत्ताको दम्भ देखाउँदै सदियौं देखी चल्दै आएको र नेपाल भारत बिचको बेटी रोटी सम्बन्धलाई भत्काउने नियतले नागरिकता संसोधन विध्येक ल्याई मुलुकलाई अराजकतातिर धकेल्न खेलतिर लागेको आरोप लगाए ।

उनले भने, ‘‘यदि विदेशी बुहारीले ७ वर्षपछि मात्रै नागरिकता पाउँने ऐन आयो भने उले बिना नागरिकता कसरी जागिर खान्छ ? बैंकमा खाता कसरी खोल्छ ? कुनै कारण श्रीमानको मृत्यु भयो भने त्यसको अवस्था के हुन्छ ? त्यसैले यो विध्येक मधेश र मधेशी माथी दमन गर्ने ओली सरकारको निसाना हो, आफू कुनै हालतमा यो बिध्येक पारित हुन दिन्न ।

जसपा बहुदरमाई नगर कमिटि अध्यक्ष सिंघासन साहको अध्यक्षतामा भएको कार्यक्रममा प्रदेश सांसद करिमा वेग्म, प्रदेश सांसद भिमा यादव, जसपा नेता रामनरेश यादव, तबरेज अहमद, जसपा बहुदरमाई नगर सचिव बिरेश यादव लगायत सयौंको उपस्थिति रहेको थियो ।

परवानीपुरमा नेपाली कांग्रेसकाे शुभकामना अदानप्रदान

0

वीरगंज । बाराकाे परवानीपुर गाउँपालिकामा नेपाली काँग्रेसकाे शुभकामना अदानप्रदान कार्यक्रम सम्पन्न भएकाे छ । नेपाली काँग्रेस परवानीपुर गाउँपालिकाकाे आयाेजनामा शुभ दपावली तथा छठ पर्वकाे शुभकामना अदानप्रदान कार्यक्रम सम्पन्न भएकाे हाे ।

कार्यक्रमलाई सम्बोधन गर्दै नेपाली कांग्रेसका क्षेत्रीय सभापति सुनील कुमार गुप्ताले सबै नेता, कार्यकर्ता मिलेर पार्टीलाई थप मजबुत बनाउन आग्रह गरे । उनले विगतमा भएका कमी कमजोरीहरूलाई सच्याउँदै अगाडि बढन सवैलाई अनुरोध समेत गरे । 

कार्यक्रमका प्रमुख अतिथीसमेत रहेका नेता गुप्ताले गाउँपालीका अन्तर्गतका सबै वडामा यूवा कमिटी गठन गरी यूवाहरुलाई पार्टीकाे गतिविधिमा अगाडी बढाउनु पर्ने वताए ।

कार्यक्रमका विशिष्ट अतिथी परवानीपुर गाउँपालीकाका मेयरका प्रत्यासी लालबाबु यादवले पार्टीका समपूर्ण नेता, कार्यकर्ताहरुलाई एकजुट हुन आग्रह गरे । उनले आउने दिनहरुमा नेपाली कांग्रेसले राम्रो नतिजा ल्याउनेसमेत वताए ।

नेपाली कांग्रेस परवानीपुर गाउँपालिकाका सभापती पुनदेव प्रसाद यादवकाे सभापतित्वमा भएकाे कार्यक्रममा नेताहरु जगदिश साह कानु, लोकेश सिंह, विजय गुप्ता लगायतले शूभकामना मन्तब्य राखेका थिए भने कार्यक्रमको सञ्चालन धुर्ब रायले गरेका थिए ।

वि.एस.पार्टी प्यालेसमा भएकाे कार्यक्रममा किशोरी पटेल, लोहा सिंह, मन्दिप यादव, सन्नी साह, महिला सदस्य लगायत पाचै वडाका नेता, कार्यकर्ताहरुको सहभागिता रहेको थियो ।

तेली समाजकाे सखुवा प्रसाैनीमा शुभकामना अदानप्रदान

0

वीरगंज । पर्साकाे सखुवाप्रसाैनी गाउँपालिका वडा नं. ६ लखनपुरमा शुक्रबार शुभकामना अदानप्रदान कार्यक्रम सम्पन्न भएकाे छ ।

तेली कल्याण समाज नेपाल, सखुवाप्रसौनी गाउँपालिका कमिटीकाे आयाेजनामा शुभ दिपावली तथा छठ पर्वकाे शुभकामना अदानप्रदान कार्यक्रम सम्पन्न भएकाे हाे ।

कार्यक्रममा शुभकामना मन्तव्य व्यक्त गर्नेहरूले तेली समाजबाट दाइजोप्रथा हटाउनु पर्नेमा जाेड दिए । उनीहरूले बालबालिकालाई शिक्षामा सहभागिता गराइ समाजबाट दाइजोप्रथा हटाउन कार्यक्रममा सहभागिहरुलाई आग्रह गरेका थिए ।

तेली कल्याण समाजका सखुवाप्रसाैनी गाउँपालिका अध्यक्ष शिवकुमार साहको अध्यक्षता र विश्वनाथ साहको प्रमुख आतिथ्यमा भएकाे कार्यक्रममा प्रदेश सांसद राजेश्वर साह तेली, तेली समाजका केन्द्रीय सदस्य गणेश साह, जिल्ला अध्यक्ष धु्रव साह, दिनानाथ साह, असर्फी साह, लक्ष्मण साह, रामनाथ साह, पन्नालाल साह लगायतले मन्तव्य व्यक्त गरेका थिए । 

जाहेरी दर्ता भएपछि शुक्रबार चाैरसियकाे दाहसंस्कार गरिने

0

वीरगन्ज । सरकारी वकिल कार्यालयमार्फत सभासद तथा नेकपा नेता राजकुमार गुप्तासहित १२ जना विरुद्ध जाहेरी दर्ता भएपछि मकुेश चाैरसियाकाे दाहसंस्कार गरिने भएकाे छ ।

नेकपाका पर्सा इन्चार्ज रामचन्द्र साह र जिल्ला सचिव विजय महताेले बिहिबार संयुक्त रुपमा एक प्रेस विज्ञप्ती जारी गर्दै नेकपा पर्सा जिल्ला किमिटी सदस्य तथा बिन्दवासिनी गाउँपालिका कमिटी सचिव चाैरसियकाे शव परिक्षण शुक्रबार गराई साेही दिन नै दाहसंस्कार समेत गरिने जनाएका छन् ।

जारी प्रेस विज्ञप्ती अनुसार नारायण अस्पतालमा रहेकाे चाैरसियकाे शवलाई कार्तिक १४ गते शुक्रबार विहान ९ बजे पाेष्टमार्टम गरिने ५ भने साेही दिन ११ बजेदेखी बिन्दवासिनी गाउँपालिकाकाे बहुअर्वा माध्यमिक विद्यालय नजिक रहेकाे समशानघाटमा अन्त्यष्टि गरिने छ ।

जिल्ला प्रहरी कार्यालय पर्साले जाहेरी लिन नमानेपछि पीडित पक्षले बिहीबार सरकारी वकिल कार्यालयमार्फत कर्तव्य ज्यानको जाहेरी दर्ता गराएका हुन् । गत बिहीबार नेकपा पर्साकाे विन्दवासिनी गाउँपालिका कमिटीको शपथ ग्रहण कार्यक्रममा दुई पक्षबीच भएको झडपमा गम्भीर घाइते भएका चौरसियाको उपचारको क्रममा शुक्रबार वीरगन्जमा मृत्यु भएको थियो ।

घटनाको ७ दिन बितिसक्दा पनि प्रहरीले जाहेरी दर्ता गर्न नमानेपछि पीडित पक्ष बिहीबार निवेदनसहित जाहेरी लिएर सरकारी वकिल कार्यालय पुगेको थियो । सरकारी वकिल कार्यालयका पदमबहादुर कार्कीले निवेदन दर्ता गरी आवश्यक कारबाहीका लागि जाहेरी जिल्ला प्रहरी कार्यालय पर्सामा पठाएको बताए ।

शुक्रबार मुकेशको मृत्यु भएपछि मृतकका भाइ महेश चौरसियाले दाइको हत्याको मुख्य योजनाकारमा सभासद तथा नेकपा नेता गुप्तासहित १२ जनाको जाहेरी दर्ता गराउन खोज्दा प्रहरीले लिन मानेको थिएन । उनका अनुसार गुप्ताको नाम हटाई जाहेरी ल्याएमात्र दर्ता गर्ने प्रहरीले अडान राखेको थियो । जाहेरी दर्ता गराउन नेकपाकाे एक समुहका नेता तथा कार्यकर्ताले जिल्ला प्रहरी कार्यालय अगाडि विगत ७ दिनदेखि धर्ना दिइरहेका थिए ।

चाैरसियाकाे शव अझै अस्पताल मै, छैठाे दिन पनि प्रदर्शन

0

वीरगञ्ज । गत बिहिबार नेकपा बिन्दवासिनी गाउँपालिका कमिटीकाे सपथ ग्रहण कार्यक्रममा दुई पक्ष बिच झडप हुदा मृत्यु भएका मुकेश चौरसियाकाे शव अझै अस्पताल मै रहेकाे छ ।

नेकपा पर्सा जिल्ला सदस्यसमेत रहेका गाउँपालिका कमिटीका सचिव चाैरसियाकाे मृत्यु भएकाे ६ दिन वितिसक्दा पनि दाहसंस्कार हुन सकेकाे छैन । मृतक चाैरसियाकाे शव पाेस्टमार्टमकाे लागि वीरगंजस्थित नारायणी अस्पतालमा राखिएकाे छ ।

चाैरसियाकाे मृत्युमा संलग्न रहेकाहरुकाे विरुद्धमा प्रहरीले जाहेरी लिन नमानेकाे भन्दै नेकपा कै नेता तथा कार्यकर्ताहरुले दिनहु प्रर्दर्शन गर्दै आएका छन् । 

चौरसियाको हत्यारलाई कारबाहीको माग गर्दै बुधबार छैठाे दिन पनि नेकपाका नेता, कार्यकर्ता र मृतक चाैरसियाका आफन्तले जिल्ला प्रहरी कार्यालय पर्सा अगाडिको मूल सडकमा धर्ना दिएका छन भने पर्सा प्रमुख जिल्ला अधिकारीमार्फत प्रधानमन्त्रीलाई ज्ञापन पत्रसमेत बुझाएका छन ।

नेकपा बिन्दवासिनी गाउँपालिका कमिटीले ५ बुंदै माग राख्दै प्रमुख जिल्ला अधिकारी आस्मान तमाङमार्फत प्रधानमन्त्रीलाई ज्ञापन पत्र बुझाएकाे हाे ।

निवेदककाे जाहेरी दर्ता गरी अपराधीमाथी कारवाही गर्न, मृतक मुकेश चाैरसियालाई शहिद घाेषणा गर्न, मृतकका परिवारलाई उचित क्षतिपूर्ति दिनु पर्ने, घाइतेहरु निशुल्क उपचार गराई क्षतिपूर्ति दिनु पर्ने लगायत माग राख्दै नेकपा बिन्दवासिनी गाउँपालिका कमिटीका अध्यक्ष बिक्रम चाैरसियाद्वारा हस्ताक्षरित ज्ञापन पत्र बुझाइएकाे हाे । 

आजकाे प्रदर्शनमा सहभागिहरुले ५ मिनेट मौन धारण, प्रहरीको विरुद्धमा नारावाजी, प्रहरी विरुद्ध प्रदर्शन गर्दै जिल्ला प्रशासन कार्यालय पर्सामा पुगी ज्ञापन पत्र बुझाउनुको साथै पर्सा प्रहरी प्रमुख गङ्गा पन्तको पुतलासमेत जलाएका छन् ।

हाम्रो मुद्धा दर्ता गर, हत्यारालाई कारवाही गर, निकम्मा प्रशासन मुर्दावाद, हाम्रो आन्दोलन जारी छ लगायतका नारा लगाउँदै सयौँ सर्मथकको उपस्थितिमा विरोध प्रदर्शन गरिएको थियो ।

नेपाल कम्युनिष्ट पार्टी नेकपा पर्साका जिल्ला सचिब विजय महतोको अध्यक्षतामा भएको विरोध प्रदर्शनमा जिल्ला ईन्चार्ज रामचन्द्र साह, प्रदेश सदस्य छाेटेलाल यादव, नगर अध्याक्ष रहबर अनसारी, अनेरास्ववियुका केन्द्रिय सदस्य प्रभाकर गुप्ता, शिवम साह, पर्सा सह संयाेजक मित्रदेव यादव लगायतका नेता तथा कार्यकर्ताहरुकाे उपस्थिति रहेको थियो ।

यता घटनामा संलग्न रहेको भन्दै पर्सा प्रहरीले ८ जनालाई बिहीबार नै पक्राउ गरेको थियो । पक्राउ परेका उनीहरूलाई आवश्यक अनुसन्धान गर्दा ३ जना संलग्न रहेको भेटिएकोले त्यही दिन ५ जनालाई छाडेर ३ जनालाई जिल्ला प्रहरी कार्यालयमा राखेर थप अनुसन्धान भइरहेको पर्साका प्रहरी उपरीक्षक गंगा पन्तले जानकारी दिइन । पक्राउ पर्नेमा हनिफ मियाँ, देवा सहनी, शोकदिन गद्दी रहेका छन् ।

घरिअर्वामा अल्पत्र भेटिएका बिरामीलाई अस्पताल पुर्याइयाे

0

वीरगंज । वीरगंजकाे घरिअर्वामा अल्पत्र भेटिएका एक बिरामीलाई डाक्टरकाे पहलमा उद्दार गरिएको छ ।

वीरगंजको घरिअर्वा पोखरीको छेउमा लडिरहेको अवस्थामा अल्पत्र र घाउको ब्यथाले छट्पटी रहेको ब्यक्तिलाई डा. दिपक चौरसिया र काेभिड एक्सन टिम (क्याटका) का सदस्य तबरेज अहमदकाे सहयाेगमा उद्दार गरी अस्पताल पुर्याइएकाे छ ।

वीरगंजस्थित रहेको नारायणी अस्पतालमा उपचारको लागि पुर्याइएकाे ति व्यक्तिकाे उपचार डा. चाैरसियाले नै गरिरहेका छन् ।

डा. चाैरसियाले ति व्यक्तिलाई सडक पेटिमा घाउकाे व्यथाले लडिरहेकाे देखेपछि क्याटका सदस्य अहमदलाई फाेनमार्फत खबर गरेका थिए । त्यसपछि घडिअर्वा पुगेका क्याटका सदस्य अहमद र डा. चाैरसियाकाे सहयाेग ति व्यक्तिलाई अस्पताल पुर्याइएकाे थियाे ।

डाक्टर भएर बाटोमा अल्पत्र भेटिएका ब्यक्तिलाई उद्दारकाे लागि पहल गर्नु र आफैंले उपचार गर्ने कार्याले डा. चौरसियाले आफ्नाे कर्तव्य निर्वाहकाे साथै मानवता तथा समाजिक दायित्वसमेत पुरा गरेकाे क्याटका सदस्य अहमदले वताए ।

डा. चौरसियाको आग्रहमा ग्रीन प्लस फर्मेसीले सो ब्यक्तिकाे उपचारमा लाग्ने सम्पूर्ण औषधीसमेत सहयोग गरेको वताइएकाे छ । अल्पत्र रहेको ब्यक्तिले आफ्नो ठेगाना बाराको जितपुर रहेको बताएका छन् ।

नेकपा र कांग्रेस नितीगत भ्रष्टाचारी : सांसद यादव

0

वीरगंज । पर्सा क्षेत्र नम्बर १ का प्रतिनिधि सभा सदस्य (सांसद) प्रदिप यादवले नेकपा र कांग्रेस पार्टी नितीगत भ्रष्टाचारी भएको आरोप लगाएका छन ।

जनता समाजवादी पार्टी बीरगंज – २७ वडा ईकाई समिति उदयपुरघुर्मीले आयोजना गरेको पार्टी प्रवेश कार्यक्रममा बोल्दै सांसद यादवले सरकारमा रहेको नेकपा र विपक्षमा रहेको कांग्रेस पार्टीले नितीगत रूपमै भ्रष्टाचार गरेको आरोप लगाए । जनता समाजवादी पार्टीका केन्द्रीय सदस्यसमेत रहेका सांसद यादवले वाईड बडि विमान घोटाला काण्डमा सरकारलाई छानबिन प्रतिवेदन बुझाउदासमेत हाल सम्म कुनै कारबाही प्रक्रिया अगाडी नबढाउनु र विपक्षमा रहेको कांग्रेस पार्टी पनि तै चुप मै चुपको अवस्थामा रहेको देखिनुले यि दुवै ठुला पार्टीहरु नै नितीगत रूपमा हुने भ्रष्टाचारको संरक्षणमा लागेको ठोकुवा गरे ।

देशमा भएका ठुला ठुला भ्रष्टाचार काण्डहरूको छानवीन हुन्छ प्रतिवेदन बुझाईन्छ तर कारबाही केहि हुदैन यहि कारणहरूले पनि भ्रष्टाचार मौलाएको उनकाे भनाई छ । सांसद यादवले अबको वैकल्पिक शक्ति जनता समाजवादी पार्टी हुने निस्चित रहेको बताए ।

जनता समाजवादी पार्टी आज तेस्रो शक्ति देखिदा पनि सम्पुर्ण मधेशवादी र आफ्नो हक अधिकारका लागि संघर्षरत रहेका समर्पुण शक्तिहरु एक जुट भएर अगाडी बढेपछी झन बलियो रूपमा प्रस्तुत हुने विश्वास लिएको बताए । उनले अबको संघर्ष मधेशमा मात्र नभई देशमा एकसाथ हुने दावी गरे ।

कार्यक्रममा विभिन्न पार्टि परित्याग गरी १ सय ५ जना जनता समाजवादी पार्टीमा प्रवेश गरेका थिए । कार्यक्रममा नेकपा पार्टी प्रतियाग गरी मोटर यादवको नेतृत्वमा रामदरस यादव ,प्रमोद यादव,अनिल गिरी, नन्दलाल रायभर आसमन यादव, शम्भु यादव र एकतर आलमको नेतृत्वमा रहमत देवान, हिरा देवान जमुदिन मियाँ, भोज हवारी, हरिनारायण ठाकुर, बेलास गोढ, नागिन्द्र रायभर तथा नेपाली कांग्रेस परित्याग गरी ईनल यादव, रामअव्या यादव ,मनाई राय, अनिल यादव, जयन्पाल साह गोंड, लालबाबु गिरी साथै कुहडी युथ एकेडमीका रिजवान हवारीको नेतृत्वमा अब्दुल हवारी, असगर हवारी, नुरैन हवारी, अजरोदिन अंसारी लगायतकाले पार्टी प्रबेश गरेकाे वताइएकाे छ ।

जनता समाजवादी पार्टीका विरगंज महानगरपालिका वडा नं.२७ का ईकाइ अध्यक्ष दयानंद उपाध्यायकाे अध्यक्षतामा भएकाे पार्टी प्रबेश कार्यक्रममा प्रदेश सांसद करीमा बेगम, सिंहासन साह कलवार, जन्नत अंसारी, भिमा यादव, विरगंज महानगरपालिका मेयर विजय कुमार सरावगी, बिन्दवासिनी गाँउपालिका प्रमुख श्रीलाल साह कानु, जनता समाजवादी पार्टीका नेता रामनरेश यादव, तबरेज अहमद, बहुदरामाई नगरपालिका वडा न. ५ का वडाध्यक्ष असलम आलम, युवा नेता गौरी साह लगायतको उपस्थिति रहेको थियो ।

रोशन यादवले  स्गवागत मन्तव्य राखेकाे कार्यक्रमको सहजीकरण युवा नेता परमा कुमारले गरेका थिए ।

छातापिपरामा कपडा उद्याेगमा आगलागी : एक कराेडकाे क्षति, एक घाइते

0

वीरगंज । बाराको छातापिपरामा रहेको कोहिनुर टेक्सटाइल मिलमा मंगलबार दिउँसाे भीषण आगलागी भएको छ ।

जितपुरसिमरा उपमहानगरपालिका– ९ को उक्त कपडा बनाउने उद्योगमा आगलागी हुँदा करिब एक करोड रुपैयाँको क्षति भएको प्रहरीले जनाएकाे छ ।

दिउँसो पौने ३ बजे सुरु भएको आगलागी जितपुर सिमरा उपमहानगरपालिका तथा वीरगन्ज महानगरपालिकाको दमकल, नेपाल प्रहरी र सशस्त्र प्रहरीको सहयोगमा ३: २५ मा नियन्त्रणमा आएकाे इलाका प्रहरी कार्यालय जीतपुरका डीएसपी दीपक श्रेष्ठले जानकारी दिए ।

कपडा उद्योगमा वेल्डिङ गर्दा भुसमा आगो सल्किएर उद्योगभर फैलिएको वताइएकाे छ ।

आगलागीमा उद्योगमै काम गर्ने भारतीय नागरिक २३ वर्षका सतिष कुमार महतो घाइते भएका छन् । दायाँ हात र अनुहारमा आगोले पोलेको उनको वीरगञ्जस्थित बयोधा अस्पतालमा उपचार भइरहेको छ ।

राधेमाईमा एक महिलासहित ५२ जनाद्वारा रक्तदान

0

वीरगंज । अपन राधेमाई  युवा क्लबकाे आयाेजनामा आज वीरगंजकाे राधेमाईमा रक्तदान कार्यक्रम सम्पन्न भएकाे छ । राधेमाई मन्दिर प्राङ्गणमा भएकाे कार्यक्रममा एक महिलासहित ५२ जनाले रक्तदान गरेका छन् ।

आयाेजक क्लबका अध्यक्ष पवन यादवकाे अध्यक्षतामा भएकाे कार्यक्रममा राजिव सर्राफ, दाभिद मुखिया, उजवल द्विवेदी, नन्दलाल सर्राफ, नखिल मेहता, राज यादव, पवन साह, गिता साह, धन्जय पाण्डे, आकाश भग्त माली, अभिषेेक झा, सन्नी यादव, रितेश कुमार यादव, धिरज कुमार पटेल, सुमिर पाण्डे, आनन्द कुमार साहले रक्तदान गरेका छन् ।

यस्तै, बृजमाेहन पाण्डे, भारति प्रसाद यादव, लक्ष्मण प्रसाद चाैधरी, जितेन्द्र यादव,  निरज मिश्रा, घन्सयाम  चाैरसिया, राम कुमार पटेल, राज कुमार पण्डित, रुपेश यादव, पवन देवकाेटा, अशाेक कुमार मिश्रा, अमित कुमार द्विवेदी, गाैरव सिंह, इशवर प्रसाद साह,  लगायतकाले रक्तदान गरेका हुन् ।

प्रतिनिधि सभा सदस्य प्रदिप यादवकाे प्रमुख आतिथ्यतामा भएकाे कार्यक्रममा प्रदेश सभा सदस्य प्रहलाद गिरी, सिंहासन कलवार, जन्नत अन्सारी, जनता समाजवादी पार्टीका नेता रामनरेश यादव, वडाध्यक्ष तुफान अंसारी लगायतकाे सहभागीता रहेको थियो ।

रक्त संचार केन्द्र वीरगंजका प्रमुख सराैभ राज पाण्डे नेतृत्वकाे प्राविधिकहरुकाे प्राविधिक सहयाेगमा कार्यक्रम भएकाे थियाे ।

चाैरसिया मृत्यु प्रकरण : तेस्राे दिन पनि जिप्रका अगाडी माैन धर्ना

0

वीरगंज । नेपाल कम्युनिष्ट पार्टी (नेकपा) बिन्दवासिनी गाउँपालिका सचिव मुकेश चाैरसियाकाे मृत्युमा संलग्नहरु विरुद्ध जाहेरी दर्ताकाे माग गर्दै तेस्राे दिन पनि जिल्ला प्रहरी कार्यालय पर्सा अगाडी प्रदर्शन भएकाे छ ।

नेकपाका नेता तथा कार्यकर्ताहरुले आइतबार तेस्रा दिन जिल्ला प्रहरी कार्यालय अगाडी माैन धर्ना दिएका छन् । उनीहरुले दिउसाे १२ बजेदेखी एक बजे सम्म माैन धर्ना दिदै चाैरसियाकाे हत्या भएकाे भन्दै बिराेध प्रदर्शन गरेका हुन् ।

चाैरसियालाई सहिद घाेषणा गर्नु पर्ने, उनकाे परिवाजनलाई क्षतिपुर्ति दिनु पर्ने, हत्यामा संलग्नहरु विरुद्ध जाहेरी दर्ता गर्नु पर्ने लगायकाे माग गर्दै नेकपाका नेता तथा कार्यकर्ताहरु तिन दिनदेखी आन्दाेलनमा छन् । 

तेस्राे दिनकाे धर्नामा नेकपा प्रदेश २ का सह इन्चार्ज नागेन्द्र चाैधरी, केन्द्रिय सदस्य एंव पर्सा इन्चार्ज रामचन्द्र साह, प्रदेश सदस्य छाेटेलाल यादव, बालकृष्ण थापा, नेता बिचारी यादव, वीरगंज महानगर अध्यक्ष रहबर अन्सारी, अनेरास्वविय पर्साका सह संयाेजक मित्रदेव यादव लगायतका नेता तथा कार्यकर्ताहरुकाे सहभागिता रहेकाे थियाे ।

नेकपा जिल्ला सदस्यसमेत रहेका चाैरसियाकाे गत बिहिबार बिन्दवासिनी गाउँपालिकाकाे सपथ ग्रहण कार्यक्रममा भएकाे झडपमा परी मृत्यु भएकाे थियाे । उनकाे शव अहिले वीरगंजस्थित नारायणी अस्पतालकाे शव गृहमा रहेकाे छ ।