Date
शुक्र, मंसिर ४, २०८३
Fri, November 20, 2026
Home Blog Page 820

प्रसौनी गापाले बाल हेल्पलाइनलाई निशुल्क एम्बुलेन्स सेवा प्रदान गर्ने

0

वीरगंज । बालबालिकाहरुको संरक्षण, प्रवद्घन र उद्दारकोे लागि बाल हेल्पलाईन नम्बर १०९८ लाई प्रसौनी गाउँपालिकाले निःशुल्क एम्बुलेन्सको सेवा प्रदान गर्ने भएको छ ।

नेपाल सरकार, महिला, बालबालिका तथा ज्येष्ठ नागरिक मन्त्रालय अन्तर्गत राष्ट्रिय बाल अधिकार परिषदको सहयोग तथा संरक्षण नेपाल बाराको आयोजनामा संचालित बाल हेल्पलाईनलाई एम्बुलेन्स सेवा प्रदान गर्ने दुवै कार्यालय बिच सहमती भएको हो ।

संरक्षण नेपाल बाराको आयोजनामा संचालित बाल हेल्पलाईनले बालबालिकाहरुको संरक्षण, प्रवद्घन र उद्दार कार्य गर्दा सहज हुने उदेश्यले प्रसौनी गाउँपालिकाको अध्यक्ष भोला प्रसाद गुप्ताल र संस्थाका अध्यक्ष बृजमोहन कुशवाहाले आइतबार सम्झौतामा हस्ताक्षर गरी सो सहमती गरेका हुन् ।

संरक्षण नेपाल बाराको आयोजनामा पर्सा, बारा, रौतहट तथा सर्लाही जिल्ला सम्म बालबालिकाहरुको संरक्षण, प्रवद्घन र उद्दारकोे लागि कलैयाबाट बाल हेल्पलाइन १०९८ ले सेवा प्रवाह गरिरहेको संस्थाका कार्यक्रम संयोजक मुकेश कुमार कुशवाहाले बताए ।

वीरगंजमा ६ जना कोरोना संक्रमितको मृत्यु

0

वीरगंज  ।  वीरगंजमा उपचाररत ६ जना कोरोना संक्रमितको मृत्यु भएको छ । वीरगंजस्थित नारायणी अस्पतालमा उपचाररत वीरगंज महानगरपालिका वडा नं. १६ मिथिला नगर ६५ बर्षीय पुरुष संक्रमितको मृत्यु भएको अस्पतालका कोभिड संयोजक डा. उदय नारायण सिंहले बताए । जेठ ७ गते पिसिआर परिक्षण गर्दा पोजेटिभ देखिएको पुरुषलाई जेठ ८ गते नारायणी अस्पतालमा भर्ना गरिएको थियो ।

गम्भिर किसिमको निमुनिया लगायतको स्वास्थ्य समस्या देखिएको पुरुषको आईतबार बिहान ८ बजे मृत्यु भएको कोभिड संयोजक डा. सिंहले जानकारी दिए ।

यस्तै, वीरगंजस्थित तराई अस्पतालमा उपचाररत पर्साको पर्सागढी नगरपालिका वडा नं. ३ निवासी ६० बर्षिय पुरुषको मृत्यु भएको जिल्ला प्रशासन कार्यालय पर्साका कोभिड सम्पर्क व्यक्ति एवं प्रशसकिय अधिकृत विनय श्रीवास्तवले बताए । बैशाख ३० गते कोरोना संक्रमित भएका पुरुषलाई जेठ ६ गते उपचारको लागि तराई अस्पतालमा भर्ना गरिएको थियो । निमोनिया लगायतको स्वास्थ्य समस्या देखिएको संक्रमित पुरुषको आईतबार दिउँसो २ बजे मृत्यु भएको अधिकृत श्रीवास्तवले जानकारी दिए ।

यस्तै, तराई अस्पतालमै उपचाररत वीरगंज महानगरपालिका वडा नं. ११ निवासी २५ बर्षिय महिला कोरोना संक्रमितको मृत्यु भएको उनले बताए । जेठ ५ गते एन्टिजोन पोजिटिभ देखिएकी महिलालाई सोही दिन उपचारको लागि तराई अस्पतालमा भर्ना गरिएको थियो भने उपचारकै क्रममा संक्रमित महिला आईतबार दिउँसो २ः५० मा मृत्यु भएको अस्पतालले जनाएको छ ।

यस्तै, वीरगंजस्थित नारायणी अस्पतालमा उपमाररत बारा जिल्ला जितपुर सिमरा उपमहानगरपालिका वडा नं. १ निवासी ६५ बर्षिय पुरुष र रौतहट जिल्ला हिमाली बस्ती ११ निवासी ५५ बर्षिय पुरुष संक्रमितको मृत्यु भएको अस्पतालका कोभिड फोकल पर्सन डा. सरोजरोजशन दासले बताए ।

यस्तै, नारायणी अस्पतालमा उपचाररत ठेगाना नखुलेको ३५ बर्षिय महिला संक्रमितको पनि मृत्यु भएको छ ।

विपन्न दलित परिवारलाई राहत वितरण

0

जिराभवानी । पर्साको जीराभवानी गाउँपालिका–४ मा रहेको चमार दलित समुदायलाई खाद्यान्न सहयोग गरिएको छ । चमार कल्याण समाज मलेसिया शाखाको आर्थिक सहयोगमा २७ गरिब तथा विपन्न परिवारलाई राहत सहयोग गरिएको पिस फर दलित फाउन्डेशन नेपालका अध्यक्ष मनोज रामले जानकारी दिए ।

जीराभवानी गाउँपालीका ४ सुपौलीका चमारबस्तीका २७ घरपरिवारलाई १० किलो चामल, १ किलो दाल, १ लिटर तेल, १÷१ किलो आलु÷नून, दुई थान साबुन, १ थान सर्फ, केही आयुर्वेदिक औषधि र २ थान मास्क गरी प्रतिव्यक्ति १ हजार ५० रुपैयाँ बराबरको खाद्यान्न सहयोग गरिएको अध्यक्ष रामले बताए । कोरोना भाईरस रोकथाम तथा नियन्त्रणको लागि जारी निषेधाज्ञामा प्रभावित अतिविपन्न, गरीब, ज्येष्ठ नागरिक, चमारहरूलाई खाद्यान्न वितरण गरिएको उनले बताए । दैनिक जीवनयापनमा समस्या भोग्दै आएका उनीहरूलाई खाद्यान्न सहयोगबाट केही राहत मिलेको छ ।

वैशाख १६ गतेदेखि निरन्तर निषेधाज्ञा जारी भएपछि आर्थिक रूपले विपन्न दलित, चमारहरूलाई केन्द्र, प्रदेश र स्थानीय सरकारले कुनै राहत वितरण गरेका छैनन्, जसले गर्दा दैनिक ज्याला मजदूरी गरेर जीवन बिताउनेहरूलाई निकै समस्या भइरहेको छ । सहयोगी संस्थाहरूको सहयोगमा आफूहरूले केही दलित, चमारहरूलाई मात्र राहत दिन सकेको अध्यक्ष रामले बताए । उनले पर्सा जिल्लामा रहेका यस्ता थुप्रै परिवारले राहतको आस गरिबसेको भन्दै सहयोगी संस्थाहरूलाई यस सम्बन्धमा विचार पु–याउन र राहत वितरण गरी सहयोग गर्न आग्रह गरेका छन् ।

दैनिक मजदुरी गरि खाने गरिबलाई युवाहरुद्वारा खाना वितरण

0

वीरगंज । वीरगंज महानगरपालिका वडा नम्बर १२ मुर्लीका सक्रिय युवा समुहले दैनिक ज्यालादारी मजदुरी र कोठा भाडामा बसेका गरिब तथा अति बिपन्न परिवारलाइ खाना बितरण गरेका छन । बढ्दै गएको निशेधाज्ञाका कारण गरिब र अति बिपन्न परिवारलाइ दैनिकी छाक छार्न समस्या देखेपछी स्थानीय युवाहरू खाना बितरण कार्य सुरू गरेका हुन ।

शनिबारदेखी सुरु गरिएको खाना बितरण कार्य घर घरमै पुगि बितरण गरिएको स्थानीय अनिल ओझाले जानकारी दिनुभयो । आज पहिलो दिन १२५ पैकेट खाना बितरण गरिएको युवा ओझाले बताए ।

उनले यस कार्यमा स्थानीय युवा प्रमोद मण्डल, अनिल महतो,सुरेन्द्र साह, नवल किशोर साह लगायतका युवा समुहले सहयोग गर्ने गरेको बताए । अगामी दिनमा पनि यस्तै सेवाको कार्यमा जुटिराख्ने स्थानीय युवाहरूले बताएका छन ।

रेडक्रस प्रदेश २ द्वारा स्वास्थ्य सामग्री सहयोग

0

वीरगंज । नेपाल रेडक्रस सोसाइटी प्रदेश २ द्वारा कोभिड–१९ रोगबाट वचन बचाउनकालाइ स्वास्थ सामाग्रीहरु सहयोग गरिएको छ । रेडक्रस सोसाइटी प्रदेश न २ का अध्यक्ष फुलमहम्मद मियाँले रेडक्रस पर्साका सभापति बिरेन्द्र राज कन्डेललाइ सर्जिकल मास्क २८०००, एन ९५ मास्क १५००, ब्यक्तिगत सुरक्षा सामाग्री(पि.पि.इ) ३५ सेट हस्तानान्तरण गरेका हुन ।

यस्तै अध्यक्ष मियाँद्वारा बारा जिल्ला कोभिड १९ संकट ब्यवस्थापन समितीका अध्यक्ष एवं बाराका प्रमुख जिल्ला अधिकारी सुरेन्द्र पौडेललाई १० हजार सर्जिकल मास्क र ५० सेट ब्यक्तिगत सुरक्षा सामाग्री(पि.पि.इ) र बारा रेडक्रसलाइ २३ हजार सर्जिकल मास्क, १ हजार एन९५ मास्क र १५ सेट ब्यक्तिगत सुरक्षा सामाग्री हस्तान्तरण गरिएको रेडक्रस पर्साका सहायक राजन श्रीवास्तवले जानकारी गराए । प्रदेश अध्यक्ष मियाँले कोरोना महामारि रोग अहिले अवस्थामा पहिलो लहर भन्दा बढी घातक रहेकोले रेडक्रस प्रदेश कार्यालयले २ नम्बर प्रदेश भरिका जिल्लाहरुसंग नियमित समन्वय गरि जिल्लालाइ सक्दो सहयोग उपलब्ध गराउने प्रतिवद्धता जनाए ।

बाराका प्रजिअ सुरेन्द्र पौडेलले ७७ जिल्ला मै मानवीय सेवा कार्यमा अग्रसर रहेका रेडक्रसले विभिन्न समयमा विभिन्न सेवा मुलक कार्यक्रमहरु गर्नुका साथै यस महामारीको समयमा समेत उल्लेखनीय सहयोग गरेको कुरा निकै स्रहानिय रहेको बताए । कार्यक्रममा प्रदेश रेडक्रसका कोषाध्यक्ष दिब्यनाथ श्रेष्ठ ,मन्त्री धिरेन्द्र यादव, स.प्र.जि.,उदय नेपाल,शैलेन्द्र प्र.,संतोष नेपाल र पर्सा जिल्लामा अधिकृत उमेस मिश्र, बिरसमसेर कुर्मी, सुदर्शन श्रेष्ठ, आलम हुसेन, लक्ष्मीनारायण राउत लगायतको उपस्थिति रहेको थियो ।

सिप्रडीयनद्वारा नारायणी अस्पताललाई सहयोग

0

वीरगंज । सिप्रडीयन सहायता संस्थाद्वारा शनिबार नारायणी अस्पतालमा कोरोना संक्रमितहरुको उपचारको क्रममा चाहिने केही आवश्यक समाग्री सहयोग गरिएको छ । सो सामग्री नारायणि अस्पताललाई हस्तान्तरण गरिएको हो ।

संस्थाले २५ वटा मेटलको बेड, २५ वटा बेड सिट, २५ थान खोल सहितको पिलो (सिरानी), पानी हिटर लगायतका समाग्री नारायणी अस्पताल लाई सहयोग गरेको छ । संस्थाका सदस्य गोपाल आर्चार्य र संदिप गुप्ताले सो सामग्री नारायणि अस्पतालका काभिड संयोजक एवम् निमित मेडिकल सुपरिटेन्डेन्ट डा. उदय नारायण सिंहलाई हस्तानान्तरण गरेका थिए ।

रोटरीद्वारा नारायणी अस्पताललाई खाद्यान्न सहयोग

0

वीरगंज । रोटरी क्लब अफ बीरगंज मेट्रोपोलिसले वीरगंजस्थित नारायणी अस्पताललाई खाद्यान्न सामाग्री सहयोग गरेको छ । क्लबले २०५ किलो चामल, १० किलो रहरको दाल, १० किलो मसुरको दाल, २५ लिटर खाने तेल, मसाला लगायतका सामग्री अस्पतालका निमित प्रमुख मेडिकल सुप्रिटेन्डेन्ट डा. उदय नारायण सिंह र त्यहाका अधिकारीलाई क्लबका भुतपूर्व अध्यक्ष रो. शालिकराम प्रसाद र क्लबका सर्भिस प्रोजेक्ट डाईरेक्टर रो. अनिल जायसवालले हस्तान्तरण गरेका हुन् ।

यस अघि नारायणी अस्पताललाई नै स्वास्थ्य सामाग्री वितरण गरेको क्लबले अस्पतालका कर्मचारी तथा बिरामीहरुका लागि उपयोगी हुने भन्दै खाद्यान्न सामाग्री सहयोग गरेको जायसवालले बताए ।

मुस्लीम फण्डको नाममा जडान गरिएका धारामा ब्रहम लुट, पानी पिउन अयोग्य

0

वीरगंज । ञमुस्लीम फण्डको नामबाट पर्सा जिल्लाका विभिन्नग्रामीण स्थानहरुमा गाडिएका हजारौं धाराको पानी पिउन अयोग्य भएको पाइएको छ । फण्डले १५ देखि बढीमा २५ फिटसम्म मात्रै पाइप गाडेर धारा जडान गरेकोले पानी पिउन अयोग्य न भएको हो । ५० फिट भन्दा कम गाडिएका धाराको पानी सेवन गर्न नहुने खानेपानी विज्ञहरु बताउँछन् ।

मुस्लीम फण्डका नाममा जिल्लाका गाउँघरमा सोझासिधा परिवारसँग ५हजारदेखि ८ हजारसम्म पैसा असुलेर धारा गाड्ने काम कस्ले र किन गरिरहेको छ । सोको जानकारी भने कुनै स्थानीय तहका सरकारसँग पनि छैन । जिराभवानी गाउँ पालिका १मा धेरैजसो घरको अगाडि र तरकारीबारीका गरैपिच्छे पानीका धारा गाडिएका छन् । धारामा अरवी अक्षरले लेखिएको छ । खानेपानी सुविधाकोलागि भन्दै निःशुल्क भनिए पनि ५ हजार देखि ८ हजार रुपैंया तिरेर गाडेको धाराको पानी खानयोग्य नभएको स्थानीय जसपाका युवा नेता नेसार समानिले बताउनुभयो ।

जिराभवानी गाउँपालिकाको वडा नंं। ५ को शंकारसरैया स्थित दलित बस्तीमा पाँचवटा घरहरु भएको टोलमा १२ वटासम्म धारा गाडिएका छन् । कम गाडिएका कारण केही धाराबाट पानी आउनै छाडेको छ । पानी आउने कतिपयमा धाराको पानी भने स्थानीयले सेवन गर्दै आएका छन् । तर पनि पानी भने स्वच्छ नभएको समानिले बताउनुभयो ।

फण्डले जडान गरेको धारामा राम्रो र सजिलै पानी नआउने गरेकोे अर्की स्थानीय सुगान्धी देवीले सुनाउनुभयो । ‘धारा गाड्ने मिस्त्रीहरुको समुहले एकदिनमा सातवटासम्म धारा गाडेर गए, उहाँले भन्नुभयो, १५ देखि मुस्किलले ३० फिट सम्म धारा गाडेका छन, अली बढी गाडनु भन्दा मानेन्, पानी त आयो तर राम्रो छैन उहाँले भन्नुभयो । हामीलाई यतिमात्रै गाड्न भनिएको छ भन्दै मिस्त्रीहरु पन्छिएको उहाँले बताउनुभयो । त्यसै कारण अहिले गाउँका धेरै धारा प्रयोग विहिन बनेका छन् । धारा गाड्दा नगद १० हजार खर्च भएको उहाँले सुनाउनुभयो ।

जिराभवानी गाउँपालिका वडा नंं१ कै गम्हरिया बालुवा महादेवपट्टि जगतिया लगायतका स्थानमा मुस्लीम फण्डका धारा गाडिएको जगतियाका रामप्रसाद ओझैया ले बताउनुभयो । धाराका लागि नाम टिपन अर्कै ठाउँका मान्छे आएकाले उनीहरुलाई आफुहरुले नचिन्ने उहाँले बताउनुभयो ।

यता मुस्लीम फण्डबाट भन्दै धमाधम गाउँमा धारा गाडिए पनि स्थानीय सरकार भने बेखबर रहेको छ । धारा गाडने कार्यमा आफुहरुसँग कुनै किसिमको समन्वय नै नभएको जिराभवानी गाउँपालिका १ का वाड अध्यक्ष शेख नुमान आजमले बताउनुभयो । धारा गाडिनु राम्रो भएपनि ती धाराको पानी पिउन योग्य नहुनु चाही नराम्रो भएको उहाँको भनाइ छ । पटेर्वासुगौली गाउँपालिका १ सोनबार्षाका अहमद अन्सारी भन्ने मुस्लीम अगुवाले धारा गाड्ने कामको संयोजन गरिरहेको उहाँले बताउनुभयो ।

कालिका बानिया निर्माण सेवाको लापरबाही, निर्माण सम्पन्न नहुँदै हस्तान्तरण गरिएको हुलाकी सडकमा धाँजा फाट्यो

0

जिराभवानी । निर्माण पूरा नहुँदै नेपाल सरकारलाई हस्तान्तरण गरिएको चमरी ठोरी heaखण्डमा धाँजा फाटेको छ । दुई दिनदेखिको बेमौसमी वर्षाका कारण हुलाकी सडक खण्डमा धाँजा फाटेको हो ।

निर्माण कम्पनीले छिटो सम्पन्न गर्ने बहानामा हतारमा कमसल काम गरेको स्थानीयले आरोप लगाएका छन् । हुलाकी सडकअन्तर्गत पर्साको चमरीहोलदेखि–ठोरीखण्डमा पर्ने ठोरी गाउँपालिका–४ निर्मलबस्तीमा बाटो चिरा परेको हो । पुल नजिकै एकातर्फको भाग चिरा परेर भासिन लागेको स्थानीय नातिकाजी सुनारले जानकारी दिए । ‘हुलाकी निर्माण पूरा भयो भनेर हस्तान्तरण भएको दुई महिना बितेको छ, तर धाँजा फाट्न थालिसकेको छ,’ उनले भने, ‘माटो राम्रोसँग पेलेर माथि पिच गर्नुपर्ने त्यसो गरेको रहेनछ, पानी पर्ने बित्तिकै फाटिएको छ ।

बाटो नै अवरुद्ध हुने स्थिति छ । झण्डै १५ मिटरसम्म धाँजा फाटोको उनको भनाइ छ । हुलाकी सडकको दोस्रो प्याकेज अन्तर्गत ३० किमि लामो खण्ड निर्माणको ठेक्का कालिका बानियाँ जेभीले पाएको थियो । २०७४ कात्तिक १३ मा १ अर्ब १७ करोड रुपैयाँमा ठेक्का सम्झौता भएको काम २०७७ जेठ २ सम्म काम सक्नुपर्ने थियो । लकडाउन तथा अन्य कारणले काम पूरा हुन नसक्दा ६ महिना म्याद थपिएको थियो । त्यस अवधिमा पनि ५ किलोमिटर सडक निर्माण पूरा नहुँदै सडक हस्तान्तरण गरिएपछि स्थानीयले विरोध गरेका थिए ।

मुआब्जा विवाद, मुआब्जा विवादमा अदालतको स्टे–अर्डर, रूख काट्न चितवन राष्ट्रिय निकुञ्जले अनुमति नदिएको र स्थानीयको अवरोधका कारण काम गर्न नसकेको ठेकेदार कम्पनीले बताउँदै आएको छ । ठुटे खोलामा नेपाल र भारतबीचको कुलोका विषयमा विवाद समाधान हुन सकेको छैन ।

पर्साका ७ जनासहित थप ११ जनामा कोरोना संक्रमण

0

वीरगंज। वीरगंजस्थित नारायणी अस्पतालको प्रयोगशालामा शनिबार ७७ जनाको पिसिआर विधिबाट स्वाब नमूना परिक्षण गर्दा ११ जनामा कोरोना भाईरस संक्रमण पुष्टि भएको छ ।

संक्रमित हुनेहरुमा पर्साका ७ जना, बाराका एक जना, रौतहटका दुई जना र सर्लाहीका एक जना रहेको नारायणी अस्पतालका कोभिड संयोजक डा. उदय नारायण सिंहले बताए ।

उनका अनुसार संक्रमित हुनेमा दुई जना महिला र ९ जना पुरुष रहेका छन् । संक्रमितहरु २४ वर्षदेखी ७० वर्ष उमेर समूहका रहेका छन् । उनीहरुको सिटि भ्यालु २३.६ देखि ३३.६ सम्म रहेको छ । पर्साको संक्रमित हुनेहरुमा वीरगंज महानगरपालिकाको वडा नं. ८ का एक जना, वडा नं. ११ का एक जना, वडा नं. २९ का एक जना, पोखरिया नगरपालिकाको वडा नं. ८ का एक जना, बहुदरमाई नगरपालिका वडा नं. २ का एक जना, पटेर्वा सुगौली वडा नं. ४ का एक जना र जगरनाथपुर गाउँपालिका वडा नं. २ का एक जना रहेको नारायणी अस्पतालले जनाएको छ ।