Date
शुक्र, मंसिर ४, २०८३
Fri, November 20, 2026
Home Blog Page 881

प्रधानमन्त्री ओलीद्वारा संघिय गणतन्त्रमाथी पनि प्रहार : डिला संग्राैला 

0

वीरगंज । नेपाली कांग्रेसकी केन्द्रिय सदस्य डिला संग्राैलाले प्रधानमन्त्री ओलीद्वारा संघिय गणतन्त्रमाथी पनि प्रहार भएकाे वताएकी छन् ।

वीरगंजमा आयाेजित पत्रकार सम्मेलनमा वाेल्दै नेतृ संगाैलाले प्रधानमन्त्री केपी शर्मा ओलीले असंवैधानिक तरिकाले संसद विघटनकाे सिफारिस गर्दा हामीले संविधान विपरित काम नगर्न राष्ट्रपतिलाई आग्रह गर्दा पनि उनी प्रधानमन्त्रीकाे रबर स्टाम हुदै गर्दा मुलुककाे गणतन्त्रमाथी पनि प्रहार भएकाे वताइन । 

संसद विघटनकाे मुद्दा सर्वाेच्चमा विचारधिन रहेकाे अवस्थामा कार्यपालिका प्रमुख प्रधानमन्त्री ओलीले न्यायलयलाई धमकाउदै हिंडेकाे वताइन । उनले प्रधानमन्त्री ओलीले संसद पुन:स्थापन नगर्न सर्बाेच्च अदालतसहित पूर्व प्रधानन्याधिशहरुलाई पनि धम्कयाईरहेको आरोप लगाइन । 

अलोकतान्त्रिक, असंबैधानिक संसद विघटन संघीय गणतन्त्रमाथिको प्रहार रहेको बताउँदै नेतृ संग्रौलाले कार्यपालिका प्रमुखले नै न्यायपालिकालाई धम्कयाउदै गर्दा देशलाई बन्धक बनाउन खोजिएकाे संकेत भएकाे बताईन ।

नेपाली कांग्रेसले प्रधानमन्त्री ओलीकाे असंवैधानिक, अलाेकतान्त्रिक र गणतन्त्र विराेधी प्रतिगामी कदम रहेकाे स्विकार गरिसकेकाे र त्यसकाे विराेधमा देशभर आन्दाेलनमा रहेकाे वताइन । विघटित संसदकाे सांसद समेत रहेकी नेतृ संग्राैलाले नेपाली कांग्रेस संसद पुन:स्थापनकाे पक्षमा रहेकाे प्रष्ट पारिन ।

उनले नेपाली जनताले नेपाली कांग्रेसलाई ५ बर्ष प्रतिपक्षमा बस्न र नेकपालाई ५ बर्ष सम्म सरकार चलाउन म्यान्डेड दिए पनि नेकपालाई त्याे नपचेकाे वताइन । 

जनताले नेकपालाई ५ वर्षसम्म सुशासन, समृद्धिसहितको स्थायी सरकार चलाउन जनादेश दिएपनि जनतालको म्यान्डेडलाई लत्याएर ओलीले मुलुकलाई अन्धकार, जटिलतातिर लगेका नेतृ संग्रौलाको भनाई थियो ।

‘‘नेकपाको सरकार बनेको ३ वर्षभित्र ३ वर्षे बालिकादेखी ७० बर्षकी आमा समेत बलात्कृत भएकाे वताइन । त्यसकाे जवलन्त निर्मला पन्त रहेकी वताइन । नेकपा नेतृत्वकाे सरकारकाे ३ बर्षे कार्यकालमा  भ्रष्टाचार पनि उग्र रुप लिएको वताइन ।

उनले भनिन “सिंघ दरबार घर घर पुगेकाे हाेइन, ओलीकाे भ्रष्टचार घर घरमा पुगेकाे छ ।”

प्रेस युनियन पर्साका उपाध्यक्ष विजय चाैहानकाे अध्यक्षतामा भएकाे पत्रकार सम्मेलनमा नेपाली कांग्रेस पर्साका सभापति अजय द्वविेदी, नेपाल पत्रकार महासंघ प्रदेश नं. २ का अध्यक्ष दिपेन्द्र चाैहान, नेपाली कांग्रेसका नेता अरविन्द गु्प्त, नेतृ रुपा श्रेष्ठ, पत्रकार महासंघ पर्साका पूर्व सभापति अशाेक तिवारी लगायतकाे उपस्थिती रहेकाे थियाे ।

वीरगंज-२४ मा नेतृत्व विकास तालिम सम्पन्न

0

वीरगंज । वीरगंज महानगरपालिकाकाे वडा नं. २४ मा दलित महिलाहरुकाे लागि एक दिने नेतृत्व विकास तालिम सम्पन्न भएकाे छ ।

श्री श्रद्धा माध्यमिक विद्यालयमा आयाेजित तालिमकाे उद्घाटन गर्दै वडाध्यक्ष दशरथ पटेलले दलित महिलाहरुकाे विकासकाे लागि शिक्षामा जाेड दिन जरुरी रहेकाे वताए ।

कार्यक्रमका प्रमुख अतिथी समेत रहेका अध्यक्ष पटेलले हाम्राे समाजमा अझै पनि छुवाछुतकाे समस्या रहेकाे बताउदै त्यसकाे अत्य गरेर शिक्षामा जाेड दिए सबै समस्या अन्त्य हुने धारणा राखे । उनले दलित समाजकाे विकासकाे लागि महिलाहरु अगाडी बढन जरुरी रहेकाे सुझाए ।  त्यस कै लागि तालिमकाे आयाेजना गरिएकाे उनकाे भनाई थियाे ।

वडा सदस्य असिया देवीकाे अध्यक्षतामा भएकाे उद्घाटन कार्यक्रममा वडा सचिव घनश्याम पटेल, पत्रकार शम्भु कुमार समुन, वडा सदस्य रामकेश्वर पटेल, गायत्री देवी, मुमताज अन्सारी, संध्या मिश्र लगायतकाे उपस्थिती रहेकाे थियाे भने कार्यक्रममाे संचालन डेभलपमेन्ट समाज पर्साका अध्यक्ष राहुल साहले गरेका थिए ।

वीरगंज महानगरपालिकाकाे वडा नं. २४ वडा कार्यालयकाे सहयाेग र डेभलपमेन्ट समाज पर्साकाे आयाेजनामा भएकाे तालिममा रामप्रबेश साहले प्रशिक्षण दिएका थिए ।

पाेखरियामा लैंगिक हिंसा एवम् समाजिक कुरुती विरुद्धकाे जनचेतना कार्यक्रम सम्पन्न

0

वीरगंज ।  पाेखरियामा साेमबार लैंगिक हिंसा एवम् समाजिक कुरुती विरुद्धकाे जनचेतना कार्यक्रम सम्पन्न भएकाे छ । पाेखरिया नगरपालिकाकाे सहयाेग र इलाका प्रहरी कार्यालय पाेखरियाकाे आयाेजनामा भएकाे कार्यक्रम सम्पन्न भएकाे हाे ।

श्री जिल्ला उच्चांगल रामदेव कलवार माध्यमिक विद्यालयमा भएकाे कार्यक्रममा वाेल्दै पाेखरिया नगरपालिकाका मेयर दिपनारायण राैनियारले लैंगिक हिंसा न्युनिकरणकाे लागि महिलाहरु अगाडी आउन जरुरी रहेकाे वताए ।

कार्यक्रमकाे प्रमुख अतिथी समेत रहेका मेयर राैनियारले त्यसकाे लागि शिक्षा जाेड दिन जरुरी रहेकाे धारणा राख्नु भयाे ।

संघिय प्रहरी इकाई कार्यालय जनकपुरका प्रहरी बरिष्ठ उपरिक्षक किशाेर कुमार दहालले महिला नेतृत्व तहमा आएपछि मात्र लैंगिक हिंस न्युनिकरण गर्न सकिने वताए । उनले प्रहरीकाे एकलाे प्रयासले मात्र हिंसा न्युनिकरण सम्भव नरहेकाे वताउदै बिशेष गरी युवाहरुकाे सहयाेग जरुरी रहेकाे धारण राखे ।

प्रहरी बरिष्ठ उपरिक्षक दहालकाे अध्यक्षतामा भएकाे कार्यक्रममा पाेखरिया नगरपालिकाकी उप मेयर सलमा खातुन, वडाध्यक्ष लक्ष्मण साह, इलाका प्रहरी कार्यालय पाेखरियाका प्रहरी निरिक्षक दिपक थापा, सशस्त्र प्रहरी बेस क्याम्प पाेखरियाका प्रहरी निरिक्षक अमर राय, पाेखरिया युवा समाजका सुजित गिरी लगायतकाले मन्तव्य राखेका थिए । 

सखुवा प्रसौनीमा दलित अधिकारको लागि दलित दबाव समुह गठन

0

वीरगंज । पर्साकाे सखुवाप्रसौनी गाउँपालिका वडा -२, सखुवाप्रसौनीमा दलित अधिकारको लागि दलित दबाब समुह गठन गरिएको छ । पिसफोर दलितस फाउन्डेसन नेपाल, प्रदेश -२ को आयोजनामा साेमबार भएकाे दलित समुदायको भेला गरि वडास्तरिय दलित दबाव समुह गठन गरिएकाे फाउन्डेसन नेपालको अध्यक्ष मनोज रामले वताए ।

प्रमेन्द्र पासवान संयोजकत्वमा १३ सदस्यीय समिति गठन गरिएको उनले जानकारी गराए । जुन समुहको सह संयोजक अशोक दुसाद, सदस्य धर्मेन्द्र मुसहर, तपेन्द्र महरा, मुन्ना मुसहर, शान्ति देवी पासवान, चनराउति देवी, धर्मेन्द्र माझी, पानमती देवी, मदोदरी देवी, पार्वती देवी, भिखारी देवी, बनिया देवी, कोसिला देवी लगायतका रहेका छन् ।

दलित समुदाय माथि भैइरहेको हिंसा, हत्या, विभेदको विरुद्ध आवाज उठाउन दलित दबाब समुह गठन गरिएको जनाइएकाे छ । 

भेलाले दलित समुदायको समस्या, दलित समुदायको अधिकारको लागि संघर्ष गर्न आवश्यक देखिएकाे निष्कर्ष समेत निकालेकाे छ । गाउँपालिकाबाट दलित समुदायले अहिलेसम्म सेवा सुबिधा नपाएको समेत उनीहरुकाे गुनासो रहेकोे छ ।

स्थानिय, प्रदेश र नेपाल सरकारलाई दलितको अधिकार लागि दबाब दिनको लागि वडा स्तरीय दबाब समुह गठन गरिएको दलित अभियन्ता समेत रहेका फाउन्डेनसका अध्यक्ष मनाेज रामले जानकारी दिए । सखुवा प्रसौनी गाउँपालिकाको ६ वटा वडामा वडा स्तरीय दलित दबाब समुह गठन गर्ने फाउन्डेसनकाे योजना रहेकोे उनले जानकारी गराए ।

भेलामा दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान, पिसफोर दलितस फाउन्डेसन नेपालको सदस्य संजोग राम, प्रदीप राम, दलित अगुवा हिरालाल राम, छनु पासवान लगायतको सहभागिता रहेकोे थियाे ।

बलिदानी दिवसमा शहिद शत्रुधन पटेलकाे शालिकमा माल्यार्पण

0

वीरगंज । पर्साकाे पकहा मैनपुरमा शहिद शत्रुधन पटेलकाे शालिक सरसफाइ र माल्यार्पण गरेर बलिदानी दिवस मनाइएकाे छ ।

पकहा मैनपुर गाउँपालिकाकाे वडा नं. ३ पकहा मैनपुर चाैकस्थित रहेकाे शहिद पटेलकाे शालिक सरसफाइ गर्नुकाे साथै माल्यार्पण गरेर साेमबार बलिदानी दिवस मनाइएकाे जनता समाजवादी पार्टीका स्थानिय नेता नवलकिशाेर पटेलले जानकारी दिए ।

बलिदानी दिवसकाे अवसरमा शहिद पटेलकी आमा समेत रहेकी पकहा मैनपुर गाउँपालिकाकी उपाध्यक्ष कुशमी देबी, जनता समाजबादी पार्टीका गाउँपालिका संयाेजकद्वय विनाेद मेहता, रामबाबु चाैरसिया, स्थानिय नेता हरिन्द्र चाैहान लगायतकाले शालिकमा माल्यार्ण गर्दै श्रद्धा सुमन व्यक्त गरेका थिए ।  

बलिदानी दिवसकाे अवसरमा साेमबार प्रदेश नं. २ सरकारले प्रदेशभरी सार्वजनिक विदा समेत दिएकाे छ ।

बहुदरमाई नपाद्वारा न्युन तलबमा कार्यरत कर्मचारीलाई प्राेत्साहन भत्ता

0

वीरगंज । पर्साकाे बहुदरमाई नगरपालिकाले न्यून तलबमा कार्यकरत कर्मचारीहरुलाई प्रोत्साहन भत्ता वितरण गरेकाे छ ।

नगरपालिका अन्तर्गतका ६६ जना न्यून तलबमा कार्यरत कर्मचारीहरुको प्रोतोसाहन स्वरुप मासिक रु २ हजारकाे दरले ४ महिनाको रु ४ लाख २५ हजार रुपैया वितरण गरिएको लेखापाल हरि प्रसाद कुर्मीले वताए । 

नगरपालिका अन्तर्गतका १७ वटा विद्यालयहरुमा बालबालिका सहजकर्ता २९ जना, विद्यालय कर्मचारी २८ जना, महिला स्वयसेविका ९ जना गरी कुल ६६ जना न्यून तलबमा कार्यरत रहेका छन् । जसकाे मासिक तलब रु ६ हजार देखी ८ हजार सम्म रहेकाे छ ।

उनीहरुलाई नै नगरपालिकाले थप मासिक रु २ हजारकाे दरले प्राेत्साहन भत्ताकाे रुपमा दिदै आएकाे छ । 

साेही रकम बराबरकाे चेक आइतबार मेयर नितेन्द्र साहले सम्बन्धित विद्यालयका प्रअहरुलाई चेक हस्तान्तरण गर्नु भएकाे छ । चेक हस्तान्तरण गर्दै मेयर साहले न्यून तलबमा कार्यरत कर्मचारीहरुकाे मनाेबल बढाउन नगरपालिकाकाे आन्तरिक काेषबाट प्राेत्साहन भत्ताकाे रुपमा वितरण गरिएकाे वताए ।

साे अवसरमा शिक्षा संयाेजक विदुर उप्रेती, लेखापाल कुर्मी लगायतकाे उपस्थिती रहेकाे थियाे ।

युवालयद्वारा विपन्न परिवारलाई करिब ३ लाखको राहत वितरण

0

वीरगंज । युवालय नामक संस्थाले १ सय ३८ घर परिवारलाई करिब ३ लाख मुल्य बराबरको राहत सामाग्री वितरण गरेको छ । वीरगञ्ज महानगरपालिकाको समन्वय तथा इम्प्रुभिङग लाईभ्स इन नेपालको आर्थिक सहयोगमा युवालयले वीरगञ्ज महानगरपालिका वडा न.२७ उदयपुरघुर्मी र २९ बसडिलवाका १ सय ३८ परिवारलाई राहत सामाग्री वितरण गरेको हो ।

उदयपुरघुर्मिका ८८ जना र बसडिलवाका ५० परिवारलाई राहतस्वरुप खाद्यान्न सामाग्री वितरण गरिएको युवालयका कार्यसमिति सदस्य जया साहले जानकारी दिनुभयो ।

प्रति परिवार १५ केजी चामल, १ केजी मसुर दाल, रहरको दाल १ केजी, चना १ केजी, १ लिटर तेल, १ केजी नुन, १ केजी मकै, नुहाउने र कपडा धुने साबुन १र१ पिस, शिशुहरुको लागी लिठो १ प्याकेटसहितको राहत प्याकेज वितरण गरिएको हो ।

त्यसैगरी वडा न. २९ बसडिलवामा वडा अध्यक्ष धर्मेन्द्र प्रसाद महतो, वडा सचिब शेर महमद मियाँ, वडा सदस्य भंगिमा देवी चमैन, स्थानीय गोपाल प्रसाद यादब लगायतको रोहबरमा राहत वितरण गरिएको हो ।

कोभिड कालमा विशेष गरी गर्भवति, सुत्केरी तथा बालबालिकाहरुलाई विभिन्न राहतका सामाग्री वितरण गर्दै आएका युवालय संस्थाले लकडाउन यता दैनिक ज्यालादारी गरी खानेहरुको दैनिय हुँदा पनि कसैको ध्यान नगएपछि ३ लाख मुल्य बराबरको राहत सामाग्री वितरण गरेको छ ।

राहत वितरण कार्यक्रमलाई सम्बोधन गर्दै युवा नेता एवम् सामाजिक अभियानता ओमप्रकाश सर्राफले शहरी क्षेत्रभन्दा पनि ग्रामिण क्षेत्रलाई प्राथमिकतामा राखेर गरीरहेका क्रियाकलाप अत्यन्तै सह्रानिय भएको बताउनुभयो ।

छिपहरमाईकाे वडा नं. १ र २ मा युवा संघकाे समिति गठन

0

वीरगंज । पर्साकाे छिपहरमाई गाउँपालिका वडा नं. १ मिर्जापूरमा नेकपा ओली समुह निकट राष्ट्रिय युवा संघको वडा स्तरिय कमिटी गठन भएकाे छ ।

छिपहरमाई गाउँपालिकाकाे वडा नं. १ मिर्जापूरस्थित माईस्थानमा भएकाे एक भेलाले संतोष कुमार यादवको अध्यक्षतामा ५१ सदस्यीय समिति गठन गरेकाे हाे । जुन समितिकाे उपाध्यक्ष उदय साह कलवार, सचिव प्रदीप कुमार राम, सह -सचिव देवनाथ साह कलवार, कोषाध्यक्ष दिनेश यादव चयन भएका छन् ।

जिल्ला समन्वय समिति सदस्य तथा नेपाल युवा संघको छिपहरमाई गाउँपालिका अध्यक्ष सुबास साहको प्रमूख अतिथ्यता तथा वडा नः १ का वडा अध्यक्ष राजबली राउत अहिरको विशिष्ट आतिथ्यतामा भएकाे भेलामा वडा सदस्य भाग्रीत महरा, नेकपाको गाउँपालिका कमिटी सदस्य रामबाबु साह, भिखारी पटेल लगायतकाे उपस्थिती रहेको थियो ।

यस्तै, छिपहरमाई गाउँपालिकाको वडा नं. २ सम्भौता र वडा नं. ४ तुलसीबर्वा गरि ३ वटै वडामा शनिबार युवा संघको गठन भएको छ ।

गाउँपालिका भित्र बाकी रहेको वडा नं. ५ भिस्वा र वडा नं. ३ जयमँगलपुर एक हप्ता भित्रमा नै युवा संघ गठन गरिने युवा संघका गाउँपालिका अध्यक्ष साहले जानकारी दिए ।

बाटो मै निर्माण सामग्री तथा सवारी साधनहरु राख्दा समस्या

0

 वीरगंज । वीरगंज महानगरपालिका वडा नं. १४ ठुलो पिपरामा स्थानियहरु बाटोमै निर्माण सामग्री राख्दा सवारीसाधनहरु आवत जावतमा समस्या भएको स्थानियहरुले गुनासो गरेका छन् ।

घर निर्माणको लागि चाहिने निर्माण सामग्रीहरु बाटौ मै लामो समय सम्म राख्ने गर्दा सर्वसाधारणहरुलाई समस्या हुने गरेको छ ।

बाटो मै निर्माण सामग्री राख्दा सवारी साधनहरुलाई आउने जाने बाटो छोडेर वडा कार्यालय, महानगरपालिका वा सम्बन्धित निकायसंग स्विकृति लिएर मात्र राख्नु पर्ने हो । तर ठुलो पिपरामा बिगत एक हप्तादेखि बाटो मै बिना स्विकृति निर्माण सामग्री राखेकोमा न त वडा कार्यालय, न त नगरपालिकाले नै वास्ता गर्ने गरेको दुःखेसो वडावासीहरुको रहेको छ ।

रातीको समयमा अत्यावश्यक एम्बुलेन्स वा बारुण यन्त्र लानु परेमा सहजै जान आउने अवस्था न रहेको स्थानिय युवा बिनेश पटेलले गुनासो गरे । बाटो मै निमार्ण सामग्री राख्दा दुर्घटनाको सम्भावना पनि त्यतिकै रहेको छ तर सोलाई हटाउन सम्बन्धित निकायलाई जानकारी गराउदा पनि कुनै पनि निकायले ध्यान नदिएको गुनासो पटेलकाे छ ।

१५ फिटको बाटोमा करिब १० फिट सम्म बालुवा, गिटी, फलामको ठण्डीहरु राखिएकोले एउटा अटो वा ई–रिक्सा समेत आउन जान समस्या भईरहेको स्थानिय जायेद हुसैनकाे गुनासाे छ ।

घर निर्माण गर्ने व्यक्तिलाई बाटो मै निर्माण सामग्री लामो समय सम्म किन राख्नु भयो भनेर वडावासीहरुले हटाउनको लागि आग्रह गरे पनि हटाउनमा आलटाल गर्ने गरेको स्थानियहरुकाे गुनासो छ ।

यसैगरी बाटौमै टेम्पु, टयाक्टर लगायतका सवारीसाधनहरु समेत राख्ने गरेका छन् । यस्ता सवारी साधनहरु हटाउनका लागि बारम्बार आग्रह गरे पनि अटेरी गरिरहेको स्थानियहरुकाे गुनासो छ ।

यस सम्बन्धमा वडा कार्यालय, महानगरपालिका, ट्राफिक प्रहरीहरुको समय मै ध्यान जान जरुरी देखिएको छ । नत्र कुनै पनि बेला अप्रिय घटना हुन सक्ने देखिएकोले वडावासीहरु चिन्तित बनेका छन् ।

नेपाली कांग्रेसद्वारा पर्साकाे सबै पालिकामा माेटरसाइकल र्‍याली र विराेध सभा

0

वीरगंज । प्रतिनिधि सभा विघटनकाे विराेधमा नेपाली कांग्रेसले पर्साकाे विभिन्न पालिकामा शनिबार माेटरसाइकल र्‍याली र विराेध सभा गरेकाे छ ।

कालिकामाई गाउँपालिकाकाे वडा नं. २ गदियानीबाट निस्केकाे माेटरसाइकल र्‍याली गदियानी, भेडिहारी, बलुवा, बिरन्चिबर्वा, हरिहरपुर, सिमरा, मुडली, रबिदासकाे परिक्रममा गरेपछि टिनडाेबियामा पुगी काेण सभामा परिणत भएकाे थियाे ।

सभालाई सम्बाेधन गर्दै गाउँपालिका संयाेजक राजेन्द्र कुमार कुर्मीले प्रधानमन्त्री केपी शर्मा ओली तनाशाह बन्दै गएकाे आराेप लगाए । प्रधानमन्त्री ‌ओलीकाे असंवैधानिक कदमले उनमा तनाशाह देखेकाे उनकाे आराेप थियाे ।

कम्युनिष्ट सरकारले भ्रष्टचारकाे अलावा केही गर्न नसकेकाे आराेप लगाउदै उनले नेपाली कांग्रेकाे विकल्प नरहेकाे दाबी गरे ।

नेपाली कांग्रेस कालिकामाई गाउँपालिकाे आयाेजनामा भएकाे बिराेध कार्यक्रममा छठु साह, संजय साह, रामानन्द ठाकुर, रामशिष यादव लगायत सयाैंकाे सहभागिता रहेकाे थियाे । 

यस्तै, छिपहरमाई गाउँपालिका पनि संसद विघटनकाे विराेधमा नेपाली कांग्रेसको मोटरसाइकिल र्‍याली तथा विराेध सभा सम्पन्न भएकाे छ । गाउँपालिका संयाेजक धुरेन्द्र साह कानुकाे अध्यक्षतामा भएकाे विराेध कार्यक्रममा जिल्ला सचिव किशोरी साह, जिल्ला सदस्य नबिन सिंह, रामेसवर महतो, रामासंकर साह, दिपेन्द्र सिंह लगायतकाे सहभागिता रहेकाे थियाे ।

यस्तै, जगरनाथपुर गाउँपालिकामा पनि संसद विघटनकाे विराेधमा माेटरसाइकल र्‍याली तथा विराेध सभा सम्पन्न भएकाे क्षेत्रिय सचिव श्रीकान्त यादवले जानकारी दिए । माेटरसाइकल र्‍याली गाउँपालिकाकाे विभिन्न वडाकाे परिक्रममा गरेका थिए ।

यस्तै, धाेबिनी गाउँपालिका पनि नेपाली कांग्रेसकाे माेटरसाइकल र्‍याली तथा विराेध सभा सम्पन्न भएकाे क्षेत्रिय सचिव बलिष्ठर अहमदले जानकारी दिए । विराेध सभालाई महासमिति सदस्य बशिष्ठ नारायण कुर्मीले सम्बाेधन गरेका थिए ।

यस्तै, कम्युनिस्ट सर्बसत्ताबादी सरकारको प्रतिगामी कदम, असंवैधानिक संसद विघटन, भ्रष्टाचार, कुशासनका विरुद्धमा नेपाली काँग्रेस बिन्दवासिनी गाउँपालिकाद्वारा पालिकास्तरिय मोटरसाइकल र्‍याली र बिरोध सभा सम्पन्न भएकाे गाउँपालिका संयाेजक विवेक चाैरसियाले जानकारी दिए ।

गाउँपालिका संयाेजक चौरसियाको नेतृत्वमा निस्केको मोटरसाइकल र्‍यालीलाई इटियाही चौकमा नेपाली कांग्रेसका केन्द्रिय सदस्य तथा तराई मधेस समन्वय बिभागका प्रमुख अजय कुमार चौरसियाले पार्टीकाे झन्डा देखाई शुभारम्भ गरेका थिए ।

साे र्‍याली मधवल, अमरपट्टी झौवागूठी, बहुअर्वा भाठा, हरिनगर, गर्दौल, भेलाहा, बडसावरा, हासवा हुँदै प्रसौनी भाठामा पुगी कोण सभामा परिणत भएको थियो ।

नेपाली कांग्रेस बिन्दवासिनी गाउँपालिकाकाे आयाेजनामा निस्केकाे र्‍यालीमा राज्य प्रशासन बिभागका सदस्य अशोक कुमार गुप्ता, शिक्षक महासंघ प्रदेश २ का उप महासचिव मोहनलाल पटेल, गाउँपालिका उपाध्यक्ष किरण देबि गुप्ता, वडाध्यक्ष अनोज चौरसिया,  बिपि चिन्तन प्रतिस्ठानका अध्यक्ष फजिल मियाँ लगायतकाले सम्बोधन गरेका थिए ।

यस्तै, पर्साकाे बहुदरमाई नगरपालिका पनि नेपाली कांग्रेसकाे विराेध सभा सम्पन्न भएकाे नेपाली कांग्रेसका जिल्ला सचिव श्याम पटेलले जानकारी दिए । कम्युनिस्ट सर्बसत्ताबादी सरकारको प्रतिगामी कदम, असंवैधानिक संसद विघटन, भ्रष्टाचार, कुशासनका विरुद्धमा आयाेजित विराेध सभा सम्पन्न भएकाे उनले वताए ।

नेपाली काँग्रेस बहुदमाइ नगरपालिकाकाे आयाेजनामा भएकाे विराेध सभामा नेपाली कांग्रेका केन्द्रिय सदस्य अजय चाैरसिया, प्रदेश सभा सदस्य राजेशवर साह लगायतकाले सम्बाेधन गरेका थिए ।

यस्तै, पर्साकाे अन्य पालिकामा पनि नेपाली कांग्रेसकाे विराेधकाे कार्यक्रम सम्पन्न भएकाे जनाइएकाे छ ।