Date
शुक्र, मंसिर ४, २०८३
Fri, November 20, 2026
Home Blog Page 860

ठाेरी गाउँपालिकामा छाेरीकाे ठाउँमा बुवाले काम गरिरहेकाे फेला

0

जिराभवानी । पर्साको ठोरी गाउँपालिकामा छोरीको दरबन्दीमा बुवाले काम गरिरहेको पाइएको छ । ठोरी गाउँपालिका वडा नम्बर ५ मा रहेको स्वास्थ चौकीमा कार्यरत कार्यालय सहयोगी सर्मिला रुम्बाको ठाउँमा उनका बुवा कृष्ण बहादुर रुम्बाले कार्यालय सहयोगीको रुपमा काम गरिरहेका पाइएको हाे ।

सर्मिला गाउँपालिकाको तर्फबाट करार सेवामा काम गरिरहेकी थिइन । उनी गएको महिना बिहे गरि चितवन गएपछि उनका बुवाले नै कार्यालय सहयोगीको रुपमा स्वास्थ चौकीमा काम गरिरहेको स्थानीयले बताएका छन् ।

सर्मिला तलब बुझ्न र करारको म्याद थप गर्नको लागि मात्र कार्यालय आउने गरेको स्थानीयले बताएका छन् । सर्मिला हिजो मात्र करारको म्याद थप गराइ पुन: आफ्नो ससुरा चितवन नै गएको स्थानीयले गुनासो गरेका छन् ।

तर ठोरी गाउँपालिकाका प्रमुख प्रशासकीय अधिकृत कृष्ण लाल श्रेष्ठले आफुलाइ सर्मिला कार्यालयमा उपस्थित नभएको बारे कुनै जानकारी नआएको र छोरीको नाममा बुवाले काम गर्न नपाउने भन्दै यश बिषयमा तत्काल छानबिन गरिने र त्यसो भेटिए कानुन अनुसार कारवाही गरिने बताए ।

यता स्वास्थ संयोजक रमेश राज थिङ्ले सर्मिला बिहे गरेर गएको आफुलाइ जानकारी भएको तर कार्यालयमा उस्को बुवाले काम गरिरहेको बारे आफुलाइ जानकारी नभएको भन्दै आजै सत्य तथ्य बुझ्न अनुगमन समेत गर्ने बताए ।

दिव्य कन्या माविमा कम्प्युटर तालिम सुरु

0

वीरगंज । पर्साकाे कालिकामाई गाउँपालिका वडा नं. ५ बिरन्चीबर्वास्थित रहेकाे दिव्य कन्या माध्यमिक विद्यालयमा साेमबारदेखी छाेटाे अवधिकाे ३९० घण्टा सीपमूलक तालिम अन्तर्गत कम्प्युटर तालिम सुरु भएकाे छ ।

सि.टि. भिटीकाे कार्यालय  प्रदेश नं. २ जनकपुरधामकाे सहयाेग र दिव्य कन्या मावि बिरन्चबर्वाकाे आयाेजनामा सीप मूलक तालिम अन्तर्गत कम्प्युटर हार्डवेयर टेक्निसियन र कम्प्युटर रिपेयर तथा मेन्टेनेस टेक्निसियन तालिम सुरु भएकाे विद्यालयका सहायक प्रशिक्षक राहुल साहले वताए ।

विद्यालयमा सुरु भएकाे तालिमकाे एक कार्यक्रमकाे बिच कालिकामाई गाउँपालिकाका अध्यक्ष नथुनी प्रसाद कुशवाहाले उद्घाटन गरेका थिए ।

विद्यालयका प्रधानाध्यापक रामयतन प्रसादकाे अध्यक्षतामा भएकाे कार्यक्रममा वडाध्यक्ष पवन तिवारी, गाउँपालिकाका शिक्षा शाखा प्रमुख हिमान्सु भट्ट, शिक्षक महासंघ कालिकामाईका अध्यक्ष इनरदेव पटेल, सबिता देबी, जानकी देबी लगायतकालेे मन्तव्य राखेका थिए ।

६५ दिन सम्म चल्ने तालिममा प्रशिक्षक श्याम कुशवाहा, राहुल साह, नन्दकिशाेर चाैहान र पुरुषाेत्म चाैरसियाले प्रशिक्षण दिइरहेका छन् ।  दुई समुहमा संचालित तालिममा २०/२० जना गरी ४० जनाकाे सहभागिता रहेकाे छ ।

मास्काेट एकेडमीमा १५ महिलासहित ५० जनाद्वारा रक्तदान

0

वीरगञ्ज । मास्कोट एकेडमी वीरगंजकाे २० औं वार्षिकोत्सवकाे अवसरमा साेमबार रक्तदान कार्यक्रम सम्पन्न भएकाे छ ।

विद्यालय प्राङ्गणमा भएकाे कार्यक्रममा १५ महिलासहित ५० जनाले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डेले वताए । कार्यक्रममा विद्यालयका निर्देशक छेदुप लामा, उमेश लामा, सरिता खड्की, साेनी थापा, राेशनी श्रेष्ठ, ओमप्रकाश कानु, राहुल तामाङ, रामाशंकर राय यादव, निशा चाैधरी, सिमा घिमिरे, संताेशी देबी, पुजा प्रजापति लगायतकाले  रक्तदान गर्नेकाे उनले जानकारी दिए ।

विद्यालयका निर्देशक लामाकाे अध्यक्षता र वीरगञ्ज महानगरपालिका वडा नम्बर ५ का वडाध्यक्ष प्रदीप चौरसियाकाे प्रमुख अतिथ्यमा भएकाे कार्यक्रममा वीरगञ्ज युवा समाजका अध्यक्ष कमल चौगाई, नेपाल फोटो पत्रकार महासंघ प्रदेश नम्बर २ का अध्यक्ष पंकज श्रेष्ठ, वडा प्रहरी कार्यालय विर्ताका जीवन सुवेदी, रक्तसञ्चार केन्द्र वीरगञ्जका प्राविधिक धिरेन्द्र झा र लक्ष्मी साहित्य समाजका अध्यक्ष महेश चन्द्र गौतमलगायतको सहभागिता रहेको थियो । 

कार्यक्रममा स्वागत मन्तव्य प्रधानाध्यापक अञ्जली श्रेष्ठले दिएकी थिइन भने कार्यक्रम सञ्चालन रोशनी श्रेष्ठले गरेकी थिइन ।

प्रथम मधेश आन्दाेलनकाे शहिदहरुकाे शालिक निर्माण गर्न माग

0
वीरगंज । प्रथम मधेश आन्दाेलनका शहिदहरुकाे शालिक निर्माण गर्नकाे लागि जनता समाजवादी पार्टी (जसपा) पर्साका नेताहरुकाे एक समुहले वीरगंज महानगरपालिकाकाे ध्यानाकर्षण गराएकाे छ ।
 
जसपाका नेता राजेशमान सिंह, शशीकपुर मियाँ, जनार्दन यादव, प्रेमबाबु पटेल, उमेशलाल सहनी, मदन यादव, संताेश तिवारी, मुकेश द्विवेदी, अमाेद यादव, शशी पाण्डे, लियाकत अली लगायतकाले साेमबार वीरगंज महानगरपालिकाका मेयर विजय कुमार सरावगीलाई भेटी २०६२/०६३ को प्रथम मधेश आन्दोलनको सहिदहरूको पनि शालिक बनाउन लिखित ध्यानाकर्षण गराएका हुन् ।
 
उनीहरुले वीरगंज घण्टाघर प्रहरी चाैकी नजिककाे खाली जग्गामा वीरगंज महानगरपालिकाद्वारा सहिदहरुकाे शालिक निर्माण हुनु  अलि सुखत तथा सराहनिय कार्य गरेकाेमा वीरगंज महानगरपालिका धन्यावादकाे पात्र भएकाे ठहर गर्दै मधेश आन्दाेलनका क्रममा पर्सामा शाहादत प्राप्त गरेका सम्पूर्ण बिर सहिदहरुकाे शालिक निर्माण हुनु पर्नेमा २०६२/०६३ काे प्रथम मधेश आन्दाेलनमा शाहदत प्राप्त गरेका सहिदहरुकाे शालिक निर्माण नहुनु दु:खद तथा गैर जिम्मेवारी कार्य भएकाे ठहर समेत गरेकाे छन् ।
 
२०६२/०६३ सालमा भएकाे मधेश आन्दाेलनमा शाहदत प्राप्त गरेका सहिद दिपेन्द्र साह, बिरबल मुखिया विन र महाविर गिरीकाे शालिक निर्माण गर्न गराउ समेत उनीहरु नगर प्रमुखकाे ध्यानाकर्षण गराएका छन् ।
 
दुई दिन अघि शनिबार मात्र वीरगंजकाे घण्टाघर चाैकस्थित प्रहरी चाैकीकाे खालि जग्गामा नवनिर्मित शहिद स्मारक परिसरमा निर्माण गरिएकाे २०७२ सालकाे मधेश आन्दाेलनका ७ जना सहिदहरुकाे शालिक अनावरण गरिएकाे थियाे ।
 
शालिक अनावरण कार्यक्रमका दिन पनि २०६२/०६३ काे मधेश आन्दाेलनका सहिद परिवारसहितकाे एक समुहले प्रथम मधेश आन्दाेनकाे सहिदहरुकाे शालिक निर्माण नगरिएकाे भन्दै बिराेध गरेकाे थियाे ।

विद्यालय सुधार योजना विषयगत ३ दिने तालिम सुरु

0

वीरगंज । विद्यालय सुधार योजना विषयगत ३ दिने तालिम आइतबारदेखी वीरगंजमा सुरु भएको छ । भिएसो नेपाल र दिव्य युवा क्लबको साझेदारीमा संचालित किशोरी सशक्तिकरणको लागि शैक्षिक कार्यक्रम अन्तर्गत तालिम सुरु भएको हो ।

वीरगंजस्थित भिस्वा होटलमा सुरु भएको तालिमको उद्धाटन दिव्य युवा क्लबका कार्यकारी निर्देशक रामकान्त पटेलले गरेका थिए । तालिमको उद्धाटन गर्दै निर्देशक पटेलले विद्यालय सुधार योजनालाई व्यवस्थित र प्रभावकारी ढंगले तयार गर्नको साथै कार्यन्वयमा लग्न तालिम आयोजना गरिएको वताए ।

विद्यालयमा भएको समस्या र चुनौतीलाई कसरी विद्यालय योजनामा समावेश गरी समाधान गर्न सकिने उपायको बारेमा पनि तालिममा छलफल गरिने परियोजना संयोजक गणेश ठकुरीले वताए ।

तालिममा परियोजना संचालन रहेको क्षेत्रको ११ वटा विद्यालयका प्रधानाध्यापक र विद्यालय व्यवस्थापन समिति अध्यक्षहरु, जगरनाथपुर गाउँपालिकाको शिक्षा शाखा प्रमुख नरेश महतो र पोखरिया नगरपालिकाको शिक्षा शाखा प्रमुखको सहभागिता रहेको छ ।

३ दिन सम्म चल्ने तालिममा प्रशिक्षक बृजकिशोर पटेल र रामप्रबेश साहले प्रशिक्षण दिइरहेका छन् ।

विपद् पुर्व तयारी तथा प्रतिकार्य याेजना कार्यशाला गाेष्ठी सम्पन्न

0

बिन्दवासिनी । पर्साकाे बिन्दवासिनी गाउँपालिकामा पालिका स्तरिय विपद् पुर्व तयारी तथा प्रतिकार्य याेजना कार्यशाला गाेष्ठी आइतबार सम्मपन भएकाे छ ।

नेपाल रेडक्रस साेसाईटी जिल्ला शाखा पर्साकाे आयाेजना र युनिसेफकाे सहयाेगमा सँचालित बाल केन्द्रित विपद् जाेखिम न्युनिकरण कार्यक्रम अन्तर्गत भएकाे गाेष्ठि सम्पन्न भएकाे हाे ।

गाउँपालिका अध्यक्ष श्रीलाल साह कानुकाे अध्यक्षतामा भएकाे कार्यक्रममा गा.पा.का बाेर्ड सदस्यहरू, शाखा प्रमुखहरू, नेपाल रेडक्रस साेसाइटी उपशाखा अमरपट्टिका सभापति राजेश्वर प्रसाद चाैरसिया र विपद्सँग सराेकार राख्ने विभिन्न ब्यक्तिहरूकाे सहभागिता रहेकाे थियाे ।

गाेष्ठिमा कार्यक्रम प्रमुख उमेश मिश्रा र सबिर अहम्मद एराजले विपद् पुर्व तयारी तथा प्रतिकार्य याेजना बारे प्रकाश परेकाे समाजिक परिचालिका मीना देबी गुप्ताले जानकारी दिइन ।

जसमा गाउँपालिकाकी उपाध्यक्ष किरण देवी गुप्ता, निमित प्रमुख प्रशासकिय अधिकृत नरेश चाैहान, शिक्षा शाखा प्रमुख कपिल लामिछाने, याेजना प्रमुख सिताराम पँडित, महिला सदस्यहरू किरण देवी, जगमति राम, रूवाबजा खातुन, फुलमति देबी लगायतकाे उपस्थिति रहेकाे थियाे ।

वीरगंजका मुर्लिमनोहर मिटर व्याजी कारोबारी भएको आरोप

0

वीरगंज  । वीरगंज महानगरपालिकाको वडा नं. १० निवासी मुर्लिमनोहर मातृका मिटर व्याजी कारोवारी भएको खुलासा भएको छ । वीरगंजमा एक पिडित परिवारले पत्रकार सम्मेलनको आयोजना गर्दै मुर्लिमनोहर दाजुभाईले मिटर व्याजी कारोबारी भएको आरोप लगाएका हुन् ।

वीरगंज महानगरपालिका वडा नं. १२ निवासी एमडी सहाबुद्दिन अंसारीले पत्रकार सम्मेलन गर्दै मुर्लिमनोहर दाजुभाईसंग आफूले रु १३ लाख ६० हजार कर्जा लिएकोमा सोको दोब्बर रु २६ लाखको दृष्टिबन्धक र सोही मितिमा मलाई झुक्याई उनले मसंग रु २५ लाखको छुट्टै कपाली तमसुक गराएको बताए ।

उनले सोही कपाली तमसुकको आधारमा मुर्लिमनोहर मतृका दाजुभाईले मलाई प्रतिवादी बनाई लेनदेन मुद्दा दायर समेत गरेको बताए । मुर्लिमनोहर र उनका भाई मदनमनोहर मतृकाले पर्सा जिल्ला अदातलमा लेनदेन मुद्दा दायर गरेपछि दुबै दाजुभाईले झुक्याएर छुट्टा–छुट्टै कागज गराएको आफूलाई थाहा भएको उनको भनाई छ ।

दुबै कागजको दाबी रकम अनुसार आफ्नो घर, जग्गा लगायतको सम्पूर्ण सम्पति विक्रि गर्दा पनि तिर्न नसक्ने अवस्था सृजना भएपछि आफूले सो सम्बन्धमा जिल्ला प्रशासन कार्यालय पर्सामा उजुरी दिएको बताए । उजुरीको आधारमा निज दुबै जना दाजुभाईलाई झिकाउँदा प्रमुख जिल्ला अधिकारी समक्ष उनीहरुले रु १३ लाख ६० हजार मात्रै कर्जा दिएको स्वीकार समेत गरिसकेको सुनाए । तर निज दुबै दाजुभाईले मसंग मिटर व्याजीको हिसाब गरि करोडौं रुपैया मागिरहेको उनले बताए । मुर्लिमनोहरले मिटर व्याज असुर उपर गर्न विभिन्न व्यक्तिलाई कर्जा दिई अदालतमा दश थान चेक अनादर तथा लेनदेन मुद्दा दायर गरेको प्रमाण समेत उनले पत्रकार सम्मेलनमा देखाए ।

यस्तै निज दुबै दाजुभाईहरुले अरु थुप्रै संग पनि थोरै पैसा दिएर बढि रकमको तमसुक कपाली कागज र दृष्टिबन्धक गराई ठग्नुको साथै अरुको जग्गा, घर, धन सम्पती हत्याउँदै आएको आरोप समेत लगाए । पत्रकार सम्मेलनमै सहभागि अर्काे पिडित नुरहुलक देवानले आफूलाई पनि मुर्लिमनोहरले रु २ लाख कर्जा दिए पनि रु ११ लाखको दृष्टिबन्धक गराउनुको साथै फेरी अर्काे रु २ लाखको तमसुक कपाली कागज गराएको बताए ।

वीरगंजमा भोजपुरी प्रतिष्ठान भवनको शिलान्यास

0

वीरगंज । वीरगंजमा आईतबार भोजपुरी प्रतिष्ठान भवनको शिलान्यास गरिएको छ । अन्तराष्ट्रिय मातृभाषा दिवसको अवसरमा वीरगंज महागनरपालिका वडा नं. ८ रेल्वे रोडस्थित रात्रि मावि नजिकै निर्माण गर्न लागिएको भोजपुरी प्रतिष्ठान भवनको शिलान्यास गरिएको हो ।

केही दिन पहिला भोपुरी भाषाको संरक्षण र विकासको लागि वीरगंज महानगरपालिकाले भोजपुरी प्रतिष्ठानको गठन गरेको थियो । उमाशंकर दुवेद्धीको अध्यक्षतामा गठित प्रतिष्ठानको सदस्यमा गणेश लाठ, अनिता साह, डा. रक्षा झा, कामेश्वर चौरसिया, अजमत अली अंसारी, ऋतु राज, रितेश त्रिपाठी, मौषमी कुशवाहा र अशोक कुशवाहा रहेका छन् ।

प्रतिष्ठान भवनको शिलान्यास एक कार्यक्रमका बिच प्रदेश नं. २ का मुख्यमन्त्री लालबाबु राउत गद्दी र वीरगंज महानगरपालिकाका मेयर विजय कुमार सरावगीले संयुक्त रुपमा गरेका थिए । महानगरपालिकाले उपलब्ध गराएको करिब डेढ कठ्ठा जग्गामा प्रतिष्ठानको सुविधा सम्पन्न भवनको निर्माण थालिएको हो । भवन निर्माणका लागि महानगरपालिकाले ५० लाख रुपैया बिनियोजन गरि सकेको मेयर सरावगीले जानकारी गराए ।

वीरगंज महानगर पालिकाका मेयर सरावगीको अध्यक्षतामा भएको बहुभाषिक कवि सम्मेलन एवं शिलान्यास कार्यक्रममा प्रदेश २ का भौतिक पूर्वधार विकास मन्त्री जितेन्द्र सोनल, विघठित प्रतिनिधि सभा सदस्य लक्ष्मण लाल कर्ण, प्रदिप यादव, हरिनारायण रौनियार, नेपाली कांग्रेस पर्साका सभापति अजय दिवेद्वी, नेकपा पर्साका अध्यक्ष प्रभु हाजरा, जसपा पर्साका अध्यक्ष रामनरेश यादव, नेपाल पत्रकार महासंघ प्रदेश नं. २ का अध्यक्ष दिपेन्द्र चौहान, लगायतको सहभागी रहेको थियो ।

संसद विघटनकाे विराेधमा जसपाद्वारा पर्साकाे पालिकाहरुमा प्रदर्शन

0

वीरगञ्ज । जनता समाजवादी पार्टीले संसद विघटनकाे विराेधमा आइतबार पालिका स्तरिय बिराेध प्रदर्शनकाे छ । केन्द्रिय कमिटिको परिपत्रअनुसार पर्सा जिल्लाकाे १४ वटै स्थानिय तहहरुमा पालिकास्तरिय विरोध प्रदर्शन गरिएकाे जनता समाजवादी पार्टीका जिल्ला सचिव तबरेज अहमदले जानकारी दिए ।

प्रतिनिधि सभा विघटनको विरुद्धमा तेस्रो चरणको विरोधको कार्यक्रम अन्तर्गत वीरगञ्ज महानगरपालिका, पोखरिया नगरपालिका, पर्सागढी नगरपालिका, बहुदरामाई नगरपालिका, जिराभवानी, बिन्दवासिनी, सखुवाप्रसौनि, ठोरी, धोविनि, पकाहमैनपुर, कालिकामाई, छिपहरमाई, जगरनाथपुर र पटेर्वासुगौली गाउँपालिकामा विरोध प्रदर्शन गरिएको उनले जानकारी गराए ।

गाउँपालिका कमितिकाे आयाेजनामा बिन्दवासिनि गाउँपालिकाको झौवागुठीमा विरोध प्रदर्शन गरिएको थियाे । जसपा गाउँपालिका कमिटिका अध्यक्ष रमेश साह तेलीको अध्यक्षतामा भएको विरोध प्रदर्शनमा गाउँपालिका अध्यक्ष श्रीलाल साह कानु लगायतका नेता तथा कार्यकर्ताको उपस्थिती रहेको थियो ।

त्यसैगरी, धोबिनी गाउँपालिकाको लंगडी चौकमा पनि संसद विघटनकाे विरुद्धमा विराेध प्रदर्शन गरिएकाे थियाे ।

मदन प्रसाद चाैहानकाे अध्यक्षता र प्रदेश सभा सदस्य सिंघासन साह कलवारकाे प्रमुख आतिथ्यतामा भएकाे  विराेध प्रदर्शनमा जसपाका नेता सलाउदिन अहमद, धोबिनी गापा वडा नं. ५ का वडाध्यक्ष मनवर अहमद, नेता सुनिल साह, दरेन्दर प्रसाद कुर्मी, भिम साह कानु, रमेश पटेल लगायतकाे सहभागिता रहेकाे थियाे ।

त्यसैगरी, वीरगञ्ज महानगरपालिकामा पनि विराेध प्रदर्शन गरिएकाे थियाे । वीरगंज महानगर कमिटिका अध्यक्ष इश्वरचन्द्र यादबको अध्यक्षतामा भएकाे विरोध प्रदर्शनमा जसपा युवा नेता ओमप्रकाश सरार्फ, लालदेव यादव, नगर उपाध्यक्ष शेख रुस्तम, युवा नेता सरोज यादव, तुफान अन्सारी आलम, मनमोहन पाण्डे, हरिन्दर साह लगायतको उपस्थिती रहेको थियो ।

त्यसैगरी, ठोरी गाउँपालिकामा पुर्णसिँह तामांगको अध्यक्षतामा, बहुदरामाई नगरपालिकामा सिँहासन साह कलवारको अध्यक्षतामा, पर्सागढीमा शेख खुर्सेदको अध्यक्षतामा, छिपहरमाईमा इगरासन साह कलवारको अध्यक्षतामा, कालिकामाईमा दिनेश साह कलवारको अध्यक्षतामा विरोध प्रदर्शन भएको जिल्ला सचिव अहमदले जानकारी दिए ।