Date
शुक्र, मंसिर ४, २०८३
Fri, November 20, 2026
Home Blog Page 883

माेटरसाइकल चाेरीमा वृद्धि, पत्रकारहरुद्वारा जिप्रकाकाे ध्यानाकर्षण

0

वीरगंज । वीरगंजकाे सुरक्षा व्यवस्था फितलाे भएसंगै माेटरसाइकल चाेरीमा वृद्धि भएकाे छ ।

वीरगंजकाे विभिन्न ठाउँबाट दिनदहाडै हुने माेटरसाइकल चाेरीकाे घटनामा वृद्धि हुदै जादा बुधबार पत्रकारहरुकाे एक टाेलीले जिल्ला प्रहरी कार्यालय पर्साकाे ध्यानाकर्षण गराएकाे छ ।

नेपाल पत्रकार महासंघ पर्साका अध्यक्ष श्याम बन्जाराकाे नेतृत्वमा प्रहरी कार्यालय पुगेकाे टाेलीले प्रहरी नायब उपरिक्षक मनाेजित कुंवरलाई भेटेर माेटरसाइकल चाेरी बारे अवगत गराएकाे हाे ।

पत्रकारहरुकाे गुनासाे सुनेपछि पर्सा प्रहरीकाे प्रवक्ता समेत रहेका कुंवरले माेटरसाइकल चाेरीकाे नियन्त्रण गर्न आजैदेखि पर्सा प्रहरी तदारुकताकाे साथ लाग्ने प्रतिवद्धता जनाए ।

साे टाेलीमा प्रेस संगठन नेपालका केन्द्रिय सदस्यद्वय राघव साह, वृजलाल पासवान, प्रदेश सदस्यहरु बिजय भण्डारी, किरणराज पाण्डे, संजिव मिश्रा, प्रमाेद यादव, संघिय प्रेस फाेरम पर्साका अध्यक्ष आरके पटेल, पत्रकारहरु मनाेज पटेल, अजय चाैरसिया लगायतकाे सहभागिता रहेकाे थियाे ।

मंगलबार दिउसाे मात्र वीरगंजबाट प्रकासित पर्दाफास दैनिकका प्रकाश/प्रबन्ध निर्देशक राघव साहको मोटरसाईकल चोरी भएको थियाे । पत्रकार साह काम विशेषले पर्सा जिल्ला अदालत जांदा राधेमाई चौक अदालत एरियाबाट चोरी भएको घटना बारे पनि प्रहरीलाई टाेलीले जानकारी गराएकाे थियाे ।

पत्रकार साहको नाउ“मा दर्ता रहेको ना ४६ प ६१८१ नं. को सुपर स्पेलेण्डर कालो रंगको मोटरसाईकल पर्सा जिल्ला अदालत देखि पश्चिम, साउथ जोन बोर्डि· स्कूल देखि दक्षिण, श्री वैष्णो देवी वचत तथा ऋण सहकारी संस्थाको अगाडि सडक छेउमा पार्किङ्ग· गरी राखेको अवस्थामा मोटरसाईकल करिब २ः३० बजेको समयमा चोरी भएको थियाे । 

पत्रकार साहको मोटरसाईकल चोरी

0

वीरगंज । वीरगंजबाट प्रकाशित हुने पर्दाफास दैनिकका प्रकाशक एवं प्रबन्ध निर्देशक राघव साहको मोटरसाईकल मंगलबार दिउसो चोरी भएको छ ।

पत्रकार साह काम विशेषले पर्सा जिल्ला अदालत जांदा राधेमाई चौक अदालत एरियाबाट सुपर स्पलेन्डर माेटरसाइकल चोरी भएको हो । पत्रकार साहको नाउ“मा दर्ता रहेको ना ४६ प ६१८१ नं. को सुपर स्पेलेण्डर कालो रंगको मोटरसाईकल पर्सा जिल्ला अदालत देखि पश्चिम, साउथ जोन बोर्डिङ्ग स्कूलदेखि दक्षिण, श्री वैष्णो देवी वचत तथा ऋण सहकारी संस्थाको अगाडि सडक छेउमा पार्कि· गरी राखेको अवस्थामा  करिब २ः३० बजेको समयमा चोरी भएको साहले बताए ।

ईन्जिन नं. JA05ECH9C00177 र चेसिस नं. MBLJA05EWH9C00100 को भएकाे १२४.७ सिसिको सुपर माेटरसाइकल चाेरी भएकाे पिडित साहले जानकारी गराए । प्रेस संगठन नेपालका केन्द्रिय सदस्य समेत रहेका पत्रकार साहले मोटरसाईकल चोरी भए लगतै वडा प्रहरी कार्यालय श्रीपुर र जिल्ला प्रहरी कार्यालय पर्सालाई जानकारी गराए पनि अबेर रातीसम्म माेटरसाइकल पत्ता नलागेको प्रहरीले जनाएकाे छ ।

सखुवा प्रसाैनीकाे छैठाे गाउँ सभामा विभिन्न विधेयक पेश

0

वीरगंज । पर्साको सखुवाप्रसौनी गाउँपालिकाकाे छैठाे गाउँ सभाको उद्घाटन सत्र मंगलबार सम्पन्न भएको छ । चालु आर्थिक वर्ष २०७७/७८ को दोस्रो गाउँ सभा तथा गाउँपालिकाको छैठौँ गाउँ सभाको उद्घाटन सत्र सम्पन्न भएको हो ।

गाउँपालिकाको वडा नं २ स्थित दिपनारायण आदर्श माविमा भएकाे सभामा विभिन्न विधेयकहरु पेश भएका छन् । सभामा चालु आर्थिक वर्षको अर्ध वार्षिक सम्म खर्च हुन नसकेको विकास तर्फ विनियोजन गरिएको ६० लाख रुपैँया बराबरको योजनाहरु पेश भएकाे प्रमुख प्रशासकिय अधिकृत संदेश यादवले वताए ।

वर्तमान परिपवेशमा देखा परेका विकास निर्माणका कार्यहरु अघि बढाउने उदेश्यले संशोधन याेजनाहरु पेश भएकाे उनले जानकारी दिए ।

सभामा स्थानिय तहमा वातावरण तथा प्राकृतिक स्रोत संरक्षण गर्ने विधेयक, विभिन्न निति तथा नियमावली सम्बन्धी विधेयक, न्यायिक समितिले न्याय सम्पदान गर्दा आईपरेका समस्या र समाधानको कार्यविधी निर्माणको विधेयक, विपद व्यवस्थापन, शिक्षा, स्वास्थ्य, भौतिक पुर्वाधार लगायतकाको विकास सम्बन्धी विधेयक समेत पेश भएको अधिकृत यादवले जानकारी गराए ।

गाउँपालिका अध्यक्ष प्रदीप कुमार जयसवालले उद्घाटन गरेको समारोहमा उपाध्यक्ष फुलमती देवी चौधरीले स्वागत मन्तव्य राेखकी थिईन् ।

सभामा वडाध्यक्ष विश्वनाथ पटवारी, नियाज अहमद, सलिम मियाँ अन्सारी, जुमाद्धिन अंसारी, रुपलाल कुमार यादव, लाल बहादुर यादव लगायतका सम्पूर्ण कार्यपालिका सदस्य तथा वडा सदस्यहरुको सहभागिता रहेको थियो ।

सभामा गाउँपालिकामा भएकाे गतिविधिकाे बारेमा अधबार्षिक समिक्षा समेत भएकाे कम्पुटर अपरेटर सुनिल कुमार कलवारले जानकारी दिए ।

विद्यालयहरुमा नि:शुल्क आँखा शिविर सम्पन्न

0

वीरगंज । लायन्स क्लब फाउन्डर मेलविन जाेनस काे १४ औं जन्माेत्सव मनाउने एक हप्ते कार्यक्रम अन्तर्गत मंगलबार विभिन्न विद्यालयहरुमा नि:शुल्क आँखा शिविर सम्पन्न भएकाे छ ।

युकेआइएड/ओरबिइएसको सहयोगमा लायन्स क्लब ऑफ बिरगंज गेटवे, नार्थ, सेंट्रल सिटी, ग्रीन कैंपस, क्यूरेटिव तथा गोल्डन स्पैरो र केडिया आँखा अस्पतालको संयुक्त आयोजनामा रिच परियाेजना अन्तर्गत सेसमे इन्टरनेशनल स्कुल, सुर्याेद्य माध्यमिक विद्यालय, आर्या एकेडमी र नागपालिक आधारभूत बिद्यालयमा निशुल्क आँखा शिविर सम्पन्न भएकाे चेयरपर्सन लायन अनूप अग्रवालले जनाकारी दिए । 

शिविरमा ६ सय ६७ बिद्यार्थीहरुले निःशुल्क आँखा परिक्षण गराएकाे चेयरपर्सन अग्रवालले जानकारी गराए । 

कार्यक्रममा पिएमसिसि लायन रमेश अग्रवाल, डिस्ट्रिक्ट स्ट्रेटेजिक चीफ डिएन अग्रवाल, डिस्ट्रिक स्ट्राटेसिस चिप आरबी पाण्डे, जिल्ला सह काेषाध्यक्ष उमेश कानु, एलसिबि नर्थका अध्यक्ष संजय अग्रवाल, एलसिबी सेन्ट्रल सिटीका अध्यक्ष आस्मा सि‌ंह यादव, एलसिबी गेटअवेकाे अध्यक्ष विवेक वेरिवाल्की लगायतकाे सहभागिता रहेको थियो ।

वीपिसीद्वारा अधिकृत गिरी र प्रहरी निरिक्षक पुरी सम्मानित

0

बीरगंज । बीरगंज पब्लीक कलेजले मंगलबार एक कार्यक्रमकाे बिच आफ्नाे दुई पूर्व विद्यार्थीहरुलाई सम्मानित गरेकाे छ ।

भिस्वा हाेटलमा आयाेजित कार्यक्रममा कलेजमा पढेर हाल पाेखरिया नगरपालिका र जगरनाथपुर गाउँपालिकाकाे प्रमुख प्रशासकीय अधिकृतकाे रुपमा कार्यरत अमिति गिरि र कलेज पढेर हाल वडा प्रहरी कार्यालय बिर्ताको प्रहरी निरिक्षकको रुपमा कार्यरत रहेका राजेशराज पुरीलाई सम्मान गरेकाे हाे ।

सम्मानित हुने मध्येका अधिकृत गिरी नेपाल निजामती कर्मचारी संगठन पर्साका अध्यक्ष समेत हुन् ।

दुबै जनालाई कार्यक्रममका प्रमुख अतिथि प्रभु हस्पीटलका प्रमुख डा. मनोज कुमार गुप्ताले दाेसल्ला ओढाएर सम्मान पत्रले सम्मान गरेेका थिए ।

कलेजका निर्देशक डा. दीपक शाक्यको सभापतित्वमा भएको कार्यक्रममा नेपाल पत्रकार महासंघ पर्साका अध्यक्ष श्याम बन्जारा, वानका प्रदेश अध्यक्ष आरसी यादव, हरि रत्न तुलाधर, सम्मानित हुने अधिकृत गिरी र प्रहरी निरिक्षक पुरी लगायतले मन्तव्य राखेका थिए । 

आर्थिक समुन्नतीको लागि बेरोजगारलाई पालिका मै रोजगारी दिदैछौ : अध्यक्ष गुप्ता

0

मनोज कुमार गुप्ता पर्साको लागी नयाँ नाम भन्ने पक्कै पनि होईन । बुवा योगेन्द्र प्रसाद र आमा बिध्या देवी कनुईनको दाम्पत्य जीवनबाट २०४० माघ २७ गते जन्मेका मनोज गुप्ता अहिले पर्साको छिपहरमाई गाउँपालिकाका अध्यक्ष हुन् । २०५५ सालमा वीरगंजस्थित त्रिजुद्ध मा.वि.बाट एस.एल.सी. उतिर्ण गरी प्रविणता तहसम्मको अध्ययन पुरा गरेका गुप्ता चार बहिनी मध्येको एक्लो जेठो छोरा हुन् । अध्यक्ष गुप्ताका हजुर बुवा प्रहलाद प्रसाद चिनीमिल कारखानको प्रविधिक कर्मचारी हुँदै रिटायर भएर तत्कालिन पंचायत व्यवस्थामा २०२६ सालदेखी २०४२ सालसम्म १८ वर्ष तत्कालिन गाविस सम्भौताको प्रधानपन्च भई समाजसेवा गरी राजनीति सन्यास लिए । त्यसपछि उनका बुवा योगानन्द प्रसाद पनि  कानुन अध्ययन गरी २०४९ सालसम्म सोही गाविसको प्रधानपंञ्च भई समाज सेवा गरे ।  त्यसपछि लामो समयपछि मुलुक संघीय लोकतान्त्रिक गणतन्त्रमा परिवेश गरी २०७४ सालमा भएको स्थानीय तहको चुनावमा तत्कालिन माओवादीबाट जिल्लाकै एकल बहुमत प्राप्त गरी मनोज गुप्ता गाउँपालिकाका अध्यक्ष भए ।

यसरी कहिल्यै पराज्य नभएर हजुर वुवाको पालादेखी नै राजनीतिमा उनको घरपरिवारले पर्सामै इतिहास कायम गरेको छ । बुवा र हजुर बुवाको निर्देशनमा क्याम्पस पढ्ने बेलादेखी गाउँका व्यक्तिहरुको विभिन्न समस्यामा सहभागी हुँदै समाजसेवा गरेको लगनशिलतालाई देखेर आफूलाई पनि जनताले राजनीतिमा खिचेको अध्यक्ष गुप्ता बताउँछन् । विधार्थीकालबाटै समाजसेवा र टायल मार्वल, आलमुनिय जस्ता विभिन्न व्यापार गर्दै पूर्खाको शान र जनताको सेवा गर्ने उदेश्यले आफू राजनीति यात्रा तह गरेको गुप्ताको भनाई छ । उनै अध्यक्ष गुप्तासंग गाउँपालिकाको विकाससंग जोडिएको समस्मायिक विषय बारे कालिका टाईम्सका लागि बलिराम यादवले गरेकाे कुराकानीको सम्पादित अंश :

१. छिपहरमाई गाउँपालिकाको समग्र विकासको अवस्था कस्तो छ ?
सबै क्षेत्रको विकासमा लागेका छाैं । पालिकाको ५ वटै वडामा सडकको अवस्था एकदमै दैनिय थियो, त्यो सबै वडामा ३० फिटको हाईवेय बाटो बनाई सकेका छौ । स्वास्थ्य क्षेत्रमा बर्थिङ्ग सेन्टर थिएन, अहिले ३ वटा बर्थिङ्ग सेन्टर पनि संचालन गरिसकेका छौ । गाउँपालिकाभित्र ३ सय दलित घरपरिवार र ८ सय साना किसानललाई ग्यास तथा चुलो वितरण गरेका छौ । बाँकी रहेकाहरुलाई पनि ग्यास तथा चुलो दिने योजना छ । तसर्थः हरेक क्षेत्रमा तीव्र गतिमा विकास निर्माणको कार्य भइरहेको छ । 

२. तपाई जनप्रतिनिधी भएर आएको झण्डै साढे ३ वर्ष बित्न लाग्यो, उतिबेलादेखी हालसम्म मुख्यगरी के के काम गर्नु भएको छ ?
पर्सा जिल्लाको सबैभन्दा दुर्गम ठाउँ भनेकै नवगावा थियो । पहिला सदरमुकाम वीरगंज आउनको लागि भारतीय बाटो भएर ४० कि.मि आउनु पथ्र्याे । हामीले भिस्वादेखी जयमङ्गलापुर हुँदै सम्भौता, मिर्जापुर र तुलसीबर्वासम्म जोड्ने ३० फिटको बाटो निर्माण ग¥यौ । त्यस्तै हरेक गाउँमा नाला तथा ढलान कार्य पनि गरेका छौ । छिपहरमाई गाउँपालिकाको करिब ६० देखी ७० प्रतिशतसम्म नाला तथा ढलान कार्य तिन वर्षमै पुरा गरेका छौ । हरेक गाउँमा व्यवस्थित ढलान र नाला निर्माणको कार्य गरिएको छ ।

यस्तै, प्रसुतीकाे बेला महिलाहरुलाई साह्रै गाह्रो हुने हुन्थ्यो, त्यसको लागी हामीले पालिकाको ३ ठाउँमा बर्थिङ्ग सेन्टर बनाएका छौ । महिलाहरुलाई प्रस्तुति गराउन ४० कि.मि भारतको बेतिया जानु पर्ने थियो वा सदरमुकाम वीरगंज आउँदा धेरै आर्थिक खर्च पनि हुने गथ्र्याे । त्यसको लागी हामीले एम्बुलेन्स पनि खरिद ग¥यो । तसर्थः तीनवटा बर्थिङ्ग सेन्टर स्थापना गरेका छौ । चौथोको लागी पनि बजेट छुट्याई सकेका छौ ।  

तसर्थः हाम्रो गाउँपालिकामा भौतिक पूर्वाधार विकाश निर्माणको कार्य भईसेको छ । यस वर्ष भित्र पाँचै वडामा बर्थिङ्ग सेन्टर पनि स्थापना भईहाल्छ ।

३. यहाँको पालिकामा सडकको अवस्था अझै पनि दैनिय छ, कति वर्षभित्र सुधारी सक्ने लक्ष्य राख्नुभएको छ ?
करिब २०/३० वर्षदेखी नभएको काम तीन वर्षमा हुने सम्भावना कमै हुन्छ । तैपनि ६०/७० प्रतिशत जति काम गरिसकेको छु । अहिले हामीसंग एउटा बजेट अझै पनि चलाउन बाँकी नै छ । त्यो अवधीभर ९० प्रतिशत बाटोघाटोको काम पुरा गरिसक्छौ । तद्यापी अहिले पनि बाटोघाटो टुटेको फुटेको अवस्था छैन् । हाम्रो गाउँपालिका अन्तर्गत भएको ओरिया खोलाको पानीले प्रत्येक वर्ष बाटोघाटोमा क्षति पु¥याने गर्दछ । त्यो भएर अलि पछाडी परेका छौ, नत्र भने अहिलेसम्म सबै वडामा सडकको पूर्ण रुपले सुधार भईसक्या हुन्थ्यो ।

४. पालिकामा भएको बेरोजगार युवा तथा महिलाहरुलाई रोजगार बनाउन के कस्तो योजना ल्याई कार्यन्वयन हुदैछ ?
अबको हाम्रो मुख्य उदेश्य नै हो बेरोजगारलाई रोजगार बनाउने । अहिले पालिकामा भएको बेरोजगारहरुको डाटा संकलन हुँदैछ । बेरोजगार, खाना नपाएका र बाहिर नगएकाहरुलाई पनि गाउँघरमै तालिम दिएर नेपाल सरकारको ५३० रुपैयाको स्केल अनुसार गाउँघरमै काम गराई खाने र पुग्ने गरी रोजगारी दिने तयारीमा छौ ।

समाजिक विकासतर्फको बजेटमा महिलाहरुलाई रोजगार बनाउन पहिला जुन तालिम दिन्थ्याे, त्यो तालिममा मात्रै सिमित हुन्थ्यो । अर्थात तालिम लिने, भत्ता लिने र मिठाईको डब्बा लिई घर जाने । तसर्थः यस कार्यक्रममा प्रतिफल नदेखाएपछि मैले त्यो कार्यक्रममा लगानी नै रोके । अहिले हामी गाउँपालिका स्वयम् सेवक योजना २० क्षेत्रमा छुट्याएको छौ । कक्षा ८ र १० सम्म पढेका महिलाहरु पनि घरमै बसेका छन् । त्यस्ता महिलाहरुलाई शिक्षा सम्बन्धी तालिम दिएर गाउँघरमा भएका अशिक्षित पुरुष तथा महिलाहरुलाई शिक्षा दिने योजना छ । यस्तै राजगिरी मिस्त्री, काठ मिस्त्री, ईलेक्ट्रिसियन, थरि थरिका माछा पालन गर्ने व्यवसाय, विभिन्न तरकारी उत्पादन गर्ने कृषकहरुलाई तालिम गराएर गाउँपालिका भित्रै रोजगार दिएर आर्थिक समुन्नती गराउने योजना बनिसकेको छ । गाँउ सभाबाट एक महिनाभित्रै पारित गर्छाै ।

५. ग्रामिण भेगमा पर्ने यहाँको पालिकामा अधिकांश मानिस कृषि पेशा मै आबद्ध छन्, कृषकको जिवनस्तर उकास्न के योजना छ ?
हम्रो गाउँपालिकामा सिचाई गर्ने धेरै नै कठिनाई थियो । एक त नदीको खोला र अर्काे भारतीय नहरले कही पनि सिचाई गर्ने पानीको सुविधा थिएन । पहिलाका जति स–साना पैनिहरु थिए त्यो सबै विस्थापित भईसकेको थियो । तर म जनप्रतिनिधी भएर आईसकेपछि प्रतिदिन २ देखी ३ लाख लिटरसम्मको सौर्य सिचाई प्रणाली जडान गरिसकेका छु । जसमा बैकल्पिक ऊर्जाबाट ६० प्रतिशत अनुदान, गाउँपालिकाबाट ३० प्रतिशत र १० प्रतिशत कृषकबाट अनुदान लिएको छु । तसर्थः अहिले हामी सिचाईलाई व्यवस्थित पारेका छौ । शर्सत अनुदान अन्तर्गत आउने कृषकको बजेटमा हामीले समय समयमा विभिन्न शिपमूलक तालिम दिने गरेका छौ । हामीले साना किसान भन्ने कार्ड पनि लागु गरेका छौ । गाउँपालिकाभित्र १ विग्हाभन्दा कम खेत भएका किसानहरु कति रहेका छन् भन्ने बारे जान्न १६१० वटा साना किसान कार्ड पनि बनाएका छौ र १६१० किसानलाई १०१ समूहमा बाँडफाँड गरि राखेका छौ । अब आउने दिनमा यी समूहमार्फत ट्रेक्टर, धान काट्ने र रोप्ने मेसिनहरु निःशुल्क उपलब्ध गराउने छौ । एक/दुई कठ्ठा मात्रै खेत भएका किसानलाई अर्गानिक मल पनि वितरण गरेका छौ । ताकी उले घरपरिवार खाने गरी आफ्नै बारीमा तरकारी बनाओस् ।

६. गाउँपालिका अन्तर्गतका केही गाउँ वर्षेनी डुबानमा पर्ने गर्दछ, त्यसको दिर्घकालिन उपाय बारे के गर्नु भएको छ ?
ओरिया खोलाको कारण केही गाउँ डुबानमा पर्ने गर्दछ । म जनप्रतिनिधी भएर आएपछि ओरिया खोलामा बोल्डिङ्ग तटबन्ध गर्ने योजना तयार पारेका थिए । हाम्रो पालिकाको वडा नं. १ देखी भरतीय सिमानासम्म ३२ करोडको प्रोजेक्ट थियो । ऊर्जा मन्त्री बर्षमान पुन भएको बेला सो योजनाको डिपिआर तयार गर्न केन्द्र सरकरले प्रदेश सरकारलाई पत्रचार ग¥यो कि यदि प्रदेश सरकारसंग बजेट छ भने डिपिआर बनाउने काम सुरु गरोस्, नभए मन्त्रालयसंग माग गरोस् । तर प्रदेशबाट विभेद गरियो । किन भने म तत्कालिन माओवादी पार्टीबाट निर्वाचित गाउँपालिका अध्यक्ष हुँ । उतिबेला पटक पटक म प्रदेश सरकारको कार्यालयमा दौडे तर पनि त्यो काम हुन सकेन् । अब ३२ करोडको बजेट लाग्ने सो क्षेत्रमा काम गर्न त गाउँपालिकाको बजेटले पुग्दैनन् नि । त्यसकारण वर्षेनी जनधन लगायत खोती योग्य जमिनको क्षति व्यहोर्नु परिरहेको छ ।

७‍. यहाँ जनप्रतिनिधी भएर आईसकेपछि शिक्षा र स्वास्थ्यमा के कस्तो परिवर्तन भएको छ ?
विद्यायलयमा बच्चाहरुलाई बस्ने कक्षाकोठा, डेक्स, बेन्चको अभाव थियो, भूई ढलान, प्लस्तर थिएन् । यी सबै समस्या सामाधान गरे । पुरानै काठको कालोपाटीमा लेख्ने प्रवृतिलाई हटाए । विद्यालयमा विभिन्न कोठा तथा चर्पिहरु निर्माण गरे । शिक्षकको अभाव भएकोले गुणस्तरीय शिक्षाको लागी दक्ष जनशक्तिको रुपमा गाउँपालिकाबाट निजी स्रोतमा १५/१६ जना शिक्षक भर्ना गरे । प्रत्येक विद्यालयमा व्यवस्थापन समिति गठन गराए । १६ देखी २० वटा दरबन्दी पहिलाकै रहेछन् । त्यसमा कतिपयको नियुक्ती भईसकेको छ र कतिपय नियुक्ती प्रकृयामा छन् । तद्यापी अब पालिकामा भएको स्वयम् सेवकहरुले गाउँ टोलमा गई सानो–सानो बालबालिकाहरुलाई शिक्षा दिने, अशिक्षित आईमाई र युवा तथा बुढाबुढिहरुलाई पनि सही गर्ने र केही पढ्न सक्ने वातारण बनाएको छु ।

अहिले हाम्रो गाउँपालिकामा दुई वटा प्लस टु सञ्चालनमा छ र क्षेत्रभरीमा प्रथम मेरै गाउँपालिकामा प्राविधिक शिक्षा पनि सञ्चालन भईसकेको छ । कक्षा ८ सम्म मात्रै पढेर छोरीहरु घरमै बस्ने जुन बानी थियो । त्यो हटाउन र छोरीहरुको मनोबल बढाउन पर्सा जिल्लामा सबैभन्दा अगाडी अर्थात सुरुमा मैले नै साईकल वितरण गरेको थिए । जसले छोरीहरु पनि कक्षा ९, १० र प्लस टु पढ्ने तर्फ आकर्षित भएका छन् ।

यस्तै जिल्लामा मात्रै नभई प्रदेश र देश मै समेत कसैले लागु गर्न नसकेको ‘छोरी पालिका स्वर्ण योजना’ लागु गरेको थिए । त्यसमा २० हजार बिमा लागु गरे । त्यो भनेको २० वर्षमा हो । १६ वर्ष कटेपछि उच्च शिक्षामा लगानी गर्न रु २ लाखको बीमा सुरुवात गरेको छु । अहिले साढे तिन सयको हराहरीमा बीमा भईसकेको छ । यो वर्ष पनि २ सय देखी २ सय २० जनाको डाटा संकलन भईसकेको छ ।
त्यस्तै पालिकामा भएको विभिन्न स्वास्थ्य चौकी मर्मत सम्भार गर्दै विभिन्न औषधीको व्यवस्था गरिएको छ । अन्य पालिकामा औषधी सकेपनि हाम्रो पालिकामा सधै स्टोकमै राखेको हुन्छौ । पहिला स्वास्थ्य चौकी त्यति व्यवस्थित थिएन् ।

कर्मचारीहरु १०, १२ बजे आउने अनि एक/दुई घण्टा बसी जाने । तर मैले आएदेखी कर्मचारी समयमै आउने जाने वातावरण बनाउनुको साथै महिला र पुरुषको लागी छुट्टै कोठा बनाएको छु । कथिपय महिलाहरु प्रसुति, भर्गवतिको बेला कतिपय महिलाहरुको मृत्यु पनि हुन्थ्यो । त्यस कारण दुई वर्ष पहिला गाउँपालिकामै बर्थिङ्ग सेन्टर स्थापना गरी अनुभवी र दक्ष कर्मचारीको भर्ना गरे । गाउँपालिका स्तरमा उपचार हुन नसक्ने बिरामीलाई सदरमुकाम लग्न एम्बुलेन्स पनि राखिएको छ । जसमा रु १२ सयमा मात्रै सदरमुकाम लगी घर ल्याउने गर्छ ।

ज्वँरो, रुघा खोकी जस्ता सामान्य बिरामा पनि सदरमुकाम जाँदा रु १५ सयदेखी २ हजारसम्म एक दिनको खर्च हुन्थ्यो । त्यसको लागी एम.बि.बि.एस. डाक्टर नियुक्त गरेका छौ । आउदो वर्षसम्म पाँच वटै वडामा बर्थिङ्ग सेन्टर स्थापना गरेर हरेक वडामा एम.बि.बि.एस. डक्टरको पनि सुबिधा घरदैलोमा ल्याउछौ ।

८‍. कमिशन खाने र कार्यकर्ता पाल्ने जस्ता कामलाई मात्रै बढावा दिएको पनि आरोप लाग्ने गर्छ नी ?
हामी राजनीतिसंग जुटेको व्यक्ति हो । जति राम्रो काम गरे पनि विपक्षीले त आरोप लगाई नै रहन्छ । तर मेरो गाउँपालिकामा ३ वर्षको अवधिमा न बोर्डमा विवाद छ, न जनताबाट विवाद छ । रह्यो कुरा उपभोक्ताको । उपभोक्ता बनाउँदा अध्यक्ष बन्ने एक जना मात्रै हो तर बैठकमा १०/१५ जना भन्छन् मै अध्यक्ष हुन्छु । अध्यक्ष बन्ने हो एक जना अनि भन्ने धेरै भएपछि अलिकति चुनौती भएको छ । तर यहाँले भने जस्तै केही छैन् । सबै काम जनमुखी नै हुँदै आएको छ ।

९. आधुनिक शिक्षाको लागि शैक्षिक संस्थामा के कस्तो प्रविधि र पूर्वाधारको व्यवस्था गर्नु भएको छ ?
बालबालिकाहरुलाई कालोपाटी भन्दा पनि डिजिटल माध्यमबाट शिक्षा दिने योजना थियो तर कोरोना भाइरसको कारण योजना रोकिएको छ । अहिले भर्खरै विद्यालयहरु संचालन भएको छ । त्यसमा पनि चुनौती नै छ । आउने दिनमा आधुनिक प्रविधिबाट शिक्षा संचालन गर्ने नै छौ ।

१०. यहाँको पालिकामा भएको स्थानीय स्रोत साधनलाई पहिचान गरी परिचालन गर्दा के कस्तो आय आर्जन गर्ने सम्भावना देख्नु भएको छ वा भएको छ ?
हम्रो पालिकामा जंगलहरु पनि छैन । खोलाहरु छन् तर मरेका छन् । जसले पानी र जोखिम मात्रै दिने गर्छ । आम्दनी हुने स्रोत एउटा पोखरी मात्रै छ । जसले सालको ८०/८५ लाख मात्रै आम्दनी हुन्छ । त्यो आम्दनीबाट निजी तर्फका शिक्षक नियुक्ति गर्ने गरेका छौ । त्यसपछि गाउँघरका स–साना ३/४ लाखको योजनाहरुको काम गर्ने गर्छाै । तसर्थः आम्दनी आउने पोखरी एउटा मात्रै स्रोत छ ।

११. अबको आउदो कार्यकालसम्म गाउँपालिकाले के के पाईसक्ने विकास निर्माणका कार्य यहाँले गरिसक्नुहुन्छ ?
सुरुमा मैले ३/४ वटा क्षेत्रमा काम गरेको थियो । घरबाट निस्कन सही बाटो, छोराछोरीलाई हरेक वडा प्राविधिक शिक्षा र उच्च शिक्षाको व्यवस्था गरिसकेको छु । बिरामीहरुको लागी वडामा स्वास्थ चौकी, बर्थिङ्ग सेन्टर र त्यस बाहेक जिल्लासम्म पु¥याउने एम्बुलेन्सको पनि व्यवस्था गरिसकेको छु ।

अबको मुख्य एजेण्डा नै बेरोजगारलाई रोजगारी दिने हो । अहिले पनि गाउँघरमा बुढा आमा बुवाहरु छोराछोरी सानै छन् । घर बाहिर गएर कमाउने स्थिति छैन् । न कमाई खान्न पनि पुग्ने अवस्था छैन् । प्लस टु पढेर पनि छोरी र महिलाहरु घरभित्रै बसी खाना बनाई खुम्चिएका छन् । त्यस्तालाई गाउँ घरमै रोजगारी दिने अबको मुख्य लक्ष्य हो । एउटा बाटोलाई मर्मत सम्भारको लागी मात्रै २/३ लाख रुपैया खर्च भईरहेको छ । जबकी त्यो काम एउटा लेबरले १० दिनमा सकाउन सक्छ । तर प्राविधिक नियममा जादाँ ठुलै खर्च लाग्छ । त्यसकारण यस्ता कामको साथै अन्य धेरै क्षेत्रमा गाउँघरमा बेरोजगार भएर बसेकाहरुलाई काम दिएर रोजगारी दिन्छौ ।

गाउँपालिकामा दुई महिना भित्रमा ३ सय देखी ४ सयसम्म रोजगारी दिन सक्षम छौ । जसमा ६० प्रतिशत २० वर्षदेखी ४० वर्षका युवा, ३० प्रतिशत ४० देखी ५५ वर्षका पुरुषलाई र १० प्रतिशत महिलालाई रोजगारी दिन्छौ । हुन त महिलालाई ३३ प्रतिशत दिनु पर्ने हो तर १० प्रतिशत कै हिसाबले महिलाहरुले निवेदन दिएका छन् ।

तसर्थः एउटा मानिसलाई घरबाट निस्कन बाटो, स्वास्थ्यकाे ग्यारेन्टी, शिक्षासंग पहुँच र परिवारलाई आफ्नै गाउँठाउँ रोजगारी भयो भने सबैले हाँसो खुसी जीवन विताउन सक्छन् । यही योजनाले गाउँपालिकालाई समृद्ध बनाउन लागेका छौ ।

पृथ्वी जयन्तीको अवसरमा माल्यार्पण एवम् साडी बितरण

0
वीरगंज । पृथ्वीनारायण शाहको २ सय ९९ औं जयन्ती एवम् राष्ट्रिय एकता दिवसको अवसरमा साेमबार वीरगंजमा र्‍याली एवम्‌ माल्यार्पण कार्यक्रम सम्पन्न भएकाे छ ।
 
राष्ट्रिय सरोकार मंच नेपाल नारायणीले पृथ्वीनारायण शाहको तस्बिरलाई बगीमा राखी बाजागाजा सहित घण्टाघरबाट निकालीएको झाँकी नगरको विभिन्न भागको परिक्रमा गर्दै पुनःघण्टाघरमा पुगी सभामा परिणत भएकाे थियाे ।
 
कार्यक्रमका प्रमुख अतिथी नागरिक समाजका अगुवा एवम् प्रध्यापक डा. दिपक शाक्यले पृथ्वीनारायण शाहको तस्बिरमा माल्यार्पण गर्दै आजको परिवेशमा सम्पूर्ण जनता एक हुनु पर्ने कुरा औल्याए । उनले सम्पुर्ण नेपाली जनता एक नभए सम्म चार वर्ण ३६ जातका फुलवारी असुरक्षित रहेको भन्ने कुरामा जोड दिए ।
 
बीरगंज महानगर पालिकाकाकी उपमेयर शान्ति कार्कीले पृथ्वीनारायण शाह नेपाल र नेपालीको बुबा हुनु भएकोले वहाँलाई कहिले पनि बिर्सन नहुने कुरामा जोड दिइन । वर्तमान सरकारले नचाहेको खण्डमा बिदा दिने गरेको र पृथ्वीनारायण शाहको जयन्तीमा बिदा नदिने गरेकोमा आपती समेत जनाइन ।
 
समाजसेवी एवम् राष्ट्रबादी पशुपति बिक्रम शाहले अहिलेको परिस्थितमा एक जना पृथ्वीनारायण शाह जस्तै बीर पुरुषको खाँचो रहेको हुँदा फेरी नेपालमा पृथ्वीनारायण जनमिनु पर्ने आवश्यक्त रहेको वताए । उनले सम्पूर्ण राष्ट्रवादीहरुलाई एकतामा अनेकता नगर्न आग्रह गरे ।
 
राष्ट्रिय सरोकार मंच नेपाल नारायणीका संयोजक नन्दकिशोर गोयलको अध्यक्षतामा भएकाे कार्यक्रममा हिन्दु युवा संघका केन्द्रिय सदस्य राजेश सिंह राठौर, बरिष्ठ पत्रकार सुदर्शनराज पाण्डे, मंचका कानुनी सल्लाहकार हरिहर साह, सरोकार मंचका केन्द्रिय सदस्य अर्जुन सिंह, सिमराका अध्यक्ष पुरुषोतमलाल श्रेष्ठ, बारा मंचका आत्माराम लगायतले पृथ्वीनारायण शाहको जिवनीकाबारे चर्चा गरेका थिए ।
 
कार्यक्रममा बिगत लामो समय देखी सहयोग गर्दै आएका भारतीय र नेपाली संचारकर्मीहरुलाई ढाका टोपी र खादा ओढाई मायाको चिनो प्रदान गरि सम्मान गरिएको थियो ।
 
उक्त कार्यक्रममा संजु देवी, किरण कुमारी, रामपती देवी, सिता देवी, चम्पा देवी, साबित्री देवी, अन्सु देवी सुनिता देवी, साल्मा खातुन लगायत ४५ जना महिलाहरु साडी समेत बितरण गरिएको प्रेस संयोजक प्रणय कुमारले जानकारी दिए ।
 
उक्त कार्यक्रममा सम्पूर्ण अतिथीहरुलाई मंचका उपाध्यक्ष कमल घिमिरे र नगर संयोजक उपेन्द्र बरैले खादा ओढाई स्वागत गर्नु भएको थियो ।
 
कार्यक्रममा मंचका सचिव मकबुल मियाँ बरही, सदस्य अशोक मण्डल, अजय तिवारी, राजाराम साह लगायत स्थानियबासी, समाज सेबी, भद्रभलादमी, पत्रकारहरुको समेत सहभागीता रहेको थियो ।
 
लक्ष्मी साहित्य समाजका अध्यक्ष महेशचन्द्र गौतमले कार्यक्रममा स्वागत भाषण गर्नु भएको थियो भने कार्यक्रमकाे संचालन सुर्या शुभचिन्तकले गरेका थिए ।

सुन्द्र कुर्मीद्वारा जसपा परित्याग गरि नेकपा ओली समुह प्रबेश

0

बीरगन्ज । जनता समाजवादी पार्टीका नेता सुन्दर प्रसाद कुर्मी पार्टी परित्याग गरी नेकपा ओली समुहमा प्रवेश गरेका छन् ।

स्थानिय तहकाे निर्वाचन हुनु अघि तत्कालिन नेकपा एमाले परित्याग गरी तत्कालिन संघिय समाजवादी फोरम नेपालमा प्रवेश गरेका कुर्मी अहिले आएर फेरि नेकपा प्रवेश गरेका छन् ।  

नेकपा ओली समुहले सोमबार बारा जिल्लाको सदरमुकाम कलैयामा आयोजना गरेको जिल्ला भेलामा नेता कुर्मीले नेकपा प्रवेश गरेका हुन् । यस अघि साेमबार विहान कुर्मीले आफ्नाे फेसबुकमा एक स्टेटस लेख्दै जसपा परित्याग गरेकाे घाेषणा गरेका थिए ।

भेलाका प्रमुख अतिथि उपप्रधानमन्त्री एवम् रक्षामन्त्री इश्वर पोखरेलले नेता कुर्मीलाई फुलमाला लगाएर पार्टीमा स्वागत गरेका थिए । पार्टीले संगठन निर्माण र निर्वाचनमा गरेको योगदानलाई उचित मुल्यांकन नगरेको भन्दै कुर्मीले जसपा परित्याग गरेको बताएका छन् ।

स्थानीय निर्वाचनभन्दा केहि दिन अगाडी तत्कालिन एमालेसँग असन्तुष्टि जनाउँदै उनले तत्कालिन सङ्घीय समाजवादी फोरम नेपाल प्रवेश गरेका थिए । त्यसबेला पार्टीको जिल्ला उपाध्यक्षको जिम्मेवारी पाएका कुर्मीलाई राजपासँगको पार्टी एकीकरण पछि कुनै पद दिइएको थिएन ।

आफुले स्थानीय र संसदीय निर्वाचनमा सङ्घीय समाजवादी फोरमलाई जिताउन महत्वपूर्ण भूमिका खेलेपनि पार्टी सो योगदानको मुल्याकंन नगरेको कुर्मीले बताए ।

बारा जिल्लाका नेता बलबिर चौधरीको सभापतित्वमा भएको कार्यक्रममा प्रदेश इन्चार्ज सत्यनारायण मण्डल, शहरी विकासमन्त्री प्रभु साह, कानुनमन्त्री लिला श्रेष्ठ, पार्टीका नेता रघुवीर महासेठ, केन्द्रीय सदस्य राजकुमार गुप्ता, सुमन प्याखुरेल, पर्सा अध्यक्ष प्रभु हजरा लगायतले मन्तव्य राखेका थिए ।

प्रधानमन्त्री ओली राष्ट्रवादी हाेइन, राष्ट्रघाती हुन् : उपेन्द्र यादव

0

वीरगन्ज । जनता समाजवादी पार्टीका राष्ट्रिय अध्यक्ष उपेन्द्र यादवले प्रधानमन्त्री केपी ओली राष्ट्रवादी नभई राष्ट्रघाती रहेको वताएका छन् ।

प्रतिनिधि सभा विघटनकाे विराेधमा जनता समाजवादी पार्टीले साेमबार वीरगन्जमा आयाेजना गरेकाे जनप्रदर्शन एवम् विरोध कार्यक्रमलाई सम्बोधन गर्दै अध्यक्ष यादवले नष्लवादी राष्ट्रवादको मुखौटा लगाएका प्रधानमन्त्री ओलीको वास्तविक रुप अहिले सामुने आएको बताए ।

उनले भने “पार्टीको आन्तरिक विवाद सल्टाउन नसक्ने प्रधानमन्त्री ओलीले पदबाट राजिनामा दिएर मार्ग प्रसस्त गर्नुपर्थ्याे, त्यो पनि सम्भव नभए कमण्डल बोकेर भारतको बनारस जानु पर्थ्याे तर पार्टीको आन्तरिक झगडाको कारण संसद विघटन गरेर गलत गर्नु भयाे ।”

संसद विघटनको विषय सर्वोच्चमा पुगेको प्रसङ्गमा बोल्दै अध्यक्ष यादवले सर्वोच्चलाई हामी सम्मान गर्छौ तर संसद विघटन राजनीतिक विषय भएकोले राजनीतिबाट समाधान हुनुपर्छ, हालसम्म राजनीति विषय कानूनी तरिकाले समाधान नभएको कारण राजनीति विषय राजनीतिबाटै नै समाधान हुनुपर्नेमा जोड दिए ।

उनले भने “संसद विघटन गरि चुनाव घोषणा भएपछि काम चलाउ सरकार हुन्छ, चुनावी सरकार हुन्छ र चुनावी सरकारलाई मन्त्रीमण्डल विस्तार गर्ने कुनै किसिमको अधिकार छैन तर यो सरकारले मन्त्री मण्डल पनि विस्तार गरेको छ, त्यसले ओलीको लोकतन्त्र विरोधी र असंवैधानिक कदम पुष्टि गरेकाे छ ।”

अध्यक्ष यादवले असंवैधानिक तरिकाले भङ्ग गरिएको संसद भङ्ग हुनै नसक्ने तर्क गर्दै हालसम्म संसद जिवित नै रहेको बताए । प्रधानमन्त्री ओली निकट नै पूर्व सभामुख सुवाष नेवाङ्ग र पूर्व प्रधानन्यायधीशहरुले पनि प्रधानमन्त्रीलाई संसद विघटन गर्नुपर्ने संविधानमा अधिकार नरहेको भनिरहँदा यस परिस्थितिमा संविधानको धारा १०३ लाई टेकेर सभामुखले संसदको अधिवेशन बोलाएर हालकाे सरकारलाई बरखास्त गरी राष्ट्रपतिलाई जानकारी गराई बहुमतको आधारमा नयाँ सरकार बनाउनु पर्ने धारणा राखे ।

मधेशमा आन्दोलन भइरहँदा मधेशी पहाडीको भिन्नता छुट्याई राष्ट्रवादका नारा लगाईरहेका प्रधानमन्त्री ओलीले अहिले महाकालीको कुरा आउँदा राष्ट्रवादी नभई लम्पसारवादी भएको आरोप लगाउँदै अध्यक्ष यादवले सत्ता बचाउनका लागि ओलीले नक्कली राष्ट्रवादीको भूमिका खेलि रहेको बताए ।

अध्यक्ष यादवले संसद विघटन गरेर घोषणा गरिएको चुनावमा के भाग लिने, जुन चुनाव नै हुनेवाला छैन, लोकतन्त्रलाई मारेर हुने चुनावमा भाग लिनुको कुनै औचित्य नरहेकोले सबैभन्दा पहिला प्रधानमन्त्री केपि शर्मा ओलीले उठाएको असंवैधानिक कदमलाई खारेज गर्नुपर्ने माग गरे ।

त्यो खारेजको अर्थ प्रतिनिधिसभाका पुनरस्थापना गर्नुपर्ने हो, र संविधान पुर्नस्थापना हुने वित्तिकै प्रतिगमनकारी कदमको अन्त्य हुँदै लोकतन्त्रको रक्षा हुने अध्यक्ष यादवकाे भनाई छ ।

सत्ताको भुखमा निरकँशुतन्त्रलाई निमन्त्रणा दिने हो भने त्यो निरकुँशतासँगै चल्नुपर्ने भन्दै अध्यक्ष यादवले प्राप्त उपलब्धिलाई रक्षा गर्नु सबै लोकतान्त्रिक शक्तिको दायित्व रहेकोले नेपाली काँग्रेस तर्फ संकेत गर्दै आउने दिनमा सशक्त रुपमा जनसंघर्ष, सडक संघर्षलाई अगाडि बढाउनुपर्ने अवस्था पनि आउन सक्ने भएकोले जनता समाजवादी पार्टी तयार रहेकोले नेपाली काँग्रेसले पनि यसबारे सोच्नुपर्ने बताए ।

जिल्ला अध्यक्ष रामनरेश यादवको अध्यक्षतामा भएकाे कार्यक्रममा विघठित प्रतिनिधि सभा सदस्य लक्ष्मणलाल कर्ण, प्रदीप यादव, प्रदेश सभा सदस्य रमेश कुर्मी, करिमा बेग्म, वीरगंज महानगरपालिकाका मेयर विजय कुमार सरावगी लगायतले मन्तव्य व्यक्त गरेका थिए ।

प्रचण्ड-माधवको स्वार्थका कारण देश संकटमा : नेता गुप्ता

0

वीरगंज । नेकपा ओली समुहकाे पोखरीयामा नगर स्तरिय भेला आइतबार सम्पन्न भएको छ । कार्यक्रमलाई सम्बोधन गर्दै जिल्ला अध्यक्ष प्रभु हजराले प्रचण्ड माधव समुहका कारण देश अस्थिरता तर्फ गएको दावी गरे ।

कार्यक्रमका प्रमुख अतिथी समेत रहेका हजराले प्रधानमन्त्री ओलीको लोकप्रियता देखेर आफनै पार्टीबाट षडयन्त्र भएको बताए । उनले देशलाई जोगाउन प्रधानन्त्री ओलीले सदन बिघटन गरेको दावी समेत गरे ।   

केन्द्रिय सदस्य राजकुमार गुप्ताले प्रचण्ड माधव समुहले पद, पावर र पैसाको लागि नेकपालाई बिभाजन गरेको दावी गरे । उनले आफनो स्वार्थ पुरा गर्न दुई तिहाईको सरकारलाई असफल बनाउन प्रचण्ड माधव समुहले षडयन्त्र गरेको दावी समेत गरे ।

लोकतन्त्रको रक्षाको लागि निर्वाचन आवश्यक रहेको बताउदै गुप्ताले अगामी बैशाखमा हुने निर्वाचनमा भाग लिन समेत कार्यकर्ताहरुलाई निर्देशन दिए । 

छिपहरमाई गाँउपालिका अध्यक्ष मनोज गुप्ताले प्रचण्डको निजी स्वार्थका कारण पार्टी बिभाजन भएको आरोप लगाए । उनले महान जनयुद्धबाट प्राप्त उपलब्धीलाई पनि प्रचण्डले स्वार्थका कारण बचाउन नसकेको दावी गरे ।

कार्यक्रममा नेपाली काँग्रेस र जसपा पार्टी परित्याग गरि राजेश रौनियार, राजकिसोर कुर्मी, मनिर आलम लगायत ३० जना नेता कार्यकर्ताहरु नेकपामा प्रवेश गरेका थिए । नवप्रवेशी नेताहरुलाई पार्टी अध्यक्ष प्रभु हजरा, केन्द्रिय सदस्य राजकुमार गुप्ता लगायतका नेताहरुले फुलमाला र अबिर लगाई पार्टीमा स्वागत गरेका थिए ।

नेकपा पोखरीया नगर अध्यक्ष एवं केन्द्रिय सदस्य प्रद्युम्न चौहानको अध्यक्षतामा भएकाे कार्यक्रममा केन्द्रिय सदस्य जयप्रकाश थारु, निर्मला देवकोटा, प्रदेश कमिटी सदस्य तेजप्रकाश निषाद, नेता राजदेव दास, बिन्ध्याँचल ठाकुर, जोगिन्द्र साह, शम्भु पाल, हनिफ अंसारी, नेपाल पत्रकार महासंघ पर्साका अध्यक्ष एवं जिल्ला कमिटी सदस्य श्याम बन्जारा लगायतले धारणा राखेका थिए ।

कार्यक्रममा केन्द्रिय सदस्य बिना शर्मा, जिल्ला कमिटी सदस्य अनुप तिवारी, श्याम गुप्ता, युवा नेता यशवन्त यादव, अकलेश साह संतोष पासवान लगायतको उपस्थिती रहेको थियो ।

कार्यक्रममा स्वागत मन्तव्य प्रमोद गिरीले गरेका थिए भने सहजीकरण नगर कमिटी सदस्य दिनेश चौहानले गरेका थिए । असअघि कार्यक्रम शुरु हुनु अघि नेकपाका नेता कार्यकर्ताहरुले पोखरीया बजारकाे परिक्रमा समेत गरेक थिए ।