Date
शुक्र, मंसिर ४, २०८३
Fri, November 20, 2026
Home Blog Page 902

मुकेश चाैरसिया हत्याकाे मुख्य अभियुक्त पक्राउ

0

वीरगंज । नेकपाका जिल्ला सदस्य मुकेश चौरसियाकाे हत्याका मुख्य अभियुक्त पक्राउ परेका छन ।

पर्साकाे बिन्दवासीनी गाउँपालिका वडा नं ५ प्रसौनीमा कार्तिक ६ गते नेकपा गाउँपालिका कमिटीको शपथ ग्रहण कार्यक्रममा भएको दोहोरो झडपमा साेही ठाउँ निवासी ३४ बर्षिय मुकेश चौरसियाको हत्या भएको थियो । 

साेही घटनाका मुख्य प्रतिवादी बिन्दवासिनी गाउँपालिका वडा नं. ३ इटियाही निवासी बर्ष ३८ का अखिलेश चौरसियालाई प्रकाउ परेकाे प्रहरीले जनाएकाे छ ।

अशेसर प्रसाद चाैरसिया भन्ने अखिलेश चाैरसियालाई वीरगंज महानगरपालिकाकाे वडा नं. २५ अलाैं, श्रीसियाबाट पक्राउ गरिएकाे जिल्ला प्रहरी कार्यालय पर्साले जनाएकाे छ । 

 त्यतिबेला भएको झडपको सार्वजनीक भएको भिडियो फूटेजमा चौरसियालाई बाँसले प्रहार गर्ने अखिलेश चौरसिया रहेको बताइएको छ । 

दुइ पक्षवीच भएको झडपमा परि घाइते भएका मुकेश चौरसियाको उपचारको क्रममा बीरगंजको एलएस न्यूरो अस्पतालमा कार्तिक ७ गते निधन भएको थियो ।

यस अघिनै अर्का आराेपति उत्तम तिवारी पक्राउ परिसकेका छन् । घटना भएकै दिन पनि केहीलाई प्रहरीले नियन्त्रणमा लिएको थियो । 

आर्यनको जोडी बन्न सुहानालाई प्रस्ताव

0

नायिका सुहाना थापा चलचित्र ‘ए मेरो हजुर ४’को छायांकनका व्यस्त छिन् । पहिलो चलचित्र ‘ए मेरो हजुर ३’पछि नै चर्चामा रहेकी सुहानाले होम प्रोडक्शन भन्दा बाहिरको चलचित्रमा काम गरेकी छैनन् ।

तर, सुहानालाई चलचित्रको अफर भने आइरहेको छ । शनिबार घोषणा भएको चलचित्र ‘डिसेम्बर फल्स’बाट पनि सुहानालाई अफर गएको वुझिएको छ । नायक आर्यन सिग्देलको मुख्य भूमिका रहने चलचित्रका लागि नायिकाको खोजी जारी छ ।

सुहानाका पिता सुनिल कुमार थापाले पनि ‘डिसेम्बर फल्स’बाट अफर आएको कुरा स्विकार गरे । उनले भने–‘सुहानालाई चलचित्रको अफर आएको थियो । उनले स्क्रिप्ट पनि पढिसकेकी छिन् । तर, काम गर्ने वा नगर्ने पक्का भएको छैन ।’

यो चलचित्रले नायक र नायिकाको उमेर अन्तरको कथालाई देखाउनेछ । यसैले पनि आर्यनका लागि सुहानालाई अफर गरिएको वुझिएको छ ।

सुहानाले पनि चलचित्रको कथा मन पराएकाले काम गर्ने विश्वास निर्माणपक्षको छ । चलचित्रको छायांकन माघबाट सुरु गर्ने योजनामा यसको निर्माणपक्ष रहनुको एक कारण सुहानाले काम गर्छिन् भन्ने आशा पनि हो ।

बस्डिलवामा आयाेजित भलिबल प्रतियाेगितामा सुगाैली बिजयी

0

वीरगंज । वीरगंज महानगरपालिकाकाे वडा नं २९ बस्डिलवामा आयाेजित भलीबल प्रतियाेगिताकाे शनिबार भएकाे फाइनल खेल सुगाैलीले भलिबल टिम बिजयी भएकाे छ ।

दिपावली तथा छठ पर्वको उपलक्ष्यमा कार्तिक ३० गतेदेखि श्री नेपाल राष्ट्रिय आधारभुत बिद्यालय बस्डिललाको प्राङ्गणमा भएकाे फाइलन खेलमा सगरमाथा देउरबाना भलीबल टिमलाई हराउदै सुगाैली बिजयी भएकाे हाे ।

जनजागृति युवा क्लब बसडिलकाे आयोजनमा भएकाे बस्डिलवा भलीबल प्रतियोगिताकाे फाईनल खेलकाे शुरूवातीमा सुगौलीले एक फोवाईनटले जितेको थियो । दोस्रो पोवाईनटमा पनि सुगौली भलीबल टिमले चार अंकले जितेको थियो ।

त्यस्तै तेस्रो पोवाईनटमा चार अंकले सुगौली नै जितेको थियो । अन्तिम पाँच रनीको खेलमा सुगौली तीन रनीले जितेको थियो।

प्रथम हुने सुगौली भलीबल टिमलाई नगद रु बिस हजार, सिलड, मेडल र प्रमाण पत्रले प्रमुख अतिथि प्रधुमन यादबले पुरस्कृत गरे । प्रतियाेगितकाे उप बिजेता हुने देउरबानालाई नगद दश हजार, सिलड, मेडल, प्रमाण पत्रले बिशिष्ट अतिथि वडाध्यक्ष धर्मेन्द्र महतो थारुले पुरस्कृत गरेका थिए । 

प्रमुख अतिथि समाजसेवी यादवले गाउँ घरको बाटो निर्माण, पुल, नालाको बिकास भए मात्र बिकास नहुने वताए । उनले ठाउँ समाजकाे बिकाश हुन खेलकाे पनि जरुरी रहेकाे वताए । 

प्रतियाेगिताकाे अनुशासित टिम छातापिपरा भलीबल टिम बारा, मैन अफ द सिरीज नव जागृत युवा क्लब सुगौली पर्साका प्रितम चौधरी, मैन अफ द मैच सागरमाथा दउरबाना भलीबल टिमका आलोक चौधरी घाेषित भएकाे आयोज क्लबका टिम कप्तान हेमन्त प्रसाद थारूले जनकारी दिए ।

आयाेजक जागृति युवा क्लब बसडिलवाका अध्यक्ष देवपुजन प्रसाद गौराे थारुको अध्यक्षतामा भएकाे पुरस्कार वितरण कार्यक्रममा स्वागत मन्तब्य बिनोद प्रसाद चौधरी र संचालन बालेश्वर प्रसाद चौधरीले गरेका थिए ।

जसपाकाे शुभकामना अदानप्रदान, पाेखरिया अस्पतालाई भेन्टिलेटर

0

वीरगंज । पर्साकाे पाेखरियामा जनता समाजवादी पार्टी (जसपा) काे शुभकामना अदान प्रदान कार्यक्रम सम्पन्न भएकाे छ । जसपा पोखरिया नगरपालिकाको आयोजनामा छ्ठ पर्वको शुभकामना अदानप्रदान कार्यक्रम सम्पन्न भएकाे हाे । 

कार्यक्रमलाई सम्बाेधन गर्दै प्रदेश नं. २ का मुख्यमन्त्री लालबाबु राउत गद्दीले पाेखरिया अस्पतालसंग मेराे आतमियता रहेकोले अस्पतालकाे बिकासकाे लागि आफु सहयोग गर्न सदैव तयार रहेकाे वताए ।

अस्पतालको कर्मचारीदेखि हरेक कुरा व्यवस्थापन गर्न प्रदेश सरकार तयार रहेको उनकाे भनाई थियाे । कार्यक्रमका प्रमुख अतिथीसमेत रहेका मुख्यमन्त्री गद्दीले पोखरियालाई सेटे लाइट सहरमा रुपमा बनाइने वताए । 

पोखरिया नगरपालिकाकी उप मेयर सालमा खातुनको अध्यक्षतामा भएको कार्यक्रममा प्रदेश सांसद प्रहलाद गिरि, मन्जुर अन्सारी, मेयर दिपनारयण रौनियार, जसपा नेता शिव पटेल, नेजामुदिन सम्मानी, रामनरेश यादव, तबरेज अहमद, वडाध्यक्ष लक्षुमन साह कानु, युएनडिपिका प्रतिनिधि बिपुल झा लगायतले शुभकामना मन्तव्य राखेका थिए ।

कार्यक्रममा स्वागत राजु साह र संचालन उमेश पटेलले गरेका थिए ।

साेही कार्यक्रममा युएनडिपिको सहयोगमा पोखरिया अस्पताललाई एक थान भेन्टिलेटर प्रदान गरिएकाे थियाे । रु ३७ लाख पर्ने भेन्टिलेटर १ थान र अक्सिजन कन्स्लटेटर १ थान मुख्यमन्त्री गद्दीले अस्पतालका अध्यक्ष लक्षुमन साह र मेसु अनिल यादवलाई हस्तान्तरण गरेका थिए ।

दिपावली कै राति पर्सामा आगलगी, एक जनाकाे मृत्यु

0
फाइल तस्बिर

वीरगंज । पर्साकाे बहुदरमाई नगरपालिका वडा नं. ८ रामनगरीमा गएराति आगलगी हुदा एक जनाकाे मृत्यु भएकाे छ ।

दिपावली मनाउ बालिएकाे दियाेले मनबाेध साहकाे फुसकाे घरमा आगलगी हुदा साेही घरमा सुति रहेकी उनकाे १५ बर्षिय छाेरी मना कुमारी साहकाे मृत्यु भएकाे प्रहरीले जनाएकाे छ ।

मृत्यु भएकाे युवतीकाे शव पाेष्टमार्टमकाे लागि वीरगंजस्थित नारायणी अस्पतालमा पठाइएकाे इलाका प्रहरी कार्यालय पाेखरियाका प्रहरी निरिक्षक दिपक थापाले वताए ।

राती १० बजेकाे करिबमा भएकाे आगलगीले घरमा रहेकाे लत्ता कपडा, गरगहाना, फर्निचर, नगदसहित रु ५ लाख बराबरकाे क्षति समेत भएकाे पिडितले जनाएका छन् ।

स्थानियहरुका अनुसार आगलगी भएकाे घर नजिकै एउटा अझै मनवाेधकाे कंची (खप्डा) घर रहेकाे छ । कंची घरमा सुितरहेकाे मनवाेधका परिवारका अन्य सदस्यहरु बांच्न सफल भएका छन् ।

फुसकाे घरमा आगलगी भएकाे हल्ला भएपछि कंची घरमा सुति रहेकाे व्यक्तिहरु थाह पाए लग्तै निस्केका थिए । तर आगलगी भएकाे फुसकाे घरमा एकलै सुति रहेकी मना निस्कन नसकेपछि मृत्यु भएकाे स्थानियहरुकाे भनाई छ ।  

आगलगी स्थलमा एउटा पनि दमकल पुग्न नसके पनि प्रहरीकाे सहयाेगमा स्थानियहरु आधि घण्टा पछि आगाे निभाउन सफल भएका थिए ।  

लागु औषधसहित मुर्लीका युवक पक्राउ

0

वीरगंज । पर्सा प्रहरीले वीरगंजबाट लागुु औषधसहित एक युवकलाई पक्राउ गरेकाे छ ।

लागु औषध नियन्त्रण व्युराे शाखा कार्यालय वीरगंजबाट प्रहरी नायब निरिक्षक तुल प्रसाद पुडासैनीकाे कमाण्डमा खटिएकाे प्रहरी टाेलीले वीरगंज १३ मुर्ली निवासी बर्ष १९ का अलि अकतर मंसुरीलाई पक्राउ गरेकाे हाे ।

वीरगंज महानगरपालिकाकाे वडा नं. १५ स्थित बसपार्कमा चेकजाँच गर्ने क्रममा बिहिबार सांझ ६ बजे पक्राउ परेका मंसुरीकाे साथबाट लागु औषध wincirex १० बाेतल र नाइट्राेभेट १५० पिस फेला परेकाे प्रहरी नायब निरिक्षक पुडासैनीले वताए ।

मंसुरीमाथी शंका लाग्दा निजले बाेकी ल्याएकाे झाेला खाेली हेर्दा लागु औषध फेला परेपछि नियन्त्रणमा लिएर कारवाहीकाे लागि जिल्ला प्रहरी कार्यालय पर्सामा बुझाइएकाे उनले जानकारी गराए । 

दाइजोमा मोटरसाइकल नदिएका कारण छोरीकाे हत्या भएकाे आरोप

0

वीरगन्ज । रौतहट जिल्लाको फतुवाविजयपुर नगरपालिका वडा नं. २ वर्गिनिया निवासी कैलाश राउतले आफ्नो छोरी कल्पा पटेलको हत्या गरिएको आरोप लगाएका छन् ।

छोरीको विवाह भएको चार महिना नवित्दै दाइजो स्वरुप मोटरसाइकलको बहानामा हत्या गरि आत्महत्या गरेको भनेर देखाउन खोजेको बताएका छन् । उनले सोही नगरपालिकाको वडा नं. १ गम्हरिया टोल निवासी रामएकवाल सिंहका २८ वर्षीय छोरा राकेश सिंह कुर्मीसँग यही २०७७ असार १४ गते हिन्दु रितिरिवाज अनुसार विवाह सम्पन्न भएको थियो ।

विवाहको बखत दाइजो वापत एक रुपैया नलिई केटा केटी पक्षले आआफ्नो खर्च आफै व्यवहोर्ने भनेर सहमति भएकोमा विवाहको दिनभन्दा दुई दिन अगाडि दाइजो स्वरुप ५ लाख नगद तथा मोटरसाइकल माग गरेका थिए । कोरोनाको कारण मुलुकमा लकडाउन रहेकोले तत्काल दाइजो दिन असमर्थ भएका केटी पक्षले आफूले सकेजति १ लाख ४० हजार नगद केटा पक्षलाई दिएर लकडाउन पश्चात मोटरसाइकल दिने सहमतिमा विवाह गराएका थिए ।

विवाह भएको एक महिना नवित्दै ससुरा पक्षबाट मोटरसाइकलको लागि छोरी कल्पा पटेललाई मानसिक यतना दिन थालियो र त्यस पश्चात दुई महिनासम्म छोरीलाई सम्पर्कविहीन बनाएर यही कात्तिक २६ गते बुधबार दिउँसो १ बजे गाउँका अन्य व्यक्तिबाट आफ्नो छोरीले आत्महत्या गरेको भनेर खबर आयो ।

आत्महत्या गरेको खबर सुन्ने वित्तकै आफू आकाशबाटै खसेझै महसुस भएको पीडित बुवाले आफ्नो छोरीले आत्महत्या नगरि ससुरा पक्षले हत्या गरेर आत्महत्या गरेको भनेर देखाउन खोजेको बताए । उनले ससुरा रामएकवाल सिंह, माहिलो दाई सुरेश सिंह, भाई युवराज सिंह भन्ने नरेश पटेल तथा सासुहरुको मिलोमतोमा छोरीको हत्या गरेर आत्महत्या देखाउन खोजिएको बताए ।

उनले दाईजो वापतको मोटरसाइकल लकडाउन पश्चात दिने भनेअनुसार भर्खरै एक हप्ता अगाडि मोटरसाइकल लिन आउन भनेपनि कोही नआएको र छोरीको हत्या गरेको बताए । उनका अनुसार त्यही केटाले आफ्नो ठुली छोरीको पनि हत्या गरेको बताए । सानो छोरी कल्पा पटेलसँग विवाह हुनु भन्दा अघि ठुली छोरी अमलादेवीसँग २०६५ सालमा विवाह भएको थियो ।

विवाह भएको १० वर्षपछि ससुरा पक्षले यही २०७७ साल वैशाख १ गते नयाँ वर्षको अवसरमा आयोजित भोज भतेरको मौका छोपेर छोरीलाई खानामा विष हालेर खुवाई खुवाएर ज्यान लिएको आरोप लगाए । विष खाएर गम्भिर अवस्थामा पुगेकी छोरीलाई आफैले तत्काल वीरगन्ज स्थित हेल्थ केयर अस्पतालमा उपचार गराएकोमा स्वास्थ्य अवस्थामा सुधार नआएपछि नेशनल मेडिकल कलेजमा रेफर गरिएको थियो ।

नेशनल मेडिकल कलेजमा उपचारार्थ छोरी अमला देवीको २०७७ वैशाख ३ गते विहान ११ः३० बजेको समयमा निधन भयो । अमलादेवीकी ९ वर्षीय छोरी नेहा कुमारी तथा ६ वर्षीय छोरा अँकुश कुमार रहेका छन् । छोरा छोरीलाई स्यहार सुधार गर्ने भन्ने उद्देश्य सहित सामाजिक दबाब अनुसार सानो छोरी कल्पा पटेलसँग विवाह गरेको बताए । छोरी आफ्नै घरमा झुण्डिएको अवस्थामा फेला परेको थियो ।

छोरीको मृत्यु पश्चात ससुरा पक्षका उल्लेखित सम्पूर्ण सदस्यहरु फरार रहेका छन् । मृतक छोरीको शवलाई वीरगन्ज स्थित नारायणी अस्पतालमा पोष्टमार्टम गरि सामाजिक परम्परा अनुसार दाहसँस्कार गरिएको पीडित बुवाले गुनासो पोखे । उनले घटनालाई सत्यतथ्य छानविन गरि दोषीलाई कडा भन्दा कडा कारवाही गर्न माग गरेका छन् ।

उनले आफूले एउटा नभई दुईवटा छोरी गुमाएको बताए । आफ्नै ठुलो छोरीको बच्चाहरुलाई राम्ररी पालन पोषण गर्न बच्चाको सानो आमाभन्दा अरु कोही उपयुक्त नहुने भन्दै सामाजिक दबाब आएपछि त्यही केटासँग सानो छोरीको पनि बाध्य भएर विवाह गराएको थिए तर यस्तो दिन आउँछ भनेर सोच्नै नसकेको बताए ।

डा. नीलिमा : बिरामीको सेवादेखि मिस युनिभर्स नेपालको प्रतिस्पर्धीसम्म

0

भर्खरै भारतबाट एमबीबीएस अध्ययन सकेर नेपाल फर्किएकी डा. नीलिमा श्रेष्ठले बाल्यकाल देखि नृत्य र संगीतमा रुचि राख्ने गर्थिन । जारी मिस युनिभर्स नेपालको अब्बल प्रतिस्पर्धी श्रेष्ठले अहिले आफुलाई सहयोग गर्न सामाजिक संजालका प्रयोगकर्ताहरुलाई अनुरोध गरिरहेकी छिन ।

फरक सोच र शैलीका साथ् आएकी श्रेष्ठले आफूलाई प्रमुख प्रतिस्पर्धीको रूपमा उभ्याएकी छिन् । उनले आफ्नो प्रस्तुतिमा रारा तालदेखी दैलेखको ऐतिहासिक बाईसदेवल सम्मको भिडियोहरु राखेकी छन् । उनको भिडियो हेरेपछि कला, सुन्दरता र बौद्धिकताको त्रिमुर्ति मेल भएको पाउन सकिन्छ । उनलाई ब्रेभ, ब्युटी र बोल्डको समष्टि भन्दा अतिसयोक्ति नहोला ।

उनिसहित अन्य प्रतिस्पर्धीहरुले आफ्नो आकर्षक भिडियोहरु अपलोड गरिरहेका छन् । विभिन्न घटनाहरुमा आधारित भएर प्रतिस्पर्धीहरुले भिडियो बनाइरहेका छन् । उनका भिडियोले नेपालको पर्यटन प्रबर्धनमा ठुलो टेवा पुग्ने देखिन्छ । एप्रोन लाएर फ्रन्टलाईनका खटिएर बिरामीको सेवा गर्ने निलिमाको सुन्दरता मिस युनिभर्सको स्पर्धाले झन् स्पातिलो बनाउने छ ।

उनले राखेको भिडियोमा आफ्नै पिताले लेखेको गित गाएकी छिन् । साथै मिस युनिभर्स नेपाल एप डाउनलोड गरेर आफ्ना भिडियो लाइक गर्न नीलिमाले अपिल गरेकी छिन् । फरक पेशा र पृष्ठभूमिबाट आएर नेपालका बत्तिमुनिका अध्यारो भनेर चिनिएका प्राकृतिक छटाको प्रचारप्रसारमा निलिमाले कुनै कसर बाँकी छाडेकी छैनन् ।

मिस युनिभर्स नेपालमा भाग लिन भोलिसम्मका लागी आवेदन खुल्ला राखिएको छ । मिस युनिभर्स नेपाल नामको एप मार्फत उक्त प्रतियोगिता भैरहेको छ । सभार : कान्तिपथ

श्राद्ध गर्न आँटेको आमा भेटिँदा खुसीका आँशुको बर्षा

0

वीरगंज । मानवसेवा आश्रम वीरगंजले बिछोड भएका ४ जनाकाे पारिवारिक पुनर्मिलन गराएकाे छ । 

मानवसेवा आश्रमको बीरगञ्ज शाखाका सेवा लिईरहेका १ पुरुष र ३ महिलाकाे पुनर्मिलन भएकाे छ । भारतकाे बिहार घर वताउने उनीहरुलाई आश्रमकाे टिमले मंगलबार उनीहरुले बताउने ठाउँतिर लग्यो । सबैजना मानसिक रुपमा कमजोर भएपनि आश्रमको औषधीउपचार पछि घर परिवार सम्म बताउन सक्ने भएका थिए ।

आश्रमका वीरगंज शाखा संयाेजक दिवेश मानवसेवाका अनुसार २०७३ साल असार १६ गते आश्रमले मानसिक तथा शारिरीक रुपमा कमजोर रहेकी अन्दाजी ४० बर्षीय महिलालाई उद्धार गरेर मिरा मानव नामाकरण ग¥यो । त्यसपछि उनी सबैकी मिरा दिदी बनिन् । मंगलबार भएको पहिलो पारिवारिक पुनर्मिलनमा बास्तविक नाम प्रतिमा मिश्र (मिरा दिदी) लाई सिरिवास बजार, बिहारमा बसोबास गर्ने २२ बर्षीय छोराले जिम्मा लिए ।

यस्तै पन्नापुर (मज्जफरपुर) को एक परिवार ३ वर्षदेखी खोजि गरिरहेकी आमा नभेटिएपछि उनको श्राद्ध गर्ने अन्तिम तयारीमा जुट्दै थियो । त्यसैक्रममा एककासी मानवसेवा आश्रमले पारिवारिक पुनर्मिलनको लागि रिजर्व गरेको गाडी श्राद्ध गर्न आँटेको परिवारको घर अगाडी रोकियो ।

गाडीको पछाडीको सिटबाट जब उनी झरिन् वातारण नै शुन्य भयो । अनि निस्कीयो पीडा र हर्ष सहितको आँशु । बीरगञ्ज महानगरपालिका, श्रीराम हल नजिकबाट उद्धार गरिएकी चमेली मानवको जो मानसिक साथै चर्मरोगको समस्याबाट समेत पिडीत थिईन् । 

यस्तै ५३ बर्षकी हेटौंडा उपमहानगरबाट उद्धार गरिएकी आश्रमले सुन्दरी आमा नाम राखिदिएको वास्तविक नाम लिलादेवी मिश्र रहेकी महिलालाई भेल्दी (सलखुवा), बिहार स्थित उनको माइतीमा पारिवारिक पुनर्मिलन गराएको छ । ३ वर्ष अगाडी माईतीबाट नै सामान किन्न बजार गएकी उनी कसरी नेपालमा पुगिन् भन्ने यकिन जानकारी छैन । ३ वर्षपछि माइती भेटिएपछि उनी खुसी छन् र माइतीले पनि स्वीकार गर्दै खुसीसाथ जिम्मा लिएको छ ।

बिहान ६ बजे बीरगञ्जबाट हिँडेको आश्रमको टिमले राति १ बजे पुनः बीरगञ्ज फर्किँदासम्ममा ३ वटा सुन्दर पारिवारिक पुनर्मिलन गराएको छ र सबैजनालाई परिवारले खोजि गरिरहेको थियो ।

रेडक्र्सद्वारा महिलाहरुलाई शारीरिक सरसफाइ सामग्री

0

वीरगंज ।  नेपाल रेडक्रस सोसाइटी पर्सा शाखाले महिलाहरुलाई शारीरिक सरसफाइ सामग्री वितरण गरेकाे छ ।

रेडक्रसद्वारा संचालित कोभिड-१९ पुर्वतयारी तथा प्रतिकार्य कार्यक्रम अन्तर्गत कोरोना रोगबाट प्रभावित भएका घरका महिलाहरुलाई शारीरिक सरसफाइ सम्बन्धि सामाग्री हस्तान्तरण गरिएको रेडक्रसका पर्साका राजन श्रीवास्तवले वताए ।

शारीरिक सरसफाइ सामाग्रीमा स्यानेटेरी प्याड, ब्रस, पेस्ट, सेनिटाइजर, डोरि, साबुन, तौलिया, प्यान्टी,पीयूष, साबुनदानी, झाेला लगायतकाे सामग्री वितरण गरिएकाे उनले जानकारी दिए ।

उक्त सामग्री वीरगंज महानगरपालिका वडा नं. ४ मा वडाध्यक्ष जगत साह कानुको रोहबरमा २५ जना महिलाहरुलाई बितरण गरिएको थियोे । साे अवसरमा कार्यमा कार्यक्रम अधिकृत उमेस मिश्र, अजय यादव, लेखा अधिकृत बिरशमसेर प्रसाद कुर्मि, सामाजिक परिचालक अजय चौरासीयाको सहभागीता रहेको थियाे ।