Date
शुक्र, मंसिर ४, २०८३
Fri, November 20, 2026
Home Blog Page 899

कार्यालय प्रमुखकाे व्यवस्थापन र उखु किशानकाे रकम निकास गर्न माग

0

वीरगंज । कृषी ज्ञान केन्द्र पर्सा २ महिनादेखी कार्यालय प्रमुख विहिन हुदा सेवा प्रभावित  भएकाे छ ।

किसान हकहित संघर्ष समिति पर्साले आज जिल्ला प्रशासन कार्यालय पर्सामार्फत प्रदेश नं. २ का भुमि व्यवस्था कृषि तथा सहकारी मन्त्रालयलाई ज्ञापन पत्र बुझाउदै कृषी ज्ञान केन्द्र पर्सा करिब २ महिनादेखी कार्यालय प्रमुख विहिन रहेकाेले पर्सेली किसानहरुबाट प्राप्त सेवाहरुबाट बन्चीत रहेकाे बारे सराेकारवालाकाे ध्यानाकर्षण गराएकाे छ ।

किसान हकहित संघर्ष समिति पर्साका अध्यक्ष सहरुम गद्दीद्वारा हस्ताक्षरित ज्ञापन पत्रमा आ.व. २०७६/०७७ मा ज्ञान केन्द्र पर्साकाे १०० प्रतिशत बजेट लेपस भएकाे, कृषी ज्ञान केन्द्र प्रदेश नं. २ सरकारकाे प्रमुख मुख्यमन्त्रि पर्सा कै भएपनि पर्सेली किसानहरुकाे समस्या बारे नबाेल्नु दु:खद कुरा भएकाे उल्लेख गरिएकाे छ ।

ज्ञापन पत्रमा ज्ञान केन्द्रबाट आ.व. २०७७/०७८ मा संचालन हुने कार्यक्रमहरु सिचाई यान्त्रिकमा सहयाेग, स्यालाे टयुबेल, माेटर बिउ अनुदान, बजार सेड निर्माण, प्लान्ट किलनिक संचालन, आकस्मीक बाली संरक्षण, कृषकहरुकाे क्षमता विकास तालिम, आदी कार्यक्रम जुन किशासनहरुलाई काेराेनाले आर्थिक मार गरेकाेमा यसले किसानहरुलाई राहत पुग्नेछ । किसानहरुकाे मत लिएर जितेका प्रतिनिधिहरुले यस बिषयमा नबाेल्नु भाेली किसानहरुकाे आन्दाेलन भारतकाे किसानहरुकाे आन्दाेलनकाे रुपमा जादा सबै पक्षमा नकारत्मक प्रभाव पर्ने उल्लेख गरिएकाे छ ।

यसका साथै नेपालमा उखु किसानकाे बारेमा माैन संघ सरकार र प्रदेश सरकार, उनीहरुकाे गत र यस आर्थिक बर्षकाे रकम नपाउनुमा संघर्ष समितिकाे ध्यानाकर्षण भएकाे जनाएकाे छ । ज्ञापन पत्र मार्फत नै सम्बन्धित निकायले चाडै भन्दा चाडै कृषि ज्ञान केन्द्र पर्सामा कार्यालय प्रमुखकाे व्यवस्थापन र उखु किसानहरुकाे रकम उपलब्ध गराइदिन संघर्ष समितिले माग समेत गरेकाे छ ।

मुख्यमन्त्री तथा मन्त्री परिषद्काे कार्यालय प्रदेश नं. २, जनकपुर र कृषी तथा पशुपन्छी मन्त्रालय, सिंहदरबार काठमाडाैलाई ज्ञापन पत्र बाेद्धार्थ गरेकाे संघर्ष समितिले ७ दिन भित्र माग सम्बाेधन नभए आन्दाेलन गर्ने चेतावनी समेत दिएकाे छ । 

जिल्ला स्तररिय एडभाईजरी बैठक सम्पन्न

0

वीरगंज । जिल्ला स्तरिय एडभाईजरी बैठक आइतबार वीरगंजमा सम्पन्न भएको छ ।

भिएसओ नेपाल र दिव्य युवा क्लबको साझेदारीमा संचालित किशोरी शसक्तिकरणको लागि शिक्षा कार्यक्रम अन्तर्गत विरगंजस्थित भिस्वा हाेटलमा बसेकाे बैठक सम्पन्न भएकाे हाे ।

बैठकमा बाेल्दै शिक्षा विकास समन्वय एकाई पर्साका प्रमुख फत्त वहादुर श्रेष्ठले किशोरी शिक्षा तथा विद्यालयमा समावेशी शिक्षा कार्यान्वयनका लागी सबै मिलेर लाग्नु पर्ने वताए । कार्यक्रमका प्रमुख अतिथीसमेत रहेका प्रखुख श्रेष्ठले विधालयको ब्यबस्थापन तथा शिक्षण पद्धतीलाई सुधार गर्न जिल्ला स्तरमा रहेका सबै सरोकारवाला निकायहरु त्यतिनै जिम्मेवारी रहेको कुरामा जाेड दिए ।

परियोजना संयोजक गणेश ठकुरीले आ.ब.२०७६/०७७ को प्रगति समिक्षा र आ.ब.२०७७/०७८ को कार्ययोजना बारेमा जिल्ला स्तरमा रहेका सरोकारवाला निकायहरुलाई प्रस्तुतिकरणको माध्यमबाट जानकारी गराएका थिए ।

कार्यक्रमका सहजकर्ता बृजकिशाेर पटेलले राष्ट्रीय, प्रदेश तथा जिल्ला स्तरमा रहेका तथ्याङ्कहरुलाई प्रस्तुत गर्दै शिक्षाका सवालहरु र आगामी दिनमा गरिने प्रयासको बारेमा पनि सहिजकरण गरेका थिए ।

दिब्य युवा क्लवका अध्यक्ष देवनाथ ठाकुराको अध्यक्षतामा भएकाे बैठकमा जिल्ला प्रसासन कार्यालय पर्सा, जिल्ला जनस्वास्थ्य कार्यालय पर्सा, जिल्ला घरेलु उधोग कार्यालय, महिला सेल, विरगंज महानगरपालिका, जगरनाथपुर गाउँपालिका, धोविनी गाउँपालिका, माईति नेपाल, पत्रकार महासंघ, जिल्ला अपाङ्ग संघ पर्सा, गैरसरकारी संस्था महासंघ पर्साका साथै जिल्ला स्तरमा रहेका सरकारी तथा गैरसरकारी संस्थाका २५ जना प्रमुख तथा प्रतिनिधिको उपस्थिति रहेको थियो ।

उधाराे नतिरेकाे आक्राेसमा पसलवालाकाे आक्रमणले युवककाे ज्यान गयाे

0

वीरगंज । उधाराे खाएकाे रकम नदिएकाे आक्राेसमा पसलवालाकाे आक्रमणले एक युवककाे ज्यान गएकाे छ ।

सखुवा प्रसाैनी गाउँपालिका वडा नं. १ सथवल निवासी २४ बर्षिय उमेश ठाकुरकाे उपचारकाे क्रममा मृत्यु भएकाे प्रहरीले जनाएकाे छ । आक्रमण गर्ने पर्साकाे पटेर्वा सुगाैली गाउँपालिकाकाे रंगपुर टाडी निवासी ३० बर्षिय आनन्द दास थारुलाई प्रहरीले नियन्त्रणमा लिएकाे छ ।

थारुकाे आक्रमणले गम्भिर घाइते भएका मृतक ठाकुरलाई मंसिर २४ गते बुधबार वीरगंजस्थित एलएस न्युराे अस्पतालमा भर्ना गरिएकाे थियाे । उपचारकाे क्रममै अस्पताल मै शनिबार विहान ११ बजे ठाकुरकाे मृत्यु भएकाे उनकाे आफन्त शुभनारायण ठाकुरले वताए ।

उनका अनुसार मृतक ठाकुर केही समय पहिला रंगपुर टाडीस्थित रहेकाे थारुकाे नास्ता पसलमा उधाराे खाएका थिए । साेही उधाराे रकम नदिएकाे आक्राेशमा थारुले माेफलरले गला समाएर घाइते बनाएका थिए । उपचार कै क्रममा ३ दिन पछि मृत्यु भएकाे हाे ।

मृतककाे शव पाेष्टमार्टमपछि आफन्तहरुले बुझेर लगेका छन् । 

संघियता ल्याउनमा संचारमाध्यमकाे भुमिका महत्वपूर्ण : मूख्यमन्त्री गद्दी

0

वीरगंज । प्रदेश नम्बर २ का मुख्यमन्त्री लालबाबु राउत गद्दीले संघियता, लोकतन्त्र र गणतन्त्र स्थापनामा संचारमाध्यमको महत्वपुर्ण भुमिका रहेको बताउनुभएको छ ।

रिडियाे वीरगंजकाे १८ औं बार्षिकाेत्सवकाे अवसरमा आयाेजित शुभकामना अदाप्रदान तथा सम्मान कार्यक्रमलाई सम्बाेधन गर्दै मुख्यमन्त्री गद्दीले २०६२/६३ को आन्दोलन होस् वा ६३/६४को आन्दोलन होस् हरेक कालखण्डमा संचारमाध्यमकाे भुमिका महत्वपुर्ण देखिएको उहाँले चर्चा गर्नुभयो । लोकतन्त्र बचाउने प्रमुख भुमिकामा संचाकर्मी नै रहेको उहाँले बताउनुभयो ।

कार्यक्रमका प्रमुख अतिथीसमेत रहेका मुख्यमन्त्री गद्दीले नाकाबन्दीको बेला सिमाक्षेत्रमा गरिएको आन्दोलन तुहाउन तत्कालिन गृहमन्त्रीले गरेको षड्यन्त्रलाई बीरगंजका संचाकर्मीकाे सकारात्मक भुमिका कै कारण आफुहरु निष्फल पार्न सफल भएको उहाँले स्मरण गराउनुभयो । आज पनि संघिय लोकतान्त्रिक गणतन्त्रलाई समाप्त पार्न चलखेल भईरहेको उहाँले आरोप लगाउनुभयो ।

अहिलेको लोकतान्त्रिक व्यवस्थालाई समाप्त पार्न नदिन संचारकर्मी र रेडियोले निरन्तर सकारात्मक भुमिका निर्वाह गर्दै अगाडी बढ्नु पर्नेमा उहाँले जोड दिनुभयो ।

रेडियो वीरगंजका कार्यकारी अध्यक्ष ध्रुव साहको सभापतित्वमा भएकाे कार्यक्रममा प्रदेश  नं. २ का भौतिक पुर्वाधार तथा विकासमन्त्री जितेन्द्र सोनल, प्रतिनिधि सभा सदस्य प्रदिप यादव, हरिनारायण रौनियार, प्रदेस सभा सदस्य राजेश्वर साह, प्रहलाद गीरी, बीरगं महानगरपालिकाका प्रमुख विजय कुमार सरावगी, नेपाली कांग्रसका पर्सा जिल्ला सभापति अजय द्विवेदी, बीरगंज उद्योग वाणीज्य संघका अध्यक्ष एवम् नेपाल उद्योग वाणिज्य महासंघका सदस्य गोपाल केडिया, नेपाल पत्रकार महासंघ प्रदेश २ का अध्यक्ष दिपेन्द्र चौहान, नेपाल पत्रकार संघ पर्साका सभापति श्याम बन्जारा लगायतले मन्तव्य व्यक्त गर्नु भएको थियो ।

कार्यक्रममा राजनितिकर्मी, स्वास्थ्यकर्मी, संचारकर्मी, रेडियोका कर्मचारी लगायतको उपस्थिति रहेको थियो ।

साे अवसरमा पर्सा प्रहरी प्रमुख प्रहरी उपरिक्षक गंगा पन्त, नारायणी अस्पतालका चिकित्सक डा. उद्य नारायण सिंह र जिल्ला स्वास्थ्य कार्यालय पर्साका जनस्वास्थ्थ निरिक्षक जयमाेद ठाकुरलाई सम्मानसमेत गरिएकाे थियाे । काेराेना महामारीमा राम्राे काम गरेकाे भन्दै रेडियाे वीरगंजले तिनै जनालाई सम्मान पत्रले दाेसल्ला ओढाएर आफ्नाे बार्षिकाेत्वकाे अवसरमा सम्मान गरेकाे हाे ।

मध्यतराइकै पहिलो रेडियो, रेडियो वीरगंजले आफनो प्रसारणको १८ वर्ष पुरा गरी १९ औँ बर्षमा प्रवेश अवसरमा आयाेजित कार्यक्रममा रेडियो वीरगंजकी समाचार वाचिका निलिमा पौडेललाई उत्कृष्ट कर्मचरीको रुपमा नगद रु ११ हजारसहित सम्मान पत्र, दोसल्ला ओढाई सम्मान गरिएको थियो ।

त्यसैगरी कार्यक्रममा रेडियो वीरगंजमा १८ बर्षदेखि निरन्तर रुपमा कार्यरत रहि अभिभावकको भूमिका रहनु भएको भन्दै सम्पादक रामनारायण कुर्मीलाई दोसल्ला ओढाई कदर पत्रसहित सम्मान गरिएको थियाे । सो अवसरमा रेडियो वीरगंजका समाचार प्रमुख ध्रुव अधिकारीलाई रेडियोको स्तर वृद्धिका लागि महत्वपूर्ण भूमिका खेलेको भन्दै दोसल्ला ओढाई कदर पत्रसहित सम्मान गरिएको थियो ।

कार्यक्रममा रेडियो वीरगंजका समाचार वाचक एवं कार्यक्रम प्रस्तोता उज्जवल घिमिरे, लेखाप्रमुख राजेश चौधरी, मार्केटिङ्ग प्रमुख महम्मद जनाव आलम, समाचार वाचिका एवं कार्यक्रम प्रस्तोता अनिता कुँवर, समाचार वाचक एवं प्राविधिक रंजित यादव, सम्वाददाता आरके पटेल, राधेश्याम पटेल, युवराज खड्का, छठु साह, ओमप्रकाश चौधरी, सिकेन्द्र पासवान, संजय मिश्र, प्राविधिक रामप्रवेश चौधरी, ओमप्रकाश मिश्र, प्रदिप पडित, विपिन साह, कार्यक्रम प्रस्तोता मंकेश्वर गुप्ता, समाचार वाचक प्रवेज आलम, सुरक्षागार्ड किशोरी साह, प्रेम पटेल, कार्यालय सहयोगी लालझरी देवी सहित २७ जना कर्मचारीलाई सम्मान गरिएको थियाे ।

सो अवसरमा कर्मचारीहरुको सुखदुःखमा साथ दिने कुशल व्यवस्थापकको रुपमा रेडियो वीरगंजका कार्यकारी अध्यक्ष ध्रुव साहलाई कर्मचारीहरुकाे तर्फबाट पनि सम्मान गरिएको थियो । कर्मचारीहरुको तर्फबाट साहलाई दोसल्ला ओढाउनुका साथै प्रमुख अतिथि प्रदेश नम्बर २ का मुख्यमन्त्री लालबाबु राउत, भौतिक पूर्वाधार तथा विकास मन्त्री जितेन्द्र सोनल, सांसद प्रदिप यादवले मधेशाको पहिचान गम्छा, र नेपालीको प्रतिक ढाकाको टोपी लगाएर सम्मान गर्नु भएको थियो ।

यसैविच रेडियो वीरगंजले १८ बर्ष पुरा गरी १९ औं बर्षमा प्रवेश गरेको अवसरमा कार्यकारी अध्यक्ष ध्रुव साहले एक प्रेस विज्ञप्ती जारी गरी रेडियो बीरगंजका आम स्रोता, विज्ञापनदाता, शुभचिन्तकहरु प्रति आभार प्रकट गर्नु भएको छ । साहद्वारा जारी विज्ञप्तीमा सबैको अपार स्नेहका कारण अहिले २ हजार वाटमा रेडियोको प्रसारणलाई प्रदेश २ का सबै जिल्ला तथा प्रदेश ३ का समेत अधिकांश जिल्लाहरुमा रहेका स्रोता माझ पुर्याईएको बताउनु भयो ।

उहाँले गत बर्ष रेडियो टावरलाई आधुनिकिकरण गरी ४० फिट थप अग्लो बनाइ प्रसारण क्षमतामा तराईकै पहिलो रेडियो वन्ने जमर्को गरेको समेत विज्ञप्तीमा उल्लेख गर्नु भएको छ ।

रेडियो बीरगंज मध्यतराई मै पहिलो पटक चौविसै घण्टा प्रशारण हुने एक मात्र रेडियो रहेको र अहिले १८ औ वार्षिकोत्सव मनाई रहदा रेडियो वीरगंजको भातृ संस्थाको रुपमा रेडियो पोखरिया १०५.८ मेगाहर्ज र टेलिभिजनको दुनियामा श्रोतालाई अब दर्शकको रुपमा समेत समेटने प्रयास स्वरुप टिभी वीरगन्जको परिक्षण प्रशारण गरि रहेको जानकारी दिनुभयो ।

विज्ञप्तीमा १८ बर्ष सम्म रेडियो वीरगंजलाई अपार माया, स्नेह, प्रदान गर्ने स्रोता, विज्ञापनदाता, शुभचिन्तकहरुको विश्वासलाई थप मजबुद बनाउन रेडियो वीरगंजले रेडियो पोखरीया र टिभी विरगंज श्रोता तथा दर्शकहरु माझ ल्याएको बताउदै आगामी दिनमा मनोरञ्जनको दुनियामा रम्ने श्रोताहरुका लागि म्युजिकल एफएम १००.३ मेगाहर्ज छिट्टै श्रोता माझ ल्याउने प्रतिबद्धता समेत कार्यकारी अध्यक्ष साहले जाहेर गर्नु भएको छ ।

एसपी अधिकारीले उठाइदिए ६ महिनामै अघिल्लो वर्षको ५ गुणा बढी राजश्व

0

वीरगंज । जिल्ला प्रहरी कार्यालय कपिलवस्तुले ६ महिनामै अघिल्लो वर्षमा उठको राजश्वको ६ गुणा बढी राजश्व उठाएको छ ।

गत आर्थिक वर्ष २०७६/०७७ मा कपिलवस्तुबाट ५५ लाख राजश्व उठाइएको थियो । तर, यो आर्थिक वर्षको ५ महिना र अघिल्लो आर्थिक वर्षको असारसमेत गरी अघिल्लो वर्षभन्दा ५ दशमलव ६५ गुणा बढी अर्थात ३ करोड ११ लाख राजश्व उठेको छ ।

यो आर्थिक वर्षका ५ महिनामा मात्रै २ करोड ६४ लाख ९२ हजार ८ सय ३० रुपैयाँ राजश्व उठाएको छ । जिल्ला प्रहरी कार्यालयका प्रमुख प्रहरी उपरीक्षक (एसपी) नवराज अधिकारीले अघिल्लो वर्षको तुलनामा धेरै नै राजश्व उठाउन आफूहरु सफल भएको बताए ।

‘अघिल्लो आर्थिक वर्ष कपिलवस्तुबाट प्रहरीले ५५ लाख राजश्व दाखिला गरेको थियो’ एसपी अधिकारीले भने, ‘यो आर्थिक वर्षको ५ महिनामा हामीले २ करोड ६४ लाख ९२ हजार ८ सय ३० रुपैयाँ राजश्व उठाउन सफल भएका छौं ।’

एसपी अधिकारी कपिलवस्तुमा प्रहरी प्रमुख भएर गत असार ५ गते पुगेका थिए । उनी पुगेपछि अहिलेसम्म ३ करोड ११ लाख राजश्व उठेको हो ।

कपिलवस्तु सिमावर्ती जिल्ला हो । सिमा नाकाबाट सामान भित्र्याउने र बाहिर पठाउने गर्दा प्राय धेरै राजश्व उठ्ने गर्छ । कार्यालयको रेकर्ड अनुसार अहिलेसम्म सवारी साधन, लत्ता कपडा, किराना सामान, रागा भैसी, खसी बोका, केराउ, सुन, चाँदी र अन्य सामानको भन्सारवापत त्यती राजश्व उठेको हो ।

त्यस्तै प्रहरीले ५ महिनामा विभिन्न आरोपमा फरार रहेका ८८ जनालाई पक्राउ गरी १४ लाख ५१ हजार १४४ जरिवाना गराएको छ भने २८ वर्ष २ महिना २९ दिन कैदका लागि सम्बन्धित निकायमा पठाएको छ ।

प्रहरी कार्यालयमा अहिलेसम्म विभिन्न विभिन्न प्रकृत्तिका आत्महत्याका ५४ घटना दर्ता भएको र तीनको छानबिन भइरहेको तथ्यांकमा उल्लेख छ । अघिल्ला वर्षहरुमा भन्दा अहिले कसरी बढी राजश्व उठ्यो भन्दा एसपी अधिकारी भन्छन्, ‘हामीले सिमामा जाँच बढाएका छौ । कानुनको पालनामा कडाइ गरेका छौ ।’

स्थानीय र जिल्लाबासी प्रहरी प्रमुख भएर अधिकारी आएपछि जिल्लामा हत्या हिंसाका घटनामा कमी आएको बताउँछन् । उनी जिल्लामा पुगेपछि चोरी, डकैती र कानुन उल्लंघन गरेर ज्याजती गर्ने घटना कम भएका छन् ।

अधिकारी एसपीमा बढुवा भएपछि केही समय प्रहरी मुख्यालयमा बसेर पहिलो पटक जिल्लाको प्रमुख भएर कपिलवस्तु गएका हुन् । उनले आफूलाई अव्वल देखाउनका लागि पनि राम्रो काम गरिरहेका उच्च पदस्थ प्रहरी अधिकारीहरु बताउँछन् । तर, उनी जिल्लाको प्रमुख भएको पहिलो पटक भने होइन ।

उनी प्रहरी नायव उपरीक्षक (डिएसपी) हुँदा दार्चुलामा जिल्ला प्रहरी प्रमुख भएका थिए । त्यहाँ रहदा पनि अधिकारीले राम्रो काम गरेका थिए । त्यसबाहेक डिएसपी हुँदा अधिकारी जिल्ला प्रहरी कार्यालय बाराको सेकेण्डम्यान भएर केही समय बसे ।

कालीमाटी बृत्तको प्रमुख भएर बसे भने प्रहरी एकेडेमीमा पनि बसे । त्यस्तै प्रहरी निरीक्षक हुँदा उनी पुल्चोक, अछाम, डडेलधुरा, कञ्चनपुरमा काम गरे । ४ वर्ष डडेलधुरामा निरीक्षकका रुपमा विताएका अधिकारीले राम्रो काम गरेको भन्दै जिल्लामा प्रशंसा बटुलेका थिए ।

पर्सासहित मध्य–तराईमा एक्कासी हुस्सो र शितलहर

0

वीरगंज । पर्सा लगायत मध्य–तराईमा एक्कासी चिसो बढेको छ । आज बिहानैदेखी अत्यधिक कुहिरो लागेर एक्कासी चिसो बढेको छ । बिहानैदेखी सितलहरसंगै बढ्दै गएको चिसोको कारण बृद्ध बृद्धा तथा बालबालिकाहरु घरबाट बाहिर निस्कनेहरुको संख्यामा कमी आएको छ ।

चिसोको कारण सबै भन्दा बढि बालबालिका तथा बृद्ध बृद्धा प्रभावित भएका छन् । बिहानै देखी शितलहर चलेर जाडो बढ्दै गएपछि बालबालिका तथा बृद्ध बृद्धा आगो बालेर ताप्ने गरेका छन् ।

हुस्सो र शितलहरको कारण चिसो बढ्दै गएपछि बालबालिकामा निमोनिया र बृद्धाहरुमा दम खोकीको असर देखा पर्न सक्ने भएकोले घरभित्रै सुरक्षति बस्न चिकित्सकहरुले सुझाव दिएका छन् ।

चिसो बढेपछि पसकिो सदरमुकाम वीरगंज शहरमा मानिसको चहलपहल घटेको छ । पर्साको ग्रामिण भेगबाट हजारौको संख्यामा दैनिक मजदुरी गर्न वीरगंज आउने मजदुर पनि प्रभावित भई उनीहरुको संख्यामा कमी आएको छ । निरन्तर यसरी नै कुहिरो बढ्दै गयो भने दैनिक मजद’री गरि जिविकोपार्जन गर्ने परिवार समेत मारमा पर्ने अवस्था आउँन सक्छ ।

कुहिरोले गर्दा २५/३० मिटर पर देखिएको छैन् । जसले सवारी साधन आवत जावतमा पनि कमी आएको छ र केही सवारी साधनहरु लाईट बालेर चलिरहेका छन् । सवारी साधन लाईट बालेर चलाए पनि पूर्वपश्चिम राजमार्गमा कुहिरोले दुर्घटनाको जोखिम बढेको देखिन्छ ।

प्रत्येक वर्षझै यसवर्ष पनि हुस्सो र शितलहरले हुने जोखिमबाट बचाउँन विपत व्यवस्थापन समिति अगाडीदेखी नै सक्रिय हुन आवश्यक रहेको बुद्धिजिवीहरुले बताएका छन् ।

पत्रकार क्रान्ति शाहलाई मातृ शोक

0

वीरगंज । पर्साका पत्रकार क्रान्ति शाहलाई मातृ शोक परेको छ । नेपाल पत्रकार महासङ् पर्साका सदस्य, अन्नपूर्ण पोस्टका सम्बाददाता एंव नारायणी एफएम वीरगंजका स्टेशन प्रमुख शाहकी ममतामयी आमा ६२ बर्षीय गायत्री देवीको मंगलबार राती असामयिक निधन भएको हो ।

हिन्दु परम्परा अनुसार आज बिहान वीरगंजको रानीघाट समसानघाटमा शाहकी आमाको अन्तिम दाहसंस्कार गरिएको परिवारजनले बताएका छन् ।

शाहकी आमाप्रति कालिका टाईम्सले हार्दिक श्रद्धाञ्जली तथा शोकसन्तप्त परिवारजनमा हार्दिक सम्वेदना प्रकट गर्दछ ।

सिद्धबाबाको चरित्र हत्या गर्नेलाई कडा कारवाही गर्न हिन्दु परिषदको माँग

0

विश्व हिन्दू परिषद् नेपालले रामकृष्णाचार्य श्री वैष्णव कृष्ण दास (सिद्धबाबा) को चरित्र हत्या गर्नेलाई कडा कार्वाही गर्न माँग गरेको छ ।
जबरजस्ती करणीको आरोप लागेका सिद्धबाबालाई सुनसरी जिल्ला अदालतले सोमबार सफाई दिएको छ । सफाई दिएसँगै गलत मनसाय राखी पुज्य सन्तमाथि जबरजस्ती करणी जस्तो गम्भिर अरोप लगाउनु निन्दनी एवं दण्डनीय विषय भएको भन्दै विश्व हिन्दू परिषदले सिद्धबाबाको चरित्र हत्या गर्नेलाई कारवाहीको माँग गरेको हो ।

हिन्दू साधुसन्तहरुमाथि श्रृंखलाबद्धरुपमा आक्रमण हुँदै आएको अवस्थामा समेत प्रशासनले कुनै एक फर्जी उजुरीको आधारमा कारवाही थाल्नु प्रशासनमाथि नै प्रश्न चिन्ह खडा गर्ने भन्दै परिषदले हिन्दू आस्था एवं साधुसन्तको मर्यादाको ख्याल नै नगरी, उजुरीकर्ताको सत्यता परीक्षण नै नगरी प्रशासनले पूज्य सन्त विरुद्ध कारवाही गर्नु शंकाष्पद रहेको उल्लेख गरेको छ ।

प्रशासनको लापरवाही एवं अकर्मन्यताका कारण पूज्य सन्तले विभिन्न किसिमको दुःख, कष्टको सामना गर्नुप¥यो, परिषदका महासचिव जितेन्द्र कुमार सिंह द्धारा हस्ताक्षर सहित जारी गरिएको प्रेस विज्ञप्तीमा भनिएको छ, बहुसंख्यक हिन्दुहरुको देशमा समेत साधुसन्तमाथि यस किसिमको षडयन्त्र एवं दुव्र्यवहार गरिनु चिन्ताजनक विषय हो ।

प्रशासनबाट गरिएको कृत्यको विश्व हिन्दु परिषद नेपाल कडा शब्दमा निन्दा गर्दछ साथै हिन्दु आस्था एवं पूज्य सन्त रामकृष्णाचार्य श्री वैष्णव कृष्ण दास (सिद्धबाबा)को चरित्र हत्या गर्नेलाई कडा कारवाहीको गर्नुपर्ने माँग समेत अगाडी सारेको छ ।

अब उपरान्त हिन्दू साधुसन्तहरुको मर्यादा एवं हिन्दू जनमानसको आस्थाको ख्याल गर्दै सत्य तथ्य पुष्टि पश्चात मात्र कारवाही थाल्न सरकार समक्ष विश्व हिन्दू परिषद नेपाल आग्रह गरेको छ ।

भारतमा मोदी सरकार बिरुद्ध देशभरीका किसान आन्दोलित

0

भारतमा मोदी सरकारबिरुद्ध किसानले एक दिनको लागी देशव्यापी रुपमा बन्दको आह्वान गरेका छन् । भाजपाको मोदी नेतृत्व सरकारले ल्याएको कृषि कानुनविरुद्ध किसानहरुले आज (मंगलबार) लागि भारत बन्द गर्ने घोषणा गरेका हुन ।

किसानहरुको आन्दोलनमा १८ वटा विपक्षी पार्टीले पनि सहयोग गरेका छन् । आन्दोलनरत किसान संगठनले बन्द देशका हरेक स्थानमा सफल हुने दाबी गरेका छन् ।

किसानले दिल्लीलगायत देशका विभिन्न जिल्लामा प्रदर्शन जारी राखेका छन् भने विगत १२ दिनदेखी पन्जाब र हरियाणका किसान आन्दोलनमा छन् ।

बिहानदेखी साँझसम्म बन्द गर्ने र दिउँसो ३ बजेसम्म चक्काजाम गरिने किसान बलबिर सिंहले बताएका छन् । उनले भने,‘‘आज दूध–तरकारी शब्जी आपूर्ति रोक्न आह्वान गरिएको छ तर अस्पताल, एम्बुलेन्सजस्ता आपतकालीन सेवा र विवाह रोकिने छैन ।

सरकार र किसानका प्रतिनिधिबीच ५ चरण वार्ता भइसकेको छ । तर अहिलेसम्म कुनै निकास निस्किन सकेको छैन। सरकारले न्यूनतम समर्थन मूल्यप्रति किसानको आशंका गलत रहेको दाबी गर्दै कानुनमा केही परिवर्तन गर्न तयार रहेको संकेत दिएको छ तर किसान भने तीनवटै कृषि कानुन रद्द नभएसम्म आन्दोलन नरोकिने चेतावनी दिएका छन् ।

सरकारसँग किसानको अर्काे बार्ता फेरी भोली बुधबार हुनेछ । बीबीसी

रेडियाे वीरगंजमा २१ महिलासहित २६१ जनाले गरे रक्तदान

0

वीरगंज । रेडियाे वीरगंज एफएमकाे १८ औं बार्षिकाेत्सवकाे उपलक्ष्यमा आज बृहत रक्तदान कार्यक्रम सम्पन्न भएकाे छ ।

वीरगंज मुर्ली बगैचास्थित रहेकाे एफएम परिसरमा भएकाे कार्यक्रममा २१ महिलासहित २ सय ६१ जनाले रक्तादन गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।

एफएमका अध्यक्ष ध्रुर्व साहकाे अध्यक्षतामा भएकाे कार्यक्रमममा प्रभात कुमार तेली, रुपेन्द्र कुमार साह, बिरेन्द्र कुमार यादव, रमेश प्रसाद कलवार, आनन्द कुमार मिश्रा, राजकुमार सेढाई, ओमप्रकाश साह, गुुडु कुमार सुमन, राेशन खड्का, सराेन प्रजापती, रामानन्द ठाकुर, बिश्वास प्रताप साह, प्रतिमा चाैधरी, आदर्श थापा, सत्य प्रकाश कुमार, शुभनारायण गुप्ता, रामाधार पटेल, लालबाबु प्रसाद मण्डल, नन्दकिशाेर यादवले रक्तदान गरेका छन् ।

यस्तै, संदिप कुमार सर्राफ, बिजय कुमार, साेनु कुमार साह, लाेकेन्द्र पटेल, सुनिल कुमार सर्राफ, दिपक कुमार साह, रामशिष राउत अहिर, रामअयाेध्या कुशवाहा, हरिशंकर कुमार साह, कमला कार्की, गाैरीशंकर साह, श्याम पटेल, धिरेन्द्र प्रसाद चाैधरी, अर्जुन गुप्ता, पवन पटेल, राेशन श्रीवास्तव, पप्पु सर्राफ, संताेश राम, लालबाबु प्रसाद यादव, उमेश प्रसाद साह, बिक्रम थापा मगर, रबिन्द्र श्रेष्ठ, सचिन साह, कृष्णा पटेल, संजिव साह, अनिता साह, विकास चाैहान लगायतकाले रक्तदान गरेका हुन् ।

रेडियाे वीरगंज एफएमकाे आयाेजना र नेपाल रेडक्रस साेसाइटी रक्त संचार केन्द्र वीरगंजकाे प्राविधिक सहयाेगमा भएकाे थियाे । एफएफले प्रत्येक बर्ष आफ्नाे बार्षिकाेत्सवकाे अवसरमा बृहत रक्तान कार्यक्रम गर्दै आएकाे छ ।