Date
शुक्र, मंसिर ४, २०८३
Fri, November 20, 2026
Home Blog Page 880

ट्राफिक जनचेतना सहितकाे साइकल रैलीलाई पाेखरियामा स्वागत

0

वीरगंज । “हेल्मेट लगाउ ज्यान जाेगाउ, साइकल चलाउ बाताबरण जाेगाउ” नाराका साथ शनिबार पर्सामा ट्राफिक जनचेतना कार्यक्रम सम्पन्न भएकाे छ ।

सामुदायिक प्रहरी साझेदारी कार्यक्रम अन्तर्गत वीरगंजबाट निस्केकाे ट्राफिक जनचेतना सहितकाे साइकल रैली पाेखरियामा पुगी सम्पन्न भएकाे थियाे । पाेखरिया पुगेकाे साइकल रैलीका सहभागिहरुलाई एक कार्यक्रमकाे बिच स्वागत समेत गरिएकाे थियाे ।

पाेखरिया युवा समाजकाे आयाेजनामा भएकाे स्वागत कार्यक्रममा वाेल्ने वक्ताहरुले ग्रामिण भेगामा पनि ट्राफिक नियम पालना गर्नु पर्नेमा जाेड दिए । वक्ताहरुले सवारी साधन चलाउदा तिब्रगति नचलाउन, माेबाइलकाे प्रयाेग नगर्न, अनिवार्य हेल्मेट प्रयाेग गर्न, मादक पदार्थ तथा लागु औषध सेवन गरे सवारी साधन नचलाउन लगायतका ट्राफिक नियम पालनामा जाेड दिएका थिए ।

पाेखरिया युवा समाजका अध्यक्ष भवगान दास तात्वाकाे अध्यक्षता र प्रदेश सभा सदस्य प्रहलाद गिरीकाे प्रमुख आतिथ्यतामा भएकाे कार्यक्रममा प्रदेश नं. २ का ट्राफिक प्रहरी प्रमुख हिमालय श्रेष्ठ, प्रदेश सभा सदस्य मंजुर अन्सारी, पाेखरिया नगरपालिकाका मेयर दिपनारायण राैनियार, उप मेयर सलमा खातुन, ट्राफिक प्रहरी कार्यालय पर्साका प्रमुख सुमन कार्की लगायतकाले मन्तव्य राख्दै ट्राफिक नियमकाे पालना गर्नु पर्नेमा जाेड दिएका थिए ।

कार्यक्रममा स्वागत मन्तव्य युवा समाजका सचिव इनरदेव पटेल, संचालन सदस्य राकेश महताे, धन्यावाद ज्ञापन युवा समाजका सदस्य सुजित गिरी र साइकलिङ क्लब वीरगंजका अध्यक्ष संजन अग्रवालले गरेका थिए । 

सखुवा प्रसौनीमा बाल क्लब सञ्जालको नयाँ कार्य समिति गठन

0

वीरगंज । पर्साको सखुवा प्रसौनी गाउँपालिकामा बाल क्लब सञ्जालको नयाँ कार्य समिति गठन भएको छ । बिहीबार श्रीपुर पाँचगावास्थित श्री दिपनारायण उच्च माध्यमिक विद्यालयको प्राङ्गण एक कार्यक्रमका बिच अर्जुन साहको अधयक्षतामा बाल क्लब सञ्जालले १२ सदस्यीय नयाँ कार्य समिति गठन गरेको हो ।

साहको अध्यक्षतामा गठन भएको नयाँ कार्यसमितिमा उपाध्यक्ष समसाद अंसारी, सचिव पुजा कुमारी, सह–सचिव दिनेश शर्मा, कोषा अध्यक्ष सिवाङ्गी गुप्ता, सह–कोषाध्यक्ष भवानी पटेल, सदस्यहरु चन्द्रमुखी कुमारी, मुकेश कुमार कलवार, सृजना ओझैया, हेदर अंसारी, अनिषा कुमारी, आरती चौधरी रहेने गरीे १२ सदस्यीय नयाँ कार्य समिति गठन भएको छ ।

कार्यक्रममा अध्यक्ष साहले बाल अधिकार सुनश्चितताका लागि लडेर आफ्नो आधिकार लिनु पर्ने बताएका थिए । बालबालिकाहरु कलिलो उमेरको हुने हुँदा उनीहरुलाई आफ्नो हित र अहितको विषयमा आफै निर्णय गर्न नसक्ने भएकोले बालबालिकाको हितको लागि राज्य तथा अभिभावकले महत्वपूर्ण भूमिका खेल्नु पर्ने अध्यक्ष साहको भनाई थियो ।

कार्यक्रममा प्रधानध्यापक शिवनाथ थारु, सहायक प्रधानध्यपक दिली बुढाथोकी, विक्रमजित साह, स्थानीय पत्रकार प्रमोद यादव लगायतको सहभागिता रहेको थियो ।

 

संसद विघटन बिरुद्ध छिपहरमाईमा पनि कार्यक्रम

0

वीरगंज । संसद विघटनकाे बिरुद्ध पर्साकाे छिपहरमाई गाउँपालिकाकाे विभिन्न वडामा प्रदर्शन भएकाे छ । नेपाली कांग्रेसकाे पूर्व निर्धारित आन्दाेलनकाे कार्यक्रम अन्तर्गत बिहिबार वडास्तरी बिरोध प्रदर्शन गरिएकाे हाे ।

संसद विघटकाे विराेधमा छिपहरमाई गाउँपालिकाकाे वडा नम्बर ३, सानो जयमङ्गलापूरमा बिराेध सभा सम्पन्न भएकाे छ ।

बुथ सभापति कृष्ण सिंहकाे सभापतित्व र जिल्ला सदस्य नविन सिंहको प्रमिख अतिथिय्तामा भएको बिरोद्ध सभामा बिरेन्द्र राउत कुर्मी, दिपेन्द्र सिंह, गणेश साह, तबरेज आलम लगायतकाेले मन्तव्य राखेका थिए ।

साेही कार्यक्रममा कार्यक्रममा महेस साह कानु, कोशोरी साह कानु, किशाेरी गिरि, रामजी गिरी लगायतकाले नेकपा परित्याग गरि नेपाली कांग्रेसमा प्रबेश गरेका थिए । 

यस्तै, छिपहरमाई गाउँपालिकाकाे वडा नं. ५ भिस्वामा पनि नेपाली कांग्रेसकाे विराेध कार्यक्रम सम्पन्न भएकाे छ ।

वडा नं. ५ भिस्वाका बुथ सभापति धूरेन्द्र साह कानूकाे सभापतित्वमा र जिल्ला सचिव किशोरी साहकाे प्रमुख आतिथ्यतामा भएकाे कार्यक्रममा जिल्ला सह सचिव बिरेन्द्र प्रसाद यादव, बिसनाथ साह, रघुबीर साह, सूरेश कुशवाहा, उमेश पटेल लगायतकाले मन्तव्य राखेका थिए ।

कार्यक्रममा वाेल्ने वक्ताहरुले प्रधानमन्त्री केपी शर्मा ओलीकाे असंवैधानिक कदम विरुद्ध लड्न जरुरी रहेकाे धारणा राखेका थिए । 

बाराको परवानीपुरमा पनि नेपाली कांग्रेसद्धारा बिरोध प्रदर्शन

0

वीरगंज । बाराको परवानीपुर गाउँपालिकामा पनि नेपाली कांग्रेसको बिरोध ¥याली तथा बिरोध सभा सम्पन्न भएको छ ।

नेपाली कांग्रेसको केन्द्रिय कमिटिको निर्णय अनुसार संसद विघटन बिरुद्ध देशैभरी भईरहेको प्रदर्शनको क्रममा बिहीबार परवानीपुर गाउँपालिका वडा नं ५ बहुअरीमा पनि विरोध ¥याली तथा विरोध सभा कार्यक्रम सम्पन्न भएको हो ।

मोटोरसाईकल जुलुशसहति वडा परिक्रममा गरी कोण सभामा परिण्त भएको थियो । कोण सभालाई सम्बोधन गर्दै परवानीपुर गाउँपालिकाका महाधिवेशन प्रतिनिधि जगदिश प्रसाद गुप्ताले वर्तमान सरकार भ्रष्टाचार र बैमनिमा डुबेको आरोप लगाए ।

बिरोध कार्यक्रमका प्रमुख अतिथि समेत रहेका गुप्ताले ओली नेतृत्व सरकारको रवैया हेर्दा तोकिएको मितिमा निर्वाचन हुनेमा पनि आशंका रहेको आरोप लगाए ।

परवानीपुर गाउँपालिकाका मेयर पदका उम्मेदवार लालबाबु यादवले नेपाली कांग्रेस पार्टी बर्गजको रुख जस्तो पार्टी भएको बताउँदै मुलुकलाई सुशासनसहितको समृद्ध बनाउन कांगै्स बाहेक बिकल्प नरहेको दाबी गरे । सबै वर्ग, हिन्दु, मुस्लिम, मधेशी, पहाडी आदि सबैजातिलाई साथमा लिएर हिड्ने पार्टी नेपाली कांग्रेस नै भएकोले युवाहरुलाई पनि साथ दिन आग्रह गरे ।

पूर्व गाविस अध्यक्ष किशोर पटेलको अध्यक्षतामा भएको कार्यक्रममा बिशिष्ट अतिथि लालबाबु यादव, प्रभु पटेल, अतिथि परवानीपुर गाउँपालिका वडा नं. ४ का एकाई कमिटि अध्यक्ष महन्थ राम, युवा नेता लोहा सिंह, गौरी साह, योगेन्द्र साह, रामानन्द साह लगायतको सहभागिता रहेको थियो ।

कार्यक्रमका सहजीकरण राजकिशोर गुप्ताले गरेका थिए ।

वीरगंजमा नेपाली कांग्रेसद्धारा बिरोध प्रदर्शन

0

बीरगंज । संसद विघटन् बिरुद्ध वीरगंजमा नेपाली कांग्रेसले वडा स्तरीय बिरोध प्रदर्शन गरेको छ । वीरगंज महानगरपालिका वडा नं. १४ पिपरामा नेपाली कांग्रेसले बिहीबार बिरोध प्रदशर्दन गरेको हो । पिपरा धर्मशालाबाट बुथ सभापति संजय प्रसाद साह तेलीको नेतृत्वमा निस्केको ¥यालीले वडा परिक्रमा गरी गण्डकस्थित तेजबहादुर अमात्यको शालिकनिर सम्पन्न भएको थियो ।

बिरोध ¥यालीमा तराई मधेश विभागका केन्द्रिय सचिव रामनारायण कुर्मी, रामबाबु नेका नेता प्रसाद कुर्मी, आसपुरन पटेल, शिवशंकर पटेल, सम्साद अंसारी, आविद अंसारी, मेराज अंसारी लगायतको सहभागिता रहेको थियो ।

यस्तै वीरगंज महानगरपालिका वडा न. ११,१२ र १३ बाट पनि वडा स्तरीय संयुक्त विरोध ¥याली निकाली वीरगंजमा प्रदर्शन भएको छ । संयुक्त रुपमा निस्केको बिरोध ¥यालीले वीरगंजको विभिन्न ठाउहरूको परिक्रमा गर्दै घण्टाघरमा पुगी कोणसभामा परिणत भएको थियो ।

कोणसभामा बोल्दै वक्ताहरुले ओली सरकारको कदम अलोकतांत्रिक भएको बताउँदै लोकतंत्रको रक्षाका लागि सरकरको प्रतिगामी कदमको सबैले मिलेर विरोध गर्नु पर्ने आग्रह गरेका थिए ।

बिरोध प्रदर्शनमा बीरगंज महानगरपालिकाकि उप–मेयर शान्ति कार्की,नेपाली, तराई मधेश विभागका केन्द्रिय सचिव रामनारायण कुर्मी, कांग्रेस पर्साका नेता अरविन्द गुप्ता,नेपाली कांग्रेस पर्साका प्रवक्ता जितेन्द्र पुरूष ढकाल, महाधिवेशन प्रतिनिधि किरण सरकार लगायतको सहभागिता रहेको थियो ।

 

अत्यधिक चिसोको कारण पर्साका विद्यालय बन्द

0

वीरगंज । हुस्सो र शितहलरले बढ्दै गरेको चिसोका कारण पर्साका विद्यालयहरु बन्द भएका छन् । मध्य तराईसहित पर्सामा केही दिनदेखी एक्कासी बढेको चिसोको कारण पर्साका विद्यालयहरु बन्द भएको हो ।

चिसो हावासंगै बढ्दै गरेको हुस्सो र शितलहरले जनजिवन प्रभावित भएपछि पर्साका अधिकांश पालिकाले बिद्यालय बन्द गरेका छन् । निरन्तर रुपमा चिसो घट्ने क्रम नरोकिएर बढ्दै गरेको अवस्थालाई मध्यनजर गर्दै पर्साको सखुवा प्रसौनी गाउँपालिमा माघ ७ गतेदेखी १० गते सम्मको लागी सबै विद्यालयलाई बन्द गरिएको गाउँपालिका अध्यक्ष प्रदिप जयसवालले जानकारी दिए । उनले माघ ११ गते आईबारदेखी सबै विद्यालय पूनः संचालन हुने जानकारी गराए ।

अत्यधिक चिसोको कारण विधार्थीहरुको स्वास्थयमा पर्न सक्ने असरको सम्भावनालाई मध्यनजर गर्दै विन्दवासिनी गाउँपालिकाले पनि माघ ७ देखी ९ गतेसम्मको लागि विद्यालय बन्द गरेको गाउँपालिका शिक्षा समितिले सूचना निकालेको छ । नेपाल शिक्षक महासंघ विन्दवासिनी र विन्दवासिनी गाउँपालिकाबिच छलफल भई समुदायिक, संस्थागत तथा धार्मिक विद्यालयहरुको पठनपाठन पुनः दुई दिन बन्द गर्ने जानकारी गराईएको छ ।

यस्तै बहुदरमाई नगरपालिकाले पनि चिसोको कारण छात्रछात्रामा पर्ने प्रतिकुल असरलाई ध्यानमा राखी माघ ७ देखी ९ गतेसम्म तीन वटा विद्यालय मात्रै बन्द रहने सूचना सार्वजनिक गरेको छ ।

                                                      मजदुर मारमा, दैनिक छाक टार्ने चिन्ता
चिसो बढेसंगै देनिक ज्यालादारी गरी खाने बारा, पर्साका मजदुर पनि मारमा परेका छन् । पसकिो सदरमुकाम वीरगंज शहरमा दैनिक हजारौंको संख्यामा काम गर्न आउने कामदारसमेत चिसोका कारण मारमा परेका हुन् ।

 चिसो बढ्ेसंगै औधोगिक नगरी वीरगंज क्षेत्रमा मानिसको चहलपहल घटेको छ । पर्साको ग्रामिण भेगबाट हजारौको संख्यामा दैनिक मजदुरी गर्न वीरगंज आउने मजदुर प्रभावित भई उनीहरुको संख्यामा कमी आएको छ । निरन्तर यसरी नै कुहिरो बढ्दै गयो भने दैनिक मजद’री गरि जिविकोपार्जन गर्ने परिवारलाई दैनिक छाक टार्न आउने समस्याले मजदुरहरु झन चिन्तित देखिएका छन् ।

                                                                     दुर्घटनाको जोखिम बढ्यो
अत्यधिक कुहिरोले गर्दा २५र३० मिटर पर देखिएको छैन् । जसले सवारी साधन आवत जावतमा पनि कमी आएको छ र केही सवारी साधनहरु लाईट बालेर चलिरहेका छन् । सवारी साधन लाईट बालेर चलाए पनि पूर्वपश्चिम राजमार्गमा कुहिरोले दुर्घटनाको जोखिम बढेको देखिन्छ ।

प्रत्येक वर्षझै यसवर्ष पनि हुस्सो र शितलहरले हुने जोखिमबाट बचाउँन विपत व्यवस्थापन समिति नै सक्रिय हुन आवश्यक देखिएपनि त्यसतर्फ ठोस् कदम चालेको नदेखिएको बुद्धिजिवीहरुले बताएका छन् ।

संसद बिघटनको बिरोधमा जसपाद्वारा पोखरियामा बिरोध प्रदर्शन

0

बीरगञ्ज । पर्साको पोखरिया नगरपालिकामा जनता समाजवादी पार्टीले संसद विघटनको विरुद्धमा विरोध प्रदर्शन गरेको छ ।

कार्यक्रमलाई सम्बोधन गर्दै कार्यक्रमका प्रमुख अतिथि विघठित संसद पर्सा क्षेत्र न. ३ का प्रतिनिधि सभा सदस्य हरी नारायण रौनियारले संसद विघटन पुर्ण रुपमा असंवैधानिक र गैर राजनितिक भएको बताए ।

जसपाका केन्द्रिय सदस्य समेत रहेका रौनियारले प्रधानमन्त्री केपी शर्मा ओलीले संविधानले नदिएको कानुनलाई प्रयोग गरी संसद विघटन गरेर देशलाई दुर्गतितर्फ धकेलेको टिप्पणी गरे ।  जसपाले देशब्यापी रुपमा संसद पुर्नस्थापना हुनुपर्ने माग गर्दै विरोध प्रदर्शन गरीरहेको उनले वताए ।

पर्सा क्षेत्र न. १ का प्रतिनिधि सभा सदस्य प्रदिप यादबले १ महिना भित्र प्रधानमन्त्री केपी शर्मा ओली आफ्नो ठाउँमा आउने वताए । नेकपाको सरकार भ्रष्टाचारमा लिप्त रहेको र हरेक ठाउँमा आफ्ना आसेपासेलाई मात्रै राखेर संवैधानिक निकाय कब्जा गरी देशमा निरङ्कुशता लाद्ने योजना असफल पार्न जसपा सडकमा उत्रिएको यादबको भनाई थियाे ।

जनता समाजवादी पार्टी पर्साका अध्यक्षद्वय रामनरेश यादब र जगदिश प्रसाद पटेलको सयुँक्त सभापतित्वमा भएको कार्यक्रममा प्रदेश सभा सदस्यहरु प्रहलाद गिरी, रमेश पटेल, मञ्जुर अन्सारी, भिमा यादब, जसपाका नेताहरु सुरेन्द्र कुर्मी, शिव पटेल, शशिकपुर मियाँ, पुरुषोत्तम झा, नेजामोदिन समानी, रामचन्द्र पयिडत लगायतको उपस्थिती रहेको थियो ।

कार्यक्रममा जसपा पर्साका सचिब तबरेज अहमदले स्वागत मन्तव्य व्यक्त गरेका थिए ।

सो अवसरमा नेपाल कम्युनिष्ट पार्टी नेकपा र नेपाली काङ्ग्रेस पार्टी परित्याग गरी १ सय भन्दा धेरैले जसपामा प्रवेश गरेका थिए । दोस्रो चरणको कार्यक्रम अन्र्तगत आज अन्तिम दिन विरोध प्रदर्शन गरिएको हो । 

कालिकामाईकाे प्रमुख प्रशासकिय अधिकृत साहले विभागकाे निर्देशन पनि टेरेन

0

वीरगंज । पर्साकाे कालिकामाई गाउँपालिकाकाे प्रमुख प्रशासकिय अधिकृत जयचन्द्र साहले गृह मन्त्रालय अन्तर्गतकाे राष्ट्रिय परिचय पत्र तथा पञ्‍जिकरण विभागकाे निर्देशन अवहेलना गरेकाे पाइएकाे छ । विभागले एम.आई.एस. अपरेटर र फिल्ड सहायककाे सेवा करार म्याद थप गर्न गाउँपालिकालाई दिएकाे निर्देशन प्रमुख प्रशासकिय अधिकृत साहले अटेरी गरेका छन् ।

उनले विभागले दिएकाे निर्देशनकाे १५ दिन वितिसक्दा पनि त्यसकाे पालना गरेका छैनन् ।

गाउँपालिकाले च.नं. ५११ भएकाे मिति २०७७/९/१४ गतेकाे पत्र मार्फत विभागलाई सेवा इकाईमा कार्यरत रहेका एम.आई.एस. अपरेटर लक्ष्मण साह र फिल्ड सहायक भेष साहकाे सेवा करार म्याद थप गर्न नसकिने जानकारी गराएकाे थियाे । त्यसपछि विभागले च. नं. १३६४ भएकाे मिति २०७७/०९/२० काे पत्र मार्फत  गाउँपालिकालाई समाजिक सुरक्षा तथा व्यक्तिगत घटना दर्ता प्रणाली सुदृढीकरण आयाेजनाकाे लागि गाउँपालिकाकाे सेवा इकाईमा सेवा करारमा नियुक्त भएका एम.आई.एस. अपरेटर र फिल्ड सहायककाे सेवा करारकाे म्याद थप गर्न निर्देशन दिएकाे थियाे ।

विभागले आयाेजना अवधि बाँकी रहेकाे र अनुभव भएका कर्मचारीकाे आवश्यकता आयाेजनालाई अझै विद्यमान रहेकाे हुदाँ ति दुबै कर्मचारीहरुकाे म्याद थप गरी कार्य गराउन उपयुक्त भएकाेले साेही मापदण्डकाे बुँदा नं. १६ बमाेजिम आयाेजना अवधिभरकाे लागि एकपटकमा बढीमा एक बर्ष अवधि कायम गर्ने गरी सेवा करार सम्झाैताकाे म्याद थप गर्न अनुराेध गरे पनि अझै सम्म ति कर्मचारीहरुकाे म्याद थप हुन सकेकाे छैन । 

गाउँपालिकालाई पत्र प्राप्त भएकाे १५ दिन वितिसक्दा पनि प्रमुख प्रशासकिय अधिकृत साहले निर्देशन अटेरी गरेकाे देखिएकाे छ । त्यसकारण गाउँपालिकाकाे सेवा ईकाईकाे व्यक्तिगत घटना दर्ता लगायतकाे काम प्रभावित भएकाे छ ।

साे पत्र विभागले जिल्ला प्रशासन कार्यालय पर्सालाई पनि वाेद्धार्थ गरेकाे थियाे । त्यपछि प्रशासन कार्यालयले चं. २८०७ भएकाे मिति २०७७/०९/२० गतेकाे पत्र मार्फत गाउँपालिकालाई विभागकाे पत्र अनुसार आवश्यक कार्य गर्न समेत भनेकाे थियाे । तर पनि प्रमुख प्रशासकिय अधिकृत साहले विभागकाे निर्देशनकाे अटेरी गर्दै पालना गरेका छैनन् ।

प्रमुख प्रशासकिय अधिकृतलाई पर्साका प्रमुख जिल्ला अधिकारी अस्मान तमाङले फाेनमार्फत विभागकाे निर्देशन पालना गर्न माैखिक आदेश दिए पनि उनले त्यसकाे पनि अवहेलना गरेका छन् । अधिकृत साहले आफु पूर्व जिल्ला प्रशासन कार्यालय कै कर्मचारी भएका कारण विभाग र प्रशासन कार्यालयलाई कसरी जवाफ दिने हाे आफुलाई थाह भएकाे वताउदै आएका छन् । 

विभागकाे निर्देशन अझै सम्म किन कार्यान्वयन भएन ? प्रमुख प्रशासकिय अधिकृत साह संग साेध्दा आफुलाई केही थाहा नभएकाे गैर जिम्मेवारपूर्ण जवाफ दिएका छन् । 

गत बर्ष राष्ट्र व्यापी खुल्ला प्रतियाेगिताबाट समाजिक सुरक्षा तथा व्यक्तिगत घटना दर्ता प्रणाली सुदृढीकरण आयाेजनाका लागि  देशभरी कै ७५३ स्थानिय तहमा एम.आई.एस. अपरेटर र फिल्ड सहायक सेवा करारमा न्युक्त भएका थिए । साेही क्रममा कालिकामाई गाउँपालिकामा पनि नियुक्त भएका दुबै कर्मचारीकाे मंसिर ८ गते नै म्याद सके पनि हाल सम्म म्याद थप हुन सकेकाे छैन् ।

कालिकामाई जस्तै अरु पालिकाले पनि  मनपरी गर्न थाले भने राष्ट्रव्यापी याेजना नै प्रभावित हुने भएकाेले यस तर्फ सम्बन्धित निकायकाे ध्यान जान जरुरी रहेकाे छ ।

स्व. बिजय प्रकाश बिन स्मृति पहिलो पत्रकारिता पुरस्कारबाट पत्रकार खतिवडा पुरस्कृत

0
वीरगंज । स्व. बिजय प्रकाश बिन स्मृति पहिलो पत्रकारिता पुरस्कार नेपाल पत्रकार महासघ पर्साका संस्थापक सदस्य एवम् वरिष्ठ पत्रकार शंकर खतिवडालाई प्रदान गरिएको छ । स्व. बिन्दु देबी पान्डे स्मृति प्रतिष्ठानद्वारा स्थापित पुरस्कार नगद रु ११ हजार १ सय ११ रुपैयाकाे साथै सम्मान पत्रले पत्रकार खतिवडालाई सम्मानित गरिएको हो ।
 
बि. स. २०१३ साल जेष्ठ १२ गते जन्मेकाे खतिवडा बि. स. २०३७ सालदेखि राष्ट्रिय ध्वनीबाट पत्रकारिता सुरु गर्दै २०३९ सालदेखि मोर्चा साप्ताहिक पत्रीकाको प्रकाशक/सम्पादकको रुपमा निरन्तर कलम चलाउदै आएका छन् ।
 
पुरस्कार ग्रहण गर्दै खतिवडाले पत्रकारितालाई माया गर्दै आउने पुस्ताहरुलाई पत्रकारिता स्वच्छ र अनुशासित रुपमा लैजान र यसको छवि नबिगार्न समेत सल्लाह दिए ।
 
प्रतिष्ठानका अध्यक्ष तुलसि भन्डारीको अध्यक्षतामा भएकाे कार्यक्रममा वीरगंज महानगरपालिकाका मेयर बिजय कुमार  सरावगीले पत्रकार खतिवडालाई दाेसल्ला ओढाएर सम्मान पत्रले पुरस्कार राशीकाे चेकले पुरस्कृत गरेका थिए ।
 
प्रतिष्ठानकाे आयाेजनामा हाेटल कुमु प्यालेसमा भएकाे कार्यक्रममा नेपाल पत्रकार महासंघ प्रदेश न.२ का अध्यक्ष दिपेन्द्र चौहान, सदस्य जगत राई, खोज पत्रकारिता केन्द्रका अध्यक्ष एवंम प्रेस काउन्सिलका पुर्व सदस्य वरिष्ठ पत्रकार चन्द्रकिशोर झा, पत्रकार महासंघ पर्साका अध्यक्ष श्याम बन्जरा, सचिव युवराज खडका लगायतकाे सहभागिता रहेको थियो भने कार्यक्रमकाे संचालन प्रतिष्ठानका सचिव माधुरि महतोले गरेकी थिइन ।
 
स्व. बिजय प्रकाशक बिनले बिरगंजमा पहिलो भोजपुरी पत्रीका प्रकाशन गर्दै आएकाे सम्झनामा स्व. बिजय प्रकाश बिन स्मृति पहिलो पत्रकारिता पुरस्कार स्थापना गरिएकाे थियाे ।

अपाङ्गता परिचय पत्र बितरणका लागि जिराभवानीमा घुम्ती शिबिर

0

जिराभवानी । अपङ्गता परिचय पत्र वितरणका लागि मंगलबार पर्साको जिराभवानी गाउँपालिका वडा नम्बर १ मा घुम्ती शिविर सम्पन्न भएकाे छ । 

वडा कार्यालयमा संचालित शिविरमा वडा भित्र रहेका अपाङता भएका व्यक्तिहरुलाई रातो र निलो परिचय पत्र बितरण गरिएको छ । शिविरकी संयाेजक समेत रहेकी गाउँपालिकाकी उपाध्यक्ष उषा देबी थरुनी र प्रमुख प्रशासकिय अधिकृत प्राण मेहताले संयुक्त रुपमा वडा नम्बर १ पकडी टोलका अति अपाङ साहिला काजी थारुलाई अपाङता परिचय पत्र बितरण गरि सिविरको उद्घाटन गरेका थिए ।

जिराभवानी गाउँपालिकाको आयोजनामा भएकाे शिविर उद्घाटन कार्यक्रममा वडाध्यक्ष शेख नुमान, वडा सचिव प्रभु यादव, गाउँपालिकाका स्वास्थ संयोजक सफिकुल अन्सारी लगायतकाे सहभागिता रहेकाे थियाे ।

शिविरमा डा. दिपेन्द्र कुमार मण्डल, डा. मृगेन्द्र सिंह यादव, डा. दिपिका सिंह र रोशनी अचार्यले अपाङ्ता भएका व्यक्तिहरुलाई पहिचान गरि परिचय पत्र वितरण गरेका थिए ।

यसरी गाउँपालिकाको वडा वडामा गएर अपांगहरुलाइ पहिचान गरि अपाङता कार्ड बितरण गर्न थालिएपछी स्थानीय अपाङ्ता भएका व्यक्तिहरु हर्सित भएका छन् ।

पहिला अपाङ्गता परिचय पत्रको लागि वीरगंज जानू पर्ने बाध्यताको कारणले कतिपय अपाङ्ता भएका व्यक्तिहरु अपाङ्ग भत्ता बाट बन्चित भएको कारणले गाउँपालिकाको वडा वडामा गएर अपाङ्ता परिचय पत्र बितरण घुम्ती शिबिर सन्चालन गरिएको गाउँ पालिकाका प्रशासकीय अधिकृत मेहताले जानकारी दिए ।