Date
शुक्र, मंसिर ४, २०८३
Fri, November 20, 2026
Home Blog Page 825

खुला सिमा को कारण नेपाल भारत आवतजावत रोकिएन ,सुरक्षा निकाय मौन

0

जीराभवानी ,

नेपाल भारत सीमा नाका सिल रहेको भनिए पनि पर्साको ग्रामीण भेगका नाका हुदै भारतबाट मानिसहरु सहज रुपमै नेपाल भित्रिने क्रम रोकिएको छैन ।

पर्सामा संक्रमीतहरुको संख्या दिनहु अप्रत्याशीत रुपमा बढ्दै गएर स्थिती भयावह भइरहेको अवस्थामा पनि भारतबाट मानिसहरु सहजै रुपमा आउजाउ गरिरहेको ग्रामीण भेगका स्थानीयले बताएका छन् । भिस्वा ,जानकीटोलाको दसौता र माहादेवपट्टीको बलुवा र ठोरी गापा चारका मालिबस्ती र गोपिबस्तीका नाका हुदै भारतियहरु निर्वाध रुपमा नेपाल प्रबेश गरिरहेका हुन् ।सीमा नाकामा मानिसको पूर्ण आवागमन रोक्न ठाँउ ठाँउमा नेपाल प्रहरीको चौकी र सशस्त्र प्रहरीको चेकपोईन्ट रहेता पनि मोटरसाइकल र साइकलमा भारतीयहरु नेपाल भित्रिनै रहेका छन् ।

यस्तै पर्साको ग्रामीण भेगका सीमा क्षेत्रका नेपालीहरु पनि सीमावर्ती भारतीय बजारमा गएर किनमेल गरेर फेरि नेपाल फर्किने गरेका छन् ।जसका कारण कोरोनाको संक्रमण अझ धेरै फैलीने जोखीम बढेको छ । पर्सामा समुदाय स्तरमै संक्रमण फैलिइ सकेको भएपनि सिमा नाकामा स्थानिय प्रशासनले अझै कडाई गर्न नसकेको गुनासो ग्रामीण भेगका स्थानीयको छ ।सिमा वारी र पारीका बजारहरुमा कोरोनाभाइरसको संक्रमण समुदाय स्तरमै फैलिएर विकराल रुप लिइ सकेको भएपनि सिमामा मानिसहरुको ओहोरदोहोर रोक्न प्रशासन अझै पनि गम्भीर बन्न नसकेको स्थानिय बुद्धिजिवीहरुको भनाई छ ।सिमानाकामा कडाई नगरेर बीरगन्जको मुख्य सडकमा केन्द्रित भएको स्थानिय प्रशासनको भुमिका शंकास्पद देखिएको स्थानियहरुको भनाई छ ।

नाकामा कडाई गर्न नसकेको स्थानिय प्रशासनको सामाजिक सञ्जालमा पनि व्यापक आलोचना हुने गरेको छ ।केही दिन अघि मात्रै नाका अवलोकनका लागि पुगेको स्थानिय प्रशासनको एक टोलीको अवलोकन सकिने बित्तिक्कै भारतबाट नेपाल प्रवेश गर्नेहरुको लर्को लागेको स्रोतले जनाएको छ । यदि नाकामा अझै पनि दुरुस्त पहरा नराख्ने हो भने संक्रमण थप बढेर जाने विज्ञहरुको भनाई छ ।

ठेकेदार रन्जन कन्ट्र्क्सन को लापरबाहीको कारण सदरमुकाम र अनेकौं गा.पा बिच सम्पर्क विच्छेद हुँदै

0

जीराभवानी, 

बेमौसमी वर्षा शुरू भएसँगै अहिले पर्साको ग्रामीण सडकहरूसँगको सम्पर्क विच्छेद हुँदैछ । थरुहट सडक, पोखरिया–लङ्गडी सडकखण्ड, हुलाकी सडकलगायत गाउँका प्रमुख सडकहरू हिलाम्य भएका कारण सडक सम्पर्क विच्छेद भएका हुन् । ग्रामीण सडकहरूको अवस्था नाजुक रहेको र सदरमुकाम वीरगंज र गा पा हरु बिच सम्पर्क विच्छेद भइरहेको ठोरी गाउँपालिकाका–५ का बिमल प्रधानले बताए।उनले ग्रामीण सडक स्तरोन्नतिको क्रममा रहेको तर सडक निर्माण भएका स्थानमा समस्या नभएपनि सडक निर्माणको काम आधा अधूरा भएका स्थानमा ठूलो समस्या भएको बताए । सडक बिग्रेका ठाउँमा सवारीसाधनहरू सञ्चालनमा निकै समस्या भएको र साइकल, मोटरसाइकल पनि डोरयाएर हिंड्नुपरेको उनले बताए ।

सडक डिभिजन कार्यालयमार्फत ठेक्का पाएका ठेकेदार कम्पनीले वर्षालाई लक्षित गरेर समस्या भएको ठाउँमा सडकको स्तरोन्नति नगरेकाले गाउँका सडकमा हिंड्नेलाई समस्या भएको हो । अहिले थरुहट सडकखण्ड अन्तर्गतका जीराभवानी गापाको सड्क पोखरिया–लङ्गडी–भिस्वा सडकखण्ड, हरिहरपुर–भलुवाही सडकखण्ड, जानकीटोला–भिस्वा सडकखण्डमा सबैभन्दा बढी समस्याभएको हो । पोखरिया–लङ्गडी–भिस्वा सडकखण्ड कालोपत्र गर्नेक्रममा ग्रेभल सडकमा माटो पुर्ने काम वर्षायाममा गरिएकोले समस्या भएको हो। ठेकेदार कम्पनीले चिप्लो माटो पुरेर आवागमनमा समस्या देखिएका छन ।

जीराभवानी, जगरनाथपुर, पटेर्वासुगौली, सखुवाप्रसौनी, धोबिनी, छिपहरमाईलगायतका पालिकाका टोलटोलमा सडकको अवस्था एकदमै नाजुक छ । मुख्य सडकहरूमा भार क्षमताभन्दा बढी वजनका साथ ट्याक्टर, ट्रक, टिपर सञ्चालन भएका कारण सडकको अवस्था एकदमै नाजुक भएको हो । मुख्य सडकमा तीन फिटसम्मका खाल्डाखुल्डीहरू छन् ।

मुख्य सडकका साथै गाउँका अन्य सडकहरू पनि वर्षायाममा बिग्रेर हिंड्डुलमा समस्या भएको जीराभवानी गापा–१ महादेवपट्टी निवासी मनमोहन महतोले बताए । सदरमुकाम वीरगंज पुग्ने अर्काे वैकल्पिक जनता सडकको अवस्थामा पनि सुधार छैन ।

बाराको जीतपुर भएर वीरगंज पुग्ने जनता सडक अन्तर्गत पटेर्वासुगौली गापा–३ र ४ को देकुली र धर्मपुर सुगौलीसम्मको सडक निकै बिग्रिएको छ । सडक बिग्रिएकोले सवारीसाधनहरूको आवागमन पातलिएको र मानिसको चहलपहल पनि कम भएको स्थानीय राजेश मन्डलले बताए ।

 

क्याट पर्साद्वारा हिमाल अक्सिजन उद्योगमा अनुगमन

0

वीरगञ्ज, ८ जेठ।

कोभिड एक्सन टिम (क्याट) पर्साले अक्सिजन उद्योगको अनुगमनलाई शनिवार पनि निरन्तरता दिएको छ ।

यसअघि मधु अक्सिजन उद्योगमा अनुगमन गरेको क्याटले शनिवार वीरगञ्ज महानगरपालिका वडा नम्बर २१ मा रहेको हिमाल अक्सिजन प्लान्टमा अनुगमन गरेको छ । नयाँ भेरियन्टसहितको कोरोना संक्रमणका कारण हटस्पट बनेको वीरगञ्जमा अक्सिजनको अभाव भइरहेको अवस्थामा अक्सिजन उद्योगहरुले अन्य ठाउँमा बिक्रि वितरण गरिरहेको भन्ने आशंकामा क्याटले अनुगमन थालेको हो ।

क्याटका संयोजक एवम् जिल्ला समन्वय समिति पर्साका सभापति नेकमहमद अन्सारी नेतृत्वको टोलीले अनुगमनको क्रममा १ हप्ताको तथ्यांक हेर्दा सन्तोषजनक नरहेको ठहर गरेको हो । बैशाख २ र ३ गतेको तथ्यांकअनुसार वीरगञ्जका अस्पतालभन्दा पनि बाहिर बढी पठाएको पाइएपनि ४ गतेपछिको तथ्यांकमा वीरगञ्जमै सप्लाइ भएको पाइएको छ ।

कुल ४ सय देखि ५ सय ठूलो अक्सिजन सिलिण्डर र सानो १ सय देखि १ सय ५० सम्मको उत्पादन क्षमता रहेको उद्योगका प्लान्ट प्रबन्धक बिजेन्द्र यादवले बताए । क्याटको टोलीलाई यादवले उद्योगको अनुगमन गराउँदै अवस्थाको बारेमा जानकारी गराएको क्याटका सदस्य एवम् जनता समाजवादी पार्टी (जसपा) पर्साका सचिब तबरेज अहमदले जानकारी दिए ।

संयोजक अन्सारी, जसपा पर्साका सचिव अहमदसहित अनुगमन टोलीमा नेपाली कांग्रेस पर्साका सचिब श्याम पटेल, नेकपा एमालेका सञ्जिव मिश्रा, जिल्ला प्रशासन कार्यालय पर्साका प्रशासकिय अधिकृत अर्जुन पौडेल, नेपाल पत्रकार महासंघ पर्साका सदस्य अमित अग्रवाल, आदित्य ठाकुर लगायतको उपस्थिती रहेको थियो ।

प्रतिबंधित नेपाली र निराश प्रेम -मौनता पोखरेल

0

प्रतिबंधित नेपाली र निराश प्रेम -मौनता पोखरेल

मेरी प्यारी नर्स,

तिमीले पठाएको पत्र एक बर्ष पछि पाए। कोरोनाको चपेटामा परेर हवाई उडान बन्द भएको बेलामा ,त्यो अमूल्य खत म सगॅ आउन सकेन । तर समय यति बलवान रहेछ म अवाक छु। सुनाउन मन नभएपनि म विवशता को साथ आफु सय्यामा लडेको कुरा भन्दै छु।

तिम्रा चाहना सबै पुरा गर्न सकिन सानु।यहा नेपाल आफैॅ शोकाकुल भई रोईरहेको छ। हेर तिम्रो हाल बुझ्न मैले मेरा सारा मित्रलाई सम्पर्क गरे । तर कतैबाट तिम्रो खबर नआउदा मन बिचलित भयको छ।तिम्रो बुवाआमाको अवस्था नाजुक छ। घरकि एक्ली छोरी बाहिर अध्ययन गर्न गयी उतै हराई भन्ने नराम्रो छ। नेपाली जती भयावह जीवन परेपनी कुरा काट्न छोडदैन।यो खत कोरिरहदा तिमीले पढ़ने छौ भन्ने आश छ।मेरो लागी त परको कुरा आफ्नो बुवाको मुहारमा पर्स्ट र निर्धक्क मुस्कान हेर्न आऊ।केश पाकेकी बुढी आमाको केश सजाउन आऊ।

म तिम्रा हरेक चाहना पुरा गर्न दिलो-दिमाग एक गरी जमर्को गर्दै थिए।नेपाली जती भयावह जीवन कसैको नहोस।नेपाली भनी संसार भर नाम रोशन गर्ने सपना मुलबाटो पुग्ने बेलामा असरल्ल भयो।तर मैले हार मानेको छैन माया म उठ्नेछु।आत्मविश्वास को साहरा म अझै कोरोना युद्ध विजयी हुने विश्वास छ।

छिमेकी देश भारत आफै लाचार छ।नेपाली भनी आज खुषि हुनू की दुखी म असमंजसमा छु।नजिकै रहेको सीमा ले बेफाईदा नि हुदो रहेछ।के धनी र गरीब भन्नु अन्तमा चाहिने सबैलाई सासॅ रहेछ।यो अम्रीतरुपी सासॅ ले त साथ छोड्दो रहेछ पैसा र धनको के घमंड? म आज आफ्नै आखा अगाडी जीउदो शरिर मार्न बाध्य छु।दिनानुदिन लास हरु बेर्ने सेता कपडा देख्दा मन भक्कानिएर आउछ।

सयौ कोष पर सात समुद्र पारी म पक्षी बनी उडेर आउन नी असमर्थ छु।मानव मस्तिष्क जती सोच्यो तातीरहेको कोईला जस्तै तात्ने।म आफ्नै मात्रीभुमीमा भई रहदा त एक्लो छु।झन अमेरिका जस्तो व्यस्त देशमा एक्लै महामारी झेल्नु चानचुने काम होईन।तिमीले पठाएको पत्र भित्रको चेक मैले अक्सिजन दान दिए ।

एउटै परिवार का चार जना मर्दा पनि म आसुका धारा बाहेक केही दिन सक्दिन ।यस्तो परिस्थिति मा पनी ममा बाच्छु भन्ने आशाको किरण पलाएको छ।सगै बसी अशिक्षित र गरीबी रेखा मेट्ने उदेश्य बोकेका हामीहरु आज एकअर्का बाट पर छौ।नमरी बाचे कालले छाडे फेरी भेटौला माया।

पत्रसगै तिम्रो मनपर्ने आपको अचार र गुन्दूरुक छ। नेपाल आएछी भेटौला ।

तिम्रो प्यारो

अन्जान पात्र

जिराभवानीमा १० बेडकाे आइशाेलेसन, एम्बुलेन्स सेवा नि:शुल्क

0

वीरगंज । पर्साकाे जिराभवानि गाउँपालिकाले पनि १० बेडकाे आइशाेलेसन संचालनमा ल्याएकाे छ । 

गाउँपालिकाकाे वडा नम्बर ३ स्थित बिताे महताे माध्यमिक विद्यालयमा आइशाेलेसन संचालनमा ल्याइएकाे प्रमुख प्रशासकिय अधिकृत प्राण मेहताले वताए । गाउँपालिका अन्तर्गतकाे काराेना संक्रमितकाे उपचारकाे लागि आईसाेलेसन संचालनमा ल्याइएकाे उनले जानकारी दिए ।

साधारण किसिमकाे काेराेना संक्रमितलाई गाउँपालिकाकाे आइशाेलेसनमा राखेर उपचार गरिने छ भने गम्भिर किसिमकाे काेराेना संक्रमितलाई वीरगंज पठाइने छ । 

आइशाेलेसनमा बस्ने संक्रमितकाे खाना, औषधी लगायतकाे सम्पूर्ण थाेककाे व्यवस्था गाउँपालिकाले गरेकाे छ ।

यसका साथै काेराेना स‍ंक्रमितकाे लागि दुई वटा एम्बुलेन्स सेवा समेत तयारी अवस्थामा राखिएकाे अधिकृत मेहताले वताए । उनका अनुसार काेराेना संक्रमितकाे लागि निशुल्क एम्बुलेन्स सेवा उपलब्ध गराइने छ ।

हिन्दु स्वंयसेवक संघ कोरोना प्रभावितको उद्धारमा अहोरात्र खट्दै

0
 वीरगंज । सेवा नै नारायण सेवा’ को भावलाई आत्मसात गर्दै हिन्दू स्वयंसेवक संघ नेपाल, वीरगन्ज विभाग तथा संघ विचार परिवारले कोरोना प्रभावितहरुको उद्दारमा अहोरात्र खटेर समाजमा उदाहरणिय काम गरीरहेको छ ।
 
संघका स्वंयसेवक वर्तमान अवस्थामा फैलिएको कोरोनाको महामारीको प्रर्वाह नगरी जनताको सेवाको निरन्तर लागि रहेका छन । वीरगन्जको नेशनल मेडिकल कलेज मातहातमा वीरगन्ज १६ नगवामा संचालित नेशनल मेडिकल कलेज कोरोना अस्पतालका विरामी तथा कुरुवाहरुको लागि निशुल्क भोजन वितरण गरीरहेको छ ।
 
अस्पताल स्थापना भएदेखि नै उपचार गराउँन आउँने विरामी तथा उनका कुरुवाहरुको विजोग नै बन्दै गएको थियो । लकडाउनका कारण सम्पूर्ण बस्ने होटल र खाना खाने होटल बन्द हुदाँ प्रभावित भएका थिए । खाना खाने होटल, बन्द हुदाँ र लकडाउनमा सडकमा हिड्दा प्रहरीले समेत दुख दिने गरेका थिए । एकजना कुरुवाले भने, स्वंयसेवक संघले समयमै हामीलाई व्यवस्थापन गरी गरेको सराहनीय कार्यलाई हामीले कहिले विर्सन सक्दैनौ ।
चर्को घाम संगै पानी पर्दा हामीलाई बस्न समस्या भएको थियो, बाटोमै दिनरात विताउँन बाध्य थियो, उनले भने, घामपानी छेक्न स्थानियको छतको टप भित्र सहारा लिन बाध्य थियो, कुनै बेला स्थानियले कोरोना सर्ने डरले हामीलाई हेलाको दृष्टीले समेत हेर्ने गरथ्यो तर हिन्दु स्वंयसेवक संग हाम्रो लागि भगवान बनेर उभि दिएको छ ।
 
संघले बस्न राम्रो प्रबन्ध र खानाको व्यवस्थापन गर्दै आएको छ । संघले नेशनल मेडिकलको कोरोना अस्पतालमा मात्र नभई वीरगन्जको नारायणी अस्पतालका रहेको विरामी तथा कुरुवाहरु र सडक पेटीमा रहेको गरिब जनताको लागि निशुल्क भोजन वितरण तथा राहत समाग्री उपलब्ध गराउँदै आएको छ ।
यदि तपाईको सम्पर्कमा वा कही कतै कोही कोरोना संक्रमित ब्यक्ति वा परिवार छन जसलाई (औषधि, भोजन, खाद्यान्न वा अन्य कुनै पनि प्रकारको) सेवाको आवश्यकता छ भने कृपया सम्पर्क नम्बर ९८५५०२०८०८, ९८०२९२०८०८ र ९८४८९०२९५६ मा फोन गरी वा गराइदिन हुन हार्दिक अनुरोध गर्दछौ । हाम्रा अहोरात्र खटीएका स्वयंसेवकहरुले त्यसको ब्यवस्थापनमा सहयोग गर्ने छन ।

बहुदरमाई नपाले वीरगंजमा अस्थायी काेभिड अस्पताल संचालन गर्ने

0

वीरगंज । पर्साकाे बहुदरमाई नगरपालिकाले काेराेना संक्रमितकाे उपचारकाे लागि सदरमुकाम वीरगंजमा अस्थायी काेभिड अस्पताल संचालन गर्ने निर्णय गरेकाे छ ।

नगर प्रमुख नितेन्द्र साहकाे अध्यक्षमा शनिबार बसेकाे नगर कार्यपालिकाकाे बैठकले जिल्लाकाे सदरमुकाम वीरगंजस्थित हाेटल अथवा धर्मशालामा अस्थायी काेभिड अस्पताल संचालन गर्ने निर्णय गरेकाे हाे ।

यस्तै बैठकले नगरपालिका क्षेत्र भित्रका काेराेना संक्रमितहरुलाई निज निवास अथवा हाेम आइशाेलेसनबाट वीरगंजस्थित काेभिड अस्पताल सम्म पुर्याउन निशुल्क रुपमा एम्बुलेन्सकाे व्यस्था गर्ने निर्णय गरेकाे छ । साेकाे लागि हेल्पलाईन टेलिफाेन नम्बरहरु समेत सार्वजनिक गर्ने बैठककाे निर्णय छ ।

यस्तै, बैठकले नगरपालिकाले व्यस्थापन गरेकाे काभिड अस्पताल वाहेककाे अन्य अस्पतालमा उपचारकाे लागि भर्ना भएका संक्रमितहरुलाई उपचारमा खर्चकाे बिल, भर्पाई र अस्पतालबाट डिस्चार्ज भएकाे प्रमाणकाे आधारमा स्थानिय तह व्यवस्थापन काेषबाट एकमुस्ट रु १५ हजार दिने निर्णय गरेकाे नगरपालिकाका लेखापाल हरि प्रसाद कुर्मीले वताए ।

यसका साथै बैठकले संघिय मामिला तथा समान्य प्रशासन मन्त्रालयकाे आन्तरिक व्यवस्थापन शाखाकाे मिति २०७८ बैशाख २२ गतेकाे पत्र अनुसार एवम् जिल्ला प्रशासन कार्यालयकाे विभिन्न मितिकाे पत्र अनुसार नगरपालिकामा काेराेना भाइरस संक्रमण सम्बन्धि माईकिङ्ग लगायत अन्य विधुतिय सहायताहरुकाे प्रयाेग गर्ने र संभावित लक्षण देखिएका बिरामीहरुकाे स्वाब संकलन गरी परिक्षणकाे व्यवस्था नगरपालिकाले मिलाउने समेत निर्णय गरेकाे लेखापाल कुर्मीले जानकारी दिए ।

बैठकमा नगर उप प्रमुख गायत्री देबी, निमित प्रमुख प्रशासकिय अधिकृत बिदुर उप्रेती, वडाध्यक्ष जितेन्द्र पटेल, रामेश्वर प्रसाद साह, केदारनाथ तिवारी, रविन्द्र कुमार गुप्ता, लेखा प्रमुख उपेन्द्र साह लगायतकाे उपस्थिती रहेकाे थियाे ।

कालिकामाईका एक जनासहित पर्साका थप ५ काेराेना संक्रमितकाे मृत्यु

0

वीरगंज । वीरगंजमा शुक्रबार थप ३ जना कोरोना संक्रमितको मृत्यु भएको छ । वीरगंजस्थित नेशनल मेडिकल कलेजकाे काेराेना अस्पतालमा उपचाररत एक जना र वीरगंज हेल्थ केयरमा उपचाररत दुई जना काेराेना संक्रमितकाे मृत्यु भएकाे हाे ।

नेशनल मेडिकल कलेजमा उपचाररत वीरगंज महानगरपालिकाकाे वडा नं. ५ निवासी ७९ बर्षिय काेराेना संक्रमित महिलाकाे मृत्यु भएकाे जिल्ला प्रशासन कार्यालय पर्साले जनाएकाे छ ।

बैशाख १९ गते काेराेना संक्रमित भएकी महिला बैशाख २० गते नेशनल मेडिकल कलेजकाे काेराेना अस्पतालमा भर्ना भएकी थिइन । त्यसपछि अस्पतालमा उपचाररत रहेकी महिलाकाे शुक्रबार विहान ११ बजे मृत्यु भएकाे जिल्ला प्रशासन कार्यालय पर्साका प्रशासकिय अधिकृत विनय श्रीवास्तवले जानकारी दिए ।

त्यसैगरी, वीरगंज हेल्थ केयरमा उपचाररत पर्साकाे कालिकामाई गाउँपालिका वडा नं. २ भेडिहारी निवासी ५५ बर्षिय काेराेना संक्रमित पुरुषकाे मृत्यु भएकाे उनले जानकारी गराए ।

बैशाख २२ गते बुधबार अस्पताल भर्ना भएका पुरुषमा बैशाख २३ गते बिहिबार एन्टिजाेन पाेजिटिभ देखिएकाे थियाे । उनकाे शुक्रबार विहान ८ बजे मृत्यु भएकाे अधिकृत श्रीवस्तवले वताए ।

त्यसैगरी,  वीरगंज हेल्थ केयर मै उपचाररत वीरगंज महानगरपालिकाकाे वडा नं. ११ निवासी ५४ बर्षिय पुरुषकाे मृत्यु भएकाे छ ।

स्वास्थ्यमा समस्या देखिए पछि बिहिबार अस्पताल भर्ना भएका पुरुषमा साेही दिन एन्टिजाेन पाेजिटिभ देखिएकाे थियाे । त्यसपछि वीरगंज हेल्थ केयरकाे काेराेना अस्पतालमा उपचाररत रहेका पुरुषकाे शुक्रबार विहान मृत्यु भएकाे अधिकृत श्रीवास्तवले जानकारी गराए ।

त्यसैगरी, बिहिबार सांझ पनि वीरगंजमा उपचारत दुई जना काेराेना संक्रमितकाे मृत्यु भएकाे थियाे ।

वीरगंजस्थित नेशनल मेडिकल कलेजमा उपचारत वीरगंज महानगरपालिकाकाे बगही निवासी ६१ बर्षिय पुरुषकाे र वीरगंज हेल्थ केयरमा उपचाररत वीरगंज महानगरपालिकाकाे वडा नं. ११ निवासी ५४ बर्षिय काेराेना संक्रमित पुरुषकाे मृत्यु भएकाे थियाे । 

पर्साका थप १०८ जनामा काेराेना भाइरस संक्रमण पुष्टि

0

वीरगंज । पर्साका थप १०७ जनामा काेेराेना भाइरस संक्रमण पुुष्टि भएकाे छ । 

वीरगंजस्थित नारायणी अस्पतालकाे प्रयाेगशालामा बिहिबार १९२ जनाकाे स्वाबकाे नमुना परिक्षण गर्दा १३२ जनामा काेराेना संक्रमण पुष्टि भएकाे हाे । ११९ जनामा आरटी पिसिआर पाेजिटिभ र १९ जनामा एन्टिजाेन पाेजिटिभ देखिएकाे नारायणी अस्पतालले जनाएकाे छ ।

संक्रमण पुष्टि भएका मध्ये पर्साका १०८ जना, बाराका २१ जना, राैतहटका ४ जना, सर्लाहीका ३ जना र महाेतरीका २ जना रहेकाे नारायणी अस्पतालका काेभिड संयाेजक डा. सराेज राेशन दासले वताए ।  

संयाेजक डा. दासका अनुसार संक्रमित हुनेमा ९६ जना पुरुष र ४३ जना महिला रहेका छन् । संक्रमितहरु ९ बर्षदेखी ८२ बर्ष उमेर समुहका रहेका छन् । उनीहरुकाे सिटी भ्यालु १४.१ देखी ३५ सम्म रहेकाे छ ।

रेल्वे कटेजद्वारा दाेस्राे दिन पनि नि:शुल्क खाना बितरण

0

वीरगंज । रेल्वे कटेज वीरगंजले आज निषेधाज्ञामा प्रभावितहरुलाई दाेस्राे दिन पनि नि:शुल्क खाना वितरण गरेकाे छ ।

कटेजले निषेधाज्ञामा संचालन गरेकाे नि:शुल्क खाना वितरण अभियान अन्तर्गत शुक्रबार दाेस्राे दिन १५० जनालाई खाना वितरण गरिएकाे अभियानका संरक्षक ओमप्रकाश सर्राफले वताए ।

शुक्रबार बिहानैदेखि लगातार पानी परे पनि अभियान अन्तर्गत वीरगंजकाे विभिन्न क्षेत्रमा भेटिएका गरिब र विपन्नलाई खाना वितरण गरिएकाे उनले जानकारी दिए ।

वीरगंजमा जारी निषेधाज्ञाले प्रभावित गरिब, निमुखा, अलपत्र परेका यात्रु, सडक मानव तथा अस्पतालमा बिरामीका कुरुवाहरुलाई कटेजले बिहिबारदेखी नि:शुल्क भोजन गर्दै आएकाे छ । बिहिबार कटेजले दुई सय जनालाई  खाना वितरण गरेकाे थियाे ।

रवि गुप्ताकाे नेतित्वमा जारी अभियानका स्वयंसेवकहरु सन्जय पटेल, राहुल राैनियार, पवन सरार्फ, सिवम पटेल, किशु सर्राफ, संदिप नेपाल लगायतकाले खाना वितरण गर्दै आएका छन् ।