Date
शुक्र, मंसिर ४, २०८३
Fri, November 20, 2026
Home Blog Page 827

कालिकामाई गाउँपालिका अध्यक्ष कुुशवाहाकाे निधन

0

वीरगंज । पर्साकाे कालिकामाई गाउँपालिकाका अध्यक्ष नथुनी प्रसाद कुशवाहाकाे निधन भएकाे छ ।

कालिकामाई गाउँपालिकाकाे वडा नं. २ भेडिहारी निवासी अध्यक्ष कुशवाहाकाे ७९ बर्षकाे उम्मेरमा आज(शुक्रबार) विहान २ बजे मृत्यु भएकाे हाे । 

गाउँपालिका अध्यक्ष कुशवाहाकाे निधनकाे खबरले गाउँ नै शाेकमा डुबेकाे छ । थप विवरण आउन वाकी छ ।

पर्सामा थप एक काेराेना संक्रमितकाे मृत्यु

0

बीरगंज । पर्सामा थप एक काेराेना संक्रमितकाे मृत्यु भएकाे छ । नारायणी अस्पताल वीरगंजमा उपचाररत काेराेना संक्रमित वीरगंज महानगरपालिका वडा नम्बर १२ निवासी ४० वर्षीय पुरुषको मृत्यु भएको हाे ।

गत बैशाख १२ गते अस्पतालमा भर्ना भएका उनकाे सोही दिन गरिएको एन्टिजेन परिक्षणमा पोजेटिभ रिपोर्ट आएको थियो ।

गम्भीर प्रकृतिको निमोनियाबाट समेत ग्रसित रहेका ति पुरुषको बिहीबार बिहान १० बजे मृत्यु भएको अस्पतालका कोभिड संयोजक डा. सरोजरोशन दासले जानकारी दिए ।

कालिकामाईमा आगलागी, ४ बर्षिय बालिकासहित ३ घाइते

0

वीरगंज । पर्साकाे कालिकामाई गाउँपालिका वडा नं. २ भेडिहारीमा बिहिबार एक किराना पसलमा आगलगी हुँदा ३ जना घाइते भएका छन् ।

स्थानिय रुपेश साहकाे किराना पसलमा भएकाे आगलगीमा परी एक ४ बर्षिय बालिकासहित ३ जना घाइते भएकाे प्रहरीले जनाएकाे छ ।

घाइते हुनेमा पसल संचालक रुपेशकाे ४ बर्षिय छाेरी अर्पणा कुमारी, साेही ठाउँ निवासी हरिकिशाेर चाैरसियाका १४ बर्षिय छाेरा प्रमेशवर चाैरसिया र जगरनाथपुर गाउँपालिका वडा नं. २ लक्ष्मिपुर निवासी ४० बर्षिय श्यामसुन्दर चाैहान रहेका छन् ।

घाइतेहरुकाे वीरगंजस्थित नारायणी अस्पतालमा उपचार भइरहेकाे इलाका प्रहरी कार्यालय पाेखरियाले जनाएकाे छ । घाइते मध्ये अर्पणा अवस्था गम्भिर रहेकाे छ ।  आगलागीले करिब ३ लाख बराबरकाे क्षति भएकाे जनाइएकाे छ ।

स्थानियका अनुसार पेट्राैलले आगलागी भएकाे हाे भने प्रहरीले आगलागीकाे कारण खुल्न नसकेकाे जनाएकाे छ । 

वीरगंजमा थप ७६ जनामा काेराेना संक्रमण पुष्टि

0

वीरगंज । नारायणी अस्पताल वीरगंजकाे प्रयाेगशालामा साेमबार गरिएकाे परिक्षण थप ७६ जनामा काेराेना भाइरस संक्रमण फेला परेकाे छ ।

१४० जनाकाे स्वाबकाे नमुना आरटी पिसिआर विधिबाट परिक्षण गर्दा ७६ जनाकाे रिपाेर्ट पाेजिटिभ आएकाे अस्पतालका काेभिड संयाेजक डा. सराेज राेशन दासले वताए । संक्रमित हुनेमा पर्साका ६४ जना र बाराका १२ जना रहेकाे उनले जानकारी दिए ।

उनका अनुसार थपिएका संक्रमितहरु ५५ जना पुरुष र २१ जना महिला रहेका छन् । संक्रमित हुनेमा ५ बर्षिय बालकदेखि ७० बर्षिय बृद्ध सम्म रहेका छन् । संक्रमितहरुकाे सिटी भ्यालु १४.१ देखी ३५ सम्म रहेकाे छ ।

पर्सामा थपिएका संक्रमित बहुदरमाई नगरपालिकाकाे वडा नं. ३ का २ जना वाहेक अरु सबै वीरगंज महानगरपालिकाका विभिन्न वडाका वासिन्दा हुन् ।

जितपुरमा निर्माण भएकाे नाला उद्घाटन

0

रोशन गुप्ता/
जीतपुर । जीतपुर सिमरा उपमहानगरपालिका–७ जितपुरमा निर्माण भएकाे नाला उद्घाटन गरिएकाे छ । जितपुरकाे शान्ति टोलमा निर्माण भएकाे नालाकाे वडाध्यक्ष रामबाबु कलवारले रिवन काटेर उदघाटन गरेका थिए ।  

नाला उद्घाटन गर्दै वडाध्यक्ष कलवारले नाला निर्माणमा सहयाेग गरे जस्तै वडाले गर्ने बाटो निमार्णमा पनि टोल बासीहरुलाई सहयाेग गर्न आग्रह गरे ।

वडा स्तरीय बजेटबाट रु १० लाखकाे लागतमा ३०० मिटर नाला निमार्ण भएकाे नाला निर्माण उपभोक्ता समितिका अध्यक्ष छोटे लाल साहले बताए । २०७७ फाल्गुन १३ गतेदेखी सुरु गरिएकाे नाला निमार्ण कार्य सम्पन्न भएपछि उद्घाटन गरिएकाे उनले जानकारी दिए ।

नाला निमार्ण गर्ने क्रममा नाला निमार्ण उपभोक्ता समितिहरुलाई धेरै दुविधा भएता पनि सबैको सहमतिमा नाला निमार्ण सम्पन्न भएकाे हाे । 

नाला उद्घाटन कार्यक्रममा वडा सदस्य मोहरम मंसुरी, युवा नेता राजेश गिरी, नाला निर्माण उपभोक्ता समितिका सदस्य निलम साह सोनार, बिरेन्द्र साह, सुख चन्द्र सिंह (थारु), पारस साह, पुनम साह लगायत स्थानियहरुको उपस्थिति रहेको थियो ।

वीरगंजमा उपचाररत ३ जना काेराेना संक्रमितकाे एकैदिन मृत्यु

0

बीरगंज । कोरोना संक्रमणको उच्च जोखिममा रहेको वीरगंजमा एकैदिन ३ जना कोरोना संक्रमितको मृत्यु भएको छ । बीरगन्जस्थित नारायणी अस्पतालमा उपचाररत २ जना र नारायणी वयोद्या अस्पतालमा उपचाररत १ जना गरी ३ जनाको साेमबार मृत्यु भएको हो ।

सोमवार बिहान साढे ९ बजे नारायणी अस्पतालमा उपचाररत बीरगंज महानगरपालिका वडा नम्बर ६ आदर्शनगर निवासी ६० वर्षीय बृद्धको मृत्य भएकाे अस्पतालका काेभिड संयाेजक डा. सराेज राेशन दासले वताए । बैशाख २ गते पिसआर रिपोर्ट पोजेटिभ आएपछि ३ गते नारायणी अस्पतालमा भर्ना भएका बृद्ध थाइराइड, गम्भिर निमोनिया र हृदयघाटबाट पनि ग्रसित रहेका थिए ।

त्यस्तै, नारायणी  अस्पतालमा उपचाररत पर्साको बहुदरामाई नगरपालिका वडा नम्बर ७ निवासी ४५ वर्षीय काेराेना संक्रमित महिलाको पनि साेमबार सांझ ६ बजे मृत्यु भएको डा. दासले जानकारी दिए ।

स्वास्थ्यमा समस्या आएपछि बैशाख १२ गते नारायणी अस्पतालमा भर्ना भएकी ति महिलाको बैशाख १३ गते एन्टिजेन परीक्षणमा पोजेटिभ रिपोर्ट आएको थियो ।

गम्भिर किसिमको निमोनियाबाट समेत पिडित महिलाको सोमवार बेलुका ६ बजे मृत्यु भएको नारायणी अस्पतालका कोभिड संयोजक डा. दासले जानकारी दिए ।

यसैविच, नारायणी वयाेधा अस्पतालमा उपचाररत वीरगंज महानगरपालिका वडा नम्बर ८ पानीट्यांकी निवासी ३८ वर्षीय काेराेना संक्रमित महिलाको पनि मृत्यु भएकाे छ ।

बैशाख १० गते गरिएको पिसिआर परिक्षणमा रिपोर्ट पोजेटिभ आएकाे महिलाकाे सोमवार बेलुका पौने ६ बजे उपचारकाे क्रममा मृत्यु भएको जिल्ला प्रशासन कार्यालय पर्साका प्रशासकिय अधिकृत विनय श्रीवास्तवले वताए ।

स्वास्थ्यमा समस्या देखिएपछि सोमवार दिउँसो नारायणी वयोद्या अस्पताल गण्डकमा उनलाई भर्ना गरिएको पारिवारीक स्रोतले जनाएको छ ।

पर्साकाे ग्रामिण भेगका विद्यालयहरु पनि बन्द

0

वीरगंज । काेभिड १९ काे संक्रमण दिन प्रति दिन तिब्र रुपले बढदै गएपछि पर्साकाे ग्रामिण भेगका विद्यालयहरु पनि बन्द भएका छन् । पालिकाहरुकाे निर्देशनमा विद्यालयहरु बन्द हुनुकाे साथै संचालनमा रहेकाे परिक्षाहरु पनि स्थगित भएका छन् ।

पाेखरिया नगरपालिकाले साेमबार एक सूचना जारी गर्दै बैशाख १४ गते मंगलबारदेखी अक्राे सूचना नहुन्जेल सम्म नगरपालिका भित्रकाे सबै सामुदायिक तथा संस्थागत विद्यालय बन्द गरिएकाे जनाएकाे छ ।

नगर प्रमुख दिपनारायण प्रसाद राैनियारद्वारा हस्ताक्षरित सूचनामा काेभिड १९ काे संक्रमण दिन प्रति दिन बढ्दै गएकाे गइरहेकाे अवस्थालाई मध्यनजर गर्दै विद्यालयहरु बन्द गरिएकाे जानकारी गराइएकाे छ ।

यस्तै, जिराभवानी गाउँपालिका साेमबार एक सूचना जारी गर्दै गाउँपालिका भित्रका सबै सामुदायिक तथा निजी विद्यालयहरु बन्द गरिएकाे जनाएकाे छ ।

प्रमुख प्रशासकिय अधिकृत प्राण मेहताद्वारा हस्ताक्षरित सूचनामा नेपाल सरकारकाे सिसिएमसि सचवालयकाे बैशाख १२ गतेकाे प्रेस विज्ञप्तीमार्फत अर्काे आदेश नभए सम्मका लागि देशभरका विद्यालयहरुमा हुने पठन-पाठन, परिक्षा लगायतका कार्यहरु हाललाई स्थगित गर्ने निर्णय भएकाेले यस गाउँपालिका क्षेत्र भित्रका सबै सामुदायिक तथा निजि विद्यालयहरु समेत अक्राे सूचना नभए सम्मकाे लागि पठन-पाठन तथा परिक्षा लगायतका कार्यहरु सूचना प्रकाशित कै मितिबाट लागु हुने गरि जानकारी गराइएकाे छ ।

यस्तै, छिपहरमाई गाउँपालिकाले पनि बैशाख १२ गते आइतबारदेखी संचालनमा रहेकाे कक्षा ६ देखी ९ सम्मकाे परिक्षा स्थगित गरेकाे छ ।

काेभिड १९ काे संक्रमणमा पर्सामा पनि दिनप्रति दिन बढ्दै गएकाेले र नेपाल सरकारले समेत विद्यालयहरु बन्द गर्न निर्णय गरे अनुसार बैशाख १४ गते साेमबारदेखी संचालनमा रहेकाे सबै परिक्षा अक्राे सूचना नहुन्जेल सम्मकाे लागि स्थगित गरिएकाे छिपहरमाई गाउँपालिकाका निमित प्रमुख प्रशासकिय अधिकृत शम्भु प्रसाद साहले वताए ।

छिपहरमाईले यस अघि नै बैशाख ८ गते अक्राे सूचना नभए सम्म कक्षा १ देखि ५ सम्मकाे पठन-पाठन बन्द गरी विद्यार्थीहरुकाे आन्तरिक मूल्यांकनद्वारा कक्षा थप गर्न व्यावस्था गर्न निर्देशन दिएकाे थियाे ।

यस्तै, सखुवा प्रसाैनी गाउँपालिकाकाे पनि सबै विद्यालयहरु साेमबारदेखी बन्द भएका छन् ।

काेभिड १९ काे संक्रमण दिन प्रति दिन तिब्र रुपले बढदै गइरहेकाेले सबै विद्यालयकाे पठन-पाठन र परिक्षा बैशाख १३ गते साेमबारदेखी अक्राे सूचना नहुन्जेल सम्मकाे लागि बन्द गरिएकाे गाउँपालिका अध्यक्ष प्रदिप जयसवालले वताए ।

यस्तै,  पकहा मैनपुर र कालिकामाई गाउँपालिकाले सबै सामुदायिक तथा निजी विद्यालयहरुकाे पठन-पाठन बन्द गर्न र संचालनमा रहेकाे परिक्षा अक्राे सूचना नहुन्जेल सम्मकाे लागि स्थगित गर्न निर्देशन दिएकाे छ ।

अनेरास्ववियू (क्रान्तिकारी) पर्साकाे जिल्ला समिति गठन

0
वीरगंज । नेकपा (माओबादी केन्द्र) निकट अनेरास्ववियू (क्रान्तिकारी) पर्सा जिल्ला समितिकाे बिस्तारित बैठक साेमबार सम्पन्न भएकाे छ ।
 
वीरगंज दरबारमा बसेकाे बैठकले कबिराज पटेलकाे संयाेजकत्वमा ५१ सदस्यीय जिल्ला समिति गठन गरेकाे छ । नवगठित जिल्ला समितिकाे सह संयाेजकमा संदीप बिक्रम साह र एहसान अंसारी रहेका छन् ।
 
यस्तै बैठकले अनेरास्ववियूकाे वीरगंज महानग़र कमिटीको संयाेजकमा विवेक साह, सह संयोजकमा रामबाबू मण्डल र सोयब आलम र मिराेज अहमदलाई चयन गरेकाे छ ।
 
यस्तै बैठकले ठाकुराम बहुमुखी क्यामपसको संयाेजकमा अभिषेक ठाकुर र सह संयोजकमा समसेद अंसारीलाई चयन गरेकाे छ ।
 
अनेरास्यववियूकाे केन्द्रीय सदस्य एवम् पर्सा ज़िल्ला इन्चार्ज जुबेर आलमको अध्यक्षता र अनेरास्ववियूका केन्द्रीय सचिव एवम् प्रदेश २ का संयाेजक सूर्यनारायण साहको प्रमुख आथित्यतामा बसेकाे बैठकले यस्ताे निर्णय गरेकाे हाे ।
 
साे बैठकमा नेकपा माओबादी केन्द्र पर्साका अध्यक्ष बिजय महतो, प्रदेश कमिटी सदस्य रामदरस कुशवाहा, अनेरास्ववियूका केन्द्रीय सदस्य एवम् प्रदेश नं. २ का सह संयोजक प्रभाकर गुप्ता पूजन सिंह, केन्द्रिय सदस्य शिवम् साह, इशक कुमार लगायतकाे पनि उपस्थिती रहेकाे थियाे ।