Date
शुक्र, मंसिर ४, २०८३
Fri, November 20, 2026
Home Blog Page 890

जगरनाथपुरका मोतीविन्दुका बिरामीहरुको शल्यक्रिया शुरु

0

वीरगन्ज । वीरगन्ज महानगरपालिकाका नगर प्रमुख विजय कुमार सरावगीको आर्थिक सहयोग र माट्रिका आइ फाउन्डेसन प्राविधिक सहयोगमा निःशुल्क आँखाको अप्रेसन (शल्यक्रिया ) शुरु भएको छ ।

सोमबार जगरनाथपुर गाउँपालिकाका मोतियाबिन्दुका बिरामीहरुको आँखाको निःशुल्क अप्रेसन शुरु भएको हो । माट्रिका आई फाउण्डेशनमा नगर प्रमुख सरावगीको प्रत्यक्ष निगरानीमा शल्यक्रिया शुरु गरिएको हो ।

सोमबारदेखि शुरु भएको शल्यक्रियाको मेयर सरावगी आफै उपस्थित भएर शल्यक्रिया गराएका बिरामीहरुको स्वास्थ्य अवस्थाको बारेमा जानकारी लिनुभएको थियो ।

संसद विघटन रहर हाेइन बाध्यता हाे : सत्यनारायण मण्डल

0

वीरगंज । नेपाल कम्युनिष्ट पार्टी (नेकपा) प्रदेश २ का ईन्चार्ज एवं स्थायी कमिटि सदस्य सत्यनारायण मण्डलले नेकपा अब एक नरहेकाे वताएका छन् ।

प्रधानमन्त्री केपी शर्मा ओली निकटका नेता मण्डलले पार्टी बिभाजनकाे हुनुका प्रमुख कारण भने हाम्राे पार्टीकाे आफ्नाे आन्तरिक कारण नै रहेकाे वताएका हुन् । वीरगंजमा आयाेजित पत्रकार सम्मेलनमा वाेल्दै नेता मण्डलले पार्टी विभाजन र वर्तमान परिस्थितीबारे जानकारी गराउन उद्देश्यले नै पार्टीकाे शिर्ष नेताहरुकाे सहभागितामा बुधबार वीरगंज नगर सभा गृहमा प्रदेश स्तरिय भेला आयाेजना गर्न लागिएको जानकारी गराए ।

नेकपाका महासचिव एवं अर्थमन्त्री बिष्णु पौडेलको प्रमुख आतिथ्यमा हुने भेलामा शहरी बिकाश मन्त्री प्रभु साह, महिला तथा समाज कल्याण मन्त्री जुली महतो, स्थायि कमिटी सदस्य रघुबिर महासेठ, कानुन मन्त्री लिला श्रेष्ठ लगायतका नेताहरुले सम्बाेधन गर्ने कार्यक्रम रहेकाे जानकारी गराए ।

पत्रकार सम्मेलनका प्रमुख अतिथी समेत रहेका नेता मण्डलले सदन बिघटन रहर नभई बाध्यता भएको बताउदै गणतन्त्र बिरोधी र संघियता नचाहनेहरुको षड्यन्त्र असफल बनाउन प्रधानमन्त्री ओलीले सदन बिघटन गरेको दावी गरे ।

जनताले ५ बर्षकाे लागि २ तिहाई बहुमत दिएर पठाएकाे अवस्थामा ३ बर्ष मै पुन: तपाईहरु कुन मुख लिएर भाेट माग्न जाने पत्रकारकाे प्रश्नकाे जवाफमा भएकाे गल्ती स्विकार गर्दै जनतासमक्ष गएर माफी माग्ने वताए ।

नेकपा पर्सा जिल्ला अध्यक्ष प्रभु हजराकाे अध्यक्षतामा भएकाे पत्रकार सम्मेलनमा संबिधान सभा सदस्य एवं केन्द्रिय सदस्य राज कुमार गुप्ता, केन्द्रिय सदस्य निर्मला देवकोटा, बसरुदिन अंसारी, बिश्वमभर शर्मा, प्रदेश कमिटी सदस्य तेजप्रकाश निषाद, जिल्ला कमिटी सदस्य ईमरान अंसारी, प्रेस संगठनका प्रदेश २ का ईन्चार्ज लालबाबु शेख, राष्ट्रिय युवा संघका केन्द्रिय सदस्य बिकाश रौनियार, पर्सा अध्यक्ष महम्द निजाम लगायतको उपस्थिति रहेको थियो भने कार्यक्रमको सहजीकरण जिल्ला कमिटी सदस्य संजिव मिश्राले गरेका थिए ।

८ बुंदे मांग राख्दै बाल सञ्जालहरुद्धारा जिप्रकामा ज्ञापन

0

वीरगंज । पर्साका बाल सञ्जालहरुले विभिन्न ८ बुंदे मांगसहित जिल्ला प्रशासन कार्यालय पर्सामा ज्ञापन पत्र बुझाएको छ ।

पर्सामा स्थानीय तहले बालबालिहरुकाहरुले पाएको अधिकार सुनिश्चित भएको प्रत्याभूति गराउन नसकेको भन्दै सोमबार बाल सञ्जालहरुले जिल्ला समन्वय समिति पर्सा र वीरगंज महानगरपालिकामा पनि ज्ञापन पत्र बुझाएको हो ।

संविधानले बालबालिकाको अधिकार सुनिश्चित गरेको भएपनि पर्साको वीरगंज महानगरपालिका र पर्सागढी नगरपालिका बाहेकका स्थानीय तहले अहिलेसम्म बाल क्लब सञ्जाल र महिला बालबालिाका तथा ज्येष्ठ नागरिकको शाखा नै नराखेका विज्ञप्तीमा जिल्ला बाल क्लब समन्वय सञ्जाल पर्साका अध्यक्ष अर्जुन साहले बताए ।

जिल्ला बाल कल्याण समिति पर्सामा हस्तान्तरण भएकोे ६ महिना भयो तर अहिले सम्म समिति बनेर केही ठोस निर्णय नभएको ज्ञापन पत्रमा उल्लेख छ ।

पर्साको प्रत्येक स्थानीय तहमा बाल मैत्री शासन राष्ट्रिय नीति २०६८ कार्यान्यन गरी समितिले हरेक पालिकामा सक्रिय काम गर्नु पर्र्ने, जिल्ला समितिले एउटा जिल्ला बाल क्लव समन्वय समिति बनाई जिल्लामा बाल कोषको स्थापना गर्नु पर्ने मांगसहित ८ बुंदे ज्ञापन पत्र बुझाएको हो ।

ज्ञापन पत्रमा जिल्ला बाल क्लब समन्वय सञ्जाल पर्साका अध्यक्ष अर्जुन साह, विन्दवासिनी बाल क्लब सञ्जालका अध्यक्ष अमन चौरसिया र महानगर बाल सञ्जाल वीरगंजका सदस्य कोमल गुप्ता लगायतको हस्तारक्ष रहेको छ ।

वीरगंजमा नगर प्रहरी र खुद्रा व्यापारी बिच झडप

0

वीरगंज । वीरगञ्ज महानगरपालिकाका नगर प्रहरी र खुद्रा व्यापारी बिच साेमबार विहान झडप भएकाे छ । 

वीपी उद्यानको जग्गामा लत्ताकपडा तथा व्याग विक्री गर्न थापेको पसल हटाउने क्रममा नगर प्रहरी र खुद्रा व्यापारीबीच झडप भएकाे हाे । नगरप्रहरीले एक्कासी बजार सार्ने बहानामा मालसमान नियन्त्रण लिएपछि आक्रोशित व्यापारी र नगर प्रहरीबीच झडप भएकाे प्रत्यक्षदर्शीहरुले वताएका छन् ।

वीपी उद्यानको खाली जग्गामा कपडा, जुत्ताचप्पल, व्याग, ज्याकेट लगायत करिब १२२ वटा खुद्रा पकडा पसल सञ्चालनमा छ । पसललाई व्यवस्थित बनाउने बहानामा नगर प्रहरीले हटाउने प्रयास गर्न थालेपछि व्यपारी आक्रोशित भएका थिए ।

शुरुमा खाट, छाप्रो लगाई पसल सञ्चालनमा गर्दै आएकोमा नगर प्रहरीले खाट र छाप्रोमा नभई भुईमा बोरा ओछ्याएर पसल थाप्न दिएको थियो तर आज एक्कासी नगर प्रहरी ईन्चार्ज हरी प्रसाद भुसालको नेतृत्वमा आएको ८/१० जना नगर प्रहरीको टोलीले समान खोसी लुटपाट गर्न खोजेको अर्का व्यापारी सद्दाम हुसैनको गुनासो छ ।

नगर प्रहरी मात्र नभई सवारी पार्किङ्गको नाममा सत्या कन्स्ट्रक्शनले आफनो मान्छे लगाई खुद्रा व्यवासायीसँग जबरजस्ती कर समेत असुल्ने गरेका छन् । कर असुले पनि रसिद दिइदैनन्, व्याग पसल थापेर बसेका आशिस गिरी भन्छन, एउटै पसलको दुई/दुई वटा कर कसरी तिर्ने ।

केठेदार कम्पनीले जबरजस्ती दैनिक ५० रुपैयाँ कर असुल्ने गरेको छ तर कर असुलीको रसिद दिँदैन । नगर प्रहरी आएर प्रत्येक पसलसँग २५ रुपैयाँ उठाउदै आएको छ । उनले भने, कर बुझाउदा समेत नगर प्रहरीले गुण्डागर्दी शैलीले आफ्नो समान खोसेर लागेका छन् । नगर प्रहरीले २३२ पिस व्याग खोसेर लागेको आरोप लगाउदै समान फिर्ता नगरे नगरपालिकामा गएर आन्दोलन समेत गर्ने उनको चेतावनी छ ।

यता नगर प्रहरी ईन्चार्ज हरी प्रसाद भुषालले वीपी उद्यान पार्क निर्माणको लागि ठेक्का लगाईएकोमा काम गर्न अवरोध हुन थालेपछि पसल हटाउँन लागेको बताए । उनले भने, शुरुमा सम्झाई बुझाई पसल सार्न आग्रह गरेको थियो, नमानेपछि दुईतिन जनाको समान खोसेपछि अनावश्यक विवाद गरी उल्टै ढुंगामुडा गरेका हुन् । विवाद हुन थालेपछि खोसेको समान समेत फिर्ता गरीसकेको उनले बताए ।

भाेलेन्टियर समुहद्वारा नारायणी अस्पतालकी डा. पाठक सम्मानित

0

वीरगंज । भोलन्टियर समुह बिरगंजले एक कार्यक्रमकाे बिच नारायणी अस्पतालकी डा. निरा पाठकलाई सम्मान गरेकाे छ ।

काेराेना भाइरस (कोभिड -१९) काे महामारीकाे जोखिमपूर्ण घडिमा अग्रपंक्तिमा रहि काम गरेकी नारायणी अस्पतालकाे प्रयाेगशाला प्रमुख डा. पाठकलाई सम्मान गरिएकाे भाेलन्टियर समुह वीरगंजका संयाेजक राजन श्रीवास्तवले वताए ।

डा. पाठकले आफ्नो र आफ्नो परिवारको पनि पर्वाह नगरि निरन्तर नारायणी अस्पतालमा स्वाब संकलन गर्नुका साथै कोरोना पिसिआर ल्याबको सन्चालनमा अविस्मरणीय एवम् अतुल्य भुमिका निर्वाह गरेकी उनलाई सम्मान गरिएकाे उनले जानकारी गराए ।

भोलेन्टियर समुह बिरगंजका संयोजक श्रीवास्तवको अध्यक्षतामा भएकाे कार्यक्रममा प्रमुख अतिथी पर्सा प्रहरीका प्रमुख प्रहरी उपरीक्षक गङ्गा पन्तले डा. पाठकलाई फुलकाे माला र अबिरकाे टिका लगाई सम्मान- पत्रले सम्मान गरेकी थिइन ।

वीरगंजस्थित होटल कन्ट्रि ईनमा भएकाे सम्मान कार्यक्रममा नेपाल होटेल व्यवसायी संघ पर्साका अध्यक्ष हरि पन्तले मायाको चिनो दिएर सम्मान गरेका थिए ।

साे कार्यक्रममा स्वास्थ्य कार्यालय पर्साका स्वास्थ्य निरिक्षक जयमाेद ठाकुर, प्रेस संगठन पर्साका अध्यक्ष निरज पिठाकोटे मगर, हेमा थापा मानन्धर , शिवनाथ यादव, भोलेन्टियर समुहका किसन सरार्फ, बिजय गुप्ता, दिलपाल साह, रोहित शर्मा, राधेश्याम गुप्ता, शेष हजरा, अमरनाथ पटेल, संचारकर्मी लगायतको सहभागीता रहेको थियो भने कार्यक्रम संचालन कायस्थ समुहका रयान कायस्थले गरेका थिए ।

स्वागत मन्तव्य हरि पन्तलेले राखेकाे कार्यक्रमको सहजीकरण किशन सरार्फले गरेका थिए ।

कुमारी बै‌ंकको ग्राहकवर्गलाई सात्विक आयुर्वेद अस्पतालमा सहुलियत

0

वीरगञ्ज । सात्विक आयुर्वेद अस्पतालमा उपचार गराउने कुमारी बैंक लिमिटेडका ग्राहकवर्गले सहुलियत पाउने भएका छन ।

आफ्ना ग्राहकवर्गलाई गुणस्तरीय स्वास्थोपचारमा सहुलियत दिने उद्देश्यले कुमारी बैंक लिमिटेड र सात्विक आयुर्वेद अस्पताल तथा अनुसन्धान केन्द्र बीच स्वास्थ्य सेवामा छुट सम्बन्धी सम्झौता भएको छ ।

वीरगंजस्थित सात्विक आयुर्वेद अस्पतालका प्रमुख चिकित्सक डा.प्रभाकर मनु र कुमारी बैंकलिमिटेड प्रदेश–२ का प्रदेश प्रमुख सिद्घार्थ सिंहले सोमबार संयुक्तरुपमा सम्झौता पत्रमा हस्ताक्षर गरि सेवा सम्बन्धमा सम्झौता गरेका हुन ।

सम्झौता अनुसार अब कुमारी बैंकका ग्राहकवर्गले सात्विक आयुर्वेद अस्पतालमा ओ.पि.डि, प्याथोलोजी सेवा, पँचकर्म सेवा र औषधीमा ५% सम्म छुट पाउने छन । त्यस्तै फिजियोथेरापी, लगायत आइ.पि.डि. (बेड चार्जेज) मा ग्राहक वर्गले कुमारी बैंकको डेबिट तथा क्रेडिट कार्ड मार्फत भुक्तानी गर्दा १०% सम्मको आकर्षक छुट प्राप्त गर्न सक्ने बताईएको छ ।

सम्झौता समय बैंकको प्रदेश–२ कर्जा अधिकृत अमित सर्राफ, संचालन अधिकृत रंजित कुमार यादव तथा अस्पतालको संचालक विटु कुमारी शाहको उपस्थिति रहेको थियो ।

आयुर्वेद अस्पतालले मधुमेह, थाईराइड, उच्च रक्तचाप, याैन सम्बन्धि समस्याहरु, किड्नी पथरी, पित थैली पथरी, पाइल्स, बांझाेपन, बालबालिका सम्बन्धि समस्याहरु, मानसिक समस्याहरु, माईग्रेन, टाउकाे दुखाई, निद्रा सम्बन्धि समस्या, गैस्ट्रिक तथा कब्जियत लगायतका उपचार सेवा दिदै आएकाे छ । 

पर्सामा ११ हजार भोल्ट लाईनले ट्रकमा आगलगी

0

वीरगंज ।  पर्साको कालिकामाई गाउँपालिकामा ११ हजार भोल्ट लाईनले एक ट्रकमा आगलगी भएको छ ।

कालिकामाई गाउँपलिकाकाे वडा नं. १ टिनडोबियास्थित सोमबार ११ हजार भोल्ट लाईनले पराल बाेकेकाे ट्रकमा आगलगी भएको प्रहरीले जनाएकाे छ ।

आगलगीले ट्रकमा रहेकाे पराल पूर्ण रुपले जलेर नष्ट भएकाे छ भने ट्रककाे झाल र ढोका समेत जलेकाे इलका प्रहरी कार्यालय बिरन्चीबर्वाले जनाएकाे छ । आगलगीले रु एक लाख २० हजार बराबरकाे क्षति भएको जनाइएको छ ।

आगो लागेको केही बेरमै पोखरिया नगरपालिकाबाट पुगेकाे दमकलकाे सहयाेगमा आयाे नियन्त्रणमा आएकाे थियाे ।

संसद विघटन बिरुद्ध पर्सामा कांग्रेसद्वारा बिरोध प्रदर्शन तथा सभा

0

वीरगंज । प्रतिनिधि सभा विघटनको विरुद्ध नेपाली कांग्रेस पर्साको क्षेत्र नं. ४ काे आयाेजनामा धाेबिनी गाउँपालिकाकाे लंगडीमा विरोध सभा सम्पन्न भएको छ ।

विरोध सभालाई सम्बोधन गर्दै नेपाली कांग्रेसका केन्द्रिय सदस्य रमेश रिजालले संसद विघटन गरेर प्रधानमन्त्री ओलीले संविधानको खिली उडाएको बताए । उनले संविधान विघटन असंवैधानिक भएको वताउदै चुनावसंग कहिले कांग्रेस नडराउन पार्टी भएकाे बताए ।

क्षेत्रिय सभापति रमेश पाण्डेको सभापतित्वमा भएको बिराेध सभामा प्रदेश सभा सदस्य शंकर चौधरी, महासमिति सदस्य बशिष्ठनारायण कुर्मी, बृहस्पति श्रेष्ठ, पर्सा जिल्ला सचिव किशोरी साह, जिल्ला सदस्य नविन सिंह, क्षेत्रिय सचिव श्रीकान्त यादव, बलिष्टर अहमद, नेता राजिन्द्र कुर्मी, नसुरलाह मियाँ, रामेश्वर महतो लगायतकाले मन्तव्य राखेका थिए ।

बिरोध सभामा क्षेत्र अन्तर्गतका सबै पालिकाहरुको नेता तथा कार्यकर्ताहरुको सहभागिता रहेको थियो ।

यस्तै नेपाली कांग्रेस पर्सा क्षेत्र नं.२, काे आयाेजनामा बहुदरमाई नगरपालिकाकाे डकैला बहुअरीमा बिराेध सभा सम्पन्न भएकाे छ ।
 
क्षेत्रीय कार्य समितिकाे सभापति गम्भीरा साहकाे अध्यक्षता र नेपाली कांग्रेसका केन्द्रीय सदस्य अजय कुमार चाैरसियाकाे प्रमुख आतिथ्यमा भएकाे बिराेध सभामा नेपाली कांग्रेस पर्साका पूर्व सभापति राजेन्द्र बहादुर अमात्य, प्रदेश सभासदस्यद्वय राजेश्वर साह, ओम प्रकाश शर्मा, नेता हरेन्द्र सिंह, श्याम पाेखरेल, उपसभापति दिना गुप्ता, सचिव श्याम पटेल, सहसचिव राेशन लामिछाने, पर्सागढि नगरपालिकाका मेयर लाेकनारायण यादव, उपमेयर अर्चना चाैधरी,  बहुदरामाई नगरपालिकाका मेयर नितेन्द साह लगायतकाले मन्तव्य राखेका थिए । 
 
साे विराेध सभामा क्षेत्र नं.२ अन्तर्गतका सम्पूर्ण नेता तथा कार्यकर्ताहरुकाे उपस्थिति रहेको थियाे ।

यस्तै पर्सा क्षेत्र नं.१ काे आयाेजनामा संसद विघटनकाे बिरुद्ध वीरगंजमा प्रदर्शन तथा काेण सभा सम्पन्न भएकाे छ ।

वीरगंजकाे घण्टाघरबाट निस्केकाे विराेध जुलुश माइटस्था, महाविरस्थान, आदर्शनगर, घडिअर्वा हुदै पुन: घण्टाघरमा पुगी काेण सभामा परिणत भएकाे थियाे ।

काे सभालाई सम्बोधन गर्दै वक्ताहरुले नेकपाले मुलुकलाई भ्रष्टाचारको दलदलमा धकेली लोकतन्त्र समाप्त पार्न खेलमा लागेको आरोप लगाए । ५ वर्षसम्म स्थिर सरकार चलाउन जनताले नेकपालाई दुई तिहाई बहुमत दिए पनि मुलुकको विकासभन्दा नेताहरु आफ्नै विकास गर्न सरकारको ढुकुटी खाली गर्दै असंवैधानिक तरिकाले संसद विघटन गरी लोकतन्त्रलाई समाप्त पार्ने षडयन्त्र गरिरहेको वक्ताहरुकाे भनाई थियाे ।

‘‘हामी लोकतन्त्रवादी हौ । अदालतको फैसलालाई कांग्रेसले स्वीकार्य गर्छ ।’, वक्ताहरुले भने, ‘‘हामी चुनावमा जान पनि तैयार छौ । तर  असंवैधानिक तरिकाले जनताले दिएको जनादेशलाई लत्याएर संसद विघटन आफूहरु कदापी स्वीकार्य गर्दैनौ ।’’

कोणसभामा नेपाली कांग्रेसका जिल्ला सभापति अजय दुवेदी, पूर्व सांसद अनिल रुङ्गटा, वीरगंज महानगरपालिकाकी उप–प्रमुख शान्ति कार्की, महिला नेतृ किरण सरकार, शुष्मा तिवारी दुवेदी, नेता अरविन्द गुप्ता, युवा नेता दिलिप राज कार्की, सुधिर पटेल लगायतले मन्तव्य व्यक्त गरेका थिए ।

यस्तै पर्सा क्षेत्र नम्बर ३ मा पनि नेपाली कांग्रेसकाे विराेध सभा सम्पन्न भएकाे छ । पाेखिरियामा भएकाे बिराेध सभालाई नेपाली कांग्रेस पूर्व केन्द्रीय सदस्य सुरेन्द्र चौधरी लगायतकाले सम्बाेधन गरेका थिए ।

कलैयामा तन्नेरीसँग मेयर, साढे ३ वर्षमा उल्लेख्य काम गरेको दावी

0

वीरगञ्ज । बाराको कलैयामा तन्नेरीसँग मेयर कार्यक्रम सम्पन्न भएको छ । सक्रिय युवा युवतिहरुको समुह हाम्रो अभियान पर्साको आयोजनामा भएको कार्यक्रममा बाराका ३ वटा स्थानीय तहका प्रमुखसँग अन्तरक्रिया गरिएको छ ।

बाराको महागढीमाई नगरपालिकाका नगरप्रमुख उपेन्द्र यादब, प्रसौनी गाउँपालिकाका अध्यक्ष भोला प्रसाद गुप्ता र परवानीपुर गाउँपालिकाका अध्यक्ष हरीनारायण साहसँग तन्नेरीहरुले साढे ३ वर्षसम्मको अवधिमा गरेका कामकारवाही तथा अनुभवको बारेमा जिज्ञासा राखेका थिए ।

कार्यक्रममा सहभागीहरुले राखेको जिज्ञासाको जवाफ दिदै महागढीमाई नगरपालिकाका नगरप्रमुख उपेन्द्र यादबले साढे ३ वर्षको अवधिमा उल्लेख्य रुपमा परिवर्तन आएको जिकिर गर्नुभयो । भौतिक पुर्वाधारको विकाससँगै जनचेतनामुलक कार्यक्रमहरु पनि नगरपालिकाले सञ्चालन गरीरहेको र आगामी दिनमा पनि त्यसलाई निरन्तरता दिने यादबको भनाई छ ।

त्यसैगरी प्रसौनी गाउँपालिकाका अध्यक्ष भोला प्रसाद गुप्ताले समाजले हरेक कुरालाई सकरात्मक दृष्टिकोणले हेर्नुपर्ने धारणा राख्नुभयो । साथै उहाँले युवामुखी कार्यक्रमको लागी ठोस योजनाका साथ समुहगत रुपमा युवाहरु आए गाउँपालिकाले सहयोग र सहकार्य गर्न तयार रहेको बताउनुभयो ।

यस्तै परवानीपुर गाउँपालिकाका अध्यक्ष हरीनारायण साहले समाजका हरेक क्षेत्रमा गाउँपालिकाले काम गरीरहेको दावी गर्नुभयो । महिला, ज्येष्ठ नागरिक, विद्यार्थी, युवा लगायतका क्षेत्रमा सुधार र विकासका कार्यहरु भइरहेको उहाँको भनाई छ । संघियतापछि प्राप्त गरेको स्वतन्त्रताको महत्व नबुझेकाहरुले सडकमा राजतन्त्रको पक्षमा आवाज उठाउँदैमा लामो संघर्षपछि प्राप्त गरेको व्यवस्था नफेरीने दृढता व्यक्त गर्नुभयो ।

प्राविधिकि शिक्षा, सिपमुलक तालिम लगायतका योजनामा पनि गाउँपालिकाले लगानी गरेर युवाहरुलाई आत्मनिर्भर बनाउनेतर्फ पनि गाउँपालिका अग्रसर रहेको साहले बताउनुभयो ।

कलैयाको विश्वास एफ एमबाट प्रत्यक्ष प्रसारण भएको कार्यक्रमको सहजिकरण हाम्रो अभियान पर्साका संयोजक शिवनाथ यादबले गर्नुभएको थियो । कार्यक्रममा सञ्चारकर्मी, शिक्षक, विद्यार्थी, स्थानीय बुद्धिजिवि, जनप्रतिनिधि लगायतको सहभागिता रहेको थियो ।

ओली समुह अराजकहरुको झुण्ड हाे : नेता चाैधरी

0

वीरगंज । नेपाल कम्युनिष्ट पार्टी (नेकपा)का केन्द्रिय सदस्य एवं प्रदेश न. २ का सह इन्चार्ज नागेन्द्र चौधरीले ओली समुह अराजकहरुको झुण्ड भएको बताउनु भएको छ ।

नेकपा प्रचण्ड–नेपाल समुह पर्साको जिल्ला स्तरिय अगुवा कार्यकर्ता भेलालाई सम्बोधन गर्दै नेता चौधरीले यस्तो बताउनु भएको हो । चौधरीले पार्टी विधान न मान्ने, देशको संविधान न मान्ने ओलीले खडा गरेको जमातहरुको प्रकृति हेर्दा अराजनीतिक जमात भएको हुनाले कोई पनि सच्चा कम्युनिस्ट उनको समुहमा टिक्न नसकेन दाबी गर्नु भयो ।

उहाँले ओलीले गरेको सांसद विघटन असंवैधानिक, अलोकतान्त्रिक, गैर राजनितिक भएकाेले उक्त कदमलाई सडक आन्दाेलनबाटै सच्याउन पार्टीका आम कार्यकर्तालाई आ आफ्नाे ठाउँबाट आन्दाेलित भई याेगदान गर्न आवहान गर्नु भयाे ।

नेकपा केन्द्रिय सदस्य एवं पर्सा इन्चार्ज रामचन्द्र साहले ओलीकाे सर्वसत्तावादी साेच र राज्य मै हु भन्ने जस्ता अहंकारका कारण नेकपाबाट ओली चाेइटनु पर्ने आवस्था आएकाे वताउनु भयाे ।

उहाँले जाे काेईकाे अहंकारलाई कम्युनिष्ट पार्टीले कहिलै स्विकार नगरेकाेले ओलीकाे पनि अहंकार नेकपाले स्विकार नगर्ने र नेपाली कम्युनिष्ट आन्दाेलनकाे इतिहासमा ओलीकाे नाम कालाे अक्षरले लेखिने दाबी गर्नु गर्नु भयाे ।

अर्का केन्द्रिय सदस्य एवं वीरगंज महानगर इन्चार्ज दिनेश राईले केपी ओलीकाे कदम निरंकुश पंचायती व्यवस्था जस्तै भएकाेले उनकाे हविगत पनि तत्कालिन राजाहरु जस्तै हुने वताउनु भयाे ।

प्रदेश नं. २ का प्रदेश कमिटी सदस्य छाेटेलाल यादवले राजनितिकाे र नजान्ने, कम्युनिष्टकाे क नजान्ने, केही लम्पठ पुजिवादीहरु घेराबन्दीका कारण ओली बिग्रीएकाे वताउनु भयाे ।

वीरगंज महानगर अध्यक्ष रहब अन्सारीले ओलीकाे असंवैधानिक कदमलाई साथ दिएकी विद्या भण्डारी पनि उनीसंगै सत्ति जाने बाटाेमा रहेकी वताउनु भयाे । 

अन्सारीले अनुशासनलाई पट्कै अनुशरण गर्न नजान्ने ओली पहिला पनि कम्युनिष्ट थिएनन् र आज पनि उनी कम्युनिष्ट हाेइनन् त्यस कारण काेई पनि सच्चा कम्युनिष्ट उनकाे पक्षमा वकालत नगर्ने दाबी गर्नु भयाे ।

नेकपा पर्साका सचिव विजय महताेकाे अध्यक्षतामा भएकाे कार्यकर्ता भेलामा संविधान सभा सदस्य विचारी यादव, प्रदेश कमिटी सदस्य रामबाबु बैठा, नेता रामश्रअ राम, जिल्ला कमिटी सदस्य मनाेज चाैधरी, युवा संघका केन्द्रिय सदस्य अरुण यादव, अनेरास्ववियुका केन्द्रिय सदस्य प्रभाकर गुप्ता लगायतकाले मन्तव्य राखेका थिए भने कार्यक्रमकाे संचालन प्रदेश कमिटी सदस्य बालगाेपाल थापाले गर्नु भएकाे थियाे ।