Date
शुक्र, मंसिर ४, २०८३
Fri, November 20, 2026
Home Blog Page 901

सिमा बन्दका कारण चार पाङ्ग्रे सवारी साधानकाे भाडा मनपरी

0

वीरगंज । सिमा नाका बन्द हुदा नेपाली नम्बरकाे चार पाङ्ग्रे सवारी साधानकाे भाडामा मनपरी देखिएकाे छ ।

काेराेना भाइरस संक्रमणका कारण अहिले भारतिय सिमा नाका बन्द छ । त्यस कारण भारतिय नम्बरकाे सवारी साधनहरु नेपाल आउन सकेका छैनन्  । त्यहीं भएर नेपाली नम्बरकाे टाटा सुमाे, स्काँर्पियाे लगायतकाे चार पाङ्ग्रे सवारी साधनकाे भाडामा सवारी धनीहरुकाे मनमरी देखिएकाे सेवाग्राहीहरुले वताएका छन् ।

उनीहरुका अनुसार सवारी धनीहरुले एउटा टाटा सुमाेकाे भाडा एक दिनकाे रु १० हजार देखी रु १५ हजार सम्म र स्कार्पियाेकाे एक दिनकाे भाडा रु १५ हजार देखी रु १८ हजार सम्म माग्ने गरेका छन् । जुन गाडीहरुकाे भाडा एक दिनकाे रु ३ हजार देखी रु ४ हजार सम्म मात्र हाे ।

अहिले सिमा नाका बन्द भएका कारण र वैवाहिक लगनहरु सुरु भएकाेले नेपाली सवारी साधनहरुकाे मनमपरी देखिएकाे वीरगंज पानीटंकी निवासी राजेश गुप्ताले वताए । उनले भने “सिमा बन्दका कारण भारतिय नम्बरकाे गाडी नेपाल आउन नसकेर नेपाली सावारी साधनहरुकाे मनपरी देखिएकाे छ । सवारी धनीहरुले मनपरी रुपमा भाडा माग्ने गरेकाे देखिन्छ, यसतर्फ सम्बन्धित निकायकाे ध्यान जान जरुरी छ ।”

यस कारण सर्वसाधारणलाई ठूलाे रकम ठग्नु परेकाे छ । कतिपयले विवाह (जन्ती) काे लागि भाडा गर्न जादा भाडा दर मंहगाे भएर आवश्यकता भन्दा कम गाडीकाे भाडा गर्ने गरेका छन् । 

यस्तै सिमा बन्दका कारण भारतबाट नेपाल र नेपालबाट भारत जन्ती जान समस्या भएकाे छ । भारत सरकारकाे तर्फबाट सिमा नाका खुल्ला भएका कारण नेपालबाट भारत जन्ती लैजान खासै समस्या नभए पनि नेपाल सरकारकाे तर्फबाट सिमा बन्द भएका कारण भारतबाट नेपाल जन्ती ल्याउन समस्या भएकाे धाेबिनीका नवल पटेलले वताए ।

धोबीनी गाउँपालिका वडा नम्बर २ आसवारी निवासी पटेलकाे छोरीको विवाह भारतको पश्चिमी चम्पारणमा पर्ने नरकटियागंज भईरहेको र सो विवाह यहि मंसिर १६ गते जन्ती आउने भएकोले सिमा बन्दका कारण जन्ती कसरी ल्याउने भने अन्यौल बढेको उनले वताए ।

यस बिषयमा प्रमुख जिल्ला अधिकारी आस्मान तामाङसंग कुरा गर्दा मन्त्रालयबाट निर्णय नआउन्जेल सम्म समस्या नै रहेकाे वताए । तै पनि बिहेवारीका लागि उताको गाडी उतै राख्ने र यताको गाडी यता राखी साटा साट गरी काम चलाउन सकिने वताए ।

बाल संगठन सर्लाही बालगृहको अवलोकन तथा निरिक्षण

0

वीरगंज । नेपाल बाल संगठन पर्साले बाल संगठन सर्लाहीले सञ्चालन गरेको बालगृहको अवलोकन तथा निरिक्षण गरेको छ ।

पर्सामा पनि बालगृह सञ्चालन गर्ने तयारी गरीरहेको समयमा सर्लाहीको बालगृहको अवलोकन गर्न बाल संगठन पर्साको टोली सर्लाही पुगेको हो । संगठनका पर्सा जिल्ला सभापति रामकिशोर सिँह परागको नेतृत्वमा संगठनका सदस्य हेमन्त तामांग, सामाजिक अभियानता भेष चौरसिया लगायतको टोली अवलोकन गर्न गएको हो ।

सो अवसरमा बाल संगठन सर्लाहीका सभापति समीम खानले बाल संगठन सर्लाहीले सञ्चालन गरेका गतिविधि र आगामी दिनमा गर्ने योजनाहरुको बारेमा अवगत गराउनुभएको थियो ।

साथै पर्सा जिल्ला संगठन र सर्लाहीको संगठनका पदाधिकारीविच बालसंगठनलाई कसरी चलायमान बनाएर क्रियाशिल बनाउने भन्ने बारे पनि छलफल भएको संगठन पर्साका सदस्य हेमन्त तामांगले जानकारी दिनुभयो ।

निजामती कर्मचारी संगठन पर्साकाे भवन पूर्व प्रम नेपालद्वारा उद्घाटन

0

वीरगंज । नेपाल निजामती कर्मचारी संगठन जिल्ला कार्य समिति पर्साकाे भवन बुधबार उद्घाटन गरिएकाे छ ।

वीरगंजस्थित जिल्ला समन्वय समिति पर्साकाे दक्षिण पट्टी निर्माण गरिएकाे दुई तल्ले भवनकाे पूर्व प्रधानमन्त्री माधव कुमार नेपालले उद्घाटन गरेका हुन् । नवनिर्मित भवनलाई उद्घाटन गर्दै नेकपाका बरिष्ट नेतासमेत रहेका नेपालले कर्मचारी सरुवा प्रणालीलाई प्रादर्शि बनाउनु पर्ने वताए । उनले त्यसकाे लागि सिस्टम बसाल्नु पर्ने धारण जरुरी रहेकाे वताए ।

उनले भने “यसका साथै राम्राे काम गर्ने कर्मचारीहरुलाई पुरस्कृत गर्नु पर्छ र नराम्राे काम गर्नेलाई दण्डितसमेत गर्न सक्नु पर्छ ।”

अक्राे प्रसंगमा कुरा राख्दै नेता नेपालले भ्रष्टचारीलाई तह लगाउन सक्नु पर्ने वताए । उनले भने सरकारले भ्रष्टचारीलाई तह लगाउन सक्नु पर्छ, भ्रष्टचारीलाई तह नलगाए सम्म देशमा समृद्धि आउन सक्दैन । त्यसकाे लागि भ्रष्टचारीलाई तह लगाउन सक्ने खालकाे सिस्टम बसाल्नु पर्छ ।”

पार्टीकाे आन्तरिक बिवाद सम्बन्धमा वाेल्दै नेता नेपालले पार्टीमा काेई महामहिम नभएकाे वताए । उनले भने “सबैले पार्टीकाे निर्णय मान्नु पर्छ । पार्टी भन्दा माथी काेइ हुदैन, पार्टीले जे निर्णय गर्छ त्यसलाई सबले मान्नु पर्छ ।”

प्रधानमन्त्रि केपी शर्मा ओलीतर्फ लक्षित गर्दै उनले भने “आजिवन पदमा बसिरहने साेचबाट टाँढिनु पर्छ र पार्टी नयाँ पुस्तालाई हस्तान्तरण गर्ने साेचतर्फ लाग्नु पर्छ ।”

कार्यक्रममा प्रमुख अतिथीसमेत रहेका नेता नेपालले साधारण जगमा अडिएकाे पार्टी नेकपा नभएकाे वताउदै नआतिन र चिन्नतासमेत नलिन नेता तथा कार्यकर्ताहरुलाई आग्रहसमेत गरे ।

नेपाल निजामती कर्मचारी संगठन पर्साका अध्यक्ष अमित कुमार गिरीकाे अध्यक्षतामा भएकाे उद्घाटन समाराेहमा नेपाल निजामती कर्मचारी अधिकारी ट्रेड युनियनका कार्यवाहक अध्यक्ष भाेलानाथ पाेखरेल, नेपाल निजामती कर्चारी संगठनका निवर्तमान अध्यक्ष माेहन कुमार घिमिरे, जगरनाथपुर गाउँपालिकाका अध्यक्ष जालिम मियाँ, पर्साका प्रमुख जिल्ला अधिकारी आस्मान तामाङ, नेपाल पत्रकार महासंघ पर्साका अध्यक्ष श्याम बन्जारा, नेकपा पर्साका अध्यक्ष प्रभु हाजरा लगायतकाले मन्तव्य राखेका थिए ।

कार्यक्रममा नेकपा प्रदेश नं. २ का सह इन्चार्ज नागेन्द्र चाैधरी, प्रतिनिधि सभा सदस्य शेखचान्द तारा, पुष्पा कर्ण, पाेखरिया नगरपालिकाका मेयर दिपनारायण राैनियार, पटेर्वा सुगाैली गाउँपालिका अध्यक्ष हरिनारायण चाैधरी, जिराभवानी गाउँपालिका अध्यक्ष रामपृत महताे, नेपाल पत्रकार महासंघ प्रदेश नं. २ का उपाध्यक्ष केशी लामिक्षाने, प्रेस संगठन नेपालका केन्द्रिय सदस्य बृजलाल पासवान, राघव साह, नेपाल निजामती कर्मचारी संगठनका केन्द्रिय सदस्य मंजु लाता कुशवाहा लगायतकाे सहभागिता रहेकाे थियाे ।

नेपाल निजामती कर्मचारी अधिकारी ट्रेड युनियन पर्साका अध्यक्ष सुभादार यादवले स्वागत मन्तव्य राखेकाे कार्यक्रमकाे संचालन नेपाल निजामती कर्मचारी संगठन पर्साका सचिव संताेश कुमार यादवले गरेका थिए ।

नवनिर्मित भवनकाे शिलान्यास २०७१ साल जेठ १४ गते तत्कालिन समान्य प्रशासन मन्त्री लालबाबु पण्डितद्वारा गरिएकाे थियाे । 

त्यसकाे ६ बर्षपछि निजामती कर्मचारी संगठन पर्साका अध्यक्ष गिरीकाे सक्रियतामा भवन निर्माण सम्पन्न भएपछि उद्घाटन गरिएकाे हाे । विभिन्न कर्मचारीकाे चन्दा सहयाेगले रु २३ लाख १२ हजार एक ७० मा भवन निर्माण सम्पन्न भएकाे वताइएकाे छ ।

उद्घाटन समाराेहमा भवन निर्माणमा सहयाेग गर्नेलाई दाेसल्ला ओढाएर सम्मानसमेत गरिएकाे थियाे ।

वीरगंजबाट अवैध हतियारसहित एक जना पक्राउ

0

वीरगंज । पर्सा प्रहरीले अवैध हतियारसहित वीरगंजबाट एक जनालाई पक्राउ गरेकाे छ ।

वडा प्रहरी कार्यालय श्रीपुरले मंगलबार सांझ ७ बजे सर्लाहीकाे बलरा नगरपालिका वडा नं.१० सुदामा घर भई हाल बीरगंज महानगरपालिकाकाे वडा नं.११ स्थित दुर्गा टोल बस्ने बर्ष ४९ को जितेन्द्र प्रसाद सिंहलाई पक्राउ गरेकाे हाे ।

उनले आफ्नो घरमा अवैध हात-हतियार लुकाइ छिपाइ राखेको विशेष सूचनाको अधारमा वडा प्रहरी कार्यालय श्रीपुरतथा विर्ता पर्साबाट खटि गएको प्रहरी टोलीले निजकाे घर रितपूर्वक खानतलासी गर्दा स्टील दराजको Safe Box भित्र  7.65 mm को गोली राउण्ड ४ म्यागजिनमा लोड गरी राखिएको पेस्ताैल बरामद भएकाेले नियन्त्रण लिइएकाे जिल्ला प्रहरी कार्यालय पर्साले जनाएकाे छ ।

प्रहरीका अनुसार निजकाे घरबाट म्यागजिन थान-१,पेस्तौल थान-१ र मानिसलाई बेहोस पार्ने  Anaesthetic Ether I.P. 500 ml को १ बोत्तल बरामद भएकाे हाे ।

पक्राउ परेका सिंहलाई जिल्ला प्रहरी कार्यालय पर्साकाे हिरासतमा राखि थप अनुसन्धान भइरहेकाे प्रहरीले जनाएकाे छ ।

कालिकामाईमा विपद् काेषकाे रकममा पनि अनियमितता

0

वीरगंज । कालिकामाई गाउँपालिकामा विपद् काेषकाे रकममा पनि अनियमितता भएकाे छ । गाउँपालिका अध्यक्ष नथुनी प्रसाद कुशवाहासहितका जनप्रतिनिधिले विपद् व्यवस्थापन कोषको रकममा अनियमितता गरेकाे नेपाली कांग्रेस कालिकामाई गाउँपालिकाले आराेप लगाएकाे छ ।

नेपाली कांग्रेस कालिकामाई गाउँपालिकाले एक प्रेस विज्ञप्ती जारी गर्दै कोरोना महामारी जस्तो बिषम परिस्थतीमा गाउँपालिकाको विपद् व्यवस्थापन कोषको रकमबाट गाउँपालिका अध्यक्ष, उपाध्यक्ष र वडाध्यक्षहरु अनुगमन भत्ता र बैठक भत्ताको नाउमा एक/एक लाखको दरले ७ लाख १९ हजार रकम बुझेकाे विभिन्न संचार माध्यममा प्रकासित समाचार प्रति गम्भिर ध्यानकार्षण भएकाे जनाएकाे छ ।

यसका साथ साथै नक्कली बिल भर्पाई बनाई गाउँपालिकाका निर्वाचित जनप्रतिनिधि र प्रमुख प्रशासकिय अधिकृतसहितको केही कर्मचारीहरुले कोरोना रोकथाम कोषबाट २३ लाख ४० हजार रकम निकासा गरि भागबाँडा लगाएकाे नेपाली कांग्रेस कालिकामाई गाउँपालिका संयाेजक राजिन्द्र कुमार कुर्मीद्वारा हस्ताक्षरित विज्ञप्तीमा उल्लेख छ ।

जस मध्ये कर्मचारीहरुले ४ लाख ६३ हजार गरी ११ लाख ८१ हजार, गाउँपालिकाको आफ्नो एम्बुलेन्स हुदा पनि एम्बुलेन्स भाडा बापत ७६ हजार, औषधी तथा अन्य सामग्री खरिदमा ७ लाख ५२ हजार लगायतका शिर्षकमा नक्कली बिल बनाई अनियमितता गरेका छन् ।

विज्ञप्तीमा यो उदाहरण पात्र घटना मात्र भएकाे र यस्ता थुप्रै अनियमिताहरु गाउँपालिकामा भएकाे वताइएकाे छ ।

गाउँपालिका अध्यक्ष नै विपद् व्यवस्थापन समितिको अध्यक्षसमेत रहेको कोषकाे रकम हिनामिना हुनु लाजस्पद र निन्दनिय छ । कोरोना महामारी रोकथाम तथा नियन्त्रणको लागि खर्च गर्नु पर्ने रकम गाउँपालिका अध्यक्ष लगायतका जनप्रतिनिधिहरुले विपद् कोषको रकम भागबाँडा लगाएकाेले छानविन गरी आवश्यक कारवाहीको गर्न नेपाली कांग्रेस कालिकामाईले विज्ञप्तीमार्फत माग गरेकाे छ ।

नेपाली कांग्रेसले यसका साथै विपद काेषकाे रकममा पनि अनियमितता भएकाेले नैतिकताको अधारमा गाउँपालिका अध्यक्ष कुशावाहाकाे राजिनामा समेत माग गरेकाे छ । 

रिलायन्स लाइफ इन्शुरेन्सकाे बार्षिकाेत्सवमा रक्तदान

0

वीरगंज । रिलायन्स लाइफ इन्शुरेन्स क्षेत्रिय कार्यालय वीरगंजकाे आयाेजनामा मंगलबार रक्तदान कार्यक्रम सम्पन्न भएकाे छ । वीरगंज आदर्शनगरस्थित इन्शुरेन्सकाे कार्यालयमा भएकाे कार्यक्रममा ५ महिलासहित ३१ जनाले रक्तदान गरेका छन् ।

इन्शुरेन्सका क्षेत्रिय प्रबन्धक संताेष कुमार तिवारीकाे अध्यक्षतामा भएकाे कार्यक्रममा इन्सुरेन्सका बजार प्रबन्धक प्रभात बहादुर क्षेत्री, नरेश कुमार पटेल, विजय राम, शिखा खड्गी, सुरज कुमार, बिटु तिवारी, उदय कुमार पटेल, अन्जय कुमार पटेल, बिकाश मनान्धर, कृष्णा प्रसाद सहनी, राम प्रकाश सर्राफ, नागेन्द्र प्रसाद दास, रमेश कुमार साह, प्रमाेद साह तेली, सबिता चाैधरी, राजेन्द्र ठाकुर, लालबाबु पंडित, रबि पटेल, राजेश प्रसाद पटेल, बिरेन्द्र पटेल लगायतकाले रक्तदान गरेका छन् ।

इन्सुरेन्सकाे तेस्राे बार्षिकाेत्सवमा अवसरमा भएकाे कार्यक्रमकाे सुभारम्भ क्षेत्रिय प्रबन्धक तिवारीले रक्तदान गरि गरेका थिए । कार्यक्रम रक्त संचार केन्द्रका प्राविधिक जितेन्द्र कुशवाहा नेतृत्वकाे प्राविधिकहरुकाे सहयाेगमा भएकाे थियाे । 

यस्तै बार्षिकाेत्सवकाे अवसरमा  इन्सुरेन्सकाे अन्य क्षेत्रिय कार्यालयमा पनि रक्तदान कार्यक्रम भएकाे इनसुरेन्सका बिक्री प्रबन्धक सुर्य प्रकाश गुप्ताले जानकारी गराए ।

बालिकाको हत्या आरोपमा पक्राउ परेका व्यक्तिको घरमा आगजनी

0

बर्दिवास । महोत्तरीको बर्दिवास नगरपालिका १४ की ६ वर्षीय बालिकाकाे हत्या आरोपमा पक्राउ परेका व्यक्तिको घरमा स्थानीयवासीले आगजनी गरेका छन् ।

बालिकाको हत्या आरोपमा पक्राउ परेका गौशाला नगरपालिका ५ का २५ वर्षीय अरुण कुमार साहको बर्दिवास नगरपालिका १४ स्थित घरमा स्थानीयवासीले तोडफोड गर्दै आगजनी गरेका हुन् ।

आगो निभाउन दमकल आए पनि स्थानीयले बाटो अवरुद्ध गरेका कारण दमकल आगलागी भएको स्थानसम्म पुग्न सकेको छैन । घटनास्थलमा प्रहरी र सशस्त्र प्रहरी परिचालन गरिएको छ ।

बालिका हत्याको बिरोध गर्दै स्थानीयले महोत्तरीको बर्दिबास नगरपालिकास्थित पूर्वपश्चिम राजमार्ग अवरुद्ध गरेका छन् । राजमार्ग अवरुद्ध हुँदा सवारी साधनहरूको लाम लागेको छ ।

बालिकाको शव बोरामा राखेर फालेको अवस्थामा फेला परेपछि हत्याको आरोपमा पक्राउ परेकाको साहलाई इलाका प्रहरी कार्यालय बर्दिवासले नियन्त्रणमा लिएको छ ।

बर्दिवास नगरपालिका–१४ निवासी शहिद आलमकी ६ वर्षीया छोरी गुलाब साह खातुनको शव बोरामा पोको पारेको अवस्थामा सोमबार साँझ घर नजिकै फेला परेको थियो । उनी आइतबार साँझदेखि बेपत्ता थिइन् ।

बर्दिवासमा किराना पसल सन्चालन गर्दै आएका अरुण कुमार साहले बालिकाको हत्या आफूले गरेको बताएका थिए । त्यसको जानकारी पाएलगत्तै प्रहरीले उनलाई पक्राउ गरेको हो ।

संगठनकाे भवन उद्घाटन गर्न पूर्व प्रधानमन्त्री नेपाल वीरगंज आउदै

0

वीरगंज । नेपाल निजामती कर्मचारी संगठन पर्साकाे भवन उद्घाटन गर्न बुधबार पूर्व प्रधानमन्त्री माधव कुमार नेपाल वीरगंज आउने भएका छन ।

वीरगंजस्थित जिल्ला समन्वय समिति पर्साकाे दक्षिणपट्टी निर्माण भएकाे दुई तल्ले भवनकाे उद्घाटन गर्न नेकपाका बरिष्ठ नेतासमेत रहेका नेपाल वीरगंज आउने भएका हुन ।

संगठनकाे भवन उद्घाटन गर्न बुधबार नेता नेपाल वीरगंज आउन लागेकाे नेपाल निजामती कर्मचारी संगठन पर्साका अध्यक्ष अमित कुमार गिरीले वताए । बुधबार दिउँसाे १ बजेदेखी भवन उद्घाटन गर्ने कार्यक्रम रहेकाे उनले जानकारी गराए । 

संगठनले भवन उद्घाटन कार्यक्रममा सहभागि हुन सम्पर्ण कर्मचारीहरुलाई आग्रहसमेत गरेकाे छ ।

प्रदेश नं. २ मा बारा जिल्लापछि दाेस्राे पर्सामा कर्मचारी संगठनकाे भवन निर्माण भएकाे छ । संगठनकाे जिल्ला अध्यक्ष गिरी भएपछि उनकै सक्रियतामा भवन निर्माण सम्पन्न भएकाे हाे ।

ठोरीको पिकनिक स्पोर्ट्समा चहलपहल सुरु

0

मेघराज राय //
जीराभवानी । ठोरीको पर्यटकीय स्थल तथा पिकनिक स्पोर्ट्सहरुमा चहलपहल सुरु भएको छ ।

दीपावली र छठ सकिएसँगै आन्तरिक पर्यटकहरुको आवतजावत सुरु भएको हो । आईतवार बिरगंज, कलैया, पोखरीया जीराभवानी पटेर्वासुगौली लागायतका स्थानका व्यक्तिहरु स परिवार आएर पिकनिक मनाएका थिए ।

शनिबार पनि ठोरीको पिकनिक स्पोर्ट्सहरुमा भिड रहेको थियो । भारतीय नागरिकहरु भने नेपाल प्रवेश नगरेको सशस्त्र प्रहरी निरीक्षक दिपक दाहलले बताए ।

दाहालका अनुसार भारतीय एसएसबिले पनि निग्रानी गरिरहेको छ भने सशस्त्र प्रहरीहरुले पनि कडाइका साथ सीमामा निग्रानी गरेका छन ।

प्रत्येक वर्ष यो समयमा आन्तरिक तथा वाह्य पर्यटकहरुको घुँइचो लाग्ने गरेको भएता पनि यस वर्ष भने बल्लतल्ल अलिअली आन्तरिक पर्यटकहरु आउन सुरु गरेको निर्मल ठोरी उपभोक्त समितिका अध्यक्ष बालकुमार बस्नेतले बताए ।

ठोरी गाउँपालिका भित्रका विभिन्न गाउँटोलका व्यक्तिहरु पनि दैनिक जसो बनभोज मनाउन आउन थालेका छ्न् भने ठोरी बहिरका पनि छिटफुट सहभागीहरु आउने गरेका स्थानीयहरुको भनाइ छ ।

ठोरीको राइधारा, ठुटेखोला परिसर लगायतका स्थानहरु केही दिनदेखि भरिभराउ हुन थालेको छ । कोभिड १९ ले गर्दा नेपाल भारतको सीमा नाका औपचारिक रुपमा नै बन्द भएका कारणले भने भारतीय पर्यटकहरु भने ठोरी आउन पाएका छैनन् ।

मुकेश चाैरसिया हत्याकाे मुख्य अभियुक्त पक्राउ

0

वीरगंज । नेकपाका जिल्ला सदस्य मुकेश चौरसियाकाे हत्याका मुख्य अभियुक्त पक्राउ परेका छन ।

पर्साकाे बिन्दवासीनी गाउँपालिका वडा नं ५ प्रसौनीमा कार्तिक ६ गते नेकपा गाउँपालिका कमिटीको शपथ ग्रहण कार्यक्रममा भएको दोहोरो झडपमा साेही ठाउँ निवासी ३४ बर्षिय मुकेश चौरसियाको हत्या भएको थियो । 

साेही घटनाका मुख्य प्रतिवादी बिन्दवासिनी गाउँपालिका वडा नं. ३ इटियाही निवासी बर्ष ३८ का अखिलेश चौरसियालाई प्रकाउ परेकाे प्रहरीले जनाएकाे छ ।

अशेसर प्रसाद चाैरसिया भन्ने अखिलेश चाैरसियालाई वीरगंज महानगरपालिकाकाे वडा नं. २५ अलाैं, श्रीसियाबाट पक्राउ गरिएकाे जिल्ला प्रहरी कार्यालय पर्साले जनाएकाे छ । 

 त्यतिबेला भएको झडपको सार्वजनीक भएको भिडियो फूटेजमा चौरसियालाई बाँसले प्रहार गर्ने अखिलेश चौरसिया रहेको बताइएको छ । 

दुइ पक्षवीच भएको झडपमा परि घाइते भएका मुकेश चौरसियाको उपचारको क्रममा बीरगंजको एलएस न्यूरो अस्पतालमा कार्तिक ७ गते निधन भएको थियो ।

यस अघिनै अर्का आराेपति उत्तम तिवारी पक्राउ परिसकेका छन् । घटना भएकै दिन पनि केहीलाई प्रहरीले नियन्त्रणमा लिएको थियो ।