पारसनाथ मन्दिर विकासकाे गुरुयोजना बनाउन मुख्यमन्त्रीकाे प्रतिबद्धता
लायन्स क्लबद्वारा छात्राहरुलाई सेल्फ डिफेन्स प्रशिक्षण
वीरगंज । लायन्स क्लब ईन्टरनेशनलका संस्थापक अध्यक्ष स्व. मेलबिन जोन्सको १४२ औ जन्म उत्सव मनाउने क्रममा लायन्स क्लब अफ बिरगंजले साता ब्यापी कार्यक्रम अन्तर्गत शुक्रबार वीरगंज मासकोट एकेडेमीमा छात्राहरुको लागी दुई दिने सेल्फ डिफेन्स प्रशिक्षण कार्यक्रम समपन्न गरेको छ ।
कार्यक्रमका प्रमुख अतिथी लायन्स क्लबका डीस्ट्र गर्भनर शम्भु नकर्मीले यस प्रशिक्षणबाट छात्राहरुले धेरै सिप आर्जन गर्न सफल भएको बताए । उनले यस प्रशिक्षणबाट छात्राहरु आफनो ब्यक्तिगत सुरक्षाको बारेमा धेरै सपि आर्जन गरेको र आउने दिनहरुमा सिकेका कुराहरुलाई ब्यवहारमा उर्तान आग्रह गरे ।
क्लबका अध्यक्ष बिजय कुमारको अध्यक्षतामा भएको कार्यक्रममा बिशिष्ट अतिथी रमेश अग्रवालले यस क्लबले आउने दिनहरुमा यस्ता किसिमका कार्यत्रलमहरु गर्न शुभकामना दिए । साथै उनले क्लबलाई अगाडी बढाउनमा आफुहरु हर सम्भव सहयोग गर्न तैयार रहेको प्रतिबद्धता जनाए ।
कार्यक्रममा क्लबका सचिव पप्पु श्रीवास्तव, कार्यक्रमका सल्लाहकार छेडुप लामा, क्लबका सदस्य गुडी जोसी, सुरेश अग्रवाल, अनुप अग्रवाल, लियो क्लबका अध्यक्ष मेराजुल हवारी, लियो क्लब अफ गंजभवानीपुरका अध्यक्ष बिनय साह, सरिता खडकी, दिब्या गिरी लगायतकाे सहभागिता रहेको थियो ।
यसै बिच, शुक्रबार राती बिरगंज घण्टाघरमा गरिब, असाहाय, बिपन्नहरुलाई न्यानो कपडा बितरण कार्यक्रम रहेको क्लबका सचिव पप्पु श्रीवास्तवले जानकारी दिए ।
परवानीपुरमा नेपाली कांग्रेसको बैठक सम्पन्न
वीरगंज । बाराको परवानीपुर गाउँपालिका वडा नं. ५ टोल बहुवरीमा शुक्रबार नेपाली कांग्रेसको बैठक सम्पन्न भएको छ ।
गाउँपालिका सभापती पुन्देव यादवको सभापतित्वमा बसेको बैठकले नेपाली कांग्रेसको केन्द्रीय कमिटीको निर्णय अनुसार यही पुस २५ गते शनिबारका दिन देशब्यापी रुपमा प्रदेश सभा क्षेत्रमा विरोध सभा गर्ने अन्तर्गत बारा क्षेत्र नं. ४ काे ’ख’ काे फेटा गाउँपालिकाको फेटा बजारमा सरकारले गरेको असंवैधानिक कदमविरुद्ध विरोध र्याली तथा सभा गर्ने निर्णय गरेको छ ।
बैठकमा परवानीपुर गाउँपालिकाका महाधिवेशन प्रतिनिधि जगदिश साह, प्रदेश सभाका प्रत्यासी उमेदवार विजय गुप्ता, परवानीपुर गाउँपालिकाका मेयर पदका उम्मेदवार लालबाबु यादव, वडा नं. १ देखि ५ सम्मका सभापती, वडा नं २ का वडाध्यक्ष ईश्वरी साह, वडा नं. १ देखि ५ सम्मका वडाध्यक्षका उम्मेदवार, जिल्ला कार्य समति, क्षेत्रीय कार्य समिति सदस्यहरुको उपस्थिति रहेको थियो ।
कार्यक्रम बारा क्षेत्र नं ४ का क्षेत्रीय सभापती सुनिल कुमार गुप्ताको प्रमुख आथित्यमा भएको थियाे ।
देश विकासमा सहकारीको ठुलो महत्व : मन्त्री उषा यादव
वीरगंज । प्रदेश नं. २ की अर्थ राज्य मन्त्री उषा यादवले कुनै पनि देशको विकासको मेरुदण्डे सहकारी नै रहेको बताएकी छन् ।अमेरिका, जापान जस्ता देशको विकासनमा सहकारीकै महत्वपूर्ण भूमिका रहेको मन्त्री यादवले बताईन ।
जिल्ला कृषि सहकारी संघ पर्साको ९ औं बार्षिक साधारण सभामा बोल्दै मन्त्री यादवले फलफूल, तरकारी खेती, पशुपालन, माछा पालन जस्ता विभिन्न क्षेत्रमा सहकारी संस्थाहरु काम गर्दै विकासको सहयात्री बनेको प्रस्ट पारिन् ।
जनताको विकासका लागी ठुलो महत्व राखेको कृषि सहकारीलाई प्रदेश सरकार कमप्युटर, प्रिटर, सिपियु जस्ता विभिन्न सामग्री पनि दिईएको र अझै अगाडी बढाउँन सहयोग गर्दै जाने मन्त्री यादवको भनाई छ ।
‘‘प्रदेश नं. २ मा करिब ८१३ वटा सहकारी दर्ता रहे पनि २० प्रतिशत मात्रै सक्रिय सहकारी रहेका छन् । बाँकी कागजमा मात्रै सिमित रहेका छन् ।’ मन्त्री यादवले भनिन्,‘ लोभ लालचले पनि कतिपय सहकारी गठन भई नागरिकलाई ठग्ने गरेको पनि सुनिएको छ ,। ’’
‘‘प्रदेश सरकारले सहकारी सम्बन्धी ऐन बनाई सकेको छ । कोरोना महामारी र राजनीतिक अस्थिरताका कारण प्रदेश सभा पास हुन सकेको छैन् ।’ उनले भनिन्,‘ चाँडै नै ऐन पारित गरी क्षमता अभिबृद्धि, आर्थिक सहयोग जस्ता विभिन्न कार्यक्रम प्रदेश सरकारले संचालनमा ल्याउँछ ।’’
कार्यक्रमका प्रमुख अतिथि समेत रहेकी मन्त्री यादवले माछा पालन, दूध उत्पादन जस्ता विभिन्न कृषि कार्यमा कसरी आत्म निर्भर बनाउन सकिन्छ भने बारे प्रदेश सरकारले विभिन्न योजना ल्याई कृषि कार्य गरिरहेको बताईन् ।
‘‘प्रदेश सरकारले ‘हर खेतमे पानी, हर हातमे काम’ कृषि क्षेत्रलाई बलियो बनाई कृषि मै आत्म निर्भर बनाउन विभिन्न काम गर्दै आएको छ । उनले भनिन्, ‘महिला हिंसा न्युनिकराणका लागी ‘बेटी बचाउँ, बेटी बढाऊ’’ अन्तर्गत ‘छोरी शिक्षा विमा’, ‘प्रदेश प्रहरी ऐन’ ‘महिला आरक्षण’ र दलित आरक्षण जस्ता विभिन्न ऐन ल्याएको छ ।’’
जिल्ला कृषि सहकारी संघ पर्साका अध्यक्ष शिव कुमार साहको अध्यक्षतामा भएको कार्यक्रममा प्रदेश सांसद प्रहलाद गिरी, सखुवा प्रसौनी गाउँपालिकाकी उपाध्यक्ष फूलमति देवी थरुईन, नेफकुन संचालक हरेराम पटेल, जिल्ला बचत तथा ऋण सहकारी संघ लि, पर्साका अध्यक्ष राजेश पंडित, जसपा नेपालका केन्द्री सदस्य फिरोज मन्सुर, नेता शुवजी सोनि, युवा सवरोजगार कोषका संयोजक शुनिल रौनियार, नरेश जयसवाल लगायतकाे सहभागिता रहेको थियो |
कार्यक्रमका सहजीकरण जिल्ला कृषि सहकारी संघका लेखा समिति संयोजक अरबिन्द साहले गरेका थिए ।
सभामा संघकाे आ.बा. २०७६/०७७ को बार्षिक कारोबार २१,५९,५०९.२२/- को आय व्यय प्रस्तुत गरिएको थियाे | संघले स्थापना काल देखि सदस्य संस्था एवं कृषक बर्गको उत्थान, क्षमता विकास, शुसासन र व्यवस्थापनको लागि सरोकारवाला निकाय संग समन्वय, सहकार्य, छलफल, अन्तरक्रिया, संबाद र अध्यन्न अनुसन्धानको माध्यमबाट पैरवी र वकालत गर्दै आएको तथा भविष्यमा गरि रहने अध्यक्ष साहले बताए |
लेखा प्रतिबेदन संयोजक अरविन्द कुमार साह एवं आर्थिक प्रतिबेदन तथा बार्षिक बजेट कार्यक्रम अनरुध प्रसाद चौधुरीले प्रस्तुत गरेका थिए |
अनेरास्ववियू पर्साले पठायाे प्रधानमन्त्री ओलीलाई विराेध पत्र
वीरगञ्ज । नेकपा प्रचण्ड-नेपाल समुह निकट अनेरास्ववियू पर्साले प्रधानमन्त्री केपी शर्मा ओलीको विरुद्ध उनलीलाई नै विरोध पत्र पठाएकाे छ ।
भविष्यलाई सङ्कट तर्फ धकेलेको भन्दै अनेरास्ववियूले जिल्ला प्रशासन कार्यालय मार्फत प्रधानमन्त्री ओलीलाई नै विरोध पत्र बुझाएका छन् ।
अनेरास्ववियू पर्साका जिल्ला संयोजक रामबाबु यादवको नेतृत्वमा गएको विद्यार्थी नेताहरुको टोलीले पर्साका प्रमुख जिल्ला अधिकारी आस्मान तामाङ मार्फत विरोध पत्र पठाएका हुन् ।
प्रधानमन्त्री ओलीले दम्भ र अहङ्कारका साथ गरेको प्रतिनिधिसभा विघटन असंवैधानिक, अराजनैतिक र अलोकतान्त्रिकसँगसँगै लहडी र बदनियतपूर्वक रहेको विद्यार्थी नेताहरुको आरोप छ । उनीहरुले प्रधानमन्त्री ओलीलाई प्रतिनिधि सभा विघटनको निर्णयलाई खारेज गर्न माग समेत गरेका छन् ।
विरोध पत्र मार्फत उनीहरुले प्रतिनिधिसभा विघटन विरुद्ध देशभर भइरहेको विरोध प्रदर्शन र सभाहरुमा प्रदर्शनकारीलाई धम्क्याउने, तर्साउँने र धरपकट नगर्न चेतावनी दिएका छन् ।
ज्ञापन पत्र बुझाउने टोलीमा प्रचण्ड-नेपाल समूह तर्फबाट अनेरास्ववियूको केन्द्रीय सदस्य प्रभाकर गुप्ता, शिवम साह, जुबेर आलम लगायतको सहभागिता रहेको थियो ।

श्रीमद भागवत धन धान्याचंल सप्ताह ज्ञान महायज्ञ सम्पन्न
वीरगंज । पर्सागढी नगरपालिकाकाे वडा नं. ३ बढनियारमा आयाेजित श्रीमद भागवत धन धान्याचंल सप्ताह ज्ञान महायज्ञ सम्पन्न भएकाे छ ।
असहाय बृद्ध/बृद्धाकाे लागि आश्रमकाे भवन निर्माण हेतु पुस १५ गते देखी सुरु भएकाे महायज्ञ बिहिबार सम्पन्न भएकाे हाे ।
महायज्ञ समापन्न समाराेलाई सम्बाेधन गर्दै प्रदेश सभा सदस्य (सांसद) राजेश्वर साहले आश्रम निर्माणकाे लागि आफ्नाे व्यक्तिगत तर्फबाट एक लाख ११ हजार सहयाेग गर्ने घाेषण गरे ।
समापन्न समाराेहका प्रमुख आतिथी समेत रहेका सांसद साहले त्यसकाे वाहजुद पनि आश्रम निर्माणमा घटेकाे रकम सहयाेग गर्ने प्रतिबद्धता जनाए । महायज्ञकाे उद्घाटन सांसद साहले नै गरेका थिए ।
महायज्ञ मुल आयाेजक समितिका अध्यक्ष अशाेक बुर्लाकाेटीकाे अध्यक्षतामा भएकाे समापन्न समाराेहमा पर्सागढी नगरपालिकाकी उप मेयर अर्चना चाैधरी, वडाध्यक्षहरु बेदमन दास थारु, उद्व बहादुर उप्रेती, वीरगंज २८ का कांग्रेसका सभापति सरजुग महताे, श्याम चाैधरी लगायतकाे सहभागिता रहेकाे थियाे ।
वीरगंजकाे उदयपुरघुर्मिमा नेकपा प्रचण्ड-माधव समुहकाे भेला सम्पन्न
वीरगंज । नेकपा प्रचण्ड-माधव समुहकाे वीरगंज महानगरपालिकाकाे वडा नं. १७, १९, २५, २६, २७ काे वडास्तरिय भेला बिहिबार सम्पन्न भएकाे छ ।
वीरगंज महानगरपालिकाकाे वडा नं. २७ उद्यपुरघुर्मिमा पांच वटै वडाकाे संयुक्त रुपमा आयाेजित भेलालाई सम्बाेधन गर्दै वक्ताहरुले प्रधानमन्त्री केपी शर्मा ओलीकाे असंवैधानिक कदम विरुद्धकाे आन्दाेलनमा सहभागिता जनाउन आग्रह गरेका छन् ।
वक्ताहरुले संसद विघटन असंवैधानिक, अलाेकतान्त्रिक, प्रतिगामी र गणतन्त्र विराेधी भएकाे वताउदै त्यस विरुद्धकाे जारी आन्दाेलनमा गाउँ गाउँबाट सहभागिता जनाउन आग्रह गरेका हुन् । यसका साथै पुस २५ गते वीरगंज नगर सभा गृहमा हुने नगरस्तरिय भेलामा पनि सहभागि हुन वीरगंज महानगर कमिटीले आग्रह गरेकाे छ ।
जिल्ला कमिटी सदस्य प्रभु पासवानकाे अध्यक्षता र केन्द्रिय सदस्य एवं पर्सा जिल्ला इन्चार्ज रामचन्द्र साहकाे प्रमुख आतिथ्यतामा भएकाे भेलामा केन्द्रिय सदस्य एवं वीरगंज महानगर इन्चार्ज दिनेश राई, प्रदेश कमिटी सदस्य बालगाेपाल थापा, बाबुराम काैशिक, वीरगंज महानगर अध्यक्ष रहबर अन्सारी, संविधान सभा सदस्य विचारी यादव, जिल्ला कमिटी सदस्य मनाेज चाैधरी, आसमान अन्सारी, गंगाधर महताे, मनाेज कुशवाहा, युवा नेता अरबिन्द सिंह, अनेरास्ववियुका केन्द्रिय सदस्य प्रभाकर गुप्ता, जुबेर आलम,वीरगंज २७ का वडाध्यक्ष प्रदिप यादव, युवा संघका वीरगंज महानगर अध्यक्ष उमेश ठाकुर, विद्यार्थी नेता सुशिल हजरा लगायतकाले मन्तव्य राखेका थिए ।
वीरगञ्जमा अनेरास्ववियूद्वारा राष्ट्रपति र प्रधानमन्त्रीको पुत्ला दहन
बीरगञ्ज । नेकपा प्रचण्ड-माधव समुह निकट अनेरास्ववियू पर्साले बिहिबार वीरगंजमा राष्ट्रपति र प्रधानमन्त्रीको पुतला दहन गरेको छ ।
अनेरास्ववियूकाे केन्द्रिय सर्कुलर अनुसार ७७ वटै जिल्लामा पुतला दहनकाे कार्यक्रम अन्तर्गत वीरगञ्जमा पनि विरोध प्रदर्शन तथा पुतला दहन गरिएको हो । अनेरास्ववियू पर्साका अध्यक्ष रामबाबु यादबको अध्यक्षतामा भएको विरोध प्रदर्शन वीरगञ्जको घडिअर्वा पोखरीबाट शुरु भएर माइस्थानमा पुगी कोण सभामा परिणत भएको थियो ।
विरोध सभामा सहभागीहरुले ‘केपी ओली मुर्दावाद, संसद विघटन गर्न पाइँदैन, संविधान विरोधी निर्णय खारेज गर’ लगायतका नारा लगाएका थिए । पुतला दहन गर्ने क्रममा प्रहरीले हस्तक्षेप समेत गरेको थियो ।
कोणसभालाई सम्बोधन गर्दै बक्ताहरुले आफैले बनाएको संविधानलाई लत्याएर गरिएको संसद विघटन निन्दनिय भएको बताए । केपी शर्मा ओली शक्तिआर्जनका निम्ती जस्तोसुकै कदम चाल्न सक्ने भएको हुँदा गणतन्त्र खतरामा पर्न सक्ने सङ्केत गर्दै उक्त जोखिमपुर्ण अवस्था आउन नदिनका लागी अनेरास्ववियू सडकमा उत्रेकाे उनीहरुकाे भनाई थियाे ।
बिराेध प्रदर्शन तथा पुतला दहन कार्यक्रममा नेकपाका जिल्ला कमिटि सदस्य मनोज चौधरी, नेता अरबिन्द सिंह, राष्ट्रिय युवा संघका केन्द्रिय अरुण यादब, अनेरास्ववियुका केन्द्रिय सदस्यहरु प्रभावकर गुप्ता, शिवम साह, जुवेर आलम, पूर्व केन्द्रिय सदस्य इशक कुमार, अनेरास्ववियु ठाकुरराम क्याम्पस इकाई अध्यक्ष सन्दिप गुप्ता, युवा संघका वीरगंज महानगर अध्यक्ष उमेश ठाकुर, अनेरास्ववियुका नेताहरु रन्दिप श्रीवास्तव, रामबाबु मण्डल, उपेन्द्र साह, सुशिल हजरा लगायतको सहभागिता रहेको थियाे ।
पकहा मैनपुरमा पनि नेकपा प्रचण्ड-माधव समुहकाे भेला सम्पन्न
वीरगंज । पर्साकाे पकहा मैनपुर गाउँपालिकामा नेकपा प्रचण्ड-माधव समुहको भेला बिहिबार सम्पन्न भएको छ ।
नेकपाको केन्द्रमा रहेको बिवाद र प्रधानमन्त्री केपी ओलीले सांसद विघटन गरे पछी उत्पन्न भएको बिवाद यती बेला नेकपाको सबै कमिटीमा देखा परेको छ । नेकपामा दिई समूहले छुटा छुटै आ-आफ्नो भेला गर्दै आएका छ्न् ।
भेलामा नेकपा पकहा मैनपुर गाउँपालीका समितिको ५१ सदस्य मध्ये ४१ जना सहभागि भएकाे नेकपा जिल्ला कमिटी सदस्य राकेश यादवले जानकारी दिए ।
भेलालाई सम्बाेधन गर्दै नेकपा प्रदेश कमिटी सदस्य छोटेलाल प्रसाद यादवले प्रधानमन्त्रीले उठाएको संसद विघटनकाे कदमअसंवैधानिक भएकाे वताए । कार्यक्रमका प्रमुख अतिथी समेत रहेका नेता यादवले यसलाई तुरुन्त नसच्चयाए आफुहरु कडा आन्दोलन गर्ने चेतावनी दिए ।
गाउँपालीका कमिटीका अध्यक्ष एवम् जिल्ला कमिटी सदस्य सुरेस मेहताकाे अध्यक्षतामा भएकाे भेलामा नेकपा जिल्ला कमिटी सदस्य एवम् गाउँपालीका सचिव प्रभु नाथ लगायत नेता तथा कार्यकर्ताहरुकाे उपस्तिथि रहेको थियो।
नेकपा प्रचण्ड-माधव समूहकाे पाेखरियामा अगुवा कार्यकर्ता भेला सम्पन्न
वीरगंज । नेकपा प्रचण्ड-माधव समूहकाे पाेखरियामा नगरस्तरीय अगुवा कार्यकर्ता भेला बिहिबार सम्पन्न भएको छ ।
भेलालाई सम्बाेधन गर्दै नेकपा केन्द्रीय सदस्य एवं पर्सा इन्चार्ज रामचन्द्र साहले प्रधानमन्त्री केपी शर्मा ओलीकाे असंवैधानिक कदमकाे सशक्त प्रतिकार गर्नुपर्ने बताए ।
कार्यक्रमका प्रमुख अतिथीसमेत रहेका नेता साहले असंवैधानिक, प्रतिगामी तथा गणतन्त्र विराेधि कदमकाे सबै मिलेर प्रतिकार गर्नु पर्नेमा वताए ।
नेकपा पाेखरियाका नगर सचिव पन्नालाल प्रसाद कुर्मीकाे अध्यक्षतामा भएको कार्यक्रममा प्रदेश कमिटि सदस्य बाबुराम काैशिक, रामबाबु बैठा, जिल्ला सदस्य रामाश्रय राम लगायतले सम्बाेधन गरेका थिए ।
उनीहरूले प्रधानमन्त्री केपी ओलीले नेपाली जनताले लडेर ल्याएकाे लाेकतन्त्रमाथि प्रहार गरेकाे बताए ।












