Date
शुक्र, मंसिर ४, २०८३
Fri, November 20, 2026
Home Blog Page 861

लामखुट्टे नियन्त्रणकाे लागि वीरगंज महानगरलाई नेवि संघकाे ज्ञापन

0

वीरगंज । नेवि संघ पर्साले वीरगंजमा बढेकाे लामखुट्टे नियन्त्रण गर्न वीरगंज महानगरपालिकाका मेयर विजय कुमार सरावगीलाई ज्ञापन पत्र बुझाएकाे छ ।

नेवि संघ पर्साका अध्यक्ष विश्वास द्विवेदीकाे नेतृत्वमा वीरगंज महागरपालिका पुगेका नेवि संघका नेताहरु मेयर सरावगीलाई भेटी ज्ञापन पत्र बुझाएका हुन् ।

ज्ञापन पत्र मार्फत वीरगंज महानगरपालिकामा लामखुट्टे आतंकले जनजीवन अक्रान्त भएकाे प्रति नेवि संघकाे गम्भिर ध्यानाकर्षण भएकाे भन्दै लामखुट्टेका कारण डेङ्गु, मलेरिया जस्ता महामारी फैलिने खतराले विद्यार्थी तथा आम जनसमुदायलाई पिडा हुने भएकाेले वीरगंज महानगरपालिकालाई समस्या नियुनीकरण गर्न आग्रह गरिएकाे छ ।

ज्ञापन पत्र बुझाउन नेवि संघ पर्साका उप सभापति जितेन्द्र मिश्र, विकेस पटेल, जिल्ला सदस्य अमित राइडर, प्रसान्त कलवार, इगराशन कलवार लगायतका वीरगंज महानगरपालिकाकाे कार्यालय पुगेका थिए ।  

वीरगंजमा स्लो साइकल प्रतियोगिता सम्पन्न

0

वीरगञ्ज । वीरगंज साइक्लिङ्ग क्लबकाे आयाेजनामा शनिबार स्लो साइकल प्रतियोगिता सम्पन्न भएकाे छ ।

जिल्ला प्रहरी कार्यालय पर्सा नजिक रहेकाे मैदानमा भएकाे प्रतियाेगितामा केशव खेतान प्रथम भएका थिए । अशोक चौधरी र रचित सरावगी क्रमश द्वितीय र तृतीय भएका थिए । कार्यक्रममा प्रथम, द्वितीय र तृतीय हुनेलाई शिल्ड र सहभागीलाई मेडल प्रदान गरिएको थियो ।

कार्यक्रममा बोल्दै जिल्ला प्रहरी कार्यालय पर्साका प्रमुख प्रहरी उपरीक्षक बेलबहादुर पाण्डेले साइकल चलाउँदा व्यक्तिगत स्वास्थ्य र वातावरण संरक्षण दुवैतिर फाइदा हुने बताए ।

साइकलको प्रयोग बढाउने उद्देश्यले आयोजना गरिएको प्रतियोगितामा ६ वर्षदेखि ६० वर्ष उमेर समूहका साइकल चालकहरु सहभागी भएका थिए ।

वीरगञ्ज साइक्लिङ क्लबकी कोषाध्यक्ष एवं प्रतियोगिता आयोजक कमिटीको संयोजक नुतन सरावगीले साइकलको प्रयोग बढाउनका लागि क्लबले विभिन्न गतिविधिको अयोजना गर्ने क्रममा ‘स्लो साइक्लिङ कम्पिटिसन’को आयोजना गरिएको बताइन् ।

क्लबका अध्यक्ष संजय कुमार अग्रवालकाे अध्यक्षता र वीरगंज महानगरपालिकाका मेयर विजय कुमार सरावगीकाे प्रमुख आतिथ्यतामा भएकाे कार्यक्रममा पर्साका प्रमुख जिल्ला अधिकारी आस्मान तामाङ, नेपाल पत्रकार महासंघ प्रदेश नं. २ का अध्यक्ष दिपेन्द्र चाैहान, सशस्त्र प्रहरी गणका प्रहरी उपरिक्षक राजेन्द्र खड्का, वीरगंज उद्याेग वाणिज्य संघका अध्यक्ष गाेपाल केडिया लगायतकाे सहभागिता रहेकाे थियाे ।

सामाजिक रुपान्तरणको लागि दलित दबाब समुह गठन

0

वीरगंज । पर्साकाे जिराभवानी गाउँपालिका वडा-४, सुपौलीमा १४ औं अन्तर्राष्ट्रिय सामाजिक न्याय दिवसको अवसरमा सामाजिक रुपान्तरण र दलित समुदायकाे सशक्तीकरण तथा दलित अधिकारको लागि दलित दबाब समुह गठन गरिएको छ।

पिसफोर दलितस फाउन्डेसन नेपाल, प्रदेश -२, को आयोजना र सिसिबि नेपाल, काठमाडौंको सहयोगमा सुपाैलीमा भएकाे दलित समुदायकाे एक भेलाले किशनाथन रामकाे संयोजकत्वमा ११ सदस्यीय दलित दबाव समुह गठन गरेकाे हाे । नव गठित समुहकाे  सह संयोजक जगदीश राम, सदस्यहरु कोसिला देवी, सरिता देवी, आल्सा देवी, देवराज राम, कमलावती देवी, राजेश राम, हेमलाल राम, प्रमोद राम, शिव राम, सोनालाल राम, केशराज राम लगायत रहेको छ्न् ।

दलित समुदायको माथि भैइरहेको हिंसा, हत्या, विभेदको विरुद्ध आवाज उठाउन दलित दबाब समुह गठन गरिएको फाउनन्डेसनका अध्यक्ष मनाेज रामले वताए । दलित माथिको जातीय विभेद, छुवाछूत, सामाजिक विभेद, अन्याय, अत्याचार, दमन, शोषण, असमानता कायम नै रहेकोे उनकाे भनाई छ ।

भेलामा दलितको सामाजिक न्याय तथा सामाजिक स्वतन्त्रताको लागि १०१ दलित युवा नेतृत्व अभियानको संयोजक सुरेन्द्र पासवान , पिसफोर दलितस फाउन्डेसन नेपालका चन्द्र्किशोर राम, परमान्द राम, दलित अगुवाहरु चन्द्रेशवर राम लगायतको सहभागिता रहेकोे थियाे ।

पाेखरिया युवा समाजद्वारा विपन्न परिवारकाे विवाहमा सहयाेग

0

पर्सा । पोखरीया युवा समाजले शनिबार एक कार्यक्रमका बिच पोखरीया नगरपालिका वडा नम्बर ६ श्रीसियाका एक बिपन्न परिवारका छोरीको विवाहमा २१ हजार मुल्य बराबरको बिभिन्न सामग्री सहयाेग गरेको छ ।

युवा समाजका अध्यक्ष भगवान दास तात्वाको नेतृत्वमा समाले २ बोरा चामल, ५० किलो आलु, २५ किलो मसुरो दाल, २५ किलो चिनी, १ टिन रिफाईन तेल, १ टिन सरसो तेल, २० किलो मैदा, १० किलो बेसन, २० किलो प्याज, ३ सय पाता, ३ सय गिलास सहयाे गरेको हो ।

कार्यक्रममा युवा समाजका दिनेश मिश्रा, मनोज गुप्ता, मन्नु गिरी, मुमताज आलम, संतोष चौहान लगायतको सहभागीता रहेको थियो ।

वीरगंजमा ट्रकको ठक्करले माेटरसाइकल चालककाे मृत्यु

0

वीरगंज । वीरगन्ज ड्राइपोट सडक खण्डमा शनिबार ट्रकको ठक्करबाट मोटरसाइक चालकको मृत्यु भएको छ । वीरगन्जबाट ड्राडपोट जाँदै गरेको ना ५३ प ८७६२ नम्बरको मोटरसाइकललाई विपरीत दिशाबाट आइरहेको ना ४ ख १८३९ नम्बरको ट्रकले ठक्कर दिदा मोटरसाइकल चालकको मृत्यु भएको र मोटरसाईकलमा सवार एक जना गम्भीर घाइते भएको वडा प्रहरी कार्यालय श्रीपुरका प्रहरी निरीक्षक दिपक साहले जानकारी दिए ।

मोटरसाइकल चालक पर्सा जिल्ला सखुवाप्रसौनी गाउँपालिका वडा नम्बर २ श्रीपुर पंचगवा बस्ने ६२ बर्षका छठु साहको नारायणी अस्पतालमा उपचारको क्रममा मृत्यु भएको प्रहरीले जनाएको छ ।

त्यसैगरि मोटरसाइकलमा सवार वीरगन्ज महानगरपालिका वडा नम्बर १९ निवसी २७ बर्षकि चन्दा देवी साहको वीरगन्जको तराई अस्पतालमा उपचार भैरहेको छ । उनको अवस्था पनि चिन्ताजनक नै रहेको चिकित्सकहरुले जनाएका छन् ।

मोटरसाइकललाई ठक्कर दिने ट्रक प्रहरीको नियन्त्रणमा रहेको छ भने ट्रक चालकको खोजी कार्य भइरहेको प्रहरीले जनाएको छ ।

तेस्रो पर्सागढी गोल्डकपको उपाधी युनाईटेड क्लब वीरगंजलाई

0

पर्सागढी । फ्युजन फुटबल क्लब गाइघाटलाई हराउदै युनाइटेड क्लव बीरगंज तेस्रो पर्सागढी गोल्डकपको उपाधी जितेको छ ।

आमोदेबि युवा स्पोर्ट्स क्लबको आयोजनामा बढनिहार खेल मैदानमा सम्पन्न फाइनल खेलमा फ्युजन क्लबलाई ट्राईब्रेकरमा हराउदै बीरगंजले उपाधी जितेको हो । निर्धारित समयमा दुबै टिमले गोल गर्न नसकेपछि खेल ट्राईब्रेकरमा धकेलियको थियो ।

गोल्डकपको विजेता बनेको युनाइटेड क्लव बीरगंजले १ लाख ५ हजार सहित ट्रफी र उपविजेता बनेको फ्युजन क्लब ५५ हजार नगदसहित ट्रफी प्रदान गरिएको छ । युनाइटेड क्लव बीरगंजको आजको यो जीत संगै क्लव लगातार तेस्रो पटक उपाधी जित्न सफल बनेको छ ।

प्रतियोगिताको समापन कार्यक्रममा बोल्दै प्रमुख अतिथि नेपाली कांग्रेसका केन्द्रिय सदस्य अजय कुमार चौरसियाले हरेक बर्ष जसो गोल्डकपको आयोजना भइरहेको पर्सागढीमा ब्यवस्थीत रंगशालाको आवश्यकता महसुस भएको र त्यसका लागी केन्द्रबाटआफुले पहल गर्ने प्रतिवद्धता ब्यक्त गरे ।

त्यस्तै कार्यक्रमका विशिष्ट अतिथी प्रदेशसभा सदस्य राजेश्वर प्रसाद साह, पर्सागढीका मेयर लोकनारायण यादब, उपमेयर अर्चना चौधरी, पर्सागढी वडा नं ९का अध्यक्ष राम नारायण गौरो, नेकपा पर्सागढीका अध्यक्ष गोकर्ण पाठकलगायतले मन्तब्य व्यक्त गरेका थिए ।

नगर स्तरिय क्रिकेट प्रतियोगितामा पिपरा बिजयी

0

वीरगंज । समग्र नेपाल नामक समाजिक संस्था, बहुदरमाई नगरपालिकाद्वारा आयोजित नगर स्तरिय क्रिकेट प्रतियोगिताको शनिबार भएको फाइनल खेलमा पिपरा टिम ५ बिकेटले बैरिया टिमलाई पराजित गरि प्रथम बिजेता भएको छ ।

प्रथम बिजेता पिपरा र द्वितीय बिजेता बैरियालाई प्रदेश न. २ का भौतिक पुर्बाधार बिकास राज्य मन्त्री डा. डिम्पल झाले शिलड सहितको पुरस्कार बितरण गरेकी थिइन् ।

खेलमा उत्कृष्ट प्रदर्शन गर्ने मध्ये नरेन्द्र पटेललाई मैन अफ द म्याच र असरफ आलमलाई मैन अफ द सिरिजको पुरस्कार कार्यक्रमका बिशिस्ट अतिथी जसपाका केन्द्रिय सदस्य शिव पटेलले बितरण गरेका थिए । पुरस्कार बितरण समारोहलाई सम्बोधन गर्दै भौतिक पुर्बाधार बिकास राज्य मन्त्री डिम्पल झाले युवाहरुलाई अनुशाशित बनाउन प्रदेश सरकार खेल प्रति संबेदनसिल रहेको बताउदै चाडै सरकारले प्रदेश स्तरिय प्रतियोगिताको आयोजना गर्ने बताईन ।

शोभराती देवानको अध्यक्षता भएको पुरस्कार वितरण कार्यक्रममा सम्पुर्ण खेलाडीहरुलाई क्रमश जसपाकी केन्द्रिय सदस्य रम्भा मिश्र, नेता कृष्ण पटेल, जिल्ला सचिव श्रीराम जि गिरि, जिल्ला सदस्य निशेश यादव, नगर अध्यक्ष कृष्ण यादव, बहुदरमाई नगरपालिका–८ का वडाध्यक्ष पुनिलाल साह, नगर सदस्य सोनालाल साह, रामाधार यादब, श्रवण राउत कुर्मी, शिक्षा प्रेमी पानालाल साह लगायतले मेडल बितरण एवम् शुभकामना मन्तव्य ब्यक्त गरेका थिए ।

युथ कांग्रेस नेपाल पर्साको संगठन बिस्तार

0

वीरगंज । नेपाली कांग्रेस निकट रहेको युवाहरुको संगठन ‘युथ कांग्रेस नेपाल’ पर्सा जिल्ला कार्य समिति विस्तार भएको छ । शनिबार वीरगंजस्थित ठाकुर राम क्याम्पसमा बैठक बसी सुमेश्वर साहको अध्यक्षतामा २१ सदस्यीय कार्यसमिति विस्तार गरिएको हो ।

उक्त कार्यसमितिको उपाध्यक्षमा अनिल पटेल, नरेश प्रसाद रौनियार, सचिवमा राहुल कुमार कानु , सह सचिवमा पवन कुमार पटेल, श्याम गुप्ता, कोषाध्यक्षमा अंजली मण्डल, सदस्यहरुमा देवनाथ महतो, प्रदिप गुप्ता, मुकेश गुप्ता, सुमित श्रीवास्तव, जाहुर अंसारी, रन्जन सरार्फ , दिपक महतो, रंजित कु कानु, केशव कुमार मण्डल, प्रदिप साह, रंजित कुमार कानु, सुजित कुमार मिश्र, श्याम गुप्ता, अकाश गुप्ता, राजु गुप्ता चयन भएका छन् ।

नेपालका युवा लोकतन्त्रवादीहरुको अभियान युथ कांग्रेस नेपालले पछिल्लो ३ वर्ष देखि लोकतन्त्रको सुदृढीकरण र सुशासनको प्रत्याभुतीको लागि विभिन्न कार्यक्रम चलाउदै आइरहेको छ ।

युथ कांग्रेस नेपाल प्रदेश नं २ का सदस्य राहुल कुमार गुप्ता, वि.पि कोइराला युवा मन्चका प्रदेश न २ सम्पर्क ब्यक्ति मनोहर साह, पर्सा जिल्ला अध्यक्ष हरेन्द्र यादव,नेपाली कांग्रेसका युवा नेता धिरज गुप्ता लगायतको उपस्थितमा समिति विस्तार गरिएको हो ।

दरदर्वामा युवा जागरण कमिटी गठन

0

वीरगंज ।  युवा जनशक्ति समाज नेपाल पर्साद्धारा सञ्चालित युवा जागरण अभियान अन्तर्गत शनिबार वीरगंज महानगरपालिका वडा नं. २८ दरदर्वामा युवा जागरण कमिटी गठन भएको छ ।

दरदर्वा स्थित श्री नेपाल जनता आधारभुत विद्यालयको प्राङ्गणमा भएको युवाहरुको भेलाले २५ सदस्यीय युवा जागरण कमिटी गठन भएको छ । स्थानिय युवा प्रदीप गुप्ताको संयोजकत्वमा जागरण कमिटी गठन भएको हो । जस्को सह–संयोजकमा आरिफ मियाँ र पवन पटेल, सदस्यहरुमा धर्मेन्द्र पटेल, राजनेश साह,रामजिवन मण्डल, रामप्रवेश सहनी,सुबाश साह, धिरेन्द्र सहनी,सुसिल सहनी, दिपेन्द्रपटेल, जयकरण माझी, जीवन माझी, कन्हैया राम, मुकेश पण्डित, जितेन्द्र पटेल, राजीव ठाकुर, लक्ष्मण महतो, जयराम महतो, अवधेश सहनी र बलिराम पटेल लगायत रहनु भएको छ ।

स्थानिय युवा प्रदिप गुप्ताको अध्यक्षतामा भएको कार्यक्रममा प्रमुख अतिथि युवा जनशक्ति समाज नेपाल पर्साका अध्यक्ष बिनेश प्रसाद कुर्मीले युवाहरु विभिन्न समय र कार्यमा प्रयोग हुदै आएको तर युवाहरुको उन्नति र विकासको लागि कसैको ध्यान पु्गन नसकेकोले युवा जनशक्ति समाज हरपल, हरक्षण साथमा रहने प्रतिबद्धता व्यक्त गर्नु भयो ।

युवाहरु समाज र राष्ट्रका अभिन्न अंग भएकाले सचेत भई संयमताका साथ एकजुट भएर अगाडि बढन आग्रह गर्नु भयो । वडामा विभिन्न किसिमका समस्याहरु रहे पनि शिक्षा, स्वास्थ्य, यातायात, रोजगारी लगायतका आधारभुत समस्याहरुको पहिचान गरी अगाडि बढन सुझाव दिनु भयो । यहाँको स्कूलको अवस्था एकदमै दयनिय रहेकोले सुधारका निम्ति आजैबाट आ–आफ्ना स्थानबाट लाग्न सबै सदस्यहरुलाई आग्रह समेत गर्नु भयो ।

सो अवसरमा युवा जनशक्ति समाज नेपालका सचिव जायेद हुसैन, युवा जागरण अभियानका सह–संयोजक संगित पाण्डे, अभियानका सल्लाहकार बिरेन्द्र ठाकुर, सदस्यहरु करण पटेल, विक्रम पटेल, अहमद अफरोज र मनोज प्रसाद कुर्मी लगायतको सहभागीता रहेको थियो । सो कार्यक्रमको सहजीकरण सदस्य अजय कुमार चौरसियाले गर्नु भएको थियो ।

विपत पश्चात तथ्याङक संकलन तथा क्षतिको लेखाजोखा प्रशिक्षण कार्यक्रम सम्पन्न

0

वीरगंज । पर्साको पर्सागढी नगरपालिकामा आईतबार बाल केन्द्रित विपत जोखिम न्युनिकरण कार्यक्रम अन्तर्गत विपत पश्चात तथ्याङक संकलन तथा क्षतिको लेखाजोखा प्रशिक्षण कार्यक्रम सम्पन्न भएको छ ।

नेपाल रेडक्रस सोसाईटी पर्सा शाखाको आयोजनामा भएको कार्यक्रममा नगरपालिकाका ९ वटा वडाका वडाध्यक्ष, सचिव तथा समाजिक अगुवाहरुको सहभागिता रहेको थियो ।

कार्यक्रममा रेडक्रसका उमेश मिश्रा तथा साबिर अहमद एराजले प्रशिक्षण दिएका थिए ।