Date
शुक्र, मंसिर ४, २०८३
Fri, November 20, 2026
Home Blog Page 892

पर्साको विभिन्न पालिकामा प्रधानमन्त्री र राष्ट्रपतिको पुतला दहन

0

वीरगंज । प्रतिनिधिसभा विघटनको बिरोधमा शुक्रबार जनता समाजवादी पार्टीले वीरगंजसहित पर्साको विभिन्न ठाउँमा बिरोध प्रदर्शन गर्नुका साथै प्रधानमन्त्री र राष्ट्रपतिको पुतला दहन गरेको छ ।

संसद विघटनको बिरोधमा देशभर आज बिरोध गर्ने जसपाको केन्द्रिय निर्णय अनुसार आज पर्साको धोबिनी र पकहामैनपुर गाउपालिकामा प्रधानमंत्री केपीओलीको पुतलादहन गर्दै बिरोध प्रदर्शन भएको छ ।

असम्बैधानि कदम अबिलम्ब सच्चाउ, संसद पुर्नस्थापना गर्न, जसपा जिन्दाबाद जस्ता नारा घन्काउदै धोबिनी गाउपालिकामा जसपा केन्द्रिय सदस्य पपु पटेल र पकहामैनपुरमा राष्ट्रिय परिषद सदस्य शिवजी सोनीको अगुवामा निस्केको जुलुस गाउपालिकाको कार्यालमा कोणसभामा परिणत भएको थियो ।

कोणसभामा प्रधानमंत्रीको पुतलादहन गर्दै असम्बैधानि कदम सच्चाउन धोबीनीमा केन्द्रिय सदस्य पप्पु पटेलले आग्रह गर्नु भयो ।
यसैगरी पकहामैनपुरको कोणसभामा संबोद्धन गर्दै शिवजी सोनीले संसल पुर्नस्थापना गरी देशलाई बिसंगतीबाट जोगाउन आग्रह गर्नु भयो ।

सभामा उपाध्यक्ष कुशुमी देवी, गाउपालिका संयोजक रामबाबु चौरसिया, नवलकिशोर पटेल लगायतकाले मन्तब्य राखेका थिए ।

त्यसतै सखुवा प्रसौनी गाउँपालिकामा पनि प्रधानमन्त्री र राष्ट्रपतिको पुतला दहन गरी संसद विघट बिरुद्ध प्रदर्शन भएको थियो । प्रदर्शनमा गाउँपालिका अध्यक्ष प्रदिप जैसवाल लगायतको सहभागिता रहेको थियो ।

 

बारामा १ विग्हा ऐलानी जग्गामा लगाइएको गाँजा खेती प्रहरीले ग¥यो नष्ट

0

वीरगंज । बारा जिल्लाको निजगढ नगरपालिमा १ विग्हा ऐलानी जग्गामा लगाइएको गाँजा खेती प्रहरीले नष्ट गरेको छ ।

निजगढ नगरपालिकाको वडा नम्बर १२ स्थित नाङगेडाँडामा १ बिगाह ऐलानी जग्गामा लुकाई छिपाई लगाइएको अवैध गाँजा खेती प्रहरीले नष्ट गरेको हो ।

प्रहरी कार्यालय निजगढ र अस्थायी प्रहरी पोष्ट रतनपुरबाट खटेको संयुक्त प्रहरी टोलीले शुक्रबार बिहान छापामारी गरी सो गाँजा खेती नष्ट गरेको थियो ।

बारा प्रहरीले जिल्ला विभिन्न स्थानमा लुकाई छिपाई गरिएको गाँजा खेती नष्ट गर्ने अभियान अन्तर्गत निजगढमा लगाइएको सो गाँजा खेती नष्ट गरेको जिल्ला प्रहरी कार्यालय बाराले जनाएको छ ।

 

प्रभु साहसहित तीन जनाले छोडे प्रचण्डको साथ, ओली क्याबिनेटमा तीनै जना मन्त्री बन्दै

0

काठमाडौं । प्रधानमन्त्री केपी शर्मा ओलीले आज साँझ मन्त्रिपरिषद् पुनर्गठन तथा विस्तार गर्ने भएका छन्। थपिएका मन्त्रीहरुलाई आजै शपथ खुवाइने बालुवाटार स्रोतले जनाएको छ।

आज प्रभु साह, टोपबहादुर रायमाझी र मणि थापा नयाँ मन्त्री बन्ने भएका छन्। उनीहरु सबै पूर्वमाओवादीका नेताहरु हुन्। यसका अलावा प्रधानमन्त्री ओलीले अन्य केहीलाई पनि आजै साँझ मन्त्रिमण्डलमा थप गर्ने भएका स्रोतले जनाएको छ।

त्यस्तै आजै साँझ बस्ने मन्त्रिपरिषद बैठकमा नवनियुक्त मन्त्रीहरुलाई पनि सहभागी गराइने बताइएको छ।

सांसद यादवद्धारा प्रसुति गृहकोे उद्घाघाटन तथा स्वयंसेविकालाई आवश्यक सामाग्री र छात्रालाइ साइकल वितरण

0

वीरगञ्ज । पर्सा क्षेत्र नम्बर १ का सांसद प्रदीप यादवले शुक्रबार एक कार्यक्रमको बिच प्रसुति गृहको भवन उद्भाटन गर्नुका साथै छात्राहरुलाइ साईकल तथा स्वयं सेविकाहरुलाई आवश्यक सामग्री बितारण गरेका छन ।

पर्सागढी नगरपालिका वाड नम्बर ५ पञ्चरुखीका वडा अध्यक्ष असलम आलमको अध्यक्षतामा भएको सो कार्यक्रममा सांसद यादवले नेपाल राष्ट्रिय आधारभूत बिद्यालय बहुअर्वा सिरामा कक्षा ८ मा अध्यनरत २७ जना छात्राहरुलाई साईकल बितरण गरीएको छ । साथै विद्यालयको प्रागंणमा नव निर्मित सरस्वति मन्दिरको समेत उदघाटन भएको वडा अध्यक्ष आलमले बताए ।

कक्षा ८ सम्म रहेको सो बिद्यालयलाई स्तरउन्नति गरी आगामी दिनमा कक्षा १२ सम्म पुर्याइने सांसद यादवले बताए ।

सामुदायीक कार्यक्रम अन्र्तगत ३२ लाखको लगानी तथा प्रदेश सांसद भिमा यादवको आर्थिक सहयोगमा निर्माण गरिएको सरस्वति मन्दिरको संयुक्त रुपमा सांसद यादवले उद्घाटन गरेका छन् ।

यसैगरी सासंद यादवले स्वास्थ्यचौकीको उद्घाटन गर्नुको साथै ७ जना स्वास्थ्य स्वयंसेविकालाई एक एक थान मोबाइल फोन , छाता र लाईट समेत बितरण गरिएको जनता समाजवादी पार्टी पर्साका सचिव तबरेज अहमदले बताए । उनले स्वास्थ्य सस्थामा स्वयंसेविकाको भूमिका महत्वपूर्ण रहेको भन्दै उनीहरुको कामकमो प्रसंसा गरे ।

एक फरक प्रसंगमा बोल्दै सांसद यादवले सरकार गरेको संसद विघटनलाई हामीले सशक्त प्रतिबाद गर्ने बताए । उनले सभामुख पुन संसद बैठक बोलाउनु पर्ने धारणा ब्यक्त गरे । संविधानले सरकारलाई संसद विघटनको अधिकार नै नदिएकोले आफ्नो स्वार्थ पूर्तीको लागी मात्र संसद विघटन गरेको बताए ।

कार्यक्रममा करिमा बेगम, भिमा यादव, जसपा पर्साका अध्यक्ष रामनरेश यादव, सचिव तबरेज अहमद, वडा अध्यक्ष असलम आलम , सदस्य अशोक यादव, प्रधानाध्यापक राम अशीश यादव लगायतकाको सहभागीता रहेको थियो ।

अख्तियारमा प्रदेश २ बाट सबैभन्दा बढि उजुरी

0

वीरगञ्ज  । देशमा रहेका ७ वटा प्रदेशमध्ये प्रदेश नम्बर २ मा सबैभन्दा धेरै आर्थिक अनियमितता भएको उजुरी परेको छ ।

अख्तियार दुरुपयोग अनुसन्धान आयोगको आर्थिक वर्ष २०७६र७७ को वार्षिक प्रतिवेदनअनुसार प्रदेश नम्बर २ बाट आर्थिक अनियमितता भएको सबैभन्दा धेरै उजुरी परेको छ ।

प्रतिवेदनअनुसार कुलमध्ये २३ दशमलव ८७ प्रतिशत उजुरी प्रदेश २ का छन् । अख्तियारमा जिम्मेवारी सरेका समेत २५ हजार १५२ उजुरी परेका छन् । उजुरीमध्ये १६ हजार ९५२ उजुरी फछ्र्योट भएका छन् ।

आठ हजार दुई सय उजुरी जिम्मेवारी सरेका छन् । अख्तियारले वार्षिक प्रतिवेदन बिहीबार राष्ट्रपति विद्यादेवी भण्डारीसमक्ष पेस गरेको थियो ।

प्रतिवेदनअनुसार सबैभन्दा कम उजुरी कर्णाली प्रदेशका छन् । कर्णालीका पाँच दशमलव ८२ प्रतिशत उजुरी परेका छन् । यस्तै प्रदेश १ का ९ दशमलव ८२ प्रतिशत, लुम्बिनीका १० दशमलव ७९ प्रतिशत उजुरी छन् । सुदूरपश्चिमका आठ दशमलव ४४ प्रतिशत उजुरी रहेका छन् ।

उजुरी सङ्ख्याका आधारमा प्रदेश २ पछि बागमती प्रदेश रहेको छ । बागमतीका १९ दशमलव ५९ प्रतिशत उजुरी छन् ।

यस्तै, प्रतिवेदन पेस गर्नुहुँदै कार्यवाहक प्रमुख आयुक्त डा। गणेशराज जोशीले सुशासनसम्बन्धी राज्यले लिएका नीतिलाई प्राथमिकताका साथ कार्यान्वयन गरिएको बताउनुभयो । भ्रष्टाचारविरुद्धका कार्यमा सबै पक्षको सहकार्य आवश्यक भएको डा। जोशीको भनाइ छ ।

डढुवा रोगको प्रकोपले पर्सामा भन्टा खेतीको बाली नष्ट हुँदै, कृषि प्रविधिक सरकारी रजाईमा रमाउँदै

0

वीरगंज । पर्साको बहुदरमाई नगरपालिकामा लगाईएको भन्टा खेतीमा डढुवा रोगको प्रकोप बढेको छ । विगत एक हप्तादेखीेको हुस्सो र शितलहरको कारण बढेको चिसोबाट भन्टाखेतीमा डढुवा रोगको संक्रमण फैलेको हो ।

एक्कासी हुस्सो र शितलहसंगै बगेको हावाले चिसो बढेपछि बहुदरमाई नगरपालिकाका–७ भौराटार र बिश्रामपुरमा लगाइएको भन्टा खेतीमा डढुवा रोगको सङ्क्रमण फैलिएर बाली नष्ट हुन थालेको छ ।

बालीमा डढुवा रोगको संक्रमण फैलिएर बाली नष्ट हुन थाले पछि खेत गर्न लगाइएको लगानीसमेत डुब्ने अवस्थामा पुगेको बहुदरमाई–७ का किसान रामबृक्ष महतोले दुःखेसो पोखे ।

‘पाँच कठ्ठा भन्टा खेृती गरेको छु । थोरै थोरै ४/५ पटक मात्रै बेच्न पाएको छु,’ कृषक महतोले भने,‘ चिसो बढेसंगै भन्टा बालीमा डढुवा रोगको संक्रमण देखिन थालेपछि रोगलाई रोकथाम गर्न बुमटेड, नुरानी ५०५ नामक रोगको विषादीसहित बिरुवालाई हरियो बनाउन र चिसोबाट जोगाउँने ३ किसिमको विषादी पनि छर्केको थिए । तर निरन्तरको शितलहरसंगै बढ्दै गरेको चिसोको कारण भन्टा बालीमा यी विषादीले कुनै असर देखाएन ।’’

बालीमा दिनानु दिन रोगको संक्रमण फैलिएर उत्पादन हुने भन्टामा किरा लागेको हुनाले उत्पादित तरकारीलाई पनि फाल्नु परिरहेको कृषक महतोले बताए ।

भन्टा बाहेकको तरकारी खेतीमा मन्गय आम्दनी भईरहेको अर्का किसान सोनालाल कुश्वाहाले बताए । कुशवाहा वर्षेनी १२ कठ्ठा तरकारी गर्ने गर्छन । यो वर्ष पनि ३ कठ्ठा भन्टा, ४ काउँली (कोभी), ३ कठ्ठा मुला र १÷१ कठ्ठा प्याज, लहसुन र विभिन्न हरियो साँगका खेती गरेका छन् ।

भन्टा बाहेकाका खेतीमा मन्गय आम्दनी हुने भएपछि उनी धेरै नै हर्षित छन् तर भन्टा खेतीमा डढुवा रोगको प्रकोपले बाली नष्ट भएपछि आम्दनी मात्रै नभई लगानी समेतको क्षति व्यहोर्नु पर्ने भएपछि आफू निरुत्साहित भएको कुशवाहाले दुखेसो पोखे ।

भन्टा खेतीमा अन्य खेतीभन्दा राम्रो आम्दनी गर्न सकिने भए पनि डढुवा रोगको प्रकोपले बाली नष्ट गरी धेरै किसानलाई नोक्सानी पु¥याएको छ ।

पर्सामा कृषि ज्ञान केन्द्र र प्रधानमन्त्री कृषि रोजगार कार्यक्रमका प्राविधिक कर्मचारी हुँदा हुँदै पनि कृषकहरु बर्षेनी मारमा पर्ने गरेका छन् ।

वर्षेनी चिसो र हुस्सो बढेसंगै भन्टा खेतीमा डढुवा रोगको प्रकोप लागेर किसानको बालीमा क्षति पुग्ने गरे पनि कर्मचारीहरु क्षतिपूर्व नै यसको विकल्प दिन सकेका छैनन् ।

कृषि प्रविधिक कर्मचारीहरु किसानको खेतमा नपुगी अफिसभित्रै इन्टरनेट चलाउँदै, गफ हान्दै कृषि प्रधान देशलाई मरुभूमि तुल्याउन तिर लागेका कृषकहरुले गुनासो गरेका छन् । तरकारी बालीमा विभिन्न रोगले क्षति पु¥याएपछि कतिपय कृषकहरु कृषि पेशाबाट समेत प्लायन भईसकेको उनीहरुले भनाई छ ।

कृषि ज्ञान केन्द्र पर्साले किसानलाई खेती गर्न विभिन्न शिप तालिम संचालन गर्दा पनि वास्तविक किसानहरुलाई सहभागिता नराई राजनितीक पहँुचवाललाई मात्रै तालिम गराई सरकारको बजेटबाट वितरण हुँने भत्ता र बिउबिजन दुरुपयोग गर्ने गरेको किसानहरु बताएका छन् ।

सरकारी नियम पुरा गर्न पहुँचवालालाई किसान देखाई कृषकहरुले पाउँने शिप, ज्ञान, सेवासुविधाहरु अन्य व्यक्तिले पाउँदा वर्षेनी कृषकहरुले गरेका तरकारी खेलीमा विभिन्न रोगको प्रकोपले क्षति व्यहोर्नु परेको भए पनि कर्मचारी कानमा तेल हालेर सरकारी रजाईमा रमाउँने गरेका छन् ।

संसद विघटन बिरुद्ध प्रचण्ड–माधव उत्रे सडक संघर्षमा

0

काठमान्डौं  । नेकपाको प्रचण्ड–माधव पक्षले संसद विघटनविरुद्ध आजबाट सडक संघर्ष चर्काउने भएको छ ।

बिहीबार सम्पन्न केन्द्रीय समिति बैठकको निर्णयअनुसार प्रचण्ड माधव पक्ष शुक्रबारबाट सडक संघर्षमा उत्रिएको हो । त्यसक्रममा १० बजे माइतिघर मण्डलामा आफ्नो पक्षका सांसदसहित नेता कार्यकर्ता भेला भएर सर्वोच्च अदालत जाँदैछन् ।

यसैगरी शुक्रबारै प्रचण्ड माधव पक्षका केन्द्रीय सदस्यहरु सामुहिक रुपमा निर्वाचन आयोग पनि जादैछन् । आयोगमा पुगेर उनीहरुले नेकपाको आधिकारिकता आफुहरुमै रहेको अवगत गराउने छन् ।

 

सखुवा प्रसाैनी पनि सेमिफाइनल प्रबेश, अब पाेखरियासंग खेल्ने

0

वीरगंज । पाेखरियामा जारी टि२० क्रिकेट टुर्नामेन्ट प्रतियाेगिताकाे सेमिफाइनलमा सखुवा प्रसाैनी गाउँपालिका प्रबेश गरेकाे छ ।

पाेखरिया नगरपालिकाकाे सहयाेग र पाेखरिया युवा समाजकाे आयाेजनामा पाेखरियाकाे शेरा फिल्डमा भइरहेकाे प्रतियाेगिताकाे बिहिबार भएकाे खेलमा जगरनाथपुर गाउँपालिकालाई हराउदै सखुवा प्रसाैनी गाउँपालिका विजयी भएकाे हाे । 

सुरुमा टस जितेर ब्याटिङ गरेकाे सखुवा प्रसाैनीले पुरै २० ओभर खेल्दै ८ विकेटकाे नाेक्सानीमा एक सय ९२ रन बनाएकाे थियाे । त्यसपछि एक सय ९३ रनकाे लक्ष्य पुरा गर्न जवाफी ब्याटिङमा उत्रेकाे जगरनाथपुरले १४ ओभर ५ बल खेल्दै पुरै विकेटकाे नाेक्सानीमा एक सय रन मै समेटिएपछि सखुवा प्रसाैनी विजयी भएकाे थियाे ।

खेलकाे म्यान अफ द म्याच ३५ बलमा ६२ रन बनाएका सखुवा प्रसाैनीका युवराज साह घाेषित भएका थिए ।

अब यस अघि विजयी भएका पाेखरिया नगरपालिका र सखुवा प्रसाैनी बिच शनिबार खेल हुने आयाेजक पाेखरिया युवा समाजका अध्यक्ष भगवान दास तात्वाले वताए । दुबै मध्ये विजयी हुने टिमले प्रतियाेगिताकाे फाइनल प्रबेश गर्ने उनले जानकारी दिए ।

बिहिबारकाे खेलमा विजयी टिम सखुवा प्रसाैनी गाउँपालिकाका अध्यक्ष प्रदिप जयसवाल पनि सहभागि भएका थिए ।

शुक्रबार बहुदरमाई नगरपालिका र विन्दवासिनी गाउँपालिका बिच खेल हुने छ । प्रतियाेगिताकाे बिजेता हुने टिमलाई रु ८१ हजार र उप विजेतालाई रु ४१ हजार पुरस्कारी प्रदान गरिने आयाेजकले जनाएकाे छ ।

छिपहरमाईमा आगलगी, २ घर जलेर नष्ट

0

वीरगंज । पर्साकाे छिपहरमाई गाउँपालिकाकाे वडा नं. ३ जयमंगलापुरमा बुधबार राति आगलगी भएकाे छ ।

राति १२ बजे भएकाे आगलगीले २ वटा कंची घर पुर्ण रुपले जलेर नष्ट भएकाे छ । स्थानिय गणेश गणेश साह र ज्युत साहकाे घर जलेर नष्ट भएकाे प्रहरीले जनाएकाे छ ।

आगलगीले गणेश साहकाे गाई १ वटा, बाछी १ वटा, लत्ताकपड, धान र चामल जलेर नष्ट भएकाे छ । आगलगीले करिब १० लाख बराबरकाे क्षति भएकाे पिडितले जनाएका छन् ।

यस्तै आगलगीले ज्युत साहकाे घरमा राखिएकाे धान, चामल र लत्ताकपडा जलेर रु ३ लाख ५० हजार बराबरकाे क्षति भएकाे पिडितले जनाएका छन् ।

आगलगी एक घण्टा पछि बुडगाई प्रहरी चाैकी, पाेखरिया नगरपालिकाबाट पुगेकाे दमकल र स्थानियकाे सहयाेगमा नियन्त्रणमा आएकाे स्थानियहरुले  वताएका छन् । आगलगी कसरी र के ले भएकाे भने खुल्न सकेकाे छैन् ।  

प्रदेश सांसद कलवारलाई पितृ शाेक

0

वीरगंज । प्रदेश सांसद सिंहासन साह कलवारलाई पितृ शाेक परेकाे छ ।

पर्साकाे छिपहरमाई गाउँपालिका वडा नं. १ भलुवहिया निवासी सांसद कलवारकाे ८५ बर्षिय बुवा हरिलाल साह कलवारकाे बुधबार दिउसाे ३ बजे निधन भएकाे हाे ।

काठमाण्डाैस्थित न्युराे हस्पिटलमा उपचारको क्रममा जनता समाजवादी पार्टीका पर्सा इन्चार्ज समेत रहेका सांसद कलवारकाे बुवाकाे निधन भएकाे समाजवादी पार्टीका जिल्ला सचिव तबरेज अहमदले वताए ।

उहाँको पार्थिव शरीरलाई बिहिबार विहान पैत्रिक गाउँ छिपाहारमाई गाउँपालिकाकाे वडा न १ भलुवहियामा दाहसंस्कार गर्ने कार्यक्रम रहेकाे अहमदले जानकारी गराए ।