Date
शुक्र, मंसिर ४, २०८३
Fri, November 20, 2026
Home Blog Page 904

राजनितिक आडमा अराजगता फैलाउँने काम मात्र भईरहेको छ : काँग्रेस पर्सा

0

वीरगंज । नेपाली काँग्रेस पर्साका अध्यक्ष अजय द्वुवेद्वीले अहिलेको अवस्थामा राजनितिक नगरी राजनितिक आडमा अराजगता फैलाउँने काम मात्र भईरहेको आरोप लगाएका छन् ।

काँग्रेस क्षेत्र नम्बर १ ले वीरगन्ज १६ नगवामा आयोजना गरेको घरदैलो तथा सभालाई सम्बोधन गर्दै अध्यक्ष द्विवेदीले जनताको विकास भन्दा पनि आफनो व्यक्तिगत विकास पार्टी कार्यकर्ता पाल्नलाई राजनितिक आडमा अराजगता फैलाउँने काम भएको बताए ।

घरदैलो पश्चात बौद्धिमाई मन्दिर प्राङ्गणमा आयोजित कोण सभामा सहभागि स्थानिय नेता अशोक पटेल, रविन्द्र श्रीवास्तव लगायतले नगवा पोखरीलाई सौन्दर्यकरणको नाममा व्यापक भ्रष्ट्रचार र हिन्दुहरुको आस्थाको केन्द्रको रुपमा रहेको मठ मन्दिरको जग्गा निर्वाचित जनप्रतिनिधिहरुले मास्न खोजेको गुनासो गरेका थिए ।

नेता पटेलले संदियौं देखि बौद्धिमाई मन्दिर क्षेत्रमा छठ, दशहरा पर्व, यहाँ सम्म प्राकृतिक विपद आउँदा समेत यो मन्दिरको जग्गामा हामी संरक्षण लिने गरेको छौ तर प्रदेश सरकारले सौन्दर्यकरणको नाममा गिद्दे नजर लगाउँदै धार्मिक स्थलको जग्गा अतिक्रमण गरेर पार्क बनाउँन खोजेको काँग्रेस नेताहरु संग गुनासो गरेका हुन ।

पुरातात्वीक विभागबाट समेत मन्दिर क्षेत्रको जग्गामा पार्क निर्माण गर्न नपाउँने लिखित पत्र दिदाँ समेत प्रदेश सरकारले त्यसको अवहेलना गरेर जबरजस्ती पार्क बनाईरहेको छ, उनले भने, यहाँको सरकारको मन्साय ठिक छैन, यदी पार्क निर्माणमा पुर्नविचार नगरे त्यसको विरुद्ध प्रतिकारमा उत्रिन पछि नहट्ने सुझाउँ समेत दिएका थिए ।

जनताको गुनासो सुन्दै नेता द्वुवेद्वीले कुनैपनि धार्मिक स्थललाई राजनितिक आडमा मास्न खोजे सहन नहुने चेतावनी समेत दिए । उनले भने, जनताको भावना विपरित र आफनो स्वार्थ सिद्ध गर्न कुनै पनि गतिविधि गर्न खोजे त्यसको विरुद्धमा स्थानियले उत्रिनु पर्छ र हामी काँधमा काँध मिलाएर अगाडी बढ्न तयार छौ ।

संघ र प्रदेश सरकारले मधेशको विकास गर्न खोजेका होईन, विकासको नाममा छुट्याएको बजेट आफनो कार्यकर्ताहरुको रजाई बनाएको आरोप नेपाली काँग्रेसका युवा नेता एवं पूर्व सांसद अनिल रुगंटाले लगाए ।

उनले लोकतन्त्र पार्टीका कार्यकर्तालाई पाल्नलाई ल्याएको होईन, जनतालाई अधिकार सम्पन्न बनाउँन र विकास निर्माणको काम जनताको घर घरमा पु¥याउँनको लागि लोकतन्त्र ल्याएका हौं यदी यसको दुरुपयोग गरी जनताको भावना विपरित लाग्ने विरुद्ध प्रतिकारमा उत्रिन बाध्य हुने बताए ।

कार्यक्रममा सम्सेर अख्तरलाई क्षेत्रिय सदस्यमा समेत मनोनित गरिएको क्षेत्रिय सभापती एवं घरदैलो अभियानका नेृत्वकर्ता विजय सर्राफले बताए ।

घरदैलो अभियानमा वीरगन्ज महानगरपालिका उपमेयर शान्ति कार्की, काँग्रेसका नेता रामनारायण कुर्मी, दिना गुप्ता, मनोज पटेल, बाबुनन्द चौरसिया, विनोद चौरसिया, असाब मियाँ ठकुराई, मिन्टु सिंह, मेराज आलम, नागेश्वर प्रसाद, भवानी घिमिरे लगायतको सहभागिता रहेको थियो ।

काेराेना संक्रमणबाट धाेबिनी गाउँपालिकाका एक पुरुषकाे मृत्यु

0

वीरगंज । पर्सामा काेराेना भाइरस (काेभिड १९) संक्रमणबाट थप एक जनाकाे मृत्यु भएकाे छ ।

काेराेना संक्रमणबाट पर्साकाे धाेबिनी गाउँपालिका वडा नं. ४ निवासी ५० बर्षिय पुरुषकाे मृत्यु भएकाे जिल्ला प्रशासन कार्यालय पर्साले जनाएकाे छ ।

उच्च ज्वराे, स्वासप्रस्वासमा समस्या देखिएकाे उनलाई साेमबार दिउसाे २ बजे वीरगंजस्थित नारायणी अस्पतालमा ल्याइएकाे थियाे । अस्पताल भर्ना गरि उपचार गर्ने क्रममा साेही दिन ४:३० बजे मृत्यु भएकाे हाे ।

मृत्यु पश्चात जिन एक्सपर्ट विधिबाट नारायणी अस्पताल कै प्रयाेगशालामा गरिएकाे परिक्षणमा काेराेना पुष्टि भएकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

उनको उपचारमा खटेका चिकित्सक अनुसार उनको दुबैतिरको फोक्सोमा निमोनिया र श्वासप्रश्वासको समस्याका कारण मृत्यु भएको हो ।

योसँगै पर्सामा कोरोना भाइरस संक्रमणका कारण मृत्यु हुनेको संख्या ४९ पुगेको छ ।

वीरगंजका ३ सहित थप ७ जनामा काेराेना संक्रमण

0

वीरगंज । पर्साका ३ जनासहित थप ७ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा साेमबार गरिएकाे परिक्षणमा पर्साका ३, बाराका ३ र मकवानपुरका १ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

पर्साका ५७ सहित ११७ जनाकाे स्वाबकाे नमुना आरटी पिसिआर विधिबाट परिक्षण गर्दा ४ महिलासहित ७ जनामा काेराेना पाेजिटिभ देखिएकाे उनले जानकारी गराए ।

प्रवक्ता डा. चाैरसियाका अनुसार संक्रमित हुनेमा २१ बर्षदेखी ४४ बर्ष सम्मका रहेका छन् । उनीहरुकाे सिटी भ्यालु १९ देखी ३० सम्म रहेकाे छ ।

पर्साकाे वीरगंज महानगरपालिका वडा नं. ३ का ३१ बर्षिय पुरुष, वडा नं. १३ का २७ बर्षिय पुरुष, वडा नं. २० का २८ बर्षिय पुरुषमा संक्रमण देखिएकाे हाे ।

त्यसैगरी, बाराकाे कलैया उपमहानगरपालिका वडा नं. १ का २१ बर्षिय महिला, जितपुर सिमरा उपमहानगरपालिकाका ३७ र ४४ बर्षिय महिला संक्रमित भएका छन् ।

त्यसैगरी, मकवानपुरकाे हैटाउडा उपमहानगरपालिका वडा नं. ५ का बर्षिय महिलामा काेराेना पाेजिटिभ देखिएकाे छ ।

यस अघि आइतबार पनि नारायणी अस्पतालकाे प्रयाेगशालामा गरिएकाे परिक्षणमा पर्साका १३ सहित १७ जनामा काेराेना संक्रणम पुष्टि भएकाे थियाे । 

पाेखरिया अस्पतालका मेसु २ महिनादेखी गायब, सेवा प्रवाह लथालिंग

0

वीरगंज । पाेखरिया जिल्ला अस्पतालका मेडिकल सुरपरिटेन्डेन्ट (मेसु) डा. अनिल यादव २ महिनादेखी गायब भएका छन् ।

पाेखरिया नगरपालिकाकाे वडा नं. ४ पाेखरिया बजारस्थित रहेकाे अस्पतालका मेसु डा. यादव २ महिनादेखी अस्पताल आएका छैनन् । अध्ययन बिदामा रहेका मेसु डा. यादव लामाे समयदेखी सम्पर्क विहिन भएपछि अस्पतालकाे सेवा प्रवाह लथालिंग भएकाे छ ।

अस्पताल पुग्ने ग्रभावती महिला लगायतका बिरामीलाई डाक्टर नभेट्ने, सेवा प्रवाह लथालिंग भएकाे गुनासाे बढेपछि नगरपालिकाका प्रमुख प्रशासकिय अधिकृत नेतृत्वकाे एक टाेलीले साेमबार अनुगमन गरेकाे छ ।

प्रमुख प्रशासकिय अधिकृत अमित कुमार गिरी नेतृत्वकाे टाेलीले अस्पतालमा छड्के अनुगम गरेकाे हाे । अनुगमनकाे क्रममा अस्पतालका मेसु डा. यादवसहितका अधिकांश डाक्टरहरु अनुपस्थित रहेकाे, कुन डाक्टरकाे कुन समयमा कुन दिन डियुटी अंकित  सेडुलसमेत नभेटिएकाे, अस्पतालका डाक्टर र कर्मचारीहरु हाजिरीसमेत नगर्ने गरेकाे, अस्पतालकाे सरसफाई अवस्था दैनिय लगायतकाे समस्या देखिएकाे हाे ।

अनुगमनकाे क्रममा अस्पतालका डाक्टर तथा कर्मचारीहरु कहिले काँही आउने, महिना दिनकाे हाजरी एकै दिन गर्ने, अस्पताल पुुग्ने बिरामीहरुलाई डाक्टहरु नभेट्दा पिडित भएकाे पाइएकाे अुनगमन टाेलीमा सहभागि नगरपालिकाका एक कर्मचारीले वताए ।

उनका अनुसार अस्पतालमा अनुपस्थित भेटिएका डाक्टर तथा कर्मचारीसंग प्रमुख प्रशासकिय अधिकृत गिरीले स्पष्टिकरणसमेत साेधेका छन् । स्पष्टीकरणबाट सन्ताेषजनक जबाब नआए कारवाहीसमेत गरिने छ । 

चौरसिया हत्यामा सलंग्न तिवारी पक्राउ

0

वीरगंज । नेकपा पर्सा जिल्ला सदस्य एवम् विन्दवासिनी गाउँ कमिटी सचिव मुकेश चाैरसियाकाे हत्यामा सलंग्न एक जनालाई प्रहरीले पक्राउ गरेकाे छ ।

जिल्ला प्रहरी कार्यालय पर्साबाट खटिएकाे प्रहरी टाेलीले पर्साकाे विन्दवासीनी गाउँपालिका वडा नं. ४  मधवल बस्ने बर्ष ३२ को उत्तम भन्ने निरंजन तिवारीलाई पक्राउ गरेकाे हाे ।  फरार रहेका तिवारीलाई बीरगंज महानगरपालिकाकाे वडा नं.१६ स्थित इनर्वागाँउबाट आइतबार पक्राउ गरिएकाे जिल्ला प्रहरी कार्यालय पर्साले जनाएकाे छ । 

बिन्दवासिनी गाउँपालिकाकाे वडा नं.५ प्रसौनी गाँउस्थित सेलर मिलको भवनमा कार्तिक ०६ गते नेकपा विन्दवासिनी गाउँपालिका कमिटीकाे सपथ ग्रहण कार्यक्रममा दुई पक्ष बिच भएकाे झडपमा वाँसकाे भाठाले एक अर्कालाई प्रहार गर्ने क्रममा ३४ बर्षिय चाैरसिया घाइते भइ उपचारको क्रममा कार्तिक ७ गते न्यूरो अस्पतालमा मृत्यु भएकाे थियाे । 

उक्त घट्नामा सलंग्न रहेका घाइते भई नेशनल मेडिकल कलेजमा उपचारार्थ अवस्थमै कार्तिक ६ गते नै फरार भएका तिवारीलाई नियन्त्रणमा लिएर जिल्ला प्रहरी कार्यालय पर्सामा ल्याई थप अनुसन्धान कार्य भईरहेको प्रहरीले जनाएकाे छ ।

युवालयद्वारा वीरगंजकाे विभिन्न ठाउँमा नि:शुल्क टिउशन

0
??????

वीरगञ्ज । सक्रिय युवाहरुको समुह युवालयले इम्प्रुभिङ्ग लाइभ्स इन नेपालको सहकार्य र वीरगञ्ज महानगरपालिकाको समन्वयमा वभिन्न स्वास्थ्य चाैकीहरुलाई स्वास्थ्य सामाग्री वितरण गरिएको छ ।

वीरगञ्ज महानगरपालिकाकाे वडा नम्बर १८ भवानीपुर, २० हरपतगंज, ३० लालपर्साको स्वास्थ्य चौकीहरुलाई विभिन्न स्वास्थ्य सामाग्री वितरण गरिएको युवालयका सदस्य जया साह जानकारी दिए ।

कोरोना भाइरसको रोकथाम तथा नियन्त्रणमा सघाउ पुग्ने अभिप्रायले अटोमेटिक स्यानिटाइजर, सर्जिकल मास्क, एन ९५ मास्क, ग्लभ्स, स्यानिटाइजर, फेस शिल्ड, स्प्रे, हेड कभर लगायतका सामाग्री स्वास्थ्य चौकीहरुलाई वितरण गरिएकाे उनले जानकारी गराए ।

वीरगंज महानगरपालिकाकाे वडा नं ३० लालपर्साका अध्यक्ष अमानत अंसारी, वीरगंज महानगरपालिका स्वास्थ्य समाजिक विकास महाशाखाका जिंसी प्रमुख जाहिर आलम लगायतकाे उपस्थितीमा स्वास्थ्य चौकीका प्रमुखहरुलाई स्वास्थ्य सामाग्री हस्तान्तरण गरिएकाे हाे । 

यसका साथै युवालयले वीरगञ्ज महानगरपालिका वडा नं १२ मुर्लीमा नि:शुल्क टिउशन कक्षा शुरु गरेको छ । कोरोना भाइरसले शिक्षा क्षेत्रमा पारेको प्रभावलाई कम गर्न र बालबालिकामा अध्ययन गर्ने बानिको बिकास गर्नका निम्ती निशुल्क टिउशन कक्षा शुरु गरिएकाे युवालयले जनाएको छ ।

मुर्लीमा सुरु टिउशन कक्षाकाे भिजिट मधेशका राष्ट्रिय संयोजक ओमप्रकास सरार्फले उद्घाटन गरेका थिए । 

यस अघि युवालयले वीरगंज महानगर कै वडा नं २८ बगही, ३० लालपर्सा, १७ अलौ, २४ रामगढवामा पनि नि:शुल्क टिउशन कक्षा शुरु गरि सकेकाे युवा अभियान्ता किशोरी यादवले वताए । युवालयले यसका साथै अन्य स्थानमा पनि टिउशन तथा स्वास्थ्य सामाग्री वितरण अभियानलाई निरन्तरता दिने उनले जानकारी गराए ।

जगरनाथपुरमा टयाक्टर दुर्घटना, एककाे मृत्य

0

वीरगन्ज । पर्साको जगरनाथपुर गाउँपालिका वडा नम्बर २ लक्ष्मीपुरमा आइतबार बिहान टयाक्टर दुर्घटना हुँदा एक जनाको मृत्यु भएको छ ।

लक्ष्मीपुरबाट धान लोड गरेर वीरगन्ज आउँदै गरेको लु ३ त १२१६ नम्बरको ट्याक्टर लक्ष्मीपुरमै रहेको चन्द्रवाती खोलाको पुलबाट करिब १ सय मिटर तल खसेको थियो । 

टयाक्टरले च्यापिएर टयाक्टरका चालक ३५ वर्षीय राम मनोहर साहको घटनास्थलमै मृत्यु भएको प्रहरीले जनाएकाे छ । टयाक्टर धनीसमेत रहेका साह आफैँले चलाएर ल्याएको टयाक्टर अनियन्त्रित भइ पुलबाट तल खसेको हो । 

धान लोड भएको ट्याक्टरले थिचिएर उनको घटनास्थलमै मृत्यु भएको प्रहरी चौकी पाण्डेपुरका प्रहरी सहायक निरीक्षक आदर्श खतिवडाले जानकारी दिए ।

रेडक्रस उपशाखा भाैराटारकाे साधारण सभा सम्पन्न

0

वीरगंज । पर्साकाे बहुदरामाई नगरपालिका वडा नं. ५ भाैराटारमा शनिबार रक्तदान कार्यक्रम सम्पन्न भएकाे छ । 

नेपाल रेडक्रस साेसाइटी उपशाखा भाैराटारकाे आयाेजनामा १२ औं वार्षिक साधारण सभाकाे उपलक्ष्यमा भएकाे कार्यक्रममा २ महिलासहित ३५ जनाले रक्तदान गरेका छन् । 

उपशाखा भाैराटारका सभापति काशी प्रसाद साहकाे अध्यक्षतामा भएकाे रक्तदान कार्यक्रमकाे उद्घाटन वडाध्यक्ष रामेश्वर प्रसाद साहले गरेका थिए ।

साे कार्यक्रममा अशाेक कुशवाहा, विगु साह, जागरित प्रसाद साह, जलन्धर ठाकुर, शिवशंकर प्रसाद साह, प्रदिप प्रसाद कुशवाहा, हिरालाल महताे नुनिया, रायरा खातुन, मधुमाला कुमारी, परमानन्द सहनी, संजय कुमार नुनिया, उपेन्द्र कुमार यादव, संजय ठाकुर लाेहार, शत्रुधन चाैहान, मनाेज प्रसाद कुशवाहा, प्रदिप साह तेली, उमेश प्रसाद साह, प्रदिप साह तेलीले रक्तदान गरेका छन् ।

यस्तै रक्तदान गर्नेमा धर्मराज कुशवाहा, उपेन्द्र प्रसाद साह, सुनिल कुशवाहा, विनय कुमार साह, चन्दन प्रसाद साह, दिपेन्द्र कानु, पुनित कुमार कुशवाहा, बलिराम सहनी, मनाेज कुमार यादव, जितेन्द्र कुशवाहा, भुपेेन्द्र प्रसाद कानु, भुषण प्रसाद जयसवाल, रामनरेश प्रसाद यादव, हरिशंकर महताे, रामदिनेश साह लगायतका रहेका छन् ।

कार्यक्रममा नेपाल रेडक्रस साेसाइटी पर्साका सभापति बिरेन्द्र राज कडेल, उपमन्त्री साविर अहमद एराज, गम्हरिया उपशाखाका सभापति माैलादिन मयाँ लगायतकाे सहभागिता रहेकाे थियाे ।

रक्त संचार केन्द्र वीरगंजका प्राविधिक जितेन्द्र कुशवाहा नेतृत्वकाे प्राविधिकहरुकाे प्राविधिक सहयाेगमा रक्तदान कार्यक्रम भएकाे थियाे ।

यसै बिच नेपाल रेडक्रस साेसाइटी उप शाखा भाैराटारकाे १२ बार्षिक साधारण सभासमेत सम्पन्न भएकाे छ । सभाले पुन: काशी प्रसाद साहकाे सभापतित्वमा ११ सदस्यिय नयाँ कार्य समिति चयन गरेकाे छ ।

जुन समितिकाे उपसभापति निलम देबी साह, सचिव हरिन्द्र प्रसाद काेइरी, काेषाध्यक्ष विगु साह, सह सचिव रुपनारायण प्रसाद साह, सह काेषाध्यक्ष संजय महताे, सदस्य संजय कुमार कुशवाहा, समसुलहक देवान, सविता देवी ठाकुर, शिवशंकर प्रसाद साह, विजय कुमार यादव चयन भएका छन् ।

वीरगंजमा १५ महिलासहित १३० जनाद्वारा रक्तदान

0

वीरगंज । बीरगञ्ज महानगरपालिकाकाे वडा नं १४ मा आज बृहत रक्तदान कार्यक्रम सम्पन्न भएको छ ।

ओम शिव शक्ति बचत तथा ऋण सहकारी संस्थाको आयोजना र प्रकाश नगर टोल विकास कोषको सहकार्यमा भएकाे कार्यक्रममा १५ महिलासहित एक सय ३० जनाले रक्तदान गरेका छन ।

आयाेजक सहकारी संस्थाका अध्याक्ष अरुण साहकाे अध्यक्षतामा भएकाे कार्यक्रममा बर्षा थापा मगर, ईलिजा न्यौपाने, रेजिना पुलामी, मेनुका श्रीवास्तव, लक्ष्मी देवी साह, उर्मिला देवी, अर्चना कुमारी साह, गीता देवी, कल्पना देवी, रूपा तिवारी, सन्तोष पटेल, मन्तोश पटेल, राकेश ठाकुर, अरुण कुमार साह, ललन पटेल लगायतकाले रक्तादन गरेका हुन् ।

रक्तदान कार्यक्रमको उदघाटन नेपाली कांग्रेस पर्साका सभापति अजय कुमार द्विवेदीले गरेका थिए । कार्यक्रमका प्रमुख अतिथीसमेत रहेका सभापति द्विवेदीले रक्तदान जिवनदान भएकाे वताए ।

रक्तदान गर्नेमा मुस्लिम महिलाहरुकाे सहभागिता बढी देखिएकाे थियाे । मुस्लिम महिलाहरुले आफ्नाे संस्कृति बुर्का मै बसी रक्तदान गरेका थिए ।

कार्यक्रममा नेपाल बार एसोसिएसनका उपाध्यक्ष रामचन्द्र सिंह, समाजसेवी शिवशंकर पटेल, ब्लड डोनर्स एसोसिएसनका सहसचिव उमेश गुप्ता, नेपाली कांग्रेसका पर्सा जिल्ला सचिव श्याम पटेल, युवा नेता धर्मेन्द्र पटेल, सुनिल पटेल, नेवि संघका पूर्व केन्द्रिय सदस्य सुधीर पटेल, पर्साका उपाधयक्ष विकेश पटेल लगायतकाे सहभागिता रहेकाे थियाे । कार्यक्रमको सञ्चालन अनिल कुमार साहले गरेका थिए ।

रक्तदान कार्यक्रममा प्रकाश नगर टोल विकास कोषका अध्यक्ष सुरेन्द्र पटेल, सचिव श्याम राम, वडा नं ५ का एकाई कमिटीका अध्यक्ष प्रमोद पटेल, युवा नेता हाकिम अंसारी, पार्टिका कार्यकर्ता विकि पटेल, कामेश्वर पटेल हरिओम पटेल, प्रमोद पटेल, रवीन्द्र पटेल लगायतले सहयोग गरेका थिए । 

रक्तदान गर्नेहरुलाई धन्यावाद ज्ञापनसहित प्रशंसा पत्रसमेत वितरण गरिएकाे थियाे ।

देशकाे समृद्धकाे लागि जसपाकाे विकल्प छैन : सांसद यादव

0

वीरगंज । पर्साको बहुदरमाई नगरपालिकाे बहुअरी पिडँरीमा जनता समाजवादी पार्टी (जसपा)काे शुभकामना अदानप्रदान कार्यक्रम सम्पन्न भएकाे छ । जसपा बहुदरमाई नगर कमिटिकाे आयोजनामा दिपावली तथा छठको शुभकामना आदानप्रदान कार्यक्रम सम्पन्न भएकाे हाे ।

कार्यक्रमलाई सम्बाेधन गर्दै पर्सा क्षेत्र नं. १ का प्रतिनिधि सभा सदस्य (सांसद) प्रदिप यादवले नेपाली कांग्रस र नेकपासंग समृद्धि आउन नसक्ने वताएका छन् । उनले मुलुकाे समृद्धकाे लागि जसपाकाे विकल्प नरहेकाे दाबीसमेत गरेका छन् ।

जनता समाजवादी पार्टीका केन्द्रिय सदस्यसमेत रहेका उनले वाईडबडी विमान खरिद, एनसेल कर र बालुवाटार (ललिता निवास) जग्गा प्रकरणमा नेकपा र कांगेस दुबै पार्टीका शिर्ष नेताहरु भ्रष्टाचार गरेको आरोप लगाएका हुन् ।

उनले भने, ‘‘बालुवाटार जग्गा प्रकरणमा नेकपा र नेपाली कांग्रेस दुबै पार्टीको नेताहरुको संलग्नता छ । तर कांगेसका नेता निलम्बित भएका छन् भने नेकपा नेता अहिले अर्थमन्त्री बनेका छन्, ‘‘मुलुकमा जसकाे सत्ता छ उसैको शासन छ ।’’

कार्यक्रमका प्रमुख अतिथि सांसद यादवले वर्तमान सरकारले सत्ताको दम्भ देखाउँदै सदियौं देखी चल्दै आएको र नेपाल भारत बिचको बेटी रोटी सम्बन्धलाई भत्काउने नियतले नागरिकता संसोधन विध्येक ल्याई मुलुकलाई अराजकतातिर धकेल्न खेलतिर लागेको आरोप लगाए ।

उनले भने, ‘‘यदि विदेशी बुहारीले ७ वर्षपछि मात्रै नागरिकता पाउँने ऐन आयो भने उले बिना नागरिकता कसरी जागिर खान्छ ? बैंकमा खाता कसरी खोल्छ ? कुनै कारण श्रीमानको मृत्यु भयो भने त्यसको अवस्था के हुन्छ ? त्यसैले यो विध्येक मधेश र मधेशी माथी दमन गर्ने ओली सरकारको निसाना हो, आफू कुनै हालतमा यो बिध्येक पारित हुन दिन्न ।

जसपा बहुदरमाई नगर कमिटि अध्यक्ष सिंघासन साहको अध्यक्षतामा भएको कार्यक्रममा प्रदेश सांसद करिमा वेग्म, प्रदेश सांसद भिमा यादव, जसपा नेता रामनरेश यादव, तबरेज अहमद, जसपा बहुदरमाई नगर सचिव बिरेश यादव लगायत सयौंको उपस्थिति रहेको थियो ।