Date
शुक्र, मंसिर ४, २०८३
Fri, November 20, 2026
Home Blog Page 891

मेयर सरावगीकाे आयाेजनामा धाेबिनीमा आँखा शिविर सम्पन्न

0

वीरगंज । पर्साकाे धोबिनी गाउँपालिकाकाे वडा नं. २ आसवारीमा आइतबार नि:शुल्क आँखा शिविर सम्पन्न भएकाे छ ।

वीरगंज महानगरपालिकाका मेयर बिजय कुमार सरावगी र माट्रीका आइ फाउन्डेसनको संयुक्त आयाेजनामा भएकाे शिविरमा ३ सय ६ जनाले आँखा परिक्षण गराएका थिए । जस मध्ये १७६ जनामा मोतियाबिन्दका बिरामीहरु फेला परेकाे मेयर सरावगीकाे सचिवालयले जनाएकाे छ ।

शिविरकाे उद्घाटन वीरगंज महानगरका मेयर सरावगी नै गरेका थिए । शिविरकाे उद्घाटन गर्दै मेयर सरावगीले समाजिक दायित्व वहन गर्दै वीरगंज महानगरमा मात्र नभई जिल्ला ग्रामिण भेगमा पनि शिविर संचालन गरिएकाे वताए ।

शिविरमा माेतियाबिन्द फेला परेका सबै जनाको पुष २१ गते माट्रीका आइ फाउन्डेसनमा नि:शुल्क शल्यक्रिया समेत गरिने छ ।

शिविरमा उद्घाटन समाराेहमा जनता समाजवादी पार्टीका नेता सलाउदीन अहमद, जगदिश पटेल लगायतकाे सहभागिता रहेकाे थियाे ।

धर्म निर्पेक्षताको आडमा लोभ, लालच देखाई सनातन धर्मलाई समाप्त पार्ने षडयन्त्र : अध्यक्ष कमल थापा

0

वीरगंज । राष्ट्रिय प्रजातन्त्र पार्टी पर्साले पनि आईतबार वीरगंजमा बिरोध जुलुस निकालेको छ ।

महंगी, भ्रष्टारचार, धर्म परिवर्तन एंवम कोभिन–१९ महामारी नियन्त्रण गर्न नसक्ने सत्ताको भागबन्डामा लिप्त असफल सरकार भन्दै राप्रपाले सरकार बिरुद्ध बिरोध जुलुस निकालेको हो ।

वीरगंजको लाठगल्लीबाट निस्केको बिरोध जुलुस घठिअर्वा, माईस्थान, आदर्शनगर हुँदै नगर परिक्रमा गरेपछि पुनः माईस्थानमा पुगी कोण सभामा परिणत भएको थियो ।

बिरोध जुलुसमा बन्द करखाना खुल्ला गर, खुल्ला सिमाना नियमन गर, राष्ट्रवाद जिन्दावाद, राप्रपा जिन्दावाद, हिन्दु राष्ट्र कायम गर, महामारी अवधीको व्याज मिन्हा गर लगायतका चर्काे नारा लगाईएको थियो ।

कोणसभालाई सम्बोधन गर्दै राप्रका राष्ट्रिय अध्यक्ष कमल थापाले धर्म निर्पेक्षताको आडमा लोभ लालच देखाई सनातन धर्मलाई समाप्त पार्ने षडयन्त्र भईरहेको आरोप लगाएका छन् ।

उनले भने, ‘‘२००७ सालमा प्रजातन्त्र आएको बेला नेपालमा करिब दुई दर्जन मात्रै क्रिश्चियन थिए तर २०६२/६३ को परिवर्तन पछि धर्म निरपेक्षताको आडमा धर्म परिवर्तन गराएर अहिले झण्डै ४० लाख क्रिश्चियन बनाईएको  छ ।’’

कोणसभा सम्पन्न भएपछि सो जुलुस जिल्ला प्रशासन कार्यालयमा पुगी पर्साका प्रमुख जिल्ला अधिकारी आसमान तामाङ्ग मार्फत प्रधानमन्त्रीलाई ज्ञापन पत्र बुझाएका थिए ।

संसद विघटन बिरुद्ध वीरगंजमा जसपाद्वारा चौथो दिन पनि प्रदर्शन

0

वीरगंज । प्रतिनिधी सभा विघटनको विरुद्धमा जनता समाजवादी पार्टी (जसपा) पर्साले आज चौथो दिन पनि वीरगंजमा प्रदर्शन गरेको छ ।

जसपाको केन्द्रिय कमिटिद्वारा पूर्व निर्धारित आन्दोलनको कार्यक्रम अन्तर्गत चौथो दिन पनि प्रदर्शन गर्नुको साथै बिरोध सभा गरेका हुन् ।  वीरगंजको घण्टाघरबाट निस्केको बिरोध जुलुस माइस्थान, महाबिस्थान, आदर्शनगर हुदै नगर परिक्रमा गर्दै पुनः घण्टाघरमा पुगी कोण सभामा परिणत भएको थियो ।

कोण सभालाई सम्बोधन गर्दै नेताहरुले प्रधानमन्त्री केपी शर्मा ओलीद्धारा चालिएको असंबैधानिक कदमले गणतन्त्र र संघीयतामाथि नै खतराको संकेत देखिएको बताएका छन् ।

विघटित संसद पुनः स्थापना नभए लामो संघर्ष पश्चात आएको गणतन्त्र संघीयता गुम्ने खतरा भएकोले त्यसलाई बचाउँन जसपा आन्दोलनमा उत्रेको उनीहरुको भनाई छ ।

तत्कालिन समाजवादी पार्टी पर्साका अध्यक्ष रामनरेश यादव र तत्कालिन राष्ट्रिय जनता पार्टी पर्साका अध्यक्ष जगदिश पटेको संयुक्त अध्यक्षतामा भएको बिरोध कार्यक्रममा प्रदेश करिमा बेग्म, रमेश कुर्मी, जन्नत अंसारी, जसपा नेता शिव पटेल, शशिकपूर मियाँ, नेजामुद्दिन समानी, तब्रेज अहमद, शिवजी सोनी, नागेन्द्र यादव, नेतृ रम्भा मिश्रा, मोनिका सिंह लगायतको सहभागीता रहेको थियो ।

छिपहरमाईमा हिन्दु परिषदकाे गाउँपालिका स्तरिय समिति गठन

0

वीरगंज । पर्साकाे छिपहरमाई गाउँपालिकामा हिन्दू परिषद नेपालको गाउँपालिका स्तरि समिति गठन भएकाे छ ।

गाउँपालिकाकाे वडा नं. २ पुरवारी तिहूकी सेढामा भएकाे एक भेलाले लालबाबु साह कानुको अध्यक्षतामा २१ सदस्यीय समिति गठन गरेकाे हाे । जुन समितिकाे उपाध्यक्ष बिहारी साह कानु, सचिव रामबाबु प्रसाद यादव, सह – सचिव आदित्य कुमार साह, कोषाध्यक्ष राजमँगल साह चयन भएका छन् ।

यस्तै समितिकाे सदस्यमा तपसी साह, मनोज दास, रोहित कुमार, उमाशंकर प्रसाद, संजय साह, रामलखन ठाकुर, सनोज महतो, मनेजर यादव, सुनील दत साह, रामजोत पासवान, रामबालक साह, भरथ साह, झगरू यादव, महादेव साह चयन भएका हुन् । भेलाले समितिकाे प्रवक्तमा धर्मेन्द्र प्रसाद यादवलाई चयन गरेकाे छ ।

यस्तै ९ सदस्यीय सल्लाहकार समिति समिति चयन गरिएकाे छ । सल्लाहकार समितिमा शिव जी उपाध्याय, बालमीकी मिश्र, शेठ प्रसाद साह, मनोहर साह, सम्भु यादव, अमिका साह, धनवीर बाबा, रामनाथ साह, विदयाचल महतो रहेका छन् ।

हिन्दु परिषद नेपालका अध्यक्ष संतोष पटेलको प्रमूख अतिथ्यतामा भएकाे कार्यक्रममा परिषदका महासचिव अनिरुद सिंह, कोषाध्यक्ष संजय सराफ, केन्द्रीय सदस्य लालबाबु कुर्मी, केन्द्रीय सदस्य सचितानन्द दुबे, केन्द्रिय सदस्य सुरेश साह कानु, केन्द्रिय सल्लाहकार विनोद पटेल, जिल्ला सचिव अंशु कुमार, जिल्ला सदस्य अमोद कुमार, नगर सदस्य राजेश पटेल लगायतकाे उपस्थिती रहेको थियो ।

संसद विघटनकाे विरुद्ध जसपाद्वारा वीरगञ्जमा मसाल जुलुश प्रदर्शन

0

वीरगञ्ज । जनता समाजवादी पार्टी नेपाल (जसपा) पर्साले संसद विघटनको विरुद्ध वीरगञ्जमा शनिबार सांझ मसाल जुलुश निकालेको छ ।

जनता समाजवादीकाे पूर्व निर्धारित आन्दाेलनकाे कार्यक्रम अन्तर्गत वीरगञ्जको घडिहर्वा, पानगल्ली र घण्टाघर गरी ३ ठाउँबाट निकालिएको मसाल जुलुशमा प्रहरीले हस्तक्षेपसमेत गरेकाे थियाे । मशाल जुलुश प्रदर्शनकाे क्रममा प्रहरी र प्रदर्शनकारीविच दोहोरो झडप हुँदा दुवै पक्षका आधा दर्जनभन्दा बढीलाई सामान्य चोटपटक समेत लागेको छ । 

तत्कालिन संघिय समाजवादी पार्टी पर्साका अध्यक्ष रामनरेश यादब र तत्कालिन राष्ट्रिय जनता पार्टी पर्साका अध्यक्ष जगदिश पटेलको सयुक्त नेतृत्वमा  मसाल जुलुश निस्केकाे थियाे ।

मशाल जुलुश प्रदर्शन गर्ने क्रममा प्रदर्शनकारीहरुले राष्ट्रपति विद्यादेवी भण्डारी र प्रधानमन्त्री केपी शर्मा ओलीले प्रतिनिधि सभा विघटन गरेको आक्राेसमा चर्काे नारावाजी समेत गरेका थिए । 

मशाल जुलुश प्रदर्शन कार्यक्रममा प्रदेश सभा सदस्य रमेश कुर्मी, प्रहलाद गिरी, वीरगञ्ज महानगरपालिकाका मेयर विजय कुमार सरावगी, नेता शशीकपुर मियाँ, राजेशमान सिँह, पुरुषोत्तम झा, नेजामुदिन समानी, तबरेज अहमद, रामचन्द्र पण्डित, सलाउदिन अहमद, प्रदिप जैसवाल, रम्भा मिश्रा, मुन्नी श्रीवास्तव, फिरोज मन्सुर, ओमप्रकाश सर्राफ, निखिल वर्णवाल, सुजित गिरी, सरोज यादव, सुशिल साह कानु, एजाजबाबु राकी, मधुसुदन चौरसिया लगायतको सहभागिता रहेको थियाे ।

चुनावको तयारीमा जुटन कार्यकर्तालाई नेता गुप्ताकाे निर्देशन

0

वीरगंज । नेपाल कम्युनिष्ट पार्टी संखुवा प्रसौनी गाँउपालिकाको बैठक आज सम्पन्न भएको छ । गाँउपालिका कमिटी अध्यक्ष बासुदेव महतो थारु अध्यक्षतामा सम्पन्न बैठकले निष्कृय सचिव एवं सदस्यहरुलाई परिर्वतन गरि नयाँ सचिव र सदस्य थप गरेको छ ।

बैठकले यस अघि गाँउपालिका सचिवको पदमा रहेका कन्हैया साह तेलीको ठाँउमा चन्दन सहनीलाई नियुक्त गरेको छ ।बैठकले ८५ सदसीय कमिटी निर्माण गरेको छ । बैठकलाई सम्बोधन गर्दै संबिधान सभा सदस्य एवं नेकपाका केन्द्रिय सदस्य राजकुमार गुप्ताले प्रधानमन्त्री ओलीलाई घेराबन्दी गरी मुलक र संघियतालाई समाप्त पार्ने षड्यन्त्र भएकोले सदन बिघटन गर्नुपरेको जानकारी दिनुभयो ।

प्रधानमन्त्री ओलीले जनताको नासो जनतालाई नै सुम्पेको बताउदै निर्वाचनको तयारीमा लाग्न सम्पुर्ण कार्यकर्ताहरुलाई नेता गुप्ताले निर्देशन दिनुभयो । प्रधानमन्त्रीले चालेको कदम संवैधानिक र देशको हितमा भएको बताउदै निर्वाचनको सामना गर्न प्रचण्ड र माधव नेपाललाई आग्रह गर्नुभयो ।

अधिवेशन र निर्वाचनको सामना गर्न नसक्नेले प्रचण्ड नेपाल पक्षले बिधि र पद्यतिको कुरा गर्नु हास्यास्पद भएको बताउनुभो । प्रमुख अतिथी समेत रहनुभएका गुप्ताले ओलीको पक्षमा कार्यकर्ता र जनताको उत्साह देखेर खुशी लागेको बताउदै अगामी निर्वाचनमा ओलीको पक्षमा दुई तिहाई भन्दा बढि मत आउने ठोकुवा गर्नुभयो ।

उहाँले सरकारले गरेका राम्रा कामहरु बारे जनतालाई जनकारी गराउन घरदैलो अभियान र संगठन बिस्तारमा जोड दिन नेता कार्यकर्ताहरुलाई निर्देशन दिनुभयो । यसैगरी आजै सम्पन्न बैठकलले बासुदेव महतोको अध्यक्षतामा ९ सदसिय सचिवालय कमिटी गठन गरेको छ ।

कमिटीको सचिवमा चन्दन सहिनी,सदस्यहरुमा यशवन्त यादव, समिकपुर गिरी,हरिन्द्र दास,नुरहसन अंसारी, शिव ओझैया, जदु साह तेली,अनुरुद्ध कुर्मी रहनुभएको छ । बैठकले पुस १८ गते श्रीपुर पाँचगवामा अर्को बैठक बस्ने निर्णय गरेको छ ।

वडा नम्बर ५ सिद्धपुरमा सम्पन्न बैठकमा जिल्ला कमिटी सदस्य सजिव मिश्रा, युवा संघ पर्साका अध्यक्ष महम्द निजाम, नेकपा युवा नेता हनिफ मियाँ, यशवन्त यादव,शिवजि ओझैया थारु, छोटेलाल पासवान, जदु साह, पारस महतो थारु, अनिरुद्ध राउत,वृजकिसोर साह , श्याम सुन्दर दास थारु, रामबहादुर यादव, हरिन्द्र दास थारु, महमद आरिफ, रामनाथ थारु, सिपाही अंसारी , अलिअकबर अंसारी, छटु पटेल, गौरी प्रसाद यादव,नुरुलाल्ह अंसारी लगायतको उपस्थिती रहेको थियो।

लैङ्गिक हिंसा न्यूनिकरण र पिडि़त सहायताको लागि सामूहिक प्रयास जरुरी : मुख्यमन्त्री गद्दी

0

वीरगंज । लैङ्गिक हिंसा न्यूनिकरण एंवम पिडि़त सहायतामा एकिकृत प्रयासको अपरिहार्यता सम्बन्धी अन्तरक्रिया कार्यक्रम शनिबार वीरगंजमा सम्पन्न भएको छ ।

वीरगंजस्थित भिस्वा होटलमा भएको कार्यक्रमलाई सम्बोधन गर्दै प्रदेश नं. २ का मख्यमन्त्री लालबाबु राउत गद्दीले लैङ्गिक हिंसाको सवालमा महिला बढी पीडित भए पनि पुरुषहरु पनि पीडित रहेको बताएका छन् ।

सबै दोष पुरुषमा मत्रै नभएर महिलामा पनि हुने गरेको उनको भनाई छ । बैदेशिक रोजगारका कारण पुरुषहरु पनि पिडित भएको मुख्यमन्त्री राउतको उनले बताए ।

यसको न्यूनिकरणको लागि शिक्षामा जोड नदिएसम्म परिवर्तन ल्याउन नसकिन बताउँदै मुख्यमन्त्री गद्दीले शिक्षाको अपरिहार्यता औल्याए ।

उनले भने, ‘‘शिक्षाको साथसाथै अर्थमा पहुँच हुन पनि जरुरी छ । अर्थमा पहुँच नभएसम्म महिला हिंसा न्यूनिकरण बारे सोच्नु एउटा परिकल्पना मात्र हुन्छ ।’’

हुन त अशिक्षित समाजमा मात्रै होइन शिक्षित समाजमा पनि हिंसाको घटना हुने गरेकोले महिला हिंसा न्युनिकरण गर्न शिक्षाको साथसाथै चेतनाको जरुरी पनि रहेको बताए ।

कार्यक्रमका प्रमुख अतिथिसमेत रहेका मुख्यमन्त्री गद्दीले केही समय मै प्रत्येक प्रहरी युनियटमा ५० प्रतिशत महिला प्रहरी हुने दाबी गरे । त्यसको लागी प्रदेश सरकारले कामकारवाही पनि अगाडी बढाईसकेको उनले जानकारी गराए ।

प्रदेश नं. २ को सवालमा सामुहिक रुपमा यसलाई रोकन प्रयास गरियो भने रोकन सकिने बताउँदै उनले महिला हिंसा न्युनिकरणको लागि प्रदेश स्तरमा एउटा छुट्टै नीति र ऐन बनाएर अगाडि बढनु पर्ने र त्यसलाई हेर्न एउटा अलगै निकायको आवश्यकता रहेको धारणा राखे ।

प्रतिनिधि सभा सदस्य प्रदिप यादवले हाम्रो समाजमा महिला हिंसाको प्रमुख कारण दाईजो प्रथा नै रहेको बताए । यसका साथै बालबिबाह पनि समस्याको रुपमा रहेको उनले बताए । यसको न्युनिकरणको लागि प्रहरीले आफ्नो शैली पनि परिवर्तन गर्न जरुरी रहेको सांसाद यादवको भनाई थियो ।

वर्तमान परिस्थितिमा लोकतन्त्र र गणतन्त्रमाथी नै खतरा रहेको संकेत भईरहेको अवस्थामा हिंसा न्यूनिकरणको लागी सामूहिक प्रयासको आवश्यकता रहेको औल्याए । उनले महिलामाथि हुने हिंसा न्युनिकरणको लागि प्रत्येक पालिकामा महिला सेल स्थापना गर्नु पर्ने कुरामा जोड दिएका थिए ।

प्रदेश सांसद ओमप्रकाश शर्माले जिल्ला प्रहरी कार्यालयमा रहेको थुनुवा कक्षको ् बिस्तार गर्नु पर्ने जरुरी रहेको बताए । उनले भने,‘‘ हाम्रो प्रहरी कार्यालयको एउटा थुनुवा कक्षमा १५ देखी २० जना राख्ने गरिन्छ । त्यसलाई म अत्याचार नै भन्छु । त्यही भएर यसतर्फ हामी सबैको ध्यान जान पनि जरुरी रहेको छ ।’’

कार्यक्रममा आफ्नो धारणा राख्ने क्रममा प्रदेश सांसद रमेश कुर्मीले पिडित सहायताको लागि आफ्नो एक महिना बराबरको तलब सहयोग गर्ने प्रतिबद्धता जनाएका थिए ।

कार्यक्रम मै वीरगंज महानगरपालिकाका मेयर विजय कुमार सरावगीले विडित सहायताको लागि महानगरको तर्फबाट रु ५ लाखको चेक पर्सा प्रहरी प्रमुख प्रहरी उपरिक्षक गंगा पन्तलाई हस्तानान्तरण गरेका थिए ।

यस्तै पिडित सहायताको लागि पर्साको विभिन्न पालिकाहरुले पनि सहयोग गर्ने प्रतिबद्धता जनाएका छन् ।

पर्साका प्रमुख जिल्ला अधिकारी आसमान तामाङ्गको अध्यक्षतामा भएको कार्यक्रममा प्रदेश सांसद, पालिका प्रमुख, उप–प्रमुख, पत्रकार लगायतको सहभागिता रहेको थियो ।

जिल्ला प्रहरी कार्यालय पर्साको आयोजना र वीरगंज लेडिज सर्कल–३ डेपूटि मेयर्स क्लब पर्साको सह–आयोजनामा भएको कार्यक्रमको सहजीकरण पोखरिया नगरपालिकाकी उप–प्रमुख सल्मा खातुमा गरेकी थिईन् ।

बितिय संस्थाहरु मार्फत संचालित समुहहरु द्धारा गरिबी बढ्दै

0
Feeding poor. Illustration: Ratna Sagar Shrestha

वीरगंज । पर्साको गा्रमिण भेगमा संचालित बितिय संस्थाहरु मार्फत संचालित समुहहरु द्धारा गरिएको ऋण प्रवाहले झन गरीबी बढदै गएको देखिएको छ ।

आर्थिक सुधारका लागी संचालन गरिएका समुह तथा ऋण प्रवाहले झन आर्थिक अवस्था दैनिय हुदै जादा समुहका सदस्यहरु घरघडेरी, खेतवारी बिक्री गर्नुका साथै गाउ नै छोडने बाध्यतात्मक स्थिती सृजना हुदै गएको एक समुहका नाम नबताउने सर्तमा सदस्यले बताएका छन ।

समुहको बैठकबाट लोन मार्फत ५ लाख रकम लिने र किस्ता र ब्याज भर्न नसकि पुन गाउघरमा चलेको ३६ प्रतिशतको ब्याजले ३ बर्षमा दोब्बर हुने भएका कारण न बैकको ब्याज र गाला तिर्न सक्ने न त गाउघरबाट लिएको रकम तिर्न सक्ने अवस्थाले घडेरी सम्म बिक्री गरी गाउबाट बिस्थापित हुने अवस्था सृजना भएको पाईएको छ ।

बितिय संस्थाहरुको कर्मचारीहरुले प्रतिमहिना ५ सयको दरले महिनावारी बचत पनि गर्ने गराएका छन । लोन लिएकाहरुले बचतको रकम पनि तिर्ने, लोनको किस्ता र ब्याज पनि तिर्ने हुन्छ , यदि तिरेन भने सबै महलिाहरु घरमा गई पका्रउ गर्ने र घरमा जे छ त्यही जफत गर्ने प्रक्रियाले बेईज्जतीका कारण घरबाट फरार हुने स्थिती कारण दिनप्रतिदिन समुहका सदस्यहरु तिर्न नसकि आफनो निजी सम्मपति बिक्री गर्न बाध्य भएका छन । बितिय संस्था सहयोगी नभई अभिशाप भएको महिलाहरु बताएका छन ।

लोभ र लालचमा परी लहलहैमा महंगो ब्याज दरमा बितियि संंस्थाहरु मार्फत लिने गरिएको छ साथै संस्थाहरुले सेवा शुलक अलग लिने गरेको र जग्गा दृष्टिबन्धक गराउदा समुहका सदस्यहरु कै रकम लाग्ने भएका कारण सो ब्याज गाउघरको ब्याजदर भन्दा बढी हुने गरेको सदस्यहरु बताउछन ।

सेवाशुलक र दृष्टिबन्धकको रकम फिर्ता नआउने भए पछि सो रकम सितै जाने भएको देखिएका कारण ती बितिय संस्थाहरु प्रति आकर्षणको साटा आर्का्रेस भईरहेको एक महिलाले बताएकी हुन ।

११ महिलासहित ५१ जनाले गरे आकस्मिक रक्तदान

0

वीरगंज । चित्रांश युवा समिति, वीरगंजले रक्तदान कार्यक्रम सम्पन्न गरेको छ ।

रक्तसंचार केन्द्र वीरगंजमा रगतको अभाव भएपछि शनिबार चित्र गुप्त मंदिर (गिता मंदिर) घटिअर्वामा आकासमिक रक्तदान कार्यक्रम सम्पन्न भएको हो ।

चित्रान्स युवा समितिले आयोजना गरेको सो रक्तदान कार्यक्रममा ११ महिला सहित ५१ जनाले आकस्मिक रक्तदान गरेका छन ।

रक्तदान गर्नेमा रितिक श्रीवास्तव, रश्मि कायस्थ, राहुल श्रीवास्तव, मिना चौरासीया, मिनु मानन्धर, रोहित बिक्रम टनटन, बैकुण्ठ श्रीवास्तव, रतन सरार्फ, लिसा कर्ण, प्रतिभा कर्ण, साक्षी श्रीवास्तव, स्वेता शिह, अदिती सिह, रयान कार्यस्थ, सुमित आनन्द, खुस्बु यादव, निलम कर्ण, सुश्मिता श्रीवास्तव लगायतका रहेका छन् ।

रक्तदान गर्ने सम्पूर्ण दाता एंव सहयोगीहरुप्रति संस्थाले धन्याबाद व्यक्त पनि गरेको थियो ।

 

माछापुच्छ्रे बैंकका कार्ड हाेल्डरहरुलाई सात्विक आयुर्वेेद अस्पतालले छुट दिने

0

वीरगंज । माछापुच्छ्रे बैंक प्राइभेट लिमिटेड वीरगंज र सात्विक आयुर्वेद अस्पताल तथा अनुसन्धान केन्द्र वीरगंज बिच शु्क्रबार एक सम्झाैता भएकाे छ ।

सम्झाैताका अनुसार माछापुच्छ्रे बैंकमा खाता भएका कार्ड हाेल्डहरुले सात्विक आयुर्वेद अस्पतालमा सेवा लिदा ५ देखी १० प्रतिशत सम्म छुट पाउने छन् । माछापुच्छ्रे बैंकका खाताधारी तथा कार्ड हाेल्डहरुले अस्पतालकाे सेवा, परामर्श र औषद्धि खरीदमा छुट पाउने अस्पतालका प्रमुख चिकित्सक डा. प्रभाकर मनुले वताए ।

अस्पतालले माछापुच्छ्रे बैंकका खाताधारीहरु तथा कार्ड हाेल्डरहरुलाई ओपिडि, प्याथलाेजी, मेडिसिनमा ५ प्रतिशत र पंचकर्मा, फिजियोथेरेपी, आईपीडी (बेड चार्ज) मा १० प्रतिशत छुट प्रदान गरिने उनले जानकारी दिए ।

सम्झाैता पत्रमा माछापुच्छ्रै बैंक वीरगंज शाखाका प्रबन्धक मनिष उपाध्याय, सर्भिस म्यानेजर किरण केसी, सरस्वती पाैडेल, अस्पतालका प्रमुख चिकित्सक डा. प्रभाकर मनु र साझेदार विट्टु  कुमारी साहले हस्ताक्षर गरेका छन् ।

साे सम्झाैता पत्र वीरगंज घडिअर्वास्थित रहेकाे आयुर्वेद अस्पतालमा भएकाे एक कार्यक्रमकाे बिच एक अर्कालाई हस्तान्तरण गरिएकाे थियाे ।

अस्पतालले मधुमेह, थाईराइड, उच्च रक्तचाप, याैन सम्बन्धि समस्याहरु, किड्नी पथरी, पित थैली पथरी, पाइल्स, बांझाेपन, बालबालिका सम्बन्धि समस्याहरु, मानसिक समस्याहरु, माईग्रेन, टाउकाे दुखाई, निद्रा सम्बन्धि समस्या, गैस्ट्रिक तथा कब्जियत लगायतका उपचार सेवा दिदै आएकाे छ ।