Date
बिहि, मंसिर ३, २०८३
Thu, November 19, 2026
Home Blog Page 780

पोखरीमा डुबेर वीरगंजमा दुई किशाेरकाे मृत्यु

0
वीरगंज । पाेखरीमा डुबेर वीरगंजमा दुई किशाेरकाे मृत्यु भएकाे छ । वीरगंज महानगरपालिकाे वडा नं. १२ मुर्लीमा रहेको पोखरीमा डुबेर दुई जनाकाे मृत्यु भएकाे प्रहरीले जनाएकाे छ ।
 
मृत्यु हुनेमा वीरगंज महानगरपालिकाकाे वडा नं. १५ निवासी दिनेश प्रसाद साहका १७ वर्षीय छोरा मुन्ना साह (आशिष् गुप्ता) र सोही ठाउँ निवासी उमेश प्रसाद साहका छोरा १२ वर्षीय प्रितम गुप्ता रहेका छन् ।
 
उनीहरु २ बजे घरबाट खेल्न भनी निस्किएका थिए तर दिउँसो ४ बजेसम्म घर नफर्किएपछि उनीहरुको परिवारजनले हराएको भन्ने शंका गरी आफन्तजन तथा विभिन्न स्थानमा गई सोधपुछ गर्न थालेका थिए । सोही क्रममा सोधपुछ गर्दै जाँदा वडा नं. १२ मा रहेको पोखरी नजिक उनीहरुले लगाएको लुगा तथा चप्पल भेटिएपछि पोखरीमा पौडी खेल्ने क्रममा डुबेको भनी शंका लागी स्थानीय गाउँले तथा प्रहरीको सहयोगले पोखरीमा खोज्दा शनिबर राती उनीहरुको शव फेला परेको थियो ।
 
प्रहरीले पोखरीमा ६ बजे साँझदेखि खोजी गर्दागर्दै ४ घण्टापछि करिब राती १० बजेको समयमा उनीहरुको शव फेला पारेको वडा प्रहरी कार्यालय श्रीपुरले जनाएको छ ।
 
वीरगंजकाे सगरमाथा बोर्डिङ्ग स्कुलको कक्षा ९ मा आशिष गुप्ता र कक्षा ६ मा प्रितम गुप्ता अध्ययनरत थिए । मृत्यु भएका दुबै जना एकै परिवारका हुन् ।
 

त्यस्तै, शनिबार पर्साको बहुदरमाई नगरपालिका–४ स्थित तिलावे नदीमा डुबेर बेपत्ता युवक मृत अवस्थामा फेला परेका छन् । सोही नगरपालिका–२ पिपरा टोल बस्ने २२ वर्षीय श्यामकुमार साह मृत अवस्थामा भेटिएका हुन्।

शनिबार विश्वकर्मा बाबाको मूर्ति सेलाउन गएका बेला नदीमा डुबेर बेपत्ता साहको शव नदीकै झाडीमा अडकेको अवस्थामा फेला परेको जिल्ला प्रहरी कार्यालय पर्साका प्रहरी नायब उपरीक्षक ओमप्रकाश खनालले बताए।

मृतक दुई बालकसहित युवकको शवलाई पोस्टमार्टमको लागि नारायणी अस्पतालमा राखिएको उनले जानकारी दिए ।

संविधान दिवसकाे अवसरमा वीरगंजमा सरसफाई

0

वीरग‌ंज । संबिधान दिवसको अवसरमा वीरग‌ंजकाे चीनी मिल अवास क्षेत्रमा रहेकाे पशुपति मन्दिरमा सरसफाई गिरएकाे छ । सशस्त्र प्रहरी बल नेपाल १३ गणकाे आयाेजना र युवा समाज पिपरा तथा लिंक रोड विकास समितिको सहभािगतामा सरसफाई गरिएकाे हाे ।

सशस्त्र प्रहरी बल नेपाल १३ गणका प्रहरी नायब उपरिक्षक निर्मल थापाकाे नेतृत्वमा भएकाे सरसफाई कार्यक्रममा युवा समाजका अनिल पटेल, पवन पटेल, मुकेश पटेल, धर्मेंद्र पटेल, लिंक रोड पिपरा विकास समितिका अधक्ष हरि गौतम, सचिव ऋषिराज सत्याल, शम्भु चौरसिया, अवध सिंह, राज कुमार पटेल लगयातकाे सहभागिता रहेको थियो।

ओम शिवशक्तिकाे १३ औं वार्षिक साधारण सभा सम्पन्न

0

वीरगंज । ओम शिवशक्ति बचत तथा ऋण सहकारी संस्थाको शनिबार १३औं वार्षिक साधारण सभा सम्पन्न भएको छ । सभाकाे उद्घाटन राष्ट्रिय सहकारी विकास बोर्डका सञ्चालक समिति सदस्य शम्भु गुप्ताले गरेका थिए ।

साधारण सभाकाे उद्घाटन गर्दै गुप्ताले सहकारी संस्थाले हरेक जन्ताको मन जित्न सफल भन्दै बधाई दिए । कार्यक्रमका प्रमुख अतिथी समेत रहेका गुप्ताले कोभिडको समयमा पनि आफ्नो कार्यलाई अगाडि बढाउँदै यस संस्थाले नाफा आर्जन गर्न सफल भएकोमा खुशी व्यक्त गरे ।

उनले अहिलेको अवस्थामा सहकारी एउटा गरिब, निमुखा, दैनिक ज्यालादारी गर्ने व्यक्तिको लागि सहकार्यको भूमिका निभाउन सफल हुँदै आएकोमा सबैलाई बचत गर्न आग्रह गरे । 

कार्यक्रमका विशिष्ट अतिथि नेपाल बार एसोसिएसनका केन्द्रिय उपाध्यक्ष रामचन्द्र सिंह राजपूतले शुभकामन दिदै यस संस्थाले लगानी मात्र होइन कोभिड, हावाहुरीबाट पीडित भएका व्यक्तिलाई संस्थाको तर्फबाट सहयोगगरी सामजिक क्षेत्रमा पनि ठूलो सफलता हासिल गरेकोमा खुशी व्यक्त गरे ।

उनले संस्थाले कम लगानीबाट आम जनताको मन जित्दै आज करोडौंको व्यापार गर्न सफल भएको बताए । जीवनमा बचत पनि अति नै आवश्यक भएकोले बचत गर्न सबलाई आग्रह गरे ।

अर्का विशिष्ट अतिथि समाजसेवी शिवशंकर पटेलले शुभकामना दिदै  संस्थाले आगामी दिनमा पनि अझै आम जनताको सेवामा लाग्न आग्रह गरे । उनले केही सीमित सहकारी संस्थाले गरेको गलत कार्यले गर्दा सेवाग्राही पनि चिन्तित र लगानी डुब्ने डर पनि हुने हुनाले सचेत भएर काम गर्न सुझाए ।

कार्यक्रममा संस्थाका अध्यक्ष अरुण कुमार साहले संस्थाको वार्षिक प्रतवेदन प्रस्तुत गरेका थिए । संस्थाका शाखा इन्चार्ज अनिल कुमार साहले संस्थाले गर्दै आएको कार्यक्रमको बारेमा जानकारी गराएका थिए ।

संस्थाका अध्यक्ष साहकाे अध्यक्षतामा भएकाे कार्यक्रममा संस्थाका सलाहकार कलिस्टर साह कानु, राजेश प्रसाद गुप्ता, मुन्ना तिवारी, संस्थाका सदस्य प्रमोद पटेल लगायत लगानी कर्ताहरुको उपस्थिति रहेको थियो । कार्यक्रममा स्वागत मन्तव्य संस्थाका सदस्य सुरेन्द्र प्रसाद पटेलले गरेकाे कार्यक्रमकाे सञ्चालन उमेश प्रसाद यादवले गरेका थिए ।

जगदम्बा ग्रुपद्वारा ३ चक्के टेम्पाे आयातमा कराेडाैंकाे भन्सार छली

0

वीरगंज । काठमाडौं सुविधानगरस्थित जगदम्बा अटो ग्रुप प्राइभेट लिमिटेडले भारतबाट आयात गर्ने तीन चक्के टेम्पोमा भन्सार छलि गर्ने गरेको पाइएको छ । भारतको चेन्नईस्थित टि.भि.एस. कम्पनीबाट जगदम्बाले आयात गर्ने गरेको तीन चक्के टेम्पोको पार्टस् भनेर एकिकृत जांच चाैकी वीरगंजबाट भन्सार जाँच पास गराई चेसिस र इन्जिन सहितको टेम्पो आयात गर्ने गरेको तथ्य फेला परेको हो ।

भारतबाट सवारीसाधन आयात गर्दा इन्जिन, चेसिस सहितको सवारी साधान आयात गर्दा ३० प्रतिशत भन्सार, ५५ प्रतिशत अन्तत शुल्क र १३ प्रतिशत भ्याट लाग्ने गरेको अवस्थामा पार्टस् भनेर आयात गर्दा अन्तत शुल्कमा ५० प्रतिशत नेपाल सरकारले छुट दिएको मौका छोपी जगदम्बा अटो ग्रुप पार्टस् आयात भनेर चेसिस, इन्जिन सहितको सवारी साधन आयात गरि सफेद तस्करी गर्ने गरेको छ।

भारतबाट पार्टस् आयात गर्नका लागि नेपालस्थित उद्योग दर्ता हुनुपर्नेमा जगदम्बा अटो ग्रुप बाराको सिमरास्थित आफ्नो शाखा स्थापना गरि उद्योग दर्ता गराएको हो । उद्योगले भारतबाट गाडीको सम्पूर्ण पार्टस् अलग अलग आयात गरि यहाँ एसेम्बलिङ्ग (तयारी) गर्नुपर्नेमा बाहिरी भागका केही सामानहरु खोलेर पार्ट्स् मात्रै आयात गर्ने गरेको भनेर भन्सार जाँच पास गराई इन्जिन, चेसिस सहितको टेम्पो आयात गर्ने गरेको हो ।

सवारी साधनको पार्टस् आयात गर्दा सि.के.डि. भनेर भन्सार जाँच पास हुने गरेको छ । यही बिहीबार जगदम्बा ग्रुप सि.के.डि. भनेर ३४ लाख ५७ हजार १ सय ४१ रुपैया बराबरको सवारी साधनको पार्टस् भनेर भन्सार जाँच पास गराई ३० लाख १५ हजार ९ सय ९६ रुपैया राजस्व बुझाएको छ ।

जबकी जुन अवस्थामा सवारी आयात गरिएको छ, त्यससको नेपाल सरकारलाई थप ९ लाख ५० हजार ७ सय १३ रुपैया राजस्व तिर्नुपर्ने हो तर यो राजस्व छलि गरिएको पाइएको छ । जगदम्बाले जसरी इन्जिनि, चेसिस सहितको सवारी आयात गरेको छ, त्यस अनुसार ३९ लाख ६६ हजार ७ सय ९ रुपैया राजस्व तिर्नु पर्ने हो ।

भारतको चेन्नईबाट एम.एच. ४६ ए.एफ. ५२४२ नम्बरको ट्रकमा लोड भएर आएकोे कन्टेनरमा कम्पनीको सिल लागेकै अवस्थामा भन्सार जाँच पास भइसकेको छ । कन्टेनर भित्र पार्टस् छ कि फुल बडी छ, कि अन्य केही सामान छ ? भन्सारका कर्मचारीले चेकजाँच समेत गरेको छैन, सिधै कागजी रुपमा भन्सार जाँच पास गरि दिएको छ ।

यसबारे एकिकृत जाँच चौकी भन्सार प्रमुख हरिहर पौडेलसँग बुझ्दा भन्सार छलिको सूचना आएसँगै टेम्पो लोड गरिएको ट्रकलाई रोकेर चेकजाँचको लागि अधिकृत तोकिएको बताए । भन्सार जाँच पास भइसकेपनि सञ्चारकर्मीहरुलाई सामान हेर्न नमिल्ने भन्दै भन्सार कर्मचारीहरुबाटै अनुसन्धान अधिकृत तोकिएको छ, त्यसभित्र पार्टस् मात्रै हो कि ? इन्जिन, चेसिस सहितको फुल बडी हो ?

त्यो शनिबार विहान १० बजे कन्टेनरको सिल तोडेर चेकजाँच गरिने बताएपनि शनिबार र आइतबार सार्वजनिक विदा भएकोले सोमबार मात्रै कन्टेनर खोलेर चेकजाँच गरिने बताए । प्रज्ञापन पत्रमा उल्लेख भई भन्सार जाँच पास भएको भन्दा अन्य सामान भेटिएकोमा कानून अनुसार कारवाही प्रक्रिया अगाडि बढाइने बताए ।

नेपालमा एसेम्बलिङ्ग गर्ने उद्देश्यले यहाँ संचालित उद्योगहरुले पार्टस् मात्रै आयात गर्दा भन्सार ३० प्रतिशत, भ्याट १३ प्रतिशत तथा अन्तत शुल्क २७.५ प्रतिशत मात्रै लाग्ने गर्छ । स्वदेशमै एसेम्बलिङ्ग गर्न पार्टस् आयात गर्दा नेपाल सरकारले अन्तत शुल्कमा ५० प्रतिशत छुट दिएको छ, त्यही छुटको नाममा जगदम्बाले एकिकृत जाँच चौकी हुँदै खुलेयाम तस्करी गर्ने गरेको छ ।

एउटा ट्रकमा मात्रै जगदम्बाले नेपाल सरकारको ८ लाख २९ हजार ३ सय ९९ रुपैया राजस्व छलि गरेको छ । यस अनुपातमा दैनिक सयौं गाडी भन्सार जाँच पास हुने गरेकोमा भन्सारबाटै कसरी ठूलो परिमाणमा तस्करी भइरहेको छ भन्ने सहजै अनुमान लगाउन सकिन्छ ।

भारतबाट कुनैपनि सामान नेपाल आयात गर्दा एकिकृत जाँच चौकीमा सामानको नमुना चेकजाँच हुने गरेको छ तर यस्ता यस्ता ठुला व्यापारीहरुले भन्सारका कर्मचारीहरुको मिलोमतामो खुलेयाम करोडौं राजस्व छल्ने गरेका छन् ।

भन्सारमा कुनैपनि सामानको नमुना चेकजाँच गर्ने गरिएकोमा यस जगदम्बा अटो ग्रुप कन्टेनर कम्पनीको सिलसमेत नतोडी कसरी भन्सार जाँच पास भयो ? यसबाट भन्सार कर्मचारीको कार्यप्रति शंका उब्जाएको छ ।

नेकपा एसकाे बहुदरमाईमा भेला सम्पन्न, वडाध्यक्षका प्रत्यासी गरे प्रबेश

0

वीरग‌ंज । पर्साकाे बहुदरमाई नगरपालिकामा नेकपा एकिकृत समजवादीकाे नगर भेला सम्पन्न भएकाे छ । भेलाले माेहन यादवकाे अध्यक्षतामा ५५ सदस्यीय नगर कमिटी गठन गरेकाे छ ।

जुन समितिकाे सचिवमा ब्रहमदेव प्रसाद गुप्ता, सदस्यहरुमा अमरदेव पासवान, काशिम अन्सारी, महबुब अन्सारी, बच्चा साह, प्रदिप साह, अच्छेलाल साह गाेढ, ध्रुप साह कानु, राजेन्द्र प्रसाद यादव लगायतका चयन भएका छन् ।

पार्टीका केन्द्रिय सदस्य नागेन्द्र चाैधरीकाे प्रमुख आतिथ्यतामा भएकाे भेलामा प्रदेश सदस्य  किशाेरी कुशवाहा, जिल्ला कमिटी सदस्यहरु अधिवक्ता प्रमाेद साह, सुरेन्द्र जयसवाल, अमिरका साह गाेढ, ध्रुप राय, सुरेन्द्र ठाकुर, साेधा यादव, जयनारायण महताे नुनिया लगायतकाले सुभकामना मन्तव्य राखेका थिए ।

स्वागत मन्तव्य ध्रप राय यादवले गरेकाे कार्यक्रमकाे संचालन चन्द्रिका कलवारले गरेका थिए ।

बहुअरीमा भएकाे कार्यक्रममा तत्कालिन संघिय समाजवादी फाेरमबाट वडाध्यक्षमा चुनाव लडेका बाबुजान अन्सारी र नागेन्द्र यादवले एकिकृत समाजवादीमा प्रबेश गरेका थिए । पार्टी प्रबेश गरेका दुबै जनालाई कार्यक्रमका प्रमुख अतिथी केन्द्रिय सदस्य नागेन्द्र चाैधरीले फुल माला र अबिरकाे टिका लगाएर स्वागत गरेका थिए ।

युवा संघ, पर्साको प्रथम बैठक तथा सपथ ग्रहण सम्पन्न

0

वीरगंज । युवा संघ नेपाल, पर्साको प्रथम बैठक तथा सपथ ग्रहण कार्यक्रम सप्पन्न भएको छ । वीरगंजकाे बसपार्कस्थित होटल हिमालमा भएकाे कार्यक्रममा भुपेन्द्र साहकाे अध्यक्षतामा गठित १२१ सदस्यीय युवा स‌घका जिल्ला समितिका पदाधिकारी तथा सदस्यहरुले सपथ ग्रहण गरेका हुन् ।

नव गठित जिल्ला समितिकाे उपाध्यक्ष श्रीलाल कुशवाहा, सचिव रबि गुप्ता, सह सचिव आकाश पटेल, सदस्यहरुमा मुन्ना चाैधरी, पवन पटेल, अनिल कुमार कुशवाहा, सुनिल कुमार गुप्ता, दिपक साह, अनिश पटेल, रकि खान अ‌‌सारी लगायतका रहेका छन् ।

कार्यक्रमका प्रमुख अतिथी नेकपा एकीकृत समाजबादी पर्साका अध्यक्ष बालगोपाल थपाले एमाले एक जना म, म भन्ने र उनको पछि बा, बा भन्दै चाकरी गर्नेहरुको पार्टीको रुपमा रुपान्तरण भएपछि बिद्रोह गर्दै नेकपा एकीकृत समाजबादी निर्माण भएको बताए ।

अध्यक्ष थापाले एमाले पार्टी पुजीवादीहरुको नियन्त्रणमा गइसकेको हुनाले त्यस पार्टीबाट समाजबादी क्रान्ति सम्भव नरहेकोले सम्पुर्ण क्रान्तिकारीहरुलाई एकीकृत समाजबादी पार्टीमा गोल्बन्द हुन अहवान समेत गरे ।

युवा संघ नेपाल, पर्साका अध्यक्ष भुपेन्द्र साहको अध्यक्षतामा भएकाे कार्यक्रममा एकीकृत समाजबादी पार्टीका वीरगंज माहानगर कमिटीका अध्यक्ष मनोज चौधरी, युवा संघ नेपालका सचीव अरुण यदाव, प्रदेश न.२ का अध्यक्ष अर्जुन सिंह, एकीकृत समाजबादी पार्टीका जिल्ला सचिवालय सदस्य बृजलाल पासवान, युवा संघ नेपालका सचिवालय सदस्य अनिल पटेल लगायतले मन्तव्य ब्यक्त गरेका थिए ।

स्वागत मन्तब्य युवा संघ बिरगंज माहानगर कमिटीका उमेश ठाकुर र संचालन सह – सचिव अकाश पटेल ले गरेका थिए । बिस्तारित बैठक बाट विभिन्न स्थानीय तहहरुको कर्यबिभाजन गरि सकिने युवा संघ नेपालका सचिवालय सदस्य बताए ।

अनेरास्ववियू क्रान्तिकारी पर्साको समिति घोषणामा २७ सदस्यको विमती

0

वीरगंज । नेकपा माओबादी केन्द्र निकट अनेरास्ववियू क्रान्तिकारी पर्साको जिल्ला समिति चयनमा विवाद देखिएको छ ।
समिति चयनको केही समय नवित्दै जिल्लाा अध्यक्षका दाबेदार रहेको संंदिप बिक्रम साह लगायत २७ जना जिल्ला सदस्यले विमती जनाएका छन् ।

उनीहरुले एक प्रेस विज्ञप्ती जारी गर्दै अनेरास्ववियु पर्साको ६ औं अबिधेशनबाट जिल्ला अध्यक्ष बाहेकको अन्य पदाधिकारीहरु सर्वसहमतले चयन भएपनि अध्यक्षमा सहमती जुटन नसकेको जनाएका हुन् ।

अध्यक्ष चयनको लागि अधिवेशनले पार्टीका जिल्ला अध्यक्ष विजय महतो र प्रदेश सदस्य रामदरश कुशवाहालाई जिम्मेवारी दिए पनि उँहाहरु थाहा नदिई केही व्यक्तिहरुले अध्यक्ष सहितको समिति घोषणा गरेकोमा हाम्रो आपती रहेको जारी प्रेस विज्ञप्तीमा उल्लेख गरेका छन् ।

सहमतीबाट चयन हुन नसकेको अध्यक्ष निर्वाचनबाट चयन गर्नु पर्ने अध्यक्षका दाबेदार रहेका संदिप बिक्रम साहले वताए ।

उनीसहित जिल्ला उपाध्यक्ष बब्लु कुशवाहा, सह सचिव लहावर राम, कोषाध्यक्ष सुष्मा चौरसिया, सदस्यहरु रबिन्द्र रौनिया, संजय साह, चन्दन सिंह, प्रियांका यादव, पुजा चौधरी, प्रेम यादव, तुल्सी साह, निसा नेपाली लगायतकाले जारी विज्ञप्तीमा हस्ताक्षर गरेका छन् ।

प्रधानमन्त्री देउवाद्वारा सरकारका १५ काम सार्वजनिक

0
The former Prime Minister of Nepal, Mr. Sher Bahadur Deuba meeting the Union Minister for Commerce & Industry and Textiles, Shri Anand Sharma, in New Delhi on June 13, 2013.

काठमाडौं । प्रधानमन्त्री शेर बहादुर देउवाले विगत दुई महिनाको सरकारको कामको सूची सार्वजनिक गरेको छ । देउवा नेतृत्वको सरकार गठन भएको दुई महिना बितिसक्दा पनि काम प्रभावकारी नभएको भनी आलोचना सुरु भएपछि प्रधानमन्त्रीको निजी सचिवालयले प्रगतिका १५ बुँदे सूची सार्वजनिक गरेको छ ।

प्रधानमन्त्री देउवाले आफू नेतृत्वको सरकारले दुई महिनाभित्र गरेका १५ कामको सूची सार्वजनिक गरेका हुन् । पार्टी र गठबन्धन भित्रै देउवा सरकार असफल बन्दै गएको भन्दै आलोचना हुँदै आएको छ । उक्त आलोचनाहरुलाई चिर्न प्रधानमन्त्री देउवाले आफूले गरेका प्रगति र सुधारको फेहरिस्त सार्वजनिक गरेका हुन् ।

सर्वोच्च अदालतको परमादेशबाट गत असार २९ गते पाँचौं पटक प्रधानमन्त्री पद सम्हालेका देउवाले आफ्ले महत्वपूर्ण उपलब्धी हासिल गरेको पनि दाबी गरेका छन् । प्रधानमन्त्री सचिवालयले शनिबार सार्वजनिक गरेको १५ बुँदे सूचीमा कोरोना भाइरस विरुद्धको अभियान सफल बन्दै गएको र खोपको व्यवस्थापन राम्रो भएको विशेष प्राथमिकताका साथ उल्लेख गरेका छन् ।

कोरोना महामारी नियन्त्रणलाई उच्च प्राथमिकता, योग्य र अनुभवी व्यक्तिलाई सही जिम्मेवारी दिने नीति अनुरुप विद्युत प्राधिकरणमा कुलमान घिसिङ र योजना आयोगमा विश्व पौडेलको नियुक्ति लगायतलाई देउवाले आफ्नो महत्वपूर्ण उपलब्धि ठानेका छन् ।

खोप केन्द्रको चुस्त व्यवस्थापन र एकैदिन तीन लाखलाई खोप दिन सफलता प्राप्त गरेको साथै १८ वर्षमुनिका बालबालिकालाई दिइने ४० लाख मात्रा मोर्डना खोपको टुंगो लागेको सार्वजनिक भएको सूचीमा उल्लेख छ । त्यस्तै कोरोनाबाट प्रभावित अर्थतन्त्र पुनरुत्थानका लागि विशेष प्याकेज ल्याएको प्रधानमन्त्री देउवाले उल्लेख गरेका छन् ।

बाढी पहिरो र डुबान पीडितको युद्धस्तरमा उदार तथा राहत र पुनस्र्थापनालाई प्राथमिकता दिएको तथा कर्मचारी, शिक्षक, सेना, प्रहरी स्वास्थ्य सेवाका कर्मचारीको तलब बृद्धि गरेको पनि सूचीमा उल्लेख गरिएको छ । क्यान्सर, मृगौला र स्पाइनल इन्जुरीका बिरामीलाई मासिक ५ हजार भत्ता, अति विपन्न गरिब घर परिवारलाई दश हजार रुपैयाका दरले राहत वितरण सुरु गरिएको पनि सूचीमा उल्लेख छ ।

राजधानीका दश ठाउँमा सस्तोमा भोजनको व्यवस्था र विद्यार्थी लक्षित ‘पढ्दै कमाउँदै र महिला लक्षित ‘महिला पहिला’ कार्यक्रमलाई उपलब्धी ठानिएको छ । भूमि आयोगको गठन, एमसीसीमा राष्ट्रिय सहमति निर्माणको पहल, प्रमुख प्रतिपक्षी दललाई विश्वासमा लिन अनौपचारिक छलफल र संवाद लगायतका विषय पनि देउवा सरकारको सफलताका रुपमा लिइएको छ ।

अनेरास्ववियु क्रान्तिकारी पर्साको अध्यक्षमा कविराज पटेल चयन

0

वीरगंज । नेकपा माओवादी केन्द्र निकट विद्यार्थी संगठन अनेरास्ववियु क्रान्तिकारी पर्साको अध्यक्षमा कविराज पटेल चयन भएका छन् । अनेरास्ववियु पर्साको छैठौं जिल्ला सम्मेलनको बन्दसत्रबाट पटेलको अध्यक्षतामा ५१ सदस्यीय जिल्ला समिति घोषणा गरिएको हो ।

समितिको बरिष्ठ उपाध्यक्ष हिमाल सागर कुँवर, उपाध्यक्ष बब्लु कुश्वाहा, सोनु शेख, सचिवमा सोयब आलम, सहसचिवमा धर्मेन्द्र पटेल, बबिता साह र लहावर राम चयन भएका छन् । त्यसैगरी कोषाध्यक्षमा सुष्मा चौरसिया सहित ५१ सदस्य चयन भएको अखिल क्रान्तिकारीका केन्द्रीय सदस्य तथा प्रदेश सह–संयोजक प्रभाकर गुप्ताले जानकारी दिए ।

भदौ ३० गते सम्पन्न सम्मेलनको बन्दसत्रमा अन्य पदाधिकारी सर्वसम्मत भएपनि नेतृत्वका लागि दुईजनाको दावी भएपछि सहति जुट्न सकेको थिएन । तत्कालिन संयोजक कबिराज पटेल र सहसंयोजक संदीपविक्रम शाहले नेतृत्वमा दावी गरेपछि चयन हुन सकेको थिएन ।

पार्टी जिल्ला अध्यक्ष विजय महतो, महानगर इन्चार्ज रहबर अन्सारी, प्रदेश समिति सदस्य रामदरश कुश्वाहा र विद्यार्थी संगठनका केन्द्रीय सदस्य एवं प्रदेश सहसंयोजक प्रभाकर गुप्ता, पर्सा इन्चार्ज जुवैर आलम, स्वयंसेवक विभाग प्रदेश २ संयोजक इश्क कुमार लगायतका नेताहरुबीच भएको लामो छलफलपछि पटेललाई अध्यक्षमा चयन गर्ने सहमति जुटेको हो ।

शुक्रबार अबेर राति पटेललाई अध्यक्षमा घोषणा गरिएको केन्द्रीय सदस्य इश्क कुमारले बताए । नेतृत्वमा विवाद देखिएपछि पहिलेकै संयोजकलाई नै अध्यक्ष बनाउने संगठनको केन्द्रीय निर्णय अनुसार नै पटेललाई अध्यक्षमा चयन गरिएको संगठनका केन्द्रीय सदस्य एवं पर्सा इन्चार्ज जुवैर आलमले वताए ।

प्रदेश सांसद कलावारलाई मातृ शाेक

0

वीरगंज । पर्सा निर्वाचन क्षेत्र नं. ४ काे (ख) बाट निर्वाचित प्रदेश सभा सदस्य सिंहासन साह कलवारलाई मातृ शाेक परेकाे छ ।

छिपहरमाई गाउँपालिकाकाे वडा न‌ं. १ भलुवहिया निवासी कलवारकी आमा शिवपती देवि कलवारिनकाे ८३ बर्षको उमेरमा उपचारको क्रममा आज विहान निधन भएको परिवाजनले जनाएका छन् ।

जनता समाजवादी पार्टीका पर्सा जिल्ला इन्चार्ज समेत रहेका सांसद कलवारकी आमाकाे अन्त्येष्टि उनकाे पैतृक गाउँ छिपहरमाई गाउँपालिकाकाे वडा न‌ं. १ भलुवहियामा आजै (शनिबार) अपरान्ह  हुने जनाइएकाे छ ।