Date
शुक्र, मंसिर ४, २०८३
Fri, November 20, 2026
Home Blog Page 903

रेडक्र्सद्वारा महिलाहरुलाई शारीरिक सरसफाइ सामग्री

0

वीरगंज ।  नेपाल रेडक्रस सोसाइटी पर्सा शाखाले महिलाहरुलाई शारीरिक सरसफाइ सामग्री वितरण गरेकाे छ ।

रेडक्रसद्वारा संचालित कोभिड-१९ पुर्वतयारी तथा प्रतिकार्य कार्यक्रम अन्तर्गत कोरोना रोगबाट प्रभावित भएका घरका महिलाहरुलाई शारीरिक सरसफाइ सम्बन्धि सामाग्री हस्तान्तरण गरिएको रेडक्रसका पर्साका राजन श्रीवास्तवले वताए ।

शारीरिक सरसफाइ सामाग्रीमा स्यानेटेरी प्याड, ब्रस, पेस्ट, सेनिटाइजर, डोरि, साबुन, तौलिया, प्यान्टी,पीयूष, साबुनदानी, झाेला लगायतकाे सामग्री वितरण गरिएकाे उनले जानकारी दिए ।

उक्त सामग्री वीरगंज महानगरपालिका वडा नं. ४ मा वडाध्यक्ष जगत साह कानुको रोहबरमा २५ जना महिलाहरुलाई बितरण गरिएको थियोे । साे अवसरमा कार्यमा कार्यक्रम अधिकृत उमेस मिश्र, अजय यादव, लेखा अधिकृत बिरशमसेर प्रसाद कुर्मि, सामाजिक परिचालक अजय चौरासीयाको सहभागीता रहेको थियाे ।

सनी देओल र ऐश्वर्या रायको फिल्म ‘इन्डियन’, जुन अधुरै रह्यो

0

सन् १९९७ को कुरा हो, त्यतिबेला सनी देओल निकै चर्चित नायक थिए र ऐश्वर्या राय आफ्नो सुन्दरताले बलिउडमा हलचल मच्चाइरहेकी थिइन् ।

त्यतिबेला निर्माता पहलाज निहलानीले एक फिलममा सनी देओल र ऐश्वर्या रायको जोडीलाई पर्दामा उतार्ने बारे सोचे ।

फिल्मको नाम राखे ‘इन्डियन’ र फिल्मको घोषणा जोडदार तरिकाले भयो । सनी र ऐश्वर्याका थुप्रै तस्बिर पनि सार्वजनिक भए । यो फिल्ममा सनीको दोहोरो भूमिका थियो । एक चरमपन्थी र अर्को अफिसरको ।

सनी र ऐश्वर्यामाथि एउटा गीत पनि सुटिङ भएको थियो । लगभग साढे चार करोड भारु खर्च भएपछि अचानक यो फिल्म बन्द भयो ।

पछि सनीले इन्डियन नामको दोस्रो फिल्म सुट गरे जसमा उनको अपोजिटमा शिल्पा शेट्टी देखिइन् ।

रक्साैलबाट बीजेपीका प्रमाेद सिन्हा विजयी

0

वीरगञ्ज । भारतकाे विहारमा सम्पन्न अन्तिम चरणको मतदानपछि निर्वाचनको परिणामपनि आउँन थालेको छ ।

पछिल्लो मतपरिणाम अनुसार बिहारमा भारतीय जनता पार्टी (विजेपी) र मुख्यमन्त्री नितिश कुमार नेतृत्वको जनता दल युनाइटेड (जेडीयू) गठबन्धनको एनडीएले अग्रता लिएको छ भने भारतीय कांग्रेस र तेजश्वी यादव नेतृत्वको राष्ट्रिय जनता दल (आरजेडी) गठबन्धनको महागठबन्धनले उनीहरुलाई पछ्याइरहेको छ ।   

यसबीच वीरगञ्जको सिमावर्ती शहर रक्सौलमा सम्पन्न विधानसभा निर्वाचनको मतपरिणाम सार्वजनिक भएको छ । मतपरिणाम अनुसार एनडीए गठबन्धनबाट विजेपीका उम्मेदवार प्रमोद सिन्हा विजयी भएका छन् ।

उनले आफ्नो निकटम प्रतिद्वन्द्वी महागठबन्धनको तर्फबाट भारतीय कांग्रेसका उम्मेदवार रामबाबु यादवलाई २५ हजार भन्दाबढी मतको मतान्तरले पराजित गरेका हुन् ।

निर्वाचनमा सिन्हाहले ५० हजार ९ सय ७८ मत प्राप्त गरेका छन् भने उनका यादवले २५ हजार ४ सय ५ मत मात्र प्राप्त गरेका छन् ।

त्यसैगरी तेस्रो स्थानमा स्वतन्त्र तर्फबाट आफ्नो उम्मेदवारी दिएका सुरेश यादवले २१ हजार ५ सय ३ मत प्राप्त गरेका छन् । सुरेश कुमार यादवलाई आरजेडीबाट टिकट प्राप्त नभएपछि उनले स्वतन्त्र रुपमा निर्वाचन लडेका थिए । चौथो स्थानमा बहुजन समाजवादी पार्टीका डा. अजय कुमार सिंहले ९ हजार ५ सय ७ मत ल्याएका छन् । सिंह यस अघि रक्सौल विधानसभाबाट तिन पटक विधायक बनिसकेका व्यक्ति हुन् ।  

निर्वाचित सिन्हाका भाई अशोक सिन्हाको गत कार्तिक १ गते वीरगञ्जको रेश्मकोटीस्थित श्री गणेश एपार्टमेन्टबाट अबैध रुपमा २३ केजी २३७ ग्रामको सुन र झण्डै २ किलो २ सय ६२ ग्रामको चादीं बरामद गरेको थियो । 

बरामद गरेको सुन र चाँदी पर्सा प्रहरीले राजश्व अनुसन्धान कार्यालय पथलैयामा बुझाई सकेको छ ।

मुम्बई पांचाै पटक आइपीएल च्याम्पियन

0

साविक विजेता मुम्बई इन्डियन्सले इन्डियन प्रिमियर लिग (आइपीएल) टी२० क्रिकेटको १३औं संस्करणको उपाधि जितेको छ । युएईको दबुई इन्टरनेशनल क्रिकेट स्टेडियममा मंगलबार भएको फाइनलमा दिल्ली क्यापिटल्सलाई ५ विकेटले पराजित गर्दै मुम्बईले लगातार दोस्रो तथा समग्रमा पाँचौ पटक उपाधि जितेको हो ।

सन् २०१० मा पहिलो पटक फाइनल पुग्दा पराजित भएको मुम्बईले त्यसयता हरेक फाइनलमा जित हात पार्दै उपाधि जितेको छ । मुम्बईले यसअघि २०१३, २०१५, २०१७ र २०१९ मा उपाधि जितेको थियो । पहिलो पटक फाइनल पुगेको दिल्ली भने उपविजेतामै चित्त बुझाउन बाध्य भयो । दिल्लीका कप्तान रोहित शर्माले समग्रमा छैटौं पटक उपाधि जिते । उनले सन् २००९ मा डेक्कन चार्जर्सबाट खेल्दै उपाधि जितेका थिए ।

उनै कप्तान रोहित शर्माले कप्तानी इनिङ्स खेलेपछि मुम्बईलाई दिल्लीले दिएको १५७ रनको लक्ष्य १८.४ ओभरमा ५ विकेट गुमाएर  पूरा गर्‍यो । ओपनर रोहितले ६८ रन बनाए । उनले  ५१ बल खेल्दै ५ चौका र ४ छक्का प्रहार गरे । इशान कसनले अविजित ३३ रन योगदान गरे ।

रोहितले पहिलो विकेटका लागि क्वीन्टन डे कक र दोस्रो विकेटका लागि सूर्य कुमार यादवसंग समान ४५ रनको साझेदारी गरे । डेक पाँचौ ओभरको पहिलो बलमा २० रन बनाएर आउट भए । डे ककलाई दिल्लीका मार्कुस स्टोइनिसले ऋषभ पन्तद्वारा क्याच आउट गराए । ११औं ओभरको पाँचौ बलमा रनिङ विटविन र विकेटमा तालमेल  नमिल्दा सूर्यकुमार १९ रन बनाएर रनआउट भए । रोहितले तेस्रो विकेटका लागि इशान किसनसंग ४७ रनको साझेदारी गरे । इशन किसनले १९ बल खेल्दै ३ चौका र १ छक्का मद्दतमा ३३ रन बनाए ।   

दिल्लीका लागि एनरिक नोर्किएले २ तथा कागिसो रबाडा, र मार्कुस स्टोइनिसले १ विकेट लिए ।

त्यसअघि टस जितेर पहिले ब्याटिङ गरेको दिल्लीले निर्धारित २० ओभरमा ७ विकेट गुमाएर १५६ रन बनाएको थियो । दिल्लीका लागि कप्तान श्रेयास ऐर र विकेटकिपर ऋषभ पन्तले अर्धशतक बनाए भने अन्य ब्याट्सम्यानले राम्रो ब्याटिङ गर्न सकेनन् । कप्तान श्रेयासले अविजित ६५ रन बनाए । उनले ५० बल खेल्दै ६ चौका र २ छक्का प्रहार गरे । यस्तै ऋषभ पन्तले ३८ बल खेल्दै ४ चौका र २ छक्का मद्दतमा ५६ रन जोडे ।

दिल्लीको सुरुवात गतिलो हुन सकेन । अघिल्लो खेलबाट ओपनिङ थालेका अलराउण्डर मार्कुस स्टोइनिङ पहिलो बलमै ट्रेन्ट बोल्टको बलमा विकेटकिपर क्विन्टन डे ककबाट क्याचआउट भए ।

तेस्रो ओभरको चौथो बलमा बोल्टले अजिन्का रहानेलाई पनि डे ककबाटै क्याच आउट गराए । राहुल चाहरको स्थानमा फाइनलमा मौका पाएका जयन्त यादवले आफ्नो पहिलो ओभरमै दिल्लीका मुख्य ब्याट्मसयान शिखर धवनलाई बोल्ड गरे । १५ रन बनाएर धवन आउट हुँद दिल्ली ३.३ ओभरमा २२–३ को अवस्थामा पुगेको थियो । दिल्लीको इनिङ्स उकास्न कप्तान श्रेयास र ऋषभले चौथो विकेटका लागि ९६ रनको साझेदारी गरे ।

मुम्बईका लागि ट्रेन्ट बोल्टले ४ ओभरमा ३० रन खर्चेर ३ विकेट लिए । नाथन कुल्टर नाइलले ४ ओभरमा २९ रन खर्चेर २ विकेट लिए । ४ ओभरमा २८ रन खर्चेका जसप्रित बुमराह विकेटविहिन बने ।

लागु औषध ईन्जेक्सनसहित २ जना पक्राउ

0

वीरगंज । पर्सा प्रहरीले लागु औषध इन्जेक्सनसहित २ युवकलाई पक्राउ गरेकाे छ ।

पक्राउ पर्नेमा बाराकाे कलैया उपमहानगरपालिका वडा नं.९ रामपुर बस्ने बर्ष २० को रोशन साह कलवार र बर्ष २९ को चन्दन प्रसाद कुशवाहा रहेका छन् ।

बिशेष सुचनाकाे आधारमा जिल्ला प्रहरी कार्यालय पर्साबाट साेमबार खटिएको प्रहरी टोलीले चेकजाँच गर्ने क्रममा बीरगंज महानगरपालिकाकाे वडा नं.२५ मौजे सिर्सियास्थित सडक खण्डबाट सुरुमा लागु औषध इन्जेक्सनसहित कलवारलाई पक्राउ गरेकाे थियाे ।

आफ्नो साथी र सवारी साधन कुरिरहेकाे कलवारकाे साथबाट लागु औषध फेनारगन ६०० एम्पुल, डाइजेपाम ६०० एम्पुलर नुर्फिन ६०० एम्पुल इन्जेक्सन गरी (जम्मा १८०० एम्पुल) फेला परेपछि पक्राउ गरिएकाे जिल्ला प्रहरी कार्यालय पर्साले जनाएकाे छ । 

कलवारले आफुसंग हातमा लिइ राखेको ब्यागलाई तलासी गर्दा लागु औषध इन्जेक्सन फेला पारी आवश्यक सोधपुछ गर्दा निजकै सुचनाको अधारमा साेही दिन जिल्ला ट्राफिक प्रहरी कार्यालय बारा र जिल्ला प्रहरी कार्यालय बाराको ठिक बीच बाल मन्दिर अगाडी सडक खण्डबाट ना.२० प ६४२८ नम्बरको मोटरसाइकलमा सवार कुशवाहा समेतलाई नियन्त्रणमा लिइएकाे प्रहरी कार्यालयले जनाएकाे छ ।

प्रहरी कार्यालय पर्साले जनाए अनुसार दुबै जनालाई जिल्ला प्रहरी कार्यालयमा राखि लागु औषध नियन्त्रण ऐन २०३३ बमोजिम लागु औषध सम्बन्धि कसुर मुद्दा दर्ता गरी थप अनुसन्धान कार्य भइरहेको छ ।

प्रचण्ड नआउने भएपछि बिन्दावासिनीमा हुने श्रद्धाञ्जली सभा स्थगित

0

वीरगंज । पर्साकाे बिन्दवासिनी गाउँपालिका वडा नं. २ बहुअर्वा भाठामा बुधबार हुने स्व. मुकेश चाैरसियाकाे श्रद्धाञ्जली सभा स्थगित भएकाे छ ।

श्रद्धाञ्जली सभाका प्रमुख अतिथी नेपाल कम्युनिष्ट पार्टी (नेकपा)का कार्यकारी अध्यक्ष पुष्प कमल दाहाल “प्रचण्ड” नआउने भएपछि कार्यक्रम स्थगित भएकाे हाे । सभा आयाेजक नेकपा बिन्दवासिनी गाउँपालिका कमिटीले मंगलबार एक प्रेस विज्ञप्ती जारी गर्दै कार्यक्रम स्थगित भएकाे जनाएकाे छ ।

गाउँपालिका किमिटीका अध्यक्ष बिक्रम प्रसाद चाैरसियाले प्रेस विज्ञप्ती जारी गर्दै कार्तिक २६ गते हुने स्व. चाैरसियाकाे श्रद्धाञ्जली सभा स्थगित गरिएकाे जनाएका हुन । विज्ञप्ती मार्फत तेह्राैं दिनकाे पुण्य तिथीमा पार्टीका कार्यकारी अध्यक्ष प्रचण्ड लगायत विशिष्ट नेताहरुकाे उपस्थितीमा हुने श्रद्धाञ्जली सभा देशकाे राष्ट्रिय राजनिति अत्यन्त गम्भिर अवस्थामा रहेकाे र विश्व महामारीकाे कहरकाे बर्तमान अवस्थालाई मध्यनजर गर्दै स्थगित गरिएकाे जनाइएकाे छ ।

 १० औं हजारकाे जन सहभागितामा हुने श्रद्धाञ्ज सभा अध्यक्ष प्रचण्डकाे सल्ला अनुसार स्थगित गर्नु परेकाे विज्ञप्तीमा उलेख गरिएकाे छ ।

अध्यक्ष प्रचण्डले पनि बिन्दवासिनी गाउँपालिका कमिटीका अध्यक्षलाई एक पत्र लेख्दै श्रद्धाञ्जली सभामा काेभिड १९ काे महामारी र राष्ट्रिय राजनितिमा उत्पन्न समस्याका कारण प्रमुख अतिथीकाे रुपमा मेराे उपस्थिती हुन नसक्ने जनाएका छन् ।

कार्तिक ६ गते नेकपा बिन्दवासिनी गाउँपालिका कमिटीका पदाधिकारी तथा सदस्यहरुकाे सपथ ग्रहण कार्यक्रममा दुई पक्ष बिच भएकाे झडपमा परी गम्मिर घाइते भएका नेकपा जिल्ला सदस्य एवं गाउँपालिका किमिटीका सचिव स्व. चाैरसियाकाे कार्तिक ७ गते उपचारकाे क्रममा मृत्यु भएकाे थियाे । 

नेकपा सरकारको लागि जनता भन्दा सत्ता प्यारो : सांसद यादव

0

वीरगंज । पर्सा क्षेत्र नम्बर १ का प्रतिनिधि सभा सदस्य (सांसद) प्रदिप यादवले नेकपा सरकार जनतालाई दु:ख परेको बेला पनि सत्ता र पार्टी जोगाउन व्यस्त रहेको आरोप लगाएका छन ।

जनता समाजवादी पार्टी बीरगंज – २१ वडा ईकाई समिति परवानीपुरले आयोजना गरेको पार्टी प्रवेश कार्यक्रममा बोल्दै सांसद यादवले सरकारमा रहेको नेकपा सरकारको लागि जनता भन्दा सत्ता प्यारो रहेको आरोप लगाए । जनता समाजवादी पार्टीका केन्द्रीय सदस्य समेत रहेका सांसद यादवले देश र जनता इतिहासकै एक कठिन समयबाट गुज्रिरहेको बेला पनि कम्युनिस्ट सरकारले जनताको पर्वाह नगरी सत्ताको पाठ मात्र पढ्दै आएको बताए |

कार्यक्रममा बोल्दै सांसद यादवले अहिलेको कोरोना भाइरस (कोभिड-१९) महामारीले विश्व नै थमेको बेला हाम्रो नेपाल पनि अछुतो नरहेको भएपनि यस महामारीबाट जनतालाई जोगाउन तथा राहत दिने काम सरकारको भए पनि सरकार सत्ता र पार्टी जोगाउन मात्र व्यस्त रहेको आराेप लगाए ।

उनले नेकपा भित्रको आन्तरिक बिबादका कारण जनतालाई सास्ती भोग्नु परेको बताए । साथै अहिलेको परिस्तिथि कठिन भएपनि एउटा रोडमयेप तयार गरेर सरकार अगाडी बढेर काम जनताको हितको लागि काम गर्नु पर्ने भएनी यो सरकारले झन् आफ्नै देशको जनतालाई बेवास्ता गरेर यस महामारीबाट ज्यान जोगाउन गरोह भएको सम्पूर्ण नेपाली जनतालाई आर्थिक भार थपेको आराेप लगाए |

अहिलेको परिस्तिथिमा जनता भोकले र रोगले आफै बच्नु पर्ने रहेको र न सरकार न प्रतिपक्षकै अनुभूति जनताले पाएको भन्दै दु:ख व्यक्त गरे | । सांसद यादवले अबको वैकल्पिक शक्ति जनता समाजवादी पार्टी हुने निश्चित रहेको बताए ।

जनता समाजवादी पार्टी आज तेस्रो शक्ति देखिदा पनि सम्पुर्ण मधेशवादी र आफनो हक अधिकारका लागी संघर्षरत रहेका समर्पुण शक्ति हरु एक जुट भएर अगाडी बढेपछी झन बलियो रूपमा प्रस्तुत हुने विश्वास लिएको उनले बताए । 

कार्यक्रममा विभिन्न पार्टि परित्याग गरी १ सय २५ जना जनता समाजवादी पार्टीमा प्रवेश गरेका थिए । कार्यक्रममा नेकपाका स्थानीय नेता पुर्व माओबादी पर्साका सह-सेक्रेटरी मजदुर नेता ‘राजदेव पासवानको नेतृत्वमा दिनेश यादव, जितेन्द्र शर्मा, राजदेव यादव, नन्दु महतो तत्वा, रामसुरत महतो तत्वा, जहर महतो लगायतकाले प्रबेश गरेका हुन् ।

यस्तै नेपाली कांग्रेस परित्याग गरी चन्द्रिका कुशवाहाको नेतृत्वमा मुस्तकिम देवान, उमेश महतो तत्वा ,रुप्चन पासवान लगायत प्रबेश गरेका छन् ।

पार्टी प्रवेश कार्यक्रममा प्रदेश सासंद जन्नत अंसारी, जनता समाजवादी पार्टीका जिल्ला उपाअध्यक्ष वासुदेव यादव, जिल्ला सदस्य नागमणि उपाध्या, संसदीय प्रतिनिधि घनश्याम गुप्ता, समाजवादी युवा फोरमका केन्द्रिय सचिव सरोज यादव लगायत नेता कार्यकर्ताको उपस्तिथी थियो । 

विरगंज महानगरपालिका वडा न.२१ जनता समाजवादी पार्टीका ईकाइ अध्यक्ष निरन्जन पटेलकाे अध्यक्षतामा भएकाे कार्यक्रमको सहजीकरण युवा नेता राधाकृष्ण रौनियारले गरेका थिए ।

३ महिलासहित ८७ जनाद्वारा रक्तदान

0

वीरगंज । बाराकाे सदरमुकाम कलैयामा आज रक्तदान कार्यक्रम सम्पन्न भएकाे छ । कलैया युवा विकास क्लबकाे आयाेजनामा भएकाे कार्यक्रममा ३ महिलासहित ८७ जनाले रक्तदान गरेका छन ।

क्लब का अध्यक्ष पपु कुमार साहकाे अध्यक्षतामा भएकाे कार्यक्रमको उद्घाटन प्रदेश सभा सदस्य ज्वाला साहले गरेकी थिइन ।

कलैया उपमहानरपालिकाकाे वडा नं. ४ काे कार्यालय प्राङ्गणमा भएकाे कार्यक्रममा रबी गुप्ता, राजु साह, शुसिल कुमार साह, निरज अधिकारी, श्रीराम प्रसाद साह, बिमल कुमार साह, गाेबिन्द कुमार साह, निरज सर्राफ, अशाेक कुमार तिवारी, कृष्णा पटेल, अस्मिता खनाल, मनिष कुमार साह, राजिव कुमार साह, कृष्णा मुरारी, मदन प्रसाद साह, राहुल साह कलवार, जटाशंकर  प्रसाद यादव, सुजित पाण्डे लगायतकाले रक्तदान गरेका छन् । 

साे कार्यक्रममा प्रदेश सभा सदस्य पारस प्रसाद साह, कलैया उपमहानगरपालिका नगर प्रमुख राजेश राय यादव, बारा प्रहरी प्रमुख प्रहरी उपरीक्षक कृष्ण पगेनी, प्रहरी नायब उपरिक्षक गौतम मिश्र, गोपाल सेवा समिति बाराका अध्यक्ष जंगबहादुर यादव लगायतकाे उपस्थिति रहेको थियोे । कार्यक्रमकाे संचालन बिरेन्द्र साहले गरेका थिए ।

कार्यक्रममा प्रमुख अतिथी, बिशिष्ठ अतिथी र अतिथीहरुलाई आयाेजक संस्थाले गमछा ओढाएर र मायाँकाे चिन्हाे प्रदान गरी सम्मानसमेेत गरेकाे थियाे ।

क्लबकाे भवन भत्काउन गाउँपालिका अध्यक्षकाे प्रयासमा गाउँवासीकाे अवराेध

0

वीरगंज । पर्साकाे कालिकामाई गाउँपालिका वडा नं. २ गदियानीस्थित रहेकाे एक समाजिक संस्थाकाे भवन भत्काउने जनप्रतिनिधिकाे प्रयास स्थानियकाे अवराेधका कारण असफल भएकाे छ ।

ब्रिलिएन्ट युवा क्लब नामक स्थानिय गैर सरकारी संस्थाकाे भवन भत्काउन बिहिबार जेसीबी लिएर गाउँपालिका अध्यक्ष नथुनी प्रसाद कुशवाहा र वडाध्यक्ष साेनालाल प्रसाद चाैरसिया प्रहरीकाे साथमा आफै पुगेका थिए । क्लबकाे भवन भत्काउन गाउँपालिका अध्यक्ष र वडाध्यक्ष जेसीबी लिएर आएकाे थाह पाए लगतै गाउँवासीहरु विराेधमा उत्रेपछि उनीहरुकाे प्रयास असफल भयाे ।

गाउँवासीहरुले गाउँपालिका अध्यक्ष कुशवाहा र वडाध्यक्ष चाैरसियासंग किन भवन भत्काउन खाेज्नु भएकाे ? प्रश्न गर्दै बिराेधमा उत्रे पछि केही बेेर तनावसमेत भएकाे थियाे । तनावलाई झडपमा परिणत हुन नदिन प्रहरीले छलफलकाे लागि दुबै पक्षलाई बसाएकाे थियाे ।

क्लब कै भवनकाे छत माथी करिब डेढ घण्टा जति भएकाे छलफलबाट गाउँपालिका अध्यक्ष कुशवाहा र वडाध्यक्ष चाैरसियाकाे अडान पुरा नभएपछि बाहिरिएका थिए । क्लबकाे भवन भत्काउने एउटै अडानका कारण छलफलबाट दुबै जना निस्किए पछि कुनै निस्कर्ष निस्कन सकेकाे थिएन । त्यपछि उनीहरु जेसीबी लिएर फिर्ता गएका थिए ।

उनीहरुले भत्काउन खाेजेकाे क्लबकाे भवन कुनै बाटाेमा पनि परेकाे रहेनछ । अकास्मात बिना कुनै सुचना गाउँपालिका अध्यक्ष र वडाध्यक्षले पावरकाे दुरुपयाेग गर्दै राजनितिक रिस्बी साध्न क्लबकाे भवन भत्काउन पुगेपछि आफुसहित गाउँवासी आश्चर्य चकित भएकाे क्लबका अध्यक्ष छठु साहले वताए ।

उनले आफुहरुले कुनै पनि हालतमा निर्माण भएकाे संरचना भत्काउन नदिने अडान लिएपछि उहाँहरु फिर्ता जानु भएकाे वताए ।

उनका अनुसार करिब १५ बर्ष पहिला ७ दलिय निर्णय अनुसार क्लबलाई भवन निर्माण गरी कार्यालय संचालनकाे लागि १० धुर जग्गा प्रदान गरिएकाे रहेछ । साेही निर्णय अनुसार करिब १० बर्ष पहिला गदियानीस्थि सार्वजनिक पाेखरिकाे डिलमा निर्माण गरिएकाे भवन भत्काउन जनप्रतिनिधिहरु पुगेका रहेछन ।

क्लबकाे कार्यालय संचालन रहेकाे भवन भत्काउन जिल्ला अदालतदेखी सर्वाेच अदाल सम्म मुद्दा पनि चलेकाे रहेछ । 

न्यालय सम्म पुगी सकेकाे बिषयलाई कुनै निकायले हस्तक्षेप गर्न नमिल्ने प्रावधान भए पनि जनप्रतिनिधिहरुले आफ्नाे पद र पावरकाे दुरुपयाेग गर्दै भवन भत्काउन जेसीबी लिएर पुगेपछि स्थानियहरु आक्राेशित भएका थिए । 

सार्वजनिक जग्गामा निर्माण गरिएकाे भवनमा संस्थाकाे कार्यालय संचालन गर्न दिनु छैन् भने गाउँ कार्यपालिकाकाे बैठकबाट निर्णय गरेर अन्य थाेक पनि संचालन गर्न सकिने उनीहरुकाे भनाई रहेछ ।

भत्काउन खाेजिएकाे भवनलाई धर्मशाला अथवा पशु अस्पताल बनाउन सकिने स्थानियहरुकाे माग रहेकाे छ । तर चन्दा संकलन गरेर स्थानिय युवाहरुले निर्माण गरिदिएकाे संरचना कुनै पनि हालतमा भत्काउन नदिन स्थानिय नगिना राउत गद्दिले वताए ।

उनले भने “हाम्राे गाउँमा एउटा धर्मशाला पनि छैन । नत्र पशु अस्पताल नै छ । ठिक छ क्लबकाे कार्यालय संचालन गर्न दिनु छैन भने साे पक्की भवनलाई धर्मशाला कायम गर्नु पर्छ अथवा भवन अगाडी पशु अस्पतालकाे लागिसमेत रहेकाे संरनाकाे सदुपयाेग गर्दै पशु अस्पताल बनाउन सकिन्छ ।

अर्का स्थानिय उदेश्य गिरीले पनि निर्माण भएकाे संरचना भत्काउन नहुने वताए । निर्माण भएकाे संरचनाकाे फाइदा उठाउदै त्यसकाे कुनै प्रयाेगमा ल्याउनु पर्ने वताए । जबर्जस्ती भत्काउन खाेजिए त्याे गलत हुने र त्यस्ताे हुन नदिने वताए ।

स्थानिय जेष्ठ नागरिक अशेसर राउतले गद्दीले पनि भत्काउन खाेजिएकाे भवनलाई धर्मशाला कायम गरिए यहाँका गरिब जनतालाई धेरै राहत हुने वताए । उनले भने “निर्माण भएकाे भवन भत्काएर के फाइदा ? त्यसाे पनि यहाँ कुनै एउटा सार्वजनि भवन पनि छैन । एउटा छ पनि त्यसलाई भत्काउनु खाेज्नु एकदमै गलत हाे । धर्मशाला कायम गरिए गरिब जनताकाे छाेरा र छाेरीकाे बिहेबारी गर्न सजिलाे हुने थियाे “

गाउँ कार्यपालिका सदस्य रामानन्द ठाकुरले क्लबकाे भवन भत्काउन कार्यापालिकाबाट कनै किसिमकाे निर्णय नभएकाे वताए । उनले भने समाजिक संस्थाकाे भवन भत्काउन कार्यपालिकाकाे बैठकबाट निर्णय हुनै सक्दैन । कसैले त्यस्ताे गलत निर्णय गराउन खाेजे आफुहरु हुन पनि नदिने उनले वताए ।

गाउँपालिकाका प्रवक्तासमेत रहेका गाउँ कार्यपालिका सदस्य एंव वडा नं. ५ का वडाध्यक्ष पवन तिवारीले भवन भत्काउन कार्यपालिकाबाट निर्णय भए नभएकाे आफुलाई याद नभएकाे वताए ।  

गाउँ कार्यपालिकाकाे निर्णय भए नभएकाे बारे बुझ्न प्रमुख प्रशासकिय अधिकृत जयचन्द्र साहसंग फाेन सम्पर्क गर्न खाेज्दा सुरुमा फाेन नउठेका कारण सम्पर्क हुन सकेन । केही बेरपछि फेरी फाेन गर्दा उनले आफ्नाे माेबाइल स्विच अफ गरिदिए ।

पकहा मैनपुर र कालिकामाईका सयाैं जना नेपाली कांग्रेसमा प्रबेश

0

वीररगंज । पर्साकाे पकहा मैनपुरमा गाउँपालिका वडा नं. ५ सबैठवामा बुधबार नेपाली कांग्रेसकाे पार्टी प्रबेश कार्यक्रम सम्पन्न भएकाे छ ।

पर्साकाे निर्वाचन क्षेत्र नं. ४ अन्तर्गत पर्ने सबैठवामा आयाेजित कार्यक्रममा पकहा मैनपुर गाउँपालिका र कालिकामाई गाउँपालिकाकाे विभिन्न वडाका सयाैं जना नेपाली कांग्रेसमा प्रबेश गरेका छन् । कार्यक्रममा पकहा मैनपुर गाउँपालिका वडा नं. ५ सबैठवाका नेपाल संघिय समाजवादी पार्टीका पर्सा जिल्ला उपाध्यक्ष नसुरल्लाह मियाँ र कालिकामाई गाउँपालिका वडा नं. २ भेडिहारीका तत्कालिन संघिय समाजवादी पार्टीका वडा समिति अध्यक्ष लालबाबु प्रसाद चाैरसियासहित ५ सय जना भन्दा बढीले पार्टी प्रबेश गरेका छन् ।

गत स्थानिय तहकाे निर्वाचनमा गाउँपालिका अध्यक्षमा र संघ तथा प्रदेशकाे निर्वाचनमा पर्सा क्षेत्र नं. ४ काे ख बाट प्रदेश सभा सदस्यमा चुनाव लडेका मियाँकाे नेतृत्वमा २ सय ७३ जना र चाैरसियाकाे नेतृत्वमा ४५ जना पार्टी प्रबेश गरेका हुन् ।

त्यसैगरी, तत्कालिन संघिय समाजवादी पार्टीबाट कालिकामाई गाउँपालिका वडा नं. १ का वडाध्यक्षमा चुनाव लडेका रामविश्वास चाैहान, तत्कालिन समाजवादी पार्टी वडा समितिका अध्यक्ष कदिर मियाँ, वडा नं. २ का उपाध्यक्ष बिश्वनाथ चाैरसिया,  वडा नं. ३ का जसपाका स्थानिय नेता रामविनेश पटेल, नेपाल संघिय समाजवादी पार्टीबाट वडा नं. ४ काे वडाध्यक्षमा चुनाव लडेका संजय साह गाेढ, साेही पार्टीबाट पकहा मैनपुर गाउँपालिका वडा नं. ५ काे वडा सदस्यमा निर्वाचित रमावती देबी, नेकपाका गिनी शर्मा, अनवत राम, जसपाका सरिफ मियाँ, महमद कलाम मियाँ लगायतकाले नेपाली कांग्रेसमा प्रबेश गरेका छन् ।

नव प्रबेशी सबै जनालाई नेपाली कांग्रेसका केन्द्रिय सदस्य रमेश रिजाल, अजय चाैरसिया, पर्सा जिल्ला सभापति अजय द्विवेदी लगायतका नेताहरुले अबिरकाे टिका र फुलकाे माला लगाई स्वागत गरेका थिए ।

पार्टी प्रबेश कार्यक्रमलाई सम्बाेधन गर्दै केन्द्रिय सदस्य रिजालले मधेशकाे अधिकार दिलाउनकाे लागि नेपाली कांग्रेस बाहेक कुनै पार्टी सक्षम नरहेकाे वताए । उनले नेकपा र जसपाका संघिय तथा प्रदेश सांसदहरुले जनता अधिकार दिलाउनु भन्दा पनि आफ्नाे स्वार्थ परिपुर्ति गर्न तर्फ लागेकाे आराेपसमेत लगाए ।

कार्यक्रमकाे प्रमुख अतिथीसमेत रहेका नेता रिजालले मधेशकाे ठेक्का लिएर बसेका र दुई तिहाईकाे सरकार भएकाहरु मात्र पैसा कमाउन भ्रष्टचारमा लिप्त भएकाे आराेप लगाए ।

अर्का केन्द्रिय सदस्य चाैरसियाले मधेशका मुद्दा लिएर चुनाव जितेकाहरु अहिले चुप लगेर बसेकाे वताए । उनले मधेश, जनजाति, दलित लगायतकाे सांझा प्रतिनिधित्व र पहिचानकाे लागि नेपाली कांग्रेसकाे विकल्प नरहेकाे वताए ।

कार्यक्रमका विशिष्ठ अतिथीसमेत रहेका नेता चाैरसियाले काेराेना महामारीकाे समयमा पनि जसपा नेतृत्वकाे प्रदेश २ सरकार तथा नेकपा नेतृत्वकाे संघिय सरकारले जनताकाे माैलिक हक अधिकार सुनिश्चित गर्नुकाे साटाे भ्रष्टचारमा लिप्त भएकाे आराेप लगाए ।  

जिल्ला सभापति द्विवेदीले अधिले अधुराे लाेकतन्त्र रहेकाे वताए । अहिलेकाे लाेकतन्त्र सम्पूर्ण जनताकाे लागि नभई उच्च बर्गका व्यक्तिहरुकाे लागि मात्र भएकाे उनले वताए ।

जुन बेला सम्पर्ण जनताकाे लागि लाेकतन्त्र महसुस हुन थाले त्याे दिन पूर्ण लाेकतन्त्र आउने उनकाे भनाई थियाे । 

पकहा मैनपुर गाउँपालिका वडा नं. ५ सबैठवाका वुथ सभापति बलिराम चाैरसियाकाे सभापतित्वमा भएकाे कार्यक्रममा प्रदेश सभा सदस्य शंकर चाैधरी, वीरगंज उपमहानगरपालिकाकी उप मेयर शान्ति कार्की, महासमिति सदस्य बिशष्ठ नारायण कुर्मी, क्षेत्र नं. ४ का सभापति रमेश पाण्डे, जिल्ला सदस्य नविन सिंह, कालिकामाई गाउँपालिका संयाेजक राजिन्द्र प्रसाद कुुर्मी, पकहा मैनपुर गाउँपालिका संयाेजक हरि चाैहान, बब्लु श्रीवास्तव, धमेन्द्र पटेल, बलिष्टर अहमद लगायतकाे सभागिता रहेकाे थियाे भने कार्यक्रमकाे संचालन छठु साहले गरेका थिए ।