Date
शुक्र, मंसिर ४, २०८३
Fri, November 20, 2026
Home Blog Page 862

सखुवा प्रसौनीमा स्वास्थ शिविर सम्पन्न

0

वीरगंज । पर्साको सखुवा प्रसौनी गाउँपालिका वडा नं. १ मा शनिबार निःशुल्क स्वास्थ शिविर सम्पन्न भएको छ । रोटरी क्लब अफ वीरगंज र स्थानीय राजेन्द्र चौधरीको आयोजनामा श्री नेपाल राष्ट्रिय आधारभूत विद्यालय सिद्धपुरमा भएको शिविर सम्पन्न भएको हो ।
शिविरमा ५ सय जति महिला पुरुषले स्वास्थय परिक्षण गराएका थिए ।

शिविरमा नशा रोग तथा हाड जोर्जनी विशेषज्ञ डा. प्रशान्त ठाकुर, डा. शास्वत प्रसाद, डा. आशिफ अंसारी, डा. प्रेरणा प्रिय दर्शनी झा लगायतकाले स्वास्थ परिक्षण गरेको न्यु त्रिलोकी क्लिनिकका प्र्रपोराईटर श्याम गुप्ताले जानकारी दिए ।

छिपहरमाईमा करार तथा अस्थाई कर्मचारीहरुको समिति गठन

0

काटा संवाददाता । छिपहरमाई । पर्साको छिपहरमाई गाउँपालिकामा करार, अस्थाइ तथा ज्यालादारी कर्मचारीको समिति गठन भएको छ । छिपहरमाई गाउँपालिका वार्ड नः३ जयमँगलापुरमा रहेको गाउँपालिकाको ग्यारेजको हलमा भएको करार कर्मचारीहरुको भेलाले संजिव कुमार यादवको अध्यक्षतामा २१ सदस्य कमिटी गरेको हो ।

जुन कमिटीको उपाध्यक्ष वीरेन्द्र महतो केवट ,कोषाध्यक्ष प्रशान्त कुमार साह ,सचिव अलिराज मियाँ,सह सचिव कन्हैया साह,सदस्य गुडु कुमार कानु, सदस्य प्रकाश गुप्ता, राजेश महतो, सतिष चन्द यादव, अमरपाल साह, राकेश कुमार सिंह, भूपेन्द्र साह कानु, रिंकी देवी तातवा, सिमा कुमारी, प्रतिभा कुमारी, शिव कुमार गुप्ता, विकास गुप्ता लगायतका चयन भएका छन ।

यस्तै भेलाले २ सदसीय सल्लाहकार समिति पनि गठन गरेको छ । जुन समितिमा रामबहादुर साह कानु र मुकेश कुमार चौरसिया चयन भएका छन ।

नव गठित समितिको उद्देश्य कर्मचारी हक हितको लागी स्थानिय तहदेखी केन्द्र सम्म पहल गर्ने, कर्मचारीमाथी आइपरेको विपत्तिमा सदैव तत्पर रहने, सबै कर्मचारीलाई सामाजिक सुरक्षा कोषमा सामेल गर्न पहल गर्ने र कर्मचारी राहतको लागी कर्मचारी कल्याण कोषको ब्यबस्था गर्ने लगायतका उदेश्य रहेको करार कर्मचारी जितेन्द्र यादवले बताए ।

दिब्य युवा क्लबकाे २४ औं बार्षिक साधारण सभा सम्पन्न

0

वीरगंज । दिब्य युवा क्लब बिरन्चीबर्वा, पर्साकाे २४ औं बार्षिक साधारण सभा शनिबार वीरगंजमा सम्पन्न भएकाे छ ।

श्री त्रिजुद्ध महावीर प्रसाद रघुविर राम माध्यमिक विद्यालय, वीरगंजमा भएकाे साधारण सभाकाे उद्घाटन भारतिय महावाणिज्य दुतावास वीरगंजका काउन्सेलर सुरेश कुमारले गरेका थिए ।

साधारण सभाकाे उद्घाटन गर्दै काउन्सेलर कुमारले भारतिय महावाणिज्य दुतावास नेताहरुकाे लागि मात्र नभई सबैकाे लागि भएकाे वताए । कार्यक्रमकाे प्रमुख अतिथी समेत रहेका उनले भारतिय महावाणिज्य दुतावासले नेपालकाे सहयाेगकाे लागि कराेडाैं खर्च गर्ने गरेकाे वताए ।

काउन्सेलर कुमारले संक्षिप्तमा कार्यक्रममा उठेकाे जिज्ञासाकाे सम्बन्धमा सानाे मन्तव्य राखेका थिए ।

वीरगंज महानगरपालिकाकी उप मेयर शान्ति कार्कीले जनप्रतिनिधिले गर्न नसकेकाे काम गैर सरकारी संस्थाहरुले गर्ने गरेकाे वताइन । उनले भनिन “हामीले गर्नु पर्ने काम संघ/संस्थाहरुले गरेका छन् । भाैतिक निर्माणले मात्र देशकाे विकास हुदैन्, समाजिक बिकास पनि चाहिन्छ । त्यही भएर संघ/सस्थाहरुलाई पनि सहयाेग गर्नु पर्छ ।”

कार्यक्रममा अन्य वक्ताहरुले समाजिक विकास अहिले अवश्यकता भएकाे वताएका थिए । वक्ताहरुले भाैतिक निर्माण भाेली पनि गर्न सकिने वताउदै समाजिक विकास अहिलेकाे अवश्यकता भएकाे वताए ।

उद्घाटन समाराेह मै संस्थाले आर्थिक बर्ष २०७६/०७७ मा गरेकाे कार्यक्रमकाे प्रतिबेदन प्रस्तुत संस्थाका कार्यकारी निर्देशक रामाकान्त पटेलले र आर्थिक प्रतिवेदन काेषाध्यक्ष कन्हैया प्रसाद साहले गरेका थिए ।

प्रस्तुत प्रतिवेदन अनुसार हाल संस्थाले एक्सन एड नेपालकाे सहयाेगमा स्थानिय अधिकार कार्यक्रम, एक्सन एड नेपाल/आईरिश एडकाे सहयाेगमा महिला अधिकार कार्यक्रम (समुन्नती परियाेजना), भिएसाे नेपालकाे सहयाेगमा किशाेरी सशक्तिकरणकाे लागि शैक्षिक कार्यक्रम, सुरक्षित सिकाई परियाेजना, एक्सन एड नेपालकाे सहयाेगमा काेभिड १९ का सहायक प्रभाव उत्थानशील प्रतिकार्य कार्यक्रम र वीरगंज महानगरपालिकाकाे सहयाेगमा वैदेशिक राेजगारका लागि सुरक्षित आप्रवासन परियाेजना संचालन गरिरहेकाे छ ।  

गत आर्थिक बर्ष २०७६/०७७ मा संस्थाकाे आय ३ कराेड १३ लाख ८ हजार ६ सय ३ र व्यय ३ कराेड १२ लाख ९४ हजार ९ सय १३ रहेकाे आर्थिक प्रतिवेदन काेषाध्यक्ष साहले प्रस्तुत गरेका थिए । 

दिव्य युवा क्लबका अध्यक्ष देवनाथ ठाकुरकाे अध्यक्षमा भएकाे कार्यक्रममा गैर सरकारी संस्था महासंघ नेपाल पर्साका अध्यक्ष छठु साह, समाजिक संस्था जिल्ला समन्वय समिति पर्साका अध्यक्ष इब्राहिम देवान, सलाहकार बृजकिशाेर पटेल, हेल्बटासका प्रतिनिधि शिवचरण राैनियार, कालिकामाई गाउँपालिका वडा नं. ५ का वडाध्यक्ष पवन तिवारी, श्री दिव्य कन्या माविका प्रधानाध्यापक रामयतन प्रसाद लगायतकाले शुभकामना मन्तव्य राखेका थिए भने कार्यक्रमकाे संचालन उर्मिला कुमारी सापकाेटाले गरेकी थिइन ।

कार्यक्रममा बिन्दवासिनी गाउँपालिकाका अध्यक्ष श्रीलाल साह कानु, भिएसाे नेपालका केशवराज लामसाल, त्रिजुद्ध माध्यमिक विद्यालयका प्रधानाध्यापक हिरन्द्र प्रसाद कुर्मी, भिएसाे नेपालकी कार्यक्रम अधिकृत देवी शर्मा, दिव्य युवा क्लबकी उपाध्यक्ष सुकमिन देवी, सचिव जयनारायण पटेल, काेषाध्यक्ष कन्हैया प्रसाद, किशाेरी सशक्तिकरणकाे लागि शिक्षा कार्यक्रमका वित संयाेजक नागेन्द्र पटेल, सुरक्षित सिकाई परियाेजनाका संयाेजक जयनारायण चाैधरी, समुन्नती परियाेजनाकी संयाेजक काेपिला कुमारी चाैलागाई लगायतकाे उपस्थिती रहेकाे थियाे ।

संस्थाद्वारा विभिन्न व्यक्ति र संस्था सम्मानित 

साधारण सभाकाे उद्घाटन समाराेहमा दिव्य युवा क्लबका कार्यकारी निर्देशक रामाकान्त पटेल, किशाेरी सशक्तिकरणकाे लागि शिक्षा कार्यक्रमका संयाेजक गणेश बहादुर ठकुरी, दिव्य युवा क्लबका वित तथा प्रशासन संयाेजक श्यामकिशाेर प्रसाद चाैहान, स्थानिय अधिकार कार्यक्रमका अधिकृत सुनिल कुमार भारती, समुन्नती परियाेजनाका समाजिक परिचालक उमेश कुमार महताे, स्थानिय अधिकार कार्यक्रमकी सिकाई केन्द्र सहजकर्ता श्रृजना कुमारी चाैधरी, समाजिक परिचालक छाेटेलाल प्रसाद यादवलाई प्रशंसा पत्रले सम्मान गरिएकाे थियाे ।

त्यसैगरी, किशाेरी सशक्तिकरणकाे लागि शिक्षा कार्यक्रमका समुदायिक परिचालक गुलसन त्रिपाठी, ठुली दिदी कृपा देवी, रानीबाला कुमारी, नुसरत अंसारीलाई समेत प्रशंसा पत्रले सम्मान गरिएकाे थियाे ।

त्यसैगरी, कार्यक्रम संचालन रहेकाे पालिका जगरनाथपुर गाउँपालिका, धाेबिनी गाउँपालिका, पटेर्वा सुगाैली गाउँपालिका, बिन्दवासिनी गाउँपालिका र पाेखरिया नगरपालिकालाई पनि प्रशंसा पत्रले सम्मान गरिएकाे थियाे ।

त्यसैगरी, संस्थालाई सहयाेग गर्ने समाजिक संस्था जिल्ला समन्वय समिति पर्सा र साे संस्थाका सल्लाहकार बृजकिशाेर पटेललाई सम्मान पत्रले सम्मान गरिएकाे थियाे ।  

वीरगंजमा सहिदहरुको शालिक अनावरण

0

वीरगंज । वीरगंजकाे घण्टाघरस्थित पार्कमा निर्मित ७ जना शहिदहरुको शालिक शनिबार अनावरण गरिएकाे छ ।

विघठित प्रतिनिधि सभा सदस्य प्रदिप यादव र वीरगंज महानगरपालिकाका मेयर विजय कुमार सरावगीले संयुक्त रुपमा शालिक अनावरण गरेका हुन् ।

शालिक अनावरण कार्यक्रममा वाेल्दै विघठित प्रतिनिधि सभा सदस्य यादवकाे संसदीय कोषको रकम र वीरगंज महानगरपालिकाको संयुक्त लगानीमा ८ जना शहीदहरुको सम्झनामा बनाईएको सहिदहरुको शालिक अनावरण कार्यक्रम शनिबार सम्पन्न भएको हो ।

२०७२ सालमा भएको तेस्रो मधेस आन्दोलनका क्रममा वीरगंजमा प्रहरीको गोली लागेर सहादत प्राप्त गरेका सहिदहरुको योगदानलाई कदर गर्दै निर्मित सहिद स्मारकको निर्माण गरिएकाे जनाइएकाे छ ।

कार्यक्रमलाई समबोधन गर्दै पर्सा क्षेत्र नं. १ बाट निर्वाचित विघटित प्रतिनिधी सभाका सदस्य यादवले मधेश आन्दोलनको रणभूमी रहेको वीरगंजको घण्टाघरमा नै सहिदहरुको शालिक बन्ने सपना पुरा भएको बताए । उनले सहिदहरुको शालिक अनावरण गर्न पाउदा गर्भावित महशुस भएको बताए ।

मधेशको अधिकार र पहिचानको लागि गरिएको आन्दोलनमा सहादत प्राप्त गरेका मधेशी योद्धाहरुको योग्दान सधै स्मरणीय रहने उनको भनाई थियो । सबै कुरा एकैचोटी प्राप्त नहुने बताउँदै यादवले भने, ‘भारतलाई गुलामीबाट आजाद गराउन महात्मा गान्धीले वर्षाै वर्षसम्म आन्दोलन गर्दा अंग्रेज भागेर भारत आजाद भएको थियो । मधेश आन्दोलन जारी नै छ, अहिले दबाईएको मात्रै हो ।’’

कार्यक्रमका प्रमुख आतिथि समेत रहेका यादवले संविधान गडबड रहेको पटक पटक हामी भन्दै आए पनि कांग्रेस र नेकपाले मधेशमा गोली चलवाई जबरजस्ती संविधान लादी हतार हतारमा गडबड संविधान बनाएकै कारण प्रधानमन्त्री ओलीले मुलुकमा अहिले प्रतिगमन लयाएको प्रस्ट पारे ।

अब मुलुकमा इमरजेन्सी पनि लगाउने कुरा आईरहेको बताउँदै सांसद यादवले संघीय लोकतान्त्रिक गणतन्त्रलाई पनि समाप्त पार्न षडयन्त्र भईरहेको आरोप लगाए ।

‘‘सरकारले चालेको प्रतिगमनको कदम सर्बाेच्चले सच्चयायो भने शान्ति हुने होईन भने अन्याय ग¥यो भने मुलुकमा यस्तो लहर र आन्दोलन हुन्छ कि जनता नै सरकारलाई उठाएर रोडमा फाल्छन्–त्यो दिन आईरहेको छ, उनले भने ।’’

मधेश आन्दोलनमा सहादत प्राप्त गरेका ११० जनै सहिदहरुको शालिक अट्ने गरि पार्क बनाउन वीरगंज महानगरलाई उनले आग्रह गरे ।

वीरगंज महानगरपालिकाका मेयर विजय कुमार सरावगीले सहिदहरुको ऋणको रुपमा शालिक बनाएर सानो काम मात्रै गरेको बताए । उलने वीरगंज महानगरले रेल्वेसंग खरिद गरेको साढे ३ विग्हा जग्गामा पार्किङ्गको व्यवस्था गरि ४० फूटको पत्थर राखेर सबै सहिदहरुको मूर्ति बनाउने बताए ।

तत्कालिन समाजवादी पार्टी पर्साका अध्यक्ष रामनरेश यादवको अध्यक्षतामा भएको कार्यक्रममा प्रदेश सांसद प्रहलाद गिरी, करिमा बेग्म, जन्नत अंसारी, भिमा यादव, सिंघासन साह कलवार, केन्द्रिय सयदस्यद्वय जनार्दन यादव, शिव पटेल, महिला नेतृ मोनिका सिंह, रेखा साह, सखुवा प्रसौनी गाउँपालका अध्यक्ष प्रदिप जयसवाल, विन्दवासिनी गाउँपालिका अध्यक्ष श्रीलाल साह कानु, प्रदेश समिति सदस्य महाराज यादव लागतयको नेता ताथ कार्यकर्ताहरुको सहभागिता रहेको थियो भने कार्यक्रमकाे संचालन जसपा पर्साका सचिव तबरेज अहमदले गरेका थियाे ।

जनता समाजवादी पार्टी, पर्साकाे आयाेजनामा भएकाे कार्यक्रममा सहिद परिवारका सदस्यहरुलाई सम्मान समेत गरिएको थियो ।

परवानीपुरमा वृक्षारोपण

0

वीरगंज । बाराको परवानीपुर गाउँपालिका वडा नं ५ बहुअरी टोलममा शुक्रबार बृक्षारोपन कार्यक्रम सम्पनन भएको छ ।

गाउँपालिका अध्यक्ष हरिनारायण साहले बृक्ष रोपी कार्यक्रमको शुभारम्भ गरेका थिए । कार्यक्रममा वडाध्यक्ष रामेश्वर साह कलवार, नेपाल बार एसोसिएसनका उपाध्यक्ष हरिचन्द्र सिंह, जसपाका नेता अजय पटेल, धर्मेन्द्र पटेल, वडा सदस्यहरु, वडा कार्यालयका कर्मचारीहरु लगायतको उपस्थिति रहेको थियो ।

वातावरणलाई स्वक्छ राख्न वडामा वृक्षा रोपण गरिएको वडा अध्यक्ष साहले जानकारी दिए ।

बिबिए भवन खोई ? भन्दै बिधार्थी आन्दोलित

0

वीरगंज । ठाकुराम बहुमुखी क्याम्पस वीरगंजको बिबिए संकायमा अध्ययनरत विद्यार्थीहरु आन्दोलित भएका छन् ।

विद्यार्थीहरुले फाइट टुडे फर बेटर टुमारो, बिबिए भवन खोई ?, बिबिए प्रशासनको लापरवाही हाम्रो कारवाही, हामीलाई गधा बनाउन छोडेर बिबिएको नयाँ भवन बनाउनुहोस्, हरेक विद्यार्थीको ३ लाख १९ हजार कसको गोजीमा ?, कुम्भकरण ज्युहरु उठ्नुहोस् युद्धको समय भयो लगायतका नारा लेखिएको प्लेकार्ड बोकेर शुक्रबार क्यामपस परिसरमै धर्नामा बसी बिरोध प्रदर्शन गरेका थिए ।

विगत लामो समयदेखी बिबिएको भवन नहुँदा विद्यार्थीहरुलाई समस्या हुने गरेको छ । २०७१ सालमै बिबिएको ६ कोठे भवन निर्माण गर्न ठेक्का भएपनि निर्माण कार्य हालसम्म सम्पन्न भएको छैन् । ठेक्कादार कम्पनीले २०७६ सालमै निर्माण कार्य सम्पन्न गर्नु पर्नेमा हालसम्म नगरेको कारण विधार्थीहरु मर्कामा परेका छन् ।

बिबिएका विद्यार्थीहरुको आन्दोलन जायज भएको बताउँदै उक्त आन्दोलनमा नेबिसंघका रोशन सिंह, अनेरास्ववीयू ठाकुर राम क्यामपसका अध्यक्ष संदिप विक्रम साह लगायतकाले पनि समर्थन जनाएका थिए ।

आन्दोलित विधार्थीहरुसंग निमित क्यामपस प्रमुख सरेश कुश्वाहाले बुधबारसम्म समस्या सामाधानको लागि पहल गर्न समय लिनु भएको थियो ।

दहेज मुक्त समाज बिषयक अन्तरक्रिया सम्पन्न

0

वीरगंज । पब्लिक एफ.एमको आयोजनामा वीरगञ्जको कन्यामा माबिमा दहेज मुक्त समाज बिषयक अन्तरक्रिया कार्यक्रम शुक्रबार सम्पन्न भएको छ ।

एफ.एमका निदेर्शक शम्भु महतो थारुको अध्यक्षतामा भएको कार्यक्रममा विद्यालयका कक्षा ६ मा अध्ययरत छात्रा शिवानी शर्मा, गुलनाज खातुन, शुषमा श्रीवास्तव, कक्षा ७ की पुनम शरार्फ, कक्षा ९ की हुश्नारा अहम्मद, भुमिका साह कक्षा ११ की रुकसाना खातुन र सुप्रिया साह लगायतकाले दाईजो, महिला हिन्सा र बाल बिवाह विषयमा बोलेका थिए ।

कार्यक्रममा बिद्यालयका प्र.अ सुरेन्द्र कुवर, शिक्षिका अनिता साह, रिन्कु कुमारी सिंह, शिक्षक रामबाबु बैठा, स्थानिय समाज सेवी हुमुक सिंह राजपुत, कार्यक्रम संयोजक लाल बाबु सिंहले मंतव्य व्यक्त गरेका थिए ।

कार्यक्रममा एफ.एमका एन्जल चौधरी, रेखा सिंह, संजय दासको सहभागीता थियो भने कार्यक्रमको सहजीकरण एफ.एमका स्टेशन प्रमख राजेन्द्र सिंहले गरेका थिए ।

नेपाली युवा उद्यमी मञ्च (एनवाईएएफ) वीरगञ्ज गठन, अध्यक्षमा अग्रवाल चयन

0

वीरगंज । सकारात्मक व्यवसायिक सोच र दृष्टिकोणलाई सशक्तिकरण गरेर युवा उद्यमीहरुको विकास र प्रवर्द्धन गर्ने उद्देश्यले स्थापित नेप्लिज युथ एन्टप्रेनियर्स फोरम ९एनवाईईएफ० अर्थात नेपाली युवा उद्यमी फोरम वीरगञ्ज च्याप्टरको इन्डक्सन र इन्स्टलेसन कार्यक्रम सम्पन्न भएको छ ।

वीरगञ्जस्थति भिस्वा होटलमा शुक्रबार आयोजित एक कार्यक्रम विच पुनः स्थापित नेप्लिज युथ एन्टप्रेनियर्स फोरम ९एनवाईईएफ० वीरगञ्ज च्याप्टरको इन्डक्सन र इन्स्टलेसन कार्यक्रम सम्पन्न भएको हो । कार्यक्रममा युवा उद्यमी अनुप अग्रवालको अध्यक्षतामा गठित कार्यसमितिका सदस्यहरुलाई एनवाईएएफको नेशनल गभरनिङ्ग काउन्सिलका पदाधिकारीहरुले पिन लगाएर इन्डक्सन गरेका थिए । अग्रवालको अध्यक्षतामा गठित नयाँ कार्यसमितिको प्रथम उपाध्यक्षमा राकेश साह र त्तिया उपाध्यक्षमा सन्दीप अग्रवाल रहेका छन् ।

नयाँ कार्यसमितिको सदस्यहरुमा संस्थापक अध्यक्ष अरविन्द्र बहादुर अमात्य, विश्वाश प्रताप साह, काजल सिंह, अक्षत साह, विकाश ठाकुर, मनिषा सुनुवार श्रेष्ठ, सङ्कल्प शाक्य र पंकज अग्रवाल रहेका छन् ।

इन्डक्सन पश्चात फोरमका पूर्व कार्यसमिति सदस्यहरुका लागि आयोजित इन्स्टलेसन कार्यक्रममा बोल्दै वीरगञ्ज उद्योग वाणिज्य संघका अध्यक्ष गोपाल केडियाले एनवाईएएप वीरगञ्ज च्याप्टरको कार्यालय सञ्चालनका लागी उद्योग वाणिज्य संघको भवनमा एउटा कोठा दिने उद्घोष गर्नुभयो ।

नेपाल उद्योग वाणिज्य महासंघका कार्यकारिणी सदस्यसमेत रहनुभएका केडियाले सक्रिय युवाहरुको समुहले उद्यमशिलतालाई आधुनिक एवम् परिस्कृत रुपमा अंगाल्ने विश्वास व्यक्त गर्नुभयो । यसका साथै सिर्जनशिल तथा नयाँ पिढिका युवाहरुलाई उद्यम तथा व्यावसायतर्फ आकर्षित गर्न महत्वपुर्ण भुमिका निर्वाह गर्न आग्रह गर्नुभयो ।

त्यसैगरी एनवाईएएफको नेशनल गभरनिङ्ग काउन्सिलका अध्यक्ष प्रकाश देव पालिकेले देशकै आर्थिक राजधानीको रुपमा परिचित वीरगञ्जमा यस समुहको भुमिका महत्वपुर्ण हुने बताउँदै आफ्नो भुमिकालाई जिम्मेवारीपुर्वक निर्वाह गर्ने विश्वास व्यक्त गर्नुभयो । साथै वीरगञ्ज च्याप्टर देशकै उत्कृष्ट च्याप्टर भएको हेर्ने आफ्नो सपनालाई साकार रुप दिन पनि नवनियुक्त पदाधिकारीहरुलाई शुभकामना दिनुभयो । संस्थाका संस्थापक अध्यक्ष अरविन्द्र बहादुर अमात्यले आफ्नो पालामा हुन नसकेका कार्यहरुलाई अहिलेका सक्रिय युवाहरुको समुहले गर्ने र सकरात्मक तरिकाले निरन्तरता दिनुपर्नेमा जोड दिनुभयो ।

देश हाँक्ने क्षमता बोकेका युवाहरुले उत्पादक तथा आविस्कार जस्ता कुराहरुलाई मध्यनजर गर्दै आत्मनिर्भर र स्वालम्बी बनाउनुपर्ने धारणा राख्नुभयो । संस्थाका नवनिर्वाचित अध्यक्ष अनुप अग्रवालले संस्थाको नेतृत्व गर्ने जिम्मेवारी प्राप्त गरेकोमा खुशी महसुस गर्दै सोचेभन्दा पनि राम्रो टिम पाएको बताउनुभयो । उहाँले वीरगञ्ज च्याप्टरबाट युवा उद्यमीहरुले हरेक सहयोग पाउने प्रतिबद्धता समेत व्यक्त गर्नुभयो । अग्रवालले वीरगञ्ज च्याप्टरलाई यहाँका उद्योगी, व्यावसायीहरुले सहयोग गर्ने विश्वास पनि व्यक्त गर्नुभएको छ ।

कार्यक्रममा नेपाल उद्योग वाणिज्य महासङ्घका कार्यकारिणी सदस्य सुवोधकुमार गुप्ता, गोपाल केडिया, नेपाल उद्योग वाणिज्य महासङ्घ प्रदेश नम्बर २ का नव निर्वाचित अध्यक्ष गणेश लाठ, कार्यकारिणी समितिका सदस्य अशोक कुमार टेमानी, प्रदीप केडियालाई सम्मानित गरिएको प्रथम उपाध्यक्ष राकेश साहले गर्नुभएको थियो ।

कार्यक्रममा प्रथम उपाध्यक्ष उदिप श्रेष्ठ, कार्यसमिति सदस्य सुमोद मान सेंजु, रुपन्देही च्याप्टरका कार्यसमिती सदस्य प्रतीक कसा, वीरगञ्ज उद्योग वाण्ज्यि संघका पूर्व अध्यक्ष अशोक टेमानी, प्रदिप केडिया, महासचिब माधव राजपाल, कोषाध्यक्ष रविन्द्र बरणवाल, एनवाईएएफका पूर्व पदाधिकारीहरु, उद्योगी, व्यावसायी, शैक्षिक तथा वित्तिय संस्थाका प्रतिनिधिहरु, पत्रकार, बुद्धिजिवि लगायतको उपस्थिती रहेको थियो । संस्थाका द्वितीय उपाध्यक्ष सन्दीप अग्रवालले समापन मन्तव्य व्यक्त गरेको कार्यक्रमको सहजीकरण विश्वास प्रताप साहले गर्नुभएको थियो ।