Date
शुक्र, मंसिर ४, २०८३
Fri, November 20, 2026
Home Blog Page 824

वीरगंज जेसिजद्वारा साहिब दरबारलाई चामल र तेल सहयोग

0

वीरगंज । निषेधाज्ञाबाट प्रभावित भएकाहरुलाई निःशुल्क रुपमा भोजन उपलब्ध गराउँदै आएको साहिब दरबार सेवा संस्थानलाई जेसिआई परिवारले खाद्यान्न सहयोग गरेको छ ।

जेसिआईले नेपाल भरिका विभिन्न जिल्ला शाखाहरुले लगातार १८ दिनदेखि निःशुल्क भोजन उपलब्ध गराई रहेको संस्थानलाई सहयोग गरेको हो । आईतबार नेपाल जेसिजका केन्द्रिय तालिम आयुक्त मनिष श्रेष्ठका साथै वीरगंज जेसिजका सभापति राजन राउतले संस्थानका संरक्षक राजेशमान सिंहलाई २५ बोरा चामल र २ कार्टुन तेल हस्तान्तरण गरेका थिए ।

नेपाल जेसिजको नेतृत्वमा जेसिआई वीरगंज, जेसिआई हेटौँडा, जेसिआई पाटन, जेसिआई शुक्लगण्डकी, जेसिआई धरान, जेसिआई तरहरा, जेसिआई सिमरा, जेसिआई नारायणगढ, रजनी फाउण्डेशन, जेसिआई पोखरा, जेसिआई बस्तिपुर, जेसिआई म्याग्दी, जेसिआई लमजुंग, राष्ट्रिय अध्यक्ष जेसि अरुनेश्वर खनाल, जेसि सुमन कृष्ण श्रेष्ठ, रजनी थापालगायतकाको संयुक्त सहयोगमा संस्थानलाई आवश्यक खाद्यान्न सहयोग उपलब्ध गराइएको जनाइएको छ ।

कोरोनाभाइरस संक्रमणको दोस्रो लहरलाई नियन्त्रण गर्न आह्वान गरिएको निषेधाज्ञाबाट प्रभावित भएका दैनिक ज्यालादारी गर्ने मजदुर, विपन्नलगायतकालाई संस्थानले निःशुल्क भोजन उपलब्ध गराइरहेको छ ।

बिहान र बेलुकी गरि दिनको २ पटक संस्थानले प्रभावितहरुका लागि निशुल्क भोजन बितरण गर्दै आईरहेको छ । निषेधाज्ञा जारी रहेसम्म भोजन शिविर जारी रहने सो संस्थानले जनाएको छ ।

वयोधामा दुरबिन प्रविधिबाट छातीको अपरेशन गरी फोक्सोबाट फलामको टुक्रा निकालियो

0

वीरगंज। वीरगंजस्थित नारायणी वयोधा अस्पतालमा दुरबिन प्रविधि (Video Assisted Thoracoscopic Surgery- VATS) बाट छातीको अपरेशन गरी फोक्सोमा फसेको फलामको टुक्रा निकालिएको छ ।

अस्पतालले दिएको जानकारी अनुसार वीरगंजको एक कारखानामा कार्यरत आसाम भारत निवासी पप्पु बोहराको, कामकै सिलसिलामा भएको दुर्घटनामा फलामको एउटा टुक्रा बेगले उछिट्टिएर उनको दाहिने छाती छेडेर भित्र पसेको थियो । उनी पिडाले रन्थनिए । वीरगंजमा यसको उपचार नहुने भन्दै उनलाई काठमाडौं जान भनियो तर उनी नारायणी वयोधा अस्पताल आए । अस्पतालका मार्केटिङ्ग अफिसरले भने, ‘‘छातीको सी.टी. स्क्यान गरेर हेर्दा त्यो फलामको टुक्रा दाहिने फोक्सो भित्र रहेको पाइयो । उनलाई अपरेशन कक्षामा लगी दुरबिन प्रविधिबाट छातीको अपरेशन गरी फलामको टुक्रा निकालियो ।’’

डा. सौरभ शर्माको टोलीले उनको सफल शल्यक्रिया गरेको उनले बताए । दुरबिन विधिबाट अपरेशन भएकोले सानो घाउबाट नै अपरेशन गर्न सम्भव भएको अस्पतालले जनाएको छ । उनलाई धेरै दुखाइ भएन, केही घण्टामै हिडडुल गर्न सक्ने भएका छन् ।
अस्पतालका चिकित्सकका अनुसार पुरानै विधिबाट अपरेशन गराएको भए छातीमा ठूलो घाउ बनाउन पथ्र्याे, उनलाई असाध्यै दुख्ने थियो र धेरै दिन अस्पतालमै बस्नु पथ्र्याे ।

नारायणी वयोधा अस्पतालले स्थापना कालदेखि नै विभिन्न आधुनिक र विशिष्ट प्रविधिहरु भित्रियाएर थुप्रै रोग हरुको उपचारको सुविधा उपलब्ध गराउदै आएको छ । यस अघि वयोधा अस्पतालमा दुरबिन प्रविधि (laparoscopy) बाट पित्तको थैली, अप्पेंडीक्स, विभिन्न प्रकारका हर्निया, मृगौला (nephrectomy), ठूलो आन्द्रा खस्ने (rectal prolapse) लगायतका रोगहरूको शल्यक्रिया हुदै आएको छ । छातीको अपरेशन (VATS) भने पहिलो हो ।

नेता चाैरसियाले निषेधाज्ञामा प्रभावितलाई बाँडे राहत

0

वीरगंज । पर्साकाे विन्दवासिनी गाउँपालिकाका युवा नेता मधुसुदन चौरसियाले निषेधाज्ञा प्रभावित अति गरिव तथा विपन्न परिवारलाई राहत वितरण गरेका छन् । 

नेता चौरसियाले विन्दवासिनी गाउँपालिका वडा नम्बर ५ स्थित बटसौरा गाउँमा राहत वितरण गरेका हुन् । उनले बट्सौराका गरिब, विपन्न तथा निषेधाज्ञाबाट बढी प्रभावित २८ घर परिवारलाई राहतस्वरुप चामल, आलु, सोयाबिन, नुन लगायतका सामाग्री वितरण गरेका हुन् ।

नेता चाैरसिया निषेधाज्ञामा प्रभावितहरुकाे घर मै पुगेर राहत स्वरुप खाद्या सामग्री सहयाेग गरेका हुन् ।

जिल्ला प्रशासन कार्यालय पर्साले बैशाख १६ गतेदेखि जारी गरेको निषेधाज्ञाका कारण प्रभावित भएका गरिब, अतिविपन्न परिवारलाई राहतस्वरुप खाद्यान्न सामाग्री वितरण गरिएको उनले बताए । 

गाउँपालिकाका जनप्रतिनिधिले नियमित ज्यालामजदुरी गरेर जिवन निर्वाह गरिरहेका गरिब तथा विपन्न नागरिकको अवस्थाबारे कुनै चाँसो नदेखाएपछि गाउँको जिम्मेवार युवाको नाताले आफै अघि सरेको चौरसियाले बताए । 

उनले भने, ‘निषेधाज्ञा जारी गरेको आज २६ दिन भयो । तर पनि स्थानीय सरकारले कुनै चासो दिएन । यहाँ धेरै जनताहरुको अवस्था एकदमै चिन्ताजनक देखेपछि थोरै भएपनि उनिहरुलाई राहत दिने कार्यको शुरुवात गरेको छु ।’ 

जिल्लाभर निषेधाज्ञा लागेपनि सङ्घ संस्थाहरुले शहरी क्षेत्रमा मात्र राहत वितरण र भोजन अभियान सञ्चालन गरेको उनले गुनासो गरे । उनले सङ्घ संस्थाहरुको सहयोग वीरगञ्ज केन्द्रित हुँदा ग्रामिण क्षेत्रका जनता भोकभोकै मर्ने अवस्था सृजना भएको बताए ।

राहत वितरणका लागि समाजसेवी शैलेन्द्र शर्माले सहयोग गरेकाे उनले जानकारी दिए । 

वितरणमा नेपाल सुशासन अभियानका दिलावर मियाँ पमरिया, सद्धाम हुसैन, सोहेल अख्तर लगायतले सहयोग गरेको अभियानका जहीर आलमले बताए ।

निषेधाज्ञाबाट प्रभावितहरुलाई राहतस्वरुप खाद्य सामाग्री वितरणलाई निरन्तरता दिने चौरसीयाकाे याेजना छ । 

पाेखरिया र बहुदरमाईकाे काेराेना संक्रमितकाे मृत्यु

0

वीरगंज । पर्साका थप ३ जना काेराेना संक्रमितकाे मृत्यु भएकाे छ ।  वीरगंजस्थित नारायणी अस्पतालमा उपचाररत २ जना र वीरगंज हेल्थ केयरमा उपचाररत एक जनाकाे मृत्युु भएकाे हाे ।

नारायणी अस्पतालमा उपचाररत बहुदरमाई नगरपालिकाकाे वडा नं. २ का ७० बर्षिय काेराेना संक्रमित वृद्धकाे मृत्यु भएकाे जिल्ला प्रशासन कार्यालय पर्साका प्रशासकिय अधिकृत विनय श्रीवास्तवले वताए ।

उनका अनुसार जेठ ६ गते संक्रमित भएका उनलाई जेठ ८ गते नारायणी अस्पतालमा भर्ना गरिएकाे थियाे । निमाेनिया लगायतकाे समस्या देखिएकाे उनकाे साेमबार विहान १२:४५ बजे मृत्यु भएकाे अस्पतालले जनाएकाे  छ ।

यस्तै, नारायणी अस्पताल मै उपचाररत वीरगंज महानगरपालिकाकाे चाेर्नीका ३५ बर्षिय पुरुषकाे मृत्यु भएकाे छ ।

बैशाख ३० गते काेराेना संक्रमित भएका उनी साेही दिन नारायणी अस्पतालमा भर्ना भएका थिए । निमाेनिया लगायतका स्वास्थ्य समस्या देखिएकाे उनकाे साेमबार विहान ५ बजे मृत्यु भएकाे नारायणी अस्पतालका काेभिड संयाेजक डा. सराेज राेशन दासले जानकारी दिए ।

यस्तै, वीरगंज हेल्थ केयरमा उपचारत पाेखरिया नगरपालिकाकाे वडा नं. ५ का ७० बर्षिय बृद्ध काेराेना संक्रमितकाे मृत्यु भएकाे छ । 

जेठ २ गते संक्रमित भएका वृद्ध आइतबार वीरगंज हेल्थ केयरमा भर्ना भएका थिए । उपचारकाे क्रममा उनकाे साेमबार विहान ६ बजे मृत्यु भएकाे जिल्ला प्रशासन कार्यालय पर्साका प्रशासकिय अधिकृत श्रीवास्तवले वताए । 

खोप खरिदका लागि वीरगन्ज महानगरपालिकाद्वारा अनुमति माग

0

वीरगंज । सरकारले सबै नागरिकलाई सहज रुपमा खोप उपलब्ध गराउन नसकेपछि वीरगंज महानगरपालिकाले खोप खरिदको अनुमति माग गरेको छ ।

स्थानीय सरकारको हैसियतमा पहिलो पटक कोरोना परीक्षण गर्ने पीसीआर मेशिन खरिद गरेको वीरगंज महागनरपालिकाले दोश्रो चरणको कोरोना लहरमा कोरोना भाइरस विरुद्धको खोप खरिद गर्न सरकारसँग अनुमति मागेको छ । स्वास्थ्य तथा जनसंख्या मन्त्रालयमा सोमबार पत्राचार गर्दै महानगरपालिकाले १ लाख नागरिकलाई लगाउन खोप खरिदका लागि अनुमति मागेको हाे ।

कोरोना भाइरसले विभिन्न स्वरुप परिवर्तन हुँदै आएको र पहिलो भन्दा दोश्रो खतरनाक, दोश्रो भन्दा तेश्रो झन खतरनानक भाईरस भएको वैज्ञानिकहरुले समेत चेतावनी दिएको अवस्थामा स्वरुप परिवर्तन भईरहने भारसको अन्त्य कहिले हुन्छ भन्ने विश्व स्वास्थ्य संगठनले पनि भन्न सकेको अवस्थामा अहिले खोपको प्रभावकारिता देखिएकोले खोप खरिद गर्न लागिएको महानगर प्रमुख सरावगीको भनाई छ ।

खोप लगाएकाहरुमा मृत्युदर पनि कम देखिएकोले अहिले वीरगंजमा काेराेना संक्रमणको दोश्रो लहरमा धमाधम मृतक संख्या बढीरहनु चिन्ताको विषय भएको भन्दै यसलाई रोक्न सक्ने खोप नै उचित देखिएकोले खोप खरिद गर्न लागिएको उनले बताए ।

कोरोना संक्रमणले नागरिकले अकालमा ज्यान गुमाउनु परिरहेको अवस्थामा सरकारले खोप किन्ने प्रकृयामा नगएर र दाताहरुसँग लिने र विचौलियाहरुसँग अल्झिने मात्रै काम गरेको तथा निःशुल्क दिने दाताहरुको मात्रै खोजी रहेकोले अहिले धेरै नागरिकले ज्यान गुमानउनु परेको तितो यथार्थ देखिएकोले महानगरपालिकाले आफैले खोप खरिद गरेर महानगरवासीको जीवन रक्षा गर्न तयार रहेको नगर प्रमुख सरावगीले बताए ।

खोप उपलब्ध कसरी हुन्छ भन्ने विषयमा उनले भने, “नेपाल सरकारले अनुमति दिएको खोप खरिद गर्ने हो । वीरगंज जम्मिएर हुर्किएका र अहिले विदेशमा रहेका व्यक्तिहरुको सम्पर्कमा त्यहाँका खोप कम्पनी तथा आपूर्तिकर्ताहरुसँगको सम्वन्वयमा खोपको व्यावस्था गरेर सरकारले जुन प्रकृयाबाट ल्याउने हो । त्यहि च्यानल र प्रकृयाबाट नै ल्याउने हो ।’

खोप उत्पादन गर्ने देशमा कम्पनीहरुले नै खोपको डिल गरिरहेको र आफूसँग ती कम्पनीसँग डिल गर्न सक्ने संयन्त्र रहेको उनको भनाइ छ ।

महानगरपालिकाले नेपाल सरकारले तोकेको नियम अनुसार नै खोप खरिद र प्रयोग गर्ने उनले बताए । आमजनताको जीवन रक्षाका लागि खोप मात्र कोभिड विरुद्धको लडाई जित्न सक्ने अस्त्र बनेको र कम्तीमा एक लाख महानगरवासीलाई खोप लगाउने लक्ष्यसहित खोप खरिदका लागि सरकारसँग अनुमति मागगरिएको महानगर प्रमुख सरावगीले वताए ।

उनका अनुसार अमेरिकी कम्पनी फाईजर र रसियन खोप स्पुतनिक–५ खोप राम्रो छ । सरकारले अनुमति दिए मगाएर नगरबासीलाई लगाउने नगर प्रमुख सरावगीले बताए । उनले भने, ’खोपले नागरिक बचाउन सकिन्छ भने ५/७ करोड खर्च गरेर खोप आउँछ, किन खर्च नगर्ने ? भनेर अनुमति मागेका हौं ।’

समुदाय स्तरमा फैलिएको कोरोना भाइरस संक्रमणको दोस्रो लहरमा लक्षणसहितका संक्रमित बढी देखिएको छ । अक्सिजन आवश्यक पर्ने बिरामीको संख्या धेरै छ । अस्पतालमा आईसीयू, भेन्टिलेटरको अभाव देखिएको छ । सबै नागरिकसम्म खोप पु¥याउन सरकारको तर्फबाट भएका प्रयास ठोस प्रभावकारी हुननसकेको भन्दै महानगरले स्वास्थ्यमन्त्रालयमा खोप खरिदको अनुमित माग गर्दै पत्र पठाएको हाे ।

बहुदरमाईले न्युन तलबमा कार्यरत कर्मचारीहरुलाई यस बर्ष पनि दियाे प्राेत्साहन भत्ता

0

वीरगंज । पर्साकाे बहुदरमाई नगरपालिकाले न्यून तलबमा कार्यकरत कर्मचारीहरुलाई वितरण गर्दै आएकाे प्रोत्साहन भत्ता यस बर्ष पनि निरन्तरता दिएकाे छ ।

नगरपालिका अन्तर्गतका ६६ जना न्यून तलबमा कार्यरत कर्मचारीहरुको प्रोतोसाहन स्वरुप मासिक रु २ हजारकाे दरले ६ महिनाको रु ६ लाख ७५ हजार सम्बन्धित कर्मचारीहरुकाे खातामा पठाइएकाे लेखापाल हरि प्रसाद कुर्मीले वताए । 

नगरपालिका अन्तर्गतका १७ वटा विद्यालयहरुमा बालबालिका सहजकर्ता २९ जना, विद्यालय कर्मचारी २८ जना, महिला स्वयसेविका ९ जना गरी कुल ६६ जना न्यून तलबमा कार्यरत रहेका छन् । जसकाे मासिक तलब रु ६ हजार देखी ८ हजार सम्म रहेकाे छ ।

उनीहरुलाई नै नगरपालिकाले थप मासिक रु २ हजारकाे दरले प्राेत्साहन भत्ताकाे रुपमा दिदै आएकाे छ । 

न्युन तलबमा कार्यररत कर्मचारीकाे मनाेबल उच्च राख्न प्राेत्साहन भत्ता प्रदान गर्दै आइएकाे नगरपालिकाका मेयर नितेन्द्र साहले वताए ।

पर्सागढीमा १५ दिनमा ३७ जनाले लिए नि:शुल्क एम्बुलेन्स सेवा

0

वीरगंज । पर्साकाे पर्सागढी नगरपालिकामा १५ दिनमा ३७ जनाले निशुल्क एम्बुलेन्स सेवा लिएका छन् । नगरपालिकाकाे सबै वडाका ३७ जना काेराेना सम्भावित तथा संक्रमितहरु निशुल्क एम्बुलेन्स सेवा लिएकाे नगरपालिका कार्यालयले जनाएकाे छ ।

नगरपालिकाले आफ्नाे वेभसाइट र फेसबुक पेजमा ति सेवाग्राहीहरुकाे नाम समेत सार्वजनिक गरेकाे छ । 

नगरपालिकाले सार्वजनिक गरेकाे सेवाग्राहीकाे नमावली अनुसार निशुल्क एम्बुलेन्स सेवा लिने नगरपालिकाकाे वडा नं. १ का ३ जना, वडा नं. २ का ४ जना, वडा नं. ३ का ७ जना, वडा नं. ४ का २ जना, वडा नं. ५ का ८ जना, वडा नं. ६ का ४ जना, वडा नं. ७ का ५ जना, वडा नं. ८ का १ जना र वडा नं. ९ का ३ जना रहेका छन् ।

नगर कार्यपालिकाकाे बैशाख २३ गतेकाे बैठककाे निर्णय अनुसार नगरपालिकाले बैशाख २४ गतेदेखी निशुल्क एम्बुलेन्स सेवा संचालनमा ल्याएकाे थियाे । साेही अन्तर्गत नगरपालिकाकाे विभिन्न वडाबाट वीरगंजस्थित विभिन्न अस्पताल र आइशाेलेसन सम्म काेराेना सम्भावित तथा संक्रमितहरुलाई निशुल्क एम्बुलेन्स सेवा प्रदान गरिएकाे नगर प्रमुख लाेकनारायण यादवले वताए ।

यस्तै नगरपालिका अन्तर्गतका सम्पूर्ण स्वास्थ्य संस्थाहरुबाट आवश्यक बिरामी, काेराेना सम्भावित र संक्रमित व्यक्तिहरुलाई निशुल्क रुपमा ६ किसिमकाे औषधी समेत वितरण गरिएकाे मेयर यादवले जानकारी दिए ।

नगरपालिकाले वीरगंजस्थित साह दबरबार हाेटलमा काेराेना संक्रमितकाे उपचारकाे लागि अक्सिजनसहितकाे १५ बेडकाे आइशाेलेसन समेत संचालनमा ल्याएकाे छ । जुन आइशाेलेसमा हाल पनि ४ जना काेराेना संक्रमित उपचाररत रहेका छन् भने ३ जना निकाे भएर घर फर्कि सकेका छन् ।

यस्तै, भाेली साेमबारदेखी नगरपालिकाकाे विरुगुठीमा समेत आइशाेलेसन संचालन गर्न लागिएकाे नगरपालिकाका स्वास्थ्य शाखाका कर्मचारी उमेश प्रसाद साहले वताए ।

नगरपालिकाकाे अन्य थप कृयाकलाप सन्चालनमा प्रसासनिक गतिविधि बाधक बन्दै आएको र यो विषम परिस्थितिमा नपाका प्रमुख प्रसासकिय अधिकृत घर बिदा लिई बसिदिदा झनै जनताले सास्ती भोग्नुपरेकाे स्थानीय जनप्रतिनिधिले गुनासो गरेका छन् ।

वीरगंजमा राष्ट्रपति र प्रधानमन्त्रीकाे पुत्ला दहन

0

वीरगंज । संसद विघटनकाे विरुद्धमा वीरगंजमा आइतबार सांझ राष्ट्रपति विद्या देवी भण्डारी र प्रधानमन्त्री केपी शर्मा ओलीकाे पुत्ला दहन गरिएकाे छ ।

नेकपा माओबादी केन्द्र निकटका विद्यार्थी संगठन अखिल (क्रान्तिकारी) वीरगंजकाे श्रीपुरस्थित राष्ट्रपति र प्रधानमन्त्रीकाे पुत्ला दहन गरेकाे हाे । अखिल (क्रान्तिकारी) काे केन्द्रिय सर्कुलर अनुसार जिल्ला संगठनले पुत्ला दहन गरिएकाे जनाएकाे छ ।

राष्ट्रपति र प्रधानमन्त्रीकाे प्रतिगामी कदम विरुद्ध केन्द्रिय सर्कुलर अनुसार राष्ट्रपति र प्रधानमन्त्रीकाे पुत्ला दहन गरिएकाे अखिल (क्रान्तिकारी)का केन्द्रिय सदस्य एवम् पर्सा इन्चार्ज जुबेर आलमले वताए ।

विद्यार्थी नेताहरुले दुबै जनाकाे पुत्लता उल्टाे झुन्डयाएर श्रीपुरस्थित विच सडकमा जलाएकाे थियाे । 

पुत्ला दहन कार्यक्रममा अखिल (क्रान्तिकारी) का केन्द्रिय सदस्य एवम् प्रदेश नं. २ का सह संयाेजक प्रभाकर गुप्ता, वीरगंज महानग संयाेजक विवेक साह, नेता मिराेज अहमद, दिलसाद अहमद, रविन्द्र गुप्ता लगायतकाे सहभागिता रहेकाे थियाे ।

प्रतिगामी कदमको प्रतिकार गर्न पर्साका चार विद्यार्थी संगठनकाे आव्हान

0
वीरगंज । पर्साका चार विद्यार्थी संगठनले प्रधानमन्त्री र रास्ट्रपतिको प्रतिगामी कदमको प्रतिकार गर्न आव्हान गरेका छन् ।
 
नेवि संघ, अखिल (क्रान्तिकारी), समाजवादी विद्यार्थी युनियन र अनेरास्ववियूकाे ठाकुर राम इकाई समितिहरुले संयुक्त रुपमा आइतबार प्रेस विज्ञप्ती जारी गर्दै प्रधानमन्त्री र राष्ट्रपतिद्वारा गरिएकाे संसद विघटनलाई प्रतिगामी कदम ठहर गर्दै यस्ताे आव्हान गरेकाे अनेरास्ववियू क्रान्तिकारीका केन्द्रिय सदस्य शिवम साहले वताए ।
 
नेवि संघका ठाकुर राम इकाई समिति अध्यक्ष मनाेज कुमार साह, अखिल (क्रान्तिकारी)का ठाकुर राम इकाई समिति अध्यक्ष  अभिषेक ठाकुर, समाजवादी विद्यार्थी युनियनका ठाकुर राम इकाई समिति अध्यक्ष हरिन्द्र साह र अनेरास्ववियूकाे ठाकुर रामका संयाेजक मन्जय यादवले संयुक्त रुपमा प्रेस विज्ञप्ती जारी गर्दै  क्याम्पससंग आवद्ध सम्पुर्ण लोकतान्त्रिक एवम् गणतन्त्रीक शक्तिहरु एक जुट भइ प्रधानमन्त्री र रास्ट्रपतिको प्रतिगामी कदमको प्रतिकार गर्न आव्हान गरेकाे  हुन् । उनीहरुले यसका साथै संयुक्त संगठनीक मोर्चा बनाउन अपील समेत गरेका छन् ।
 
उनीहरुद्वारा जारी विज्ञप्तीमा देश कोरोनाले अक्रान्त भएको बेला प्रधानमन्त्री केपी शर्मा ओलीले २०७८ जेष्ठ ८ गते संसद विधटन गरि मध्यवधि निर्वाचन घोषना गरेका छ्न । प्रधानमन्त्रीको यो कदमले जनता र देशलाई अस्थिरता तर्फ ढकेलेको हाम्रो स्पष्ट बुझाइ रहेको छ । संसदको विघटनले संविधान माथी प्रहार भएको छ र देशलाइ आन्तरिक द्वन्द तर्फ ढकेलिएको उल्लेख गरेका छन् ।
 
यसका साथै महामारी ब्यवस्थापनमा ध्यान नदिएको कारण अस्पताल, बेड, ओक्सीजन, औषधीको हहाकार मच्चिरहेको अवस्थामा मध्यावधि निर्वाचनको घोषणा देश र जनता माथिको खेलवाड भएकाे जारी विज्ञप्तीमा उल्लेख छ ।

तिलावे खाेलामा एक युवककाे शव फेला

0

वीरगंज । पर्साकाे बहुदरमाई नगरपालिका वडा नं. २ पिपराको पूर्वपट्टी तिलावे खोलामा एक जना युवकको शव फेला परेकाे छ ।

वीरगंज महानगर–२४ बहुअरी निवासी ३० वर्षीय रामप्रताप पटेलको शव भेटिएको इलाका प्रहरी कार्यालय, पोखरियाले जनाएको छ । प्रहरीका अनुसार मृतक हिजो ६ बजेसम्म पत्नीसंग कुरा गरेको र राति घर नआएको बुझिएको छ ।

नदीको छेउमा जीउमा कपडा नभएको अवस्थामा शव भेटिएपछि उनको हत्या भएको हुनसक्ने प्रहरीले अनुमान गरेको छ ।

प्रहरीका अनुसार शवको प्रकृति हेर्दा हत्या भएको देखिन्छ । फेला परेकाे शव बारे थप अनुसन्धान भइरहेकाे र पोस्टमार्टमको रिपोर्ट आएपछि केही भन्न सकिने  जिल्ला प्रहरी कार्यालय पर्साका प्रवक्ता एवम् प्रहरी नायब निरीक्षक ओमप्रकाश खनालले वताए ।