Date
शुक्र, मंसिर ४, २०८३
Fri, November 20, 2026
Home Blog Page 821

गणतन्त्र दिवसमा वीरगंज कारागारबाट १९ कैदी रिहा

0

वीरगंज ।  गणतन्त्र दिवस २०७८ को अवसरमा वीरगंज कारागारमा कैदी जीवन विताई रहेका १९ जना कैदीबन्दी रिहा भएका छन् । विभिन्न मुद्दामा जेल जीवन विताई रहेका र आचरण ठीक भएका १९ जनालाई रिहा गरिएको वीरगंज कारागारका प्रमुख कृष्ण गैरेले बताए ।

कारागकार प्रशासनले ३१ जनाको सिफारिस गरेकोमा राष्ट्रपतिबाट निणर्य भई कैद सजाय मिनहा भएका १९ जना कैदीबन्दीहरुलाई गणतन्त्र दिवसको अवसरमा वीरगंज कारागारका प्रमुख गैरेले अविर टिका लगाई कारागार मुक्त गरेका थिए ।

न्यूनतम ५० प्रतिशत कैद भुक्तान गरिसकेका र कारागार बस्दा बखत असल आचरणमा कारागार जीवन विताई रहेका ३१ जना कैदीहरुको कैद सजाय मिनहाको लागि वीरगंज कारागारले सिफारिस गरेकोमा राष्ट्रपतिबाट निर्णय भई माफी सजाय मिनहा भएका १९ जना कैदीबन्दीहरुलाई कारागार मुक्त गरिएको वीरगंज कारागार प्रमुख गैरेल जानकारी दिए ।

कारागार मुक्त हुनेहरुमा पर्सा जिल्ला वीरगंज महानगरपालिका – ७ निवासी विक्की महतो, वडा नं। १६ निवासी मख्खु भन्ने शेख समिर, वडा नं। १२ निवासी चिनवा भन्ने समिर अख्तर, वडा नं। ३१ निवासी भरत भण्डारी थारु, पर्सागढी नगरपालिका – ४ निवासी मुन्ना भन्ने रवि कुमार साह कानु, तत्कालीन सुवर्णपुर गाविस – ६ निवासी रामलाल विक, सेढवा गाविस – ५ निवासी वृजविहारी महतो, सुर्जाहा – ७ निवासी हरेन्द्र सहनी रहेका छन् भने बारा जिल्ला कलैया उपमहानगरपालिका – २० बारा निवासी नौसाद मियाँ हजाम, वडा नं। ५ निवासी मुकेश कुमार सर्राफ, महानगढीमाई नगरपालिका – ८ निवासी महेश माझी मुसहर, जितपुर सिमरा उपमहानगरपालिका – ७ निवासी कलाम मियाँ, विश्रामपुर गाउँपालिका – ५ निवासी श्रीलाल प्रसाद साह कानु रहेका छन् ।

यसैगरि रौतहट जिल्ला इशनाथ नगरपालिका – ८ औरैया निवासी धर्मेन्द्र पटेल, सर्लाही जिल्ला तत्कालीन भवानीपुर गाविस – ३ निवासी रामप्रताप सहनी, ठेगाना खुल्न नसकेका जीवन भन्ने रामविश्वास महतो, मकवानपुर छतिवन – ४ निवासी जेठा भन्ने पूर्ण बहादुर विश्वकर्मा, सरिखेत पसासे – ८ निवासी सुमन ब्लोन, ज्ञान बहादुर ब्लोन रहेका छन् ।

कारागार मुक्त भएकाहरुलाई अविर टिका लगाएर विदाई गर्दै कारागार प्रमुख गैरेले विगतका कार्यहरुलाई नदोहर्याइ अबको जीवन एउटा असल इमान्दार र अनुशासित व्यक्ति भएर उदाहारणीय काम गर्न अनुरोध गरेका थिए ।

कारागारमुक्त हुनेहरु सवारी ज्यान मुद्दाका कैदी ४ जना, ज्यान मार्ने उद्योग मुद्दाका कैदी १ जना, कर्तव्य ज्यान मुद्दाका कैदी ४ जना, खोटा चलन मुद्दाका कैदी १ जना, कर्तव्य ज्यान डाँका मुद्दाका कैदी २ जना, कर्तव्य ज्यान तथा ज्यान मार्ने उद्योगका कैदी १ जना, गर्भपतन मुद्दाका कैदी १ जना, खुन डाँका ज्यान मार्ने उद्योग मुद्दाका कैदी १ जना, नकवजनी चोरी मुद्दाका कैदी ३ जना तथा दुरसञ्चार प्रणाली मुद्दाका कैदी १ जना रहेका छन् ।

प्रहरी हवलदार यादवद्वारा अध्यक्ष सर्राफमाथी दुर्ववहार

0

वीरगंज । जिल्ला प्रहरी कार्यालय पर्साको प्रवेशद्वारमा बिपद व्यवस्थापन गण प्रदेश नः–२ को टोलीमा कार्यरत प्रहरी सागर यादवले राष्ट्रिय प्रजातन्त्र पार्टी वीरगंज महानगरका अध्यक्ष जलेशवर सरार्फलाई दुर्ववहार गरेका छन् ।

प्रहरी हवलदार यादवले अध्यक्ष सरार्फलाई जेठ ५ गतेका दिन दुर्ववहार गरेका हुन् । एकपटक मात्र होइन पटकपटक प्रहरी हवलदार यादवले गरेको दुर्ववहार सहन नसकेर आफुले जिल्ला प्रहरी कार्यालय, जिल्ला प्रशासन कार्यालय पर्सा, प्रदेश नः–२ प्रहरी कार्यालय लगायतका कार्यालयहरुमा बोधार्थ हुनेगरी उजुरी दिएको पिडित अध्यक्ष सर्राफले बताए ।

उनले प्रहरी हवलदार यादवसंग जिल्ला अदालत पर्सामा आफ्नो मुद्दा चलिरहेका निहुमा दुर्ववहार गरेको वताए ।

अदालतमा विचाराधीन अवस्थामा रहेको मुद्दाका प्रतिवादी प्रहरी हवलदार सागर यादवले वादीसंग गाली गलौज, धाकधम्की लगायतको वादविवाद गर्नु भनेको प्रहरी संगठनलाई बदनाम गर्नु तथा वर्दीको दुरुपयोग गर्नु भएको पिडित सर्राफको भनाई छ ।

उनले त्यही बिषयमा छलफलका लागि जिल्ला प्रहरी कार्यालयले २०७८/०२/१२ गतेका दिन प्रहरी हवलदार यादव र मलाई बोलाएर सोधपुछ गरि पुनः ज्येष्ठ २० गते उपस्थित हुनेगरी तारिखमा बोलाएको जानकारी दिए ।

सम्मानित जिल्ला अदालतमा चलिरहेको मुद्दामा पुनः जिल्ला प्रहरी कार्यालयमा तारिखमा राख्नु विपक्षी प्रहरी हवलदारलाई अझ प्रोत्साहन दिनु र कानुनी राज्यको उपहास तथा विडम्बना पुर्ण बिषय भएको उनले गुनासो गरे ।

छलफलमा मैले बारम्बार ज्येष्ठ ५ गतेको सि.सि.क्यामेराको रेकर्ड निकालेर हेर्दा सबै घटना क्षर्लङ हुने आग्रह गर्दा समेत मेरो कुरालाई केही वास्ता नै नगरी म माथि अन्याय भएको पिडित सरार्फले कालिका टाईम्ससंग बताए ।

राष्ट्रपतिलाई कानुनी कठघरामा उभ्याउन चार संगठनको माग

0

वीरगंज । पर्साका चार राजनितिक दल निकटका युवा संगठनहरुले जेष्ठ ७ गते राति राष्ट्रपति विद्यादेवी भण्डारीले प्रतिनिधिसभा विघटन गरी मन्त्रिपरिषद्को सिफारिसमा नयाँ निर्वाचन घोषणा गरेको घटनाले आम नेपाली युवाहरुको ध्यानाकर्षण भएको जनाएका छन् ।

नेपाल तरुण दल पर्सा, वाइसियल पर्सा, युवा संघ पर्सा र समाजवादी युवा संघ पर्साले संयुक्त रुपमा प्रेस विज्ञप्ती जारी गर्दै प्रधानमन्त्री केपी ओलीले प्रधानमन्त्री पदबाट राजिनामा नै नदिई आफुसँग संसदको विश्वास लिन सक्ने परिस्थिति नरहेको भन्दै संविधानको धारा ७६ (५) को प्रकृया आरम्भ गर्न राष्ट्रपति समक्ष अनुरोध पेश गर्नु र राष्ट्रपति विद्यादेवि भण्डारीले सोही धारा अनुसार प्रधानमन्त्री नियुक्ति प्रायोजनका लागि आधार प्रस्तुत गर्न प्रतिनिधिसभा सदस्यलाई आव्हान गर्नु आफैमा असंवैधानिक कदम भएको ठहर गरेका छन् ।

नेपाल तरुण दल पर्साका सचिव विवेक चौरसिया, वाइसियल पर्साका संयोजक ओमप्रकाश गुप्त, युवा संघ पर्साका अध्यक्ष भुपेन्द्र साह र समाजवादी युवा संघ पर्साका अध्यक्ष गौरव बर्माले विज्ञप्ती जारी गर्दै राष्ट्रपतिको आव्हानकै आधारमा तोकिएकै समयमा नेपाली कांग्रेसका सभापति शेर बहादुर देउवालाई प्रधानमन्त्रीमा प्रस्ताव गर्दै १४९ संसदले दाबी पेश गरे लगत्तै ओलीले आफ्नो पक्षमा बहुमत रहेको फर्जी दावी पेश गरेको बताएका छन् ।

उनीहरुले देशलाई संवैधानिक संकटको दिशामा धकेल्दै राष्ट्रपतिले प्रधानमन्त्रीका लागि गरिएको दावि स्विकार गर्न नसक्ने जानकारी दिनु र प्रधानमन्त्री ओलीलाई संसद विघटनको सिफारिस गर्ने मार्ग प्रसस्त गर्दै असंवैधानिक रुपमा प्रतिनिधिसभा भंग गर्ने सिफारिस राष्ट्रपति कार्यालयबाट तत्काल कार्यान्वयन हुनु संघिय लोकतान्त्रीक गणतन्त्र प्रति प्रहार भएको बताएका छन् ।

जारी प्रेस विज्ञप्ती सुरुदेखि नै पुर्वाग्रह राख्ने ओलीले संवैधानिक संकट निम्त्याउने आफ्नो प्रयत्नलाई दोस्रो पटक संसद विघटन गरेर झन एक कदम अगाडी बढाएका छन । जुन उनको २०७७ पुष ५को असफल संसद विघटनको निरन्तरता मात्र हो ।

ओली बास्तवमा नेपाललाई संवैधानिक संकटको व्यवस्था सृजना गर्दै सिक्किमिकरणको दिशामा लान उद्यत छन् । विदेशी शक्तिकेन्द्रहरुको इच्छा अनुसार नेपालमा अस्थिरता सृजना गर्ने योजना अनुसार यस्तो कदम चालिएको हो भन्नेमा कुनै शंका छैन । दुखको कुरा देशको सर्वोच्च सम्मानिय संस्थाले समेत ओलीका असवैधानिक कदमलाई रवरस्ट्याम्पको रुपमा मतियारी दिदैँ आएको उल्लेख छ ।

संसद विघटन मार्फत संवैधानिक संकट निम्त्याउने ओलीको कदमलाई उनीहरुले घोर भत्सर्ना गर्दै सवै मिलेर कोभिड–१९ ले निम्त्याउने संकटको निवारण गर्ने समयमा चुनावको नाटक गर्दै चालिएको असंवैधानिक कदमका निन्दा गरेका छन् । यसका साथै उनीहरुले राजनीतिक दलहरुलाई पटकपटक संविधानको हत्या गर्ने राष्ट्रपति विद्यादेवि भण्डारीलाई यथाशिघ्र कानुनी कठघरामा उभ्याउन माग माग समेत गरेका छन् ।

यस्तो संकटका बेला अक्षम्य अपराधमा संलग्न भण्डारी तथा ओलीलाई पदमुक्त भईसकेपश्चात समेत कारवाही गर्ने वातावरण राजनीतिक तथा संवैधानिक हिसाबले समेत निर्माण गर्न युवा संगठनहरुको अपिल छ ।

ओलीले चाल्ने हरेक गैरसंवैधानिक र राष्ट्रघाति कदमको डटेर सामना गर्न युवा संगठनहरु आम नेपाली युवाहरुलाई आव्हान गर्दै युवाहरुले इतिहासको कालखण्डमा हरेका तानशाहहरुलाई घुडा टेकाएको स्मरण गराउँदै युवाहरुको संयुक्त संघर्ष मार्फत हरेक मोर्चामा ओलीलाई परास्त गर्दै देशलाई पुनः संवैधानिक व्यवस्था र राजनैतिक स्थायित्वको अवस्थामा पुर्याउन सक्षम रहेको दाबी गरेका छन् ।

भलुवाई खोलामा ठेकेदारको मनोमानी, ओभरलोडले ग्रामीण सडकका यातायात अव्यवस्थित

0

जिराभवानी । पर्साको पर्साराष्ट्रिय निकुञ्ज र सामुदायिक बनसँग सीमा जोडिएका भलुवाई खोला र अरु विभिन्न खोलाहरूबाट मनोमानी ढङ्गले गिट्टी, बालुवा, ढुङ्गा उत्खनन गरेर क्षमताभन्दा बढी ट्याक्टरमा लोड गरी ओसारपसार हुँदा ग्रामीण सडकहरू खाल्डाखुल्डीमा परिणत भएको छ ।

बिश्व कोरोना महामारीको बेलामा रहेकोले भलुवाई खोलामा स्वास्थ मापदण्ड बिपरित हजारौंको संख्यामा दिन्हु जसो ट्रेक्टर र मानिसहरूको भिडभाड हुने गरेको स्थानीयहरुले गुनासो गरे । तर पर्साको जिराभवानी गाउँपालीकामा पर्ने भलुवाई खोलामा दुई महिनाको लागि २९लाख ५५ हजारमा ॐ साई निर्माण सेवा बहुवरी पिडाडीले ठेक्का साकार गरेको गाउँपालीका स्रोतले बताएको छ । ठेकेदारले भलुवाई खोलाबाट जथाभावी मापदण्ड बिपरित गिट्टी, बालुवा, ढुङ्गा उठाउँदा खोला पोखरीजस्तो भएको छ ।

बढी गहिराइमा ढुङ्गा, बालुवा, गिट्टी पुल गाउँबस्ती स्कुल मठमन्दिरको ३०० मिटर वरिपरि उत्खनन गर्ने प्रावधान नभए पनि ठेकेदारले दुईपट्टी गाउँबस्ती रहेकोले वरिपरि उत्खनन गरेको जिल्ला वन कार्यालय, पर्साको संरक्षण तथा सदुपयोग शाखाका प्रमुख बशिष्टनारायण पटेलले बताए । ठेकेदारले खोलामा होर्डिङ्गबोर्ड लगाउनुपर्ने, पूर्जी काटने कर्मचारीलाई पोशाक, परिचयपत्र, ओभरलोड नगर्ने, प्रतिघनफिट नापेर पूर्जी काट्नुपर्ने प्रवधावन भए पनि ठेकेदारले मनपरी कार्य गर्दै आएका छन् ।

टेलरमा जति लोड गरे पनि १ सय ३० घनफिटको रु ५०० काटने गरेका छन् । कुनै टेलरमा १००, १२०, १३५, १४० सम्म अटने हुँदा ठेकेदारले बिना नाप अन्दाजी पुर्जी काटने गरेकोले ओभरलोडको कारण सडक खाल्डाखुल्डीमा परिणत भएको छ । यसबाट यातायातमा समस्या र दुर्घटनाका सम्भावना रहेको स्थानीयवासीले गुनासो गरेका छन् । जिल्ला समन्वय समिति, पर्साले अनुगमन नगर्दा ठेकेदारले जथाभावी कार्य गर्दा प्रकृतिक सम्पदा खतरामा परेको छ । यस विषयमा प्रहरी, प्रशासन, वन, जिल्ला समन्वय समितिको ध्यानाकर्षण हुनुपर्ने स्थानीयवासीको माग छ ।

बिना परिक्षण औषधी चलाउने स्वास्थ्यकर्मीलाई कारबाही हुने

0

वीरगंज । पर्सामा बिरामीको चेकजाँच नगरी अनावश्यक औषधी चलाउने स्वास्थ्यकर्मीलाई कारवाही गरिने भएको छ । जिल्ला समन्वय समिति पर्साका सभापति नेकमहमद अन्सारीको अध्यक्षतामा पर्साका विभिन्न पालिकाका प्रमुख र प्रतिनिधि, राजनीतिक दलका प्रमुख, पर्साका प्रमुख जिल्ला अधिकारी, सुरक्षा निकायका प्रमुखको बैठकले यस्तो निर्णय भएको हो ।

यस्तै, बैठकले महामारी र निषेधाज्ञाको बहानामा बिरामीको अनावश्यक चेकजाँच गरी थुप्रै औषधी दिएर ठगी गर्ने स्वास्थ्यकर्मीलाई पनि कारवाही गर्ने निर्णय गरेको छ । जिल्ला समन्वय समिति पर्साको सभा हलमा बसेको बैठकले मेडिकलमा जाने बिरामीको ज्वरो, बिपि, अक्सिजन परीक्षण गरी अभिलेख राखेर सम्बन्धित स्थानीय तहको नजिकैको स्वास्थ्य संस्थालाई उपलब्ध गराउनु पर्ने निर्णय भएको जिल्ला समन्वय समिति पर्साका सभापति नेकमहमद अन्सारीले जानकारी दिए ।

यस्तै, बैठकले सामान्य ज्वरो तथा खोकी लाग्दा बिना परिक्षण औषधी नदिन पनि स्वास्थ्यकर्मीलाई अनुरोध गरेको छ । मेडिकलहरुले रगतको परीक्षण नगरी टाइफाइड भएको भन्दै एन्टीबायोटिक औषधी दिँदा बिरामीको शरीरमा रियाक्सन भई थप समस्या निम्तिने भएकाले यस्तो निर्णय लिइएको सभापति अन्सारीले बताए । बैठकले सम्पूर्ण स्थानीय तहहरुले स्वास्थ्य प्रोटोकल अनिवार्य रुपमा पालना गर्न र गराउने निर्णय गरेको छ । यस्तै, कोरोनको चेक बे्रक गर्न सम्पूर्ण स्थानीय तहरुले एन्टिजेन परिक्षण, केस इन्भिेष्टिगेसन र कन्ट्याक्ट टेसिगं व्यापक गर्नुपर्ने निर्णय भएको जिसस पर्साका सभापति अन्सारीले जानकारी दिए । यी सबैको कुराको अनुगमन गर्न जिससको नेतृत्वकोे टोली आइतबारदेखि हरेक स्थानीय तहमा जाने सभापति अन्सारीले बताए ।

बैठकमा वीरगंज महानगरपालिकाका मेयर विजय कुमार सरावगी, पोखरिया नगरपालिकाका मेयर दिपनारायण रौनियार, सखुवाप्रसौनी गाउँपालिकाका अध्यक्ष प्रदिप कुमार जैसवाल, धोविनी गाउँपालिकाका अध्यक्ष सुरेश कुर्मी, पर्साका प्रमुख जिल्ला अधिकारी पिताम्बर घिमिरे, प्रमुख प्रहरी उपरिक्षक बेलबहादुर पाण्डे, सशस्त्र प्रहरी उपरिक्षक राजेन्द्र खड्का, राष्ट्रिय अनुसन्धान कार्यालय पर्साका प्रमुख टीका प्रसाद पोखरेल, नारायणी अस्पतालका निमित्त मेडिकल सुपरिटेण्डेण्ट डा. उदयनारायण सिंह, नेपाली कांंग्रेस पर्साका सभापति अजय दुवेदी, जनता समाजवादी पार्टी पर्साका अध्यक्ष रामनरेश यादव लगायतको सहभागिता रहेको थियो ।

निःशूल्क ई–रिक्सा एम्बुलेन्स सेवाबाट १० दिनमा ५० जना लाभान्वित

0

वीरगंज । मारवाडी युवा मञ्च वीरगञ्ज र रेल्वे कटेज वीरगञ्जको सहकार्यमा सञ्चालित निःशूल्क ई रिक्सा एम्बुलेन्स सेवाबाट ५० जनाभन्दा धेरै लाभान्वित भएका छन् । जेठ ४ गते मंगलवारबाट निषेधाज्ञालाई मध्यनजर गर्दै शुरुवात गरिएको सेवाबाट एम्बुलेन्स नपाउने र गरिब तथा विपन्न परिवारहरु लाभान्वित भएका हुन् ।

वीरगंजको नारायणी अस्पताल, नेशनल मेडिकल कलेजको अस्थाई कोभिड अस्पताल, नारायणी वयोद्या अस्पताल, इण्डो हस्पिटल लगायतका अस्पतालहरुमा ई रिक्सा एम्बुलेन्समार्फत बिरामीलाई लिने काम भइरहेको निःशूल्क ई रिक्सा एम्बुलेन्स सेवाका संयोजक ओमप्रकाश सर्राफले बताए ।

वीरगंज बजार क्षेत्रभित्र एम्बुलेन्स नहुँदा ई रिक्सामै भएपनि अस्पताल लैजान सहज होस् भन्नका लागि वीरगञ्ज महानगरपालिका, जिल्ला ट्राफीक प्रहरी कार्यालय पर्साको सहजिकरणमा सेवा शुरु भएको सर्राफको भनाई छ । स्वयमसेवकहरु सञ्ज्य पटेल, किसन सर्राफ लगायतको सहयोगमा सेवा प्रवाह भइरहेको छ ।

वीरगञ्ज बजार क्षेत्रभित्र एम्बुलेनस नपाए अटोमार्फत अस्पताल जानुपर्ने अवस्था आएमा मोवाइल नम्बर ९८०७१८४८०८ र ९८०४२६४००१ मा सम्पर्क गर्न सर्राफले आग्रह गरे ।

वीरगंजमा थप ४ जना कोरोना संक्रमितको मृत्यु

0

वीरगंज । वीरगंजमा उपचाररत थप ४ जना कोरोना संक्रमितको मृत्यु भएको छ । वीरगंजस्थित नारायणी अस्पतालमा २ जना, तराई अस्पताल र वीरगंज हेल्थ केयरमा उपचाररत एक÷एक जनाको मृत्यु भएको हो ।

नारायणी अस्पतालमा उपचाररत पर्साको बहुदरमाई नगरपालिका वडा नम्बर ५ निवासी ३५ वर्षीय पुरुषको मृत्यु भएको छ । जेठ ५ गते कोरोना संक्रमण पुष्टि भएको संक्रमित पुरुषलाई जेठ ९ गते नारायणी अस्पतालमा भर्ना गरिएको थियो । निमुनिया लगायतको स्वास्थ्य समस्या रहेको पुरुष बिहीबार राती १० बजे मृत्यु भएको अस्पतालका कोभिड फोकल पर्सन डा. सरोज रोशन दासले जानकारी दिए ।

यस्तै, तराई अस्पतालमा उपचाररत वीरगंज महानगरपालिका वडा नम्बर १३ निवासी ४८ वर्षीय पुरुषको मृत्यु भएको हो । जेठ ४ गते तराई अस्पतालमा भर्ना भएकी महिलामा जेठ ५ गते एन्टिजोन पोजेटिभ देखिएको थियो भने बिहिबार दिउँसो १२ बजेको उपचारको क्रममा मृत्यु भएको जिल्ला प्रशासन कार्यालय पर्साले जनाएको छ ।

यस्तै, वीरगंज हेल्थ केयरमा उपचाररत वीरगंज महानगरपालिकाको वडा नं. २९ निवासी ६० बर्षीय कोरोना संक्रमित महिलाको मृत्यु भएको छ । स्वास्थ्यमा समस्या आएपछि जेठ ६ गते वीरगंज हेल्थ केयरमा भर्ना भएकी महिलामा जेठ ९ गते पिसिआर विधिबाट परिक्षण गर्दा पोजेटिभ देखिएको थियो । उनको बिहीबार राती ९ बजे मृत्यु भएको जिल्ला प्रशासन कार्यालय पर्साका प्रशासकीय अधिकृत विनय श्रीवास्तवले बताए ।

यस्तै नारायणी अस्पतालमा उपचाररत बाराको सुवर्ण गाउँपालिका वडा नं. ६ निवासी ७० वर्षीय महिलाको मृत्यु भएको छ । जेठ ५ गते कोरोना संक्रमण पुष्टि भएको महिलालाई जेठ ९ गते नारायाणी अस्पतालमा भर्ना गरिएको थियो । निमुनिया लगायतका स्वास्थ्य समस्या देखिएको उनको शुक्रबार बिहान ३ः३० बजे उपचारको क्रममा मृत्यु भएको अस्पतालले जनाएको छ ।

पर्सामा संक्रमितको संख्या घट्दै

0

वीरगंज  । पर्सामा कोरोना संक्रमितको संख्यामा कमी आउन थालेको छ । वीरगंजस्थित नारायणी अस्पतालको प्रयोगशालामा शुक्रबार ८० जनाको पिसिआर विधिबाट गरिएको परिक्षणमा जम्मा १४ जनामा कोरोना संक्रमण फेला परेको छ ।

फेला परेका संक्रमित मध्ये पर्साका ९ जना, बाराका दुई जना, रौतहटका एक जना र सर्लाहीका दुई जना रहेको अस्पतालका कोभिड संयोजक एवम् निमित मेडिकल सुपरिटेन्डेन्ट डा. उदय नारायण सिंहले बताए । उनका अनुसार संक्रमितहरुमध्ये २ जना महिला र १२ जना पुरुष रहेका छन् । संक्रमितहरु २५ वर्षदेखी ८७ वर्ष उमेर समूहका रहेका छन् । उनीहरुको सिटि भ्यालु २१.२ देखी ३३.३ सम्म रहेको छ ।

यस्तै बिहिबार नारायणी अस्पतालमा १ सय ७७ जनाको आरटी–पिसिआर प्रविधिबाट परिक्षण गर्दा ४२ जनामा कोरोना भाईरसको संक्रमण पुष्टि भएको थियो । संक्रमित हुनेमा पर्साका २५ जना, बाराका ११ जना, रौतहट–सर्लाहीका ३÷३ जना र काठमान्डौंका १ जना रहेका थिए ।

यसतै बुधबार नारायणी अस्पतालको प्रयोगशालामा २८२ जनाको पिसिआर बिधिबाट परिक्षण गर्दा ६० जनामा कोरोना भाईरस संक्रमण फेला परेको थियो । जसमध्ये संक्रमित हुनेमा पर्साका २४ जना, बाराका २१ जना, रौतहटका ८ जना, सर्लाहीका ६ जना र ललितपुरका एक जना थिए । 

यो तथ्याङकले संक्रमितको संख्या दिनहु कमी आउन थालेको देखाईरहेको छ ।