वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा शुक्रबार पारसनाथ मन्दिर बिकास समारोह सम्पन्न भएकाे छ ।
गाउँपालिकालेे आयाेजना गरेकाे कार्यक्रमलाई सम्बाेधन गर्दै प्रदेश नं. २ का मुख्यमन्त्री लालबाबु राउतले धार्मिक स्थलहरुकाे संरक्षण र विकासमा प्रदेश सरकार लागि परेकाे वताए ।
कार्यक्रमका प्रमुख अतिथीसमेत रहेका मुख्यमन्त्री राउतले मन्दिर विकासकाे गुरुयोजना बनाउन र निर्माण कार्यमा प्रदेश सरकार सहयोग गर्ने प्रतिवद्धता समेत जनाए ।
भारतिय महावाणिज्यदूत नितेश कुमारले भारतिय दुताबासकाे तर्फबाट पारसनाथ- जैन सर्किटकाे रुपमा बिकास गर्न प्रतिबद्धता जनाए ।
पारसनाथ मन्दिर समितिका अध्यक्ष शिवनाथ प्रसाद साह तेलीकाे अध्यक्षतामा भएकाे कार्यक्रममा निलम्वित सांसद हरिनारायण रौनियार, प्रदेश सांसद प्रहल्लाद गिरी, मन्जुर आलम, उद्योगपति तथा नेपाल-बिहार-झारखण्ड जैन समाजका उपाध्यक्ष अशोक बैध, वरिष्ठ पत्रकार तथा राजनैतिक बिश्लेशक चन्दकिशोर झा लगायतकाले मन्तव्य राेखका थिए ।
कार्यक्रममा स्वागत मन्तव्य गाउँपालिका अध्यक्ष प्रदिप जयसवालले गरेका थिए भने कार्यक्रमकाे संचालन स्वास्थ्य संयाेजक राजेश राैनियारले गरेका थिए । पारसनाथ मन्दिरको ऎतिहासिक पृष्ठभुमी, पारसनाथ र पर्सा जिल्लाको नामाकरण सम्बन्ध प्रकाश प्रमोद जयसवालले पारेका थिए ।
