Date
बिहि, मंसिर ३, २०८३
Thu, November 19, 2026
Home Blog Page 778

बिन्दवासिनीमा एकिकृत समाजवादीकाे गाउँ कमिटी गठन

0

वीरगंज । नेकपा (एकिकृत समाजवादी) बिन्दवासिनी गाउँपालिकाकाे भेला बिहिबार सम्पन्न भएकाे छ । भेलाले रामतुल्लाह अहमदकाे अध्यक्षतामा पछि १० सदस्यीय थप हुने गरी ४५ सदस्यीय गाउँपालिका कमिटी गठन गरेकाे छ ।

नवगठित गाउँपालिका कमिटीकाे उपाध्यक्षमा छाेटेलाल साह, सचिवमा शिवपुजन प्रसाद चाैरसिया, सह सचिवमा रेणु चाैरसिया, सदस्यहरु धनविर प्रसाद साह, नागेन्द्र राम, धिरज मुखिया विन, प्रधुमन साह तेली, प्रेम मुखिया विन, शाेभा देबी विन, रेणु देबी, मठु महताे, राजेन्द्र प्रसाद साेनार, कमल प्रसाद चाैरसिया, हरि साह लगायतका रहेका छन् ।

राजिन्द्र प्रसाद चाैरसियाकाे अध्यक्षता र पार्टीका जिल्ला अध्यक्ष बालगाेपाल थापाकाे प्रमुख आतिथ्यतामा भएकाे भेलामा प्रदेश सदस्य किशाेरी कुशवाहा, जिल्ला सचिव बिक्रम चाैरसिया, कार्यालय सचिव शंकर कर्ण, सचिवालय सदस्य राघव साह, बृजलाल पासवान, माेहन यादव, रभुनाथ चाैरसिया, जिल्ला सदस्य पशुराम यादव लगायतकाले शुभकामना मन्तव्य राखेका थिए ।  

इलाका प्रहरी कार्यलय भेडियाकाे भवन मन्त्री साहद्वारा उद्घाटन

0

वीरगंज । इलाका प्रहरी कार्यालय भेडिया, सप्तरीको भवन उद्घाटन प्रदेश नं‍. २ का आन्तरिक मामिला तथा संचार मन्त्री भरत प्रसाद साहले गरेका छन् ।

नवनिर्मित भवनकाे उद्घाटन गर्दै मन्त्री साहले प्रहरीकाे सुरक्षित आवासकाे जिम्मेवारी प्रदेश सरकारकाे भएकाे वताए । उनले भने “प्रहरी प्रसासनको ब्यवस्थीत कार्यलाय एवम् आवास हाम्रो प्रमुख जिम्मेवारीहरु मध्यको एक रहेको छ । हामी प्रदेश २ का सम्पुर्ण प्रहरी प्रसासनको कार्यलय एवम् आवास व्यवस्थीत गर्न प्रतिबद्ध छौं ।”

भवन उद्घाटन कार्यक्रममा प्रदेश नं. २ का आन्तरिक मामिला तथा संचार राज्य मन्त्री रुबी कर्ण, प्रदेश सांसद पसमिना कादरी, दिलिप साह, फुलिया देबी सादा, पूर्व सांसद अमर मण्डल, फुलिया देबी, जिल्ला प्रहरी कार्यालय सप्तरीका प्रहरी उपरिक्षक राजेन्द्र प्रसाद धमला, २ नम्बर प्रदेश कार्यालय टिएसटी प्रमुख प्रहरी निरिक्षक चिरन्जिवी प्रसाद महताे लगायतले मन्तव्य राखेका थिए ।

५ कराेड १३ लाखमा इलाका प्रहरी कार्यालयकाे साढे ३ तल्ले भवन निर्माण भएकाे मन्त्री साहका सवकिय सचिव विजय यादवले वताए ।

राष्ट्रिय जनगणनाकाे लागि पर्सामा सुपरिवेक्षकहरु घर सूचीकरण गर्दै

0

वीरगंज । राष्ट्रिय जनगणना २०७८ को पहिलो चरण अन्तर्गत पर्सामा सुपरिवेक्षकहरु घर तथा घरपरिवार सूचीकरण गरिरहेका छन् । पर्साकाे १४ पालिकामा असाेज १ गतेदेखी ७ प्रश्न लिएर सुपरिवेक्षकहरु घरदैलो गर्न थालेका हुन् ।

केन्द्रीय तथ्यांक विभागले १२ औं राष्ट्रिय जनगणनाका निम्ति तयार पारेको प्रश्नावली लिएर पर्सामा १४४ सुपरिवेक्षक घरदैलाेमा पुगेका छन् ।

उनीहरूले जिल्ला भरीका करिब एक लाख घरपरिवारका मुलीलाई भेटेर यी प्रश्न सोध्ने छन् । निर्धारित तालिकाअनुसार सूचीकरण कार्य २० दिनभित्र सम्पन्न हुनेछ । जिल्लाकाे ६ स्थानमा स्थापना गरिएकाे स्थानिय जनगणना कार्यालय मातहत दुई दिने पुनर्ताजगी तालिम दिएर सुपरिवेक्षकहरु खटाइएकाे जिल्ला जनगणना कार्यालय पर्साले जनाएकाे छ ।

आगामी असोज १८ गतेभित्र घर तथा घरपरिवार सूचिकरण सम्पन्न हुने जिल्ला जनगणना अधिकारी केशव ज्ञवालीले वताए । घर तथा घर परिवार सूचिकरणका लागि खटिएका सुपरिवेक्षकहरुले गरेकाे कार्यकाे जिल्ला जनगणना  कार्यालय र स्थानिय जनगणना कार्यालयबाट दिनहुँ अनुगमन भइरहेकाे अधिकारी ज्ञवालीले जानकारी दिए । 

सुपरिवेक्षकहरुले घर तथा घर परिवार सूचिकरण दैनिक प्रगति दिनहु विभागकाे एप्समा अपलाेड गरिरहेका छन् । हाल सम्म ५ दिनमा जिल्लाका अनुमानित २५ हजार घर तथा घर परिवार सूचिकरण भइसकेकाे जिल्ला जनगणना कार्यालय पर्साले जनाएकाे छ ।

गणकले सोध्ने पहिलो प्रश्न, ‘तपाईंको परिवारमा अक्सर बसोबास गर्ने पुरुष, महिला र अन्य लिङ्गीहरूको संख्या कति छ ?’ भन्ने रहेको छ ।

यसैगरी ‘घर वा अन्य प्रकारका घरको प्रयोग कसरी भएको छ ?’ दोस्रो प्रश्न रहेको छ । यसअन्तर्गत व्यक्तिको घर, व्यापार व्यवसाय, सरकारी, शैक्षिक, स्वास्थ्यजन्य, उद्योग तथा कलकारखाना, बैंक तथा वित्तीय संस्था, संस्थागत, होटल तथा लज, गोठ तथा धन्सार र खाली घरहरूको संख्या र प्रयोजन खुलाउने गरेका छन् ।

यस्तै उपभोग गर्दै गरेको कृषियोग्य जग्गाजमिन र परिवारले पालन गरेको पशुपन्छीहरूको संख्या खुलाइने छ । सम्बन्धित परिवारले सरकारी अनुदानअन्तर्गत आवासीय घर निर्माण गरेको छ/छैन भन्ने उल्लेख गरिने छ । घरका सदस्यमध्ये कति जनाको नाममा बैंक वा वित्तीय संस्थामा खाता रहेको भए/नभएको सोधि रहेका छन् ।

सुपरिवेक्षकहरुले भर्ने फाराममा परिवारमा प्राविधिक तथा व्यावसायिक शिक्षा वा तालिम लिएका व्यक्तिको संख्यासमेत उल्लेख गरिएकाे छ । यसका साथै बैंक, सहकारी संस्था वा वित्तीय संस्थाबाट ऋण सुविधा लिए/नलिएको समेत खुलाउनले गरेका छन् । 

विभागले सुपरिवेक्षकलाई घर तथा घरपरिवार सुचिकरण फारम भर्ने, मोबाइल एपमा दैनिक कामको विवरण भर्ने, कृषि उतार फारम भर्ने, घरपरिवार उतार सुचिकरण फारम भर्ने, सामुदायिक प्रश्नावली भर्ने र गणकको अनुगमन गर्ने जिम्मेवारी तोकेको जिल्ला जनगणना अधिकारी ज्ञवालीले जानकारी गराए ।

दोस्रो चरणमा हुने मुख्य जनगणना कार्य आगामी कात्तिक २५ गतेबाट मंसिर ९ गतेभित्र सम्पन्न हुनेछ । त्यसनिम्ति करिब साढे ५ सय गणक थपिने छन् भने सुपरिवेक्षक र कर्मचारीसमेत साथै रहने जनाइएको छ । ‘मेरो जनगणना मेरो सहभागिता’ नारासहित सुरु भएको जनगणनामा समाजका सबै तहतप्काको सहभागिता जनाउन विभागले आग्रह गरेकाे छ ।

जगदम्बा अटो ग्रुपले एउटा कन्टेनरमा १४ लाख भन्सार छलेको पुष्टि

0

वीरगंज । काठमाडौं सुविधानगरस्थित जगदम्बा अटो ग्रुप प्राइभेट लिमिटेडले भारतबाट आयात गर्ने तीन चक्के टेम्पोमा भन्सार छलि गरेको पुष्टि भएकाे छ । भारतको चेन्नईस्थित टि.भि.एस. कम्पनीबाट जगदम्बाले आयात गरेको तीन चक्के टेम्पोमा करिब १४ लाख राजस्व छलि गरेको आरोपमा वीरगन्ज भन्सार कार्यालयले उनको कन्टेनर नियन्त्रणमा लिएको छ ।

तिन चक्के टेम्पोको पार्टस् भनेर भन्सार जाँच पास गराई चेसिस र इन्जिन सहितको टेम्पो आयात गर्ने गरेको विशेष सूचनाको आधारमा एम.एच. ४६ ए.एफ. ५२४२ नम्बरको ट्रकमा लोड रहेको कन्टेनर चेकजाँच गर्दा १३ लाख ८० हजार राजस्व छलेको पाइएको छ ।

भारतबाट सवारीसाधन आयात गर्दा इन्जिन, चेसिस सहितको सवारी साधान आयात गर्दा ३० प्रतिशत भन्सार, ५५ प्रतिशत अन्तत शुल्क र १३ प्रतिशत भ्याट लाग्ने गरेको अवस्थामा पार्टस् भनेर आयात गर्दा अन्तत शुल्कमा ५० प्रतिशत नेपाल सरकारले दिएको छुटलाई गैर कानूनी तरिकाले जगदम्बा अटो ग्रुपले पार्टस् आयात भनेर चेसिस, इन्जिनसहितको सवारी साधन आयात गरेको पाइएको हो ।

सवारी साधनको पार्टस् आयात गर्दा सि.के.डि. भनेर भन्सार जाँच पास हुने गरेको छ । यही बिहीबार जगदम्बा ग्रुपले सि.के.डि. भनेर ३४ लाख ५७ हजार १ सय ४१ रुपैया बराबरको सवारी साधनको पार्टस् भनेर भन्सार जाँच पास गराई ३० लाख १५ हजार ९ सय ९६ रुपैया राजस्व बुझाएको थियो । जबकी जगदम्बाले आयात गरेको इन्जिन, चेसिस सहितको सवारी साधनमा नेपाल सरकारलाई थप १३ लाख ८० हजार राजस्व तिर्नुपर्ने थियो ।

यसले भन्सार एजेन्ट र वीरगन्ज भन्सार कार्यालयको तल्लो तहका कर्मचारीहरुको मिलोमताेमा एउटा कन्टेनर आयातमा जगदम्बाले करिब १४ लाख राजस्व छल्दै आएकाे पुष्टि गरेकाे छ ।

भारतको चेन्नईबाट एम.एच. ४६ ए.एफ. ५२४२ नम्बरको ट्रकमा लोड भएर आएको कन्टेनरमा कम्पनीको सिल लागेकै अवस्थामा भन्सार जाँच पास भएकाे थियो । यही विहीबार जगदम्बाको कन्टेनर सिल लागेकै अवस्थामा पास भएकाे समाचार कालिका टाईम्स लगायत केही संचार माध्यममा आएपछि भन्सार प्रमुख हरिहर पौडेलले उक्त कन्टेनरलाई खोलेर चेकजाँच गर्न भन्सार कर्मचारीलाई निर्देशन दिएका थिए ।

चेकजाँच पश्चात पार्टस् भनेर आयात गरिएको कन्टेनरमा इन्जिन, चेसिस सहितको सवारी भेटिएको भन्सार प्रमुख पौडेलले जानकारी दिए । उनका अनुसार आयातकर्ता कम्पनीले १३ लाख ८० हजार थप राजस्व तिरेर मात्रै कन्टेनर लैजान पाउने बताए ।

सानो तिनो सामान ल्याउँदा राजस्व चुहावट नियन्त्रण गर्ने सशस्त्र प्रहरी एवं नेपाल प्रहरीले नियन्त्रणमा लिएर भन्सार चलान गर्ने गरेको अवस्थामा एकिकृत जाँच चौकी हुँदै दैनिक यस्तै करोडौंको राजस्व चुहावट भइरहेकोप्रति सम्बन्धित उपल्लो निकाय मौन रहेको छ ।

तल तहका कर्मचारीहरुलाई मिलाएर भन्सार एजेण्टहरुले कागजी प्रक्रियामा ठूलठूला गाडीहरुलाई जाँच पास गराउने गरेका छन् । जगदम्बाले नै टेम्पोको पार्टस् भनेर विगत दुई वर्षदेखि इन्जिन, चेसिस सहितको गाडी आयात गर्दै आएको छ । त्यसैले अहिले सम्म जगदङ्गबाले कतिकाे भन्सार छली गरे हाेला ? भन्ने सहजै अनुमान लगाउन सकिन्छ ।

किशोरी सशक्तिकरण परियाेजनाकाे जिल्ला स्तरिय सल्लाहकार बैठक सम्पन्न

0
वीरगंज । पर्सामा संचालित किशोरी सशक्तिकरणका लागि शिक्षा कार्यक्रमको जिल्ला स्तरीय सल्लाहकार बैठक सम्पन्न भएको छ ।
भिएसाे नेपाल र  दिव्य युवा क्लबको साझेदारीमा  जगरनाथपुर र धाेबिनी गाउँपालिकामा संचालित कार्यक्रमकाे बैठक सम्पन्न भएकाे हाे ।
 
वीरगंजस्थित हाेटल भिस्वामा भएकाे बैठकमा परियाेजना संयाेजक गणेश ठकुरीले आर्थिक बर्ष २०७७/०७८ काे प्रगती प्रतिवेदन र आर्थिक बर्ष २०७८/०७९ काे संक्षिप्त कार्य याेजना प्रस्तुत गरेका थिए ।
 
प्रस्तुतीकाे क्रममा उनले सिमान्तकृत तथा अपाङ्गता भएका किशोरिहरुलाई शिक्षामा पहँच बढाउन र सशक्तिकरण गर्ने परियाेजनाकाे लक्षय रहेकाे वताए ।
 
यस्तै, विद्यालय बाहिर रहेका सिमान्तकृत तथा अपाङ्गता भएका किशोरिहरुकोे अभिभावकद्वारा उनीहरुको शिक्षाका लागि गरिने सहयोग बृद्धि गर्ने, औपचारिक र अनौपचारिक कक्षामा उपस्थिति बढाउने, शिक्षकहरुको शिक्षण गुणस्तर सुधार्ने र सिकाइ केन्द्रहरुमा समाबेशी शिक्षाका अभ्यासहरु सुधार्ने परियाेजनाकाे उदेश्य रहेकाे संयाेजक ठकुरीले वताए ।
 
दिव्य युवा क्लबका अध्यक्ष देवनाथ ठाकुरको अध्यक्षता एवम् बीरगन्ज महागरपालिकाकी उपमेयर शान्ति कार्कीको प्रमुख आतिथ्यमा भएको कार्यक्रममा जिल्ला शिक्षा विकास समन्वय एकाई पर्साका प्रमुख फतबहादुर श्रेष्ठ, वीरगंज महानगरपालिकाका शिक्षा महाशाखा प्रमुख अरविन्दलाल कर्ण, भिसओ नेपालकी जिल्ला कार्यक्रम अधिकृत
देवी न्यौपाने, गैरसरकारी संस्था महासंघ नेपाल पर्साका अध्यक्ष छठु साह, नेपाल पत्रकार महासंघ पर्साका उपाध्यक्ष युवराज खड्का, समाजिक अभियन्ता प्रकाश थारु, समाजिक संस्था जिल्ला समन्वय समिति पर्साका महासचिव रामप्रवेश साह लगयातकाले सल्लाह सुझावसहितकाे मन्तव्य राखेका थिए ।
 
कार्यक्रममा स्वागत मन्तव्य दिव्य युवा क्लबका कार्यकारी निर्देशक रामाकान्त प्रसाद कुर्मीले राखेका थिए ।