Date
शुक्र, मंसिर ४, २०८३
Fri, November 20, 2026
Home Blog Page 819

शिवशक्ति उद्योगद्वारा पौने सात लाखको खाद्यान्न सहयोग

0

वीरगंज । वीरगंज पथलैया आद्योगिक करिडोरमा रहेको शिवशक्ति उद्योग प्रालिले वीरगंज महानगरपालिकालाई पौने सात लाख भन्दा बढीको खाद्यान्न सहयोग गरेको छ ।

कोरोना भाईरस संक्रमण (कोभिड–१९) रोकथाम र नियन्त्रणका लागि जारी गरिएको निषेधाज्ञामा विपन्न तथा गरिब परिवारलाई राहत वितरणका लागि शिवशक्ति उद्योगले खाद्यान्न सामग्री सहयोग गरेको हो ।

राहत स्वरुप उद्योगले ९ टन चामल, १ टन दाल, १ सय लिटर तेल गरी ६ लाख ८९ हजार मूल्य बराबरको खाद्यान्न महानगरपालिकाका नगर प्रमुख विजय कुमार सरावगीलाई मंगलबार उद्योगका प्रतिनिधि महेशजंग पाण्डे लगायतको टोलीले हस्तान्तरण गरे ।

महानगरपालिका परिसरमा नै पुगेर उद्योगका प्रतिनिधिहरुले उक्त परिमाणको खाद्यान्न राहत स्वरुप सहयोग गरेको हो ।

महामारीको संकटका बेला विपन्न गरिब परिवारलाई अभाव हुन नदिन महानगरपालिकाले विभिन्न संघ संस्थालाई निःशुल्क भोजन वितरण गर्दै आएको छ । महानगर क्षेत्रमा सडक पेटीमा अलपत्र परेका र निषेधाज्ञाले प्रभावित परिवारहरुलाई छाक टार्न समस्या भएकाहरुलाई साहिव दरवार सेवा संस्था, समपर्ण सेवा संस्था, रेलवे कटेज, १०० ग्रुप्स लगायतका संस्थाहरुले निःशुल्क भोजन गराई रहेका छन् ।

उनीहरुलाई खाद्यान्न अभाव हुन नदिन महानगरपालिकाले आवश्यक खाद्य सामग्रीहरु उपलब्ध गराउँदै आएको छ ।

शिवशक्ति उद्योग प्रालिले गतबर्ष भएको लकडाउनमा पनि प्रभावित विपन्न परिवारका लागि खाद्य सामग्री सहयोग गरेको थियो । यसपटक पनि लामो समयसम्म निषेधाज्ञा हुँदा आर्थिक रुपमा विपन्न र दैनिक ज्यालादारीमा काम गर्ने मजदुर वर्गहरुलाई भोको बस्न नपरोस भनेर सहयोग गरेको उद्योगका प्रतिनिधि महेशजंग पाण्डेले बताए ।

राहत सहयोग ग्रहण गर्दै महानगरपालिकाका नगर प्रमुख विजय कुमार सरावगीले महासंकटको बेला सहयोग गर्ने सहयोगी दाताहरुलाई धन्यवाद दिदै यस्तो संकटको अवस्थामा एउटाको मात्रै मुख ताकेर नहुने सबैले सकेको सहयोग गरेर कोरोनालाई परास्त गर्नुपर्ने बताए ।

महानगरपालिकाले नगर क्षेत्रमा निषेधाज्ञाबाट प्रभावित गरिब विपन्नहरुलाई वडा वडामा निःशुल्क भोजनको व्यावस्था गर्न वडा अध्यक्षहरुलाई निर्देशन दिईसकिएकाे र त्यसको सोधभर्ना महानगरपालिकाले गर्ने पनि बताए ।

डिवाईसिद्वारा पटेर्वा सुगाैली गापालाई स्वास्थ्य सामग्री सहयाेग

0

वीरगंज । कोरोना माहामारीको दोस्रो भेरियन्ट सहितको संक्रमण नेपाल भर फैलिरहेको अवस्थामा पर्सा जिल्लामा पनि त्यसको प्रभाव उच्च रुपमा परेको अवस्था सबैलाई विधितै छ ।

यस विषम परिस्थितिमा स्थानीय समुदायका सेवाग्राहीहरुले स्थानीय स्वास्थ्य संस्थाहरुमा स्वास्थ्य सुरक्षा सामाग्रिहरुको पुर्ण रुपमा उपलब्धता नभएको कारणले गर्दा सेवाग्रहीहरुलाई सेवा दिन कठिनाई रहेको अवस्थामा पर्साकाे पटेर्वा सुगौली गाउँपालीकासंगको सहकार्यमा कोभिड–१९ को संक्रमणलाई रोकथाम गर्न दिव्य यूवा क्लव र एक्सनएड नेपालको साझेदारमिा संचलनमा रहेको स्थानीय अधिकार कार्यक्रम अन्तर्गत सोहि गाउँपालीकाका ५ ओटा स्वास्थ्य चौकीहरुको लागि स्वास्थ्य सामग्री सहयाेग गरिएकाे छ ।

पि.पि.ई. ५० सेट, सर्जिकल ग्लब्स ५०० थान, सर्जिकल माक्स ५०० थान, सेनिटाइजर २५ लिटर, फेसहेडशिल ५० थान, हेण्डवास ५० थान, डिजिटल थर्मामिटर २० थान तथा अक्सीमिटर ५ थान गरि रु १,९०,९२० रुपैया बरावरको स्वास्थ्य सामाग्री पटेर्वा सुगौली गाउँपालिकाका स्वास्थ्य शाखालाई हस्तान्तरण गरिएको दिव्य युवा क्लबका कार्यकारी निर्देशक रामाकान्त पटेलले वताए ।

त्यस्तै पालिकाले नै स्थापना गरेको आईसोलेसनको लागि पि.पि.ई ३० सेट, सर्जिकल ग्लबस ५०० थान, सर्जिकल माक्स ५०० थान, सेनिटाइजर ३० लिटर, फेसहेड ३० थान, हेण्डवास ३० थान, अक्सीमिटर २ थान, थर्माेगन २ थान बेडसिट ३० पिस तकिया ३०, टावल ३०, पलाष्टिक बाटा ३०, डस्टवीन ३० पिस एन्टीजेन टेस्ट किट १०० थान, सोडियम क्लोरिन ३० लिटर, यूटिलिटी ग्लब्स १० जोडा गरि रु २,७६,३२० रुपैया बराबरको स्वास्थ्य सामाग्री स्थानीय पालिकाका स्वास्थ्य शाखालाई हस्तान्तरण गरिएको उनले जानकारी दिए ।

पटेर्वा सुगौली गाउँपालिकाका उपाध्यक्ष ममता महतो, निमित प्रमुख प्रशासकिय अधिकृत भुजेन्द्र प्रसाद यादव, स्वास्थ्य शाखा प्रमुख जगरनाथ साह, दिब्य युवा क्लबका अध्यक्ष देवनाथ ठाकुर, कार्यकारी निर्देशक रामाकान्त प्रसाद कुर्मी, स्पौंसर संयोजक सुनिल कुमारी भारती तथा लेखा तथा वित संयोजक श्यामकिशोर प्रसाद चौहानको रोहबरमा स्वास्थ्य सामाग्रीहरु हस्तान्तरण गरिएको क्लबले जनाएकाे छ ।

महुवनामा प्रबेशद्वार र स्व. फुलचनकाे शालिक निर्माण हुँदै

0

वीरगंज । पर्साको सखुवाप्रसौनी गाउँपालिका वडा नम्बर ५ महुवनमा प्रबेशद्वार तथा सोही गाउँ निवासी नेपाली कांग्रेस पर्सा क्षेत्र नमबर ३ का महाधिवेशन प्रतिनिधी स्व. फुलचन साह कानुको शालिक निर्माण हुने भएकाे छ ।

बहुदरमाई नगरपालिकाको वडा नम्बर ८ रामनगरी र सखुवाप्रसौनी गाउँपालिकाको वडा नम्बर ५ महुवनको दक्षिणपटि सिमानामा निमार्ण हुने प्रबेशद्वार र शालिककाे मंगलबार एक कार्यक्रमका बिच सखुवाप्रसौनि गाउँपालिकाका अध्यक्ष प्रदिप जयसवालले शुभारम्भ गरेका छन् ।  

शालिक निमार्ण हुने नेपाली कांग्रेसका नेता कानुको २०२३ साल माघ महिनाको २० गते महुवन गाउँमा जन्म भएको थियो । उनको ०६४ साल भदौ ८ गते गोली हानी हत्या गरिएको थियो । कानुकाे हत्याको जिम्मा जन्तान्त्रीक मुक्ति मोर्चाका चौहान सिंह र तुफान सिंहले एक प्रेस बिज्ञप्ती जारी गरी लिएका थिए ।

उनलाई सहिद घोषणा गराउन र शालिक निमार्ण गराउन महुवनका सम्मपुर्ण कांग्रेसी नेता कार्यकर्ता, अगुवा, गाउँका भद्रभलादमीहरु लागी परे पनि नेपाल सरकारले सहिद घोषणा नगर्दा सम्मपुर्ण महुवन बासी नै असंतुष्ट रहेको स्थानिय श्यामबाबु पटेलले बताए ।

सखुवाप्रसौनी गाउँपालिकाको ६ लाखको लागतमा शालिक निमार्ण भईरहेकाे गाउँपालिका अध्यक्ष प्रदिप जयसवालले बताए ।

गाउँपालिका अध्यक्ष जयसवालले नेपाल सरकार र नेपाली कांग्रेस पार्टीले गर्न नसकेको काम सखुवाप्रसौनी गाउँपालिकाले गर्दा गर्व महशुस भएको बताए । 

नेपाली कांग्रेसका महाधिवेशन प्रतिनिधी तथा युवा नेता समेत रहेका स्व. कानु पार्टीको मात्रै होईन हाम्राे क्षेत्र नम्बर ३ भरीको नेता तथा समाजसेवी भएकाे गाउँवासीको भनाई छ । 

शिलान्यास कार्यक्रममा वडाका वडाध्यक्ष, सदस्यहरु, समाजसेवी श्रीराम गिरी, शिव साह, श्यामबाबु पटेल, पुरन यादव लगायत गाउँका दर्जनौ स्थानियहरुको सहभागीतामा रहेकाे थियाे ।

प्रबेशद्वार र स्व. फुलचनकाे शालिक निमार्ण कार्य शुरु भएको सुन्दा महुअवनवासी सहित एकडर्वा, रामनगरी, बलुवा, देवरबाना, शोलकपुर, लखनपुर लगायतका गाउँमा खुशीयाली छाएको लखनपुर निवासी शिव साह तेलीले बताए ।

पर्साका १० सहित थप १८ जनामा काेराेना संक्रमण

0

वीरगंज । पर्साका १० जना सहित वीरगंजमा गरिएकाे परिक्षणमा थप १८ जनामा काेराेना भाइरस संक्रमण पुष्टि भएकाे छ ।

वीरगंजस्थित नारायणी अस्पतालकाे प्रयाेगशालामा साेमबार ९२ जनाकाे पिसिआर विधिबाट गरिएकाे परिक्षणमा १८ जनामा संक्रमण पुष्टि भएकाे अस्पतालकाे काेभिड फाेकल पर्सन डा. सराेज राेशन दासले वताए ।

पर्साका १० जना, बाराका ६ जना र सर्लाहीका २ जनामा काेराेना संक्रमण देखिएकाे उनले जानकारी दिए । उनका अनुसार संक्रमित हुनेमा २ जना महिला र १६ जना पुरुष रहेका छन् । संक्रमितहरु १७ बर्षदेखी ९० बर्ष उमेर समुहका रहेका छन् । उनीहरुकाे सिटि भ्यालु १८.६ देखी ३५.९ सम्म रहेकाे छ ।

पर्साकाे वीरगंज महानगरपालिका वडा नं. २, १० का २/२ जना, वडा नं. ४, १२, १५, २२, पटेर्वा सुगाैली गाउँपालिका वडा नं. ५ का एक जना र बिन्दवासिनी गाउँपालिकाकाे झाैवाका एक जनामा संक्रमण देखिएकाे डा. दासले जानकारी दिए ।

वीरगंजमा निषेधाज्ञा उलघंन गर्नेलाई कारवाही

0

वीरगंज । पर्सामा निषेधाज्ञा उलंघन गर्नेहरुकाे संख्यामा वृद्धि हुन थालेपछि प्रहरीले निषेधाज्ञा उलंघन गर्नेहरुलाई कारवाही गर्न थालेकाे छ ।

प्रहरीले वीरगंजकाे विभिन्न स्थानमा अत्यावश्यक सेवा वाहेकका अन्य मालसामानहरूको पसल संचालन गर्ने र अनावश्यक सवारी साधन चलाउनेहरुलाई नियन्त्रणमा लिएर कारवाही गर्न थालेकाे हाे । जिल्ला प्रहरी कार्यालय पर्साले वीरगंजकाे विभिन्न स्थानमा अत्यावश्यक सेवा वाहेकका अन्य मालसामानहरूको पसल संचालन गर्ने १५ जनालाई साेमबार नियन्त्रणमा लिएकाे थियाे ।  

काेराेना भाईरस नियन्त्रण तथा रोकथामको लागि जिल्ला प्रशासन कार्यालय पर्साले जारी गरेको निषेधाज्ञा उल्लङ्घन गरी पसल संचालन गरेको पाइएकोले उनीहरुलाई नियन्त्रणमा लिई जिल्ला प्रहरी कार्यालयमा ल्याइ अब उप्रान्त निषेधाज्ञा अवधिभर पसल नखोल्ने शर्तमा सम्झाइ बुझाइ गरी छोडिएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

वीरगंजका बालाजी पसलका बन्टीबाबु गुप्ता,  आकाश इन्टरनेशनल पसलका आषिश गुप्ता, डिलाई गो रेष्टुरेन्टका प्रिन्स श्रीवास्तव र सन्देश जैसवाल, श्रेष्ठ टेलर्सका सोनू श्रेष्ठ, पिपा सेन्टरका मनिष गुप्ता, विशाल ट्रेडर्सका सुरज गुप्ता, मितेश ट्रेडर्सका भोला प्रसाद कलवार, नमी ट्रेडर्सका नसिम अख्त्तर, नेहा भिजन ईलेक्ट्रोनिक्सका बलराम प्रसाद सोनार, वीरगञ्ज ईलेक्ट्रोनिक्सका रुपेश कुमार सर्राफ, पायल स्टुडियोका शेख नजिर, बी एण्ड बी होटेलका गोपाल तामाङ र बिकास तामाङलाई सम्झाई बुझाई छोेडिएकाे उनले जानकारी दिए । 

माेटरसाईकललाई दुई हजार र चार पाङ्ग्रे सवारी साधानलाई पांच हजार जरिवाना 

यस्तै, वीरगंजमा विना काम अनावश्यक रुपमा सवारी साधन चलाउनेहरुलाई पनि प्रहरीले कारवाही गरेकाे छ । साेमबार विहान वीरगंजकाे घण्टाघरस्थित मेनराेडमा प्रहरी निरिक्षक दिपेन्द्र श्रेष्ठकाे नेतृत्वमा खटेकाे प्रहरी टाेलीले दर्जनाै माेटर साईकल र चार पांङ्ग्रे सवारी साधनलाई नियन्त्रणमा लिएकाे थियाे ।

प्रहरीले नियन्त्रणमा लिएकाे माेटरसाइकललाई दुई हजार र चार पांग्रे सवारी साधनलाई पांच हजारकाे दरले जरिवाना गरी छाडेकाे थियाे ।   

रेडक्रसद्वारा पाेखरिया नगरपालिकालाई माक्स सहयाेग

0

पाेखरिया । नेपाल रेडक्रस सोसाईटी उप शाखा पोखरिया पर्साले पाेखरिया नगरपालिकालाई स्वास्थ्य सामग्री सहयाेग गरेकाे छ । रेडक्रस पाेखरिया उपशाखाले ५०० पिस सर्जिकल फेस माक्स नगरपालिकालाई सहयाेग गरेकाे हाे ।

रेडक्रस पाेखरिया उपशाखाका सभापति भगवान प्रसाद कुर्मीले नगरपालिकाका मेयर दिपनारायण राैनीयारलाई साे माक्स नगरपालिकाकाे कार्यालयमा पुगी साेमबार हस्तान्तरण गरेका हुन् ।

गरिब, दलित, जनजाती, आदिबासी, पिछडा वर्ग लगायतका ब्यक्तहरुलाई नगरपालीकामार्फत बितरण गर्न नगरपालिकालाई माक्स सहयाेग गरिएकाे रेडक्रस पाेखरियाका सभापती कुर्मीले बताए ।

रेडक्रस पर्सा जिल्ला शाखाद्वारा पर्सा जिल्ला भरी रहेका २४ वटा उपशाखा मार्फत स्थानीय तह, अस्पताल, स्वास्थकर्मी लगायत निकारहरुलाई मास्क वितरण गर्ने कार्यक्रम अनुसार पाेखरिया उपशाखाले पोखरीया नगरपालिकालाई माक्स हस्तान्तरण गरेकाे रेडक्रस पर्साका राजन श्रीवास्तवले जानकारी दिए ।

माक्स हस्तान्तरण कार्यक्रममा रेडक्रस पाेखरिया उपशाखाका कोषाध्यक्ष बिनोद गिरी, नगरपालिकाकाे समाजिक बिकास शाखाका नरेन्द्र साह कानु, नौसाद आलम लगायतकाे उपस्थिती रहेकाे थियाे ।

बोडरमा खटिने स्वयंसेवक र सुरक्षाकर्मीलाई स्वास्थ्य सामाग्री सहयाेग

0

वीरगंज । बोडरमा खटिने स्वयंसेवक, स्वास्थ्यकर्मी, सुरक्षाकर्मी र भारतबाट नेपाल आउने यात्रुहरुको लागि स्वास्थ्य सामाग्री तथा खानेपानी सहयाेग गरिएकाे छ । 

एक्शनएड नेपाल तथा दिब्य युवा क्लब पर्साको संयूक्त साझेदारीमा संचालित स्थानीय अधिकार कार्यक्रम अन्तर्गत सर्जिकल माक्स २५०० थान, सेनिटाइजर २५ लिटर तथा खानेपानीको लागि मिनिरल वाटर २०४० बोतल इनार्वा प्रहरी चाैकीलाई हस्तारन्तण गरिएकाे हाे ।

भारतबाट आउने यात्रुहरुलाई खानेपानीको समस्या र स्वयंसेवक, सुरक्षाकर्मी तथा स्वास्थ्यकर्मीलाई स्वास्थ्य सामाग्रीहरुको समस्यालाई मध्यनजर गर्दै आवश्यक सामग्री सहयाेग गरिएकाे दिव्य युवा क्लबका कार्यकारी निर्देशक रामाकान्त पटेलले वताए ।

जिल्लाको प्रोटेशन क्लष्टरको समन्वयमा वीरगंज महानगरपालिकाको शंकराचार्य गेटमा रहेको ईनार्वा प्रहरी चौकीका प्रमुख पुर्ण प्रसाद दहाल र वीरगंज महानगरपालिकाका स्वास्थ्य शाखाबाट बोडरमा खट्नु भएका ल्याब टेकनिशियन दिपेन्द्र प्रसाद चौरसिया सहितकाे टिमलाई संयूक्त रुपमा स्वास्थ्य सामाग्रीहरु क्लबका कार्यकारी निर्देशक कुर्मीले हस्तानान्तरण गरेका हुन् ।

विश्वलाई नै आक्रान्त पारिरहेको कोरोना भाईरसको दोस्रो महामारिबाट सबै भन्दा बढि संक्रमण भारतमा रहेको छ । भारत र नेपालको खुल्ला सिमाना रहेको कारणले नेपालमा संक्रमण सर्ने उच्च जोखिममा रहेको छ ।

नेपाल सरकारले भारत र नेपालको खुल्ला गरेको नाका मध्ये वीरगंज नाका पनि रहेको छ । वीरगंज नाकाबाट दैनिक रुपमा २५० देखि ३०० सम्म यात्रुहरु वीरगंज आउने गरेका छन् । ति यात्रुहरुलाई वीरगंज महानगरपालिकाले एन्टीजेन टेस्ट किट मार्फत कोरोना टेस्ट गरिरहेकाे छ ।

जसले गर्दा भारतबाट आउने यात्रुहरुलाई खानेपानीको लागि सहज हाेस् र बोडरमा खट्ने स्वयंसेवक, सुरक्षाकर्मी र स्वास्थ्यकर्मीले आफुलाई सुरक्षित महसुस गरुन उद्देश्यले आवश्यक स्वास्थ्य सामग्रही सहयाेग गरिएकाे क्लबका कार्यकारी निर्देशक पटेलले वताए ।

वीरगंजमा थप २५ जनामा कोरोना संक्रमण पुष्टि

0

वीरगंज । वीरगंजस्थित नारायणी अस्पतालको प्रयोगशालमा आईतबार १८३ जनाको पिसिआर बिधिबाट गरिएको परिक्षणमा २५ जनामा कोरोना भाईरस संक्रमण पुष्टि भएको छ । संक्रमण पुष्टि हुनेहरुमा पर्साका १६ जना, बाराका ५ जना, रौतहटका दुई जना र सर्लाहीका दुई जना रहेको नारायणी अस्पतालका कोभिड संयोजक डा. उदयनारायण सिंहले बताए ।

संक्रमित हुनेहरुमा ८ जना महिला र १६ जना पुरुष रहेका छन् । संक्रमितहरु १३ बर्षदेखी ६६ बर्ष उमेर समूहका रहेका छन् । उनीहरुको सिटि भ्यालु १४.८ देखी ३५.८ सम्म रहेको डा. सिंहले जानकारी दिए । पर्साको वीरगंज महानगर पालिका वडा नं. २, १६ का दुई÷दुई जना, वडा नं. ४ का ४ जना, वडा नं. १, ६, ८, १३, १५, १८, २१ का एक÷एक जना र बहुदरमाई नगरपालिका वडा नं. ३ का एक जना संक्रमित भएको नारायणी अस्पतालका कोभिड फोकल पर्सन डा. सरोज रोशन दासले जानकारी दिए ।

यस्तै, बाराको कलैया उपमहानगरपालिका वडा नं. ५ का दुई जना, सिम्रौनगढ नगरपालिका वडा नं ९ का एक जना, आदश कोतवाल गाउँपालिका वडा नं. १ का एक जना र पचरौता नगरपालिका वडा नं. १ का एक जना संक्रमित भएका हुन । यस्तै, रौतहटको गजुरा–८, जयनगर–१, सर्लाहीको बरहथवा–७ र लक्ष्मीपुरका एक÷एक जना संक्रमित भएको डा. सिंहले बताए ।