वीरगंज । पर्साकाे बहुदरमाई नगरपालिका वडा नं. २ पिपराको पूर्वपट्टी तिलावे खोलामा एक जना युवकको शव फेला परेकाे छ ।
- Advertisement -
वीरगंज महानगर–२४ बहुअरी निवासी ३० वर्षीय रामप्रताप पटेलको शव भेटिएको इलाका प्रहरी कार्यालय, पोखरियाले जनाएको छ । प्रहरीका अनुसार मृतक हिजो ६ बजेसम्म पत्नीसंग कुरा गरेको र राति घर नआएको बुझिएको छ ।
नदीको छेउमा जीउमा कपडा नभएको अवस्थामा शव भेटिएपछि उनको हत्या भएको हुनसक्ने प्रहरीले अनुमान गरेको छ ।
प्रहरीका अनुसार शवको प्रकृति हेर्दा हत्या भएको देखिन्छ । फेला परेकाे शव बारे थप अनुसन्धान भइरहेकाे र पोस्टमार्टमको रिपोर्ट आएपछि केही भन्न सकिने जिल्ला प्रहरी कार्यालय पर्साका प्रवक्ता एवम् प्रहरी नायब निरीक्षक ओमप्रकाश खनालले वताए ।
