Date
शुक्र, मंसिर ४, २०८३
Fri, November 20, 2026
Home Blog Page 879

जि.वि.एन.सि.को नयाँ कार्यसमितिको निर्वाचन सम्पन्न

0

वीरगंज । ग्रेटर बोस्टन नेपाली कम्युनिटी (जि.वि.एन.सि.)को नयाँ कार्य समितिको निर्वाचन सम्पन्न भएको छ । अमेरिकाको म्यासाच्युसेट्स राज्यमा बस्नुहुने सम्पूर्ण नेपालीहरूको अग्रणी संस्था ग्रेटर बोस्टन नेपाली कम्यूनिटी (जि. बि. एन.सी) को आगामी दुई वर्षसम्म बहाल रहने नयाँ कार्य समिति गठन भएको हो ।

जि.वि.एन.सि.को संशोधित विधान २०१६ बमोजिम उम्मेदवारी दिएका सबै उम्मेदवार निर्बारोध निर्वाचित भएका छन् । जि.बि.एन.सीको नयाँ कार्यसमितिको अध्यक्षमा मिलन कुमार कार्की, वरिष्ठ उपाध्यक्षमा जल प्रसाद घिमिरे, उपाध्यक्षमा परशुराम फूयाल, उपाध्यक्षमा राज कुमार थापा, उपाध्यक्ष(महिला)मा अन्जु थापा, महासचिबमा चिरन्जिवी आचार्य, सचिबमा भिम वलि, कोषाध्यक्षमा घनि न्यौपाने, सह(कोषाध्यक्षमा अजय कुशवाहा , सदस्यमा शान्ति जोशी, विजय कार्की, राम शंकर गौतम लगायतका निर्वाचित भएका छन् ।

राज्यका नीति नियमहरूलाई अवलम्बन गर्दै प्रजातांत्रिक पद्धतिद्वारा यो संस्थाले हरेक दुई÷दुई वर्षमा नयकका नेतृत्व चयन गर्दै आएको छ ।

विवाहपछि वरुण धवनले अन्य अभिनेत्रीसँग फिल्म खेल्न नपाउने

0

केही दिनअघि वरुण धवन र नताशा दलाल विवाह बन्धनमा बाँधिए। बलिउडसँगै शुभचिन्तकहरु पनि उनीहरूको विवाहलाई लिएर निकै खुसी छन्। सबैले आफ्नो शैलीमा बधाई दिएका छन्। बलिउडका कलाकारहरु पनि वरुण र नताशालाई भविष्यको लागि शुभकामना दिइरहेका छन्।

यसैबीच दक्षिण भारतीय अभिनेत्री श्रद्धा श्रीनाथले पनि उनीहरुलाई बधाई दिएकी छिन्। तर उनको बधाई अरूका भन्दा निकै फरक तरिकाको छ। अभिनेत्री श्रद्धाले वरुण र नताशालाई बधाई दिँदै लेखेकी छिन्, ‘यो दु:खको कुरा हो कि हामी उनलाई (वरुण) फेरि पर्दामा देख्न सक्दैनौं। यो स्पष्ट छ कि वरुणका ससुरालीहरूले उनलाई कुनै पनि अन्य नायिकासँग काम गरेको देख्न सक्दैनन्। हुनसक्छ अब उनी पुरुषवादी फिल्ममा काम गर्नेछन्। तर उनले कसरी आफ्नो नीजि जीवन र व्यवसायिक जीवनबीच तालमेल मिलाउन सक्लान्। मुश्किल छ। उनलाई मिस गर्नेछौं। तर पनि बधाई वरुण।’

श्रद्धाको यस शैलीले सामाजिक सञ्जाल प्रयोगकर्ताहरूको ध्यान आकर्षण गरिरहेको छ। व्यक्तिहरूले  विभिन्न प्रकारका टिप्पणीहरू दिइरहेका छन्। धेरै मानिसहरूले हाँसोमै उडाएका छन्।

यसभन्दा पहिले शाहिद कपूरले पनि वरुण र नताशालाई फरक तरिकाले बधाई दिएका थिए। शाहिदले बैवाहिक जीवनको बधाई दिँदै भनेका थिए दुबै परिवारलाई डार्क साईडमा स्वागत छ।

वीरगंजमा काेराेना विरुद्धकाे पहिलाे खाेप नर्स हेमा थापालाई लगाइयाे

0

वीरगञ्ज । नेपालमा आजदेखि कोरोना भाइरस विरूद्धको खोप अभियान सुरू भएको छ । भारतले नेपाललाई अनुदानमा उपलब्ध गराएकाे खोप लगाउने कार्य सुरु भएकाे हाे ।

वीरगञ्जस्थित नारायणी अस्पतालमा कार्यरत एकजना महिला स्वास्थ्यकर्मीलाई खोप लगाएर कार्यक्रमको सुरुवात गरिएको छ । नारायणी अस्पतालको एनआईसियू वार्डकी इन्चार्ज नर्स हेमा थापालाई प्रदेश नम्बर २ मा पहिलो खोप दिइएको थियो । 

प्रदेश नम्बर २ का मुख्यमन्त्री मोहम्मद लालबाबु राउत गद्दीको प्रमुख आतिथ्यमा नारायणी अस्पतालमा आयोजित एक कार्यक्रमबीच थापालाई खोप लगाइएको अस्पतालकाे थियाे ।

त्यसपछि नारायणी अस्पतालका मेडिकल सुपरिटेन्डेन्ट डा. संजय ठाकुर, जिल्ला स्वास्थ्य कार्यालय पर्साका प्रमुख कामेश्वर चाैरसिया लगायतका स्वास्थ्यकर्मीहरुलाई खाेप लगाउने कार्य भइरहेकाे छ ।

अस्पतालले आज पहिलो दिन एक सय जनाभन्दा बढीलाई खोप लगाउँने लक्ष्य बनाएको मेसु डा. ठाकुरले बताए । उनले पहिलो चरणमा जनस्वास्थ्य कार्यालय पर्सामा नाम दर्ता गराएका सरकारी तथा निजी स्वास्थ्य संस्थाका चिकित्सक तथा स्वास्थ्यकर्मी र कर्मचारी, सफाई कर्मचारी, एम्बुलेन्स चालक, शववहान चालक समेतलाई खोप लगाउने कार्यक्रम राखिएको छ ।

दोस्रो चरणमा फ्रन्टलाईनमा खटिने सुरक्षाकर्मीलाई खोप लगाइने योजना रहेको छ ।

सरकारले स्वास्थ्य कार्यालय पर्सालाई पहिलो चरणको खोप कार्यक्रमका लागि ५ हजार जनालाई पुग्ने खोप उप्ल्बब्ध गराएकाे छ । जिल्ला खोप समन्वय समितिको निर्णय अनुसार स्वास्थ्य कार्यालयसँग भएको खोप अन्य अस्पताल र निजि स्वास्थ्य संस्थालाई पनि उपलब्ध गराइने छ ।

कार्यक्रममा पर्सा क्षेत्र नम्बर १ का विघटित प्रतिनिधिसभा सदस्य प्रदीप यादव, वीरगञ्ज महानगरपालिकाका मेयर विजय कुमार सरावगी, पर्साका प्रमुख जिल्ला अधिकारी आस्मान तामाङ, वीरगञ्जस्थित भारतीय महावाणिज्य दुतावासका महावाणिज्य दुत नितिश कुमारलगायतको उपस्थिति रहेको थियो ।

प्रधानमन्त्री केपी शर्मा ओलीले बुधबार काठमाडौँस्थित टेकु अस्पतालमा खोप अभियान कार्यक्रमको शुभारम्भ गरेपछि देशभरी पहिलो चरणमा फ्रन्टलाईनमा खटेका स्वास्थ्यकर्मीहरुलाई खोप दिन थालिएको हो ।  

स्व. कर्पुरी ठाकुरको ९८ औं जन्मजयन्ती पोखरियामा मनाइयो

0

पोखरिया । स्व. कर्पुरी ठाकुरको ९८ औं जन्मजयन्ती आइतबार पर्साको पोखरियामा मनाइएको छ । नेपाल नाई समाज पर्साले पोखरिया बजारमा एक कार्यक्रमको आयोजना गरी स्व. ठाकुरको जन्म जयन्ती भव्यताको साथ मनाएको हो ।

कार्यक्रमका प्रमुख अतिथी नेपाल नाई समाजका केन्द्रिय अध्यक्ष डा. राजेन्द्र ठाकुरले छिमेकी मुलुक भारतको बिहारका पिछडिएको समुदायलाई राज्यको मुल धारमा ल्याउन स्व. ठाकुरले महत्वपूर्ण भुमिका खेलेको वताउदै उहाँ जननायक भएको वताए ।

कार्यक्रमका बिशिष्ठ अतिथी प्राध्यापक डा. हरेराम ठाकुरले नाई समाजको विकासको लागि शिक्षामा जोड दिदै समाजबाट दाइजोप्रथा र बालविवाह हटाउन जरुरी रहेको वताए ।

समाजका अगुवा फुलेना ठाकुरको अध्यक्षतामा भएको कार्यक्रम नेपाल नाई संघका केन्द्रिय महासचिव पारस ठाकुर, जिल्ला अध्यक्ष भोला ठाकुर, सचिव उमेश ठाकुर, कोषाध्यक्ष सर्मिला ठाकुर, सोहन ठाकुर लगायतकाले मन्तव्य राखेका थिए भने कार्यक्रमको संचालन सोहनलाल ठाकुरले गरेका थिए ।

बाल संगठन पर्साको साधारण सभा सम्पन्न

0

वीरगञ्ज । नेपाल बाल संगठन पर्साको शनिबार साधारण सभा सम्पन्न भएको छ । सम्पन्न साधारण सभाले तदर्थ समितिका सभापति रामकिशोर सिंह (पराग)को नेतृत्वमा नयाँ कार्यसमिति चयन गरेको छ ।

नवगठित समितिको उप सभापतिमा निशा बर्मा, सचिवमा हेमन्त तामाङ, कोषाध्यक्षमा राजाबाबु रौनियार रहनु भएको छ । यस्तै सदस्यहरुमा मुकेस महरा, शुसिल केसी, पुकार सुवेदी र सृजना पाण्डे रहनु भएको छ ।

नेपाल बाल संगठनका केन्द्रीय प्रतिनिधि तथा वीरगञ्ज महानगरपालिका वडा नं.८ का वडाध्यक्ष राजकिशोर गुप्ताको प्रमुख आतिथ्यता तथा नेपाल बाल संगठन सर्लाहीका तदर्थ समिति सभापति समिम बाबु खानको विशिष्ट आतिथ्यतामा भएकाे कार्यक्रममा नयाँ कार्यसमिति चयन गरिएको हो ।

नयाँ कार्यसमितिलाई बधाई दिँदै संगठनका प्रतिनिधि राजकिशोर गुप्ताले बालबालिकाको हकहितका क्षेत्रमा दृढ भएर लाग्न आग्रह गर्नुभयो ।

नेपाल बाल संगठको बिधान अनुरुप साधारण सभाबाट सर्वसम्मत चयन भएका सभापति सिंहले अन्य पदाधिकारी नियुक्त गर्नु भएको हो । नयाँ समितिले आगामी ४ वर्ष बालबालिकाको हितमा दृढ भएर काम गर्ने सभापति सिंहले प्रतिबद्धता जनाएका छन् ।

दाइजाे उन्मुलन विषयक अन्तरक्रिया कार्यक्रम सम्पन्न

0
वीरगञ्ज । पब्लिक एफएमले शनिबार वीरगञ्ज महानगरपालिकाकाे वडा नं. १४ स्थीत श्री नृसिंह माविमा समाजबाट दाईजो कसरी उन्मुलन पार्ने बिषयमा अन्तरक्रिया कार्यक्रम सम्पन्न गरेको छ ।
 
एफएमका निर्देशक शम्भु महतो थारुको सभापत्तिव र वडा नं. १४ का वडाध्यक्ष भरत प्रसाद कुर्मीकाे प्रमुख आतिथ्यतामा भएकाे कार्यक्रममा विद्यालय व्यवस्थापन समितिका अध्यक्ष रामबाबु कुर्मी, नेपाली कांग्रेसका नेता रामनारायण प्रसाद कुर्मी, सशस्त्र प्रहरीका डियसपि दिपेन्द्र थापा, वडा प्रहरी कार्यालय श्रीपुरका प्रहरी साहायक निरिक्षक अवधलाल साह, गण्डक प्रहरी चेक पोष्टका असई राजेश मण्डल लगायतकाले आ–आफ्नो बिचार व्यक्त गरेका थिए ।
 
कार्यक्रममा रेखा सिंहले दाईजो बिषयमा रचना सुनाएकी थिईन । पब्लिक एफएमको कार्यक्रम संयोजक लालबाबु सिंहले स्वागत मंतव्य राखेका थिए भने कार्यक्रमको सहजीकरण स्टेशन प्रमुख राजेन्द्र सिंहले गरेका थिए ।

छिपहरमाईमा नि:शुल्क आँखा शिविर सम्पन्न

0

वीरगंज । पर्साकाे छिपहरमाई गाउँपालिका वडा नं. ४ बन्जारीमा शनिबार नि:शुल्क आँखा शिविर सम्पन्न भएकाे छ ।

श्री सनसाइन इंगलिश बाेर्डिङ स्कुल बन्जारीमा भएकाे कार्यक्रममा एक सय ६० जनाले आँखा परिक्षण गराएका छन् । जस मध्ये ७० जनामा मातिविन्द फेला परेकाे स्कुलका संचालक अनिल साहले वताए ।

स्वास्थ्य बिमा बोर्ड, किरण आँखा अस्पतालको सहयोगमा र स्थानिय रबिकान्त महतोको आयाेजनामा भएकाे आँखा शिविरमा नेपाली कांग्रेसका स्थानिय नेता रामेश्वर महतो, रामबाबू यादव लगायतकाे उपस्थिती रहेकाे थियाे ।

शिविरमा किरण आँखा अस्पतालका डाक्टर निरन्जन यादव, रामबाबु चाैरसिया लागयतकाले चिकित्सकहरुले आँखा परिक्षण गरेका थिए ।

इन्जिनियर एशोसियसनका ५५ जना इन्जिनियर समाजमा प्रवेश

0

वीरगंज । नेपाल कम्युनिष्ट पार्टी निकट नेपाल इन्जिनियर एशोसियसनका ५५ जनाले जनता समाजवादी पार्टी निकट नेपाल इन्जिनियर समाजमा प्रवेश गरेका छन् ।

वीरगञ्जमा नेपाल इन्जिनियरीङ्ग समाज जिल्ला कार्यसमिति पर्सा र बाराको आयोजनामा भएको कार्यक्रममा एशोसियसनका प्रदेश अध्यक्ष राजेश राय यादबसहित ५५ जनाले प्रवेश गरेका जसपा पर्साका सचिव तबरेज अहमदले जानकारी दिए ।

समाजका केन्द्रिय सल्लाहकार हरीशंकर साहको सभापतित्व र जसपा पर्साका अधयक्ष रामनरेश यादबकाे प्रमुख आतिथ्यतामा भएकाे कार्यक्रममा पूर्व सांसद इन्जिनियर आत्माराम साह, बौद्धिक पेशाकर्मी प्रदेश नं. २ का अध्यक्ष बिजय यादब, जसपा पर्साका सचिब तबरेज अहमद, नेपाल इन्जिनियर समाजका केन्द्रिय सचिब रबी कुमार पटेल, श्यामबाबु गुप्ता, शशीभुषण साह, समाजका प्रदेश उपाध्यक्ष सुजित साह, जसपाका नेता पन्नालाल साह लगायतले शुभकामना मन्तव्य व्यक्त गरेका थिए ।

ग्यास अधिकृत विक्रेता संघ पर्साकाे अध्यक्षमा पुन: बिरेन्द्र साह चयन

0
वीरगंज । ग्यास अधिकृत विक्रेता संघ पर्साकाे ८ औं साधारण सभा तथा ५ औं जिल्ला अधिवेशन शनिबार वीरगंजमा सम्पन्न भएकाे छ । बीरगंजस्थित होटल कुमु प्यालेसमा सम्पन्न साधारण सभा तथा अधिवेशनले पुन: बिरेन्द्र साहकाे अध्यक्षतामा २५ सदस्यीय नयाँ कार्य समिति चयन गरेकाे छ ।
 
जुन समितिकाे बरिष्ठ उपाध्यक्ष इन्द्रजित राैनियार, उपाध्यक्ष मनाेरन्जन साह, महिला उपाध्यक्ष सिन्दु देवी, महासचिव रामनाथ साह, सचिव निरन्जन साह, काेषाध्यक्ष लक्ष्मण साह, सह काेषाध्यक्ष रामाज साह चयन भएका छन् ।
 
यस्तै समितिकाे सदस्यमा विकास गुप्ता, राजन सिंह, मंजु अंसारी, अनिल साह तेली, दुर्गा साह तेली, विनाेद गिरी, अंकित कुमार चाैरसिया, राजेश गुप्ता, फ्रन्कु शर्मा, इन्दु भुषण कुशवाहा, मेघनाथ प्रसाद कलवार, धर्मराज प्रसाद पटेल, सुनिल साह, नुर आलम, नरेश प्रसाद साह चयन भएका छन् ।
 
साधारण सभा तथा अधिवेशनकाे उद्घाटन वीरगंज उद्याेग वाणिज्य संघका अध्यक्ष गाेपाल केडियाले गरेका थिए ।
 
ग्यास अधिकृत विक्रेता संघ पर्साका अध्यक्ष विरेन्द्र साहकाे अध्यक्षतामा उद्घाटन समाराेहमा एलपि ग्याँस उद्योग संघको उपाध्यक्ष मनोज कुमार दास, ग्यास बिक्रेता महासंघका संस्थापक अध्यक्ष ज्ञानेश्वर अर्याल, ग्यास बिक्रेता महासंघ प्रदेश नं २ का संयोजक राजकुमार सिन्धी, नेपाल पत्रकार महासंघ पर्साका अध्यक्ष श्याम बञ्जारा, वान प्रदेश नं. २ का संयोजक आरसी यादव लगायतकाले शुभकामना मन्तव्य राखेका थिए भने कार्यक्रमकाे संचालन संचारकर्मी माधुरी महतोले गरेकी थिइन ।
देशभरीका ग्यास व्यवसायीहरुकाे सामुहिक एकवद्धता, व्यवस्थित र आत्मनिर्भर ग्यास काराेबार हाम्राे प्रतिबद्धता नाराकाे साथ साधारण सभा र अधिबेशन सम्पन्न भएकाे हाे ।

प्रहरीद्वारा सखुवा प्रसाैनीमा लगाइएकाे गाँजा खेती फडानी

0

जिराभवानी । पर्साको सखुवा प्रसाैनी गाउँपालिकामा अबैध रुपमा लगाइएको गाँजा खेती प्रहरीले फाडेर नस्ट गरेको छ ।

ईलाका प्रहरी कार्यालय पटेर्वा सुगौलीबाट प्रहरी निरीक्षक रामकाजी थापाको नेतृत्वमा गएको प्रहरी टोलिले सखुवा प्रसाैनी गाउँपालिका वडा नम्बर १ अकुवनियामा अबैध रुपमा लगाइएको गाँजा खेती फाड्नुको साथै आगो लगाएर नस्ट गरेकाे हाे ।

गाँजा खेती कस्लेे गरेकाे थियाे बारेमा अनुसन्धान भैरहेको प्रहरी निरीक्षक थापाले जानकारी दिए ।

 ईलाका प्रहरी कार्यालय पटेर्वा सुगौलीले एक महिनादेखि ग्रामीण क्षेत्रमा अबैध रुपमा लुकाइ छिपाइ रोपिएको गाँजा फाड्ने अभियानलाई तिव्रता दिईएकाे छ । अहिले सम्म १२ बिगहा १८ कठामा लगाइएको गाँजा खेती फाडेर नस्ट गरिएको प्रहरी निरीक्षक थापाले जानकारी गराए ।