Date
बिहि, मंसिर ३, २०८३
Thu, November 19, 2026
Home Blog Page 779

बहुदरमाईमा शिशु कक्षाकाे लागि एलईडी टिभी वितरण

0

वीरगंज । पर्साकाे बहुदरमाई नगरपालिकाकाले सामुदायिक विद्यालयका शिशु कक्षाकाे लागि एलईडी टिभी वितरण गरेकाे छ ।

नगरपालिका अन्तर्गतका सामुदायिक विद्यालयहरुको शिशु कक्षाका लागि नगरपालिकाले ३२” को स्मार्ट एलईडी टिभी बितरण गरेकाे श्री ने.रा. आधारभुत विद्यालय सिसियाडीका प्रधानाध्यापक विजय साहले बताए ।

नगरपालिकाका अन्तर्गतका ११ आधारभुत विद्यालय र ६ माध्यमिक विद्यालय गरी १७ सामुदायिक विद्यालयलाई एक-एक थान एलईडी टिभी वितरण गरेकाे प्रधानाध्यापक साहले जानकारी दिए ।

नगरपालिकाले साेमबार एक कार्यक्रमकाे आयाेजना गरि एलईडी टिभीहरु विद्यालयहरुलाई वितरण गरेकाे हाे । बहुअरी पिडरीस्ठित रहेकाे नगरपालिकाकाे बैठक कक्षमा भएकाे कार्यक्रममा मेयर नितेन्द्र साहले सम्बन्धित विद्यालयका प्रधानाध्यपकहरुलाई एलईडी टिभीहरु हटस्तान्तरण गरे ।

टिभीहरु हस्तान्तरण गर्दै मेयर साहले सामुदायिक विद्यालयहरुलाई आधुनिक शिक्षातर्फ आक्रषण गर्न एलईडी टिभीहरु वितरण गरिएकाे वताए । उनले यसका साथै सामुदायिक विद्यालयका सम्पूर्ण आधारभुत आवश्यकताहरु नगरपालिकाले पुरा गर्ने प्रतिवद्धता जनाए ।

एलईडी टिभी हस्तान्तरण कार्यक्रममा वडा नं. २ का वडाध्यक्ष जितेन्द्र पटेल, नगरपालिकाकी महिला विकास अधिकृत पारवती पाैडेल, लेखापाल हरि प्रसाद कुर्मी लगायतकाे उपस्थिती रहेकाे थियाे ।

चन्द्रदर्शन बचतकाे वीरगंजमा शाखा कार्यालय उद्घाटन

0

वीरगंज । चन्द्रदर्शन बचत तथा ऋण सहकारी संस्था लिमिटेडले वीरगंजमा पनि आफ्नाे सेवा संचालनमा ल्याएकाे छ । वीरगंञ्ज ६ आदर्शनगरमा रहेको रुंगटा महलमा कार्यालय स्थापना गरेर संस्थाले आफ्नो सेवा संचालनमा ल्याएकाे हाे । 

वीरगंज महानगरपालिकाका मेयर विजय कुमार सरावगीले एक कार्यक्रमका बिच सहकारी संस्थाकाे कार्यालय उद्घाटन गर्दै सहकारीले बचत संकलन र ऋण लिने दिनेमा मात्रै ध्यान नदिई उत्पादनमुलक क्षेत्रमा पनि लगानी गर्न आग्रह गरे ।

कार्यक्रमका प्रमुख अतिथी समेत रहेका मेयर सरावगीले वीरगञ्जमा साना उद्यमीहरु प्रसस्त रहेकाले उनीहरुसंगको सहकार्यमा उत्पादनमुलक काम गर्न सुझाए ।

जिल्ला प्रहरी कार्यालय पर्साका प्रमुख प्रहरी उपरीक्षक बेलबहादुर पाण्डेले वीरगञ्जमा अवैध वित्तीय कारोबारलाई रोक्न चुनौती रहेको देखिएको भन्दै सहकारीले वित्तीय कारोबारलाई व्यवस्थित बनाउने विश्वास व्यक्त गरे ।

कार्यक्रममा सानोपाइला सहकारी संस्था वीरगञ्जकी प्रमुख तस्विरन खातुनले सहकारीको भिडमा स्थापना भएको चन्द्रदर्शनले छुट्टै पहिचान बनाउन सकोस भन्ने शुभकामना दिए । संस्थाका प्रमुख कार्यकारी अधिकृत राजन पौडेलले वीरगञ्जमा संस्थाको सातौ शाखाको रुपमा कार्यालय स्थापना भएको भन्दै सेवाग्राहीको हितलाई ध्यानमा राखेर आफूहरु सेवा दिन तयार रहेको बताए ।

संस्थामा सदस्य बनेका सेवाग्राहीले जुन सुकै शाखाबाट पैसा राख्न र झिक्न सक्ने व्यवस्था रहेको पनि उहाले जानकारी दिनुभयो ।

संस्थाका अध्यक्ष रन्दीप श्रीवास्तबको सभातित्वमा भएकाे उद्घाटन कार्यक्रममा सहकारी विज्ञ केशव थापा, व्यवसायी मुरलिधर रुगंटा, सुदिर रुंगटा, चन्द्रदर्शन बचत तथा ऋण सहकारी संस्था लिमिटेड नारायणगढका अध्यक्ष प्रतिक्षा रानाभाट, बुधत्व बहुउद्देशिय सहकारि संस्था काठमाडौंका अध्यक्ष राममणि तिमिल्सिना लगायतको उपस्थिति रहेको थियो ।

संस्थाले चितवन बाहेक काठमाण्डौ, भक्तपुरबाट सेवा दिइरहेकोमा आजदेखि वीरगञ्जबाट पनि सेवा सुरु गरेको हो । चन्द्रदर्शनले सेवा सुरु गरेसँगै वीरगञ्जमा मात्रै सहकारी संस्थाको संख्या १ सय ९३ पुगेको छ ।

यसअघि संस्थाले रक्तदान कार्यक्रमको पनि आयोजना गरेको थियो । कार्यक्रममा ३५ जनाले रक्तदान गरेको संस्थाका कार्यकारी अधिकृत राजन पौडेलले जानकारि दिए । कार्यक्रमको संचालन सञ्चारकर्मी निलिमा पौडेलले गरेकी थिइन ।

संविधान दिवसमा वीरगञ्ज कारागारबाट २४ जना कैदी रिहा

0

वीरगञ्ज । सातौं संविधान दिवस २०७८ को अवसरमा वीरगञ्ज कारागारमा कैदी जीवन विताइरहेका मध्ये २४ जना कैदीबन्दी कारागार मुक्त भएका छन् ।

विभिन्न मुद्दामा जेल जीवन विताइरहेका र आचरण ठीक भएका ३० जनाको कारागार प्रशासनले सिफारिस गरेकोमा राष्ट्रपतिबाट निर्णय भई कैद सजाय मिनहा भएका २४ जना कैदीबन्दीहरुलाई संविधान दिवसको अवसरमा वीरगन्ज कारागारका प्रमुख कृष्ण गैरेले अविर टिका लगाई कारागार मुक्त गरेका हुन् ।

न्यूनतम ५० प्रतिशत कैद भुक्तान गरिसकेका र कारागार बस्दा बखत असल आचरणमा कारागार जीवन विताइरहेका ३० जना कैदीहरुको कैद सजाय मिनाहाको लागि वीरगन्ज कारागारले सिफारिस गरेकोमा राष्ट्रपतिबाट निर्णय भई माफी सजाय मिनहा भएका २४ जना कैदीबन्दीहरुलाई कारागार मुक्त गरिएको वीरगञ्ज कारागार प्रमुख कृष्ण गैरेल जानकारी दिए ।

कारागार मुक्त हुनेहरुमा चोरी मुद्दाका अब्दुलजानी हकिम, राजेश साह कानु, सुनिल सहनी मलाह, सवारी ज्यान मुद्दाका जगतनारायण राउत कुर्मी, धर्मेन्द्र पासवान, जोखु राय थारु, कन्हैया प्रसाद कोइरी भन्ने कन्हैया प्रसाद कुशवाहा, अनुप कुमार रुम्बा, कर्तव्य ज्यान मुद्दाका जमुना भन्ने जमुना माझी, लालबहादुर साह तेली, शिवरतन सहनी मलाह, विनोद कुमार चितैने, मिश्रीलाल राउत अहिर, रोकैया खातुन, अमरुलाह मियाँ, शेष इमामुद्दिन रहेका छन् ।

त्यस्तै, ज्यान मार्ने उद्योग मुद्दाका अजमुद्दिन अन्सारी, ज्यान मुद्दाका जग साह तेली, ढेला भन्ने सुनर पासवान रहेका छन् । यसैगरि डाँका मुद्दाका रमेश मुखिया विन, विष्णु दयाल हजरा दुसाद रहेका छन् भने बहु विवाद मुद्दाका दिलराज चौधरी, नकबजनी चोरी मुद्दाका सरोज चौधरी र महम्मद हुसेन आजाद अन्सारी रहेका छन् ।

कारागारमुक्त हुनेहरु चोरी मुद्दाका कैदी ४ जना, सवारी ज्यान मुद्दाका कैदी ५ जना, कर्तव्य ज्यान मुद्दाका कैदी ७ जना, ज्यान मार्ने उद्योग मुद्दाका कैदी २ जना, डाँका मुद्दाका कैदी २ जना, ज्यान मुद्दाका कैदी १ जना, बहु विवाह मुद्दाका कैदी १ जना तथा नकबजनी चोरी मुद्दाका कैदी २ जना गरि २४ जना कैदी कारागार मुक्त भएका छन् ।

चलचित्र पत्रकार संघ पर्साले अन्तरक्रिया कार्यक्रम गर्ने

0

वीरगञ्ज ।  राष्ट्रिय चलचित्र पत्रकार संघ नेपाल पर्सा शाखाको बैठक आइतवार सम्पन्न भएको छ ।

नेपाल पत्रकार महासंघ पर्सा शाखाको सभाहलमा संघकी पर्सा शाखा अध्यक्ष निलिमा पौडेलको अध्यक्षतामा बसेको बैठकले संघका गतिविधिलाई चलायमान बनाउने निर्णय गरेको छ ।

संघ गठन भएपश्चात कोरोना भाइरसको महामारीका कारण गर्न नसकिएका विभिन्न कार्यक्रमहरुलाई अब निरन्तरता दिने निर्णय भएको संघका उपाध्यक्ष विवेक कर्णले जानकारी दिए । उपाध्यक्ष कर्णका अनुसार आजको बैठकले यही असोज महिनामा वीरगञ्जमा सञ्चालित हलका सञ्चालक, वीरगञ्जका चलचित्र निर्माता, कलाकारहरुसँग अन्तरक्रिया कार्यक्रम गर्ने निर्णय गरेको छ ।

वीरगञ्जमा चलचित्रको विगत, वर्तमान र भविष्यको बारेमा समिक्षा गर्ने चलचित्रको क्षेत्रमा देखिएका समस्याहरुको समाधान गर्दै अवसरको सदुपयोग गर्ने उद्देश्यले कार्यक्रमको आयोजना गर्ने निर्णय गरिएको संघका सचिव सूर्यनारायण वि.क.ले बताए ।

त्यसैगरी बैठकले संघको सदस्यता शूल्क संकलन गर्नुका साथै बैंक खाता सञ्चालन गर्ने समेत निर्णय गरेको छ । बैठकमा कोषाध्यक्ष समिना रञ्जितकार, सदस्यहरु शम्भु कुमार सुमन, रन्जित यादव लगायतको उपस्थिती रहेको संघका सचिव वि.क.ले जानकारी दिए । 

विभिन्न अस्पतालले रेफर गरेकाे किशोरीकाे स्पर्शमा सफल उपचार

0

वीरगंज । वीरगन्ज महानगरपालिका वडा नं. १४ बहुअरीस्थित रहेको स्पर्श मल्टि स्पेशलिटि अस्पतालले विच्छुले टोकेर चिन्ताजनक अवस्थामा पुगेकी एक किशोरीको सफल उपचार गरेको छ ।

बारा जिल्लाको निजगढ – ४ निवासी १६ वर्षीय किशोरी एलिजा सुनुवारलाई विच्छुले टोकेर चिन्ताजनक अवस्थामा पु¥याएको १३ दिन पश्चात सफल उपचार गरेको हो । जँगलमा घाँस काट्ने क्रममा विच्छुले टोक्दा निजगढस्थित स्थानीय उपचार सेवा केन्द्रमा उपचार गराई त्यहाँबाट धामी झाँक्री हुँदै वीरगन्जको नेशनल मेडिकल कलेज एवं नारायणी अस्पताल हुँदै स्पर्श अस्पतालमा आइपुगेकी किशोरीलाई स्पर्श अस्पतालका प्रबन्धन निर्देशक डा. महेश्वर कुर्मी र डा. घनश्याम कुमार यादवको टिमले १३ दिन पश्चात उपचार गर्न सफल भएको हो ।

विभिन्न अस्पताल हुँदै स्पर्श अस्पतालमा चिन्ताजनक अवस्थामा आएकी किशोरीलाई ५ दिन भेन्डिलेटरमा राखेर उपचार गर्दा स्वास्थ्यमा सुधार आएपछि चिकित्सकको टिमलाई अब विरामीलाई रिकभर गर्न सकिन्छ भन्नेमा विश्वस्त भएको डा. महेश्वर कुर्मीले जानकारी दिए ।

उनका अनुसार ५ दिन भेन्डिलेटरमा राखेर उपचार पश्चात स्वास्थ्यमा सुधार आएपछि ३ दिन आईसियूमा राखेर एवं ५ दिन वार्डमा राखेर उपचार गर्दै आइतबार (आज) १३ औं दिनसम्म पूर्ण रुपमा उपचार गर्न सफल भएको बताए ।

विभिन्न अस्पतालबाट रेफर भएर आएकी किशोरीको अवस्था एकदमै चिन्ताजनक थियो । साँस फेर्न गाह्रो, मुखबाट ब्लड निस्कनु, सेचुरेशन लेबल ६६ प्रतिशत, बेहोस् अवस्था एवं स्वाँस प्रस्वाँस तिब्र गतिको अवस्थामा किशोरीलाई ल्याइएको थियो भन्दै डा. कुर्मीले अवस्था हेरेर नै चिन्ताजनक थियो तर भेन्डिलेटरमा राखी कृत्तिम स्वाँस प्रस्वाँसलाई नियन्त्रणमा राखेर उपचार गर्दा स्वास्थ्य अवस्थामा सुधार आएपछि अब किशोरीलाई बचाउन सकिने भन्नेमा विश्वस्त भएको बताए ।

यही २०७८ वैशाख २६ गतेदेखि कोरोना महामारीकै बीच संचालनमा आएको उक्त अस्प्तालले छोटो समयमै बढि भन्दा बढि र चिन्ताजनक अवस्थामा विरामीहरुलाई उपचार गर्न सफल भएको डा. कुर्मीको भनाई छ ।

गम्भिर अवस्थामा पुगेका विरामीहरुलाई वीरगन्ज बाहिर रेफर गर्ने परिपाटीलाई अन्त्य गर्दै स्पर्श अस्पतालले सम्पूर्ण रोगको उपचार एकै ठाउँमा हुने गरि सेवा सुविधा विस्तार गर्दै गएको डा. कुर्मीको वताए । अस्पताल भर्खरै संचालनमा आएको हुनाले व्यवस्थापनमा केही कमि कमजोरी भएको हुन सक्ने भन्दै अबको दिनमा व्यवस्थित तरिकाले अस्पतालको व्यवस्थापन गर्दै लैजाने जनाए ।

नेपाल सरकारको मापदण्ड भित्र रहेर यस अस्पतालले हालको लागि २५ वेडको सेवा सुविधा दिदै आएको तर आगामी दिनमा पुनः नेपाल सरकारसँग समन्वय गरि बेड थप्दै यहाँबाट प्रदान गरिने सेवालाई झनै प्रभावकारी बनाउँदै लैजाने डा. कुर्मीले दाबी गरे ।

यस अस्पतालमा ८ जना विशेषज्ञ चिक्सिकहरुको टिमले सेवा दिदै आएको छ । अस्पतालले मेडिशिन, गाइनो, पिडिआ, अर्थो, ग्यास्ट्रो, पल्मो, सर्जरी र न्यूरो सर्जरीको सुविधा दिदै आएको डा. कुर्मीले बताए ।

तेस्रो मधेश आन्दोलन हुन सक्छ : अध्यक्ष ठाकुर

0

वीरगंज । लोकतान्त्रिक समाजबादी पार्टीका राष्ट्रिय अध्यक्ष महन्थ ठाकुरले मधेशी जनताले न्याय नपाएसम्म आफुहरुको आन्दोलन जारी रहने बताएका छन् । पर्साकाे पकहा मैनपुरमा मधेश आन्दोलनका शहिद सत्रुधन पटेलको छैठो स्मृती सभालाई सम्बोधन गर्दै अध्यक्ष ठाकुरले यस्ताे वताएका हुन् ।

अध्यक्ष ठाकुरले संविधान संसोधन मार्फत मधेशी जनताको समनताको अधिकारको लागि राज्यसंग आफुहरुको लडाई रहेको बताउँदै उक्त माँग सम्बोधन नभए जुनसुकै बेला आन्दोलन हुन सक्ने चेतावनी दिए ।

लोकतान्त्रिक सामाजबादी पार्टी पर्साले शहिद सत्रुधन पटेलको गाउँ पकहा चौकमा आयोजना गरेको स्मृती सभामा बोल्दै अध्यक्ष ठाकुरले आफुहरु मुदासंग सम्झौता गरि नेकपा एमालको सरकारलाई मत दिएको समेत प्रष्ट पारे । अध्यक्ष ठाकुरले आफुहरुको माँग पुरा गर्ने जुनसुकै पार्टीको सरकारसंग सहकार्य हुन सक्ने बताए ।

नेपाल बहुल राष्ट्रिय राज्य हो : लोसपा बरिष्ठ नेता महतो

सोही कार्यक्रमलाई सम्बोधन गर्दै लोसपाका बरिष्ठ नेता राजेन्द्र महतोले नेपाल बहुल राष्ट्रिय राज्य भएको बताउँदै देशको शासन प्रणालीमा मधेशी जनताको समानताको अधिकार नभएसम्म आफुहरुको लडाई जारी रहने बताए । नेता महतोले मधेशी जनताको छातीमा गोली हानेर बनाईएको संविधान कुनै कामको समेत नभएको टिप्पणी गर्दै देशमा अहिले पनि पुर्ण लोकतन्त्र नआएको दाबी गरे ।

नेता महतोले एकल जातिय सोचले बर्तमान संबिधान बनेकोले समाबेशी संविधान नबनेसम्म आफुहरु संबिधान दिवस मनाउन नसक्ने जिकिर गरे । नेता महतोले अधिकार सम्पन संघियता आफुहरुको मुख्य मांग रहेको भएपनि केन्द्र सरकारले संघियतालाई पंगु बनाएको समेत टिप्पणी गरे ।

लोकतान्त्रिक सामाजबादी पार्टी पर्साले शहिद सत्रुधन पटेलको गाउँ पकहा चौकमा आयोजना गरेको स्मृती सभामा लोसपाका कार्यकारीणी समिती सदस्य तथा पुर्व मन्त्री लक्षुमनलाल कर्ण, कार्यकारीणी समिती सदस्य तथा प्रदेश नं.२ का पुर्व मन्त्री जितेन्द्र सोनल, प्रदेश सभा सदस्य प्रहलाद गिरी, रमेश पटेल, नेताहरु श्शिकपुर मियाँ, नेजामुदिन समानी, युवा नेता ओमप्रकाश सरार्फ लगायतका नेताहरुले सम्बोधन गरेका थिए ।

अनेरास्ववियू क्रान्तिकारी बाराकाे सम्मेलन सम्पन्न, अध्यक्षमा संदिप र उपाध्यक्षमा दिपेन्द्र चयन

0

वीरगंज । नेकपा माओबादी केन्द्र निकट अनेरास्ववियू (क्रान्तिकारी) बाराकाे १३ औं जिल्ला सम्मेलन आइतबार सम्पन्न भएकाे छ ।कलैयास्थित होटेल करन राज प्यालेसमा भएकाे सम्मेलनले संदिप यादवकाे अध्यक्षतामा ९ सदस्यीय पदाधीकारीसहित ५१ सदस्यीय जिल्ला समिति चयन गरेकाे छ ।

जुन समितिकाे उपाध्यक्षमा दीपेन्द्र यादव, सुमन खुलाल, सचिन कुशवाहा, सफर मन्सुर, सचिवमा जुना घिमिरे सह सचिवमा कृष्ण मोहर सहनी, शशिकान्त चौधरी, कोषाध्यक्ष शुशिल कुमार माली, सह-कोषाध्यक्ष अखिल पटेल लगायतका चयन भएका छन् ।

अनेरास्ववियु क्रान्तिकारी बाराका निबर्तमान अध्यक्ष राजेश्वर कुशवाहाकाे अध्यक्षता र अनेरास्ववियू (क्रान्तिकारी)का केन्द्रीय उपाध्यक्ष रविकिरण यादवकाे प्रमुख आतिथ्यतामा भएकाे कार्यक्रममा नेकपा (माओवादी केन्द्र)का जिल्ला इन्चार्ज गोपाल ठाकुर, जिल्ला संयोजक क्षेत्र बहादुर श्रेष्ठ, प्रदेश सदस्य शिवचन्द्र कुशवाहा, हरि चौलागाई, राजन पौडेल, प्रभु यादव, रविराज दंगाल, अनेरास्ववियू क्रान्तिकारी प्रदेश २ संयोजक-सूर्यनारायण साह, केन्द्रीय सदस्य दिनेश यादव लगायतकाले शुभकामना मन्तव्य राखेका थिए ।

संविधान दिवसमा पत्रकार पासवानसहित पर्साबाट ७ जना विभूषित

0

वीरगंज । संविधान दिवसकाे अवसरमा नेपाल सरकारकाे सिफारिसमा राष्ट्रपतिद्वारा प्रदान गरिने मानपदवी, अलंकार र विभूषणबाट पर्साका ७ जना सम्मानित हुने भएका छन् ।

कोभिड महामारीमा खटेका चिकित्सकदेखि यहाँका व्यवसायी, सामाजिक अभियन्ता, सुरक्षाकर्मी, जनप्रतिनिधि र पत्रकार गरी ७ जना विभूषित हुन लागेका हुन् ।

वीरगञ्ज महानगरपालिकाकी उपप्रमुख शान्ति कार्कीलाई सुकीर्तिमय राष्ट्रदीपबाट विभूषित गर्ने निर्णय सरकारले गरेको छ । ९२ वर्षको उमेरमा पनि सक्रिय रुपमा नागरिकको सेवामा खटिएकी कार्कीलाई सरकारले विभूषित गर्ने निर्णय गरेको हो ।

यस्तै कोभिड महामारीका बेला संक्रमितको उपचारमा खटिएका नारायणी अस्पताल वीरगञ्जका वरिष्ठ चिकित्सक डा.निरज सिंहलाई प्रबल जनसेवाश्री पदवीबाट सम्मानित गर्न लागिएको छ । पर्साका ४ जनाले यो पदवी प्राप्त गरेका छन् ।

लामो समयदेखि पर्सामा सकृय पत्रकारीता गर्दै आएका बृजलाल पासवानले जनसेवाश्री पदवी प्राप्त गर्ने भएका छन् । पासवान वीरगंजबाट संचालित कालिका टाईम्स डट कम र सहरा दैनिक पत्रिकाका सम्पादक हुन् । 

यस्तै, समाजसेवी एवं व्यवसायी संजय कुमार खेतान र समाजसेवी एवं व्यवसायी सत्यनारायण क्याललाई पनि प्रबल जनसेवाश्री पदवीबाट सम्मानित गर्न लागिएको छ ।

पर्सा जिल्लाको सुरक्षा व्यवस्थाको कमाण्ड सम्हालेका जिल्ला प्रहरी कार्यालय पर्साका प्रमुख प्रहरी उपरीक्षक बेलबहादुर पाण्डे पनि प्रबल जनसेवाश्री पुरस्कारबाट सम्मानित हुने भएका छन् ।

जनसेवाश्रीबाट अभियन्ता मुस्कान खातुन पनि सम्मानित हुन लागेकी छिन् । खातुन २०७६ भदौ २० गते एसिड प्रहारबाट घाइते भएकी थिइन् ।

लामो अस्पताल बसाईपछि निको भएकी खातुन अहिले एसिड पीडितको आवाज बन्दै यस्तो अपराधमा संलग्नलाई कारवाही गराउन आवश्यक ऐन कानुन बनाउन दवाब दिँदै आइरहेकी छिन् । खातुनकै दवाबका कारण सरकारले एसिड विक्री वितरणमा कडाइ गर्न एसिड सम्बन्धी अध्यादेश ल्याउनु परेको थियो ।

राष्ट्रपति विद्यादेवी भण्डारीद्वारा शितल निवासमा आयोजित विशेष समारोहमा विभूषण प्रदान गरिने छ ।

नेकपा एसकाे वीरगंज महानगर भेला असाेज १६ गते गर्ने निर्णय

0

वीरगंज । नेकपा एकीकृत समाजबादीको वीरगंज महानगरबाट प्रतिनिधित्व गर्ने जिल्ला कमिटी सदस्यहरुको बैठक आइतबार सम्पन्न भएको छ ।

वीरगंज महानगर कमिटीका अध्यक्ष मनोज चौधरीको अध्यक्षता र जिल्ला अध्यक्ष बालगोपाल थापाको विशेष उपस्थितिमा बसेको बैठकले असोज १६ गते महानगरको बृहत भेला गर्ने निर्णय गरेको छ । बैठकले भेलाको तयारी स्वरूप असोज ०९ गते भित्र ३२ वटेे वडा कमिटीहरु गठन गर्ने समेत निर्णय गरेको नगर अध्यक्ष चौधरीले जानकारी दिए ।

बैठकमा जिल्ला सचिवालय सदस्यहरु बृजलाल पासवान, शंकर कर्ण, गङाधर महतो लगयतको उपस्थिति रहेको जिल्ला कमिटी सदस्य एवं युवा इन्चार्ज अनिल पटेलले वताए ।

बालबालिकाहरुको वनभोज तथा संस्कृति कार्यक्रम सम्पन्न

0

वीरगंज । पर्साकाे पर्सागढी नगरपालिकामा रहेको कोईलाभार मन्दिरमा बालबालिकाहरुको वनभोज तथा संस्कृति कार्यक्रम सम्पन्न् भएकाे छ । एक्सनएड नेपाल तथा दिब्य युवा क्लब पर्साकोे साझेदारीमा पटेर्वा सुगौली गाउँपालिका अन्तर्गतका सबै वडाहरुमा संचालनमा रहेकोे स्थानीय अधिकार कार्यक्रम अन्तर्गत वनभोज तथा संस्कृति कार्यक्रम सम्पन्न भएकाे हाे ।

दिब्य युवा क्लब पर्साकी उपाध्यक्ष सुकमिन देवीको अध्यक्षयतामा भएकाे संस्कृति प्रतियाेगितामा पटेर्वा सुगौली गाउँपालिका वडा नं. २ की प्रियान्का कुमारी प्रथम, वडा नं. ४ की मंगिाता कुमारी दाेस्राे, वडा नं. ५ की दिपिका शर्मा तेस्राे, वडा न. १ की लक्ष्मी कुमारी चाैथाे र वडा न. ३ की सुस्मिता चौधरीले पांचाै स्थान हाँसिल गरेका छन् ।

सबै बिजेताहरुलाई नेपाली ब्याकरण, कोपी तथा कलमले पुरस्कृत गरिएको थियाे ।

कार्यक्रममा स्वागत मन्तब्य स्पौंसर संयोजक सुनिल कुमार भारतीले गरेका थिए भने कार्यक्रमको उदेश्य माथि प्रकाश दिब्य युवा क्लबका कार्यकारी निर्देशक रामाकान्त प्रसाद कुर्मीले पारेका थिए ।

प्रतियोगिता निर्णायक मण्डलमा सामी परियोजनाको परियोजना संयोजक जयनारायण प्रसाद चौधरी, किशोरी शसक्तिकरण लागि शिक्षा कार्यक्रमको वित तथा प्रशासन संयोजक नागेन्द्र प्रसाद र सामी परियोजनाका मनोसामाजिक परामर्शकर्ता निर्मला भण्डारी रहेका थिए ।

कार्यक्रम संचालन गर्नुको मुख्य उदेश्य कार्यक्षेत्रका बालबालिकाहरुलाई मनोरञ्जनका साथै सामुहिक सहभागिताको अवसर प्राप्त हुँदा भोलिको दिनमा एकआपस बिच आफ्नो बालअधिकार प्रति आवाज उठाउन सहयोग पुग्ने रहेकाे दिव्य युवा क्लबका कार्यकारी निर्देशक कुर्मीले जानकारी गराए ।

अतिरिक्त कियाकलापमा रुचि बढ्नुका साथै बालबिकासमा सहयोग गरेको र सामुहिक पिकनिक कार्यक्रम गर्दा कर्मचारी, र्बोड सदस्य, कार्यक्रमका साथीहरुसंग कार्यक्षेत्रका बालबालिकाहरुसंग भेटघाट, चिनजान र आपसी सद्भावको बातावरण सिर्जना भएको उनले  वताए ।

कार्यक्रमकाे अन्तिममा दिब्य युवा क्लबका सचिव जयनारायण प्रसाद कुर्मीले सबै सहभागिहरुलाई धन्यावाद ज्ञापन गरेका थिए ।