वीरगंज । नेपाल रेडक्रस सोसाइटी पर्सा शाखाले महिलाहरुलाई शारीरिक सरसफाइ सामग्री वितरण गरेकाे छ ।
रेडक्रसद्वारा संचालित कोभिड-१९ पुर्वतयारी तथा प्रतिकार्य कार्यक्रम अन्तर्गत कोरोना रोगबाट प्रभावित भएका घरका महिलाहरुलाई शारीरिक सरसफाइ सम्बन्धि सामाग्री हस्तान्तरण गरिएको रेडक्रसका पर्साका राजन श्रीवास्तवले वताए ।
शारीरिक सरसफाइ सामाग्रीमा स्यानेटेरी प्याड, ब्रस, पेस्ट, सेनिटाइजर, डोरि, साबुन, तौलिया, प्यान्टी,पीयूष, साबुनदानी, झाेला लगायतकाे सामग्री वितरण गरिएकाे उनले जानकारी दिए ।
उक्त सामग्री वीरगंज महानगरपालिका वडा नं. ४ मा वडाध्यक्ष जगत साह कानुको रोहबरमा २५ जना महिलाहरुलाई बितरण गरिएको थियोे । साे अवसरमा कार्यमा कार्यक्रम अधिकृत उमेस मिश्र, अजय यादव, लेखा अधिकृत बिरशमसेर प्रसाद कुर्मि, सामाजिक परिचालक अजय चौरासीयाको सहभागीता रहेको थियाे ।
