Date
शुक्र, मंसिर ४, २०८३
Fri, November 20, 2026
Home Blog Page 882

नेकपा प्रचण्ड–माधव समूहको क्षेत्रीय भेला सम्पन्न र संघर्ष समिति गठन

0

वीरगंज । नेपाल कम्युनिष्ट पार्टी (नेकपा) प्रचण्ड–माधव समूहको शनिबार विभिन्न स्थानमा अगुवा कार्यकर्ता भेला सम्पन्न भएकाे छ । पर्साको निर्वाचन क्षेत्र नम्बर १ को परवानीपुर र क्षेत्र नम्बर २ को भेला सुगौलीमा सम्पन्न भएको छ ।

त्यस्तै पर्साको पोखरिया नगरपालिकामा पनि १५१ सदस्यीय प्रतिगमन विरुद्धको संघर्ष समिति गठन गरिएको छ ।

पर्साको क्षेत्र नम्बर १ को क्षेत्रीय भेलामा नेकपा प्रदेश कमिटि सदस्यहरु बालगोपाल थापा, संविधान सभा सदस्य विचारी यादव, नगर अध्यक्ष रहबर अन्सारी, जिल्ला सदस्यहरु गजाधर पटेल, प्रभु यादव, कमल बहादुर पिठाकोटे मगर, सुदीप लामा, नन्दकिशोर पञ्जियार, शम्भु गुप्ता, व्यास यादव, सुशील सिंह ठकुरी, वडा अध्यक्ष प्रद्युमन सेंढाई, पारस यादव, अमानत अन्सारी, अनेरास्ववियु केन्द्रीय सदस्य जुबैर आलम, युवा संघका महानगर अध्यक्ष उमेश ठाकुर लगायत जिल्ला तहका नेता र क्षेत्र नम्बर १ का सबै टोलका कार्यकर्ताहरुको सहभागिता रहेको थियो ।

त्यस्तै पर्साको क्षेत्र नम्बर २ को सुगौलीमा भएको भेलामा नेकपा केन्द्रीय सदस्य एवं पर्सा इन्चार्ज रामचन्द्र साह, प्रदेश कमिटि सदस्य बाबुराम कौशिक, जिल्ला सदस्य मनोज चौधरी, धन बहादुर श्रेष्ठ, ओमप्रकाश गुप्ता लगायतकाे सहभागिता रहेकाे थियाे ।

उस्मान अन्सारीको अध्यक्षतमा भएको कार्यक्रमको संचालन नेकपा जिल्ला सदस्य प्रभाकर गुप्ताले गरेका थिए ।

पोखरियामा नगर स्तरीय संघर्ष समिति गठन

नेकपा प्रचण्ड-माधव समुहकाे पर्साको पोखरिया नगरपालिकामा १५१ सदस्यीय संघर्ष समिति गठन भएकाे छ ।

नेकपा पोखरिया नगर कमिटिका सचिव पन्नालाल कुर्मीको अध्यक्षता र नेकपा पर्सा जिल्ला सचिव विजय महतोकाे प्रमुख आतिथ्यतामा भएकाे कार्यक्रममा नेकपा प्रदेश कमिटि सदस्य रामबाबु बैठा, जिल्ला सदस्यहरु रामबचत महतो, निरञ्जन चौधरी, सञ्जीव चौधरी लगायतको उपस्थिति रहेको थियो ।

भेलाले पोखरिया नगरपालिकाको सबै वडामा भेलाको आयोजना गरेर संघर्ष समिति समेत गठन गर्ने निर्णय गरेको जनाइएकाे छ ।

ट्रान्सपोर्ट एशोसिएशन वीरगन्जको अध्यक्षमा बालकृष्ण पोखरेल बिजयी

0

वीरगन्ज । ट्रान्सपोर्ट एशोसिएशन वीरगन्जको अध्यक्षमा बालकृष्ण पोखरेल निर्विरोध बिजयी भएका छन् । चितवनको सौराहामा शनिबार सम्पन्न ७ औ“ जिल्ला अधिवेशनमा पोखरेलको प्यानलनै निर्विरोध निर्वाचित भएको हो ।

अर्को पक्षबाट उम्मेदवारी दर्ता नभएपछि पोखरेलको प्यानल निर्विरोध निर्वाचित भएको निर्वाचन अधिकृतको कार्यालयले जनाएको छ । अर्को पक्षका केही सदस्यले निर्वाचन प्रक्रिया बहिष्कार गरे पनि पोखरेल प्यानलको पक्ष्ँमा दुई तिहाई भन्दा बढी बहुमत सदस्यको साथ रहेको थियो ।

अध्यक्षमा पोखरेलसंगै उपाध्यक्षमा प्रविण कुमार कर्ण, सचिवमा नवराज अधिकारी, सहसचिवमा राजेश पटेल, कोषाध्यक्षमा जिवेश मिश्रा र सदस्यमा सुशिल कलवार, श्रीकान्त सहनी, सरोज सिंह र महेश हमाल निर्विरोध बिजयी भएको निर्वाचन अधिकृत उज्जवल देवकोटाले जनाए ।

शनिबार अध्यक्षमा निर्वाचित पोखरेलको एशोसिएशनको नेतृत्वमा यो दोस्रो कार्यकाल हो । यसअघि शनिबार विहान ढुवानी व्यवसायी महासंघका अध्यक्ष विश्वनाथ खनालको प्रमुख आतिथ्यमा ७ औं जिल्ला अधिवेशनको उद्घाटन भएको थियो ।

उद्घाटन सत्रमा महासंघका उपाध्यक्ष अच्युत राज खनाल, महासचिव अरुण कुमार श्रेष्ठ लगायतको उपस्थिती रहेको थियो ।

सौराहा मै विहान ढुवानी व्यवसायी महासंघको बसेको बैठकले वीरगन्जको पाथीभारा ट्रान्सपोर्टका सञ्चालक राजेश मल्लिकलाई केन्द्रीय सदस्यमा मनोनित गरेको थियो ।

रञ्जित परियारकाे रेलको भाडा पञ्चेबाजा

0

धमाधम लगनको महिना चलिरहँदा नेपाली कलाकारहरु पनि पञ्चेबाजा गितहरु धमाधम बजारमा ल्याई राखेका छन, त्यसै अनुरुप पछिल्लो समयका चर्चित गायक रञ्जित परियारले पनि यो बर्ष उनकै आफ्नै चर्चित गित रेलको भाडालाई पञ्चेबाजामा प्रस्तुत गरेका छन ।

धेरै दर्शक श्रोताले मन पराईएको गित रेलको भाडा अहिलेका चर्चित कलाकारहरु रञ्जित परियार, टिकासानु, रविन लामिछाने र सम्झना भण्डारीको आवाजमा सजिएको छ ।

सबै पक्षबाट उत्कृष्ट बनेको रेलको भाडा टिपिकल पारामा भिडियो निर्देशन गरिएको छ भने बेहुला पक्ष र बेहुली पक्षबाट भनाभन लाईभ दोहोरी जसरी प्रस्तुत गरिएको छ ।

भिडियोमा चर्चित कलाकारहरु समावेश गरिएको छ । यस गितमा शव्द सिर्जना रविन लामिछानेको छ भने संगित रञ्जित परियारकाे रहेकाे छ ।

थारु समुदायमा माघीको रौनक, जिराभवानी र वीरगंजमा वृहत कार्यक्रम

0

वीरगंज । पर्सामा विभिन्न कार्यक्रमकाे आयाेजना गरी बिहिबार थारु सम्बत् २६४५ र खिचडी (माघी) महाेत्सव मनाइएकाे छ ।

माघी पर्वकाे अवसरमा जिराभवानी गाउँपालिकाकाे वडा नम्बर ३, नौकाटोलमा वृहत कार्यक्रम सम्पन्न भएकाे छ । विताे महताे माध्यमिक विद्यालय परिसरमा भएकाे कार्यक्रममा स्थानीय थारु कला संस्कृति र देउडा झमटा थारू संस्कृति खानपान वस्तुहरुको प्रदर्शनी पनी गरिएकाे थियाे ।

कार्यक्रममा वाेल्ने वक्ताहरुले थारु सांस्कृतिकाे रक्षा गर्नु पर्ने र दाइजाेप्रथाकाे अन्तत्य गर्नु पर्नेमा जाेड दिएका थिए ।

वडा नम्बर ३ का वडाध्यक्ष उमेश महताेकाे अध्यक्षता र गाउँपालिका अध्यक्ष रामपृत महताेकाे प्रमुख आतिथ्यतामा भएकाे कार्यक्रममा थारु कल्याणकारणी समिति पर्साका कार्यवाहक अध्यक्ष ठाकुर प्रसाद महताे, प्रमुख प्रशासकिय अधिकृत प्राण मेहता, विकाउ भण्डारी, राधेश्याम राय थारु लगायतकाे उपस्थिती रहेकाे थियाे ।

यस्तै, माघी पर्वकाे अवसरमा जिराभवानी गाउँपालिकाकाे वडा नम्बर १, पकडीटोलमा बृहत कार्यक्रम सम्पन भएको छ ।

युवा समाज पकडीका अध्यक्ष गाेबिन्द चाैधरीकाे अध्यक्षता र संविधान सभा सदस्य जयप्रकाश थारूको प्रमुख आथित्यमा भएकाे कार्यक्रममा जिल्ला समन्वय समिति पर्साका उप प्रमुख ठाकुर प्रसाद नौपाने, जिराभवानी गाउँपालिकाकी उप प्रमुख उषा देबी थरूनी,  वडा नं. १ का पूर्व गाबिस अध्यक्ष रामऔतार महतो, नरेस गुरो, शुभनारायन पटेल, सुरेश खवास, धनेश खवास, कमलेश राय लगायतकाे उपस्थित रहेको थियो ।

उक्त कार्यक्रमको स्वागत मन्तब्य समाजसेवी रामशरण खवासले गरेका थिए भने कार्यक्रमकाे सञ्चालन रामप्रीत महतोले गरेका थिए । 

कार्यक्रममा स्थानि गायक नेपाली नीरहुवा उर्फ जितेन्द्र राय र स्थानीय बालबालिकाहरुले पनि आ आफ्नो जातिय भेषभुषामा नृत्य प्रस्तुत गरेका थिए । कार्यक्रममा थारू समुदायमा बिस्तारै हराउँदै गएको झमटा नृत्य पनी प्रस्तुत गरिएकाे थियो । 

यस्तै, वीरगंजमा थारु सम्बत् २६४५ औ सालकाे शुभकामना अदानप्रदान तथा खिचडी (माघी) महाेत्सव सम्पन्न भएकाे ।

प्रत्येक बर्ष झै यस बर्ष पनि वीरगंजकाे आदर्शनगरस्थि स्वीमिङ पुल परिसरमा भएकाे कार्यक्रममा विभिन्न सांस्कृतिक कार्यक्रम समेत प्रस्तुत गरिएकाे थियाे ।  

माघी मूल समाराेह समिति वीरगंज, पर्साकाे आयाेजनामा भएकाे कार्यक्रममा पटेर्वा सुगाैली गाउँपालिकाकी उप प्रमुख ममता महताे, नेपाली कांग्रेसका पर्साका सभापति अजय द्विवेदी, नेकपाका नेता बसरुदिन अन्सारी, रेडियाे वीरगंजका कार्यकारी अध्यक्ष धुव्र साह, नेपाल पत्रकार महासंघ पर्साका सचिव युवराज खड्का, प्राध्यापक शुसमा तिवारी, समाजिक अभियान्ता प्रकाश थारु लगायतकाे सहभागिता रहेकाे थियाे ।

पर्सागढिमा हाफ मैराथुन दाैड प्रतियाेगिता सम्पन्न

0

वीरगंज । पर्सागढी नगरपालिकामा बिहिबार पर्सागढी हाफ मैराथुन दाैड प्रतियाेगिता सम्पन्न भएकाे छ ।

पर्सागढि नगरपालिकाकाे सहयाेग र स्थानिय गैर सरकारी संस्था जागृति युवा क्लब पकडिया बढनिहारको आयोजनामा तथा जिल्ला एथलेटिक्स संघ पर्साको संयोजनमा  २१ किलोमिटरको  हाप मैराथुन दाैड प्रतियाेगिता सम्पन्न भएकाे हाे ।

क्लबका अध्यक्ष रबिशंकर चौधरीकाे अध्यक्षतामा भएकाे मैराथुनकाे उद्घाटन नगर प्रमुख लोकनारायण यादबले गरेका थिए ।

प्रतियाेगितामा सात वटै प्रदेशका म्याराथुनका खेलाडीका साथै विभागिय क्लबका खेलाडी पुलीस क्लब, आर्मि क्लब र बिधार्थीहरुको सहभागीता रहेको थियो । हाफ मैराथुन प्रतियाेगितामा प्रथम हुने खगेन्द्र बहादुर भाटलाई रु २१ हजार, दोस्रो हुने अजित कुमार यादवलाई रु १५  हजार र तेस्रो हुने ज्ञान प्रसाद भट्टराईलाई रु १० हजार नगर पुरस्कार प्रदान गरिएकाे थियाे ।

यस्तै, महीलातर्फ प्रथम हुने कान्छी माया, दोस्रो हुने बिन्दा श्रेष्ठ र तेस्रो हुने संजिता बिकसहित दसौं नम्बर सम्मको खेलाडीहरुलाई नगद, मेडल र प्रमाण पत्र प्रदान गरिएको थियो ।

त्यसैगरी, बिधार्थीहरुकाे लागि आयाेजित पाँच किलोमिटरकाे हाफ म्याराथुनमा दौड प्रतियाेगिताकाे प्रथम हुने किरन लिम्बुलाई रु ५ हजार, दोस्रो हुने बिकास पोखरेललाई रु ३ हजार र तेस्रो हुने बिजय चपागाईलाई रु २ हजार नगदसहित पुरस्कृत गरिएकाे थियाे ।

साे प्रतियाेगिताकाे महीलातर्फ प्रथम सरस्वती बोहरा, दोस्रो अन्जु खडकासहित दसौं नम्बर सम्मको खेलाडीहरुलाई समेत नगद, प्रमाण पत्र, सिल्ड मेडलले पुरस्कृत गरीएको थियो ।

कार्यक्रममा एथलेटिकस संघ महासचिव धनवीर चौधरी, केन्द्रीय सदस्य मोहन प्रसाद, वडाध्यक्ष बेदमन दास थारु, उदब बहादुर उप्रेती, नेपाल कम्युनिस्ट पार्टी नगर संयोजक गोकर्ण पाठक लगायतकाे उपस्थिति रहेको थियो ।

कार्यक्रममा स्वागत मन्तब्य ब्यवस्थापक रापृत चौधरीले राखेका थिए ।

भन्सार छलीका बरामद मालबस्तु वीरगंज भन्सार कार्यालय बुझाईयो

0

वीरगंज । पर्सा प्रहरीले भन्सार छली गरेका बरामद मालबस्तु वीरगंज भन्सार कार्यालयमा बुझाएको छ । पर्साको विभन्न नाकाबाट बरामद गरिएको रु छ लाख भन्दा बढिको अबैध मालबस्तु वीरगंज भन्सार कार्यालयमा बुझाएको हो ।

विभिन्न मिति र समयमा अबैध रुपमा भन्सार छली गरी ओसार पोसार गर्दै गरेका छ लाख भन्दा सतासी हजार पाँच सय पच्चास रुपैयाको बरामद लताकपडा, खाधान्न तथा ईलेक्ट्रोनिक लगायतका मालबस्तुहरु आवश्यक कारावहीको लागी बुधबार वीरगंज भन्सार कार्यालय बुझाएको जिल्ला प्रहरी कार्यालय पर्साले जनाएको छ ।

मनवा बचत तथा ऋण सहकारी संस्थाको ११ औं वार्षिक सधारण सभा सम्पन्न

0

वीरगंज । मनवा बचत तथा ऋण सहकारी संस्था लि. को ११ औं वार्षिक सधारण सभा सम्पन्न भएको छ ।

पर्सागढी नगरपालिका–१ मनवा बजारमा एक कार्यक्रमका बिच ११ औं बार्षिक साधारण सभा सम्पन्न भएको हो ।  संस्थाको अध्यक्ष गिरी राज कंडेल को अध्यक्षता मा भएको कार्यक्रममा पर्सा नगरपालिकाको प्रमुख लोकनारायण यादवले वार्षिक साधारण सभाको उद्घाटन गरेका थिए ।

कार्यक्रममा मेयर यादवले सहकारीले हरेक क्षेत्रमा विकास गर्ने सघाएको बताए । उनले सहकारी मार्फत विभिन्न सिप सिकेर पनि कृषि क्षेत्रमा काम गरेर बेरोजगारीको समस्या समाधान गर्न सक्ने बताए । कार्यक्रमका प्रमुख अतिथिसमेत रहेका यादवले बचतले आर्थिक सुधार गर्नुको साथ साथै यसले उच्च शिक्षा हासिल गर्नमा पनि सहयोग हुने धारणा राखे ।

कार्यक्रममा संस्थाका सचिव अमृत कुमार ओझाले आर्थिक प्रतिवेदन र कोषाध्यक्ष रामजन्म प्रसाद चौधरीले वार्षिक आय व्यय प्रस्तुत गरेका थिए ।

उदघाटन समारोहमा संस्थाले आषाढ मसान्तसम्मको शेयर पुँजी २६६८९००।– (छबिस लाख अणसठि हजार नौ सय) जगेडा कोष, ७०७४४९।– ंं(सात लाख सात हजार चार सय उननचास रुपैयाँ), बचत तथा निक्षेप ४२८४४८६।– (बेयालीस लाख चौरासी हजार चार सय छयासी रूपैयाँ), बचत कर्ता दुई सय जना, ऋणी लगानी एक सय चौतीस जना रहेको सार्वजनिक गरेको थियो ।

बार्षिक साधारण सभामा उत्कृष्ट बचतकर्ता फुलकुमार सहनी र असल ऋणी मनोज राउत थारूलाई नगर प्रमुख लोकनारायण यादब र नेफ्स्कूनका ब्रिजेश गुप्ताले दोसल्ला ओढाएर सम्मान गरेका थिए ।

बिशिष्ट अतिथि केन्द्रीय संचालक समिति सदस्य हरेराम पटेल, जिल्ला बचत तथा ऋण सहकारी संघका अध्यक्ष राजेश पंडित, पर्सागढी नगरपालिका तुलाराम महतो, वडाअध्यक्ष बेदमन दास थारु, वडाध्यक्ष राम नारायण प्रसाद गौरौ, नेफ्स्कून जिल्ला शाखा प्रबन्धक ब्रिजेश गुप्ता लगायतका उपस्थिति रहेको थियो ।

कार्यक्रममा स्वागत मन्तब्य फलेष्टर राय र सहजिकरण रामजनम चौधरीले गरेका थिए ।

परवानिपुरस्थित दलित बस्तीको घरहरु भत्काईयो, त्रिपालमुनी बालबच्चा लिई कठ्याङ्ग्रिदै

0

वीरगंज । पर्साको परवानीपुरमा बसोबास गर्ने दलित बस्ती भत्काईएको छ । महानगरपालिकाको वडा नं, २१ परवानीपुर स्थित त्रिभुवन राजपथसँगै जोडिएको नेपाल रेल्वेको जग्गामा विगत लामो समयदेखि बस्दै दलित समुदायको बस्ती भत्काईएको छ ।

वडा नं. २१ परवानीपुरका वडाअध्यक्ष हबिब मियाँले आइतबार अचानक डोजर लगाएर आफूहरुको घर भत्काइँदा रुखबाटै खसेझै महसुस भएको सो वडाका दलित महिला गिरिजा देवी रामले बताईन् ।

महानगरपालिकाको वडा नं, २१ परवानीपुर स्थित त्रिभुवन राजपथसँगै जोडिएको नेपाल रेल्वेको जग्गामा विगत लामो समयदेखि बस्दै आएकी ति दलित महिलाले आफू लगायत त्यस वस्तीका १२ परिवारलाई वडाध्यक्षले आफ्नो निजी स्वार्थको लागि घरविहीन बनाएको आरोप लगाइन् ।

विगत ६ महिना अघि वडा कार्यालयले त्यस क्षेत्रमा कुनै किसिमको पक्की नयाँ घर निर्माण नगर्न भनेर चिठी आएको थियो तर घर नै भत्काउँछन् भनेर सोचेको पनि थिएन भन्दै गिरिजादेवीले जानकारी विना नै घर भत्काइएको कारण कठ्याङ्ग्रिदो चिसोमा त्रिपालमुनि बालबच्चा लिएर बस्नु परेको बताइन् ।

उनले घरमा सुत्केरी बुहारीसँगै २ महिनाको काँखे बालकलाई लिएर त्रिपाल मुनी बस्नु परेको अवस्था देखाउँदै केही जानकारी दिए आफूहरु यहाँबाट सरेर अन्यत्रै व्यवस्था गरे पश्चात घर भत्काएको भए यस्तो विजोग हुने थिएन् भन्दै यस्तो कठ्याङ्ग्रिदो जाडोमा घरविहीन बनेर त्रिपालमुनी बसेपछि बालबालिकाहरुलाई पनि केही हुने हो कि भन्ने चिन्ताले सताएको बताइन् ।

त्यसैगरि अर्का पीडित महिला कल्पना थापाले विगत ५० औं वर्षभन्दा अगाडिदेखि बस्दै आएकोमा वडाध्यक्षले आफ्नो स्वार्थ सिद्ध गर्नका निम्ति दलित परिवारको घरहरु भत्काएको बताइन् ।

बस्तीसँगै रहेको राजहँस घ्यू तथा मैदा उद्योगका संचालकलाई फाइदा पुग्ने गरि अर्थात भोलिका दिनमा त्यस उद्योगले उक्त जग्गा प्रयोग गर्न पाओस् भन्ने मनसायले उनकै निर्देशनमा वडाध्यक्षले उक्त बस्तीको १२ वटा घर मात्रै भत्काइएको बताइन् ।

नेपाल सरकारको जग्गामा आफूहरु बस्दै आएकोले नेपाल सरकारले चाहेको बेला खाली गराउन सक्छ, त्यो हामीलाई पनि थाहा छ र नेपाल सरकारले भनेपछि हामी जग्गा खाली गर्न तयार छौं, तर यसरी कुनै जानकारी तथा कुनै योजना विना नै दलित परिवारको मात्रै १२ वटा घर भत्काउनुले वडाध्यक्षको दादागिरी बढेको बताइन् ।

त्यहाँ वडाध्यक्षको मात्रै दादागिरी छैन, उनका छोराको पनि त्यतिकै दादागिरी छ । छोराले राजहँस उद्योगले ऐलानी जग्गामा निर्माण गरि रहेको पक्की भवनमा आफै बसेर सघाउने गरेको भन्दै स्थानीयहरुले त्यस उद्योगको गेट अगाडि खासै ठाउँ नभएको कारण आफूहरुको बस्तीलाई हटाएर भोलिका दिनमा त्यस ठाउँलाई प्रयोग गर्न सकोस् भनेर घरहरु भत्काइएको उनीहरुको भनाई छ ।

त्यसबारे कोही कसैले बोल्दा वडाध्यक्षका छोराले पालेको ५्६ जना बाउन्सरसँग कुटपिट गर्न लगाउनुको साथै धाँधली गर्दै आएको स्थानीयहरुको भनाई छ । वीरगन्ज घण्टाघरदेखि अमलेगन्जसम्म नेपाल रेल्वेको जग्गा रहेकोमा पुरै जग्गा खाली गराउनुपर्ने उनीहरुको भनाई छ ।

त्यसमा पनि परवानीपुर बजारमै स्वयमँ वडाध्यक्षकै तीनतल्ले भवन रहेकोमा त्यसलाई खाली नगराई दलित वस्तीका १२ वटा मात्रै घर भत्काउनुले वडाध्यक्षको चरित्रमाथि नै शंका उब्जेको त्यस क्षेत्रका स्थानीयहरुको भनाई छ ।

परवानीपुरमा मात्रै रेल्वेको जग्गामा लगभग १ सयवटा घरहरु छन्, तर दलितहरुमाथि नै किन यसरी दमन हुन्छ भन्दै कोपिला क्षेत्रीले घर विहीन बनाएका वडाध्यक्षले हालसम्म आफूहरुले के खाएको रु कहाँ र कसरी बस्ने गरेको रु भनेर एक पटक हेर्न समेत नआएको बताइन् ।

घरविहीन भएका दलित परिवारहरुलाई त्यस राजमार्ग हुँदै जाने सवारीका चालकहरुले दिएको त्रिपालमुनि जीवन विताइरहेका छन् । वडाध्यक्षले कुनै जानकारी विना वस्तीको घरहरुमाथि डोजर चलाउन थालेपछि आफ्नो सामान समेत निकाल्नका लागि ५ मिनेट समय माग्दा नमानी कसैले खाना खादै, कसले काम गर्दै गरेको अवस्थामा नै घर भत्काइएको उनीहरुको भनाई छ ।

घर भत्काएपछि दलित परिवारहरु घरविहीन मात्रै बनेका छैनन्, उनीहरुको सरसामान तथा गरगहनाहरु लथालिंग भएर हराइसकेको छ । फुसको छाप्रोहरु जताततै फ्याकिएको छ भने टिनको छानाहरु सडक छेउमै फालिएको छ । उनीहरुले पालेको घरपालुवा जनाहरु मध्ये २ बाख्रा पनि त्यसभित्रै च्यापिएर मरेको बताए ।

राज्यले घरघरमा सिंहर दरबार पुगोस् भनेर स्थानीय निकायको स्थापनासँगै जनप्रतिनिधिलाई अधिकार दिएको छ । तर ति जनप्रतिनिधिहरुले आफ्नो स्वार्थ सिद्ध गर्नका लागि पदको दुरुपयोग गर्दै आफ्नो वडाबासीहरुको सेवा गर्नुपर्नेमा उल्टै घरविहीन बनाएका छन् ।

यदि रेल्वेको जग्गा नै खाली गराउनुछ भने वडाध्यक्षले पहिला आफ्नो घर भत्काउँदै अन्यको घर भत्काउनुपर्ने भन्दै उनीहरुले अन्यको घर नभत्काउने अनि राजहँस उद्योग अगाडि रहेको दलित बस्तीका घरहरुलाई मात्रै भत्काएको कारण उनको प्रलोभनमा परेर घरहरु भत्काइएको पीडितहरुको भनाई छ । ती घरहरु भत्काउनका लागि वडाध्यक्षले विगत लामो समयदेखि प्रयास गर्दै आएका थिए ।

विन्दवासिनी र छिपहरमाईमा नेपाली कांग्रेसको भेला सम्पन्न

0

वीरगंज । पर्साको विन्दवासिनी गाउँपालिकामा नेपाली कांग्रेसको बैठक सम्पन्न भएको छ ।  बुधबार नेपाली कांग्रेस बिन्दवासिनी गाउपालिकाका संयोजक बिबेक कुमार चौरसियाको अध्यक्षतामा विभिन्न निर्णय गरी बैठक सम्पन्न भएको हो ।

बैठकले संसद विघटन असंवैधानिक कदम भएकोले पार्टीको केन्द्रिय निर्णय अनुसार पालिका स्तरीय बिरोध कार्यक्रम अन्तर्गत माघ ३ गते पालिका क्षेत्रमा मोटरसाईकल ¥याली निकाल्ने र प्रसौनी भाठ्ठामा कोण सभ ागर्ने निर्णय गरेको छ । माघ ८ गते पालिकाको हरेक वडामा वडास्तरीय प्रदर्शन गर्ने निर्णय गरेको हो ।

यसैगरी छिपहरमाई गाउँपालिकामा पनि माघ ३ गते मोटरसाईकल ¥याली निकाली संसद विघटनको बिरुद्ध प्रर्दशन गरिने निर्णय गरिएको छ । नेपाली कांग्रेस छिपहरमाई गाउँका संयोजक धुरेन्द्र साह कानुको अध्यक्षतामा आज बसेको बैठकले सरकार बिरुद्ध बिरोध प्रर्दशन गर्ने निर्णय गरेको छ ।

बैठकमा बोल्दै नेपाली कांग्रेस पर्साका जिल्ला सदस्य नबिद सिंहले संसद बिघटन असंवैधानिक रहेको बताउँदै यसले लोकतन्त्रमा सिधै प्रहार भएको आरोप लगाए । संविधानमा व्यवस्था नै नभएको दफालाई प्रयोग गरि प्रधानमन्त्रीले संसद विघटन गर्नु संविधानको अपमान भएको बताए ।

पार्टीभित्रको आपसी लडाईमा देश र जनताको ख्याल नै नगरी मुलुकलाई अस्तव्यस्त बनाउने प्रधानमन्त्री ओलीले देश चलाउन नसक्ने छर्लङ्ग भएको बताउँदै नेता सिंहले मुलुकलाई स्थायित्व विकासमा लैजना नेपाली कांग्रेसको विकल्प नभएको दाबी गरे ।
बैठकमा नेका छिपहरमाई गाउँपालिकाको पाँचै वडाका बुथ सभापति तथा वडाअध्यक्षका उम्मेदवारहरुको उपस्थिति रहेको थियो ।

फेटामा दुई पक्ष बिच झडप, ३ जना घाइते

0

वीरगंज । बाराकाे फेटा गाउँपालिका वडा नं. १ त्रिबेनीमा बुधबार विहान झडप भएकाे छ । झडपमा परी ३ जना घाइते भएका छन् ।

घाइते हुनेमा स्थानिय ६५ बर्षिय गाया साह कानु, उनकी श्रीमती ६० बर्षिय मंजु देबी कनुइन र छाेरा ३० बर्षिय लालु साह रहेका छन् । घाइतेहरुकाे वीरगंजस्थि नारायणी अस्पतालमा उपचार भइरहेकाे प्रहरीले जनाएकाे छ ।

घाइतेहरु मध्ये मंजुकाे अवस्था गम्भिर रहेकाे छ । उनकाे टाउकाे फुटेकाे छ भने टाउकाेमा ५ वटा टाँका लागेकाे छ ।

छिमेकीहरु सिताराम साह कानु र चन्दन साह कानुकाे रड प्रहारबाट आफु घाइते भएकाे पिडित मंजुले वताइन ।