Date
शुक्र, मंसिर ४, २०८३
Fri, November 20, 2026
Home Blog Page 898

बाराकाे ८ औ जिल्ला समन्वय बैठक सम्पन्न

0

वीरगंज । बाराकाे बिश्रामपुर गाउँपालिकामा शुक्रबार आठाै जिल्ला समन्वय बैठक सम्पन्न भएकाे छ ।

जिल्ला समन्वय समिती बाराका प्रमुख नवल किशोर सिंहको अध्यक्षतामा भएको बैठकले संघिय मामिला तथा सामान्य प्रशासन मन्त्रालयबाट स्थानिय तहहरुमा सरुवा, पदास्थापन गरी पठाएका कर्मचारीहरुलाई सम्बन्धित स्थानिय तहले अनिवार्य रुपले हाजिर गराउने निर्णय गरेकाे छ ।

यस्तै बैठकले स्थानिय तहबाट संचालन हुने सम्पूर्ण गतिविधिहरु संचालन गर्न प्रमुख, उप प्रमुख, अध्यक्ष, उपाध्यक्ष र प्रमुख प्रशासकिय अधिकृत समान रुपमा उत्तरदायी भएकाले विधिकाे शासन भित्र रही आपसी समन्वय र सहकार्य गरी कार्य गर्ने गराउने, समन्वय बैठकलाई अझ प्रभावकारी बनाउन आगामी बैठकदेखी प्रत्येक स्थानिय तहले आफुले गरेकाे कामहरु मध्ये कम्तिमा एक वटा उत्कृष्ट कामकाे प्रस्तुती गर्नुपर्ने लगायतकाे ८ वटा निर्णय गरेकाे जिल्ला समन्वय अधिकारी सुनिल चाैरसियाले वताए ।

जिल्ला समन्वय समिती बाराको सम्योजनमा हुँदै आएको अगामी जिल्ला समन्वय बैठक माघ २ गते सुवर्ण गाउँपालिकामा हुनेसमेत बैठकले निर्णय गरेकाे उनले जानकारी गराए ।

बैठकमा सहभागी सबैले जिल्लाको बिकास का लागि साझा प्रयास गर्ने र आ आफ्नो पालिकामा राम्रो काम गर्नेमा अझ द्रुत गतिमा कदम चाल्ने बताएका थिए ।

बैठकमा बढ्दै गरेको चिसो र शितलहरबाट जनतालाई राहत दिन दाउरा बितरण, न्यानाे कपडा बितरण, अस्लिल गित र डिजे बन्द गराउने, सार्वजनिक जग्गा बारे प्रक्रिया थाल्ने, सार्वजनिक गाडी दुरुपयोग रोक्ने लगायतकाको बारेमा पनि छलफल भएको थियाे ।

जिल्ला समन्वय बैठकमा प्रमुख जिल्ला अधिकारी दिपक राज नेपाल, प्रहरी प्रमुख कृष्ण पगेनी, सशस्त्र प्रहरी उपरीक्षक रबिनराज कर्णजित, पालिका प्रमुख, उप प्रमुख र प्रमुख प्रशासकिय अधिकृतहरुकाे सहभागिता रहेकाे थियाे ।

बिश्रामपुर गाउँपालिकाका अध्यक्ष अमिरिलाल पालले स्वागत मन्तव्य राखेकाे कार्यक्रमको संचालन जिल्ला समन्वय अधिकारी चौरसियाले गरेको बिश्रामपुर गाउँपालिकाको प्रमुख प्रसासकिय अधिकृत सुनिल केशरिले जानकारी दिए ।

चाेरीकाे भारतिय सुमाेमा नेपाली नम्बर राखीएकाे अवस्थामा बरामद

0

वीरगंज । भारतबाट चोरी गरी नेपाली नम्बर राखि चलाइरहेकाे सुमाे गाडी बारा प्रहरीले बरामद गरेकाे छ ।

भारतबाट चाेरी पैठारी गरी नेपाल भित्राएको सेतो रंगको सुमो गाडीमा काल्पनिक नम्बर बा.२ च ८२७५ राखी लुकाई छिपाई कलैया उपमहानगरपालिकाको वडा एरियामा चलाई रहेको छ भन्ने विशेष सूचनाको आधारमा शुक्रबार विहान ५ बजेको बरामद भएकाे जिल्ला प्रहरी कार्यालय बाराले जनाएकाे छ ।

जिल्ला प्रहरी कार्यालय बाराबाट खटिएको प्रहरी टोलीले बारा जिल्लाकाे कलैया उप-महानगरपालिका वडा नं.५ बरेवास्थित सार्वजनिक सडक खण्डमा साे गाडी फेला पारी चेकजाँच गर्दा उक्त गाडी भित्रबाट BR 3P 0321 नं. को भारतिय गाडीको बिलबुक फेला परको थियाे ।

बिल बुकमा भएको इन्जिन नम्बर र चेचिस नम्बर उल्लेखित सुमो गाडीको इन्जिन र चेचिस नं.सँग मेल आएकोले उक्त गाडी चोरीको गाडी भएकाे आशंकामा प्रहरीले नियन्त्रणमा लिएर अनुसन्धान थालेकाे छ ।

भारतबाट चोरी गरी नेपाल भित्रयाई काल्पनिक नम्बर राखेको यकिन भएको हुँदा बरामद भएको रु १० लाख पर्ने सुमो गाडीलाई भन्सार ऐन अनुसार आवश्यक कारवाहीको लागि भन्सार कार्यालय बीरगंज, पर्सामा बुझाइएको प्रहरी कार्यालय बाराले जनाएकाे छ ।

पाेखरियामा लैंगिकतामा आधारित हिंसा सम्बन्धी २ दिने तालिम सम्पन्न

0

वीरगंज । बाल सुरक्षा, प्रजनन् स्वास्थ्य, लैंगिकतामा आधारित हिंसा सम्बन्धी २ दिने तालिम शुक्रबार सम्पन्न भएकाे छ ।

भिएसओ नेपाल र दिव्य युवा क्लबको साझेदारीमा संचालित किशोरी शसक्तिकरणको लागि शिक्षा कार्यक्रम अन्तर्गत पोखरियामा भएकाे तालिम सम्पन्न भएकाे हाे । ठुली दिदीहरुको लागी बाल सुरक्षा, प्रजनन् स्वास्थ्य, लैंगिकतामा आधारित हिंसा तथा सामाजिक समावेशीकरण पाेखरिया नगरपालिकाकाे सभा हलमा तालिम संचालन भएकाे थियाे ।

ठुली दिदीहरुलाई बाल सुरक्षा, प्रजनन् स्वास्थ्य, लैंगिकतामा आधारित हिंसा सम्बधी चेतनशिल बनाई सानी बहिनीहरुरुको क्षमता विकास गर्ने अभिपार्यले सो तालिम दिईएको हो । तालिममा जगरनाथपुर र धोविनी गाउँपालिकाका १७ जना ठुली दिदीहरुको सहभागीता रहेको थियो ।

तालिममा परियोजनाका कर्मचारीहरु गणेश ठकुरी, देवी न्यौपाने, श्रीचन्दन जैसवाल, देवता रिजाल, मंगीता रौनियार, धुर्वतारा केवट र ठग पटेलले सहजिकरण गरेका थिए ।

दिब्य युवा क्लवका अध्यक्ष देवनाथ ठाकुरकाे अध्यक्षतामा तालिम समापन समाराेहमा पोखरिया नगरपालिकाका प्रशासन सहायक राजेश्व प्रसाद कुर्मी लगायतकाे सहभागीता रहेकाे थियाे ।

वीरगञ्जमा अन्तराष्ट्रिय स्तरकाे चार तारे हाेटल(क्लार्क रिसोर्ट) संचालनमा

0

वीरगञ्ज । वीरगञ्जमा एक अर्वभन्दा पनि बढीको लगानीमा चार तारे होटल सञ्चालनमा आएको छ ।

वीरगञ्ज महानगरपालिका वडा नम्बर १४ बहुवारीमा हिमाल वाटार्पार्क एण्ड भिलेज रिसोर्ट नामक अन्तराष्ट्रिय स्तरको चार तारे होटल सुरु भएको हो । एक अर्वभन्दा बढीको लगानीमा प्रदेश नं. २ मै खुलेको यो पहिलो होटल भएको सञ्चालकले दावी गरेका छन् ।

विगत लामो समयदेखि वीरगञ्जमा  कागजको उद्योग चलाउँदै आएका वीरगञ्जका प्रतिष्ठित व्यवसायी सुनिल कुमार खेतानले लगानी गरेको होटल भारतको चर्चित होटल ब्राण्ड क्लार्क्स रिसोर्टको व्यवस्थापकीय जिम्मेवारी लिएको छ ।

होटलमा ६० वटा आरामदायी कोठा, १५ सयदेखि २ हजार व्यक्ति अट्न सक्ने कन्भेन्सन हल, डेढ सयदेखि ३ सयजना अट्ने चारवटा व्यवस्थित सभाहल, स्वीमिङ पुल, क्यासिनो, ओपेन एयर थियटर पार्क, ओपेन एयर किचेन, पार्किङ्ग स्थल, बगैंचा लगायत संरचना निर्माण गरिएको छ ।

हाल रिसोर्टमा जन्मदिन, वैवाहिक वर्षगाँठ, वैवाहिक कार्यक्रमको बुकिङ खुला गरिएकोमा एक सातामा ५ वटा सम्म कार्यक्रम सम्पन्न भएको सञ्चालक खेतानले होटलमा बिहिबार आयोजित पत्रकार सम्मेलनमा बताए । व्यवस्थापकीय पक्षको जिम्मा लिएको क्लार्कले १५ जना कर्मचारी नियुक्त गरेको छ भने रिसोर्टले नेपाली ५० जनालाई प्रत्यक्ष रोजगार दिने प्रारम्भिक चरणको तयारी थालेको उनले जानकारी दिए ।

३ वर्षअघिदेखि निर्माण सुरु गरिएको यो रिसोर्ट दुई बिघामा फैलिएको सञ्चालक खेतान बताए । नारायणी सिँचाइ डिभिजन नम्बर ५ गण्डक बहुअरीभन्दा ७ सय मिटरपूर्व अवस्थित रिसोर्टले एक सातादेखि कन्भेन्सन हल र रेस्टुरेन्ट सञ्चालनमा ल्याएको छ ।

वीरगञ्ज उद्योग वाणिज्य सङ्घका उपाध्यक्षसमेत रहेका खेतानले यसअघि कागज उद्योग र एफ एम रेडियोमा लगानी गरेका थिए । वीरगञ्जमा सुविधा सम्पन्न रिसोर्टको आवश्यकता महसुस गर्दै भारतको क्लार्क ब्रान्डले लखनउको पाँच तारे होटल अवधबाट जारी राखेको होटल फ्रेन्चाइजसँग नेपालमा पहिलो अन्तर्राष्ट्रिय चेन होटलको रूपमा हिमाल वाटर पार्क एन्ड भिलेज रिसोर्टलाई अनुबन्धित गरिएको उनको तर्क छ ।

सम्पूर्ण सञ्चालनको जिम्मा चर्चित ब्रान्ड क्लार्कलाई नै दिने गरी होटलको गुणस्तरीयमा ध्यान दिइएको खेतानले बताए । क्लार्कको पहिलो विदेशी प्रडक्ट भएकाले पनि अन्तर्राष्ट्रियस्तरको रिसोर्टको सुविधाले नेपाली ग्राहक तथा देश घुम्न आउने पर्यटकले सेवा सुविधाबाट फाइदा लिन सक्ने उनको आशा छ ।

तीन वर्षको अथक प्रयासपछि अहिले निर्माणको अन्तिम चरणमा हिमाल वाटर पार्क एण्ड भिलेज रिसोर्टमा ६० वटा कोठा सहितको होटल ब्लकको काम जारी गरिएको व्यवस्थापकको भनाइ छ ।

आगामी ८ महिनामा होटल पूर्ण क्षमतामा सञ्चालन गर्न सकिने खेतानले बताए । उनका अनुसार होटल ब्लक बनेपछि रिसोर्ट परिसरमा चार वटा एक्जुकेटिभ स्विट्स, आठवटा एक्जुकेटिभ कोठा, आठ वटा स्विट्स, २६ वटा किङ र फुल फ्लेज्ड रेस्टुरेन्ट सञ्चालनमा आउनेछ । पूर्ण रुपमा रिसोर्ट सञ्चालनमा आएपछि साढे ४ देखि ७ हजारसम्ममा आरामदायी कोठा बुक सुरु गर्ने रिसोर्टको तयारी रहेको संचालक खेतानले बताए ।

ग्लोबल आइएमई बैंकले ऋण उपलब्ध गराएको रिसोर्टले काठमाडौंपछि वीरगञ्जमा स्तरीय रिसोर्ट सञ्चालनमा ल्याएको सञ्चालकको दाबी छ । प्रदेश २ मा बिहार, उत्तरप्रदेश तथा अन्य राज्यबाट वैवाहिक कार्यक्रम तथा अन्य औद्योगिक प्रयोजनका लागि आउने पर्यटकलाई पनि लक्ष्य गरी होटल क्लार्क पार्क निर्माण गरिएको सञ्चालित खेतानले बताए ।

वीरगञ्जमा ल्यान्स क्लब अफ आइटी प्रोफेसनल्स गठन

0

वीरगञ्ज । सूचना प्रविधि क्षेत्रमा आबद्ध रहेर काम गर्दै आएको व्यक्तिहरुको समुहको वीरगञ्जमा लायन्स क्लब अफ आइटी प्रोफेसनल्स गठन भएको छ ।

वीरगञ्ज महानगरपालिका विर्तास्थित अन्नपूर्ण होटलमा आयोजित एक कार्यक्रम बीच आइटी व्यवसायी दीपक साहको अध्यक्षतामा २५ सदसिय कमिटि गठन गरिएको हो ।

नव गठित कमिटीकाे प्रथम उपाध्यक्षमा आलोक कुमार चौरसिया, दोस्रो उपाध्यक्षमा विरेन्द्र यादव र तेस्रो उपाध्यक्षमा दिगम्बर सिंह मनोनित भएका छन् । त्यसैगरी क्लबको सचिवमा आशु कुमार सर्राफ र कोषाध्यक्षमा सुरुची श्रेष्ठलाई मनोनित गरिएको छ ।

क्लबको सह-सचिवमा सचिन साह, सह-कोषाध्यक्षमा सञ्जय कर्मी, क्लब सदस्य प्रमुख निता अगरवाल, क्लब एलसीएफ संयोजकमा प्रशान्त कुमार, क्लब सर्भिस प्रमुखमा श्रीज्नेश प्रकाश, क्लब मार्केटिङ्ग कम्युनिकेसन प्रमुखमा जीवन प्रकाश गुप्ता, क्लब निर्देशकमा डा. हरिशंकर साह, विजय कुशवाहा, टेमरमा आशिष दारुका र टेल ट्विसटरमा अर्जुन साह रहेका छन् । 

अन्तराष्ट्रिय लायन्स क्लबका पूर्व अध्यक्ष सञ्जय खेतान र ल्यान्स क्लबको जिल्ला स्ट्राटेजी चिफ डीएन अगरवालको विशेष उपस्थितिमा  कमिटी गठन गरिएकाे नव गठित क्लबका सचिव आशु सर्राफले वताए ।

कार्यक्रमलाई सम्बाेधन गर्दै अन्तराष्ट्रिय लायन्स क्लबका पूर्व अध्यक्ष खेतानले आईटी क्षेत्रमा लागेका व्यक्तिहरु अगाडी आएर आफ्नो सामाजिक उत्तरदायित्व बुझ्दै सामाजिक संस्थामा लाग्नु सराहनीय कार्य भएको बताए ।

त्यसैगरी कार्यक्रममा वाेल्दै नव गठित कमिटीका अध्यक्ष दीपक साहले आइटी क्षेत्रमा काम गर्दै आएको व्यक्तिहरुलाई एउटा छाता मुनि ल्याएर सामाजिक क्रियाकलापहरु गर्न र सामाजिक प्रतिको आफ्नो भूमिकालाई निर्वाह गर्न क्लब गठन गरिएको बताए ।

नेपाली कांग्रेसकाे बिन्दवासिनी गाउँपालिका संयाेजकमा चाैरसिया चयन

0

वीरगंज । नेपाली कांग्रेसकाे बिन्दवासिनी गाउँपालिका संयाेजकमा  विवेक कुमार चाैरसिया चयन भएका छन् ।

नेपाल तरुण दल पर्साका सचिव समेत रहेका चौरसिया नेपाली कांग्रेस बिन्दबासिनी गाउँपालिकाकाे वडा नं. २ काे सभापति एवम् गाउँपालिका संयोजकमा चयन हुनु भएको हुन् ।

नेपाली कांग्रेस पर्साका सभापति अजय कुमार द्विवेदीले एक पत्रमार्फत चाैरसियालाई पार्टीकाे विन्दवासिनी गाउँपालिका वडा नं. २ काे सभापति एवम् गाउँपालिका संयाेजकमा चयन गरिएकाे जानकारी गराएका छन् ।
 
साेही पत्रमार्फत उनले चाैरसियालाई नेपाली कांग्रेसकाे विधान वमाेजिम संगठनकाे कार्य गर्न भन्दै कार्यकाल सफल्ताकाे कामनासमेत गरेका छन् ।
 
याेसंगै चाैरसिया अगामी स्थानिय तहकाे निर्वाचनमा नेपाली कांग्रेसकाे तर्फबाट गाउँपालिका अध्यक्षकाे उम्मेदवार  हुुन सक्ने सम्भावना समेत बढेकाे छ ।

पर्सा प्रहरीद्धारा अबैध गाँजा फडानी

0

वीरगंज । पर्सा प्रहरीले अबैध रुपमा खेतमा रोपेको गाँजा बोट फडानी गरी नष्ट गरेको छ । प्रहरीले पर्साको विभिन्न ठाउँमा पवने ९कट्ठा जमिनमा लगाइएको अबैध गाँजा खेती नष्ट गरेको हो ।

मंगलबार ईलाका प्रहरी कार्यालय पटेवासुगौलीबाट खटिएको प्रहरी टोलीले सख’वा प्रसौनाी गाउँपालिका–२जम’नियामा रोपिएको ३ कट्ठा, औराहामा ५ कठ्टा ८ धुर र पर्सागढी न.पा. ९ मा ७ धुर जग्गा जम्माजम्मी ८ कट्ठा १५ धुर जग्गामा लगाईएको गांजाको बोट फडानी गरी नष्ट गरेको छ ।

६५ के.जी. अवैध चाँदीका गर–गहना बरामद

0

वीरगंज । भारतबाट राजश्व छली गरी लुकाई छिपाई राखेको ६५ के.जी.अबैध चाँदीका गर–गहनाहरु बरामद भएको छ ।

पर्सा प्रहरीले वीरगंज महानगरपालिका–६ स्थित सुनिता सर्राफको घरमा मंगलबार छापा मार्दा निजकै नाममा दर्ता रहेको माँ जय नरसिंह ज्वेलर्सको पछाडीको कोठामा भण्डारण गरी राखिएको चाँदीको जस्तो देखिने सेतो धातुबाट बनेको अ ६५ के.जी. गर–गहनाहरु बरामद गरेको हो ।

जय नरसिंह ज्वेलर्सको पछाडीको कोठामा भण्डारण गरी राखिएको भन्ने सूचनाको आधारमा सो घरकोठाको रीतपुर्वक खानतलासी गर्दा उक्त घरमा  लुकाई छिपाई राखेको अवस्थामा उक्त चाँदी बरामद भएको जिल्ला प्रहरी कार्यालय पर्साले जनाएको छ ।

बरामद चाँदी करिब रु.५२,००,०००।– (बाउन्न लाख) मूल्य बराबरको रहेको अनुमान गरिएको छ । बरामद चाँदी जिल्ला प्रहरी कार्यालयमा ल्याई थप अनुसन्धान भईरहेको जिल्ला प्रहरी कार्यालयले जनाएको छ ।

अवैध कारोबारमा संलग्न रहेको आशंकामा प्रहरीले सुनिताको श्रीमान दिपक सर्राफलाई पक्राउ गरेको छ । उनी भारतीय नागरिक हुन् ।

अवैध रुपमा भण्डारण गरी राखेको प्याज बरामद

0

वीरगंज । पर्सा प्रहरीले भारतबाट भन्सार छली गरी अबैध रुपमा भण्डारण गरेको प्याज बरामद गरेको छ ।

वीरगंज महानगरपालिका–६ का बलिरामजी प्रसादले मिना बजारस्थित आफ्नै पसल पछाडी रहेको जग्गामा अबैध रुपमा भण्डारण गरी राखेको २१,००० केजी (२१ टन) अबैध प्याज बरामद गरेको हो ।

विशेष सूचनाको आधारमा जिल्ला प्रहरी कार्यालय पर्साबाट खटेको प्रहरी टोलीले आईतबार मिना बजारस्थित उनको पसलमा छापामारी गर्दा पसल पछाडी रहेको जग्गामाबाट उक्त प्याज बरामद भएकोे प्रहरीले जनाएकाे छ ।

बरामद प्याज अन्दाजी रु. तेह्र लाख पचिस हजार एक सय सत्तरी बराबरकाे रहेको जिल्ला प्रहरी कार्यालय पर्साले जनाएको छ ।

थप ९३६ मा कोरोना संक्रमण, १४ को मृत्यु

0

पछिल्लो २४ घण्टामा देशभर थप ९ सय ३६ जनामा कोरोना भाइरसको संक्रमण देखिएको छ।

मंगलबार स्वास्थ्य मन्त्रालयका अनुसार पछिल्लो २४ घण्टामा थप ९ सय ३६ जनामा कोरोना पुष्टि भएको हो।

यीसहित हालसम्म संक्रमित हुनेको कुल संख्या २ लाख ५० हजार १ सय ८० पुगेको छ।

पछिल्लो २४ घण्टामा १ हजार ९ सय ९६ जना निको भएर फर्किएका छन्। योसहित कोरोनाबाट निको हुनेको संख्या २ लाख ३८  हजार ५ सय ६९ पुगेको छ।

त्यस्तै, यसको संक्रमणबाट थप १४ जनाको मृत्यु भएको मन्त्रालयले जनाएको छ।

योसँगै कोरोनाबाट मृत्यु हुनेको संख्या एक हजार ७ सय ३० पुगेको छ।