Date
शुक्र, मंसिर ४, २०८३
Fri, November 20, 2026
Home Blog Page 886

डा. कुशवाहाकाे निधनले शैक्षिक क्षेत्रमा अपूर्णिय क्षति : मुख्यमन्त्री राउत

0

वीरगंज । प्रदेश नं. २ का मुख्यमन्त्री लालबाबु राउतले ठाकुर राम बहुमुखी क्याम्पस विरगंजका क्याम्पस प्रमुख डा. कुशावाहाको असामयिक निधन प्रति श्रद्धाञ्जली व्यक्त गर्नु भएको छ ।

५२ वर्षको उमेरमा गए राति निधन भएको डा. कुशवाहा संस्थापक रहेको ओम इन्टरनेशनल कलेज पुगी मुख्यमन्त्री राउतले उहाँ प्रति श्रद्धाञ्जली व्यक्त गर्नु भएको हो ।

ठाकुर राम क्याम्पसमा अध्यापन गराउँदाको दिनहरुलाई सम्झिदै मुख्यमन्त्री राउतले उहाँको मिलनसार व्यक्तित्व, शालिन्ता अविस्मरणीय रहने उल्लेख गर्नु भयो ।

कोरोना कालमै निधन भएको प्राध्यापक प्रमोद गुप्तालाई समेत स्मरण गर्नु हुूँदै मुख्यमन्त्री राउतले उहाँहरुको निधनले ठाकुर राम क्याम्पस र विरगंजको समग्र शैक्षिक क्षेत्रलाई अपूर्णीय क्षति भएको बताउनु भयो ।

उक्त श्रद्धाञ्जलीसभामा जसपा केन्द्रिय सदस्य विरेन्द्र यादव, संघीय परिषद सदस्य सलाउदिन अहमद, ठाकुर रामका पूर्व क्याम्पस प्रमुख डा. प्रमोद कुशवाहा, पिरामेड कलेजका प्रमुख संजय सिंह सहितको उपस्थिति रहेको थियो ।

ठाकुर राम क्याम्पस प्रमुख डा. कुशवाहाको निधन

0

वीरगंज । ठाकुरराम बहुमुखी क्याम्पस वीरगंजका प्रमुख डा. राजदेव कुशवाहाको निधन भएको छ । जन्डिस रोगको उपचारको क्रममा काठमाण्डौमा रहनु भएका डा. कुशवाहको गएराती काठमाडौँस्थित नर्भिक अस्पतालमा निधन भएको हो । 

नर्भिक अस्पतालको अघि सघन उपचार कक्षमा  भेन्टिलेटरमा राखेर उपचार भइरहदा  आज बिहान २ बजे उहाँको निधन भएको पारिवारिक स्रोतले जनाएको छ ।

डा. कुशवाहको अन्त्येष्टि आजै उँहाको पैतृक गाउँ वीरगञ्ज महानगरपालिकास्थित कोहड़ीमा हुने कार्यक्रम रहेको छ ।

डा. कुशवाह गणित ज्ञाता हुनुहुन्थ्यो ।  वीरगञ्जस्थित ओम नेशनल एकेडमीका संस्थापक निर्देशक समेत रहनु भएका डा.कुशवाहा अन्तरमुखी स्वभावको रहेको उहाँका सहकर्मीको भनाई छ । उहाँको निधनले बीरगंजले एक जन सुबिख्यात प्रात्र गुमाएको छ ।

ठाकुर राम बहुमुखी क्याम्पसको प्राज्ञीक वतावररण राम्रो बनाउने प्रतिवद्धता जनाउनु भएका डा.कुशवाहाको निधनले ठुलो क्षती पुगेको छ । 

नेकपा ओली समुह निकट अनेरास्ववियूकाे जिल्ला भेला सम्पन्न

0

वीरगंज । नेकपा ओली समुह निकट अनेरास्ववियु पर्साकाे जिल्ला भेला बुधबार वीरगंजमा सम्पन्न भएको छ ।

होटल कुमु प्यालेशमा भएकाे भेलालाई सम्बोधन गर्दै नेकपा पर्सा जिल्ला अध्यक्ष प्रभु हजराले देशको जिम्मेवारी अखिलकाे काँधमा थपिएको बताए । उनले देशलाई संक्रमणकालिन अवस्थाबाट निकाश दिन बिद्यार्थीको भुमिका अहम भएकोले सवै बिद्यार्थीहरुलाई एकजुट हुन आग्रह गरे ।

संबिधान सभा सदस्य एवम् केन्द्रिय सदस्य राजकुमार गुप्ताले बिद्यार्थी देशको कर्णधार भएकोले बिद्यार्थीहरुलाई संगठित हुन अनुरोध गरे । उनले बिद्यार्थी संगठनबाट नेता उत्पादन हुने भएकोले संगठनलाई बिस्तार गरी नेतृत्वदायि भुमिका निर्वाह गर्न बिद्यार्थीहरुलाई आग्रह गरे ।

अनेरास्ववियुकाे केन्द्रिय सदस्य सागिर अंसारीको अध्यक्षतामा भएकाे भेलाले महमद रेयाज अंसारीको संयोजकत्वामा १४१ सदस्यीय कमिटी गठन गरेको छ । नव गठित कमिटीको सहसंयोजकमा अजित गुप्ता रहेका छन । ५५ यथावत र ८५ थप गरी १४१ सदस्यिय कमिटी बिस्तार गरिएको नेकपा जिल्ला कमिटी सदस्य संजिव मिश्राले जानकारी दिए ।

नवनिर्वाचित पदधिकारीहरुको शपथ ग्रहण अनेरास्ववियुका स्थायी कमिट सदस्य अनिश कर्ण गराएका थिए । 

कार्यक्रममा संबिधान सभा सदस्य एवं केन्द्रिय सदस्य प्रधुमन चौहान, छिपहरमाई गाँउपालिका अध्यक्षमनोज गुप्ता, युवा पराग सिंह, अभिात बचन दास, संतोष पासवान, , यशवन्त यादव ,बिकाश रौनियार लगायतको उपस्थ्तिी रहेको थियो । कार्यक्रममा स्वागत मन्तव्य अजित साहले गरेका थिए भने सहजीकरण हेमन्त तमागंले गरेका थिए ।

चीनमा घुस लिएको आरोपमा प्रतिष्ठित उद्योगपतिलाई मृत्युदण्ड

0

काठमाडौं । चीनमा घुस लिएको आरोपमा एक प्रतिष्ठित उद्योगपतिलाई मृत्युदण्ड दिने भएको छ । सन् २०१८ मा गिरफ्तार भएकालाई सिओमिनमाथि दश वर्षको अवधिमा २८० मिलियन अमेरिकी डलर घुस लिएको आरोप लागेको थियो ।

उनले घुस लिएको पुष्टि भएसँगै उनीमाथि मृत्युदण्डको फैसला गरिएको हो । भ्रष्टाचार विरोधी अभियान अन्तर्गत मंगलबार तियानजिनको अदालतले सिओमिनलाई मृत्युदण्डको सजाय दिएको जनाइएकाे छ ।

अदालतले उनको अपराधले देशको हितमा ठूलो क्षति पुर्याएको बताएको छ । यद्यपी मानवअधिकार संस्थाहरुले मृत्युदण्डको फैसलाको विरोध गरेको छ । सिओमिनको अपराधका लागि मृत्युदण्ड निकै कठोर सजाय भएको उनीहरुको भनाइ छ । एजेन्सी

कविता र शक्तिको ‘एउटा यस्तो प्रेम कहानी’

0

नायक शिव श्रेष्ठका छोरा शक्ति श्रेष्ठ र नायिका करिश्मा मानन्धरकी छोरी कविता मानन्धर चलचित्र ‘एउटा यस्तो प्रेम कहानी’बाट चलचित्र क्षेत्रमा प्रवेश गर्दैछन् । यो चलचित्रको निर्माण घोषणा भएको केही बर्ष भएको थियो ।

तर, अब भने यसको निर्माणपक्षले चलचित्र रिलिजको तयारी गरेको छ । दिनेश दर्शनधारी र यशोधा राइको लगानीमा बनेको यो चलचित्रलाई दिपेश सापकोटाले निर्देशन गरेका हुन् । यो चलचित्र माघ १ गतेबाट रिलिज हुँदैछ ।

चलचित्रको शिर्ष गीत काठमाण्डौमा एक कार्यक्रमको आयोजना गर्दै सार्वजनिक गरिएको छ । सार्वजनिक गीतमा शक्ति श्रेष्ठ र कविता मानन्धरको रोमान्टिक अवतार देख्न सकिन्छ ।

बसन्त सापकोटाको संगीत, सुष्मा राइको शब्द रहेको गीतमा विश्व नेपाली र अस्मिता परियारको स्वर छ । शिव श्रेष्ठको प्रस्तुतिमा तयार भएको यो चलचित्रमा शिव श्रेष्ठ, प्रियंका कार्की, आयुष्मान देशराज जोशी, वर्षा राउत, संजोग कोइराला, मिथिला शर्मा, बसुन्धरा भुषाल, नरेन खड्का लगायतका कलाकारको अभिनय छ ।

चलचित्रबाट शक्ति, कविता र संयक दर्शनधारीले डेब्यू गर्दैछन् । चलचित्रमा सुनिल कटुवाल, राम नारायण शाह, दिनेश थापामगर, खुम तामाङ, तारा तुलाधर सह–निर्माताको रुपमा छन् ।

https://www.youtube.com/watch?v=vA-sa3pdT3w

कालिकामाईकाे निर्णय विभागले मानेन, म्याद थप गर्न दियाे निर्देशन

0

वीरगंज । राष्ट्रिय परिचयपत्र तथा पञ्जीकरण विभागले पर्साकाे कालिकामाई गाउँपालिकाकाे निर्णय मान्न अस्विकार गरेकाे छ ।

गाउँपालिकाकाे सेवा इकाईमा कार्यरत रहेका एम.आई.एस. अपरेटर र फिल्ड सहायककाे सेवा करार म्याद थप गर्न नसकिने गाउँपालिकाले गराएकाे जानकारी विभागले मान्न अस्विकार गरेकाे हाे ।

समाजिक सुरक्षा तथा व्यक्तिगत घटना दर्ता प्रणाली सुदृढीकरण आयाेजनाकाे लागि गाउँपालिकाकाे सेवा इकाईमा सेवा करारमा नियुक्त भएका एम.आई.एस. अपरेटर र फिल्ड सहायककाे सेवा करारकाे म्याद थप गर्न नसकिने भन्ने व्यहाेरा च.नं. ५११ भएकाे मिति २०७७/९/१४ गतेकाे पत्र मार्फत विभागलाई अवगत भएकाे जनाउदै त्यस्ताे गर्न नमिल्ने जवाफ पठाएकाे छ ।

विभागले गाउँपालिकालाई च.नं. १३६४ भएकाे मिति २०७७/०९/२० गतेकाे पत्र मार्फत आयाेजनाकाे अवधि बाँकी रहेकाे र अनुभव भएका कर्मचारीकाे आवश्यकता आयाेजनालाई अझै विद्यमान रहेकाे हुदाँ ति दुबै कर्मचारीहरुकाे म्याद थप गरी कार्य गराउन उपयुक्त भएकाेले साेही मापदण्डकाे बुँदा नं. १६ बमाेजिम आयाेजना अवधिभरकाे लागि एकपटकमा बढीमा एक बर्ष अवधि कायम गर्ने गरी सेवा करार सम्झाैताकाे म्याद थप गर्न अनुराेध समेत गरेकाे छ ।

विभागका महानिर्देशक जितेन्द्र बस्नेतद्वारा हस्ताक्षरित पत्र जिल्ला प्रशासन कार्यालय पर्सालाई पनि वाेद्धार्थ गरिएकाे छ ।

सेवा इकाइकाे लागि जनशक्ति छनाैट सम्बन्धी मापदण्ड २०७६ काे बुँदा नं. १८ काे १ (क) र (ख) अनुसार न्यूनतम ७५ प्रतिशत कासमु अंक नल्याएकाे र जानकारी बिना लगातार ७ दिन कार्यालयमा अनुपस्थित रहेकाे, बुँदा नं‍. १८ (३) अनुसार हटाउनु अघि सफाइ पेश गर्ने माैका दिनु पर्ने, बुंदा नं. १७ बमाेजिम कर्मचारीले गरेकाे कामकाे सूचगत कार्य सम्पादन मुल्यांकन प्रतिवेदन चाैमासिक अवधि सकिएकाे १५ दिन भित्र विभागमा पठाउनु पर्ने जस्ता अवस्था पुरा भएमा विभागकाे स्वीकृति लिएर मात्र प्रमुख प्रशासकीय अधिकृतले करार रद्द गरी सेवा करारमा कर्मचारीलाई पदबाट हटाउन सक्ने व्यवस्था रहेकाे छ ।

तर गाउँपालिकाबाट एम.आई.एस. अपरेटर र फिल्ड सहायककाे कार्य कासस पठाउनु पर्ने व्यवस्था अनुसार यस विभागमा प्राप्त नभएकाे र माथि उल्लेखित अन्य शर्त पुरा गरि विभागकाे स्वीकृति लिएर म्याद थप नगर्ने सम्बन्धी कारवाही गर्नु पर्नेमा त्यसाे नभएकाे विभागले जनाएकाे छ ।  

यस बारे बुझ्न प्रमुख प्रशासकिय अधिकृत जयचन्द्र साहसंग फाेनमा सम्पर्क गर्दा फाेन नउठेका कारण सम्पर्क हुन सकेन । 

शिवम् बचतकाे १० औं साधारण सभा सम्पन्न, सांसद साहद्वारा उद्घाटन

0
वीरगंज । शिवम् बचत तथा ऋण सहकारी संस्था लि. वीरगंजकाे १० औ वार्षिक साधारण सभा साेमबार सम्पन्न भएकाे छ ।
 
वीरगंज नगर सभा गृहमा भएकाे साधारण सभाकाे उद्घाटन प्रदेश सभा सदस्य(सांसद) राजेशवर साहले गरेका थिए । कार्यक्रमका प्रमुख अतिथी समेत रहेका सांसद साहले दिप प्रजवलीत गरि सधारण सभाकाे उद्घाटन गरेका थिए । 
 
संस्थाका अध्यक्ष शिवजी गुप्ताकाे अध्यक्षतामा भएकाे कार्यक्रममा नेकपाका नेता शम्भु गुप्ता, संस्थाका प्रबन्धक राजेन्द्र जयसवाल लगायतकाले मन्तव्य राखेका थिए । 
 
सधारण सभामा संस्थाका काेषाध्यक्षद्वा प्रस्तुत आर्थिक बर्ष २०७६/०७७ काे आय/व्यय पनि सभाले तालि बजाएर पारित गरेकाे थियाे ।

महानगर प्रमुख सरावगीको निःशुल्क आँखा शिविर अभियान जारी

0

वीरगन्ज । वीरगन्ज महानगरपालिकाका नगर प्रमुख विजय कुमार सरावगीको आर्थिक सहयोग तथा माट्रिका आई फाउण्डेशनको प्राविधिक सहयोगमा आयोजित निःशुल्क आँखा शिविर र उपचार अभियान जारी रहेको छ ।

अभियान अन्तर्गत सोमबार पर्साको पर्सागढी नगरपालिका वडा नम्बर–६ चैनपुरमा निःशुल्क आँखा शिविर सम्पन्न भएको छ । शिविरमा पहिचान गरिएका मोतियाबिन्दुका बिरामीहरुको आँखाको निःशुल्क अप्रेशन (शल्यक्रिया ) नगरप्रमुख सरावगीको सहयोगमा हुने उहाँको सचिवालयले जनाएको छ ।

वीररगंज महानगर प्रमुख सरावगीले उदघाटन गर्नुभएको शिविरमा जनता समाजबादी पार्टीका पर्सा अध्यक्ष रामनरेश यादव सहित स्थानीय नेता कार्यकर्ताको पनि सहभागिता रहेको थियो । यसैबीच वीरगन्ज महानगरपालिकाका भित्र निःशुल्क आँखा परीक्षणका लागि महानगरपालिकाले माट्रिका आई फाउण्डेशनलाई औषधि समेत उपलब्ध गराएको छ ।

महानगरपालिकाका नगर प्रमुख सरावगीले महानगरका स्वास्थ्य महाशाखाका अहेब जाहिर आलम मार्फन एकहजार पाँचसय ५३ फाईल आँखामा लाउने औषधि उपलब्ध गराएको माट्रिका आई फाउण्डेशनका मेडिकल कोअर्डिनेटर महेश सिंह धामीले जानकारी दिनुभयो ।

नेकपा ओली समूह पर्सा जिल्ला कमिटीकाे बैठक सम्पन्न

0

वीरगन्ज । नेपाल कम्युनिष्ट पार्टी (नेकपा) ओलि समुहको पर्सा जिल्ला कमिटीको बैठक साेमबार वीरगंजमा सम्पन्न भएकाे छ ।

जिल्ला अध्यक्ष प्रभु हजाराको अध्यक्षतामा होटल कुमु प्यालेसमा बसकाे बैठकले प्रधानमन्त्री केपी शर्मा ओलीले आगामी बैशाख महिनामा संसदीय चुनावको घोषणा गर्नुभएकोले त्यसको परिणाम आफ्नो पक्षमा पार्नको लागि सम्भाब्य सबै उपाएको अवलम्बन गर्ने निर्णय गरेको छ ।

यसैगरि आजको बैठकले १४ वटै स्थानीय तहमा यसै महिनाको अन्त्य सम्म इलाका स्तरिय भेलाको आयोजना गर्ने र कमिटी निर्माण परिचालन तथा सुदृढीकरणलाई अभियानको रुपमा अघि बढाउने निर्णय समेत गरेको छ । बैठकले पार्टीको गतिबिधिलाई प्रभावकारी बनाउनको लागि बिभिन्न जिम्मेवारी समेत तोकेको कुरा जिल्ला कमिटीका सदस्य संजिव मिश्राले जनाएका छन् ।

बैठकमा बाेल्दै जिल्ला कमिटीका अध्यक्ष प्रभु हजराले अब सबैलाई योग्यता र क्षमताको आधारमा जिम्मेवारी दिइने र कसैमाथि पनि अन्याय हुन नदिइने बताए ।

बैठकका केन्द्रीय सदस्य तथा संबिधान सभाका सदस्य राजकुमार गुप्ताले समृद्ध नेपाल र सुखि नेपालीको सरकारको आकांक्षा पुरा गर्दै निर्बाचनमा पर्साका सबै क्षेत्रमा आफ्नो उम्मेदवारलाई निर्बाचित गर्ने अभियानमा सबै लाग्न निर्देशन दिए ।

बैठकमा केन्द्रिय सदस्यहरु निर्मला देवकोटा, डाक्टर बिश्वम्भार कुमार शर्मा, प्रधुमन चौहान, बसुरुद्दिन अन्सारी, बिना शर्मा, प्रदेश सदस्य योगेन्द्र साह, तेजप्रकाश निषाध, जिल्ला कमिटीका सदस्यहरुको सहभागिता रहेको थियो ।

आजै बसेको महानगरका अगूवाहरुको बैठकले महानगरमा पार्टी गतिबिधीलाई अघि बढाउने निर्णय समेत गरेको जनाइएकाे छ ।

नेपाली कांग्रेस कालिकामाईकाे अगुवा कार्यकर्ता बैठक सम्पन्न

0

वीरगंज । नेपाली कांग्रेस कालिकामाई गाउँपालिकाकाे अगुवा कार्यकर्ता बैठक साेमबार सम्पन्न भएकाे छ ।

बैठकले गाउँपालिका अन्तर्गतकाे वडा नं. १ देखी ५ सम्मकाे क्रियाशिल सदस्यता नविकरण पुस २५ गते भित्र गाउँपालिका संयाेजक राजेन्द्र प्रसाद कुर्मीलाई बुझाउन, वडा नं. ३, ४ र ५ मा नेवि संघकाे समिति माघ ३ गते भित्र गठन गर्न राजेश कुशवाहा, आकाश चाैरसिया, प्रिन्स शर्मा, ओमप्रकाश गिरी, चन्देश साह, सुजित चाैरसियालाई जिम्मेवारी दिने र पार्टीकाे केन्द्रिय सरकुलर अनुसार प्रदेश निर्वाचन क्षेत्र नं. ४ काे (ख) काे कालिकामाई गाउँपालिका वडा नं. १ काे मुडलीमा विराेध सभा गर्ने निर्णय गरेकाे छ ।

गाउँपालिका संयाेजक राजिन्द्र प्रसाद कुर्मीकाे अध्यक्षता र महासमिति सदस्य बशिष्ठनारायण कुर्मीकाे प्रमुख आतिथ्यतामा भएकाे भेलामा जिल्ला सदस्य पंचानन्द मिश्रा लगायत गाउँपालिका अन्तर्गतकाे प्रत्येक वडाका अगुवा कार्यकर्ताहरुकाे उपस्थिती रहेकाे थियाे ।