Date
शुक्र, मंसिर ४, २०८३
Fri, November 20, 2026
Home Blog Page 900

वीरगन्ज घण्टाघरस्थित मन्दिरको जग्गा भुमाफियाको कब्जामा

0

वीरगंज । वीरगन्ज उपमहानगरपालिका वडा नम्बर १० हाल महानगरपालिका वडा नम्बर ८ घण्टाघरस्थित रहेको सुवर्ण मन्दिरको बहुमुल्य सार्वजनिक जग्गा स्थानिय एक समुदायका व्यक्तिले राजनितिक पहुचको आधारमा जबरजस्ती कब्जा गर्न लागेको खुलासा भएको छ ।

मन्दिरको सार्वजनिक जग्गा आफनो नाममा कायम गराउँन सफल भएकी नसिमा खातुनले रातारात राजनितिक पहुचको आधारमा प्रहरी प्रशासनको मिलोमतोमा जग्गामा डोजर लगाएर माटो खन्ने काम शुरु गरेपछि विवाद शुरु भएको हो । मन्दिर अगाडीको जग्गामा ८ फिट गहिरो खनिएपछि मन्दिरमा पुजापाठ गर्ने काम समेत रोकिएको छ ।

बिहिबार राती नसिमाका छोरा जौवादले प्रहरी प्रशासनकै सहयोगमा डोजर प्रयोग गरी मन्दिरको जग्गामा करिब ८ फिट गहिरो खनी मन्दिरमा आउने जाने बाटो समेत बन्द गरीदिएका छन् । बिहान मन्दिरको जग्गा खनि सकेको स्थानियले देखेपछि पुन: जग्गामा माटो पुर्न खोज्दा प्रहरीले उल्टै हस्तक्षेप गरी बल समेत प्रयोग गर्न पछि हटेन् ।

घर निर्माणको लागि वडा समिति र महानगरपालिका कार्यालयबाट नक्सा पासको लागि सिफारिस लिनुपर्ने हुन्छ तर न कुनै सिफारिस न त नक्सा नै पास गरी मन्दिरको सार्वजनिक जग्गामा घर निर्माणको लागि प्रकृया शुरु गरेपछि महानगरपालिकाले पत्र समेत काटेर निर्माण कार्य रोक्का गर्न स्थानिय प्रहरी प्रशासनलाई आदेश दिएको छ ।

महानगरपालिकाले रोक्का आदेश जारी गर्दै अवहेलना गर्न खोजिए स्थानिय सरकार संचालन ऐन, २०७४ बमोजिम कार्यवाहीको प्रकृया अगाडी बढाउँने चेतावनी दिदासमेत महानगरपालिको रोक्का चिठीको अवहेलना गर्दै प्रहरी प्रशासनकै सहयोगमा उल्टै घर निर्माणको प्रकृया अगाडी बढाउँन खोजिएको वडा नम्बर ८ का वडाध्यक्ष राजकिशोर साहले बताए ।

मन्दिरको सार्वजनिक जग्गा व्यक्तिको नाममा कब्जा गराउँन सांसददेखि प्रदेश २ का मन्त्री समेत लागि परेको स्थानियको आरोप छ । जौवाद जनता समाजवादी पार्टीका युवा नेता समेत हुन् । उनको पहुच ठूलो बडा समक्ष छ ।

मन्दिरको नाममा सो जग्गा कायम रहेको जानकारी हुदाँ हुदैपनि २०५६ साल कात्तिक १७ गते नसिमा खातुनले वासुदेव मारवाडी संग जिल्ला मालपोत कार्यालयबाट रजिष्ट्रेशन पास गरी कब्जा गर्न खोजेको स्थानियले आरोप लगाए । २०४९ बैशाख ३० गते नापी कार्यालयको फिल्ड बुकमा कित्ता नम्बर ५ को १ कठठा ११ धुर २ कनवा जग्गा सुवर्ण मन्दिरको नाममा दर्ता कायम छ ।

उक्त जग्गा ७ बर्ष पछि २०५६ साल कात्र्तिक १७ गते सार्वजनिक जग्गा कसरी कित्ताकाँट गरी बेचियो ? स्थानियले भने, वासुदेव मारवाडीले रैती नम्बर १२५४ बाट आएको ३ कठ्ठा १५ धुर २ कनवा जग्गा मध्ये १० धुर जग्गा कित्ताकाट गरी खरीद विक्री गरेपनि, सुवर्ण मन्दिरको नाउँमा छुटै कायम रहेको कित्ता नम्बर ५ को १ कठ्ठा ११ धुर २ कनवा जग्गाबाट ७ धुर जग्गा नसिमा खातुनले कब्जा गर्न खोजेकी हुन् ।

कसैको अनुमति विना कसरी मन्दिरको जग्गाबाट ७ धुर जग्गा किटाकाँट गरिएको हो, त्यो गर्न पाउँदैन, प्रहरी प्रशासनले जबरजस्ती मन्दिरको जग्गा व्यक्तिको नाममा कब्जा गराउँन खोजेको छ, हामीले रोक्दा बारम्बार झडप समेत भएको छ, उनले भने, सांसददेखि नेतालाई समेत गुहार गरेका छौ, समस्या समाधान हुनुपर्छ मन्दिरको सार्वजनिक जग्गा मास्न पाउँदैन, यदी कसैले जबरजस्ती कब्जा गर्न खोजे हामी कब्जा गर्न दिदैनौ ।

सुवर्ण मन्दिरको १ कठ्ठा ११ धुर २ कनवा जग्गामा विक्रम सम्ब्त १९९५ माघ २२, अर्थात सन् ४ फेब्ररी १९३९ मा करिब ८२ बर्ष पहिला तत्कालिन राजामाहाराजा भिम समशेर जंग बहादुर राणाका सुपुत्र जनरल हिरण्य समशेर जंग बहादुर राणाद्वारा शिव मन्दिर स्थापित गरिएको थियो । अन्य जग्गा खाली नै छ ।

किन कब्जा गरिदैछ मन्दिरको सार्वजनिक जग्गा

वीरगन्ज १३ हाल वडा नम्बर १० आर्दशनगर निवासी वावुदेव मारवाहीले आशा देवी संग खरीद गरेको ७ धुर जग्गा नपाएपछि मन्दिरको नाउँमा कायम रहेको सार्वजनिक जग्गाबाट २०५६ साल असोज २५ गते कित्ताकाट गराई रातारात वासुदेव मारवाडीले आफनो नाममा कायम गराई नसिमा खातुन संग विक्री गरेका थिए ।

मालपोत कार्यालयको रजिष्ट्रेशन बुक अनुसार वीरगन्ज १० आर्दशनगर निवासी भु माफिया मुरलीधर शर्माले साविक वीरगन्ज १० गहवाको रैती नम्बर १२५४ बाट आएको ३ कठ्ठा १५ धुर २ कनवा जग्गा मध्ये १० धुर जग्गा २०४९ सावन २६ गते आफनै भाई रतन कुमार शर्माको नाउँमा रजिष्ट्रेशन पास गरीदिएका थिए ।

रतन कुमार शर्माले आफनो नाममा कायम रहेको १० धुर जग्गा २०५१ साउन १६ गते आर्दशनगरकै सुरेश कुमार अग्रवालकी श्रीमती आशा देवी अग्रवाल संग विक्री गरेको मालपोत कार्यालयको रजिष्ट्रेशन बुकमा उल्लेख गरिएको छ ।

आशादेवीले भने २०५६/०६/५ मा १० धुर मध्येको ७ धुर जग्गा बिक्री गरि वासुदेव माडवारीको नाममा रजिष्ट्रेसन पास गरि बाँकी ३ धुर जग्गा भने आफनै नाममा राखेको देखिन्छ । अहिले जग्गाको धनी भएको दाबी गर्ने नसीमा खातुनले भने बासुदेव माडवारीबाट उक्त ७ धुर जग्गा २०५६/०७/१७ मा आफनो नाममा रजिष्ट्रेसन पास गराएको देखिन्छ । तर स्थलगत जग्गा थिएन ।

जग्गा नभेटिएपनि तत्कालिन वडा अध्यक्ष राजेन्द्र श्रेष्ठको मिलोमतोमा खाली रहेको सुवर्ण मन्दिरको सार्वजनिक जग्गामध्ये एकाएक ७ धुर जग्गा किताकाँट गराई व्यक्तिको नाउँमा दर्ता गराउँन सफल भएका थिए ।

मन्दिरको सार्वजनिक जग्गा विक्री गरेको दुई दशक भन्दा लामो समय सम्म कुनै निर्माणको कार्य भएको थिएन । एकाएक नसिमा खातुनले मन्दिरकै जग्गामा घर निर्माणको प्रकृया शुरु गर्न थालेपनि मन्दिरकै कब्जा गर्न लागिएको खुलेको हो ।

ट्रककाे ठक्करले गम्भिर घाइते भएका बहुदरमाईका शुसान्तकाे मृत्यु

0

वीरगंज । वीरगंज महानगरपालिकाकाे वडा नं. ३२ स्थित वीरगंज पथलैया सडक खण्डकाे ज्याेति फर्म अगाडी भएकाे सवारी दुर्घटनामा परि गम्भिर घाइते भएका बालककाे मृत्यु भएकाे छ ।

ना ६ ख २१०२ नम्बरकाे मिनी ट्रकले बुधबार सांझ ५ बजे ना ४१ प १५६५ नम्बरकाे माेटरसाइकललाई ठक्कर दिएकाे थियाे । ट्रककाे ठक्करले माेटरसाइकलमा सवार गम्भिर घाइते भएका पर्सा जिल्ला बहुदरमाई नगरपालिका वडा नं. ३ नगरदाहा निवारी मनाेज साहकाे छाेरा बर्ष १४ का शुसान्त साहकाे मृत्यु भएकाे प्रहरीले जनाएकाे छ ।

माेटरसाइकल चालक पर्सा जिल्ला पटेर्वा सुगाैली गाउँपालिका वडा नं. ५ निचुटा निवासी लक्ष्मि यादवकाे छाेरा बर्ष १६ का अभिमन्नु यादवलाई खुट्टामा चाेट मात्र लागेकाे र अवस्था समान्य रहेकाे प्रहरी चाैकी परवानीपुरले जनाएकाे छ । 

ठक्कर दिने ट्रक र वीरगंज महानगरपालिका वडा नं.१२ मुर्ली निवासी बर्ष ४४ का ट्रक चालक सुदर्शन महताेलाई साेही दिन प्रहरी चाैकी परवानीपुरले नियन्त्रणमा लिएर जिल्ला प्रहरी कार्यालय पर्सामा बुझाईसकेकाे छ । 

दुर्घटना लगतै मृतक सुशान्तलाई प्रहरीले उपचारकाे लागि वीरगंज हेल्थ केयरमा पुर्याएकाे थियाे । त्यहाँ उपचार सम्भव हुन नसकेपछि साेही दिन राती ७:३० बजे वीरगंजस्थित नेशनल मेडिकल कलेज लगिएकाे थियाे । मेडिकल कलेजले बुधबार राति नै ८:३० बजे सुशान्तलाई मृत घाेषणा गरेकाे थियाे ।

विहिबार विहान मृतक शुसान्तकाे शव परिक्षण वीरगंजस्थि नारायणी अस्पतालमा गरिएपछि मृतकका आफन्तले शव बुझि लगि साेही दिन दिउसाे उनकै गाउँमा अन्तिम दाहसंस्कार गरेका छन् । 

मृतकका आफन्तका अनुसार बुधबार सांझ ४ बजे वीरगंजकाे श्रीपुरस्थित मामा घर बस्दै आएका शुसान्त टिउसन पढन घरबाट निस्केका थिए ।

टिउसनमा पढाइ नहुदा शुसान्त अभिमन्नुसंग माेटरसाइकलमा गएका रहेका छन् । मृतक शुसान्तका बुवा मनाेजले भने, “कहां र के गर्न अभिमन्नु नामकाे व्यक्तिले माेटरसाइकलमा बसाएर आफ्नाे नाबालक छाेरालाई लगेका रहेका छन् आफुहरुलाई थाह भएन । त्यसकाे पनि अनुसन्धान हुनु पर्छ ” 

दुर्घटनामा छाेरा परेकाे आफुहरुले थाह पाएलगतै प्रहरीले छाेरालाई उपचारकाे लागि पुर्याइदिएकाे वीरगंज हेल्थ केयर अस्पतालमा आफुहरु पुगेकाे उनले वताए । आफुहरु अस्पताल पुग्दा सुरुमा छाेराकाे अवस्था ठिक रहेपनि उपचार राम्राेसंग नहुदा पछि छाेराकाे अवस्था बिग्रेरर मृत्यु भएकाे उनले वताए ।

उनले रुदै भने “मेराे एकलै छाेरा शुसान्तकाे अकाल मै ज्यान गयाे । उ कहिले विद्यालय र टिउसन वाहेक घरबाट बाहिर जादैन थिए । कसरी र किन बाहिर माेटरसाइकलमा गएका रहेछन् अनुसान्धानकाे बिषय हाे ।”  

शुसान्त वीरगंजस्थित त्रिभुवन माध्यमिक विद्यालयकाे कक्षा ९ मा अध्ययरत थिए । उनकाे मृत्युकाे शाेकमा विद्यालयले बिहिबार सार्वजनित विदा पनि दिएकाे थियाे । 

कम्युनिस्टहरु आफैं पतनको बाटोमा : नेता रिजाल

0

वीरगंज । नेपाली कांग्रेसका केन्द्रीय सदस्य रमेश रिजालले कम्युनिस्ट आफैँ समाप्त हुने बाटोमा रहेको बताएका छन् । कम्युनिस्टमा अतिवाद हावी हुँदै गएकाले उनीहरु आफैं समाप्त भएर जाने उनको भनाइ थियो ।

पर्साको ठोरी-२ स्थित पर्यटकीय स्थल रानीवनमा बिहीबार आयोजित वनभोज तथा पार्टी प्रवेश कार्यक्रमलाई सम्बोधन गर्दै उनले देशमा भ्रष्टाचार मौलाउँदै गएको र भ्रस्टाचारीहरुको संरक्षण सरकारले नै गरेका कारण कम्युनिस्टहरु आफैं पतनको बाटोमा लागेको बताए ।

नेता रिजालले नवप्रवेशीहरुलाई अबिर लगाएर पार्टी प्रवेश गराएका थिए ।

नेपाली कांग्रेस वडा नं २ का सभापति रामकृष्ण पन्तको सभापतित्वमा आयोजित कार्यक्रममा प्रदेश सांसद शंकर चौधरी , महासमिति सदस्य बृहस्पति कृष्ण श्रेष्ठ, बशिष्ट नारायण कुर्मी, क्षेत्रीय सभापती रमेश पाण्डे,  प्रदेश सभा सभापति श्रीकान्त यादव, जिल्ला सदस्य नविन सिंह, वडा २ का अध्यक्ष किशोर तामाङ लगायतको सहभागिता रहेको थियो ।

वीरगंजमा पनि राजतन्त्र र हिन्दु राष्ट्रको पक्षमा बृहत प्रदर्शन

0

वीरगंज । देशभरी नै राजा ल्याउँ देश बचाउँको नारा गुन्जीरहेको बेला पर्सामा पनि जनता आउँ, राजा ल्याउँ भन्ने नारा लगाउँदै राजतन्त्र र हिन्दु राष्ट्रको पक्षमा बृहत प्रर्दशन गरिएको छ ।

बिहिबार नेपाल राष्ट्रवाद संघको आह्वानमा पर्सा र बाराका जनताहरु वीरगन्जमा भेला हुदै बृहत प्रर्दशन गरेका हुन । घण्टाघर चोकमा भेला भएका स्थानियले जनता आउँ, राजा ल्याउँ भन्ने मुल नारा लगाउँदै प्रर्दशन गरेका छन् ।

बृहत रुपमा जुलुस निकाल्ने तयारी गरीरहेको बेला शुरुमा प्रहरीले हस्तक्षेप नै गरेकाे थिए । ठूलो साउण्डमा बाजा गाजा नबजाउँने सर्त राख्दै जुलुस निकाल्न दिने सर्तमा जुलुस निकाल्न दिएको थियो ।

हुन् त राजा समर्थनमा कुनैपनि नारा जुलुस निकाल्न पूर्ण रुपमा रोक नै लगाउँने स्थानिय प्रशासनले प्रयास गरेका थिए । तर जुलुसमा सहभागिहरुले काँग्रेस, नेकपा र मधेसवादी दलले जुलुस निकाल्न मिल्ने हामीले नमिल्ने भन्दै आक्रोश देखाउँदै जुलुसमा प्रहरी प्रशासनको हस्तक्षेप गर्न खोजे प्रतिकारमा उर्तिने चेतावनी दिएपछि केहि सर्त राखेर जुलुस निकाल्न दिएको थियो ।

घण्टाघर चोकबाट निकालिएको बृहत विरोध जुलुस नगरपरिक्रममा गरेको थियो । नगरपरिक्रममा गर्ने क्रममा उनीहरुले राजा आउँ देश बचाउँ, राजतन्त्र जिन्दाबाद, हिन्दु राष्ट्र कायम गर, गणतन्त्र मुर्दाबार, लुटतन्त्र बन्द लगायत नारा लगाएका थिए ।

विरोध जुलुस नगर परिक्रममा पश्चात घण्टाघर चोकमा आयोजित कोण सभालाई सम्बोधन गर्दै नेपाल राष्ट्रवाद संघका अध्यक्ष जनक साहले विदेशीको ईसारामा ल्याईएको गणतन्त्र नेपालीको हितमा नहरहेको भन्दै पुन २०४७ सालको संविधान लागु गर्नुपर्ने माँग गरे ।

उनले भने, “विदेशीको ईसारामा हिन्दुराष्ट्र र राजसंस्था समाप्त गर्नको लागि नै २०४७ सालको सविधान खारेज गरि होली वाईन खाएर ल्याएको गणतन्त्रवादी संविधान नेपाली जनताको हितमा होईन नेताहरुकै हितमा छ । हामी नेपाली हौं, गणतन्त्रको नाममा नेपाललाई टुत्रिन दिदैनौ, उनले भने, अखण्ड नेपाल र राजा सहितको हिन्दु राष्ट्र स्थापनाको निम्ती आफ्नो प्राणसमेत त्याग्न तयार छौ ।”

मुलुकमा बालात्कारी, भ्रष्ट्रचारी, हत्याहिंसा, भ्रष्टचार जस्ता अपराध गर्ने अपराधीहरु सरकारकै संरक्षणमा छन, यसले मुलुकमा शान्ति स्थापना हुदैन, देश सम्बृद्धि तर्फ पनि जान सक्दैन त्यसैले अहिलेको आवश्यकता राजा र हिन्दुराष्ट्र हुनै पर्छन उनले भने ।

सखुवा प्रसाैनीमा अपाङ्ता भएका ब्यक्तिहरुको लागि २ दिने स्वास्थ्य शिविर सुरु

0

वीरगंज । पर्साकाे सखुवा प्रसाैनी गाउँपालिकामा बिहिबारदेखी २ दिने स्वास्थ्य परिक्षण शिविर सुरु भएकाे छ ।

२९ औं अन्तर्राष्ट्रिय अपाङ्ग दिवसको अवसरमा अपाङ्गता भएकाे व्यक्तिहरुकाे लागि महुवन स्वास्थ्य चाैकीमा सुरु भएकाे शिविरकाे पर्साका प्रमुख जिल्ला अधिकारी आस्मान तमाङले उद्घाटन गरेका थिए ।

शिविरकाे प्रथम दिन ७२ जना अपाङ्ता भएका व्यक्तिहरुले स्वास्थ्य परिक्षण गराएकाे गाउँपालिका  कार्यालयका समाजिक विकास शाखा प्रमुख विनाेद यादव यादवले वताए । गाउँपालिकाकाे वडा नं. १ देखी ६ सम्मका अपाङ्गता भएकाे व्यक्तिहरुकाे लागि शिविर संचालन गरिएकाे उनले जानकारी गराए ।

 गाउँपालिका अध्यक्ष प्रदिप जयसवालकाे अध्यक्षतामा भएकाे शिविर उद्घाटन समाराेहमा नेपाल प्रहरीका प्रहरी उपरिक्षक गंगा पन्त, सशस्त्र प्रहरीका प्रहरी उपरिक्षक राजेन्द्र खड्का, प्रमुख प्रशासकिय अधिकृत संदेश कुमार यादव लगायतकाले मन्तव्य राखेका थिए भने कार्यक्रमकाे संचालन गाउँपालिका स्वास्थ्य संयाेजक राजेश राैनियारले गरेका थिए । 

सखुवा प्रसाैनी गाउँ कार्यपालिकाकाे कार्यालयकाे आयाेजनामा संचालित शिविरमा डा. आकाश मिश्रा र डा. राजन पुरीले स्वास्थ्य परिक्षण गरिरहेका छन् । 

साेही अवसरमा शिविरमा सहभागि अपाङ्गता भएका व्यक्तिहरुलाई सम्मानसमेत गरिएकाे स्वास्थ्य संयाेजक राैनियारले वताए । शिविरमा सहभागि अपाङ्गता भएका व्यक्तिहरुलाई गमछा ओढाएर सम्मान गर्नुकाे साथै सरसफाइ किटसमेत वितरण गरिएकाे उनले जानकारी दिए ।

कालिकामाईकाे युवक धाेबिनीमा मृत फेला

0

वीरगञ्ज । पर्साको धोबिनी गाउँपालिका वडा नं. १ भिखमपुर पिपरास्थित एक युवकको शव फेला परेको छ ।

कालिकाई गाउँपालिकाकाे वडा नं.–१ तिनडोबिया टोल निवासी २६ वर्षीय एमामुल हुसेनको शव फेला परेको प्रहरीले जनाएको छ ।

तीन दिनदेखि बेपता रहेका हुसेनकाे बुधबार बिहान ८ बजे भिखपुर पिपरास्थित गुलरिया जाने बाटाेमा शव भेटिएको स्थानियहरुले वताएका छन् । स्थानियहरुका अनुसार उनी साेमबार भिखपुर नै जन्ती गएका थिए ।

हुसेनकाे दाहिने आँखा निकालिएको छ, जसले गर्दा उनको हत्या गरिएको हुन सक्ने परिवारजनले बताएका छन् । परिवारजनका अनुसार हुसेनलाई जन्ती जान भनेर घरबाट बोलाएर स्थानिय २ युवकले लगेका थिए ।

साेही दिनदेखि वेपत्ता हुसेनकाे शवलाई स्थानीय नागरिकहरुले खेतमा जाँदा नहरमा देखेपछि प्रहरीलाई खबर गरेको थियो ।

तत्काल घटनास्थल पुगेको इलाका प्रहरी कार्यालय पोखरीया, लंगडी तथा आसवारी चौकीका नेपाल प्रहरी र भिखमपुरस्थित सशस्त्र प्रहरी बेस क्याम्पसका सुरक्षाकर्मीहरुले शवस्थललाई आफ्नो नियन्त्रणमा लिएर मुचुल्का उठाई भिखमपुरस्थित एम्बुलेन्समा उक्त शवलाई राखेर पोष्टमार्टमको लागि वीरगन्ज स्थित नारायणी अस्पतालमा पठाएको थियो ।

एउटा आँखा निकालिएको अवस्थामा शव फेला परेका कारण कसैले हत्या गरेर फालेको हुनसक्ने प्रहरीकाे आशंका छ ।  

सामाजिक विकृति बिरुद्ध किशोरीहरु

0

वीरगंज । वीरगंज महानगरपालिकाकाे वडा नं. २९ मा रहेको एकता किशोरी संवाद संजालको पुर्नगठन भएको छ ।

किशाेरीहरुकाे एक भेलाले छठि कुमारी मण्डलकाे संयाेजकत्वकमा १७ सदस्यिय संजाल पुर्नगठन भएकाे छ । जुन संजालकाे सह संयाेजकमा अनिसा गुप्ता, सचिवमा पिंकी चौधरी, सह सचिवमा अफ्रिमा खातुन, कोषाध्यक्षमा ईन्दु गुप्ता चयन भएका छन्।

नवगठित संजालका पदाधिकारीहरुले आफुहरु अझ बढि जिम्मेवार हुदै समुदायमा व्याप्त विकृति विसङ्ति बिरुद्ध शसक्त रुपमा लाग्दै समतामुलक समाज निर्माण गर्ने प्रतिबद्धता ब्यक्त गरेका छन् । एक वर्ष सम्म संवाद केन्द्रमा भएको छलफलले आफुहरुले धेरै कुरा सिकेको र त्यो सिकेको कुरालाई ब्यवहारमा लागु गर्दै आफ्नो समुदायमा ब्याप्त सामाजिक समस्याहरु हटाउनको लागि आफुहरु लागेको उनीहरुले वताए ।

संजालकी संयोजक मण्डलले भनिन “आफ्नो समुदायमा बालबिवाह, दाइजो प्रथा, महिला तथा किशोरीहरुमाथी बिभिन्न तरिकाले हिंसा हुने गरेको, जातिय छुवाछुत अझै पनि कायम रहेको, म जस्ता धेरै किशोरीहरु बिद्यालय बाहिर रहेकोले यी समस्याहरुलाई हटाउदै सबैले आफ्नो अधिकार प्राप्त गर्न सक्ने छन् । हामी किशोरीहरु एकजुट भएर संजाल गठन गरेका छौ र समाजमा रहेका सबै नराम्रो संस्कार, सबै खालका हिंसाहरुलाई हटाएरै छाड्ने छौं ।”

संजालले आफ्नो १ वर्षे कार्ययोजना निर्माण गरेको छ र सोहि कार्ययोजना अनुसार आफ्नो समुदायमा रहेका सामाजिक कुरितिहरु बिरुद्ध अभियान, पैरवि, तालिम, अन्तरक्रिया जस्ता काम गर्ने किशाेरी संवाद कार्यक्रमका संवाद अधिकृत प्रकाश पाण्डेले वताए ।

संजाल गठन कार्यक्रममा संजाल के हो, यो किन अवश्यक छ, संजाल गठनका प्रक्रियाहरु, पदाधिकारिहरुको काम कर्तब्यको बारेमा संवाद अधिकृत पाण्डे र फिल्ड सुपरभाइजर उमा रायमाझिले जानकारी गराएका थिए ।

युरोपियन युनियनको आर्थिक सहयोग र नेपाल ग्रामीण पुर्ननिर्माण संस्थाको आयोजनामा संचालित किशोरी संवाद कार्यक्रम अन्तर्गत संजाल पुर्नगठन गरिएकाे हाे । 

जिराभवानीमा प्रमुख प्रशासकिय अधिकृत मेहताकाे भव्य स्वागत

0

वीरगंज । पर्साको जिराभवानी गाउँपालिकाको प्रमुख प्रशासकीय अधिकृतमा प्राण मेहता हाजिर भएका छन् ।

बाराको फेटा गाउँपालिकाकाे प्रमुख प्रशासकीय अधिकृतमा कार्यरत रहेका मेहतालाई संघीय मामिला तथा समान्य प्रसाशन मन्त्रालले पर्साको जिराभवानी गाउँपालिकामा सरुवा गरेपछि उनी हाजिर भएका हुन् ।

जिराभवानी गाउँ कार्यपालिकाकाे कार्यालय सेढवामा आइतबार हाजिर हुन गएका मेहतालाई भव्य स्वागत गरिएकाे थियाे । 

गाउँपालिका अध्यक्ष रामपृत महताे लगायतका जनप्रतिनिधि र कर्मचारीहरुले प्रमुख प्रशासकिय अधिकृत मेहतालाई गमछा, फुलकाे माला र अबिरकाे टिका लगाएर भव्य स्वागत गरेका थिए ।

साे अवसरमा वाेल्दै अधिकृत मेहताले आफुुले जन चाहना अनुसार जनप्रतिनिधिकाे समन्वयमा काम गर्ने वताए । उनलेे भने “मैले जनप्रतिनिधिकाे समन्वय र सहकार्यमा जन चाहना अनुसार काम गर्ने छु, त्यसकाे लागि जनप्रतिनिधि र कर्मचारी बिचकाे समन्वय जरुरी छ ।”

जिराभवानीमा विगत एक महिनादेखि निमित्त प्रमुख प्रशासकीय अधिकृत शिव चन्द्र ठाकुरले कार्यालय प्रमुखको जिम्मेवारीमा काम गर्दै आईरहेका थिए ।

कालिकामाईमा धामाका क्रिकेट टुर्नामेन्ट प्रतियाेगिता सुरु

0

वीरगंज । पर्साकाे कालिकामाई गाउँपालिका वडा नं. १ मुडलीमा आजदेखी धामाका क्रिकेट टुर्नामेन्ट प्रतियाेगिता सुरु भएकाे छ ।

प्रतियाेगिताकाेे एक कार्यक्रमका बिच नेपाली कांग्रेसकाे कालिकामाई गाउँपालिका संयाेजक राजिन्द्र कुमार कुर्मीले उद्घाटन गरेका छन् । कालिकामाई गाउँपालिका वडा नं. १ काे आयाेजनामा आयाेजित प्रतियाेगिताकाे उद्घाटन गर्दै संयाेजक कुर्मीले खेलकाे संरक्षण जरुरी रहेकाे वताए ।

उनले खेलकाे विकास भए राष्ट्रकाे पहिचान पनि बढने भएकाेले संरक्षण जरुरी रहेकाे धारण राखेका थिए ।

वडाध्यक्ष रामशिष यादवकाे अध्यक्षतामा भएकाे कार्यक्रममा गाउँ कार्यपालिका सदस्य रामानन्द ठाकुर, पत्रकार शम्भु कुमार सुमन, स्थानिय अगुवा लालबाबु प्रसाद चाैरसिया, हरिन्द्र चाैरसिया, संजय प्रसाद लगायतकाे सहभागिता रहेकाे थियाे ।

उद्घाटन खेलमा कालिकामाई बिजयी

प्रतियाेगिता अन्तर्गत आइतबार भएकाे उद्घाटन खेलमा कालिकामाई क्रिकेट क्लब मुडली बिजयी भएकाे छ । हिमाल क्रिकेट क्बल धाेबिनी गाउँपालिकालाई २७ रनले हराउदै कालिकामाई बिजयी भएकाे हाे ।

सुरुमा धाेबिनी टच जितेर फिल्डिङ्ग राेजेपछि कालिकामाई बैटिङ्ग गर्दै १९ ओभर ४ बल खेल्दै १७५ रन बनाएकाे थियाे । १७६ रन लक्ष्य पुरा गर्न जवाफि बैटिङ्गमा उत्रेकाे धाेबिनीले १८ ओभर ५ बल खेल्दै पुरै विकेटकाे नाेक्सानीमा १४८ रन मै समेटिए पछि कालिकामाई विजयी घाेषित भएकाे थियाे ।

कालिकामाईका सबैभन्दा बढी निमेश पटेलले ७७ रन बनाएका थिए । आइतबारकाे खेलमा म्यान अफ द म्याच लगातार ३ बलमा ३ विकेट गरी ४ विकेट लिएका बिजयी टिम कालिकामाई कै निपु पटेल घाेषित भएका थिए ।

उनलाई आयाेजककाे तर्फबाट रु २ हजार एक सय नगद र घडीसमेत प्रदान गरिएकाे थियाे ।

प्रतियाेगितामा ८ वटा टिमकाे सहभागिता 

प्रतियाेगितामा नेपाल र भारतकाे ८ वटा टिमकाे सहभागिता रहेकाे छ । साेमबार हुने दाेस्राे दिनकाे खेल नेपालका श्रीसिया र भारत बिहारकाे सिकटा बिच हुने प्रतियाेगिताका संयाेजक राजु शर्माले वताए ।

प्रतियाेगिताकाे बिजेता हुनेले रु १५ हजार र उप विजेताले रु १० हजारसहित टफी पाउने उनले जानकारी गराए ।

जिराभवानीमा विभिन्न पार्टी परित्याग गरी ७ सय जना नेपाली कांग्रेसमा प्रबेश

0

वीरगंज । पर्साकाे निर्वाचन क्षेत्र नं. ४ अन्तर्गत पर्ने जिराभवानीमा गाउँपालिका वडा नं. ५ शंकर सरैयामा शुक्रबार नेपाली कांग्रेसकाे वृहत पार्टी प्रबेश कार्यक्रम सम्पन्न भएकाे छ ।

शंकर सरैयाकाे सखुवनीया बजारमा भएकाे पार्टी प्रबेश कार्यक्रमलाई सम्बाेधन गर्दै नेपाली कांग्रेसका केन्द्रिय सदस्य रमेश रिजालले सरकारकाे ज्याददती बढदै गएकाे वताएका छन् । अहिलेकाे सरकार काण्डे काण्डकाे सरकार भएकाे वताउदै नेता रिजाले सरकारकाे नेतृत्व गर्ने प्रधानमन्त्री केपी शर्मा ओली नै भ्रष्टाचारिकाे संरक्षक भएकाे आराेप लगाए ।

भ्रष्टाचारीलाई संरक्षण गर्दै सरकारले ब्रह्मलूट मचाएको हुदा अगामी निर्वाचनमा नेपाली काँग्रेसको सरकार हुने नेता रिजालले दावी गरे ।

उनले भने “अहिलेकाे सरकारकाे पालमा काण्डै काण्ड भइरहेकाे छ, जनताले शान्ति सुरक्षा पनि अनुभुति गर्न सकिरहेकाे छैनन् । याे सरकारकाे पालामा हत्या, बलात्कार, हिंसामा वृद्धि हुनुकाे साथै जग्गा काण्ड, जहाज खरिद काण्ड, सुनकाण्ड लगायतकाे काण्डै काण्ड सरकारले गरेकाे छ ।”

उनले थपे ” अहिले महिला, बालिका पनि सुरक्षित छैनन्, दिनदहाडै अपराधि घुमिरहेका छन् । ज्यादतीकाे प्रकाष्टा छ । सरकारले प्रहरी, कर्मचारी, अदालत कब्जा गर्नमा लागि रहेकाे छ । हाम्राे प्रधानमन्त्री रातिकाे समयमा प्रधान न्याधिशसंग भेटनु हुन्छ, जुन अचारसंहितसंग पनि मिल्दैन ।”

कार्यक्रमका प्रमुख अतिथीसमेत रहेका नेता रिजालले राजनितिक स्वतन्त्रता प्राप्त भए पनि धार्मिक, समाजिक र आर्थिक स्वतन्त्रता प्राप्त भई नसकेकाे वताए ।

राजनितिक स्वतन्त्रताकाे लागि नेपाली कांग्रेसले लडाई लडेकाे वताउदै नेता रिजाले अब आर्थिक स्वतन्त्रताकाे लागि लडाई लड्ने वताए । नेपाली कांग्रेकाे त्याे जिम्मेवारी अहिले वाकी नै रहेकाे उनकाे भनाई थियाे ।

कार्यक्रमका विशिष्ट अतिथी नेपाली कांग्रेस पर्साका सभापति अजय द्विवेदीले नेपाली कांग्रेसकाे विकल्प नरहेकाे वताए । बर्तमान सरकारले गरिरहेको भ्रष्टाचार तथा अन्याय अत्याचार अन्य गर्न एक बिकल्प नेपाली काँग्रेस पार्टी मात्र रहेको उनकाे भनाई थियाे ।

उनले भने “नेपाली काँग्रेस मात्र एउटा त्यस्तो पार्टी हो, जहा हरेक क्षेत्रमा आदिवासी जनजाती, मदेशी, दलित, मुस्लिमकाे भविष्य निर्माणका लागि राणा शासनदेखि हालसम्म काँग्रेसले लडदै आएको छ । त्यसैले नेपाली कांग्रेसकाे विकल्प छैन ।”

नेपाली कांग्रेस जिराभवानी गाउँपालिका वडा नं. ५ वडा कमिटीकाे आयाेजनामा भएकाे कार्यक्रममा वडा अन्तर्गतका हरैया, सखुवनिया, शंकरसरैया तथा कोढौलीका करिब ७ सय जना विभिन्न पार्टी परित्याग गरि नेपाली कांग्रेसमा प्रबेश गरेका थिए ।

राप्रपाका गणेश राउत थारु, मोहन राउत थारु, साेहन राउत, सत्यदेव राउत, रामराज राउत थारु, दुखा भैया, गणेश भैया, अलपत्र भैया, मुक्तिनारायण दास, सुरेश दास, लालदेव दास, माया राउत अहिर, बिरजा राउत थारु, राजेश माझी, प्रमाेद माझी, बिनाेद माझी लगायतले नेपाली काँग्रेस प्रबेश गरेका छन।

नव प्रबेशीहरुलाई नेता रमेश रिजाल र प्रदेश सांसद शंकर चौधरीले अबिरकाे टिका तथा माला लगाई पार्टीमा स्वागत गरेका थिए ।

पार्टी प्रबेश गर्ने गणेश राउत राप्रपाबाट जिराभवानी गाउँपालिकाकाे वडा नं. ५ का वडाध्यक्षमा निर्वाचित वडाध्यक्ष दारा सिंहका भाई हुन् । उनकाे नेतृत्वमा मात्र २ सय ३९ जनाले पार्टी प्रबेश गरेका हुन् ।

जिराभवानी गाउपालिका वडा नं ५ नेपाली काँग्रेसका सभापति जगदीश प्रसाद गेडराको सभापतित्व भएकाे कार्यक्रममा प्रदेश सांसद शंकर चाैधरी, महासमिति सदस्य बशिष्ठनारायण कुर्मी, बृहस्पती श्रेष्ठ, जिल्ला सचिव किशाेरी साह, क्षेत्रिय सचिव रमेश पाण्डे, जिल्ला सदस्य नविन सिंह, नेता सहरुम राउत गद्दी, ठाकुर प्रसाद चाैधरी लगायतकाले मन्तव्य राखेका थिए भने कार्यक्रमकाे संचालन क्षेत्रिय सचिव श्रीकान्त यादवले गरेका थिए ।