Date
शुक्र, मंसिर ४, २०८३
Fri, November 20, 2026
Home Blog Page 826

महानगरपालिकाद्वारा एक सय बेडकाे काेभिड अस्पताल संचालन

0

वीरगंज । वीरगंज महानगरपालिकाले आजदेखी एक सय बेडको अस्थायी कोभिड अस्पताल र एक सय बेडको आइशोलेसन संचालनमा ल्याएकाे छ । 

वीरगंजकाे घडिअर्वास्थित गाेपालमण्डली धर्मशालामा संचालनमा आएकाे काेभिड अस्थायी अस्पताल र आइशाेलेसनकाे महानगरपालिकाका मेयर विजय कुमार सरावगीले उद्घाटन गरेका छन् ।

अक्सिजनसहितकाे एकसय वेड क्षमताकाे काेभिड अस्थायी अस्पतालमा वीरगन्ज महानगरपालिकाका उपप्रमुख शान्ति कार्की आज पहिलाे संक्रमितकाे रुपमा भर्ना समेत भएकी छन् । उनी तीनदिन अघि काेभिड संक्रमित भएकी थिइन ।

महानगरपालिकाकाे काेभिड अस्पताल उद्घाटन लगत्तै उनलाई भर्ना गरिएकाे वीरगंज महानगरपालिका प्रेस सल्लाहकार गाेबिन्द देवकाेटाले वताए ।

गोपाल मण्डलीमा एकसय बेड सामान्य लक्षण भएका संक्रमितहरुको लागि कोभिड अस्पताल र लक्षण नदेखिएका संक्रमितको लागि एकसय बेड आईशोलेसन संचालनमा आएकाे मेयर सरावगीले वताए ।

यसैबीच वीरगंज महानगरपालिकाले पीसीआर परीक्षणका लागि स्वाब संकलन पनि शुरु गरेकाे छ ।

अस्पतालमा गएर परीक्षण गर्दा संक्रमणको सम्भावना उच्च हुने भएकाले र परीक्षणको दायरा फराकिलो पार्न वडा वडाबाट पीसीआर परीक्षणका लागि स्वाब संकलन गर्ने कार्य शुक्रबारदेखी सुरु गरिएकाे मेयर सरावगीले वताए ।

वीरगंज महानगरपालिकाकाे वडा नम्बर १० मा स्वास्थ्य महाशाखाको घुम्ती टोलीले स्वाब संकलन गर्ने कार्यकाे सुरु गरेकाे महानगरपालिकाका स्वास्थ्य तथा सामाजिक विकास महाशाखाका प्रमुख अरुण कुमार महतोले बताए ।

नारायणी अस्पतालमा संक्रमितको चाप बढेकोले महानगरपालिकाले पनि स्वाब संकलन लामो समय पछि गर्न लागेकाे उनले बताए ।

विश्व हिन्दु परिषदद्वारा काेराेना संक्रमितकाे लागि हेल्पलाइन संचालन

0

वीरगंज । विश्व हिन्दु परिषद नेपाल, पर्साले वैश्विक कोरोना महामारीबाट जुद्धि रहेका लागि हेल्पलाईन संचालनमा ल्याएकाे छ ।

स्वास्थ्य सम्बन्धी कुनै पनि समस्या आएको खण्डमा त्यसको समाधानको निम्ती निम्न नम्बरमा २४ औं घण्टा सम्पर्क गरी निशुल्क सेवा लिन सकिने हिन्दु परिषद नेपाल, पर्साले जनाएकाे छ ।

१. कृष्ण मोहन सहाय— ९८४५१८७५५०
२. बृजेश मल्लिक —९८०१०१०५१०, ९८४५०९७०२५
३. सुनिल साह —९८५५०१०१२७
४. सोमनाथ जी —९८४५६०९५५५, ९८२४२११०८८
५. सुभम केडियो — ९८०४२३०८३०, ९८४५४९५१२१
६. सरोज साह— ९८११८६११३९
७. विकास ठाकुर — ९८५१००६६१२
८. दिपक कण्ठ — ९८४९३३७४९०
९. विनित गुप्ता —९८०७२०९५८६
१०. अंकित श्रीवास्तव — ९८२५२००२००, ९८०९२८०५८०
११. अवधकिशोर चौरसिया — ९८०२१२५९९२

परिषदसंग तपसिल अनुसारकाे विशेषज्ञ चिकित्सकहरु रहेकाे समेत जनाएकाे छ ।
१. डा. दिपक कुशवाहा ( एमडी )
२. डा. विपुल भगत ( एमडी )
३. डा. अजय कुमार गुप्ता ( एमडी )
४. डा. संदीप राउत ( एमडी )
५. डा. दिपक चाैरसिया (एमबीबीएस) 
६. डा. सन्तोष चौधरी ( ल्याब )
७. डा. नृपेन्द्र कण्ठ ( फिजियोथेरापीस्ट )
८. डा. धीरेन्द्र सिंह ( आर्युवेदाचार्य एवं योगगुरु )

नेपाल भारतको पर्सा जिल्लासँग जोडिएका सबै ग्रामीण नाका शील

0

जिराभवानी । भारतमा दोश्रो चरणको कोरोनाको संक्रमणमा वृद्धि हुने क्रम नरोकिएको हुँदा नेपाल-भारतको पर्सा जिल्लासँग जोडिएका सबै ग्रामीण सिमानाकाहरु २२ गतेदेखि शील गरिएको छ ।

पर्साका प्रमुख जिल्ला अधिकारी पिताम्बर घिमिरेका अनुसार कोरोना भाइरसको संक्रमण तीव्र गतिमा फैलिँदै गएको हुँदा रोकथाम तथा नियन्त्रणका लागि पर्साका सबै सीमानाका शील गरिएको हाे ।

प्रजिअ घिमिरेले पर्सासँग जोडिएका बिरगंज, छपकैया, इनर्वा, भिस्वा, बुडगाई, मिर्जापुर, जानकिटोला, दसावता, पाण्डेपुर पिडाडी, महादेवपट्टि, सुबर्णपुर, बिजयबस्ती, ठोरीसहितका सबै नाका शील गरेर आवतजावत पूर्ण रुपमा रोक लगाइएको जनाए ।

नेपाल सरकारको मन्त्रिपरिषद्को बैठकले गत आइतबार गरेको निणर्यमा पर्सा जिल्लाका कुनै पनि नाका नखुलेको उल्लेख रहेको छ । पर्सा जिल्लाको कुनै नाका नपरेकोले जिल्लाका नाकाबाट भारततर्फ आवतजावत गर्न निषेध गरेको प्रमुख जिल्ला अधिकारी घिमिरेले गत २२ गतेको जारी गरेको सुचनामा उल्लेख गरिएको छ ।

सीमा नाका शील गरेसँगै सिमाना क्षेत्रमा भारी संख्यामा नेपाल प्रहरी तथा सशस्त्र प्रहरी परिचालन गरेर निगरानी बढाइएको छ ।

खुल्ला सिमाना भएको कारण कुनै पनि व्यक्ति नेपाल प्रवेश गर्नबाट रोक लगाउनको लागि उल्लेख्य संख्यामा सुरक्षाकर्मी परिचालन गरेर गस्ती बढाइएको हो ।

पर्सागढीले १५ बेडकाे अस्थायी काेभिड अस्पताल बनाउने

0

वीरगंज । पर्साकाे पर्सागढी नगर कार्यपालिकाको वैठक बिहिबार सम्पन्न भएकाे छ । नयाँ भेरियन्टसहितकाे काेेभिड १९ रोकथाम, न्यूनिकरण तथा नियन्त्रणका लागि बैठकले विभिन्न निर्णयहरु गरेकाे छ ।

नगरपालिकाका मेयर लाेकनारायण यादवकाे अध्यक्षतामा बसेकाे बैठकले नगरपालिका भित्र बसोबास गर्ने सम्पूर्ण नगरबासिलाई जिल्ला भित्र कोभिड १९ को उपचारका लागि एम्बुलेन्स सेवा आवश्यक परेमा निःशुल्क उपलब्ध गराउने निर्णय गरेकाे छ ।

यसका साथै बैठकले नगरपालिकाकाे वडा नं. ५ मा रहेको पंचरुखी स्वास्थ्य चौकिमा आवश्यक पूर्वाधार सहितको १५ बेडकाे अस्थाई काेभिड अस्पताल तत्काल संचालनमा ल्याउन, वडा नं १ देखि ९ सम्म होम आइसुलेश्नमा बस्ने कोभिड‘१९ पोजेटिभ तथा शंकास्पद विरामिहरुलाई चिकित्सकको परामर्श अनुसार स्थानीय जनप्रतिनिधि, स्वास्थ्य संस्थामार्फत अनुगमन गरी निःशुल्क औषधि प्याकेज उपलब्ध गराउने निर्णय गरेकाे छ ।

बैठकले आवश्यक्ता बमोजिमका थप अन्य जनमैत्री सेवा सुविधाहरुर प्रभावकारी क्रियाकलापहरुलाई क्रमिक रुपमा लागु गर्ने गराउने निर्णय समेत गरेकाे मेयर यदावले जानकारी दिए ।

वीरगंजमा उपचाररत ४ जना काेराेना संक्रमितकाे बिहिबार मृत्यु

0

वीरगंज । वीरगंजमा उपचाररत ४ जना काेराेना भाइरस संक्रमितकाे बिहिबार मृत्यु भएकाे छ । वीरगंजस्थित नारायणी अस्पतालमा उपचाररत ३ जना र नारायणी वायाेधा अस्पतालमा उपचाररत एक जना संक्रमितकाे मृत्यु भएकाे हाे ।

पर्साकाे जगरनाथपुर गाउँपालिका निवासी ५५ बर्षिय काेराेना संक्रमित पुरुषकाे मृत्यु भएकाे छ ।

नारायणी अस्पतालमा उपचारत पुरुषकाे बिहिबार विहान ११:३५ बजेकाे समयमा मृत्यु भएकाे अस्पतालका काेभिड संयाेजक डा. सराेज राेशन दासले वताए । बैशाख १५ गते अस्पताल भर्ना गरिएकाे उनमा साेही दिन एन्टिजाेन पाेजिटिभ देखिएकाे थियाे ।

उनमा पनि बिएल गम्भिर किसिमकाे निमाेनिया लगायतकाे स्वास्थ्य समस्या देखिएकाे थियाे ।

यस्तै, नारायणी अस्पतालमा उपचाररत राैतहट जिल्लाका दुई जना काेराना संक्रमितकाे बिहिबार नै मृत्यु भएकाे छ ।

राैतहटकाे बिजयपुर निवासी ४५ बर्षिय पुरुषकाे र फतेपुर निवासी ६० बर्षिय महिलाकाे महिलाकाे मृत्यु भएकाे नारायणी अस्पतालका काेभिड संयाेजक डा. दासले वताए ।

बिहिबार नै नारायणी अस्पतालमा ल्याइएकाे ४५ बर्षिय पुरुषमा काेभिड एन्टिजाेन पाेजिटीभ पुष्टि भएकाे थियाे । बीएल गभ्भिर किसिमकाे निमाेनिया भएकाे उनकाे बिहिबार विहान ८ बजे मृत्यु भएकाे उनले वताए ।

बुधबार नारायणी अस्पतालमा भर्ना गरिएका ६० बर्षिय महिलाकाे बहिबार विहान ११:१० बजे मृत्यु भएकाे अस्पतालले जनाएकाे छ । अस्पताल भर्ना गरिए कै दिन उनमा काेभिड एन्टिजाेन पाेजिटिभ देखिएकाे थियाे ।

यस्तै, वीरगंजस्थित नारायी वायाेधा अस्पतालमा उपचाररत एक जना काेराेना संक्रमितकाे मृत्यु भएकाे छ ।

वायाेधा अस्पतालमा उपचाररत वीरगंज महानगरपालिकाकाे वडा नं. १० निवासी ८२ बर्षिय काेराेना संक्रमित पुरुषकाे मृत्यु भएकाे जिल्ला प्रशासन कार्यालय पर्साले जनाएकाे छ ।

बहिबार नै वायाेधा अस्पतालमा भर्ना गरिएकाे उनकाे सांझ ५:५४ मा मृत्यु भएकाे जिल्ला प्रशासन कार्यालय पर्साका प्रशासकिय अधिकृत विनय श्रीवास्तवले वताए । बिहिबार नै उनमा काेभिड एन्टिजाेन पाेजिटिभ देखिएकाे उनले जानकारी दिए ।

यस्तै, नारायणी अस्पतालमा उपचाररत पर्साकाे बहुदरमाई नगरपालिका वडा नं. १ बिश्रामपुर निवासी ४६ बर्षिय महिलाकाे मृत्यु भएकाे छ ।

बुधबार नारायणी अस्पतालमा भर्ना गरिएकाे उनमा साेही दिन काेराेना संक्रमण पुष्टि भएकाे भनिए पनि पछि उनी काेराेना संक्रमित नरहेकाे वताइएकाे छ । बहिबार अपरान्ह ४:४५ बजे मृत्यु भएकाे महिला काेराेना संक्रमित रहेकाे नारायणी अस्पतालका काेभिड संयाेजक डा. सराेज राेशन दासले जानकारी दिए पनि पछि उनले उनी काेराेना संक्रमित नरहेकाे सच्याएका छन् ।

उनमा गम्भिर किसिमकाे निमाेनिया लगायतकाे स्वास्थ्य समस्या देखिएकाे थियाे । 

वीरगंजमा शुक्रबारदेखी अस्थायी कोभिड अस्पताल संचालनमा आउने

0

वीरगंज । वीरगंज माहानगरपालिकामा बैशाख २४ गते शुक्रबारदेखि अस्थायी कोभिड अस्पताल र स्वाब संकलन एकसाथ संचालनमा आउने भएको छ ।

वीरगंज महानगरपालिकाले गोपाल मण्डली धर्मशालामा स्थापना गरेकाे एक सय बेडको अस्थायी कोभिड अस्पताल र एक सय बेडको आइशोलेसन तयारी भएकोले शुक्रबारदेखि संचालनमा ल्याउने तयारी गरेको हो ।

अस्थायी कोभिड अस्पताल र आइशोलेसन तयारी भैसकेको र शुक्रबार ११ बजेपछि संचालन हुने वीरगंज महानगरपालिकाका नगर प्रमुख विजय कुमार सरावगीले जानकारी दिए ।

उनले भने “सबै तयारी पूरा भएकोले शुक्रबार बिहान ११ बजेदेखि संचालन गरिने छ । गोपाल मण्डलीमा एकसय बेड सामान्य लक्षण भएका संक्रमितहरुको लागि कोभिड अस्पताल र लक्षण नदेखिएका संक्रमितको लागि एकसय बेड आईशोलेसन तयार गरिएको छ ।”

यसैबीच वीरगंज महानगरपालिकाले पीसीआर परीक्षणका लागि स्वाब संकलन पनि शुक्रबारदेखि शुरु गर्ने भएको छ ।

अस्पतालमा गएर परीक्षण गर्दा संक्रमणको सम्भावना उच्च हुने भएकाले प्रत्येक वडा वडामा गएर घुम्ती टोलीमार्फत स्वाब संकलन गर्न लागिएको नगर प्रमुख विजय कुमार सरावगीले बताए ।

परीक्षणको दायरा फराकिलो पार्न वडा वडाबाट पीसीआर परीक्षणका लागि स्वाब संकलन गर्ने क्रममा महानगरपालिका स्वास्थ्य महाशाखाले आदर्शनगरबाट शुक्रवारदेखि सुरु गर्ने छ ।

शुक्रबार बिहान ७ बजेदेखि १० बजेसम्म वडा नम्बर १० मा स्वास्थ्य महाशाखाको घुम्ती टोलीले स्वाब संकलन गर्ने महानगरपालिकाका स्वास्थ्य तथा सामाजिक विकास महाशाखाका प्रमुख अरुण कुमार महतोले बताए ।

नारायणी अस्पतालमा संक्रमितको चाप बढेकोले महानगरपालिकाले पनि स्वाब संकलन लामो समय पछि गर्न लागेकाे उनले बताए ।

जनशक्तिको समस्या तथा केही प्राविधिक समस्या भएपनि सबै आवश्यक स्रोत साधनहरु बिहिवार बेलुकासम्म जुटाई सक्ने र शुक्रवारदेखि शुरु गर्ने महतोको भनाई छ ।

पाेखरियामा २५ बेडकाे आइशाेलेसन तयारी अवस्थामा

0

वीरगंज । पर्साकाे पाेखरिया नगरपालिकाले काेराेना भाइरस संक्रमितकाे उपचारकाे लागि २५ बेडकाे आइशाेलेसन वार्ड तयारी अवस्थामा राखेकाे छ ।  

पाेखरिया अस्पतालमा २५ बेडकाे आइशाेलेसन वार्ड तयारी अवस्थामा रहेकाे नगरपालिकाका मेयर दिपनारायण राैनियारले वताए । जस मध्ये ८ बेडकाे अक्सिजन वार्ड र १७ बेडकाे आइशाेलेसन वार्ड रहेकाे मेयर राैनियारले जानकारी दिए ।

पछि थप अवश्यकता महसुस भएकाे खण्डमा आइशाेलेसन वार्डकाे बेड संख्या थपिदै जाने उनले वताए ।

यसका साथै नगरपालिकाले संक्रमितकाे लागि निशुल्क औषधीकाे किट समेत उपलब्ध गराइने छ । नगरपालिका भित्रकाे हाेम आइशाेलेसनमा बस्ने संक्रमितकाे लागि निशुल्क औषधी उपलब्ध गराइने मेयर राैनियारले वताए ।

मेयर राैनियारले कालिका टाईम्ससंग कुरा गर्दै भने “नगरपालिकाका हाेम आइशाेलेसनमा बसेका संक्रमितहरुलाई निशुल्क औषधीकाे किट उपलब्ध गराइने छ । साथै नगरपालिकाकाे स्वास्थ्यकर्मीहरुद्वारा स्वास्थ्य परामर्श समेत दिनुकाे साथै निगरानी समेत गरिने छ ।”

वीरगंजमा थप ३ जना काेराेना संक्रमितकाे मृत्यु

0

वीरगंज । पर्सामा थप ३ जना काेराेना संक्रमितकाे मृत्यु भएकाे छ । मृत्यु हुने तिनै जना वीरगंज महानगरपालिकाका हुन् ।

वीरगंजस्थित नारायणी अस्पतालमा उपचाररत वीरगंज महानगरपालिकाकाे वडा नं‍. २ छपकैया निवासी ६५ बर्षिय काेराेना संक्रमित महिलाकाे मृत्यु भएकाे छ ।

नारायणी अस्पतालका कोभिड संयोजक डा. सरोज रोशन दास अनुसार गम्भीर किसिमको निमोनियाबाट पिडित वृद्धको श्वासप्रश्वासमा समस्या आउँदा मृत्यु भएको हो । 

स्वास्थ्यमा समस्या भएपछि वृद्धलाई बैशाख १६ गते उनको परिवारका सदस्यले अस्पताल भर्ना गराएका थिए । अस्पताल भर्ना गर्दा काेराेनासँग मिल्दोजुल्दो लक्षण देखिएपछि अर्को दिन आरटी-पिसिआर प्रविधि मार्फत उनको थ्रोट स्वाबलाई परिक्षण गर्दा काेराेना पुष्टि भएको थियो । 
 
कोभिड पुष्टि भएसँगै उनलाई अस्पतालस्थित आईसीयू कक्षमा अक्सिजन सपोर्टमा राखेर उपचार गर्दागर्दै बुधबार विहान ८:१० बजे मृत्यु भएको डा. दासले बताए । वृद्धमा देखिएको निमोनियाका कारण उनको छातीको दुवै फोक्सोमा समस्या देखिएको डा. दासले जानकरी दिए ।

यस्तै, वीरगंजस्थित नेशनल मेडिकल कलेज तथा शिक्षण अस्पतालमा उपचाररत एक जना काेराेना संक्रमितकाे मृत्यु भएकाे छ ।

वीरगंज महानगरपालिकाकाे वडा नं. १६ निवासी ६३ बर्षिय पुरुष संक्रमितकाे मृत्यु भएकाे जिल्ला प्रशासन कार्यालय पर्साले जनाएकाे छ । उनकाे स्वास्थ्यमा समस्या देखिएपछि बैशाख २० गते साेमबार नेशनल मेडिकल कलेजमा भर्ना गरिएकाे थियाे ।

उनमा काेराेनासंग मिल्दाेजुल्दाे लक्षण देखिएपछि मंगलबार गरिएकाे पिसिआर परिक्षणमा काेराेना पाेजिटिभ देखिएकाे थियाे । त्यसपछि नेशनल मेडिकल कलेजकाे काेराेना अस्पतालमा राखेर उपचार गर्ने क्रममा मंगलबार राती नै ११ बजे मृत्यु भएकाे जिल्ला प्रशासन कार्यालय पर्साका प्रशासकिय अधिकृत विनय श्रीवास्तवले वताए ।

यस्तै, वीरगञ्जस्थित नारायणी वयोधा अस्पतालमा उपचाररत एकजना कोरोना सङ्क्रमितको मृत्यु भएको छ ।

बैशाख १० गतेदेखि कोरोना पुष्टि भएर अस्पतालमा उपचाररत ७० वर्षीय वृद्धको सङ्क्रमणका कारण मृत्यु भएको जिल्ला प्रशासन कार्यालय पर्साले जनाएको छ ।

जिल्ला प्रशासन कार्यालय पर्साका कोभिड फोकल पर्सन विनय कुमार श्रीवास्तवका अनुसार मृतक पुरुष वीरगंज महानगरपालिका वडा नम्बर १६ का बासिन्दा हुन् । उनको गएराति उपचार गर्दागर्दै साढे ८ बजे मृत्यु भएको जिल्ला प्रशासन कार्यालय पर्साका प्रशासकिय अधिकृत श्रीवास्तवले जानकारी दिए ।

गाउँपालिका अध्यक्ष कुशवाहाकाे अन्त्येष्टि

0

आलाेक कुशवाहा/
भिस्वा । पर्साको कालिकामाई गाउँपालिकाका अध्यक्ष नथुनी प्रसाद कुशवाहको अन्त्येष्टि सम्पन्न भएकाे छ ।

कालिकामाई गाउँपालिका वडा नं. २ भेडिहारी निवासी ७९ वर्षीय कुशवाहको शुक्रबार दिउसाे धार्मिक परम्परा अनुसार अन्त्येष्टि गरिएकाे हाे । उनकाे जेठाे छाेरा इन्दु भुषण कुशवाहाले दागबती (आगाे) दिएका थिए । 

भेडिहारीस्थित श्री सुकई साह मावि स्कुल नजिक रहेकाे उनकाे आफ्नै खेतमा अन्त्येष्टि गरिएकाे थियाे ।

अन्त्येष्टिमा पाेखरिया नगरपालिकाका मेयर दिपनारायण राैनियार, मिर्जापुरका पूर्ब गाबिस अध्यक्ष चंजीत कुशवाहा, नेपाल संघिय समाजवादी पार्टीका नेता इमादद गद्दी, अमिका पटेल लगायतकाे सहभागिता रहेकाे थियाे ।

अध्यक्ष कुशवाहाकाे शुक्रबा बिहान २ बजे वीरगंजस्थित डेराकाे घरमा निधन भएको थियाे । ज्वरो र रुघाखोकी लागेपछि कुशवाह एक सातादेखि वीरगंस्थित घरमै बस्दै आएका थिए । छोरा डा. दिलीप कुशवाहले उनको उपचार गरिरहेका थिए ।

स्वास्थ्यस्थिति जटिल बन्दै गएपछि बिहान अस्पताल लैजाने क्रममा उनको मृत्यु भएको थियाे ।

नेपाल संघिय समाजवादी पार्टीमा आवद्ध रहेका कुशवाहा जनता दलकाे चुनाव चिन्हले गाउँपालिका अध्यक्षमा निर्वाचित भएका थिए । 

निषेधाज्ञाकाे उलंघन गर्दै संचालन गरिएकाे तालिम विराेध पछि स्थगित

0

वीरगंज । कोरोना भाइरस संक्रमण नियन्त्रण तथा राेकथामकाे लागि लगाइएकाे निषेधाज्ञाधाज्ञाकाे प्रशासनबाट नै अवहेलना भएकाे पाइएकाे छ ।

निषेधाज्ञाको समयमा जनगणना सम्बन्धी सुपरिक्षकहरुकाे भेला गरी तालिम संचालन भएकाे भेटिएपछि गएकाे पत्रकारहरुकाे एक टाेलीले सो तालिम स्थगित गराएको छ । बीरगंजको सिद्धार्थ इन्टरनेशल कलेजमा आयोजित तालिमलाई संचारकर्मीहरुको टोलीले कोरोना संक्रमणको बेला १ सय ५६ भन्दा बढी मानिस भेला गरेर सामाजिक दुरी समेत कायम नगरी तालिम गराईएको भन्दै विरोध जनाएपछि आयोजकले तालिम स्थगित गर्न बाध्य भएको थियो ।

संचारकर्मीहरुले निषेधाज्ञाको उल्लंघन गरी तालिम गरिएको भन्दै घटनाको बारेमा प्रमुख जिल्ला अधिकारी एवं प्रहरी उपरीक्षक बेल बहादुर पाण्डेलाई जानकारी गराएपछि तालिम स्थगित भएको थियो ।

तालिममा सहभागि हुन पर्साको ठोरी देखि १४ वटै पालिकाका महिला, पुरुषहरुको सहभागिता रहेको थियो । तालिममा सहभागिहरुलाई निषेधाज्ञाको समयमा नआएमा करार नियुक्ती बदर गरी दिने चेतावनी दिएको कारण आफूहरु बाध्य भएर आएको सहभागितहरुले बताए ।

तथ्यांक कार्यालयका प्रमुख केशव ज्ञवालीले गृह मन्त्रालयको आदेशमा आफूले तालिम संचालन गरेको बताउँदै आफूले तालिम नरोक्ने अडान लिएपछि संचारकर्मीहरुले माथिल्लो निकायलाई जानकारी गराउँदै तत्काल तालिम रोक्न चेतावनी दिएका थिए ।

विवाहमा १५ जना भन्दा बढीलाई सहभागि हुन नदिने प्रशासनले १ सय ५६ जनालाई सानो कोठामा कोचेर संक्रमणको बेला तालिम लिन बाध्य गराईएको हुँदा तालिम दिने संस्थाका प्रमुखलाई कारवाही गर्न स्वम् सहभागिहरुले माग गरेका छन् ।

यस अघि पनि सुपरिवेक्षककाे स्वर्ट लिष्टमा परेकाहरुलाई जानकारी नै नगराई अन्तर्वता संचालन गरी सुपरिवेक्षक छनाैट गरिएकाे थियाे ।